قصص رومانسية جريئة ممنوع دخول الأطفال

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة دودو محمد علي موقعنا قصص 26 و موعدنا اليوم مع الفصل الرابع و الستون من  رواية تمرد صحفية بقلم دودو محمد. 

رواية تمرد صحفية بقلم دودو محمد - الفصل الرابع و الستون

اقرأ أيضا: روايات رومانسية

رواية تمرد صحفية بقلم دودو محمد

رواية تمرد صحفية بقلم دودو محمد - الفصل الرابع و الستون

فى بيت سعيد

فى المستشفى

خلص مصطفى إجراءات الدفن لماجده واتغسلت واستلموها وراحوا يصلوا عليها فى الجامع وأثناء الصلاة وصل ادهم وصلى عليها وراح وراها على المقابر ودفانوها واخدوا العزا فى المقابر والكل مشى وادهم راح عند العربيه وهو مكسور وحزين وكانت داليا مراقبه كل حركاته بوجع ولسه هيركب العربيه راح عنده مصطفى وقال

مصطفى :- ادهم يا ابنى
ادهم :- وقف من غير ما يبص ليه وغمض عينه
مصطفى :- راح وقف قصاده وقال رايح فين
ادهم :- ماشى
مصطفى :- تعال معانا
ادهم :- بصله وقال اجى معاكم فين
مصطفى :- الفيلا بتاعة امك تعال اقعد وسط اخواتك شويه اتكلم معاهم قويهم على فراق امهم ما انت اخوهم الكبير
ادهم :- لف ضهره ليه وقال مش فاضى ورايا شغل ولسه هيركب العربيه
مصطفى :- مسكه من دراعه وقال مش ناوى تسامحنى يا ابنى ولا مستنى لما اموت زى امك كده علشان تسامحنى زيها
ادهم :- غمض عينه بوجع وقال اسامحك على ايه مش فاهم
مصطفى :- شده ليه علشان يبص فى عينيه وقال تسامحنى علشان سيبتك بعيد عن حضنى كل ده بس صدقنى انا لو كنت اعرف انك ابنى من الاول خالص عمرى ما كنت هتخلى عنك ولا كنت هبعدك عنى عمرى
ادهم :- غمض عينه بوجع وقال لو سمحت سبنى امشى
مصطفى :- سامحنى يا ابنى ارجوك قولى الكلمه اللى طول عمرى بحلم اسمعها منك
ادهم :- ضحك بوجع وقال مش خايف لما اقولها ليك تموت انت كمان
مصطفى :- لو هتقولها ليا وتسامحنى مش هخاف من الموت المهم أن انا هموت وانت مسامحنى
ادهم :- ياريت تسبنى امشى انا لا قادر اتكلم مع حد ولا اناهد فى الكلام مع حد
وفى الوقت ده خرج سامر وساندرا واترموا فى حضن مصطفى وقعدوا يعيطوا
ساندرا :- بدموع ماما ماتت يا بابا ماتت وسابتنا خلاص
سامر :- انا مش قادر أتخيل ازاى هدخل البيت وهى مش فيه ازاى مش هشوفها نايمه فى سريرها تانى مش قادر يا بابا
مصطفى :- طبطب عليهم فى حضنه وقال شششش ادعولها بالرحمه يا ولاد هو ده اللى هى محتاجه دلوقتى
ادهم :- بص على مصطفى وعلى اخواته وحبس الدموع فى عينه وركب عربيته ومشى بيها بسرعه جنونيه
مصطفى :- بص عليه وهو ماشى وقال ربنا يهديك يا ابنى ويصلح حالك وركبوا التلاته العربيه وراحوا على الفيلا
داليا :- كانت متابعه كل ده فى صمت وواقفه هى والجدة بعيد وبعد ما الكل مشى اخدت الجدة ووقفت التاكسى وطلعوا على الشقه
~•~•~•~•~•~•~•~•~•~•~•~•~•~
عند حمزه وميرفت

كانوا ماشين الاتنين فى الشارع مع بعض وميرفت ماسكه أيده بفرحه وقالت

ميرفت :- عارف يا حمزه كتير اوى كنت بحلم باليوم اللى امشى فيه جنبك وماسكه ايدك كده ونروح مع بعض عند الدكتور ونفرح مع بعض لما نشوف ابننا فى الاشعه وهو بيلعب كده يااااااه مكنتش اعرف ان حلمى ده هيتحقق بسهوله كده
حمزه :- قرب ايديها من شفايفه وبسها وقال طول ما انا عايش فى الدنيا هحققلك كل اللى بتحلمى بيه وبتتمنيه
ميرفت :- بحب ربنا يخليك ليا يارب
حمزه :- وميحرمنيش منك يا قلبى انا النهارده عايزك تنسى الدنيا بحالها وتفتكرينى انا بس
ميرفت :- مش النهارده بس يا حمزه انا من يوم ما قابلتك وانا بنسى العالم كله وانا معاك
حمزه :- حط أيده على كتفها وضمها ليه وباس راسها وقال بحبك
ميرفت :- شالت أيده من على كتفها وقالت حمزه ايه اللى انت بتعمله ده احنا فى الشارع
حمزه :- حط أيده على كتفها تانى وقال وايه يعنى وهو انا حد غريب انا جوزك محدش ليه عندنا حاجه
ميرفت :- حمزه بقى عيب كده والله وحطت دراعها فى دراعه وقالت خلينا كده احسن
حمزه :- ماشى اللى تؤمرى بيه يا روحى تحبى تروحى لدكتور الاول ولا نشترى اوضة النوم الاول
ميرفت :- لاء نروح الدكتور مستعجله اوى عايزه نشوفوا البيبى مع بعض
حمزه :- حاضر يا قلبى وراحوا عند دكتور النسا واستنوا لحد ما جه دورهم ودخلوا الاتنين مع بعض ووزنها الدكتور وقاس ليها الضغط وعمل ليها جميع الفحوصات وطلب منها أنها تنام على السرير
ميرفت :- نامت على السرير بفرحه ومسكت ايد حمزه اللى واقف جنبها وبصت ليه بحب
وبدء الدكتور يعمل ليها السونار على بطنها ويظهر البيبى على الشاشه
حمزه :- عينه دمعة من الفرحه اول ما شاف صورة البيبى بيتحرك على الشاشه وباس ايد ميرفت
الدكتور :- البيبى تمام وزى الفل انتو عرفتوا نوعه ايه ولا لسه
ميرفت :- لاء لسه
الدكتور :- امممم طيب عايزين ولد ولا بنت
حمزه :- اى حاجه من عند ربنا كويسه مش هتفرق اذا كان ده ولا ده بس انا اللى بتمناه تكون بنوته وتطلع شبه مامتها وبص لميرفت بحب
الدكتور :- وربنا حقق ليكى أمنيتك بنوته زى القمر اهى
حمزه :- بفرحه لاء بجد يا دكتور اللى فى بطنها بنت
الدكتور :- عروسه زى القمر وقام وقف وقال هستناكم بره وخرج وسابهم
ميرفت :- قامت من على السرير علشان تظبط هدومها
حمزه :- حضنها بفرحه وقال طلعت بنوته يا ميرفت اخيرآ هيكون عندى حته تانيه منك
ميرفت :- بزعل طفولى وهتحبها اكتر منى صح
حمزه :- ههههههههه غيرانه منها يا مجنونه دى بنتك وبعدين انا هعشقها علشان حته منك هتكون صورتك على صغير يا عبيطه
ميرفت :- وانا عايزاك تحبنى انا وبس
حمزه :- قرب منها وقال ده انا بعشقك مش بحبك بس ولسه هيبوسها
ميرفت :- ايه يا حمزه احنا عند الدكتور هو انت راشق فى كل حته كده
حمزه :- بغيظ بنى ادمه فصيله انا غلطان أن بدلعك امشى قدامى يا اختى وخرجوا راحوا عند الدكتور
الدكتور :- اتفضلوا اقعدوا
الاتنين قاعدوا على الكراسى قصاد بعض
حمزه :- كله تمام يا دكتور كده
الدكتور :- الحمدالله كله تمام انا بس هكتبلها على شوية فيتامين وحديد علشان ضعيفه شويه وانتو عليكم بقى بالغذا اكلوها على قد ما تقدروا
حمزه :- سمعتى الدكتور قال ايه تاكلى بدل ما انتى مسمومه فى الاكل كده
ميرفت :- حاضر
حمزه :- هى فى الكام كده يا دكتور
الدكتور :- هى فاضل اربع ايام وتقفل الخامس وتبدء فى الشهر السادس
حمزه :- بفرحه بجد يا دكتور يعنى كلها كام شهر وتولد واخد بنتى فى حضنى
الدكتور :- أن شاءالله
حمزه :- وقف وقال شكرآ جدآ يا دكتور
الدكتور :- العفو اشوفكم الشهر الجاى زى النهارده أن شاءالله
حمزه :- أن شاءالله يا دكتور السلامه عليكم وخرجوا الاتنين من عند الدكتور وهما فرحانين
ميرفت :- هنسميها ايه بقى
حمزه :- انتى حابه تسميها ايه
ميرفت :- نفسى اسميها اسم دينى زى عائشه هاجر فاطمه
حمزه :- حلو اسم هاجر
ميرفت :- وانا برضه حبيت اسم هاجر
حمزه :- هاجر حمزه سعيد ماشاءالله اسم مش متناسق أبدآ
ميرفت :- هههههههه مش مهم كفايه أن اسمك مكتوب وراه اسمها علطول ده فخر كبير ليها طبعآ يا قلبى
حمزه :- ما تيجى نروح البيت ونبقى نشترى الاوضه فى يوم تانى
ميرفت :- ليه
حمزه :- عايزك فى موضوع عائلى كده وغمز ليها
ميرفت :- بكسوف والله العظيم انت غلس ومش هنروح غير لما نشترى الاوضه الجديده بقى
حمزه :- ماشى اهى فكره برضه علشان نجرب السرير الجديد
ميرفت :- زقته وقالت بس قلة ادب
حمزه :- مش عجبك اروح لواحده تانيه طيب
ميرفت :- بغيره ده انا اموتك واموتها
حمزه :- ضحك وقال يا جامد انت يا مفترس
ميرفت :- غلس ومشيت قدامه وسابته
حمزه :- ضحك على جنانها وراح مسك ايديها وراحوا يشتروا الاوضه الجديده
~•~•~•~•~•~•~•~•~•~•~•~•~•
فى فيلا أكرم

دخل أكرم الاوضه عند فاطمه لاقها نايمه على السرير ولابسه شورت وبدى كت وماسكه كتاب بتقراه فيه وبتهز فى رجليها العريانه بلع ريقه بتوتر وقال

أكرم :- السلام عليكم
فاطمه :- سابت الكتاب وقالت وعليكم السلام ورحمه الله وبركاته وقامت حضنته وقالت حبيبى واحشتنى
أكرم :- بتوتر وانتى يا قلبى واحشتينى
فاطمه :- مالك يا عمرى متوتر كده ليه
أكرم :- شوفى نفسك يا حبى لابسه ايه والدكتور قال لينا ايه
فاطمه :- مش فاهمه
أكرم :- قرصها من وشها وقال يعنى الدكتور قال مفيش علاقه اول تلت شهور وحضرتك لابسه شورت وبدى كت وانا راجل وعندى شعور واحاسيس يعنى خلى عندك شوية دم يا حبيبتى مش كده الإنسان ضعيف برضه
فاطمه :- بدلع الله يعنى انت عايز ايه عايزنى اقعد باسدال الصلاه علشان يعجبك
أكرم :- مقصدش كده يا قلبى بس لا إسدال صلاه ولا شورت مبين رجليكى حلوه اوى كده بصى البسى جلابيه نص كوم حلوه مالها يعنى
فاطمه :- قعدت على السرير وقالت والله انا حره مش هتقيدنى فى اوضى البس ايه وملبسش ايه
أكرم :- منك لله يا مفتريه على اللى انتى عامله فيا ده ودخل الحمام اخد شاور وغير هدومه ونام على السرير وحط المخده على وشه
فاطمه :- أكرم كرومتى كرومه
أكرم :- امممممم
فاطمه :- شيل المخده وبصلى
أكرم :- لاء حرام
فاطمه :- علشان خاطرى يا كرومه
أكرم :- شال المخده وقال نعم عايزه ايه
فاطمه :- خدنى فى حضنك
أكرم :- نعم
فاطمه :- خدنى فى حضنك عايزه شوية حنان
أكرم :- حنان ماتت محروقه من اللهيب اللى جوايا
فاطمه :- أكرم متغلسش بقى
أكرم :- فتح دراعه ليها وقال تعالى يا مغلبه أكرم معاكى
فاطمه :- ضحكة ونامت فى حضنه وقالت بدلع كرومه هو انت بتحبنى قد ايه
أكرم :- اكتر من الدنيا دى بحالها بتسألى ليه
فاطمه :- اصل كنت بقراه كتاب عن الحمل والولاده وبيقول أن الأم بتجيب البيبى شبه الاب على حسب نسبة حبهم لبعض وانا الصراحه عايزه اجيبه شبهك اوى وبالذات عيونك الملونه دى بعشقهم اوى
أكرم :- اولا البيبى بيجى حسب الجينات ملهاش دعوه خالص بالحب والكلام ده دى تخاريف ثانيآ بقى انا عايزها شبهك انتى بس بعيد عن جنانك طبعآ عايز الشكل بس
فاطمه :- رفعت راسها بغيظ وبصت ليه وقالت والله انت شيفنى مجنونه
أكرم :- نزل راسها تانى فى حضنه وقال بس طبعآ احلى مجنونه
فاطمه :- انا بحبك اوى يا اكرم مش عارفه لو مكناش اتجوزنا كنت هعمل ايه
أكرم :- كنتى هتعنسى يا حبيبتى
فاطمه :- ضربته بغيظ وقالت والله العظيم انت غلس اوعى كده
أكرم :- هههههههه بس يا مجنونه براحه بهزر معاكى يخربيتك
فاطمه :- هزارك بايخ اوى على فكره ولسه هتقوم
أكرم :- شدها فى حضنه وقال بعشقك يا مجنونه وقعد يضحك
فاطمه :- غلس
أكرم :- خلاص بقى يا طمطم بهزر معاكى والله
فاطمه :- قربت منه وقعدت تشم فيه
أكرم :- ايه فى ايه
فاطمه :- انت ريحتك جوافه
أكرم :- نعم يا اختى يخربيت ام الكلب اللى بقى فيكى ده كل شويه تشمى فى امى حاجه
فاطمه :- والله ريحتك جوافه انا عايزه جوافه حالا
أكرم :- انتى حامل فى كلب يا بت انتى نامى يا ماما الصبح اجبلك وشدها فى حضنه
فاطمه :- لاء مش هنام انا عايزه جوافه
أكرم :- يا سوادك يا اكرم حاضر مش عايزه فسيخ بالمره
فاطمه :- يععععع مش بحبه
أكرم :- حبك برص يا شيخه وقام لبس هدومه ونزل
ايه :- ايه ده رايح فين دلوقتى كده
أكرم :- الهانم بتتوحم على جوافه هروح اجيب ليها
ايه :- هههههههه ده انت هتشوف ايام سوده هههه
أكرم :- هشوف ما انا شايف يا اختى اهو
ايه :- الله يكرمك وانت جاى هات ليا واحده بيتزا كبيره وازازة بيبسي كبيره وكيس شيبسى كبير بالجبنه
أكرم :- وحياة امك انتى كمان ما انتى قاعده بتاكلى اهو
ايه :- لاء ما انت على ما تروح وتيجى هكون جوعة تانى اكلهم
أكرم :- يخربيت فجعتك دى يا شيخه اموت واعرف الاكل ده بيروح فين
ايه :- الله اكبر صلى على النبى كده فى قلبك انت هتقر عليا ولا ايه
أكرم :- اللهم لا أسألك رد القضاء ولكن أسألك اللطف فيه وهز راسه يمين وشمال ومشى وسابها
ايه :- ده ماله ده لما اكل قبل ما الاكل يبرد وقعدت تكمل اكلها
~•~•~•~•~•~•~•~•~•~•~•~•~•
عند سندس ومؤمن

خرجوا الاتنين من المدرسه ومشوا جنب بعض وقالت سندس

سندس :- روح انت بقى
مؤمن :- لاء مش هسيبك هوصلك عند الدكتور وهستناكى بره لحد ما تخلصى وبعد كده اروحك
سندس :- طيب وليه التعب ده بس ما تروح انت وانا هروح عند الدكتور وهخلص واروح لوحدى
مؤمن :- لاء يا سندس مش هسيبك
سندس :- براحتك انا مش عايزه اتعبك معايا
مؤمن :- بحب تعبك راحه بالنسبه ليا
سندس :- احم م.م.ماشى يلا بينا
مؤمن :- يلا ووقف تاكسى وراحوا عند الدكتور ودخلت سندس ومؤمن استناها بره وهو متغاظ علشان سندس لوحدها مع الدكتور
الدكتور :- اتفضلى يا انسه سندس
سندس :- ميرسى يا دكتور وقعدت
الدكتور :- عامله ايه دلوقتى
سندس :- احسن من الاول شويه
الدكتور :- عرفتى تنامى
سندس :- اه الحمدالله بس المشكله فى الكوابيس اللى بتيجى ليا دى
الدكتور :- معلش شويه شويه هتختفى من حياتك خالص
سندس :- ياريت يا دكتور علشان تعبت منها
الدكتور :- أن شاءالله متقلقيش نبدء
سندس :- تمام نبدء
الدكتور :- اخر مره سألتك عن حالتك العاطفيه
سندس:- ايوه فكره
الدكتور :- تحبى تتكلمى عليها
سندس :- بكسوف ا.ا.ايوه
الدكتور :- اتفضلى
سندس :- انا مرتبطه بشخص وبحبه اوى اوى هو طيب وحنين ودمه خفيف بيموتنى من الضحك وبحب فيه كمان شهامته راجل اوى وبيخاف عليا وبيغير عليا اوى والصراحه بعشق غيرته دى بس انا مش مبينه ليه حقيقة مشاعرى دى
الدكتور :- ليه
سندس :- علشان احنا لسه صغيرين على كده وفيه حاجات كتير اهم من كل الكلام ده فيه دراستنا ومستقبلنا يا دكتور ولو انشغلنا بالتفكير فى الحب والكلام ده هيضيع المستقبل ده علينا علشان كده مش ظاهره حقيقة مشاعرى ليه
الدكتور :- علشان كده بس ولا علشان مش متأكده من مشاعرك اتجاهه
سندس :- لاء بالعكس يا دكتور انا متأكده من مشاعرى ليه وبحس جنبه بالأمان بفرح لما بكون معاه وببقى مشغوله عليه طول ما هو بعيد عنى وحبه ده اللى بيدينى دافع اكمل الحياة هو قوتى يا دكتور علشان استحمل حاجات كتير اوى مرت فى حياتى حبه دافع ليا علشان اتفوق فى دراستى واحقق حلمى علشان ابقى ليه فى الاخر بس مجرد ما هسمح بمشاعرى تظهر ليه هو هتبقى عائق ليه هينشغل بالتفكير فيا وهيهمل دراسته ومستقبله
الدكتور :- تسمحيلى اقولك انك كده غلط
سندس :- غلط ازاى يا دكتور
الدكتور :- زى ما حبه دافع ليكى حبك هيكون دافع ليه يعنى هيحاول يجتهد ويحقق ذاته علشان يثبت ليكى أن هو الراجل اللى تستحقيه
سندس :- اسفه لحضرتك بس غلط كده هو هيحاول يثبت ليا الراجل اللى استحقه طول ما هو مش عارف حقيقة مشاعرى لكن لو ضمن أن انا بحبه وليه هيبقى ايه الدافع ليه ولا حاجه صح ولا لاء يا دكتور
الدكتور :- سقف ليها وقال شابو ليكى بجد انا قولت ليكى كده علشان أتأكد إذا كنتى مؤمنه برأيك ولا لاء لاقيتك متأكده من الخطوه اللى بتعمليها بجد انا سعيد بيكى وشايف أن انتى مش مريضه ولا حاجه اللى يبقى بالعقل ده ميبقاش مريض دول شوية اضطرابات نفسيه مش اكتر
سندس :- بجد يا دكتور يعنى انا مش مريضه
الدكتور :- نهائى
سندس :- ميرسى جدآ يا دكتور بجد فرحتنى بالكلام ده
الدكتور :- انا مقولتش حاجه من عندى انتى فعلا شخصيه عقلانية جدآ
سندس :- وقفت وقالت ميرسى يا دكتور كده مش محتاجه اجى لحضرتك تانى صح
الدكتور :- كمريضه لاء انما لو احتاجتى اى حاجه انا موجود
سندس :- سلمت عليه وقالت إن شاءالله عن اذنك وخرجت وهى السعاده مرسومه على وشها وقالت يلا يا مؤمن
مؤمن:- بأستغراب ايه سر الفرحه دى
سندس :- الدكتور قال ليا أن انا مش مريضه نفسيه
مؤمن :- بفرحه بجد
سندس :- اه والله
مؤمن :- طيب ايه رأيك بالمناسبه دى نروح اى كافيه نشرب حاجه
سندس :- اوك موافقه
ونزلوا الاتنين من عند الدكتور راحوا كافيه وطلبوا حاجه يشربوها
~•~•~•~•~•~•~•~•~•~•~•~•~•
عند تامر ودينا

وصل تامر بعربيته وخرجت ليه دينا ركبت جنبه وقال ليها

تامر :- اتأخرت عليكى
دينا:- لاء خالص
تامر :- تحبى تروحى فين يا قمرى
دينا :- اممممم مش عارفه ودينى انت على مزاجك
تامر :- مزاجى ماشى بصى سيبى ليا نفسك هنسيكى كل حاجه النهارده وشغل العربيه ومشى بيها راح مطعم وقال اكيد مأكلتيش وجعانه صح
دينا :- هزت راسها وقالت اممم
تامر :- انزلى ونزلوا الاتنين من العربيه ودخلوا المطعم طلبوا اكل وبعد وقت جه ليهم الاكل وقعدوا ياكلوا وخلصوا اكلهم
دينا :- هتودينى فين تانى
تامر :- قومى معايا ودفع تامر الحساب وخرجوا من المطعم ركبوا العربيه وشغلها تامر ومشى بيها راح عند الملاهى وقال انزلى
دينا:- بفرحه الله الملاهى بجد كنت محتاجه اجى مكان زى ده
تامر :- علشان تعرفى يا قلبى أن قلبى بيحس بيكى من غير ما تتكلمى
دينا :- بكسوف م.م.ماشى يلا بينا ننزل
تامر :- ابتسم وقال يلا ونزلوا الاتنين من العربيه ودخلوا الملاهى وقضوا يوم مع بعض من اسعد ايام حياتهم ودينا نسيت شويه الوجع اللى كانت حاسه بيه فى قلبها وتامر كان سعيد جدآ بضحكتها وفرحان أن هو قدر يفرحها شويه
~•~•~•~•~•~•~•~•~•~•~•~•~•
فى فرنسا

عند رودينا ونهى

كانت لسه نهى قاعده مع رودينا والباب خبط قامت نهى فتحت الباب لاقته محمد اتنهدت ودخلت من غير ولا كلمه واول ما شافته رودينا بصت ليه بقرف وقالت

رودينا :- هروح اوضى أنا يا نهى عايزه حاجه
نهى :- سلامتك يا قلبى
رودينا :- اى وقت محتاجه حاجه رنى عليا هجيلك علطول
نهى :- متحرمش منك يا رودى يارب
رودينا :- بصت لمحمد بغيظ وخرجت وسابتهم
نهى :- نامت على الكنبه واتغطت من غير ولا كلمه
محمد :- قعد جنبها وقال نهى
نهى :- نعم
محمد :- قومى اقعدى عايزك
نهى :- تعبانه وعايزه انام لو سمحت ابعد
محمد :- بعصبيه خفيفه قومى يا نهى عايزك
نهى :- قولتلك تعبانه
محمد :- بتعصبينى وترجعى تزعلى من عصبيتى
نهى :- ولا اعصبك ولا تعصبنى روح نام احسن وسبنى انام
محمد :- ما انتى كنتى قاعده مع رودينا اشمعنا النوم مجاش ليكى غير لما انا جيت
نهى :- كده
محمد :- شدها بعصبيه قعدها
نهى :- بألم ااااااه
محمد :- بلع ريقه وغمض عينيه وقام وقف وقال ح.ح.حاولى متتألميش قدامى
نهى :- بدموع حاضر
محمد :- بصلها وقال ايه آخرته الوضع اللى احنا عايشين فيه ده يا نهى
نهى :- تطلقنى
محمد :- مستحيل يا نهى
نهى :- وقفت وقالت ليه مستحيل انا خلاص مش طايقه ابص فى وشك
محمد :- قرب منها وقال ليه كل ده ليه نهى انا بحبك والله العظيم بحبك
نهى :- بدموع وانا كرهتك والله العظيم كراهتك
محمد :- انتى ليه مصممه تعصبينى كراهتينى ليه علشان باخد حقى الشرعى منك
نهى :- بدموع قالت قول علشان بتموتنى بالبطئ مش بتاخد حقك الشرعى منى
محمد :- مسك ايديها وقال نهى متخليش موضوع عبيط زى ده يأثر علينا احنا اكبر من كده
نهى :- سحبت ايديها وقالت موضوع عبيط ازاى يعنى وفتحت الترنج بتاعها وقالت الموضوع العبيط ده بص عامل ايه فى جسمى الموضوع العبيط اللى بتقول عليه ده هيكون سبب موتى يا محمد
محمد :- يا نهى افهمينى بقى انا بحبك وانتى كمان بتحبينى ولازم نعمل لبعض الحاجه اللى بنحبها يعنى انا بحب العلاقه كده يبقى المفروض انتى كمان تحبيها زى ما انا مستعد احب اى شئ فى الدنيا علشان انتى بس بتحبيه وقرب منها ومسك وشها بين ايديه وبص على شفايفها وقال نهى حبيبتى بصى ليا فى عينى انا محمااا حبيبك معقول تكونى كراهتينى يا انسه احلف وقرب من شفايفها ولسه هيبوسها
نهى :- زقته بعيد عنها وقالت بأنهيار ابعد عنى متلمسنيش ابعد ابعد
محمد :- اتنهد وراح حضنها وقال أهدى يا قلبى خلاص والله خلاص
نهى :- عيطت بصوت عالى وقعدت على الأرض وقعدت تصرخ
محمد :- قعد فى الارض جنبها وشدها فى حضنه وقال ششششش أهدى يا نهى أهدى حقك عليا والله
نهى :- قعدت تعيط وترتعش فى حضن محمد لحد ما عينيها راحت فى النوم شالها محمد حطها على السرير ونام جنبها واخدها فى حضنه ونام هو كمان
~•~•~•~•~•~•~•~•~•~•~•~•~•
فى اوضت رودينا وفادى

كانت قاعده رودينا بتعيط وقاعد جنبها فادى ومش عارف سبب دموعها دى ايه قال

فادى :- مالك بس يا رودى من ساعه ما جيتى من عند نهى وانتى على الحاله دى
رودينا :- بدموع مخنوقه اوى يا فادى واترمت فى حضنه وقعدت تعيط
فادى :- طبطب عليها وقال طيب الخنقه دى من ايه ما انتى كنتى كويسه قبل ما تطلعى عند نهى حصل حاجه ما بينكم هى اللى زعلتك كده
رودينا :- هزت راسها يمين وشمال وقالت لاء
فادى :- طيب فيه ايه بس مالك يا قلبى
رودينا :- فادى خدنى فى حضنك ارجوك
فادى :- ضمها فى حضنه وقعد يحسس على كتفها
رودينا :- مسكت فيه اكتر وقعدت تعيط اكتر
فادى :- لاء ما انا لازم افهم مالك يا رودى
رودينا :- مسكت فيه اكتر وقالت بدموع وعصبيه الكلب الواطى بيعذبها يا فادى جسمها كله ازرق
فادى :- مين نهى
رودينا :- هزت راسها وقالت ايوه يا فادى الواطى الندل الجبان
فادى :- ضربها يعنى
رودينا :- محمد طلع سادى يا فادى بيمارس معاها العنف اثناء العلاقه طلع مجنون ومريض
فادى :- بصدمه ايه بيعذبها اثناء العلاقه
رودينا :- بدموع ايوه نهى بتتعذب معاه وصعبت عليا اوى لما حكت ليا قصة حياتها بجد هموت عليها ومش عارفه اعمل ليها ايه علشان أبعدها عنه
فادى :- انا بكره هكلمه يا يتعالج يا يطلقها
رودينا :- للاسف نهى مش عايزه حد يتدخل ويكلمه بتقول هتطلق منه بس مش دلوقتى
فادى :- ليه
رودينا :- علشان ناويه مترجعش تانى مصر هتقعد هنا فى فرنسا
فادى :- انا هكلمه بس بينى وبينه
رودينا :- خايفه نهى تزعل أن انا قولتلك
فادى:- متقلقيش انتى مش هتعرف
رودينا :- م.م.ماشى
فادى :- مسح دموعها وقال مش عايز اشوف دموعك دى تانى فاهمه
رودينا :- هزت راسها وقالت حاضر
فادى :- صالحينى بقى
رودينا :- انا اللى اصالحك ليه بقى أن شاءالله
فادى:- علشان زعلتينى بدموعك دى
رودينا :- والله يعنى اعيط واصالح كمان
فادى :- قرب منها وقال لاء عندك حق انا اصالح وقرب من شفايفها وباسها
رودينا :- بعدت عنه وقالت فادى بتعمل ايه
فادى :- بصالحك الله ولسه هيقرب منها تانى
رودينا :- امممم لاء انسى انا تعبانه وهمووت وانام
فادى :- لاء البدايه كده مش مبشره لام البلد دى عياط وتعبانه
رودينا :- هههههههه تصبح على خير وقامت تنام على السرير
فادى :- تصبح على خير ايه بس رودى حبيبت مينفعش والله وقام وراح جنبها على السرير
رودينا :- فااااادى نام انا تعبانه من السفر
فادى :- لاء والله مش هعرف انام تعالى بس وشدها فى حضنه
رودينا:- بدلع بس يا فادى بقى وحاولت تبعد عنه
فادى:- قرب لشفايفها وقال ده انا هنسيكى التعب ده خاااااالص وبسها من رقابتها وطلع على شفايفها و(سكتت شهرزاد عن الكلام الغير مباح )
~•~•~•~•~•~•~•~•~•~•~•~•~•
فى اسكندريه

فى شقة الجدة

وصل ادهم الشقه وهو زعلان وحزين وفتح الباب ودخل لاقه داليا قاعده على الكنبه بصلها ومشى وسابها

داليا :- كنت فين كل ده
ادهم :- مردش عليها ومشى وسابها دخل الاوضه
داليا :- قامت دخلت وراه وقالت ممكن تقولى كنت فين كل ده ولا روحت الفيلا ولا الشركه سألت عليك فى كل مكان كلهم قالوا إنك مظهرتش النهارده
ادهم :- نام على السرير ومردش عليها وغمض عينه
داليا :- اتغاظت من تجاهله ده خبطت على كتفه بغيظ وقالت مش بكلمك انا
ادهم :- مسك ايديها وشدها جنبه على السرير ونام فى حضنها
داليا :- اتفاجئت من اللى حصل وبصت ليه بصدمه ومتحركتش
ادهم :- بدموع كان نفسى اشبع من حضنها شويه ملحقتش احس بحنانها كأن القدر كاتب علينا الفراق والبعد بس ليه بيحصل معايا كده ليه
داليا :- صعب عليها ادهم طبطبت عليه ودموعها نزلت منها
ادهم :- انا نفسى ارتاح بقى نفسى افرح يوم واحد زى البنى ادمين نفسى اعيش من غير ما يكون قلبى واجعنى من فراق حد ولا ظلم حد ليا نفسى انام ليله واحده من غير ما يكون فيه هموم على اكتافى
داليا :- مشيت ايديها على شعر ادهم وفضلت تبص ليه بوجع
ادهم :- مسك فيها اكتر وقال انا مخنوق اوى ونفسى اصرخ اطلع كل اللى جوايا ودخل اكتر فى حضن داليا شبه العيل الصغير وقعد يعيط جامد
داليا :- باست راسه وقعدت تعيط على عياط ادهم
ادهم :- عينه راحت فى النوم وهو ماسك فى داليا ونايم فى حضنها
داليا :- بصت عليه لاقته نام وماسك فيها باست راسه وقعدت تبص عليه وهو نايم لحد ما عينيها راحت فى النوم هى كمان

*********************

إلي هنا ينتهي الفصل الرابع و الستون من رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد

تابع أيضاً: جميع فصول رواية آدم ولانا بقلم امونه

تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها

اقرأ أيضا: رواية من أجلك فقط بقلم لولو الصياد