مرحباً بكم أصدقائي وأحبابي عاشقي القراءة والقصص والروايات حيث نغوص اليوم مع رواية رومانسية مصرية للكاتبة المميزة دعاء عبد الرحمن, وموعدنا اليوم علي موقع قصص 26 مع الفصل التاسع عشر من رواية إغتصاب ولكن تحت سقف واحد - بقلم دعاء عبد الرحمن
 |
رواية إغتصاب ولكن تحت سقف واحد - الفصل التاسع عشر
ﺩﺧﻠﺖ ﺍﻳﻤﺎﻥ ﺣﺠﺮﺗﻬﺎ ﺗﻮﺿﺄﺕ ﻟﺼﻼﺓ ﺍﻟﻌﺸﺎﺀ ... ﺃﺧﺘﺎﺭﺕ ﺟﺎﻧﺒﺎ ﺑﻌﻴﺪﺍ ﻧﺴﺒﻴﺎ ﻓﻰ ﻏﺮﻓﺘﻬﺎ ﻭﻭﻗﻔﺖ ﻟﺼﻼﺓ ﻭﻋﻨﺪ ﺍﻭﻝ ﺳﺠﺪﻩ ﺍﻧﻬﺎﺭ ﺗﻤﺎﺳﻜﻬﺎ ﺑﺸﻜﻞ ﻛﺎﻣﻞ ﻇﻠﺖ ﺗﺒﻜﻰ ﻭﺗﺒﻜﻰ ﻭﺗﺪﻋﻮ ﺍﻟﻠﻪ ﻋﺰﻭﺟﻞ ﺍﻥ ﻳﺼﺮﻑ ﻋﻨﻬﺎ ﺍﻟﻬﻢ ﻭﺍﻟﺤﺰﻥ ﻭﺍﻥ ﻳﻘﺬﻑ ﺣﺒﻬﺎ ﻓﻰ ﻗﻠﺐ ﺯﻭﺟﻬﺎ
ﻛﺎﻧﺖ ﺗﺒﻜﻰ ﻭﺗﺪﻋﻮ ﺑﻤﺮﺍﺭﻩ ﺣﺘﻰ ﺍﻧﺘﻬﺖ ﻣﻦ ﺻﻼﺗﻬﺎ ﻭﻗﺎﻣﺖ ﻟﺘﺼﻠﻰ ﺍﻟﻨﻮﺍﻓﻞ ﻭﺍﺻﺎﺑﻬﺎ ﻣﺎ ﺍﺻﺎﺑﻬﺎ ﻣﺮﻩ ﺍﺧﺮﻯ ﻋﻨﺪ ﺍﻟﺴﺠﻮﺩ ... ﺍﻟﺒﻜﺎﺀ ﻭﺍﻻﻟﻢ ﺗﺬﻛﺮﺕ ﻟﻴﻠﺘﻬﺎ ﺍﻟﻤﺎﺿﻴﻪ ﻛﻴﻒ ﻛﺎﻧﺖ ﻣﺜﻞ ﺍﻯ ﻋﺮﻭﺱ ﻳﻜﺴﻮﻫﺎ ﺍﻟﺨﺠﻞ ﻭﺍﻟﺤﻴﺎﺀ ﺗﺤﺘﺎﺝ ﺍﻟﻰ ﺯﻭﺟﻬﺎ ﻟﻴﻄﻤﺌﻨﻬﺎ ﻭﻟﻜﻨﻪ ﺗﻌﺎﻣﻞ ﻣﻊ ﺧﺠﻠﻬﺎ ﻣﻨﻪ ﺑﺎﻟﻌﺰﻭﻑ ﻋﻨﻬﺎ
ﻫﻮ ﻓﻰ ﺍﻻﺻﻞ ﻟﻢ ﻳﻜﻦ ﻣﻘﺒﻼ ﻋﻠﻴﻬﺎ ﻟﻢ ﻳﻜﻦ ﺷﻐﻮﻓﺎ ﺑﻬﺎ ﻣﺜﻞ ﺍﻯ ﺯﻭﺝ ﻟﻴﻠﺔ ﺍﻟﺒﻨﺎﺀ ..... ﺑﻞ ﻛﺎﻥ ﺍﻻﻣﺮ ﻭﻛﺄﻧﻪ ﺃﺳﺘﻐﻞ ﺣﻴﺎﺋﻬﺎ ﻟﻴﺒﻴﺖ ﻟﻴﻠﺘﻪ ﺑﻌﻴﺪﺍ ﻋﻨﻬﺎ ﻭﺗﺬﻛﺮﺕ ﻛﻴﻒ ﺍﺳﺘﻴﻘﻈﺖ ﺑﺎﻛﺮﺍ ﻟﺘﻮﻗﻈﻪ ﺑﺤﺠﻪ ﺍﻟﺨﺮﻭﺝ ﻣﻊ ﺍﻳﻬﺎﺏ ﻭﻓﺮﺣﻪ .... ﻛﺎﻧﺖ ﺗﺘﺼﻮﺭ ﺍﻧﻪ ﻓﻌﻞ ﺫﻟﻚ ﺑﺎﻻﻣﺲ ﻻﺟﻬﺎﺩﻩ ﺑﺴﺒﺐ ﺍﻟﺴﻔﺮ ﻭﺣﻔﻠﺔ ﺍﻟﺰﻓﺎﻑ ﻭﺳﻴﺘﻐﻴﺮ ﺍﻟﺤﺎﻝ ﺑﻤﺠﺮﺩ ﺍﻥ ﻳﻨﺎﻡ ﻭﻳﺮﺗﺎﺡ
ﻭﻟﻜﻨﻬﺎ ﻭﺟﺪﺕ ﺷﻴﺌﺎ ﺍﺧﺮ ﻟﻢ ﻳﺴﺘﺠﻴﺐ ﻟﻬﺎ ﻭﺭﺩ ﻋﻠﻴﻬﺎ ﻗﺎﺋﻼ : ﻟﻤﺎ ﻳﺠﻮﺍ ﺧﺎﺭﺟﻴﻦ ﺍﺑﻘﻰ ﺻﺤﻴﻨﻰ
ﺃﺧﺬﺗﻬﺎ ﺍﻓﻜﺎﺭﻫﺎ ﻭﻏﻔﻴﺖ ﻭﻫﻰ ﺳﺎﺟﺪﻩ ... ﺩﺧﻞ ﻋﺒﺪ ﺍﻟﺮﺣﻤﻦ ﺍﻟﺤﺠﺮﻩ ﺑﻬﺪﻭﺀ ﻭﻭﻗﻊ ﻋﻠﻴﻬﺎ ﻧﻈﺮﻩ ﻭﻫﻰ ﺳﺎﺟﺪﻩ ﻓﻰ ﺳﻜﻮﻥ ﺑﺪﻝ ﻣﻼﺑﺴﻪ ﻭﺩﺧﻞ ﺍﻟﻰ ﻓﺮﺍﺷﻪ .. ﺍﻧﺘﻈﺮﻫﺎ ﺗﺮﻓﻊ ﻣﻦ ﺳﺠﻮﺩﻫﺎ ﻭﻟﻜﻨﻬﺎ ﻟﻢ ﺗﻔﻌﻞ .. ﺗﻮﻗﻊ ﺍﻧﻬﺎ ﺃﺧﺬﺗﻬﺎ ﻏﻔﻮﻩ ﻓﻰ ﺳﺠﻮﺩﻫﺎ ﺃﻗﺘﺮﺏ ﻣﻨﻬﺎ ﻟﻴﻮﻗﻈﻬﺎ ﻗﺎﺋﻼ
: ﺍﻳﻤﺎﻥ .. ﺍﻳﻤﺎﻥ ﺍﻧﺘﻰ ﻧﻴﻤﺘﻰ ﻭﺍﻧﺘﻰ ﻛﺪﻩ ﻭﻻ ﺍﻳﻪ
ﺍﻧﺘﺒﻬﺖ ﻣﻦ ﻏﻔﻮﺗﻬﺎ ﻭﻧﻬﻀﺖ ﻣﺴﺘﻨﺪﻩ ﺍﻟﻰ ﺫﺭﺍﻋﻪ ﻭﻗﺎﻟﺖ : ﺍﻇﺎﻫﺮ ﺍﻧﻰ ﻧﻤﺖ ﻭﺍﻧﺎ ﺳﺎﺟﺪﻩ
ﻋﺒﺪ ﺍﻟﺮﺣﻤﻦ : ﺷﻜﻠﻚ ﺗﻌﺒﺎﻥ .. ﺗﻌﺎﻟﻰ ﻧﺎﻣﻰ ﻓﻰ ﺳﺮﻳﺮﻙ
ﺧﻠﻌﺖ ﺍﺳﺪﺍﻝ ﺍﻟﺼﻼﺓ ﻭﺍﺳﺘﻠﻘﺖ ﻋﻠﻰ ﺍﻟﻔﺮﺍﺵ ﻭﻟﻢ ﺗﻐﻤﺾ ﻋﻴﻨﻴﻬﺎ .. ﻧﻈﺮ ﺍﻟﻴﻬﺎ ﻗﺎﺋﻼ : ﻣﻨﻤﺘﻴﺶ ﻟﻴﻪ
ﻧﻈﺮﺕ ﺍﻟﻴﻪ ﺑﺎﻧﺘﺒﺎﻩ ﻭﻗﺎﻟﺖ : ﻣﺶ ﺟﺎﻳﻠﻰ ﻧﻮﻡ
ﻋﺒﺪ ﺍﻟﺮﺣﻤﻦ : ﻻ ﻻﺯﻡ ﺗﻨﺎﻣﻰ ﺑﻜﺮﻩ ﺑﺪﺭﻯ ﻋﻨﺪﻧﺎ ﻓﺴﺤﻪ ﺑﺤﺮﻳﻪ ﻣﻦ ﺍﻭﻝ ﺍﻟﻴﻮﻡ ﻭﺍﻳﻬﺎﺏ ﻫﻴﺼﺤﻴﻨﺎ ﻣﻦ ﺍﻟﻔﺠﺮ
....... ﺗﺼﺒﺤﻰ ﻋﻠﻰ ﺧﻴﺮ . ﻭﺍﻏﻤﺾ ﻋﻴﻨﻴﻪ ﻟﻴﻨﺎﻡ
ﻧﻈﺮﺕ ﺍﻟﻴﻪ ﻓﻰ ﺫﻫﻮﻝ ﻟﻢ ﺗﻜﻦ ﺗﺘﻮﻗﻊ ﺭﺩﺍ ﻛﻬﺬﺍ ..... ﺍﻟﻬﺬﻩ ﺍﻟﺪﺭﺟﻪ ﻟﺪﻳﻪ ﻋﺰﻭﻓﺎ ﻣﻨﻬﺎ ﺍﻟﻬﺬﻩ ﺍﻟﺪﺭﺟﻪ ﻻ ﻳﺤﺒﻬﺎ ﻭﻻ ﻳﺸﻌﺮ ﺍﻧﻬﺎ ﺯﻭﺟﺘﻪ .... ﻟﻢ ﻳﻜﻦ ﻫﻨﺎﻙ ﺍﻻ ﺗﻔﺴﻴﺮﺍ ﻭﺍﺣﺪﻩ ﻟﺘﺼﺮﻓﺎﺗﻪ .. ﻟﻘﺪ ﺗﺰﻭﺟﻬﺎ ﺭﻏﻤﺎ ﻋﻨﻪ ﻟﻘﺪ ﺍﺭﻏﻤﻪ ﻭﺍﻟﺪﻩ ﻋﻠﻰ ﺍﻟﺰﻭﺍﺝ ﻣﻨﻬﺎ ﻫﻮ ﻻ ﻳﺮﻳﺪﻫﺎ ........
ﻋﻨﺪﻣﺎ ﻭﺻﻠﺖ ﻟﻬﺬﻩ ﺍﻟﻨﺘﻴﺠﻪ ﺍﻏﻤﻀﺖ ﻋﻴﻨﻴﻬﺎ ﻓﻰ ﺍﻟﻢ ﻭﻗﺮﺭﺕ ﺍﻥ ﺗﺰﻳﻞ ﻋﻨﻪ ﺍﻻﺣﺮﺍﺝ ﺍﻟﺬﻯ ﻭﻗﻊ ﻓﻴﻪ .. ﺳﺘﻜﻮﻥ ﻫﻰ ﺍﻟﺮﺍﻓﻀﺔ ﻟﻪ ﻭﻟﻴﺲ ﺍﻟﻌﻜﺲ ﺣﻔﺎﻇﺎ ﻋﻠﻰ ﻛﺮﺍﻣﺘﻬﺎ
ﻛﺎﻥ ﻳﺘﻈﺎﻫﺮ ﺑﺎﻟﻨﻮﻡ ﻳﻐﻤﺾ ﻋﻴﻨﻴﻪ ﻟﻴﻬﺮﺏ ﻣﻦ ﻧﻈﺮﺍﺗﻬﺎ ﺍﻟﻤﺘﺴﺎﺋﻠﻪ ﻻ ﻳﻌﻠﻢ ﺍﻟﻰ ﻣﺘﻰ ﺍﻟﻬﺮﻭﺏ ﻟﻘﺪ ﻛﺎﻥ ﻳﺘﺼﻮﺭ ﺍﻧﻪ ﺑﻤﺠﺮﺩ ﺍﻥ ﺗﻜﻮﻥ ﺯﻭﺟﺘﻪ ﺳﻴﻌﺘﺎﺩ ﻋﻠﻰ ﻭﺿﻌﻬﺎ ﺍﻟﺠﺪﻳﺪ ﻓﻰ ﺣﻴﺎﺗﻪ ... ﻭﺳﻴﺸﻌﺮ ﺗﺠﺎﻫﻬﺎ ﺑﺎﻟﺤﺐ ﺑﻞ ﺣﺘﻰ ﺍﺿﻌﻒ ﺍﻻﻳﻤﺎﻥ ﺍﻧﻪ ﻛﺎﻥ ﺳﻴﺘﺼﺮﻑ ﺑﺸﻜﻞ ﻃﺒﻴﻌﻰ ﻓﻠﻘﺪ ﺍﺻﺒﺤﺖ ﺯﻭﺟﺘﻪ ﻭﻣﻦ ﺍﻟﻤﻔﺘﺮﺽ ﺍﻥ ﻳﺒﺪﺃ ﺣﻴﺎﺗﻪ ﻣﻌﻬﺎ
ﻭﻫﻞ ﻛﻞ ﺭﺟﻞ ﻳﺘﺰﻭﺝ ﺍﻣﺮﺍﻩ ﻻ ﻳﺤﺒﻬﺎ ﻳﺒﺘﻌﺪ ﻋﻨﻬﺎ ﻫﻜﺬﺍ .... ﺗﺪﻭﺭ ﺍﻟﻜﻠﻤﺎﺕ ﻓﻰ ﻋﻘﻠﻪ ﻻ ﻳﺠﺪ ﻟﻬﺎ ﺗﻔﺴﻴﺮﺍ ﻭﺍﺿﺤﺎ ﺳﻮﻯ ﺍﻧﻪ ﺗﺰﻭﺟﻬﺎ ﺑﺮﻏﺒﺔ ﺍﺑﻴﻪ ﻻ ﺑﺮﻏﺒﺘﻪ ﻫﻮ ﻗﺮﺭ ﺍﻧﻪ ﻓﻰ ﺍﻟﻐﺪ ﻭﺑﻌﺪ ﻋﻮﺩﺗﻬﻢ ﻣﻦ ﺍﻟﺮﺣﻠﻪ ﺍﻟﺒﺤﺮﻳﻪ ﺍﻥ ﻳﺤﺎﻭﻝ ﺍﺫﺍﺑﺔ ﺍﻟﺤﻮﺍﺟﺰ ﺍﻟﺠﻠﻴﻠﺪﻳﻪ ﺍﻟﺘﻰ ﺗﻔﺼﻠﻪ ﻋﻨﻬﺎ
ﻭﻓﻰ ﺍﻟﺼﺒﺎﺡ ﺫﻫﺒﻮﺍ ﺟﻤﻴﻌﺎ ﺍﻟﻰ ﺭﺣﻠﺘﻬﻢ ﺍﻟﺒﺤﺮﻳﻪ ﻛﺎﻧﺖ ﻓﺮﺻﻪ ﺟﻴﺪﻩ ﻻﻳﻤﺎﻥ ﺍﻥ ﺗﺴﺘﻨﺸﻖ ﻫﻮﺍﺀ ﺍﻟﺒﺤﺮ ﻭﺗﺴﺮﺡ ﻓﻰ ﺟﻤﺎﻝ ﺍﻟﻮﺍﻧﻪ ﺍﻟﺼﺎﻓﻴﻪ ﻭﺗﺸﺎﻫﺪ ﺍﻻﺳﻤﺎﻙ ﻋﻦ ﻗﺮﺏ ﻛﺎﻧﺖ ﺗﺤﺘﺎﺝ ﺍﻟﻰ ﻣﺜﻞ ﻫﺬﺍ ﺍﻟﺘﻐﻴﻴﺮ ...... ﺍﻧﺸﻐﻠﺖ ﻓﻰ ﻋﺒﺎﺩﺓ ﺍﻟﺘﻔﻜﺮ ﻓﻰ ﺧﻠﻖ ﺍﻟﻠﻪ ﻭﻫﻰ ﺗﺮﻯ ﻫﺬﻩ ﺍﻟﻤﻨﺎﻇﺮ ﺍﻟﺠﻤﻴﻠﻪ ﻻﻭﻝ ﻣﺮﻩ ﻟﻢ ﺗﻔﺎﺭﻕ ﺷﻔﺘﺎﻫﺎ ﻛﻠﻤﺔ ﺳﺒﺤﺎﻥ ﺍﻟﻠﻪ ... ﻣﻦ ﺟﻤﺎﻝ ﻣﺎ ﺗﺮﻯ
ﺟﻠﺴﺖ ﻓﺮﺣﻪ ﺑﺠﻮﺍﺭﻫﺎ ﻓﻰ ﺳﻌﺎﺩﻩ ﻭﻫﻰ ﺗﻘﻮﻝ : ﺍﻳﻪ ﻳﺎ ﺟﻤﻴﻞ ﻗﺎﻋﺪ ﻟﻮﺣﺪﻙ ﻟﻴﻪ
ﻗﺎﻟﺖ ﺍﻳﻤﺎﻥ ﺑﻤﺰﺍﺡ : ﺍﻧﺎ ﻳﺎﺧﺘﻰ ﻣﺶ ﻗﺎﻋﺪﻩ ﻟﻮﺣﺪﻯ ... ﺍﻟﺴﻤﻚ ﻗﺎﻋﺪ ﻣﻌﺎﻳﺎ
ﺿﺤﻜﺖ ﻓﺮﺣﻪ ﻭﺟﺎﺀ ﺍﻳﻬﺎﺏ ﻳﻠﻒ ﺫﺭﺍﻋﻴﻪ ﺣﻮﻝ ﻛﺘﻔﻴﻬﺎ ﻗﺎﺋﻼ : ﻭﺣﺸﺘﻴﻨﻰ ﺍﻟﺜﻮﺍﻧﻰ ﺩﻭﻝ
ﻧﻈﺮﺕ ﻟﻪ ﺍﻳﻤﺎﻥ ﺑﺤﻨﺎﻥ ﻭﻗﺎﻟﺖ : ﺭﺑﻨﺎ ﻳﺨﻠﻴﻜﻮﺍ ﻟﺒﻌﺾ ... ﻗﺒﻞ ﺭﺍﺳﻬﺎ ﻗﺎﺋﻼ : ﺭﺑﻨﺎ ﻳﺨﺎﻟﻴﻜﻰ ﻟﻴﺎ ﻳﺎ ﺍﻳﻤﺎﻥ ..... ﻭﻻ ﺍﻗﻮﻟﻚ ﻳﺎ ﺳﺘﻰ ﺭﺑﻨﺎ ﻳﺨﺎﻟﻴﻜﻰ ﻟﺠﻮﺯﻙ ﻟﺤﺴﻦ ﻳﺰﻋﻞ ﻣﻨﻰ
ﺭﺳﻤﺖ ﺍﺑﺘﺴﺎﻣﻪ ﻣﺼﻄﻨﻌﻪ ﻋﻠﻰ ﺷﻔﺘﻴﻬﺎ ﻭﻫﻰ ﺗﻘﻮﻝ : ﺍﻩ ﻃﺒﻌﺎ ﻫﻴﺰﻋﻞ ﻛﻮﻳﺲ ﺍﻧﻪ ﻣﺶ ﺳﺎﻣﻌﻚ
ﺍﻳﻬﺎﺏ : ﺍﻧﺘﻰ ﺑﺘﺨﻮﻓﻴﻨﻰ ﺑﺎﻟﺤﻮﺕ ﺑﺘﺎﻋﻚ ﻣﺎﺷﻰ ﻳﺎ ﺍﻳﻤﺎﻥ ﺛﻢ ﻧﺎﺩﻯ ﻋﻠﻰ ﻋﺒﺪ ﺍﻟﺮﺣﻤﻦ ﺑﺼﻮﺕ ﻋﺎﻟﻰ ﺟﺪﺍ ﺍﻧﺖ ﻳﺎﻋﻢ ﺍﻟﺤﻮﺕ ﺳﺎﻳﺐ ﺍﻟﺤﻮﺗﻪ ﺑﺘﺎﻋﺘﻚ ﻟﻮﺣﺪﻫﺎ ﻟﻴﻪ
ﺍﻗﺘﺮﺏ ﻋﺒﺪ ﺍﻟﺮﺣﻤﻦ ﺿﺎﺣﻜﺎ ﻭﻫﻮ ﻳﻘﻮﻝ : ﺣﻮﺗﻪ ... ﻟﻐﺖﻙ ﺍﻟﻌﺮﺑﻴﻪ ﻓﻮﻕ ﺍﻟﻮﺻﻒ ﻳﺎ ﺍﻳﻬﺎﺏ
ﻗﺎﻟﺖ ﻓﺮﺣﻪ ﺑﻄﻔﻮﻟﻴﻪ ﻭﻫﻰ ﺗﻀﻊ ﻳﺪﻳﻬﺎ ﻓﻰ ﺧﺼﺮﻫﺎ : ﻟﻮ ﺳﻤﺤﺖ ﻣﺘﺘﺮﻳﻘﺶ ﻋﻠﻰ ﺟﻮﺯﻯ
ﻇﻞ ﻋﺒﺪ ﺍﻟﺮﺣﻤﻦ ﻳﻤﺎﺯﺣﻬﺎ ﻭﻳﺪﻓﻌﻬﺎ ﻭﺗﺪﻓﻌﻪ .... ﻓﻰ ﺣﻴﻦ ﺍﻗﺘﺮﺏ ﺍﻳﻬﺎﺏ ﻣﻦ ﺍﻳﻤﺎﻥ ﻭﻫﻤﺲ ﻓﻰ ﺃﺫﻧﻬﺎ ﺑﻼﺵ ﺗﺘﺼﻨﻌﻰ ﺍﻟﺴﻌﺎﺩﻩ ﺗﺎﻧﻰ ﻗﺪﺍﻣﻰ .. ﻣﺘﻨﺴﻴﺶ ﺍﻧﻰ ﺑﺤﺲ ﺑﻴﻜﻰ
ﻧﻈﺮﺕ ﻟﻪ ﻓﻰ ﺗﻮﺗﺮ ﺛﻢ ﺍﻧﺰﻟﺖ ﻧﻈﺎﺭﺗﻬﺎ ﺍﻟﺸﻤﺴﻴﻪ ﻋﻠﻰ ﻋﻴﻨﻴﻬﺎ ﻭﻫﻰ ﺗﻘﻮﻝ ﻫﺘﻌﻤﻠﻰ ﻓﻴﻬﺎ ﻛﺮﻭﻣﺒﻮ ﻳﺎﻻ ﻳﺎﺑﻨﻰ ﺭﻭﺡ ﺷﻮﻑ ﻣﺮﺍﺗﻚ
ﺃﻣﺴﻜﻬﺎ ﺍﻳﻬﺎﺏ ﻣﻦ ﺫﺭﺍﻋﻬﺎ ﺑﻘﻮﻩ ﻭﺍﻟﻘﺎﻫﺎ ﻓﻰ ﺍﺗﺠﺎﻩ ﻋﺒﺪ ﺍﻟﺮﺣﻤﻦ ﻭﻫﻮ ﻳﻘﻮﻝ ﻟﻪ : ﺧﺪ ﻳﺎﻋﻢ ﻣﺮﺍﺗﻚ ﺩﻯ .. ﺗﻠﻘﻰ ﻋﺒﺪ ﺍﻟﺮﺣﻤﻦ ﺍﻳﻤﺎﻥ ﺑﻴﻦ ﺫﺭﺍﻋﻴﻪ ﻭﺃﺷﺎﺭ ﺍﻟﻰ ﺍﻳﻬﺎﺏ ﺍﺷﺎﺭﻩ ﺗﺤﺬﻳﺮﻳﻪ ﻭﻫﻮ ﻳﻘﻮﻝ ﺑﻤﺰﺍﺡ : ﺣﺬﺍﺭﻯ ﺍﺷﻮﻓﻚ ﻓﻰ ﺍﻟﻤﻌﺮﻛﻪ
ﺃﺧﺬ ﺍﻳﻤﺎﻥ ﻭﻫﻮ ﻳﻠﻒ ﺫﺭﺍﻋﻪ ﺣﻮﻝ ﻛﺘﻔﻬﺎ ﻭﺃﺗﺠﻪ ﺍﻟﻰ ﺳﻮﺭ ﺍﻟﻘﺎﺭﺏ ﺍﻟﻜﺒﻴﺮ .. ﺍﺯﺍﺣﺖ ﺍﻳﻤﺎﻥ ﻳﺪﻩ ﺑﻠﻄﻒ ﻭﺍﺳﺘﻨﺪﺕ ﺍﻟﻰ ﺍﻟﺴﻮﺭ ﻭﻫﻰ ﺗﻨﻈﺮ ﻟﻠﻤﻴﺎﻩ ... ﺻﻤﺖ ﻗﻠﻴﻼ ﺛﻢ ﺍﻟﺘﻔﺖ ﺍﻟﻴﻬﺎ ﻗﺎﺋﻼ : ﺷﻴﻠﺘﻰ ﺍﻳﺪﻯ ﻟﻴﻪ
ﻗﺎﻟﺖ ﺩﻭﻥ ﺍﻥ ﺗﻠﺘﻔﺖ : ﺍﺑﺪﺍ ﻛﻨﺖ ﻋﺎﻭﺯﻩ ﺍﺳﻨﺪ ﻋﻠﻰ ﺍﻟﺴﻮﺭ
ﻗﺎﻝ : ﺍﻧﺘﻰ ﺯﻋﻼﻧﻪ ﻣﻨﻲ
ﺷﻌﺮﺕ ﺑﺠﻔﺎﻑ ﺣﻠﻘﻬﺎ ﻭﻫﻰ ﺗﻘﻮﻝ : ﻭﻫﺰﻋﻞ ﻣﻨﻚ ﻟﻴﻪ
ﻧﻈﺮ ﺍﻟﻰ ﺍﻟﺒﺤﺮ ﺷﺎﺭﺩﺍ ﻻ ﻳﻌﻠﻢ ﻫﻞ ﻳﻌﺘﺬﺭ ﺍﻻﻥ ﻋﻦ ﻣﺎ ﺑﺪﺭ ﻣﻨﻪ ﺍﻡ ﻳﻨﺘﻈﺮ ﺣﺘﻰ ﻳﻌﻮﺩﻭﺍ ﺍﻟﻰ ﺍﻟﻔﻨﺪﻕ
"""" """""""""""""""""""""""""""""""""""""""""""""" """"""""
ﺃﻧﻘﻀﺖ ﺍﻟﺮﺣﻠﻪ ﻭﻋﺎﺩﻭﺍ ﺍﻟﻰ ﺍﻟﻔﻨﺪﻕ ﻣﺮﻩ ﺍﺧﺮﻯ ﻭﻟﻜﻦ ﺑﻤﺠﺮﺩ ﺍﻥ ﺩﺧﻠﻮﺍ ﺣﺘﻰ ﻭﺟﺪﻭﺍ ﺍﺗﺼﺎﻻ ﻣﻦ ﻭﻟﻴﺪ
ﺭﺩ ﻋﺒﺪ ﺍﻟﺮﺣﻤﻦ ﻓﻰ ﻗﻠﻖ : ﺧﻴﺮ ﻳﺎ ﻭﻟﻴﺪ ﻓﻰ ﺣﺎﺟﻪ
ﻭﻟﻴﺪ : ﻻ ﺍﺑﺪﺍ ﻛﻨﺖ ﺑﻄﻤﻦ ﻋﻠﻴﻜﻮﺍ ﺑﺲ ........ ﺛﻢ ﺗﺼﻨﻊ ﺍﻟﺘﺮﺩﺩ ﻭﺍﻻﺭﺗﺒﺎﻙ ﻭﻫﻮ ﻳﻘﻮﻝ : ﻃﺐ ﺍﻗﻔﻞ ﺍﻧﺎ ﺑﻘﻰ
ﺍﺯﺩﺍﺩ ﻗﻠﻖ ﻋﺒﺪ ﺍﻟﺮﺣﻤﻦ ﻭﻗﺎﻝ : ﻣﺎ ﺗﻜﻠﻢ ﻋﻠﻰ ﻃﻮﻝ ﻳﺎ ﻭﻟﻴﺪ ﻓﻰ ﺍﻳﻪ ﺣﺪ ﺟﺮﺍﻟﻪ ﺣﺎﺟﻪ
ﻭﻟﻴﺪ : ﺍﻧﺎ ﻣﺶ ﻋﺎﻭﺯ ﺍﻗﻠﻘﻚ ﻭﺍﻗﻄﻊ ﻋﻠﻴﻜﻮﺍ ﺷﻬﺮ ﺍﻟﻌﺴﻞ ﺑﺲ ﺍﻧﺎ ﻋﺎﺭﻑ ﻳﻮﺳﻒ ﻣﺘﻌﻠﻖ ﺑﻴﻚ ﻗﺪ ﺍﻳﻪ ﻭﻭﺟﻮﺩﻙ ﺟﺎﻧﺒﻪ ﻫﻴﺴﺎﻋﺪﻩ ﻋﻠﻰ ﺍﻟﺸﻔﺎ
ﻫﺘﻒ ﺑﻪ ﻋﺒﺪ ﺍﻟﺮﺣﻤﻦ : ﻣﺎﻟﻪ ﻳﻮﺳﻒ ﻳﺎ ﻭﻟﻴﺪ ﻣﺎ ﺗﻜﻠﻢ
ﻭﻟﻴﺪ : ﺍﻟﺪﻛﺘﻮﺭ ﻗﺎﻝ ﻋﻨﺪﻩ ﺣﻤﻰ ﺟﺎﻣﺪﻩ ﺍﻭﻯ ﻭﺍﻟﻤﺸﻜﻠﻪ ﺍﻧﻪ ﺑﻘﺎﻟﻮﺍ ﻛﺎﻡ ﻳﻮﻡ ﻭﺣﺎﻟﺘﻮﺍ ﻣﺶ ﻳﺘﺘﺤﺴﻦ ﺧﺎﻟﺺ
ﺑﺎﻟﻌﻜﺲ
ﺃﻏﻠﻖ ﻋﺒﺪ ﺍﻟﺮﺣﻤﻦ ﺍﻻﺗﺼﺎﻝ ﻓﻰ ﻭﺟﻮﻡ ﺍﻗﺘﺮﺑﺖ ﻣﻨﻪ ﺍﻳﻤﺎﻥ ﻭﻓﺮﺣﻪ ﺍﻟﺘﻰ ﺳﺎﻟﺘﻪ ﻓﻰ ﺣﺎﺟﻪ ﻳﺎ ﻋﺒﺪ ﺍﻟﺮﺣﻤﻦ ﺍﻧﺎ ﺳﻤﻌﺖ ﺍﺳﻢ ﻳﻮﺳﻒ
ﻗﺎﻝ ﻓﻰ ﺷﺮﻭﺩ ﻭﻗﻠﻖ : ﻭﻟﻴﺪ ﺑﻴﻘﻮﻝ ﺗﻌﺒﺎﻥ ﻭﻋﻨﺪﻩ ﺣﻤﻰ
ﺍﺿﻄﺮﺑﺖ ﻓﺮﺣﻪ ﻭﻟﻤﻌﺖ ﻋﻴﻨﺎﻫﺎ ﺑﺎﻟﺪﻣﻮﻉ ﻭﻫﻰ ﺗﻘﻮﻝ ﻳﺎﻻ ﻧﺮﻭﺣﻠﻪ ﻳﺎ ﻋﺒﺪ ﺍﻟﺮﺣﻤﻦ ﻋﺎﻭﺯﻩ ﺍﺷﻮﻑ ﻳﻮﺳﻒ
ﻗﺎﻝ : ﺧﻠﻴﻜﻰ ﺍﻧﺘﻰ ﻭﺍﻧﺎ ﻫﺮﺟﻊ ﻣﺼﺮ ﺍﻃﻤﻦ ﻋﻠﻴﻪ ﻭﻫﺒﻘﻰ ﺍﻛﻠﻤﻚ ﺍﻃﻤﻨﻚ
ﻗﺎﻝ ﺍﻳﻬﺎﺏ : ﻻ ﻳﺎ ﻋﺒﺪ ﺍﻟﺮﺣﻤﻦ ﻣﻴﻨﻔﻌﺶ ﺍﺣﻨﺎ ﻧﻨﺰﻝ ﻛﻠﻨﺎ ﻧﻄﻤﻦ ﻋﻠﻴﻪ ﺍﺳﺘﻨﻰ ﻫﺮﻭﺡ ﺍﺷﻮﻑ ﻓﻰ ﺣﺠﺰ ﺍﻗﺮﺏ ﻭﻗﺖ ﺍﻣﺘﻰ
"""" """""""""""""""""""""""""""""""""""""""""""""" """""""""
ﻛﺎﻧﺖ ﻋﻔﺎﻑ ﺗﺠﻠﺲ ﺑﺠﻮﺍﺭ ﻣﺮﻳﻢ ﺗﺤﺎﻭﻝ ﺍﻥ ﺗﻄﻌﻤﻬﺎ ﺷﻴﺌﺎ ﻭﺗﺮﻓﺾ ﻓﻰ ﺿﻌﻒ ﻗﺎﺋﻠﻪ : ﻭﺍﻟﻠﻪ ﻣﺶ ﻗﺎﺩﺭﻩ ﺍﻛﻞ ﺣﺎﺟﻪ ﻳﺎ ﻃﻨﻂ ﻣﻌﺪﺗﻰ ﻭﺟﻌﺎﻧﻰ ﺍﻭﻯ ﻣﻦ ﺍﻟﺒﺮﺩ
ﻋﻔﺎﻑ : ﻳﺎﺑﻨﺘﻰ ﺩﻩ ﺍﻧﺘﻰ ﺩﺑﻠﺘﻰ ﺧﺎﻟﺺ ﻭﻭﺷﻚ ﺑﻘﻰ ﺍﺻﻔﺮ ﻣﻦ ﻗﻠﺔ ﺍﻻﻛﻞ
ﻭﻓﺎﺀ : ﻣﺶ ﻣﻌﻘﻮﻟﻪ ﻛﺪﻩ ﻳﺎ ﻣﺮﻳﻢ ﻛﻞ ﻳﻮﻡ ﺗﻐﻠﺒﻴﻨﺎ ﻭﻣﺘﺮﺿﻴﺶ ﺗﺎﻛﻠﻰ ﺣﺎﺟﻪ ﺧﺎﻟﺺ ﻣﺶ ﺷﺎﻳﻔﻪ ﻧﻔﺴﻚ ﺍﺗﻌﺪﻣﺘﻰ ﺧﺎﻟﺺ ﺍﺯﺍﻯ
ﻭﺿﻌﺖ ﻋﻔﺎﻑ ﺍﻻﻃﺒﺎﻕ ﻋﻠﻰ ﺍﻟﻄﺎﻭﻟﻪ ﺍﻣﺎﻡ ﻭﻓﺎﺀ ﻭﻗﺎﻟﺖ ﻟﻬﺎ : ﺧﺪﻯ ﺣﺎﻭﻟﻰ ﺗﺄﻛﻠﻴﻬﺎ ﺍﻯ ﺣﺎﺟﻪ ﻋﻠﻰ ﻣﺎ ﺍﻧﺰﻝ ﺍﺑﺺ ﻋﻠﻰ ﻳﻮﺳﻒ ﺯﻣﺎﻥ ﺍﻟﺪﻛﺘﻮﺭ ﺟﺎﻳﻠﻪ ﺩﻟﻮﻗﺘﻰ
ﺗﻨﻬﺪﺕ ﻭﻓﺎﺀ ﻓﻰ ﻗﻠﻖ ﻭﻫﻰ ﺗﻘﻮﻝ : ﺍﻧﺎ ﻣﺶ ﻋﺎﺭﻓﻪ ﺍﻳﻪ ﺍﻟﻠﻰ ﺣﺼﻠﻜﻮﺍ ﺍﻧﺘﻮﺍ ﺍﻻﺗﻨﻴﻦ
ﻫﻮ ﻋﻨﺪﻩ ﺣﻤﻰ ﻭﻣﻔﻴﺶ ﺗﺤﺴﻦ ﻓﻰ ﺻﺤﺘﻮﺍ ﺧﺎﻟﺺ ﻭﺍﻧﺘﻰ ﺭﺍﻓﻀﻪ ﺗﺎﻛﻠﻰ ﻭﺗﺸﺮﺑﻰ ﺑﺴﺒﺐ ﺍﻟﻨﺎﺯﻟﻪ ﺍﻟﻤﻌﻮﻳﻪ
ﺍﻧﺘﻮﺍ ﺍﺗﺤﺴﺪﺗﻮﺍ ﻭﻻ ﺍﻳﻪ ﻳﺎ ﻣﺮﻳﻢ
ﻧﻈﺮﺕ ﺍﻟﻴﻬﺎ ﻓﻮﺟﺪﺗﻬﺎ ﺷﺎﺭﺩﻩ ﻭﻛﺄﻧﻬﺎ ﻓﻰ ﻋﺎﻟﻢ ﺁﺧﺮ ﺗﺤﺴﺴﺖ ﺟﺒﻴﻨﻬﺎ ﻭﻗﺎﻟﺖ : ﻣﺎﻟﻚ ﻳﺎ ﻣﺮﻳﻢ ﺍﻧﺘﻰ ﺗﻌﺒﺎﻧﻪ ﻭﻻ ﺍﻳﻪ
ﻣﺮﻳﻢ : ﻻ ﺍﺑﺪﺍ ﺑﺲ ﻣﺤﺘﺎﺟﻪ ﺍﻧﺎﻡ ﺷﻮﻳﻪ
ﺗﻔﺤﺼﺖ ﻭﻓﺎﺀ ﻓﻰ ﻭﺟﻬﻬﺎ ﻭﻗﺎﻟﺖ : ﻧﻔﺴﻰ ﺍﻋﺮﻑ ﻭﺷﻚ ﺍﺗﺠﺮﺡ ﻛﺪﻩ ﺍﺯﺍﻯ ..... ﺩﻩ ﺭﺑﻨﺎ ﺳﺘﺮ ﻋﻠﻰ ﻋﻨﻴﻜﻰ
ﻭﺿﻌﺖ ﻣﺮﻳﻢ ﻳﺪﻫﺎ ﻋﻠﻰ ﺍﻟﺠﺮﺡ ﺑﺸﻜﻞ ﺗﻠﻘﺎﺋﻰ ﻭﻫﻰ ﺗﻘﻮﻝ : ﺍﺗﺨﺒﻄﺖ ﻓﻰ ﻣﺮﺍﻳﺔ ﺍﻟﺤﻤﺎﻡ ﻭﺍﻧﺎ ﺑﻐﺴﻞ ﻭﺷﻰ ﻭﻣﻜﻨﺘﺶ ﺷﺎﻳﻔﻪ ... ﺛﻢ ﺍﺭﺩﻓﺖ ﻓﻰ ﺳﺮﻋﻪ ﻃﺐ ﺍﻧﺎ ﻫﻘﻮﻡ ﺍﺭﺗﺎﺡ ﺷﻮﻳﻪ ﻳﺎ ﻭﻓﺎﺀ
ﺗﺮﻛﺘﻬﺎ ﻭﻓﺎﺀ ﻟﺘﻨﺎﻡ ﻭﻫﺒﻄﺖ ﻟﺸﻘﺔ ﻋﻤﻬﺎ ﻭﻋﻨﺪﻣﺎ ﺭﺃﺗﻬﺎ ﻭﺍﻟﺪﺗﻬﺎ ﺍﺧﺬﺗﻬﺎ ﺑﻌﻴﺪﺍ ﻭﻗﺎﻟﺖ : ﺍﻳﻪ ﻳﺎﻭﻓﺎﺀ ﻣﺶ ﻗﻠﺘﻰ ﻫﺘﺤﺪﺩﻯ ﻣﻌﺎﺩ ﻣﻊ ﺍﻟﻌﺮﻳﺲ ... ﻣﺠﻴﺘﻴﺶ ﻗﻮﻟﺘﻠﻴﻠﻰ ﺍﻟﻤﻌﺎﺩ ﻟﻴﻪ
ﻭﻓﺎﺀ : ﻳﺎﻣﺎﻣﺎ ﻋﺮﻳﺲ ﺍﻳﻪ ﻓﻰ ﺍﻟﻠﻰ ﺍﺣﻨﺎ ﻓﻴﻪ ﺩﻩ ﺩﻟﻮﻗﺘﻰ ﻣﺶ ﻟﻤﺎ ﻧﻄﻤﻦ ﻋﻠﻰ ﻳﻮﺳﻒ ﺍﻻﻭﻝ
ﺿﻐﻄﺖ ﻓﺎﻃﻤﻪ ﻋﻠﻰ ﻳﺪﻫﺎ ﻗﺎﺋﻠﻪ : ﻳﺎﺑﻨﺘﻰ ﻣﺎﻫﻮ ﻣﺴﻴﺮﻩ ﻫﻴﺨﻒ ﺍﻟﻨﻬﺎﺭﺩﻩ ﻭﻻ ﺑﻜﺮﻩ ﻫﻴﺨﻒ ﻧﺄﺟﻞ ﻟﻴﻪ ﺑﻘﻰ
ﺣﺎﻭﻟﺖ ﻭﻓﺎﺀ ﺍﻥ ﺗﺘﺨﻠﺺ ﻣﻦ ﺫﺭﺍﻉ ﺍﻣﻬﺎ ﻭﻫﻰ ﺗﻘﻮﻝ : ﻳﺎ ﻣﺎﻣﺎ ﺳﻴﺒﻴﻨﻰ ﺩﻟﻮﻗﺘﻰ ﻣﺶ ﻭﻗﺘﻪ ﺍﻟﻜﻼﻡ ﺩﻩ
ﺍﻗﺘﺮﺑﺖ ﻋﻔﺎﻑ ﻣﻨﻬﻢ ﻭﻗﺎﻟﺖ ﻣﺘﺴﺎﺋﻠﻪ : ﻓﻰ ﺍﻳﻪ ﻳﺎ ﺟﻤﺎﻋﻪ ﻣﺎﻟﻜﻮﺍ
ﻗﺎﻟﺖ ﻓﺎﻃﻤﻪ ﺑﺴﺮﻋﻪ : ﺷﻮﻓﺘﻰ ﻳﺎﺧﺘﻰ ﺍﻟﺒﺖ ﻭﻓﺎﺀ ﻣﺘﻘﺪﻣﻠﻬﺎ ﻋﺮﻳﺲ ﻭﻣﺴﺘﻌﺠﻞ ﺍﻭﻯ ﺍﻭﻯ ﻭﺍﻟﺒﺖ ﻳﺎ ﻋﻴﻦ ﺍﻣﻬﺎ ﺭﻓﻀﻪ ﺍﻧﻪ ﻳﺠﻴﻰ ﺍﻟﺒﻴﺖ ﻋﻠﺸﺎﻥ ﺧﺎﻃﺮ ﻳﻮﺳﻒ .. ﺍﻗﻮﻟﻬﺎ ﻳﺎ ﻭﻓﺎﺀ ﺩﻩ ﻳﻮﺳﻒ ﺭﺍﺟﻞ ﺍﻧﺎ ﻋﺎﺭﻓﺎﻩ ﺣﻤﺎﻝ ﻗﺎﺳﻴﻪ ﻭﻫﺘﻼﻗﻴﻪ ﻗﺎﻡ ﺯﻯ ﺍﻟﺤﺼﺎﻥ ﺍﻟﻨﻬﺎﺭﺩﻩ ﻭﻻ ﺑﻜﺮﻩ ﺑﺎﻟﻜﺘﻴﺮ ﺗﻘﻮﻟﻰ ﻻ ﻳﺎ ﻣﺎﻣﺎ ﻟﻤﺎ ﻧﻄﻤﻦ ﻋﻠﻴﻪ ﺍﻻﻭﻝ
ﺭﻓﻌﺖ ﻋﻔﺎﻑ ﺣﺎﺟﺒﻴﻬﺎ ﺑﻌﺪﻡ ﺍﻗﺘﻨﺎﻉ ﻭﻗﺎﻟﺖ ﻟﻮﻓﺎﺀ : ﻟﻴﻪ ﻳﺎﺑﻨﺘﻰ ...... ﻻ ﺍﻧﺎ ﻣﻴﺮﺿﻨﻴﺶ ﻛﺪﻩ ﺍﺑﺪﺍ ﻳﺎ ﻭﻓﺎﺀ ﻛﻠﻤﻴﻪ ﻭﺧﻠﻴﻪ ﻳﺠﻰ ﻓﻰ ﺍﻯ ﻭﻗﺖ ﻭﻣﺘﻘﻠﻘﻴﺶ ﻳﺎﺑﻨﺘﻰ ﺍﻥ ﺷﺎﺀ ﺍﻟﻠﻪ ﻳﻮﺳﻒ ﻫﻴﺘﺤﺴﻦ ﻗﺮﻳﺐ .. ﻭﺗﺮﻛﺘﻬﻢ ﻭﺍﻧﺼﺮﻓﺖ
ﻧﻈﺮﺕ ﻓﺎﻃﻤﻪ ﺍﻟﻰ ﻭﻓﺎﺀ ﻓﻮﺟﺪﺗﻬﺎ ﺗﻨﻈﺮ ﻟﻬﺎ ﺑﺎﺳﺘﻨﻜﺎﺭ ﺷﺪﻳﺪ ﻓﻘﺎﻟﺖ : ﺍﻳﻪ ﻳﺎﺑﺖ ﺑﺘﺒﺼﻴﻠﻰ ﻛﺪﻩ ﻟﻴﻪ ﻣﺎﻫﻰ ﻛﺎﻧﺖ ﻻﺯﻡ ﺗﻌﺮﻑ ﻭﻻ ﻳﻘﻮﻟﻮﺍ ﺟﻮﺯﻭﺍ ﻋﻴﺎﻟﻬﻢ ﻭﺍﻧﺎ ﺑﻨﺘﻰ ﻗﺎﻋﺪﻩ ﻛﺪﻩ
ﺿﻐﻄﺖ ﻭﻓﺎﺀ ﻋﻠﻰ ﺍﺳﻨﺎﻧﻬﺎ ﺑﻐﻴﻆ ﻭﺫﻫﺒﺖ ﻭﻟﻜﻨﻬﺎ ﺍﺻﺪﻣﺖ ﺑﻮﺍﻟﺪﻫﺎ ﺍﻟﺬﻯ ﻗﺎﻝ : ﻣﺎﻟﻚ ﻳﺎ ﻭﻓﺎﺀ ﻭﺍﺧﺪﻩ ﻓﻰ ﻭﺷﻚ ﻛﺪﻩ ﻟﻴﻪ
ﻭﻓﺎﺀ : ﺍﺑﺪﺍ ﻳﺎ ﺑﺎﺑﺎ ﺑﺲ ﺭﺍﻳﺤﻪ ﺍﺷﻮﻑ ﻃﻨﻂ ﻋﻔﺎﻑ ﻟﻮ ﻛﺎﻧﺖ ﻣﺤﺘﺎﺟﻪ ﺣﺎﺟﻪ .. ﻋﻦ ﺍﺫﻧﻚ
ﺍﺳﺘﻐﻠﺖ ﻓﺎﻃﻤﻪ ﺍﻟﻤﻮﻗﻒ ﻭﺍﻗﺘﺮﺑﺖ ﻣﻨﻪ ﻭﻗﺎﻟﺖ : ﺍﺻﻠﻬﺎ ﺯﻋﻼﻧﻪ ﻳﺎ ﺍﺑﻮ ﻭﻟﻴﺪ ﻋﻠﺸﺎﻥ ﻣﻮﺿﻮﻉ ﺍﻟﻌﺮﻳﺲ ﺩﻩ
ﺍﺑﺮﺍﻫﻴﻢ : ﻟﻴﻪ ﺍﻳﻪ ﺍﻟﻠﻰ ﺣﺼﻞ
ﻓﺎﻃﻤﻪ : ﺍﺑﺪﺍ ﺍﺻﻠﻪ ﻛﺎﻥ ﺣﺪﺩ ﻣﻌﺎﺩ ﻣﻌﺎﻫﺎ ﻳﺠﻴﻠﻚ ﺑﻜﺮﻩ ﻭﻫﻰ ﻣﺤﺮﺟﻪ ﻭﻣﺶ ﻋﺎﺭﻓﻪ ﺗﻌﻤﻞ ﺍﻳﻪ
ﺍﺑﺮﺍﻫﻴﻢ ﻓﻰ ﺗﻔﻜﻴﺮ : ﻫﻴﺠﻰ ﺍﺯﺍﻯ ﺑﺲ ﻓﻰ ﺍﻟﻈﺮﻭﻑ ﺩﻯ
ﻗﺎﻟﺖ ﻓﺎﻃﻤﻪ ﻣﺤﺎﻭﻟﺔ ﺍﻗﻨﺎﻋﻪ : ﻫﻮ ﻳﻌﻨﻰ ﻫﻴﺠﻰ ﻧﻠﺒﺲ ﺩﺑﻞ ﻭﻻ ﻧﻌﻤﻞ ﻓﺮﺡ ..... ﺩﻩ ﻫﻴﺠﻰ ﻳﻘﻌﺪ ﻣﻌﺎﻙ ﺗﺸﻮﻓﻪ ﺑﺲ ﻣﺶ ﺍﻛﺘﺮ ﻭﺗﺘﻌﺮﻑ ﻋﻠﻴﻪ ﻗﺎﻋﺪﻩ ﻋﺎﺩﻳﻪ ﻛﺪﻩ ﺯﻯ ﺍﻯ ﺿﻴﻒ ﻣﺎ ﺑﻴﺠﻰ
ﺻﻤﺖ ﺍﺑﺮﺍﻫﻴﻢ ﻳﻔﻜﺮ ﻓﻰ ﺍﻻﻣﺮ ﺛﻢ ﻗﺎﻝ : ﺧﻼﺹ ﻣﺘﺨﻠﻴﻬﺎﺵ ﺗﻠﻐﻰ ﺍﻟﻤﻌﺎﺩ ﻳﺠﻰ ﻭﻳﻘﻌﺪ ﻣﻌﺎﻳﺎ ﺳﺎﻋﺔ ﺯﻣﻦ ﻛﺪﻩ ﻭﻳﻤﺸﻰ ﻟﻤﺎ ﻧﺸﻮﻑ ﻣﻴﺘﻪ ﺍﻳﻪ
ﺍﺑﺘﺴﻤﺖ ﻓﺎﻃﻤﻪ ﻓﻰ ﺍﻧﺘﺼﺎﺭ ﻭﻧﺎﺩﺕ ﻋﻠﻰ ﻭﻓﺎﺀ ﺍﻟﺘﻰ ﺟﺎﺀﺕ ﻣﺘﺒﺮﻣﻪ : ﺍﻓﻨﺪﻡ ﻳﺎ ﻣﺎﻣﺎ
ﻓﺎﻃﻤﻪ : ﺧﻠﻰ ﺍﻟﻌﺮﻳﺲ ﻳﺠﻰ ﺑﻜﺮﻩ ﺍﺑﻮﻛﻰ ﺣﺪﺩ ﺍﻟﻤﻌﺎﺩ ﺧﻼﺹ
ﺍﺗﺴﻌﺖ ﻋﻴﻨﺎﻫﺎ ﻓﻰ ﺫﻫﻮﻝ ﻭﻗﺎﻟﺖ : ﻟﻴﻪ ﻛﺪﻩ ﺑﺲ ﻳﺎ ﻣﺎﻣﺎ ﻣﺶ ﻫﻴﻨﻔﻊ ﻃﺒﻌﺎ ﻗﻮﻟﻰ ﻟﺒﺎﺑﺎ ﻳﺄﺟﻞ
ﻗﺎﻟﺖ ﻓﺎﻃﻤﻪ ﻓﻰ ﻣﻜﺮ : ﻋﻤﻮﻣﺎ ﺍﺑﻮﻛﻰ ﻋﺎﺭﻑ ﺍﻥ ﺍﻟﻤﻌﺎﺩ ﺍﻟﻌﺮﻳﺲ ﻫﻮ ﺍﻟﻠﻰ ﺣﺪﺩﻩ ....... ﻳﻌﻨﻰ ﻟﻮ ﺭﻭﺣﺘﻰ ﻭﻗﻠﺘﻴﻠﻪ ﺍﻧﻪ ﻟﻐﻰ ﺍﻟﻤﻌﺎﺩ ﻫﻴﻔﺘﻜﺮ ﺍﻧﻪ ﺭﺍﺟﻞ ﺑﻴﺮﺟﻊ ﻓﻰ ﻛﻼﻣﻪ ﻭﻫﻴﺮﻓﻀﻪ ﻣﻦ ﻗﺒﻞ ﻣﺎ ﻳﺸﻮﻓﻪ
ﺯﻓﺮﺕ ﻭﻓﺎﺀ ﻓﻰ ﺿﻴﻖ ﻭﻗﺎﻟﺖ : ﻟﻴﻪ ﻛﺪﻩ ﺑﺲ ﻳﺎ ﻣﺎﻣﺎ ﻋﻤﻠﺘﻰ ﻛﺪﻩ ﻟﻴﻪ
ﻓﺎﻃﻤﻪ : ﺑﻜﺮﻩ ﺗﻌﺮﻓﻰ ﺍﻧﻰ ﻋﺎﻭﺯﻩ ﻣﺼﻠﺤﺘﻚ ﻳﺎﻻ ﺭﻭﺣﻰ ﻛﻠﻤﻴﻪ ﺑﺴﺮﻋﻪ
"""" """""""""""""""""""""""""""""""""""""""""""""" """"""
ﻭﺑﻌﺪ ﻇﻬﺮ ﺍﻟﻴﻮﻡ ﺍﻟﺘﺎﻟﻰ ﺗﻔﺎﺟﺄ ﺍﻟﺠﻤﻴﻊ ﺑﻌﻮﺩﺓ ﻋﺒﺪ ﺍﻟﺮﺣﻤﻦ ﻭﺍﻳﻬﺎﺏ ﻭﺍﻳﻤﺎﻥ ﻭﻓﺮﺣﻪ ... ﻗﺒﻞ ﻋﺒﺪ ﺍﻟﺮﺣﻤﻦ ﻛﻒ ﺍﻣﻪ ﻭﺍﺑﻴﻪ ﺍﻟﺬﻯ ﺳﺄﻟﻪ : ﺍﻳﻪ ﺍﻟﻠﻰ ﺟﺎﺑﻜﻮﺍ ﺩﻟﻮﻗﺘﻰ ﻳﺎ ﻋﺒﺪ ﺍﻟﺮﺣﻤﻦ
ﻋﺒﺪ ﺍﻟﺮﺣﻤﻦ : ﻣﻘﺪﺭﻧﺎﺵ ﻧﺴﺘﻨﻰ ﻟﻤﺎ ﻋﺮﻓﻨﺎ ﺍﻥ ﻳﻮﺳﻒ ﺗﻌﺒﺎﻥ
ﺍﻟﺤﺎﺝ ﺣﺴﻴﻦ : ﻣﻴﻦ ﺍﻟﻠﻰ ﻗﺎﻟﻜﻮﺍ ﺍﻧﻪ ﺗﻌﺒﺎﻥ
ﻗﺎﻟﺖ ﻓﺮﺣﻪ : ﻭﻟﻴﺪ ﻛﻠﻤﻨﺎ ﻭﻗﺎﻟﻨﺎ ﺍﻧﻪ ﺗﻌﺒﺎﻥ ﺍﻭﻯ ﻭﻋﻨﺪﻩ ﺣﻤﻰ
ﻫﺘﻒ ﺣﺴﻴﻦ : ﻭﺍﻳﻪ ﺍﻟﻠﻰ ﺧﻼﻩ ﻳﻌﻤﻞ ﻛﺪﻩ ﻫﻮ ﺧﻼﺹ ﺑﻘﻰ ﻛﻞ ﻭﺍﺣﺪ ﻳﺘﺼﺮﻑ ﻣﻦ ﺩﻣﺎﻏﻪ
ﻋﺒﺪ ﺍﻟﺮﺣﻤﻦ : ﺍﻫﺪﻯ ﻳﺎ ﺑﺎﺑﺎ ﻫﻮ ﻋﺎﺭﻑ ﺍﻥ ﻳﻮﺳﻒ ﻫﻴﺘﺤﺴﻦ ﻟﻤﺎ ﻳﺸﻮﻓﻨﻰ ﻳﻌﻨﻰ ﺍﻛﻴﺪ ﻗﺼﺪﻩ ﺧﻴﺮ
ﺛﻢ ﺗﺎﺑﻊ ﻋﻦ ﺍﺫﻧﻚ ﻳﺎ ﺑﺎﺑﺎ ﺍﺩﺧﻠﻪ ﺩﺧﻞ ﺛﻼﺛﺘﻬﻢ ﺍﻟﻰ ﻳﻮﺳﻒ ﻭﺍﻧﺘﻈﺮ ﺍﻳﻤﺎﻥ ﻓﻰ ﺍﻟﺨﺎﺭﺝ ﻗﻠﻴﻼ ﺛﻢ ﻗﺎﻟﺖ : ﺍﻧﺎ ﻫﻄﻠﻊ ﺍﺷﻮﻑ ﻣﺮﻳﻢ
"""""""""""""""""""""""""""""""""""""""""""""" "" """"
ﺍﻣﺎ ﻓﻰ ﺍﻟﺪﺍﺧﻞ ﻓﻰ ﻏﺮﻓﻪ ﻳﻮﺳﻒ ﻛﺎﻥ ﻳﺠﻠﺲ ﺑﺼﻌﻮﺑﻪ ﻭﻫﻮ ﻳﻀﻢ ﺍﺧﻴﻪ ﺑﻘﻮﺓ ﺍﺗﺴﻌﺖ ﺍﺑﺘﺎﺳﻤﺔ ﻋﻔﺎﻑ ﻭﻫﻰ ﺗﻘﻮﻝ ﺍﻟﻠﻬﻢ ﻟﻚ ﺍﻟﺤﻤﺪ ﺩﻩ ﺍﻭﻝ ﻣﺮﻩ ﻳﺘﺤﺮﻙ ﺩﻟﻮﻗﺘﻰ ﻟﻤﺎ ﺷﺎﻓﻚ ﻳﺎ ﻋﺒﺪ ﺍﻟﺮﺣﻤﻦ
ﺗﺤﺴﺲ ﻋﺒﺪ ﺍﻟﺮﺣﻤﻦ ﺟﺒﻴﻦ ﻳﻮﺳﻒ ﻭﻗﺎﻝ : ﺍﻟﺤﺮﺍﺭﻩ ﻋﺎﻟﻴﻪ ﺷﻮﻳﻪ ﺗﺤﺴﺴﺘﻪ ﻋﻔﺎﻑ ﻭﻫﻰ ﺗﻘﻮﻝ ﺑﺴﻌﺎﺩﻩ : ﺩﻯ ﻛﺪﻩ ﻧﺰﻟﺖ ﺷﻮﻳﻪ ﺍﻟﺤﻤﺪ ﻟﻠﻪ ﺍﻳﺪﻙ ﻓﻴﻬﺎ ﺍﻟﺒﺮﻛﻪ ﻳﺎ ﻋﺒﺪ ﺍﻟﺮﺣﻤﻦ .. ﺗﻘﺪﻡ ﺍﻳﻬﺎﺏ ﻣﻦ ﻳﻮﺳﻒ ﻭﻗﺎﻝ : ﻻ ﺑﺄﺱ ﻃﻬﻮﺭ ﺍﻥ ﺷﺎﺀ ﺍﻟﻠﻪ ﺭﺑﻨﺎ ﻳﻘﻮﻣﻚ ﺑﺎﻟﺴﻼﻣﻪ ﻳﺎ ﻳﻮﺳﻒ
ﻟﻢ ﻳﺴﺘﻄﻊ ﻳﻮﺳﻒ ﺍﻥ ﻳﻨﻈﺮ ﻓﻰ ﻋﻴﻨﻲ ﺍﻳﻬﺎﺏ
ﻭﻗﺎﻝ ﻓﻰ ﺿﻌﻒ : ﻣﺘﺸﻜﺮ ﻳﺎ ﺍﻳﻬﺎﺏ .. ﻧﻈﺮ ﺍﻟﻰ ﺍﺧﻴﻪ ﻗﺎﺋﻼ : ﺍﻧﺘﻮﺍ ﺍﻳﻪ ﺍﻟﻠﻰ ﺟﺎﺑﻜﻮﺍ ﻣﻦ ﺷﻬﺮ ﺍﻟﻌﺴﻞ
ﻗﺎﻝ ﺍﻳﻬﺎﺏ : ﺷﻬﺮ ﻋﺴﻞ ﺍﻳﻪ ﻭﺍﻧﺖ ﺗﻌﺒﺎﻥ ﻛﺪﻩ ﻳﺎ ﻳﻮﺳﻒ ﺍﻧﺖ ﺍﻫﻢ ﻣﻦ ﺍﻯ ﺣﺎﺟﻪ ﺗﺎﻧﻴﻪ
ﺷﻌﺮ ﻳﻮﺳﻒ ﺑﻜﻠﻤﺎﺕ ﺍﻳﻬﺎﺏ ﺗﻤﺰﻕ ﻗﻠﺒﻪ ﻭﺗﻜﻮﻯ ﻋﺮﻭﻗﻪ ....... ﻟﻌﻦ ﻧﻔﺴﻪ ﻭﻫﻮ ﻳﺴﺘﻤﻊ ﻟﻜﻠﻤﺎﺗﻪ ﺍﻟﺼﺎﺩﻗﻪ ....... ﻛﺎﺩ ﺍﻥ ﻳﻬﺘﻒ ﻗﺎﺋﻼ : ﺗﺮﻛﺘﻬﺎ ﺑﻴﻨﻨﺎ ﻟﻨﺤﻤﻴﻬﺎ ﻓﻐﺪﺭﺕ ﺑﻬﺎ ﻓﻰ ﻏﻴﺎﺑﻚ ﻛﺄﻯ ﻛﻠﺐ ﻣﺴﻌﻮﺭ ﻳﺘﺠﻮﻝ ﻓﻰ ﺍﻟﻄﺮﻗﺎﺕ ﻳﻨﻬﺶ ﺍﻻﻋﺮﺍﺽ
ﻃﺎﻝ ﺻﻤﺘﻪ ﻓﺸﻌﺮ ﺍﻳﻬﺎﺏ ﺍﻧﻪ ﺭﺑﻤﺎ ﻳﻮﺩ ﺍﻟﺘﺤﺪﺙ ﻣﻊ ﺍﺧﻴﻪ ﻋﻠﻰ ﺍﻧﻔﺮﺍﺩ ﻓﻘﺎﻝ ﺍﻳﻬﺎﺏ : ﻃﺐ ﺍﺳﺘﺄﺫﻥ ﺍﻧﺎ ﺑﻘﻰ ﻫﻄﻠﻊ ﺍﺷﻮﻑ ﻣﺮﻳﻢ ﺍﺻﻠﺤﻬﺎ ﻭﺣﺸﺘﻨﻰ ﺍﻭﻯ ﺑﻨﺖ ﺍﻻﻳﻪ ﺩﻯ
ﺣﺎﻭﻝ ﻳﻮﺳﻒ ﺍﻟﻘﻴﺎﻡ ﻭﻟﻜﻨﻪ ﻟﻢ ﻳﺴﺘﻄﻊ ﻓﺴﺎﻋﺪﻩ ﻋﺒﺪ ﺍﻟﺮﺣﻤﻦ ﻋﻠﻰ ﺍﻟﻨﻮﻡ ﻓﻰ ﺍﻟﻔﺮﺍﺵ ﻣﺮﻩ ﺍﺧﺮﻯ ﻭﻫﻮ ﻳﻬﺘﻒ ﺑﺎﻳﻬﺎﺏ : ﺍﺳﺘﻨﻰ ﻳﺎ ﺍﻳﻬﺎﺏ ﻋﺎﻭﺯﻙ ﻓﻰ ﻣﻮﺿﻮﻉ ﻣﻬﻢ
ﺍﻗﺒﻞ ﻋﻠﻴﻪ ﺍﻳﻬﺎﺏ ﻭﻫﻮ ﻳﻘﻮﻝ : ﺍﺳﺘﺮﻳﺢ ﺑﺲ ﻳﺎ ﻳﻮﺳﻒ ﺷﻜﻠﻚ ﺗﻌﺒﺎﻥ ﺍﻭﻯ
ﺣﺎﻭﻝ ﻳﻮﺳﻒ ﺍﻻﺑﺘﺴﺎﻡ ﻭﻫﻮ ﻳﻘﻮﻝ ﺍﻟﻤﻮﺿﻮﻉ ﺍﻟﻠﻰ ﻋﺎﻭﺯﻙ ﻓﻴﻪ ﻟﻮ ﻭﺍﻓﻘﺖ ﻋﻠﻴﻪ ﻫﺨﻒ ﻋﻠﻰ ﻃﻮﻝ ﻭﺍﺳﺘﺮﻳﺢ
ﺍﻳﻬﺎﺏ : ﺧﻴﺮ ﻳﺎ ﻳﻮﺳﻒ ﺍﺅﻣﺮ ﺍﻧﺎ ﻋﻨﻴﻪ ﻟﻴﻚ
ﻳﻮﺳﻒ : ﺍﻧﺎ ﻣﺶ ﻋﺎﻭﺯ ﻋﻨﻴﻚ ﺍﻧﺎ ﻋﺎﻭﺯ ﺍﻻﻏﻠﻰ ﻣﻦ ﻋﻨﻴﻚ ﻋﻨﺪﻙ .. ﻋﺎﻭﺯ ﺍﺗﺠﻮﺯ ﻣﺮﻳﻢ
ﺍﺑﺘﺴﻢ ﺍﻳﻬﺎﺏ ﻓﻰ ﺣﻴﻦ ﻗﺎﻝ ﻋﺒﺪ ﺍﻟﺮﺣﻤﻦ ﻣﺪﺍﻋﺒﺎ ﺗﺼﺪﻕ ﺍﻧﺎ ﻏﻠﻄﺎﻥ ﺍﻟﻠﻰ ﺍﺗﺨﻀﻴﺖ ﻋﻠﻴﻚ ....... ﺑﻘﻰ ﺗﻌﺒﺎﻥ ﻛﺪﻩ ﻭﻋﺎﻭﺯ ﺗﺠﻮﺯ
ﻳﻮﺳﻒ : ﺍﺻﻠﻰ ﺑﺼﺮﺍﺣﻪ ﻛﻨﺖ ﻋﺎﻭﺯ ﺍﻛﻠﻢ ﺍﻳﻬﺎﺏ ﻓﻰ ﺍﻟﻤﻮﺿﻮﻉ ﺩﻩ ﻗﺒﻞ ﻣﺎ ﻳﺴﺎﻓﺮ ﺑﺲ ﻗﻠﺖ ﺃﺟﻞ ﻟﻤﺎ ﻳﺮﺟﻊ ﻣﻦ ﺷﻬﺮ ﺍﻟﻌﺴﻞ .... ﺑﺲ ﻃﺎﻟﻤﺎ ﺟﻪ ﺧﻼﺹ ﻧﺄﺟﻞ ﻟﻴﻪ
ﺍﻳﻬﺎﺏ : ﻃﺐ ﻟﻤﺎ ﺗﺘﺤﺴﻦ ﻛﺪﻩ ﻧﺒﻘﻰ ﻧﺘﻜﻠﻢ
ﻳﻮﺳﻒ : ﻻ ﺍﻧﺎ ﻣﺶ ﻫﺘﺤﺴﻦ ﺍﻻ ﻟﻤﺎ ﺗﺮﺩ ﻋﻠﻴﺎ
ﺍﻟﺘﻔﺖ ﻟﻪ ﻋﺒﺪ ﺍﻟﺮﺣﻤﻦ ﻭﻫﻮ ﻳﻘﻮﻝ : ﺭﺩ ﻋﻠﻴﻪ ﻳﺎ ﻋﻢ ﺧﻠﻴﻨﺎ ﻧﺨﻠﺺ
ﺍﺑﺘﺴﻢ ﺍﻳﻬﺎﺏ ﻭﻗﺎﻝ : ﺍﻧﺎ ﻣﺶ ﻫﻼﻗﻰ ﻻﺧﺘﻰ ﺍﺣﺴﻦ ﻣﻨﻚ ﻳﺎ ﻳﻮﺳﻒ ﺑﺲ ﻻﺯﻡ ﺍﺧﺪ ﺭﺍﻳﻬﺎ ﺍﻻﻭﻝ ﻭﻛﻤﺎﻥ ﻋﻤﻰ ﻻﺯﻡ ﺍﺳﻤﻊ ﺭﺃﻳﻪ ﺍﻻﻭﻝ
ﻗﺎﻝ ﻳﻮﺳﻒ ﺑﺴﺮﻋﻪ : ﺍﻧﺎ ﻛﻨﺖ ﺍﺗﻜﻠﻤﺖ ﻣﻌﺎﻩ ﻗﺒﻞ ﻛﺪﻩ ﻭﻫﻮ ﻣﻮﺍﻓﻖ ﻭﻣﺴﺘﻨﻰ ﻣﻮﺍﻓﻘﺘﻚ ﺍﻧﺖ ﻭﻣﺮﻳﻢ
"""" """""""""""""""""""""""""""""""""""""""""""""" """""""
ﺍﻧﺪﻓﻌﺖ ﻣﺮﻳﻢ ﺑﻴﻦ ﺍﺣﻀﺎﻥ ﺍﻳﻤﺎﻥ ﻭﺑﻜﺖ ﺑﺸﺪﻩ ﻭﻫﻰ ﺗﺘﺸﺒﺚ ﺑﻬﺎ ﺑﻘﻮﺓ ......... ﺷﻌﺮﺕ ﺍﻳﻤﺎﻥ ﺑﺎﻟﻘﻠﻖ ﻋﻠﻰ ﺍﺧﺘﻬﺎ ﻓﺮﺑﺘﺖ ﻋﻠﻰ ﻇﻬﺮﻫﺎ ﺛﻢ ﺍﻣﺴﻜﺖ ﻭﺟﻬﻬﺎ ﺑﻴﻦ ﻳﺪﻳﻬﺎ ﻭﻧﻈﺮﺕ ﻓﻰ ﻭﺟﻬﻬﺎ ﻣﺘﻔﺤﺼﺔ ﺍﻳﺎﻩ ﻭﻗﺎﻟﺖ ﺑﻘﻠﻖ : ﻣﺎﻟﻚ ﻳﺎ ﻣﺮﻳﻢ ﻓﻰ ﺣﺎﺟﻪ ﺣﺼﻠﺘﻠﻚ ﻭﻻ ﺍﻳﻪ ...... ﻣﺎﻟﻚ ﻛﺪﻩ ﻟﻮﻧﻚ ﻣﺨﻄﻮﻑ ﻭﺍﻳﻪ ﺍﻟﺠﺮﺡ ﺍﻟﻠﻰ ﻓﻰ ﻭﺷﻚ ﺩﻩ
ﻗﺎﻟﺖ ﻣﺮﻳﻢ ﻣﻦ ﺑﻴﻦ ﺩﻣﻮﻋﻬﺎ : ﻣﻔﻴﺶ ﺣﺎﺟﻪ ﻳﺎ ﺍﻳﻤﺎﻥ ﻣﺘﻘﻠﻘﻴﺶ ﺍﻧﺘﻰ ﺑﺲ ﻭﺣﺸﻴﻨﻰ ﺍﻭﻯ ﺍﻧﺘﻰ ﻭﺍﻳﻬﺎﺏ ﺣﺴﻴﺖ ﻣﻦ ﻏﻴﺮﻛﻮﺍ ﺍﻧﻰ ﺿﺎﻳﻌﻪ ﻭﻣﺎﻟﻴﺶ ﺣﺪ
ﺍﺑﺘﺴﻤﺖ ﺍﻳﻤﺎﻥ ﻭﻫﻰ ﺗﺠﻠﺲ ﺑﺠﻮﺍﺭﻫﺎ ﻭﺗﻠﻒ ﺫﺭﺍﻋﻬﺎ ﺣﻮﻝ ﻛﺘﻔﻬﺎ ﻭﻗﺎﻟﺖ : ﻟﻴﻪ ﺑﺲ ﺍﻭﻣﺎﻝ ﻋﻤﻰ ﺣﺴﻴﻦ ﻭﻋﻤﻰ ﺍﺑﺮﺍﻫﻴﻢ ﻭﻃﻨﻂ ﻋﻔﺎﻑ ﻛﻞ ﺩﻭﻝ ﻣﺶ ﻣﻌﺎﻛﻰ
ﻣﺮﻳﻢ : ﻣﻬﻤﺎ ﻛﺎﻥ ﻣﺶ ﺯﻳﻜﻮﺍ ﺑﺮﺿﻪ ﻳﺎ ﺍﻳﻤﺎﻥ
ﺗﺤﺴﺴﺖ ﺍﻳﻤﺎﻥ ﺍﻟﺠﺮﺡ ﻓﻰ ﻭﺟﻪ ﻣﺮﻳﻢ ﻭﻗﺎﻟﺖ : ﻣﻦ ﺍﻳﻪ ﺩﻩ
ﻣﺮﻳﻢ ﺑﺎﺭﺗﺒﺎﻙ : ﺍﺑﺪﺍ ﺍﺗﻌﻮﺭﺕ ﻓﻰ ﻣﺮﺍﻳﺔ ﺍﻟﺤﻤﺎﻡ ﻭﺗﺎﺑﻌﺖ ﻭﺑﻌﺪﻳﻦ ﺩﻩ ﺣﺎﺟﻪ ﺑﺴﻴﻄﻪ ﻳﻌﻨﻰ ﺑﻜﺮﻩ ﻳﺨﻒ
ﺿﻤﺘﻬﺎ ﺍﻳﻤﺎﻥ ﺑﺤﺐ ﻭﻗﺎﻟﺖ : ﺍﺣﻜﻴﻠﻰ ﺑﻘﻰ ﻋﻤﻠﺘﻰ ﺍﻳﻪ ﺍﻟﻴﻮﻣﻴﻦ ﺍﻟﻠﻰ ﻓﺎﺗﻮﺍ ﺩﻭﻝ .. ﻗﺎﻃﻌﻬﺎ ﻃﺮﻗﺎﺕ ﺍﻳﻬﺎﺏ ﻋﻠﻰ ﺍﻟﺒﺎﺏ
ﻧﻬﻀﺖ ﺍﻳﻤﺎﻥ ﻭﻓﺘﺤﺖ ﺍﻟﺒﺎﺏ ﻻﻳﻬﺎﺏ ﻓﺪﺧﻞ ﻣﺒﺘﺴﻤﺎ ﻭﻟﻜﻨﻪ ﺑﻤﺠﺮﺩ ﺍﻥ ﺭﺍﻯ ﻣﺮﻳﻢ ﻋﻘﺪ ﺣﺎﺟﺒﻴﻪ ﻗﺎﺋﻼ : ﺍﻳﻪ ﺩﻩ ﻣﺎﻟﻚ ﻳﺎ ﻣﺮﻳﻢ
ﻗﺎﻟﺖ ﺍﻳﻤﺎﻥ : ﺍﺑﺪﺍ ﺩﻯ ﺟﺎﻟﻬﺎ ﻧﺎﺯﻟﺔ ﺑﺮﺩ ﺟﺎﻣﺪﻩ ﻳﻮﻡ ﺍﻟﻔﺮﺡ ﻭﻃﻨﻂ ﻋﻔﺎﻑ ﻗﺎﻟﺘﻠﻰ ﺍﻧﻬﺎ ﻣﻦ ﺳﺎﻋﺘﻬﺎ ﻣﺶ ﻋﺎﻭﺯﻩ ﺗﺎﻛﻞ
ﺑﺪﺍ ﻋﻼﻣﺎﺕ ﺍﻻﺗﻴﺎﺡ ﻋﻠﻰ ﻭﺟﻪ ﺍﻳﻬﺎﺏ ﻭﺳﺄﻟﻬﺎ ﻧﻔﺲ ﺍﻟﺴﺆﺍﻝ ﻋﻦ ﺟﺮﺣﻬﺎ ﻓﻘﺎﻟﺖ : ﻣﺮﺍﻳﺔ ﺍﻟﺤﻤﺎﻡ ﺍﻟﻠﻪ ﻳﺴﺎﻣﺤﻬﺎ ﺧﺪﺗﻨﻰ ﻋﻠﻰ ﺧﻮﺍﻧﻪ ﻭﺍﻧﺎ ﻣﻐﻤﻀﻪ ﻋﻨﻴﻪ
ﺍﺣﺘﻀﻨﻬﺎ ﺍﻳﻬﺎﺏ ﻭﻫﻮ ﻳﻘﻮﻝ : ﻭﺣﺸﺘﻴﻨﻰ ﺍﻭﻯ ﻣﺮﻳﻢ ﻣﻜﻨﺘﺶ ﺍﻋﺮﻑ ﺍﻧﻚ ﻫﺘﻮﺣﺸﻴﻨﻰ ﺍﻭﻯ ﻛﺪﻩ ......... ﻫﻘﻮﻟﻚ ﺑﻘﻰ ﻋﻠﻰ ﺧﺒﺮ ﻫﻴﺨﺎﻟﻴﻜﻰ ﺗﺎﻛﻠﻰ ﺍﻛﻞ ﺍﻟﺒﻴﺖ ﻛﻠﻪ
ﻣﺮﻳﻢ : ﺧﻴﺮ ﻳﺎ ﺍﻳﻬﺎﺏ
ﺍﻳﻬﺎﺏ ﻣﺒﺘﺴﻤﺎ : ﻳﻮﺳﻒ ﻃﻠﺒﻚ ﻣﻨﻰ ﺩﻟﻮﻗﺘﻰ
ﺃﻃﺮﻗﺖ ﻣﺮﻳﻢ ﺭﺃﺳﻬﺎ ﻭﺍﻏﻤﻀﺖ ﻋﻴﻨﻴﻬﺎ ﻭﺃﺿﺎﺀﺕ ﺻﻮﺭﺗﻪ ﻓﻰ ﻋﻘﻠﻬﺎ ﻭﻫﻮ ﻳﺪﻓﻌﻬﺎ ﻟﻠﺨﻠﻒ ﻓﺎﻧﺘﻔﻀﺖ ﺑﺪﻭﻥ ﻭﻋﻰ ﻣﻨﻬﺎ ﻧﻈﺮ ﻟﻬﺎ ﺍﻳﻬﺎﺏ ﺑﻘﻠﻖ : ﺍﻳﻪ ﻣﺎﻟﻚ
ﺣﺎﻭﻟﺖ ﻣﺮﻳﻢ ﺍﻟﺴﻴﻄﺮﻩ ﻋﻠﻰ ﻣﺸﺎﻋﺮﻫﺎ ﻭﻫﻰ ﺗﻘﻮﻝ ﻣﺘﺼﻨﻌﺔ ﺍﻟﺨﺠﻞ : ﺍﺑﺪﺍ ﻳﺎ ﺍﻳﻬﺎﺏ ﻭﺍﻧﺖ ﻗﻠﺘﻠﻪ ﺍﻳﻪ
ﺍﻳﻬﺎﺏ : ﻗﻠﺘﻠﻪ ﻟﻤﺎ ﺍﺳﺎﻟﻚ ﺍﻻﻭﻝ ...
ﻭﻗﻔﺖ ﺍﻳﻤﺎﻥ ﺑﺸﻜﻞ ﺗﻠﻘﺎﺋﻰ ﻭﻫﻰ ﺗﻘﻮﻝ ﺑﺤﺴﻢ : ﻻﺀ ... ﺍﻧﺎ ﻣﺶ ﻣﻮﺍﻓﻘﻪ
*********************
إلي هنا ينتهي الفصل التاسع عشر من رواية إغتصاب ولكن تحت سقف واحد
تابع من هنا: جميع فصول رواية إغتصاب تحت سقف واحد
تابع من هنا: جميع فصول رواية الملعونة بقلم أميرة المضحى
تابع من هنا: جميع فصول رواية الملعونة بقلم أميرة المضحى
تابع من هنا أيضاً: جميع فصول رواية الشرف ج1 بقلم قسمة الشبينى
إرسال تعليق
يسعدنا تلقي اقتراحاتك أو تعليقك هنا