قصص رومانسية جريئة ممنوع دخول الأطفال

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة دودو محمد علي موقعنا قصص 26 و موعدنا اليوم مع الفصل الخامس و الخمسون من  رواية تمرد صحفية بقلم دودو محمد. 

رواية تمرد صحفية بقلم دودو محمد - الفصل الخامس و الخمسون

اقرأ أيضا: روايات رومانسية

رواية تمرد صحفية بقلم دودو محمد

رواية تمرد صحفية بقلم دودو محمد - الفصل الخامس و الخمسون

فى مدرسة سندس ومؤمن

انتهى وقت الدراسه والكل خرج من المدرسه وخرجت سندس وهى خايفه ومتوتره من وائل ليرجع يضايقها تانى وكانت بتبص حاوليها واتفاجئت بوائل بيقولها

وائل :- بخ انا جيييت
سندس :- اتخضت وقالت ا.ا.انت تانى محرمتش من اللى حصلك من مؤمن
وائل :- هههههه مؤمن ده هو اللى متفق معايا اعمل كده ويضربنى قدامك علشان يظهر قدامك بطل
سندس :- بصت ليه بصدمه وقالت كداب
وائل :- وانا هكدب ليه مليش مصلحه يعنى علشان اعمل كده
سندس :- دموعها نزلت منها وقالت تانى يا مؤمن تانى
وائل :- مؤمن ده مش سهل ده بيعمل شوية خطط على البنات علشان يوقعهم فيه ابن لذينه الصراحه ده مقضيها اربعه وعشرين ساعه مع البنات
سندس :- بدموع مؤمن
وائل :- ايوه مؤمن وانتى وراحتك بقى عايزه تصدقى صدقى مش عايزه براحتك سلام يا مزه وسابها ومشى وهو بيضحك ضحكة شر
سندس :-بدموع ياربى عليا وعلى غبائى مش بحرم منه كل مره بتتخدعى فيه بسهوله وهو شايفك واحده هبله بيعرف يلعب عليها صح وهى تصدقه
وفى الوقت ده جه مؤمن وقال

مؤمن :- سندس دورت عليكى فى المدرسه كلها ايه خرجك لوحدك
سندس :- حاولت تدارى دموعها وقالت وفيها ايه لما أخرج لوحدى ها
مؤمن :- علشان اللى اسمه وائل ده ميتعرضش ليكى تانى
سندس :- والله لا جدع مفكرنى صدقت الشويتين اللى عملتهم جوه عليا انت وصاحبك ده لا فوق انا سندس الحناوى يا مؤمن ومش واحد زيك هيشتغلها ابعد عن سكتى وبلاش انا احسنلك مفهوم
مؤمن :- بصدمه شويتين ايه اللى بتتكلمى عليهم دول انا لا متفق مع حد ولا اعرف انك موجوده فى المدرسه اصلا واتفاجئت أن البنت اللى كان بيعاكسها وائل انتى يا سندس اقسم بالله معرفش انك نقلتى فى المدرسه بتاعتى خالص
سندس :- صقفت ليه وقالت لاء برافو تمثيل رائع صدقته الصراحه بس حضرتك عايز تقنعنى أن الست هانم اختك مش قايله ليك أن انا معاك فى المدرسه
مؤمن :- للاسف محدش قالى والست هانم اللى بتتكلمى عليها دى تبقى مرات اخوكى الكبير يعنى ياريت تحترميها شويه الست هانم دى اللى دافعت عليكى قصادى بدل المره مليون مره بجد داليا متستحقش تتكلمى عليها بالطريقه دى يا سندس ولاخر مره انا متفقتش مع حد عليكى
سندس :- والله بقى انا مش ملزمه اصدقك انت فى نظرى واحد كداب ومخادع وعمرى ما هصدقك فى حياتى
مؤمن :- براحتك يا سندس تصدقى متصدقيش انتى حره بس اعملى حسابك انا هفضل احميكى هنا مش علشانك لاء علشان أنا متأكد مدام جابوكى فى المدرسه اللى انا فيها يبقى علشان احميكى واخلى بالى منك وهما متأكدين أن انا هعمل كده وانا مش هخيب ظنهم فيا اتفضلى امشى قدامى
سندس :- لاء مش همشى معاك انا هروح لوحدى انت مش ولى أمر حضرتك علشان توصلنى لحد البيت ولسه هتمشى
مؤمن :- وقف تاكسى ومسكها من دراعها وركبها بعصبيه وركب معاها وصلها عند الفيلا وروح على البيت
~•~•~•~•~•~•~•~•~•~•~•~•~•
عند تامر تم القبض على أفراد العصابه و البوص حاول الهرب منه وراح اخد انعام ولسه هيهرب هو وإنعام وصلهم تامر ووجه المسدس بتاعه ليهم وحاولت إنعام تنفى عن نفسها التهمه وتقول انها مخطوفه بس تامر رد عليها وقال

تامر :- انا عارف قذرتك من زمان اوى بس كنت مستنى اللحظه اللى هوقعك انتى والبوص اللى كان صدمه ليا لما عرفت هو مين منور يا مكرم مكانش حد يصدق أبدآ أن انت البوص
مكرم :- بنورك يا تامر باشا جدع الصراحه بس مين أكد ليك بقى أن انا البوص الكبير
تامر :- معايا إثبات متقلقش وعارف مين اللى مشغلك من بره ودى مش مسؤوليتنا يا بوص
إنعام :- صدقنى يا ابنى انا مليش دعوه
تامر :- اه ما انا مصدقك يا حماتى بس فى الوقت ده مكرم هجم على تامر وشد منه المسدس ووجه ليه وقال
مكرم :- ههههه مش عيب لما ظابط ذكى زيك يتاخد منه سلاحه كده
تامر :- حاول يقرب من مكرم
مكرم :- حط أيده على الزناد وقال حركه واحده تانى هقتلك
تامر :- ليه تعمل فى نفسك كده أهلك ناس محترمه ليه تضيع نفسك بالشكل ده
مكرم :- هههههههه اهلى فين اهلى دول مش شاغلين دماغهم بيا اصلا اهم حاجه عندهم ابنهم أكرم وبس كأنهم مجابوش غيره حاولت اذيه كتير بس للاسف كان كل مره بيفلت منها حاولت احرق قلبه على حبيبته زى ما هو حرق قلبى على اللى بحبها بس انقذتوها فى اخر لحظه لسه بدرى قوى عليا انا لسه مخلصتش انتقامى منهم انا هحرق قلب أكرم على مراته وعلى صديق عمره اللى بيحبه اكتر منى رغم أن انا اخوه بس مش بيشوفنى أبدآ طول عمره بيبقى ادهم الحناوى عليا انا
تامر :- فوق يا مكرم أهلك بيحبوك انت لسه صغير اوى على اللى انت بتعمله ده مفكرتش هيبقى ايه وضع أهلك لما يعرفوا حقيقة ابنهم
مكرم :- هههههههه ولا هيهتموا اصلا ما هو انا مش أكرم علشان يزعلوا عليه بس ايه رأيك فيا صغير على البوص مش كده هههههه
تامر :- تعال معايا مكرم وكفايا اجرام لحد كده وحاول يقرب ليه
مكرم :- ضرب رصاصه على كتف تامر وقال قولتلك متتحركش المره الجايه هتكون فى قلبك فاهم
تامر :- وقع على الأرض بألم ومسك كتفه
إنعام :- بصت بخوف لمكرم وقالت ا.ا.انا كان لازم اقول كده ع.ع.علشان ابقى بره واجبلك م.م.محامى يا مكرم
مكرم :- كان لازم اقتلك من الاول زى ما قتلت جوزك واحده خاينه
إنعام :- لالالا يا مكرم بلاش تعمل كده ارجوك ا.ا.انا مقصدش حاجه والله
مكرم :- ضربها بالرصاص فى دماغها وقال فى داهيه
إنعام :- وقعت فى الارض جثه هامده
مكرم:- بص لتامر وقال اه نسيت اقولك انا اللى اقتلت خالد الحناوى دفعت كتير اوى على قتله ده بس الصراحه ميستهلش كل الفلوس دى يلا خد الشر وراح بس الندل الجبان ساب دليل علينا يلا ملحوقه ما انت هتروح زى الشاطر كده وهتجيبهم ليا اصل نسيت اقولك خطيبتك عندى مشرفه الرجاله جابوها والمصيبه أن امها هى اللى قالت ليا اعمل كده فى بنتها بنى ادمه زباله يلا اهى اخدت الشر وراحت هى كمان
تامر :- وهو بيدوس على سنانه اقسم بالله لو مسيت شعره منها مش هرحمك يا مكرم
مكرم :- هههههه براحه على نفسك يا حضرت الظابط علشان انا ممكن ادفنك مكانك ومحدش يعرفلك طريق الورق يكون عندى النهارده لو فكرت تلعب عليا خطيبتك هتوصلك جثه فاهم وطلع يجرى من قدامه
تامر :-وهو ماسك الجرح بألم قال يا ابن الكلب ودينى ما انا سايبك وحاول يقوم من الأرض ومسك تليفونه اتصل بالفريق بتاعه وجت الإسعاف شالت جثة إنعام من الأرض واخدت تامر تعالجه
~•~•~•~•~•~•~•~•~•~•~•~•~•
عند نهى

خرجت من الشركه وهى متوتره ولاقت محمد منتظرها راحت عنده وقالت

نهى :- ا.ا.السلام عليكم
محمد:- وعليكم السلام ورحمه الله وبركاته واحشتينى على فكره
نهى :- احم م.م.ممكن بس متأخرنيش على البيت
محمد :- اه طبعآ اتفضلى اركبى وفتح ليها الباب
نهى :- ركبت العربيه وهى متوتره
محمد :- قفل الباب وراح ركب جنبها وساق العربيه وراح عند المطعم ونزل وراح فتح الباب لنهى ومد أيده ليها وقال اتفضلى
نهى :- بصت على أيده ونزلت من العربيه من غير ما تمد ايديها وقالت ش ش.شكرآ
محمد :- ابتسم وقفل الباب وقال العفو وبعدين قال اتفضلى امشى
نهى :- مشيت ودخلت مع محمد المطعم وقعدوا على الترابيزه وسألها تاكل ايه وطلبوا الاكل وقعدوا أكلوا من غير ما يقولوا ولا كلمه وبعد وقت انتهوا من الاكل
نهى :- احنا أكلنا اهو ممكن نتكلم بقى علشان الوقت
محمد :- اه طبعآ اتفضلى انتى اتكلمى بقى
نهى :- بأستغراب اتكلم اقول ايه
محمد :- قولى انتى خايفه ومتردده ليه فى الموافقه عليا
نهى :- احم انا مش مشكلتى انت خالص يا محمد انا مشكلتى كلها فى الولاد انا خايفه اكون مش قد مسؤولية الاطفال خايفه معوضش ليهم غياب مامتهم خايفه ميتقبلوش وجودى فى حياتهم
محمد :- بس دى مش مشكله خالص ومفيش داعى لقلق ده نفترض أن انتى مقدرتيش تستحملى مسؤوليتهم مفيش اى مشكله خالص
نهى :- ازاى بقى مش فاهمه
محمد :- يعنى انا ممكن اسيبهم قاعدين مع امى عادى ما كده كده امى واختى هيعيشوا معانا وهما اللى هيخدوا بالهم من الأولاد ولما ربنا يكرمنا بأخ أو اخت ليهم هتكونى كده اتجرأت على تربية الأطفال تخلى بالك منهم كلهم
نهى :- بقلق بس أهلك مش هيزعلوا أن انا هبقى معاهم مرات ابنهم وهما اللى بياخدوا بالهم من الأطفال
محمد :- لاء طبعآ اهلى دول عسل وطيبين خالص وبكره هتقابليهم وتحبيهم
نهى :- سكتت ومردتش عليه
محمد :- سكتى ليه
نهى :- مش عارفه اقولك ايه الصراحه
محمد:- وافقى يا نهى ومش هتندمى صدقينى
نهى :- هزت راسها بالموافقه
محمد :- بفرحه بجد موافقه يا نهى
نهى :- ا.ا.ايوه
محمد :- هخليكى اسعد واحده على الأرض مش هتندمى صدقينى
نهى :- بقلق وتوتر ا.ا.ان شاءالله
محمد :- بلغى أهلك أننا جاين النهارده انا واهلى نتقدملك
نهى :-بأستغراب النهارده بسرعه كده
محمد:- ايوه يا حبيبتى مفيش وقت علشان هخدك معايا المرادى وانا مسافر
نهى :- هتخدنى ازاى مش فاهمه
محمد :- هخدك نقضى شهر العسل هناك
نهى :- احلف ده اللى هو ازاى هتخدنى اخر الاسبوع مش فاهمه
محمد :- يعنى هتقدم ليكى النهارده وهتفق مع أهلك هكتب كتابك اخر الاسبوع ده وخدك واسافر بيكى تانى يوم
نهى :- يعنى مش هنعمل فرح
محمد :- يا حبيبتى ايه لزمته الفرح ده المهم نبقى انا وانتى مع بعض وخلاص ولا انتى ايه رأيك
نهى :- سكتت شويه وبعدين قالت بتردد م.م.ماشى
محمد :- صدقينى مش هتندمى عمرك على موافقتك دى
نهى :- بتمنى ممكن نمشى بقى علشان اتأخرت اوى
محمد :- اوك يلا يا قلبى ودفع الحساب واخدها ومشى وصلها على بيتهم وروح هو فيلته
~•~•~•~•~•~•~•~•~•~•~•~•~•
فى فيلا رودينا

وصل فادى عندهم الفيلا وقعد انتظر مقابلة ابوها وبعد وقت نزل ابو رودينا وسلم على فادى وقعد

ابو رودينا :- منورنا يا ابنى
فادى :- بنورك يا عمى
ابو رودينا :- رودينا كانت قالت ليا على الموضوع اللى جاى علشانه
فادى :- ايوه يا عمى انا جاى اطلب ايد رودينا وبتمنى حضرتك توافق من غير ما تسألنى عن اهلى لانك اكيد عارف كل اخبارنا
ابو رودينا :- منكرش ان انا استغربت لما رودينا قالت ليا عليك بس هى متمسك بيك وطلبت منى نفس طلبك ده وانا اهم حاجه عندى سعادة بنتى ومدام سعادتها معاك يبقى على خيرة الله يا ابنى
فادى :- ربنا يخليك يا عمى وان شاءالله مش هتندم على ثقتك دى وهجبلها شقه مؤقته هعيشها فيها لحد ما اتخرج بس وهجبلها فيلا واعيشها فى نفس المستوى اللى هى عايشه فيه دلوقتى
ابو رودينا :- يا ابنى رودينا مش بتفكر كده خالص رودينا ابسط مما تتخيل يعنى لو عاشت فى اوضه واحده بحمامها مع الشخص اللى بتحبه قادره تخليها جنه
فادى :- عارف يا عمى ودى اكتر حاجه عجبانى فيها بس انا عايز اتجوزها اخر الشهر ده وبعتذر ليكم مش هقدر اعمل فرح علشان ظروف موت بابا واختفاء امى ده
ابو رودينا :- والله موضوع الفرح ده تقدروا تتفقوا مع بعض فيه وانا معنديش ايه مشكله على كتب الكتاب خالص انت ابننا يا فادى وعارف اصلك ايه يا حبيبى
فادى :- ربنا يخليك يا عمى متشكر بجد
ابورودينا :- على ايه الشكر بس يا ابنى ربنا يسعدكم يارب نقرأه الفاتحه
فادى :- اوك وقرأو الفاتحه واستأذن ابو رودينا وخرج راح جاب رودينا وسابهم فى الاوضه لوحدهم
فادى :- مبروك يا عروستى
رودينا :- بكسوف ا.ا الله يبارك ف.ف.فيك
فادى :- مش مصدق نفسى الصراحه انك خلاص بقيتى خطييتى وكلها كام يوم وتبقى مراتى بتاعتى
رودينا :- بكسوف و.و.ولا انا الصراحه
فادى :- بس معلش يا رودى مش هقدر اعملك فرح علشان الظروف اللى انا فيها دى
رودينا :- مش مهم الفرح انا اهم حاجه عندى انت يا فادى
فادى :- بحب بجد يا رودينا
رودينا :- ط.ط.طبعآ يا فادى مش محتاجه سؤال
فادى :- هعيشك اسعد ايام حياتك مش هخليكى تندمى عمرك على الخطوه دى يا قلبى
رودينا :- وانا واثقه فيك يا فادى
فادى :- بحبك
رودينا :- ه ه.هقوم اجبلك حاجه تشربها وطلعت تجرى من الاوضه بكسوف
فادى :- ضحك وقال اهربى براحتك كلها ايام ومفيش مفر منى ودخل ابو رودينا ورودينا الاوضه قعدوا شويه مع بعض وبعد وقت مشى فادى
~•~•~•~•~•~•~•~•~•~•~•~•~•
فى بيت نهى

وصل محمد وأهله البيت عندها وتم الاتفاق على كل شئ ولكن كانت نهى قلقانه من نظرات ام محمد واخته ليها وحاولت تتكلم مع الاطفال بس مكانش حد فيهم راضى يكلمها

محمد :- مالك يا قلبى
نهى :- بتوتر م.م.مفيش
محمد :- اياد تيا تعالوا يا حبايب بابى
اياد وتيا :-راحو عند محمد وقالوا نعم يا بابى
محمد :- سلموا على مامى الجديده
تيا :- لا دى مش حلو يا بابى خالص
محمد :- تيا عيب يا حبيبتى
اياد :- تيا عندها حق يا بابى انا محبتهاش
محمد :- بعصبيه عيب كده يا ولاد مامى نهى حلوه وبتحبكم
ام محمد :- ايه يا محمد متتعصبش على الأولاد علشان حد هما اطفال ويقولوا اللى عايزينه الله
محمد :- يا ماما انا متعصبتش عليهم بس لازم يعرفوا أن عيب يقولوا كده لازم يحترموا الكبير
اخت محمد :- والله هما مغلطوش هو الحب بالعافيه تعالى يا تيا انتى واياد وبصت بقرف لنهى
نهى :- بأحراج احم سيبهم براحتهم يا محمد
محمد :- مسك ايديها وقال متزعليش يا حبيبتى اكيد مع الايام هياخدو عليكى
نهى :- ا.ا.ان شاءالله وبصت لامه ولاخته بخوف وتوتر
ام محمد :- مش يلا بينا يا محمد ولا ناوى تنام هنا
محمد :- طيب اصبرى شويه يا ماما
اخت محمد :- خلاص براحتك امك تعبانه من القاعده وعايزه تروح
محمد :- اتنهد ووقف وبص لنهى وقال معلش يا حبيبتى همشى بقى مينفعش اسيبهم يروحوا لوحدهم
نهى :- م.م.مفيش مشكله يا محمد
وراحت وصلتهم لحد الباب
محمد :- قرب من ودنها وقال هتواحشينى وبعد عنها وغمز ليها ونزل مع أمه واخته
نهى :- ابتسمت ليه بكسوف ودخلت وقفلت الباب وراها ودخلت تجرى على اوضتها واخدت تليفونها وطلبت رقم رودينا وانتظرت الرد
رودينا :- عروستنا الجميله عملتى ايه
نهى :- كله تمام والفرح اخر الاسبوع ده
رودينا :- مبروك يا نونه بس ليه حاسه ان صوتك حزين
نهى :- اتنهدت وقالت مش عارفه اقولك ايه الصراحه بس انا حاسه ان انا اتسرعت فى الجوازه دى
رودينا :- ليه بتقولى كده
نهى :- أمه واخته يا رودينا حاسه انهم مش مرحبين بوجودى معاهم أبدآ والأطفال محبنيش خالص
رودينا :- انتى عبيطه يا بت دول اول مره يقابلوكى عايزاهم يعنى يخدوكى بالبوس والاحضان ما اكيد هتبقى معاملتهم معاكى كده لأنهم لسه متعرفوش عليكى والأطفال تقدرى تخطفى قلبهم بحاجات بسيطه جدآ أهدى كده واجمدى انتى بس متوتره ودماغك شغاله على الفاضى
نهى :- يا بنتى نظرتهم ليا مش مطمنانى خالص والله مش عارفه بقى ربنا يستر
رودينا :- أهدى يا حبيبتى وان شاءالله خير ومحمد ابن حلال وشكله بيحبك اوى
نهى :- انا مش معترضه على محمد خالص يا رودى انا عارفه أنه بيحبينى وانا والله العظيم بحبه بس اللى وراه
رودينا :- مدام بتحبوا بعض اى حاجه تهون بعد كده
نهى :- عندك حق المهم عملتى ايه النهارده انتى كمان
رودينا :- بفرحه خطبنى والفرح اخر الشهر ده وهبقى مع فادى علطول مش مصدقه نفسى يا نونه
نهى :- حبيبتى ربنا يسعدك يارب
رودينا :- ويفرح قلبك يا حبى وبعدين قالت نونه هقفل معاكى بقى علشان فادى بيتصل باى
نهى :- الله يسهلوا باى يا حب وقفلت السكه مع رودينا وحطت التليفون جنبها ونامت على السرير وقالت يا ترى الايام مخبيه ليكى ايه يا نهى وغمضت عينيها ونامت
~•~•~•~•~•~•~•~•~•~•~•~•~•
فى مكان مهجور

فاقت دينا لاقت نفسها متكتف ايديها ورجليها وعينيها متغطيه حست بخوف وقالت

دينا :- ا.ا.انا فين وصرخت بصوت عالى وقالت يا ناااااس ياللى هنا حد يرد عليا انا فين
وسمعت صوت الباب بيتفتح والنور نور وحد شال الغطا اللى عينيها حاولت تفتح عينيها فى النور معرفتش قعدت تفحتها وتغمضها كذا مره لحد ما اتعودت على الضوء وقالت بصدمه مكرم انت بتعمل ايه هنا وانا بعمل ايه وليه متكتفه كده
مكرم :- قعد قصادها وقال انتى هنا مخطوفه وانا اللى خطفك ليه علشان خطيبك معاه ورق يخصنى
دينا :- ورق ايه ده اللى تودى نفسك فى ستين داهيه وتخطفنى علشانه
مكرم :- هههههههه الاورق ده قصاد عمرك يا حلوه
دينا :- بأستغراب انت مالك بتتكلم كده يا مكرم فيك ايه
مكرم :- قرب منها وقال علشان هى دى طريقتى يا حلوه الحقيقيه مش مكرم اللى انتى تعرفيه
دينا :- مش فاهمه تقصد ايه
مكرم :- قرب اكتر ليها وقال يعنى انتى متعرفيش حاجه عنى يا دينا
دينا :- بصدمه انت ازاى كده فيه حاجه غلط مش انت مكرم اللى انا اعرفه وعاش واتربى وسطنا
مكرم :- هههههههه صح مش انا انا واحد تانى خالص غير ده انا مكرم تاجر المخدرات البوص الكبير اللى بمشى كل حاجه بأشاره واحده من صباعى وامك وابوكى كانوا لعبه فى ايدى بحركهم زى ما انا عايز انا اللى قتلت ابوكى وقتلت امك وهقتلك لو تامر فكر يلعب بديله معايا انا اللى هنتقم من كل شخص داس عليا وجرحنى عرفتى انا مين دلوقتى
دينا :- بصدمه ا.ا.انت قولت ايه قولت قتلت امى ودموعها نزلت منها وقالت ا.ا امى ماتت ليه تعمل كده ليييييه قتلت بابا وماما ليه حرررررام عليك
مكرم :- متزعليش اوى كده على امك متستهلش كل ده دى واحده مش بيهمها حد غير نفسها وبس دى هى اللى قالت ليا اخطفك ههههه ونعم الامومه الصراحه
دينا :- بدموع مااااااما قتلتها ليه حرام عليك وقعدت تعيط
مكرم :- قعد يضحك وخرج وسابها
دينا :- عااااااااا تااااامر تعال ارجوك تعال وقعدت تعيط
~•~•~•~•~•~•~•~•~•~•~•~•~•
اشرقت شمس صباح يوم جديد بنورها الساطع فى سماء الاسكندريه لتبدء داليا بفتح عيونها اخدت تليفونها من جنبها وجابت رقم ادهم رنت عليه لاقته لسه مقفول دموعها نزلت منها وقالت براحتك يا ادهم انت حر بقى وقامت دخلت الحمام اخدت شاور واتوضت وخرجت لبست هدومها وأدت فرضها وخرجت خبطت على باب اوضت دينا محدش رد عليها نزلت لاقت سندس قالت صباح الخير
سندس :- بقرف صباح النور
داليا :- هى دينا فين مش فى اوضتها
سندس :- معرفش هى فين وقامت مشيت لحد الباب ورجعت تانى بصت لداليا وقالت ابقى قولى لاخوكى بلاش حواراته دى خليه يبعد عنى احسن ماشى وخرجت وسابتها
داليا :- هزت راسها يمين وشمال وقالت نسخه من ادهم سبحان الله مع انهم مش اخوات وخرجت ركبت العربيه وراحت على جريده كبيره وقدمت على شغل واول ما عرفوا أنها مرات ادهم الحناوى وافقوا علطول على شغلها واستلمت الشغل واول ما خرجت من المكتب صاحب الجريده مسك تليفونه وطلب رقم ادهم علشان يبلغه بس كان مغلق
داليا :- كانت فرحانه بشغلها الجديد واستلمت الشغل وقعدت على المكتب بتاعها وبصت حاوليها حست أن فيه حاجه نقصها اتنهدت بوجع وقالت ليه يا ادهم توصل حياتنا لكده ليه وبدأت تشوف شغلها وهى حاسه بوجع وكسره فى قلبها
~•~•~•~•~•~•~•~•~•~•~•~•~•
فى فيلا أكرم

كان الكل متجمع على سفرة الفطار الا مكرم قالت وفاء

وفاء :- مش عارفه ليه قلبى مقبوض النهارده
منير :- استعيذى بالله من الشيطان الرجيم يا حبيبتى أن شاءالله خير
ايه :- امال فين مكرم يا ماما
وفاء :- ما انتى عارفه يا بنتى اخوكى بيجى واحنا نايمين وبيمشى برضه قبل ما بنصحه
أكرم :- طول عمره قليل اوى لما بيقعد معانا على سفره واحده بنتقابل مع بعض بالصدفه
فاطمه :- يمكن هو شخصيه انطوائيه يا جماعه والشخص الانطوائى ده دايمآ بيفضل القاعده لوحده وعدم الاختلاط
وفاء :- كان نفسى يبقى زينا كده يتكلم معانا شويه بس للاسف مختلف عننا
ايه :- ورفض جاسمين ليه زود الحكايه دى عنده خالص
منير :- ربنا يصلح حاله يارب وفى الوقت ده سمعوا صوت جرس الباب وشويه والشغاله جت وقالت إن فيه ظابط اسمه تامر عايز يقابل منير الكل خرج يجرى وراه منير علشان يعرفوا فيه ايه
تامر :- انا اسف أن انا جيت ليكم من غير ما استأذن بس محبيتش حد غيرى يجى ويبلغكم الخبر ده انا خرجت من المستشفى عليكم علطول
أكرم :- بقلق خير يا تامر اتكلم وسلامتك الف سلامه
تامر :- الله يسلمك يا اكرم
منير :- اتفضل يا ابنى جوه احنا هنتكلم على الباب
تامر :- دخل وقال شكرآ
وقعدوا كلهم وهما منتظرين أن تامر يتكلم
أكرم :- ها يا تامر اتكلم
تامر :- بأحراج انا اسف جدآ على اللى هقوله ده
ايه :- ما تتكلم حضرتك انت قلقتنا كلنا على فكره
تامر :- مكرم
وفاء :- بخضه ابنى حصله حاجه
تامر :- للاسف مكرم مجرم كبير ومطلوب القبض عليه
أكرم :- مين ده اللى مجرم كبير انت تقصد مكرم اخويه انا انت اتعبط يا تامر
تامر :- انا مقدر صدمتكم من الخبر بس هى دى الحقيقه مكرم هو اللى وراه قتل خالد الحناوى وهو اللى قتل إنعام مراته قصاد عينى وهو اللى صابنى كده وهو اللى كان خاطف مراتك وهو اللى خاطف خطيبتى دينا دلوقتى ولو فضل بره الحبس كتير ناس كتير هتنضر وأولهم انت يا اكرم ومراتك وادهم الحناوى كلكم فى خطر دلوقتى ولازم نلاقيه فى اسرع وقت ممكن
منير :- لا مستحيل ابنى انا يقتل ويأذى حد مستحيل ابنى انا مربيه كويس لالالا فيه حاجه غلط مستحيل ابنى يكون مجرم مستحيل
تامر :- اهدا يا عمى بس هى دى الحقيقه ومعايا إثبات يأكد كلامى ده
ايه :- بدموع لالالا مستحيل مكرم يكون مجرم مستحيل
فاطمه :- الحق يا اكرم ماما الكل وقف حاوليها وحاولوا يفوقوها
تامر :- ابعدوا شويه يا جماعه علشان النفس وبص لايه وقال هاتى اى ازازة برفان بسرعه
ايه :- طلعت تجرى وهى دموعها على خدها على اوضتها جابت البرفان ونزلت تجرى ادته لتامر
تامر :- حاول يفوقها بس مفقتش قال اتصلوا بلاسعاف بسرعه تخدها المستشفى
أكرم :- اتصل على الاسعاف ودموعه على خده وجت الإسعاف اخدتها على المستشفى وركب معاها منير والباقى راح فى العربيه وراها
~•~•~•~•~•~•~•~•~•~•~•~•~•
فى شقة جدة ادهم

صحى ادهم من نومه قام دخل الحمام اخد شاور وخرج لبس هدومه وخرج من اوضه راح خبط على باب اوضت جدته ودخل وقال

ادهم :- صباح الخير يا مديحه عامله ايه دلوقتى
الجده :- هزت راسها بمعنى كويسه
ادهم :- قعد جنبها وقال فطرتى
الجده :- هزت راسها بمعنى لاء
ادهم :- بأستغراب لاء ليه فين ميرفت
الجده :- هزت راسها بمعنى أنها متعرفش
ادهم :- قام خرج من الاوضه وقال ميرفت يا ميرفت وراح عند الاوضه المخصصه لميرفت وخبط عليها محدش فتح قال ميرفت ردى عليا هفتح الباب بس ملاقش رد فتح الباب ملاقش حد موجود استغرب وراح جاب تليفونه من الاوضه وفتحه لاقه رسايل كتير جدآ من الشركه باللى محاولين الاتصال بيه لاقه رقم داليا محاوله عليه كتير اوى ورقم أكرم وارقام تانيه كتير جاب رقم ميرفت واتصل بيها وانتظر الرد وبعد وقت ردت عليه ميرفت بصوت متعب وقالت
ميرفت :- بتعب قالت استاذ ادهم اسفه ليك بجد مقدرتش اجى النهارده
ادهم :- المهم انتى كويسه
ميرفت :- بدموع انا تعبانه اوى
ادهم :- اجيلك اوديكى المستشفى
ميرفت :- بلاش تتعب نفسك انا هبقى كويسه شويه كده
ادهم :- بس صوتك تعبانه انا جاى يا ميرفت وقفل السكه معاها ودخل لبس هدومه ودخل لجدته وقال انا نازل ومش هتأخر عليكى يا مديحه وباس راسها ونزل ركب عربيته وراح لميرفت مكان ما هى ساكنه وطلع يجرى وخبط عليها الباب بس محدش رد وبعد مده طويله من محاولته أنها ترد عليه ولا تفتح قرر يكسر عليها الباب وكسر الباب فعلا ودخل لاقها مغمى عليها شالها بسرعه ونزل حطها فى العربيه وراح بيها على المستشفى ودخل حطها فى اوضت الكشف وخرج بره يستنا الدكتوره تكشف عليها بس اتفاجئ بوجود أكرم راح يجرى عليه وقال
ادهم :- أكرم بتعمل ايه هنا
أكرم :- بدموع اتحدف فى حضن ادهم وقال مكرم طلع مجرم يا ادهم وامى مستحملتش الخبر حالتها صعبه اوى امى بتموت يا ادهم
ادهم :- بصدمه مكرم ازاى مش فاهم
أكرم :- بدموع مكرم كان هو وراه كل المصايب اللى كانت بتحصل لينا هو وراه قتل خالد الحناوى وهو اللى قتل إنعام وهو اللى كان خاطف مراتى وهو اللى خطف دينا ومتوعد لينا بالانتقام يا ادهم
ادهم :- بصدمه اختى دينا مخطوفه ازاى ده مين قالك يا اكرم
أكرم :- تامر خطيب دينا
ادهم :- بعصبيه فين تامر راح
أكرم :- دخل يغير على الجرح بتاعه علشان نزف جامد
ادهم :- اجمد يا اكرم وانا هروح اشوف تامر وارجع اختى واجيلك وسابه ومشى

عند ميرفت

دخلت الدكتوره كشفت عليها وفوقتها

ميرفت :- بقلق البيبى حصله حاجه يا دكتوره
الدكتوره :- اطمنى البيبى كويس بس انتى ضعيفه جدآ ومش بتاكلى وده عملك ضعف جامد خصوصآ أن البيبى بيسحب منك كل الكالسيوم والفيتامين اللى موجوده فى جسمك انا هركب ليكى محلول وهكتب ليكى على فيتامين وكالسيوم تخديهم بأنتظام
ميرفت :- اهم حاجه يكون البيبى كويس وانا هعمل كل. اللى هتقوليله عليه بس قبل المحلول ممكن ادخل الحمام
الدكتوره :- اه طبعآ اخر الطرقه دى يمين
ميرفت :- شكرآ وخرجت من الاوضه وراحت عند الحمام بس خبطت فى تامر وهى ماشيه وقالت اسفه
تامر :- بصلها بصدمه وقال بعد ما مشيت ميرفت مرات حمزه معقول وطلع تليفونه واتصل على حمزه وانتظر الرد واول ما رد عليه حمزه قال تعال بسرعه مستشفى (.....)
مراتك موجوده فيها
حمزه :- وهو مش مصدق نفسه بجد يا تامر ا.ا.انت شوفتها بعينك
تامر :- ايوه يا حمزه اخلص انا هشوف الدكتور اللى كشف عليها وهخليه يعطلها على ما انت تيجى بسرعه يا حمزه
حمزه :- بفرحه انا جاى بسرعه اهو وقفل مع تامر
وفى الوقت ده قابله ادهم وقال
ادهم :- اختى دينا فين يا تامر
تامر :- متقلقش بحاول اوصلها بسرعه قبل ما يأذيها مكرم
ادهم :- اقسم بالله ما هسيبه مكرم الكلب ده
تامر :- وجود مكرم بره بيعرض حياة ناس كتير للخطر
ادهم :- انا هعرف اجيب ابن**** ده ومشى وساب تامر
تامر :- شاف ميرفت دخلت اى اوضه وشاف الدكتوره خارجه من عندها راح طلب منها أنها تعطلها بأى طريقه وراح وراه ادهم علشان يوصل لدينا بأى طريقه
وبعد وقت وصل حمزه المستشفى ودخل يجرى سأل على الاوضه اللى فيها ميرفت وراح عند الاوضه وفتح الباب
و.............

*********************

إلي هنا ينتهي الفصل الخامس و الخمسون من رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد

تابع أيضاً: جميع فصول رواية آدم ولانا بقلم امونه

تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها

اقرأ أيضا: رواية من أجلك فقط بقلم لولو الصياد