مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة دودو محمد علي موقعنا قصص 26 و موعدنا اليوم مع الفصل السادس و الخمسون من رواية تمرد صحفية بقلم دودو محمد.
رواية تمرد صحفية بقلم دودو محمد - الفصل السادس و الخمسون
اقرأ أيضا: روايات رومانسية
 |
| رواية تمرد صحفية بقلم دودو محمد |
رواية تمرد صحفية بقلم دودو محمد - الفصل السادس و الخمسون
ادهم :- الو مين معايا
المتصل :- انا جورج رئيس تحرير جريدة (......)
ادهم :- مش فاضى لاى لقاءات صحفيه دلوقتى ولسه هيقفل
جورج :- بس انا مش متصل علشان كده حضرتك انا متصل بخصوص مرات حضرتك مدام داليا سعيد
ادهم :- بأستغراب مراتى مالها
جورج :- جت قدمت على وظيفه فى الجريده النهارده وانا وافقت وشغلتها عندى واستلمت الشغل كمان وهى حاليآ فى المكتب حاولة اوصل لحضرتك من بدرى بس الفون كان مغلق
ادهم :- تمام خليها شغاله عندك ومتعرفهاش أن انا عرفت حاجه وخد بالك منها لحد ما أفضلها
جورج :- اوك اللى يريح حضرتك ومتقلقش على مدام داليا انا هاخد بالى منها كويس مع السلامه حضرتك وقفل معاه وفى الوقت ده وصلوا رجالة ادهم
شخص 1:- أمر يا باشا احنا تحت امرك
ادهم :- وقف وقال مكرم الكلب عايزه عندى هنا مسحول وتوصلوا ليه قبل ما يمس شعره من أختى فاهمين
شخص 2:- تأمر يا باشا بس محتاجين وقت على ما نعرف خط سيره ايه
ادهم :- بعصبيه انت هتستعبط بقولك عايزه فى اسرع وقت اختى معاه
شخص 1:- اهدا يا باشا واللى حضرتك عايزه هيتم
ادهم :- اتفضلوا يلا شفوا شغلكم عايزه متكتف ومرمى فى المخزن اخركم بليل فاهمين امشوا يلا
خرجوا الرجاله من مكتب ادهم وقعد ادهم على كرسيه وقال ماشى يا مكرم انا هعرفك مين ادهم الحن وسكت فاجئه لما افتكر كلام مصطفى وان هو ابنه مش ابن خالد الحناوى غمض عينه بوجع واتنهد وفتح عينه تانى وقال بتوعد هتشوفوا منى ايام سوده بس اخلص من موضوع مكرم الكلب ده وانتى يا داليا انا هعرفك ازاى تنزلى الشغل من ورايا وقام اخد مفاتيحه وخرج من الشركه راح لاكرم فى المستشفى
~•~•~•~•~•~•~•~•~•~•~•~•~•
فى المستشفى
وصل حمزه بسرعه وهو مشتاق يقابل ميرفت بعد ما تامر بلغه بوجودها فى المستشفى وراح سأل على اوضتها وفتح الباب بشوق ولهفه بس ملاقش حد بيلف بضهره لاقه ميرفت واقفه مكانها مصدومه وبتبص ليه وقف مكانه مش مصدق نفسه أن هو شايفها بعنيه وقفوا مده الاتنين بيبصوا لبعض بصدمه ومحدش فيهم بيتحرك لحد ما فاق حمزه من صدمته وطلع يجرى عليها وحضنها وقال
حمزه :- واحشتينى يا ميرفت اوى هونت عليكى يا قلبى تبعدى عنى كل ده معقول قلبك قسى عليا كده وباس خدها وقال يااااااه واحشنى كل حته فيكى يااااااه يا ميرفت كنت هموت عليكى حاسس ان روحى رجعتلى من جديد انا كنت ميت من غيرك يا ميرفت ورجعت ليا تانى روحى بعد ما شوفتك
ميرفت :- واقفه مصدومه وايديها جنبها ومش بتقول ولا كلمه
حمزه :- بعد عنها وبص فى عينيها وقال مالك يا قلبى هو مش واحشك ولا ايه ميرفت اوعى تكونى كراهتينى ردى عليا ارجوكى بلاش سكوتك ده بيقتلنى والله
ميرفت :- ساكته ومش بترد
حمزه :- مش مهم تتكلمى مع أن انا واحشنى صوتك اوى بس اهم حاجه انك هتيجى معايا وهترجعى لحضنى تانى ومسك ايديها ومشى وشدها علشان تمشى
ميرفت :- شدت ايديها منه ورجعت لوراه ودموعها نزلت منها وقالت انا مش هروح معاك فى حته يا حمزه ابعد عنى طلقنى وانسانى
حمزه :- بصدمه اطلقك ايه اللى انتى بتقوليه ده يا ميرفت انا عارف انك زعلانه منى بس انا ندمان على كل كلمه قولتها ووجعتك سامحينى يا ميرفت ارجوكى
ميرفت :- بسهوله كده اسامحك ياااااه يا حمزه لدرجاتى معندكش دم بعد ما دوست على قلبى ووجعتنى جاى بكل سهوله كده تطلب من أن انا اسامحك وانسا اللى حصل منك لاء يا حمزه عمرى ما هنسا كلامك وكسرتك ليا كتير اترجيتك وقولتلك بلاش تظلمنى يا حمزه اسمعنى يا حمزه بس انت كنت رافض تسمع اى حاجه قولتلك هتندم على اللى انت بتعمله ده بس استهترت بكلامى واديك اهو بتدفع تمن استهتارك ولسه هتمشى
حمزه :- شدها وقفها وقال استنى يا ميرفت مفكرانى هسيبك تمشى بالسهولة دى بعد ما لاقيتك انتى متعرفيش انا كنت عايش ازاى ولا حالتى كانت شكلها ايه انا كنت بموت من غيرك يا ميرفت
ميرفت :- بتلقائيه حطت ايديها على بطنها خوف عليه من حمزه وده لفت انتباهه لبطنها ولاقها حامل
حمزه :- بصدمه انتى حامل
ميرفت :- بدموع بعدت عنه وقالت ملكش دعوه بيه د.د.ده ابنى انا فاهم وادته ضهرها
حمزه :- بعصبيه ابنك من مين يا ف*** انتى ازاى تعملى كده وانتى لسه على ذمتى انتى ناسيه أن انتى مراتى يا هانم وانا اقول هتكون راحت فين اداريكى مقضيها يا *****
ميرفت :- غمضت عينيها بوجع ولفت ليه ورفعت ايديها وضربته بالقلم وبصت ليه بقرف وسابته ومشيت
حمزه :- وقف مكانه مصدوم من اللى حصل وبعدين طلع يجرى وراها ومسكها من دراعها وقال استنى هنا يا هانم قوليلى ابن مين ده
ميرفت :- هتفضل ندل وجبان عمرك ما هتتغير يا حمزه ولسه هتمشى
حمزه :- دموعه نزلت وقال ليه تعملى فيا كده يا ميرفت ليه ده انا كنت بحلم باليوم اللى هقابلك فيه صحتينى على كابوس ليه
ميرفت :- صعب عليها حمزه لما شافت دموعه مسكت أيده حطتها على بطنها وقربت منه وقالت اللى فى بطنى ده ابنك يا حمزه
حمزه :- بص ليها بصدمه
ميرفت :- مسحت دموعه وهزت راسها بتأكد كلامها وقالت ايوه ابنك انت
حمزه :- ا.ا.ازى وهما قالوا ليا ان البيبى نزل
ميرفت :- انا اللى طلبت من الدكتوره تقول كده بعد ما سمعتهم وهما بيتفقوا يوصلوا ليك ويقولوا ليك الحقيقه
حمزه :- وليه عملتى كده يا ميرفت ليه
ميرفت :- خوفت تجرحنى وتشك فيا وتقول إن اللى فى بطنى ده مش ابنك خوفت لتنزله يا حمزه والله العظيم اللى فى بطنى ده منك انت
حمزه :- حط أيده على بوقها وقال مصدقك يا ميرفت عمرى ما كنت هكفر بربنا واطلب منك تنزليه انا غلط فى حقك كتير وجرحتك بالكلام كتير اوى سامحينى يا ميرفت سامحينى واترمى فى حضنها وقعد يعيط
ميرفت :- دموعها نزلت منها وطبطبت عليه وقالت مسمحاك يا حمزه مسمحاك
حمزه :- حضنها وقال انا مهما اتأسف ليكى مش هقدر اوصلك الندم والوجع اللى حاسس بيه من جوايا انا بحبك يا ميرفت وغيرتى عليكى بتخلينى اعمى مش بشوف حاجه قدامى
ميرفت :- وانا بحبك يا حمزه وكانت اكتر حاجه مصبرانى على بعدك ده اللى فى بطنى مجرد احساسى أن انا جوايا حته منك دى كانت مطمنانى علطول كنت بقعد اتكلم معاه واشكيله منك وفى نفس الوقت أقوله قد ايه حضنك واحشنى اوى يا حمزه
حمزه :- ضمها فى حضنه جامد وقال يااااااه كل حاجه فيكى واحشانى يا ميرفت مش قادر اشبع منك ومسح دموعه ومسح دموع ميرفت وقال تعالى معايا بابا هيفرح اوى لما يشوفك وهيفرح اكتر لما يعرف أن انتى لسه حامل والبيبى منزلش
ميرفت :- هزت راسها بفرحه أنها موافقه وقالت انا كمان مشتاقه اوى اقابل باباك ولسه هيمشوا لاقه ادهم قصادهم
ادهم :- مبروك يا ميرفت اخيرآ رجعتى لجوزك
ميرفت :- بتوتر ا.ا.الله يبارك في حضرتك يا استاذ ادهم
حمزه:- بص بغيظ لميرفت وقال وده عرف منين اللى حصل ما بينا
ميرفت :- بصت فى الارض وقالت بتوتر ما انا لجأت لاستاذ أكرم وهو وصلنى لاستاذ ادهم علشان يساعدنى وانا اصلا كنت السكرتيره بتاعته وهو متأخرش فى مساعدتى
حمزه :- داس على سنانه وقال ملاقتيش غير البنى أدم الزباله ده
ميرفت :- على فكره بقى استاذ ادهم محترم جدآ وانا اعرفه من زمان اوى بجد شخصيه محترمه يا حمزه ولازم تقتنع بالكلام ده مهما كان اسباب كرهك ليه ايه
حمزه :- اسكتى يا ميرفت انتى متعرفيش ده ايه ده شيطان على هيئة بنى أدم
بس فى الوقت ده سمعوا صوت ضرب نار بيبصوا لاقوا ناس ملتمين بيطلقوا النار على ادهم اخد حمزه ميرفت ودخلها فى اوضه وقال متتحركيش من هنا مهما حصل فاهمه
ميرفت :- بخوف ودموع انت هتروح فين
حمزه :- متقلقيش عليا يا ميرفت ده شغلى وباس راسها وقفل عليها الباب وراح يجرى لاقه تامر بيبادلهم الرصاص قال مين دول يا تامر
تامر :- دول تبع مكرم باعتهم علشان يقتلوا ادهم واكرم
حمزه :- انا مش فاهم حاجه يا تامر
تامر :- مش وقته يا حمزه امن انت الناس وخرجهم فى مكان بعيد عن ضرب النار ده
حمزه :- ماشى ولسه هيمشى شاف واحد موجه المسدس اتجاه ادهم طلع يجرى على ادهم وزقه وقعه على الأرض
ادهم :- اتفاجئ بحركة حمزه
حمزه :- خليك نايم على الأرض كانوا موجهين المسدس عليك
ادهم :- رفع حاجبه بأستغراب وقال شكرآ
حمزه :- مش بعمل كده علشانك انا بقوم بشغلى وبس لكن لو عليا كنت سبتهم يخلصوا عليك وارتاح منك بس فيه رصاصه مرت من جنبهم
ادهم :- سحب حمزه بعيد عن الرصاصه وقال حاسب
حمزه :- شكرآ
ادهم :- انا بردها ليك بس علشان نبقى خالصين وفى الوقت ده الرصاص كان شغال خرج ادهم مسدس حمزه القديم وقال خد دافع بيه عن نفسك
حمزه :- اخد المسدس وبص فيه بصدمه وقال ده سلاحى اللى كان ضايع بيعمل ايه معاك
ادهم :- وضرب النار شغال قال مش وقته اخلص
حمزه :- بص لادهم بغيظ وقال مش وقته بس مش هعديها ليك بالساهل يا ادهم وبدء يتبادل إطلاق النار مع الأشخاص الملثمين
ادهم :- طلع هو كمان سلاحه وفضل يضرب عليهم نار وبعد وقت انتهوا ادهم وحمزه وتامر من أفراد العصابه ونهوا عليهم جميعآ
ادهم :- وقف ونفض هدومه من قاعدته على الأرض ولسه هيمشى
حمزه :- ادهم يا حناوى
ادهم :- وقف وبصله
حمزه :- جه الوقت اللى تقولى فيه سلاحى كان بيعمل ايه معاك
ادهم :- دى كانت قرصة ودن منى ليك بس جت بفايده ليك واتعرفت على ميرفت يعنى نفعتك وبرضه انا اللى رجعتك تانى شغلك فى اسكندريه
حمزه :- وهو بيدوس على أسنانه انت عايز منى ايه يا جدع سبنى فى حالى بقى
ادهم :- انت مش شاغلني اصلا انت اللى حاطت اسم ادهم الحناوى هنا وشاور على رأسه وقال مش عايز تقتنع أن الموضوع بتاع زمان ده كانت تهمه ملفقه ليا من انعام وخالد والبنت اصلا كانت متأجره علشان تشغلك وتوقعك فى حبها وتقدر تقنعك ان انا اللى عملت فيها كده افهم بقى البنت لا كانت بتحبك ولا حاجه
حمزه :- انت كداب كانت بتح بس قطع كلامه لما شاف حد موجه سلاحه اتجاه ادهم زق ادهم فى الارض وجت الرصاصه فيه
تامر :- ضرب نار على الشخص ده ومات وطلع جرى على حمزه بخوف وقال حمزه حمزه رد عليا انت كويس
حمزه :- بتعب ميرفت خد بالك منها يا تامر
تامر :- انت هتقوم وهتبقى كويس وهتخلى بالك انت منها رد عليا يا حمزه
ادهم :- شيله معايا بسرعه
تامر وادهم شالوا حمزه دخلوه اوضة الكشف وجه الدكتور كشف عليه وقال محتاج عمليه ضرورى علشان الرصاصه جت فى مكان حساس جدآ
تامر :- بعصبيه اااااه يا مكرم الكلب اقسم بالله ما هسيبك
ادهم :- والله العظيم نهايته هتكون على أيدى انا الواطى ده
ميرفت :- جت تجرى وقالت ح.ح.حمزه ماله ه.ه.هو كويس صح ودخلت تجرى عليه والدموع فى عينيها وقالت لا يا حمزه اوعى تمشى وتسيبنى ا.ا.انا ما صدقت أننا رجعنا لبعض وهنربى ابننا سوا حمزه رد عليا بالله عليك م.م.مش انت قولت مش هتسيبنى ليه بقى مش بترد عليا حمزه يا حمزه وفى الوقت ده دخل الممرضين اخدوا حمزه اوضت العمليات طلعت تجرى وراهم بدموع وقالت سيبوه انتوا واخدينوا فين هاتوا جوزى بقولكم
ادهم :- شد ميرفت وقال أهدى يا ميرفت هما اخدوا اوضت العمليات علشان يخرجوا منه الرصاصه وان شاءالله هيبقى كويس
ميرفت :- قعدت فى الارض وصرخت وقالت ياااااااارب قومه ليا بالسلامه انا ما صدقت لاقيته يارب علشان خاطر ابنه اللى فى بطنى حمزه ارجعلى ارجوك وقعدت تعيط
تامر :- بدموع أن شاءالله هيرجعلنا تانى حمزه قوى ومش حاجه زى دى هتخده مننا
أكرم :- جه يجرى وقال ايه اللى حصل
تامر :- اخوك يا اكرم بعت ناس ضربوا على ادهم نار وحمزه اخو داليا اخد الرصاصه مكانه
ميرفت :-بدموع هو اللى عمل كده اخوك
أكرم :- بص فى الارض بإنكسار وقال للاسف يا ميرفت
ادهم :- امك عملت ايه
أكرم :- حالتها خطر يا ادهم الدكاتره قالوا لو مر عليها التمانيه والاربعين ساعه دول بخير يبقى مرحلة الخطر راحت كده
ادهم :- ربنا يقومها بالسلامه أن شاءالله
أكرم :- تامر انتو هتعملوا ايه فى مكرم بعد ما تقبضوا عليه
تامر :- هيتعدم اكيد ده مشترك فى جرايم قتل كتير ده غير اللى هو مرتكبها بنفسه
أكرم :- بدموع مفيش حكم مخفف عن كده
ادهم :- خبط على كتفه وقال أنساه يا اكرم هو اللى عمل فى نفسه كده
أكرم :- مقدرش أنساه يا ادهم ده اخويه من لحمى ودمى لو حصله حاجه هيوجعنى برضه
تامر :- للاسف مفيش حد كبير على القانون واخوك عقوبته الاعدام مفيش اى حكم تانى ليه
ميرفت :- بدموع حسبى الله ونعم الوكيل فيه
أكرم :- بص لميرفت بوجع وسابهم ومشى
تامر :- ربنا يصبر قلبهم بنى أدم انانى مفكرش فى أهله هيبقى ايه وضعهم لما يعرفوا حقيقته
وفى الوقت ده تليفون ادهم رن برقم غريب رد وقال
ادهم :- ايوه مين معايا
داليا :- بصريخ الحقنى يا ادهم انا مخطوفه
ادهم :- بخوف ولهفه ايه بتقولى ايه
مكرم :- ايه يا ادهم باشا اتصدمت ولا ايه اصل لاقيت اختك مش مهمه عندكم قولت اجيب الحته الكبيره اللى فى قلبك يمكن تتحركوا شويه
ادهم :- بعصبيه يا ابن الكلب اقسم بالله ما هسيبك يا مكرم هجيبك وهطلع روحك بأيدى عارف لو مسيت شعره من أختى ولا مراتى هقتلك يا مكرم هقتلك
مكرم :- هههههههه براحه على نفسك يا ادهم باشا ليطق ليك عرق ولا حاجه انا كده اخد اختك ومراتك اقسم بالله لو الورق اللى مع تامر ده مجاش هيجوا ليكم الاتنين جثث ويارب يكون فقرة إطلاق النار عليكم عجبت سيادتكم بس الصراحه كان نفسى يخلصوا عليك ولا على سى أكرم وارتاح منكم بس كان معايا شوية معاقين يستاهلوا القتل واستنانى قريب اوى يا ادهم طلوع روحك على أيدى انا أن شاءالله هههههههه سلام وقفل السكه
ادهم :- عااااااااا ودينى ما هسيبك
تامر :- فيه ايه
ادهم :- الواطى الجبان خطف مراتى انا كمان ودينى ما هسيبه واتصل على رجالته وقال بعصبيه انتو فين يا اغبيه بتعملوا ايه كل ده
شخص 1:- بنحاول نوصل لمكرم يا باشا
ادهم :- شوية اغبيه خطفوا مراتى كمان يا حيوانات اقفل انا هنزل بنفسى وقفل السكه فى وشهم وخرج يجرى من المستشفى
تامر :- ميرفت هروح بسرعه معاه وانتى خليكى هنا متتحركيش
ميرفت :- بدموع مش هتحرك من هنا انا قاعده مستنيه جوزى
تامر :- ماشى وطلع يجرى وركب العربيه مع ادهم
ادهم :- انزل يا تامر
تامر :- مش هنزل انا هروح معاك متنساش أن هو خاطف خطيبتى انا كمان وواجبى احميها
ادهم :- بعصبيه هقتله ابن الكلب ده هقتله وقعد يخبط على العربيه
تامر:- اطلع بينا على شركة الاتصالات بسرعه
ادهم :- شغل العربيه بسرعه جنونيه وراح على الشركة الاتصالات وطلب من واحد زميله يعرف مكان الرقم اللى اتصل منه مكرم على تليفون ادهم بس حاول يوصل ليه معرفش وقال ليه أن الخط مش عليه اى معلومات وان هو مقفول افتكر ادهم أن داليا تملى بتسيب ال GBS مفتوح عندها قال
ادهم :- طيب انا عايز اوصل ليها عن طريق الGBS
تامر :- ياريت هنقدر نوصلها بكل سهوله بس يارب يكون مفتوح
ادهم :- داليا مش بتقفله بتسيبه مفتوح علطول
تامر :- حلو يلا بينا
ونزلوا وبدأوا يشتغلوا على الموضوع ده وقدروا يوصلوا لمكان مكرم والبنات واخد تامر الفريق بتاعه وراحوا على المكان ده وادهم راح معاهم بعربيته وبعد وقت وصلوا للمكان وطلب تامر من ادهم أن هو يستناهم فى العربيه ومينزلش علشان ميعرضش نفسه للخطر رفض ادهم الكلام ده ونزل يجرى من عربيته بعصبيه
تامر :- يخربيت ام العند ده وطلع يجرى وراه وقال طيب خليك جنبى هنا علشان متبوظش شغلنا وبدء يراقب اللى موجودين فى المكان وبعد وقت اده الاشاره للفريق بالتحرك وبدء تبادل إطلاق النار ما بين أفراد العصابه ورجالة الشرطة وبدء الهجوم على المكان ودخل يجرى ادهم على المكان ودخل تامر يجرى وراه ودورا فى المكان كله ملاقاش حد موجود
ادهم :- عااااااا هجيبك يا مكرم الكلب هجيبك وطلع يجرى قابل تامر فى سكته
تامر :- هرب صح
ادهم :- ودينى ما هسيبه
تامر :- ثوانى وبص على الأرض ونزل جاب منه فردت حلق وقال ده حلق دينا يبقى مشى من هنا
ادهم :- طلع يجرى ما كان ما شاور تامر
تامر :- طلع يجرى وراه وفضلوا يدورا عليهم وفى الوقت ده رن تليفون ادهم برقم غريب رد عليه وهو متعصب
ادهم :- فينك يا جبان يا واطى مدام انت راجل اوى كده أظهر لينا نفسك
مكرم :- لسه بدرى اوى يا ادهم لسه مخلصتش انتقامى منكم
تامر :- اخد التليفون من ادهم وقال كفايه لحد كده يا مكرم احنا كده كده هنجيبك سلم نفسك احسن
مكرم :- الورق يا تامر انا صبرى بدء ينفذ منى وهخلص على اللى معايا
ادهم :- اخد التليفون وقال بعصبيه اقسم بالله لو قربت ليهم يا مكرم هقتلك هجيبك واقتلك
مكرم :- هههههه طيب اسمع كده وقرب دينا على التليفون وشدها من شعرها
دينا :- بدموع والم اااااااه الحقنا يا ادهم ده طلع مجنون
ادهم :- اطمنى يا دينا هنقذكم منه خلى بالك على نفسك وعلى داليا
مكرم :- هههههههه خلى بالك انت على نفسك سلام يا باشا وقفل السكه
ادهم :- عاااااا يا ابن الكلب يا ابن الكلب وطلع يجرى
تامر :- بص على حلق دينا اللى فى ايديه وداس على سنانه وقفل أيده جامد على الحلق وقال موتك على أيدى يا مكرم وطلع يجرى وراه ادهم وراح أمر الفريق بتاعه أنهم يمشوا ورجعوا تانى على القسم
~•~•~•~•~•~•~•~•~•~•~•~•~•
فى المدرسه عند سندس ومؤمن
انتهى اليوم الدراسى للاتنين وخرجت سندس من المدرسه قبل مؤمن ولسه هتوقف تاكسى وتركبه شدها مؤمن منعها وقال
مؤمن :- استنى يا سندس رايحه فين
سندس :- شدت دراعها من أيده وقالت اياك تلمسنى تانى مفهوم
مؤمن :- رفع أيده وقال اسف مقصدش حاجه والله
سندس :- ابعد عن طريقى يا مؤمن
مؤمن :- مقدرش يا سندس ارجوكى بقى كفايه طريقتك دى معايا منكرش أن انا كنت غلطان فى الاول بس اقسم بالله انا مظلوم فى موضوع وائل انا متفقتش معاه على حاجه انا مكنتش اعرف بوجودك فى المدرسه اصلا
سندس :- وافرض ان كلامك صح عايز منى ايه يعنى
مؤمن :- سامحينى وبلاش طريقة معاملتك ليا دى
سندس :- بوجع ههه اسامحك انت عبيط يا مؤمن تعال كده اجرحك وادوس على قلبك واكسره وبعد كده اطلب منك تسامحنى شوف هتقدر ولا لاء انت عارف انت عملت فيا ايه انت موت كل حاجه حلوه جوايا انت خلتنى أفقد الثقه فى أقرب الناس ليا انت وجعتنى اوى اوى يا مؤمن وعمرى ما هقدر اسامحك
مؤمن :- على الأقل ادينى فرصه اقرب منك كصديق احميكى من اى حد يفكر يقرب منك ولا يأذيكى
سندس :- لاء شكرآ مش محتاجه اى حاجه منك
مؤمن :- سندس ارجوكى بلاش عقابك ده عليا قاسى اوى والله
سندس :- وانت كسرتك ليا قاسيه عليا برضه
مؤمن :- انا عارف ان انا حمار واستاهل اكتر من كده بس طمعان فى كرمك وعاطفك انك تدينى فرصه اقرب منك كصديق مش محتاج اكتر من كده يا سندس
سندس :- سكتت ودموعها نزلت منها ومردتش عليه
مؤمن :- بوجع بلاش دموعك دى بتموتنى اوى وبتصغرنى قصاد نفسى يا سندس
سندس :- اتنهدت بوجع وقالت بص يا مؤمن علشان انا مبقاش فيا حيل للكلام والمناهده كتير هعملك اللى انت عايزه بس مش هتبقى اكتر من صديق عندى يا مؤمن
مؤمن :- بفرحه وانا مش طمعان فى اكتر من كده وصدقينى مش هتندمى عمرك على صداقتنا
سندس :- ضحكة بوجع وقالت بتمنى يا مؤمن
مؤمن :- يلا بقى اعزمك على حاجه تشربيها بمناسبة الصلح ده
سندس :- اوك ومشوا الاتنين دخلوا كافيه وطلب مؤمن حاجه يشربوها
~•~•~•~•~•~•~•~•~•~•~•~•~•
عند نهى
انتهى وقت العمل بتاعها نزلت من الشركه لاقت محمد قدامها ابتسمت ليه بتوتر وقالت
نهى :- م.م.محمد انت بتعمل ايه هنا
محمد :- جيت اخدك علشان تشوفى الفيلا بتاعتنا اللى هنعيش فيها مع بعض وتشوفى محتاجه تغيرى ايه فيها
نهى :- ب.ب بس كده انا هتأخر على البيت
محمد :- عادى انا استأذنت منهم قبل ما اجيلك
نهى :- م.م.ماشى يلا وراحت ركبت معاه العربيه وراح بيها على الفيلا ودخلوا وكانت أخته وأمه قاعدين جنب بعض على الكنبه
محمد :- تعالى يا قلبى سلمى على ماما واختى
نهى :- ح.ح.حاضر وراحت عندهم ومدت ايديها وقالت ازيك يا ماما
ام محمد :- بقرف كويسه
نهى :- ضحكة بتوتر وقالت ا.ا.ازيك يا عفاف
عفاف :- اتنهدت بقرف وقالت اهلا
نهى :- رجعت وقفت جنب محمد بتوتر وفى الوقت ده دخلت اخت محمد المتجوزه التانيه وقالت
سلمى :- منوره يا عروسة اخويه
نهى :- بصت ليها بأستغراب
سلمى :- متستغربيش انا اخت محمد الوسطانيه المتجوزه وفرحت اوى بيكى متزعليش منى بقى مقدرتش اجيلك فى الخطوبه ابنى كان تعبان شويه
محمد :- كفايه لك يا سلمى ايه راديو واتفتح
سلمى :- الله مش بعرف البونيه بيا
نهى :- ضحكة وقالت الف سلامه على ابنك ومش مضايقه من كلامك خالص انت شكلك عسل اصلا
سلمى :- الله يعسل أهلك ويلزقهم واحد واحد ههههه
نهى :- هههههههه
محمد :- امشى يا بنتى قدامى احسن لو قعدى تتكلمى مع اختى سلمى مش هتفصل أبدآ
سلمى :- كده يا محمد ماشى انا هوريك بس مش دلوقتى احسن البيت تخاف منى ولا حاجه
نهى :- هههههههه لا خدى راحتك ومتقلقيش مش هخاف منك ولا حاجه
محمد :- بص لنهى وقال احلفى هو انتو هتعملو حزب عليا من دلوقتى ولا ايه
سلمى :- والنبى حبيتها
نهى :- وانا كمان حبيتك
محمد :- وبالنسبه لغلبان اللى هو انا مش ناويه تحبينى انا كمان
نهى :- اتكسفت وبصت على الأرض
سلمى :- يا ولا اتلم كسفتها يحرقك
محمد :- بعشق كسوفها ده وربنا
سلمى :- ربنا يهنيكم ويسعدكم يارب يلا خدها فرجها على الفيلا يلا
ام محمد :- روحى يا عفاف معاهم
عفاف :- حاضر يا ماما
سلمى :- وليه يا ماما عفاف تروح معاهم ما تسبيهم براحتهم الله
ام محمد :- بنت اسيب مين براحتهم انتى عايزه نبقى قاعدين كده ومنعرفش ايه هيحصل معاهم فوق دى قلة ادب وسفاله
محمد :- ايه يا ماما الكلام اللى بتقوليه ده نهى مؤدبه وانا مستحيل اعمل حاجه تغضب ربنا
ام محمد :- انا قولت كلمه واحده عفاف هتطلع معاكم فوق وانت بتفرجها على الفيلا
محمد :- بقلة حيله ماشى يا ماما مش هتفرق ومسك ايد نهى اللى كانت زعلانه من الكلام اللى قالته امه وطلع بيها اوضت النوم وقال دى اوضت النوم بتاعتنا يا حبيبتى لو حابه اغيرها ليكى هغيرها
عفاف :- وتغيرها ليه هى كانت تطول تقعد فى اوضه فى المستوى ده
محمد :- متدخليش فى اللى ملكيش فيه يا عفاف ماشى
نهى :- احم م.م.مش لازم تغيرها الاوضه شكلها حلو وذوقها جميل جدآ ورقيقه
محمد :- ملكيش دعوه بكلام حد لو عايزه تغيرها قولى
نهى :- هزت راسها بمعنى لاء وقالت فعلا والله الاوضه عجبانى
محمد :- ماشى يا حبيبتى اللى يريحك ومسك ايديها وراح على اوضت الاطفال ودخل وقال حبايب بابى بيعملوا ايه
تيا وإياد:- طلعوا يجروا على محمد وقالوا بابى بابى وحضنوا
محمد :- ضمهم فى حضنه وقال روح قلب بابى من جوه سلموا يلا على مامى نهى
تيا وإياد:- طلعوا يجروا على عفاف ومسكوا فيها بخوف
عفاف :- ضحكة ليهم وقالت سيبهم براحتهم يا محمد مش حابين يسلموا عليها
نهى :- ضحكة بتوتر ونزلت عند الاولاد وقالت انتو خايفين منى ليه ده انا حتى هجيب ليكم حاجات حلوه كتير
اياد وتيا :- بصوا لبعض ومسكوا اكتر فى عفاف
عفاف :- حاجات حلوه ايه اللى بتقولى عليهم للاولاد دى انتى مفكراهم محرومين ابوهم واحنا مش مخلين نفسهم فى حاجه متتعبيش نفسك معاهم
نهى :- وقفت بأحراج وقالت ا ا.اكيد طبعآ ربنا يخليكم ليهم
محمد :- بص بغيظ لعفاف وقال تعالى يلا يا حبيبتى اوريكى باقى الفيلا
نهى :- م.م.ماشى ونزلت مع محمد وشافت الفيلا وعجبتها جدآ
محمد :- راحوا تانى عند أمه وسلمى وقال عجبتك الفيلا يا حبيبتى
نهى :- ا.ا ايوه جميله جدآ
ام محمد :- بصوت واطى وهى كانت تطول تعيش فى فيلا زى دى
سلمى :- بصوت واطى بس يا ماما احسن ما تسمعك
ام محمد :- ما تسمع ولا تتنيل انا عارفه اخوكى ده جابها لينا منين
سلمى :- والله البنت غلبانه وكويسه وانا الصراحه حبيتها
ام محمد :- اتنيلى جتك نيله طول عمرك عبيطه زى اخوكى وتتخدعى فى الناس بسهوله
سلمى :- لا حولا ولا قوة الا بالله وبصت لنهى وقالت الفيلا هتنور بوجودك فيها يا حبيبتى
نهى :- ش.ش.شكرآ
سلمى :- مالك يا محمد ما تقولها تقعد بدل ما هى واقفه كده
نهى :- م.م.معلش مش هينفع علشان متأخرش اكتر من كده وبصت لمحمد وقالت ممكن نروح يا محمد
محمد :- اه طبعآ يا قلبى مع أن انا كنت عامل حسابى على انك هتتغدى معانا
نهى :- معلش يا محمد تعبانه من الشغل والله
محمد :- ماشى يا قلبى يلا بينا وخرجوا الاتنين مع بعض
ام محمد :- يا اختى الواحد اتفقع مرارته من الكهن ده
عفاف :- اه والله يا ماما عليها شوية سهوكه تفقع المراره
سلمى :- والله العظيم البنت غلبانه خالص معرفش انتوا حطينها فى دماغكم ليه انا ماشيه واخدت ولادها ومشيت وسابتهم
فى العربيه
محمد :- نهى انتى مضايقه من حاجه
نهى :- ل.ل.لاء
محمد :- انتى مضايقه علشان الاولاد مرضوش يجوا ليكى معلش يا حبيبتى دول اطفال ولسه مأخدوش عليكى بكره لما تعيشى معاهم هيحبوكى صدقينى
نهى :- ع.ع.عارفه ومش زعلانه م.م منهم خالص
محمد :- ربنا يكملك بعقلك يارب يا قلبى
نهى :- بصت ليه وضحكت ليه بتوتر ورجعت بصت من الشباك وهى حاسه بصراع داخلى بين انها تكمل مع محمد ولا تبعد عنه وترتاح
~•~•~•~•~•~•~•~•~•~•~•~•~•
عند علاء عرف بموضوع خطف أخته هو وفادى وراحوا عند ادهم فى القسم وكانوا هيتجننوا على اختهم
علاء :- انتوا ازاى مش قادرين توصلوا ليهم ها ازاى شرطه بالحجم ده مش عارفه تمسك مجرم زى مكرم ازاى
تامر :- اهو انت قولتها مجرم ومش اى مجرم مكرم مش مجرم سهل مكرم من أخطر المجرمين اللى فى مصر
فادى :- مكرم من أخطر المجرمين ازاى انا مصدوم فيه الصراحه
تامر :- كلنا مصدومين فيه مش انتو بس المهم كان فيه موضوع عايز اكلمكم فيه
علاء :- بأستغراب موضوع ايه
تامر :- جثة مامتكم
فادى :- بقرف مالها
تامر :- لازم تخلصوا اجراءت الدفن وتستلموها
علاء :-بزعل خسرت دنيتها واخرتها ربنا يغفر ليها بقى
فادى :- واحده زيها متستهلش الزعل عليها
علاء :- امك برضه
فادى:- بوجع امى ههه الله يرحمها بقى عاشت مجرمه واستحقت الموته اللى تليق بواحده شبها
علاء :- بوجع اذكروا محاسن مواتكم يا فادى ملهوش داعى الكلام ده دلوقتى هى بقة فى ذمة الله
فادى :- انا المهم عندى اختى وبس لازم نوصل ليها فى أقرب وقت يا تامر وبص لادهم وقال انت ساكت ليه يا ادهم
ادهم :- وقف فاجئه وقال بس انا عرفت ممكن يكون مكرم الكلب ده فين وسابهم وطلع يجرى
تامر :- خليكم انتوا هنا واخد سلاحه الاحتياطى وطلع يجرى وراه ادهم وبلغ الفريق بتاعه أن هو يستعد للمطارده وركب عربية ادهم ومشوا ووراهم عربية الفريق
ادهم :- موتك قرب يا مكرم الكلب قرب وساق العربيه بسرعه جنونيه
تامر :- ممكن افهم احنا رايحين فين
ادهم :- فى مكان قديم مهجور بتاع أهل اكرم كان أكرم بيستعمله كمخزن لينا وقت ما نحتاج مخزن احتياطى للبضاعه بتاعتنا لما يكون المخازن عندنا كلها مشغوله و مفيهاش مكان فاضى احتمال كبير يكون هو قاعد فيه دلوقتى علشان هو متأكد مش هيخطر على بالنا مكان زى ده
تامر :- بس معتقدش أن مكرم بالسذاجه دى
ادهم :- هو مشوش دلوقتى ولما اقتحمنا المكان اللى كان فيه مش هيلاقى مكان امان زى ده وبعيد عن تفكرنا علشان برضه هو هيفكر أننا هنبعد عن التفكير فى المكان ده بالذات
وبعد وقت وصل ادهم المكان ده واده تامر الاشاره للفريق أنهم ياخدوا أماكنهم وينتظرون منه إشارة الهجوم وقعدوا يراقبوا المداخل ملاقوش حد واقف عليها شاور تامر للفريق أنه يستعد وبدأوا يتحركوا اتجاه المكان بهدوء تام وواقفوا على البوابات الخاصه بالمكان ودخل تامر وادهم المكان بهدوء تام وهما ماسكين السلاح فى أيديهم ووراهم الفريق وووقفوا مكانهم لما شافوا داليا ودينا متكتفين وقاعدين فى الارض
تامر :- شاور براسه لادهم على داليا ودينا
ادهم :- لسه هيتحرك
تامر :- مد أيده وقفه وشاور ليه أنه يستنا وميتهورش لما يتأكدوا إن مفيش حد فى المكان بس ادهم مسمعش الكلام ومقدرش يستحمل منظر دينا وداليا كده طلع يجرى عليهم وقال
ادهم :- دينا داليا انتو كويسين
تامر :- هز راسه يمين وشمال على تسرع ادهم وبص للفريق وقال بصوت واطى عينيكم على المكان اى حد يدخل ثبتو علطول ودخل عند دينا وداليا
داليا :- بدموع ا.ا.ادهم الحمدالله يا رب الحمدالله
دينا :- بدموع ده طلع مجنون يا ادهم مش طبيعى أبدآ
تامر :- راح يفكهم وقال المهم انكم كويسين
مكرم :- هههههههه منورين المكان والله اتأخرتوا اوى يا بشوات
تامر :- بيبص لاقه الفريق بتاعه متثبتين من رجالة مكرم ولسه هيطلع سلاحه
مكرم:- اثبت مكانك اى حركه هتخسروا القطه دى وسحب داليا قصاده وحط المسدس قصاد دماغها
ادهم :- داس على سنانه وقال ودينى لاندمك على كل ده يا مكرم وهتشوف
مكرم :- قول كلام على قدك يا باشا انا ممكن اخلص عليكم كلكم ومحدش يعرف برضه يوصلى
تامر :- بتحلم يا مكرم اخرتك الاعدام على أيدي وبص لداليا على رجليها بمعنى أنها تدوس على رجله
داليا :- فهمت تامر ومره واحده داست على رجل مكرم وعضته فى دراعه وطلع يجرى عليه ادهم ومسكه وقعد يضرب فيه والبنات طلعوا يجروا يدروا على مكان بعيد عن ضرب الرصاص
وبدء تبادل الرصاص ما بين الكل وادهم قعد يضرب فى مكرم لحد ما وشه كله جاب دم واغمى عليه ووجه مسدسه على مكرم وداس على الزناد بس فى الوقت ده جه تامر ورفع ايد ادهم لفوق وبعد الرصاصه عن مكرم وقال
تامر :- مينفعش كله بالقانون وشاور للعسكرى ياخد مكرم على البوكس دينا وداليا طلعوا يجروا على ادهم
ادهم :- ضم دينا فى حضنه ومرضاش يقرب من داليا
دينا :-بدموع الحيوان قتل ماما يا ادهم قتلها
ادهم :- طبطب عليها وقال عارف بس متستهلش دموعك عليها
تامر :- بألم حمدالله على السلامه يا دينا انتى وداليا
داليا :- كانت بتبص لادهم ودموعها نازله منها
دينا :- بدموع تامر انت بتنزف
تامر :- حط أيده على الجرح وقال بألم انا كويس متقلقيش المهم أن محدش فيكم حصلوا حاجه امشوا يلا وخرجوا الاربعه ركبوا مع ادهم وراحوا على المستشفى ودخل تامر يغير على الجرح ودخلت معاه دينا وهى دموعها على خدها
داليا :- عرفت بموضوع حمزه اخوها وراحت عند اوضت العمليات تنتظر خروجه ودموعها كانت على خدها واتفاجئت بوجود الممرضه اللى هى ميرفت وعماله تعيط راحت عندها وقالت بأستغراب انتى بتعملى ايه هنا
ميرفت :- رفعت راسها وعيونها كلها دموع وقالت انا ابقى مرات حمزه يا داليا
داليا :- بصدمه مراته طيب ازاى وايه عرفك بأدهم انا مش فاهمه حاجه
ميرفت :- انا كنت السكرتيره بتاعته يا داليا انا اللى كنت موجوده فى أول لقاء بينك وبين استاذ ادهم
داليا :- سكتت شويه وقالت اه صح انتى ميرفت السكرتيره افتكرتك وانا كنت حاسه ان انا شوفتك قبل كده ازاى مفتكرتش حاجه زى كده طيب وايه جمعك بأخويه حمزه
ميرفت :- بدموع دى حكايه طويله اوى بس المهم فى الموضوع ده أن انا هموت لو حمزه حصله حاجه هموت وحطت ايديها على بطنها وقالت حمزه لازم يرجع علشان يربى ابنه ويفرح بيه معايا
داليا :- ا.ا.انت حامل طيب ازاى حمزه قالى ان البيبى نزل
ميرفت :- هزت راسها بدموع قالت لاء منزلش انا اللى قولت لدكتوره تقول كده خوفت من حمزه عليه
داليا :- خوفتى من ايه مش فاهمه
وفى الوقت ده خرج حمزه من اوضت العمليات وجريت عليه ميرفت وداليا
ميرفت :- بدموع عامل ايه يا دكتور
الدكتور :- الحمدالله قدرنا نخرج الرصاصه منه بصعوبه وحالته مستقره الى حد ما
داليا :- بدموع الحمدالله يارب الحمدالله وراحوا وراه فى الاوضه
الممرضه قالت
الممرضه :- واحده بس اللى تفضل معاه والتانيه تستناه بره
داليا :- خليكى انتى جنبه انا هستنا بره وابقى اطمن عليه كل شويه وخرجت من الاوضه وشافت ادهم قاعد على الكرسى وراحت عنده وقالت ادهم
ادهم :- امشى يا داليا
داليا :- لسه زعلان منى يا ادهم سامحنى ارجوك
ادهم :- وقف ولسه هيمشى
داليا :- راحت وقفت قصاده وقالت بدموع بالله عليك سامحنى
ادهم :- بعصبيه قولتلك امشى امشى علشان مقولش حاجه تندمى عليها بعدين
داليا :- مش همشى يا ادهم غير لما تسامحنى
ادهم :- غلطتك مش مغفوره عندى يا داليا وخلى نزولك الشغل ينفعك
داليا :- ا.ا.انت عرفت
ادهم :- اه عرفت وسكت شويه وداس على سنانه بعصبيه وقال انتى..........
*********************
إلي هنا ينتهي الفصل السادس و الخمسون من رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد
تابع أيضاً: جميع فصول رواية آدم ولانا بقلم امونه
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
أو أرسل لنا رسالة مباشرة عبر الماسنجر باسم القصة التي تريدها
اقرأ أيضا: رواية من أجلك فقط بقلم لولو الصياد
إرسال تعليق
يسعدنا تلقي اقتراحاتك أو تعليقك هنا