مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة دودو محمد علي موقعنا قصص 26 و موعدنا اليوم مع الفصل الخامس و الستون من رواية تمرد صحفية بقلم دودو محمد.
رواية تمرد صحفية بقلم دودو محمد - الفصل الخامس و الستون
اقرأ أيضا: روايات رومانسية
 |
| رواية تمرد صحفية بقلم دودو محمد |
رواية تمرد صحفية بقلم دودو محمد - الفصل الخامس و الستون
داليا :- احم ا.ا.انا مش عارفه نمت ازاى
ادهم :- قام وقف ومردش عليها ودخل الحمام
داليا :- رجعت شعرها لوراه واتنهدت وقالت يخربيت ام الكبرياء اللى عندك يا اخى وضمة رجليها عند صدرها وافتكرت كلام الجده ليها
~•~•~•~•~•~•~•~•~•~•~•~•~
فلاش بااااك
وصلت داليا الجدة الشقه بعد دفن ماجده وقعدت معاها شويه وبعدين وقفت داليا وقالت
داليا :- انا همشى يا مديحه والصبح أن شاءالله هكون عندك
الجدة :- خليكى يا بنتى معايا بلاش تمشى
داليا :- مش هينفع يا مديحه هقعد هنا بصفتى ايه انتى ناسيه أن ادهم طلقنى وبعدين لو جه ولاقنى هنا هيتعصب علينا
الجدة :- ادهم ردك يا بنتى من ساعتها
داليا :- ايه اللى انتى بتقوليه ده يا مديحه امته وازاى
الجدة :- ادهم لما طلقك خاف لتروحى لغيره ردك علطول فى نفس الوقت ادهم بيحبك يا داليا بس هو من النوع المتكبر اللى صعب يبوح لحد بمشاعره بسهوله وادهم محتاجك جنبه بجد الفتره دى ادهم موجوع ومكسور من جوه كلنا مقهورين على موت ماجده ربنا يصبرنا على فراقها يارب
داليا :- يا مديحه ادهم عنده حب الامتلاك يعنى ردنى علشان اكون ليه مش اكتر إنما حب معتقدش
الجدة :- صدقينى يا داليا ادهم بيحبك والله العظيم بيحبك
داليا :- وليه مقالش ليا أنه ردنى
الجدة :- ابقى اسأليه بس لما يكون فى حاله تسمح أنه يجاوب عليكى
داليا :- م.م.ماشى
الجدة :- دخلينى اوضى يا بنتى عايزه اريح شويه وانتى لما يجى جوزك خليكى جنبه ده اكتر وقت هو محتاجك فيه
داليا :- حاضر ودخلت الجده اوضتها ونيمتها على السرير وغطتها وخرجت وقفلت الباب وراها مسكت تليفونها واتصلت بأبوها وانتظرت رده
سعيد :- السلام عليكم
داليا :- وعليكم السلام ورحمه الله وبركاته
سعيد :- فينك يا بنتى
داليا :- انا عند ادهم يا بابا
سعيد :- بتعملى ايه عند ادهم يا داليا انتى ناسيه أن هو طلقك
داليا :- ادهم ردنى يا بابا
سعيد :- وبعدين معاكم يا داليا مينفعش لعب العيال ده
داليا :- يا بابا افهمنى انا جنبه علشان أمه ماتت ولازم ابقى جنبه فى وقت زى ده مش حضرتك اللى ربتنا على كده نقف جنب اى حد محتاجنا حتى لو عدونا
سعيد :- سكت شويه وقال ماشى يا داليا بس انا لازم اتكلم معاكى فى اللى بيحصل ده كله الوضع مبقاش ينفع يا بنتى
داليا :- عارفه يا بابا اول ما ادهم يكون كويس هاجى لحضرتك
سعيد :- ماشى يا بنتى فى رعاية الله وحفظه
داليا :- قفلت مع ابوها السكه وبصت فى الساعه لاقت الوقت أتأخر ولسه ادهم مجاش اتصلت عليه مردش عليها اتصلت سألت عليه فى الشركه قالوا مجاش اتصلت فى الفيلا قالوا نفس الكلام قفلت التليفون وقعدت تستنا وصول ادهم
~•~•~•~•~•~•~•~•~•~•~•~•~
بااااااك
فاقت داليا على صوت فتح باب الحمام بصت على ادهم وهو خارج من الحمام قامت وقفت وقالت احضرك الفطار
ادهم :- لاء
داليا :- طيب محتاج حاجه اعملها ليك
ادهم :- لاء
داليا :- اتنهدت وقالت ماشى ودخلت الحمام
ادهم :- بص على باب الحمام واتنهد بوجع ولبس هدومه وخرج من الاوضه وراح اوضت الجده
الجدة :- صباح الخير يا ابنى
ادهم :- صباح النور يا مديحه
الجدة :- فين داليا
ادهم :- فى الاوضه
الجدة :- ادهم يا ابنى اللى حصل ده قضاء الله وقدره امك عمرها وانتهى عارفه أن فرقها صعب ليك وليا فى الوقت ده بالذات بس لا اعتراض على أمر الله يا حبيبى
ادهم :- وقف وقال مديحه انا مش قادر اسمع ولا كلمه انا ماشى
الجده :- رايح فين طيب
ادهم :- نازل الشركه
الجدة :- شكلك تعبان خليك النهارده وبلاش تنزل
ادهم :- انا كويس متقلقيش وباس راسها وهو خارج من الباب خبط فى داليا اللى كانت داخله الاوضه عند الجده ومسكها قبل ما تقع على الارض
داليا :- مسكت فيه جامد وسرحت فى عينيه
ادهم :- بص فى عينيها مده طويله وسرح فى ملامح وشها
داليا :- فاقت واخدت بالها من الوضع زقته براحه علشان يبعد عنها
ادهم :- اخد باله بعد عنها ومشى وسابها
داليا:- اتنهدت بوجع ودخلت عند الجدة وقالت مديحه صباح الخير
الجدة :- صباح النور يا بنتى
داليا :- هو رايح فين كده
الجدة :- نازل الشركه
داليا :- بس ده شكله تعبان
الجدة :- قولت ليه كده بس هو عندى مش هيسمع كلام حد
داليا :- يخربيت كبرياءه ده يا مديحه
الجدة :- متكلمش معاكى خالص
داليا :- ها ه.ه.هو شدنى ونام فى حضنى بس
الجدة :- اتنهدت وقالت ادهم شايف فيكى حضن أمه الله يرحمها علشان كده بلاش تحرميه منه يا بنتى عوضى ليه لو جزء صغير من الحضن ده يا بنتى
داليا :- من غير ما تقولى يا مديحه انا جنبه ومش هحرمه من الحضن ده بس نفسى افهم ليه بيعاملنى المعامله دى انا عملت ليه ايه بس لكل ده
الجدة :- لو بتحبيه بجد هتستحملى اى حاجه بتحصل منه انتى عارفه أن هو واخد على خاطره منك علشان اللى عملتيه معاه
داليا :- طيب ما هو سامح أمه الله يرحمها اهو وشايفه أن بقى هادى لما بيتكلم مع ابوه يعنى أساس المشكله سامحهم وانا لاء يا مديحه طيب ليه
الجدة :- لان هو بيحبك اوى ومتوقعش منك كده
داليا :- انا تعبت من كتر ما بقدم ليه اعذار عندى علشان مكرهوش
الجدة :- اصبرى يا بنتى اصبرى اكيد ربنا هيكافئ صبرك ده خير
داليا :- صابره يا مديحه مش فى ايدى حاجه غير الصبر
الجدة :- ربنا يصلح حالكم يا بنتى ويهدى ليكم الحال وفى الوقت ده سمعوا صوت بره
داليا :- معقول يكون ادهم رجع تانى وقامت تشوف مين لاقتها الممرضه دخلت تانى الاوضه وقالت دى الممرضه هخرج احضرك الفطار
الجدة :- لاء يا بنتى مليش نفس انا هصلى ركعتين واقعد اقرى شويه فى المصحف روحى انتى افطرى يا حبيبتى
داليا:- علشان علاجك يا مديحه
الجدة :- شويه يا بنتى
داليا :- ماشى ومشيت لحد الباب
الجدة :- داليا
داليا :- بصت ليها وقالت نعم
الجدة :- انتى حامل
داليا :- ها ل.ل.لا ليه بتقولى كده
الجدة :- وشك باين عليه
داليا :-ل.ل. لاء دول شوية إجهاد عادى يا مديحه
الجدة :- لاء يا داليا مش موضوع إجهاد
داليا :- بتوتر ما انتى عارفه وضع علاقتى بأدهم ايه
الجدة :- ابتسمت وقالت ربنا يصلح حالكم
داليا :- بصت ليها مده طويله وخرجت من الاوضه وقفلت الباب وراها ووقفت وراه الباب وحطت ايديها على بطنها فكرة شويه ودخلت الاوضه اخدت شنتطها وخرجت من باب الشقه وقفت تاكسى وراحت عند الدكتور وانتظرت دورها ودخلت ليه بتوتر
الدكتور :- اتفضلى يا مدام داليا
داليا :- قعدت بتوتر وقالت ش.ش.شكرآ
الدكتور :- خير يا مدام داليا بتشتكى من ايه
داليا :- احم ا.ا.انا نزلت ليا البريود يوم واحد وحاجه بسيطه جدآ ودايمآ عندى مغص شديد ووجع فى ضهرى من تحت
الدكتور :- طيب اتفضلى على سرير الكشف
داليا :- اتنهدت بتوتر وقامت وقفت راحت نامت على السرير
الممرضه :- اتفضلى ارفعى هدومك يا مدام
داليا :- ارفع هدومى ليه
الممرضه :- علشان الدكتور يعملك السونار
داليا :- ها ح.ح.حاضر ورفعت هدومها وهى مكسوفه
الممرضه :- اتفضل يا دكتور جاهزه
الدكتور :- قعد على الكرسى وبدء يعمل ليها السونار وبعد وقت خلص وقال اتفضلى يا مدام داليا وخرج وسابها
داليا :- قامت ظبطت هدومها وخرجت عند الدكتور وقعدت وقالت خير يا دكتور
الدكتور :-............
~•~•~•~•~•~•~•~•~•~•~•~•~
فى فرنسا
فى اوضة نهى ومحمد
صحيت نهى من نومها لاقت نفسها نايمه فى حضن محمد قامت قاعدت بخضه وبخوف
محمد فتح عينه على حركة نهى بص ليها بأستغراب وقال
محمد :- مالك يا حبيبتى
نهى :- بخوف ا.ا انا بعمل ايه هنا جنبك مين جابنى هنا
محمد :- أهدى يا نهى انا اللى جبتك هنا محصلش حاجه والله
نهى :- قامت تجرى من على السرير وقالت اياك تقرب منى فاهم
محمد :- بس انا مقربتش ليكى على فكره انا اخدك فى حضنى ونمت بس
نهى :- بدموع والله العظيم تعبت ارجوك ارحمنى بقى كفاااااايه
محمد :- قام عندها ومسكها من دراعها وقال نهى فوق يا حبيبتى والله العظيم ما حصل حاجه يا نهى كفايه اللى انتى بتعمليه ده مش قادر اشوفك كده
نهى :- زقت ايده من عليها وقالت متلمسنيش قولتلك
محمد :- اتنهد وقال اهو مش هلمسك ممكن تهدى بقى
نهى :- بصت ليه بدموع ومردتش عليه
محمد :- نهى
نهى :- بصت ليه
محمد :- اقعدى عايز اقولك حاجه
نهى :- لاء مش عايز اسمع حاجه وحطت ايديها على ودنها وقعدت تعيط
محمد :- اتعصب وراح نزل ايديها من على ودنها وقال بزعيق كفااااايه بقى اللى انتى بتعمليه ده
نهى :- قعدت على الأرض وجسمها كلها ارتعش وقعدت تبص ليه والدموع نازله منها
محمد :- داس على أسنانه بغيظ ودخل الحمام ورزع الباب وراه
نهى :- انتفضت مكانها وبصت على الباب وحطت ايديها على وشها وقعدت تعيط
محمد :- بعد وقت خرج من الحمام ولبس هدومه وبص على نهى اللى قاعده فى الارض بتعيط واتنهد وخرج من الاوضه وسابها
نهى :- حست براحه اول ما شافت محمد خرج من الاوضه وقامت دخلت الحمام اتوضت وخرجت ادت فرضها وقعدت على السرير وضمت رجليها عند صدرها بخوف ودموعها نازله منها
~•~•~•~•~•~•~•~•~•~•~•~•~•
عند رودينا وفادى
صحيت رودينا من نومها لاقت فادى واقف قصاد المرايا بيسرح شعره ابتسمت ليه وقالت
رودينا :- صباح الخير صاحى من بدرى
فادى :- وهو بيسرح شعره صباح النور يا قلبى يدوب صحيت واخد شاور بس
رودينا :- قامت وقفت وراحت حضنت فادى من ضهره وحطت راسها على ضهره وقالت وحبيبى رايح على فين كده
فادى :- لف ليها وحضنها وقال هنزل تحت اطلب الفطار لحد ما روح قلبى تجهز وتنزلى
رودينا :- باسته فى خده وقالت اوعى تبص لواحده كده ولا كده اموتك
فادى :- انا عينى دى مش شايفه غير واحده بس انتى يا روح قلبى
رودينا :- بموت فيك يا فادى
فادى :- بعشقك يا روح فادى يلا بقى بدل ما اغير رأى واحلف ما انا نازل ونقضيها على السرير
رودينا :- خلاص خلاص انزل انت يلا وباسته تانى من خده ودخلت تجرى على الحمام
فادى :- ابتسم ليها ونزل تحت يستناها وقعد على الترابيزه وشويه وشاف محمد جاى عليه
محمد :- صباح الخير يا فادى
فادى :- صباح النور يا محمد اتفضل اقعد
محمد :- قعد وقال امال فين مدام رودينا
فادى :- نازله دلوقتى ونهى فين
محمد :-بغيظ مدام نهى نايمه
فادى :- احم طيب كويس انك جيت قبل ما هما ينزلوا علشان عايزك
محمد:- خير يا فادى اتفضل
فادى :- عامل ايه مع مدام نهى
محمد :- بأستغراب عامل ايه يعنى مش فاهم
فادى :- يعنى مبسوط معاها وكده
محمد :- وانت بتسأل سؤال زى ده ليه
فادى :- بطمن اصل نهى كانت مسؤوله منى قبل ما انت تتجوزها
محمد :- لاء اطمن نهى معايا فى امان وحكاية مسؤوله منك دى خلاص هى دلوقتى فى عصمة راجل ومسؤوله منه
فادى :- ما انا عارف طبعآ أنها حاليآ مسؤوله منك بس حابب اطمن اكتر على حياتكم مع بعض عامله ازاى
محمد :- بعصبيه فادى هى مدام رودينا قايلك ليك حاجه ولا ايه
فادى :- ها حاجه زى ايه مش فاهم
محمد :- وقف وقال بعصبيه لاء انا فاهم عن اذنك وسابه ومشى
وفى الوقت ده نزلت رودينا وشافت محمد وهو ماشى متعصب
رودينا :- ماله ده ماشى متعصب كده ليه
فادى :- حاولت اخليه يتكلم رفض
رودينا :- احيه احسن ما يعمل فيها حاجه
فادى :- انا مقولتش ليه أن انا اعرف حاجه انا حاولت اخليه يتكلم بس هو حريص جدآ على كلامه معايا وبالذات فى موضوع نهى ده
رودينا :- ربنا يستر يا فادى تعال نطلع ليها احسن ما يأذيها
فادى :- هنطلع نقوله ايه بس منقدرش نطلعله ونقوله انت طالع اوضك ليه صح
رودينا :- اتنهدت وقالت صح بس انا خايفه على نهى منه اوى
فادى :- هى اللى مش عايزه حد يكلمه مباشرةً كنت كلمته براحتى
رودينا :- ما هى خايفه برضه انا لو مكانها كنت هخاف اتكلم
فادى :- اهو صابرين لحد ما نشوف آخرة الموضوع ده ايه كلى يلا قبل ما الاكل يبرد
رودينا :- اتنهدت بقلق وقعدت تتاكل
~•~•~•~•~•~•~•~•~•~•~•~•~
فى اوضة نهى ومحمد
دخل محمد والشرار هينط من عينيه ومسك نهى من دراعها وقال بعصبيه
محمد :- انتى قولتى حاجه لرودينا دى
نهى :- بخوف ودموع ل.ل.لاء
محمد :- داس اكتر على دراعها وقال كدابه طريقة كلام جوزها معايا النهارده بتقول أنه عارف حاجه وعايز يكلمنى فيها
نهى :- بألم من ماسكة أيده قالت اااااااه دراعى حرام عليك انا مقولتش حاجه
محمد :- لما شاف دموع نهى وسماعها بتتألم قرب من شفايفها وبسها بوسه قوية لحد ما شفايفها نزفت دم
نهى :- بألم ااااااه حرام عليك كفايه وقعدت تزق فيه وتتألم
محمد :- زاد رغبته فيها اكتر لما شاف دموعها وسمع صوتها بتتألم مسكها من شعرها شدها منه وحدفها على السرير
نهى :- بصريخ ودموع لا يا محمد ارجوك لاء حرام عليك كفااااايه حرام عليك بالله عليك سبنى
محمد :- جاب الحزام بتاعه وربط ايديها فى السرير وقطع من عليها الهدوم ورماها فى الارض وقرب من رقابتها ومشى أيده عليها وقرب من شفايفها باسها بقوه ونزل عند رقابتها عضها لحد ما رقابتها نزلت دم
نهى :- كانت بتصرخ من عزم الالم اللى حاسه بيه وتترجا فيه يسيبها
محمد :- مكانش سامع ولا كلمه من اللى نهى بتقولها كان سامع صريخها وبس وكل ما تصرخ اكتر كل ما يزود العذاب فيها وتزيد رغبته فيها اكتر وبعد وقت من التعذيب فيها قام دخل الحمام ياخد شاور
نهى :- حسيت انها خلاص مش قادره تقاوم اكتر من كده الدنيا بدأت تسود قصاد عينيها ومحستش بأى حاجه تانى
محمد :- خرج من الحمام ووقف يسرح شعره قصاد المرايا لحد ما بص على انعكاس صورة نهى لاقها لسه متكتفه راح عندها علشان يفكها بس لاقها قطعه النفس خبط على وشها وقال نهى يا نهى ردى عليا بس مردتش عليه قلق وطلع يجرى يجيب ازازة البرفان علشان يفوقها ورش على أيده ومشاها تحت مناخيرها بس برضه مردتش عليه خرج يجرى وخبط على باب اوضت عفاف فتحت ليه وهى متوتره وقالت
عفاف :- محمد خ.خ.خير يا محمد وبصت على الاوضه عندها
محمد :- الحقينى يا عفاف نهى قاطعه النفس ومش بترد
عفاف :- ها ط.ط.طيب روح وانا هلبس وجايه ليك الأوضه
محمد :- ماشى بس بسرعه وطلع يجرى تانى على الاوضه وقعد يخبط على وشها ويقول نهى فوقى بقى نهى ردى عليا عليا وفى الوقت ده جت عفاف ودخلت وحطت ودنها عند نفسها وقالت
عفاف :- شكلها لسه عايشه متخافش
محمد :- طيب والعمل دلوقتى اعمل ايه
عفاف :- استنا ألبسها اى إسدال من بتوعها وشالها نوديها اى مستشفى
محمد :- بس لو حصلها حاجه هناك هروح فى داهيه يا عفاف
عفاف :- تعال بس ولو ماتت نبقى نقول حد غريب اتهجم عليها وحصل كده
محمد :- ماشى لبسيها لحد ما البس انا كمان هدومى وقام وسابها
عفاف :- يا شيخه ما تغورى بقى ماسكه فى الدنيا كده ليه ولبستها الاسدال وجه محمد نزلوا بيها يجروا وراحوا على المستشفى ودخلوا نهى اوضت الكشف والدكتور كشف عليها وقال
(الكلام بالانجلش بس هكتب الترجمه علطول )
الدكتور :- المدام دى فى حد معتدى عليها بالضرب وجنسيآ انت جوزها
محمد :- ا.ا.ايوه جوزها وجاين نقضى شهر العسل وروحت مشوار ورجعت لاقتها بالمنظر ده
الدكتور :- دى جريمه بشعه ولازم يتبلغ الشرطه حالا
محمد :- بأندفاع لاء ا.ا اقصد لما اطمن عليها الاول
الدكتور :- المدام دخلت فى حالة غيبوبه ورافضه تستجيب لينا نهائى
عفاف :- غيبوبه طيب ازاى
الدكتور :- واضح أن المريضه اتعرضت لاعتداء عنيف جدآ
محمد :- بص لعفاف بقلق ورجع بص لدكتور وقال طيب والعمل دلوقتى يا دكتور
الدكتور :- حاليآ هى اتحطت تحت الاجهزه ومؤشر الاستجابه عندها ضعيف جدآ عن اذنكم وسابهم ومشى
محمد :- الحل ايه
عفاف :- خليك لحد ما نشوف ايه اللى هيحصل ولو لاقينا فيه خطوره عليك ارجع مصر علطول
محمد :- طيب ونهى
عفاف :- مالها
محمد :- هسيبها هنا لوحدها
عفاف :- ما تسبها ولا تتنيل مين اهم دلوقتى انت ولا هى
محمد :- مقدرش اسيبها يا عفاف مقدرش
عفاف:- مالك كده يا اخويه مش على بعضك اشمعنا دى اللى ملهوف عليها اوى كده
محمد:- عفاف انا بحب نهى
عفاف :- خلاص خلى الحب ده ينفعك لما تتحبس
محمد :- بص ليها بتوتر وقال مش وقته الكلام ده دلوقتى عن اذنك
عفاف :- رايح فين كده
محمد :- هدخل ابص علي نهى وسابها ودخل اوضة العنايه عند نهى وبص عليها وهى محطوطه تحت الاجهزه ودموعه نزلت منها وراح عندها ومسك ايديها وقعد يعيط ويقول أنا اسف والله العظيم اسف يا نهى ارجوكى ارجعيلى تانى اوعى تموتى وتسبينى انا بحبك يا نهى ومقدرش اعيش من غيرك ردى عليا ارجوكى وقعد يعيط وهو ماسك ايديها
~•~•~•~•~•~•~•~•~•~•~•~•~
فى فيلا أكرم
صحى أكرم من نومه ملاقاش فاطمه جنبه استغرب من عدم وجودها فكر أنها فى الحمام قام خبط على الباب وقال
أكرم :- فاطمه حبيبتى انتى جوه بس ملاقاش حد رد عليه فتح الباب ملاقهاش جوه دخل غسل وشه واتوضه وخرج اده فرضه وغير هدومه ونزل من اوضه لاقها قاعده تحت مع ايه وممدوح قال هو انتى هنا وانا قالب عليكى الاوضه فوق يا قلبى
ايه :- يا محنى يعنى هتكون فين يا روح اختك اكيد هتبقى قاعده على قلبنا قرفانه
فاطمه :- والله بقى كده يا ايه
ايه :- مش كده يا طمطم بس انا بتتفقع مرارتى من المحن الزياده يا اختى
ممدوح :- اقسم بالله على يدى اسألينى أنا دى دكر متنكر معايا والله
ايه :- ايه مش عجبك
ممدوح :- وانا اقدر اقول حاجه حسبى الله ونعم الوكيل
أكرم :- مش كده يا ام لسان طويل بس علشان مش واخد اصحه من نومى ملاقهاش نايمه جنبى
ايه :- إنبى يا خويا هات هنا شجره واتنين عصير لجوز العصافير دول
فاطمه :- لما نشوف بكره سى جعفر هيبقى شكله ايه بعد الجواز
ممدوح :- اه يا بت يا فاطمه هموت وأشوف الشخصيه التانيه المستخبيه وراه جعفر ده
فاطمه :- خلاص يا اخويه كلها النهارده بس وبكره هتبقى معاك وفى حضنك
أكرم :- بعصبيه فاااااطمه
فاطمه :- فيه ايه يا اكرم دى هتبقى مراته مش حد غريب انت غيران عليها منه ولا ايه
أكرم :- بلاش تعصبينى يا فاطمه
ايه :- ايه يا جماعه وحدوا الله بلاش تقلبوا الهزار للجد
أكرم :- انا ماشى وسابهم ومشى
فاطمه :- ده ماله ده انا عملت ايه يعنى علشان يزعل منى
ممدوح :- انا اقولك هو غيران على أخته زى ما انا كنت غيران عليكى كده يوم فرحك منه اى اخ بيغير على أخته يوم فرحها دى حاجه ميعرفهاش غير الراجل بس زى الاب بالظبط كده بيبقى غيران على بنته
ايه :- وربنا انتو مجانين ده شرع ربنا بتغيروا من ايه بس
ممدوح :- بكره هتعرفى بنغير من ايه يا عسل وغمز ليها
ايه :- بكسوف ممممدوح اتلم
ممدوح :- قلبه من جوه انتى
فاطمه :- عوض عليا عوض الصابرين يارب وسابتهم ومشيت
ممدوح :- قرب منها وقال ما تجيبى بوسه سلف لحد بكره وبسها فى خدها
ايه :- زقته بعيد عنها وقالت ممدوح ايه اللى انت عملته ده
ممدوح :- عملت ايه اخد بوسه سلف لحد بكره
ايه :- انت عارف طبعى يا ممدوح ومش بحب كده
ممدوح :- يا ايه فكيها بقى ده احنا فرحنا بكره ايه :- حتى لو كمان ساعه مش هسمح ليك بكده أما أمضى عقد المأذون واكون فى بيتك ابقى اعمل اللى عايزه براحتك
ممدوح :- خلاص يا ستى متزعليش انا بعمل كده من حبى ليكى مش اكتر
ايه :- ماشى خلاص
ممدوح :- وقف وقال همشى انا بقى عايزه حاجه
ايه :- لاء شكرآ
ممدوح :- خرج وسابها
ايه :- حطت ايديها على خدها وابتسمت بكسوف
فاطمه :- طيب ما لما هى عجبتك كده عكننتى على الولا ليه ياللى تنشكى فى قلبك
ايه :- ها ه.ه.هى ايه
فاطمه :- هييييييح البوسه يا حبيبتى
ايه :- ا.ا.انتى هنا من امته
فاطمه :- من ساعة البوسه هيييييح
ايه :- والله
فاطمه :- وربنا كنت راجعه اخد الفون بتاعى من على الكرسى علشان نسيته لاقيت الواد توحه بيبوسك فى خدك وبهدلتيه يا عين امه
ايه :- يستاهل محدش قاله يعمل كده هو عارف ان انا مش بحب كده
فاطمه :- اللهى يجيبوا ويحطوا على جعفر اللى جواكى ده واخدت تيلفونها ومشيت
ايه :- بصت على فاطمه وهى ماشيه وحطت ايديها مكان البوسه بتاعة ممدوح واتنهدت وراحت على اوضتها
~•~•~•~•~•~•~•~•~•~•~•~•~
فى بيت سعيد
صحى مؤمن من نومه على صوت تليفونه بيبص فيه لاقها سندس رد عليها بصوت نعسان وقال
مؤمن :- صباح الحلويات
سندس :- صباح النور يا مؤمن كل ده نايم
مؤمن :- شكلى راح عليا نومه
سندس :- طيب خليك انت واروح انا المدرسه
مؤمن :- لاء اياكى تروحى المدرسه لوحدك
سندس :- ليه بقى أن شاءالله
مؤمن :- كده مش هبقى مطمن عليكى وانتى هناك لوحدك
سندس :- ربنا يسهل يلا انا هقفل
مؤمن :- سندس اوعى تروحى لوحدك مش لازم تروحى المدرسه النهارده
سندس :- خلاص بقى يا مؤمن باى
مؤمن :- باى يا سندس وقفل معاها وقام خرج من الاوضه وقال صباح الخير
سعيد :- صباح النور يا ابنى مش رايح المدرسه ولا ايه
مؤمن :- لاء يا بابا مش رايح
سعيد :- ماشى يا حبيبى ادخل يلا اغسل وشك وتعال علشان مرات اخوك بتحضر الفطار
مؤمن:- اخويه بيساعدها فى المطبخ صح
سعيد :- ايوه
مؤمن :- لاء اطمن الفطار مش هيتحضر دلوقتى خالص
سعيد :- ليه
مؤمن :- سيبك انت يا حاج فين داليا
سعيد :- عند جوزها
مؤمن :- اللى هو ازاى يعنى مش جوزها ده اللى طلقها ولا انا بيتهيألى ولا ايه بالظبط
سعيد :- اه طلقها وردها وهى معاه دلوقتى علشان أمه ماتت امبارح
مؤمن :- بص يا حاج هو حاجه من الاتنين ياانا غبى ومش فاهم يا غبى ومش بفهم اصلا عمومآ ربنا يصلح حال الناس على بعض سلاموا عليكم ودخل الحمام غسل وشه واتوضا وخرج من الحمام دخل اوضه اده فرضه
عند حمزه وميرفت
حمزه :- ايه ده استنى كده
ميرفت :- ايه فى ايه
حمزه :- قرب منها وبسها فى خدها
ميرفت :- ههههه والله غلس خضتنى انا قولت فيه حاجه
حمزه :- اه فيه فيه أن جمالك اتعدا حدود الطبيعه من زمان
ميرفت :- هههههههه طيب ممكن يا عم الرومانسى تطلع من المطبخ بقى علشان اعرف احضر الفطار
حمزه :- طيب ما تحضرى الفطار براحتك وانا معطلك فى ايه
ميرفت :- لاء خالص مش واقف على بعضك ومش مخلينى عارفه اركز فى حاجه خالص
حمزه :- خلاص هاتى بوسه وانا هسيبك واطلع من المطبخ
ميرفت :- لاء وهتطلع يلا بقى
حمزه :- قرب منها وقال انتى قد كلامك ده
ميرفت :- ضحكة وقالت ايوه قده
حمزه :- قرب اكتر ليها وقال انتى اللى جبتيه لنفسك ولسه هيبوسها
مؤمن :- لاء مش هتفاجئ بقى انا خلاص اتعود على المشاهد دى يا راجل بقى سيبنا هنموت من الجوع بره وانت عمال تاكل الحلويات هنا
ميرفت :- اتكسفت ووقفت وراه حمزه
حمزه :- يلعن ابو شكلك يا اخى انت بتطلع ليا منين بس
مؤمن :- من باب المطبخ هههههههه
حمزه :- تعال يا مؤمن عايزك واخده من قفاه
مؤمن :- مرات اخويه يا غاليه لو حصلى حاجه خدى بالك من العيال اللى مجبتهاش ولا من مراتى اللى متجوزتهاش وخرج مع حمزه
حمزه :-بغيظ مش المفروض انك راجل صح
مؤمن :- على حسب اللى انت هتعملوا فيا
حمزه :- نفخ وقال مش مفروض قبل ما تتنيل وتدخل المطبخ تتنحح تكح تعمل اى صوت وخلاص
مؤمن :- وكح ليه بس وانا مش عيان
حمزه :- بنفاذ صبر مؤوووومن
مؤمن :- يا شيخ متقولش كده كلنا مؤمنين
حمزه :- وحياة امك
مؤمن :- وحياتك انت يا غالى ياللى مش بترحم نفسك لا صبح ولا ليل
حمزه :- تصدق انا غلطان أن بتكلم معاك راجل لراجل
مؤمن :- ما انا قولتلك على حسب اللى هتعملوا فيا
حمزه :- داس على شفته اللى من تحت بأسنانه وقال ودينى وما اعبد لو ملمتش نفسك يا مؤمن لكون مطلع روحك بأيدى
مؤمن :- حاضر حاضر اللى تأمرنى بيه هات بوسه بقى
حمزه :- ضربه بشلوت وقال غور يا لا جتك القرف فى شكلك
مؤمن :- طلع يجرى وقال بصوت عالى وهو بيضحك طيب هناكل ولا نقضيها بوس وكده وطلع يجرى
حمزه :- يا زفت الطين وربنا ما هسيبك ودخل تانى عند ميرفت
مؤمن :- راح وقف على الباب وقال بلاش بوس تانى ها وطلع يجرى من قدام حمزه
ميرفت :- انت اللى جايب لينا الكلام علشان مش بتقف بأدبك أبدآ
حمزه :- قرب منها وقال ما انتى السبب حلاوتك بتخلينى مش على بعضى وراح بص من الباب بيشوف مؤمن جاى ولا لاء ورجع تانى عند ميرفت
مؤمن :- بصوت عالى من بره قولنا بلااااش شقاوة ها
حمزه :- يا ابن ال......
ميرفت :- ههههههههه عسل ابن اللذينه هههههههه
حمزه :- بتضحكى طيب خلصى يا اختى وسابها وخرج من المطبخ
~•~•~•~•~•~•~•~•~•~•~•~•~•
فى بيت منتهى
جاء الليل ووصل علاء ومعاه المأذون وادهم أخوه ودينا وسندس فى بيت منتهى وقعدوا فى اوضت الضيوف يستنوا دخول منتهى ليهم دخلت ام منتهى الاوضه عند منتهى وقالت
ام منتهى :- يلا يا بنتى ربنا يهديكى ابوكى لو جه يخدك من هنا هيخدك بالعافيه
منتهى :- بدموع مش هتجوزه يعنى مش هتجوزه
ام منتهى :- علشان خاطرى يا بنتى قومى ابوكى مش هيسكت
منتهى :- يعمل اللى عايز يعمله جواز مش هتجوز
ابو منتهى :- قومى انجرى قدامى
منتهى:- مش هتجوزه
ابو منتهى :- مسكها من دراعها وقال انجرى قدامى
منتهى :- ايه دفع ليك كام المرادى علشان تعمل كده
ابو منتهى :- ضربها بالقلم وقال اخرسى
منتهى :- حطت ايديها على خدها وقالت ايه الكلام وجعك اوى علشان الحقيقه صح انا كنت شاكه من الاول ان هو دفع ليك فلوس علشان يشترينى منك بس كنت بكدب نفسى روح بقى قولوا مفيش جواز
ابو منتهى :- مسكها من دراعها ولسه هيشدها
علاء :- شيل ايدك من عليها
ام منتهى :- تعال يا ابنى شوف حل للى احنا فيه ده
منتهى :- قولت مش هتجوزه ياريت ياخد أهله والمأذون ويمشى علشان مهما حصل مش هتجوزه
ابو منتهى :- لااااا انتى عايزه تتربى من اول وجديد ورفع أيده ولسه هيضربها
علاء:- مسك أيده وقال قولتلك مدمتش ايدك عليها ممكن اتكلم معاها شويه
ابو منتهى اخد مراته وخرج من الأوضه وساب علاء مع منتهى
منتهى :- ادته ضهرها وقالت ممكن تمشى بقى ومشوفش وشك تانى
علاء:- لاء يا توته مش همشى وهتجوزك
منتهى :- بعينك يا علاء مش هتجوزك ولا هتلمس شعره منى
علاء :- مش بكيفك يا منتهى انتى هتكونى مراتى انا وهنكتب الكتاب حالا
منتهى :- ده ايه الثقه الزياده اللى فيك دى
علاء :- علشان واثق من حبك ليا
منتهى :- كنت بحبك قبل ما اعرفك على حقيقتك
علاء :- حقيقتى واضحه ليكى من الاول انا بحبك يا توته ومش هتخلى عنك مهما حصل
منتهى :- وانا بكرهك ولو هتقبل تعيش مع واحده بتكرهك كده عادى يبقى استحمل اللى هيحصلك منى
علاء :- انا راضى بأى حاجه تعمليها فيا مدام هتبقى مراتى وبتاعتى
منتهى :- كده ماشى يا علاء يلا نكتب الكتاب وخليك فاكر أن قولتلك بلاش وخرجت قدامه وسابته
علاء :- بص عليها وهى خارجه واتنهد وخرج وراها وكتبوا الكتاب ومضت منتهى وهى الدموع فى عينيها ولسه هيقرب منها علشان يبارك ليها
منتهى :- خليك مكانك اياك تقرب منى
علاء :- ماشى يا توته اللى يريحك
منتهى :- بصت ليه بغيظ وبصت الاتجاه التانى وفى الوقت ده دخلت داليا وراحت عند منتهى وعلاء وبركت ليهم
منتهى :- اترمت فى حضنها وعيطت وقالت ايه اخرك كده
داليا :- انتى بتعيطى يا توته مالك يا بت
منتهى :-قربت من ودنها وقالت انا مش عايزاه يا داليا
داليا :- بأستغراب مش عايزه مين
منتهى :- بدموع مش عايز علاء يا داليا
داليا :- شدتها على جنب وقالت فيه ايه يا توته مالك ايه اللى حصل
منتهى :- اترمت فى حضنها وقالت علاء دافع لبابا فلوس علشان يشترينى
داليا :- مش فاهمه ازاى
منتهى :- مش مهم تفهمى دلوقتى بس انا مش عايزاه ولا عايزه اروح معاه الشقه
داليا :- يا عبيطه أهدى بس مش علاء ده اللى كنتى هتموتى عليه مهما كان زعلك منه عمرك ما هتعرفى تكرهيه استهدى بالله كده يا حبيبتى وامسحى دموعك وبلاش تنكدى على نفسك فى يوم زى ده
منتهى :- والله العظيم يا داليا هخليه يندم ندم عمره على اللى عمله معايا ده
داليا :- يخربيت دماغك دى يا بنتى أهدى وروحى يلا عند جوزك
منتهى :- ماشى يا داليا وسابتها ومشيت
داليا :- اتنهدت على حركات منتهى وبصت لاقت ادهم بيبص ليها راحت عنده وقالت انتى مش بترد على الفون ليه
ادهم :- مش فاضى
داليا:- بصت ليه بغيظ على طريقة رده عليها وقالت براحتك انت اللى خسران
ادهم :- بص ليها بعصبيه وقال امشى
داليا :- امشى فين
ادهم :- نروح
داليا :- انا لسه قاعده شويه
ادهم :- مسكها من دراعها ونزل ونزلها معاه
داليا :-شدت دراعها منه وقالت بعصبيه مش هتبطل طريقتك دى معايا
ادهم :- متعصبنيش قولتلك امشى
داليا :- امشى فين ها على بيتك بصفتى ايه انت ناسى انك طلقتنى
ادهم :- انتى لسه مراتى يا هانم
داليا :- والله بسهوله كده تطلقنى وقت ما تحب وتردنى برضه وقت ما تحب والمطلوب منى أن انا اقولك حاضر وانفذ من غير ولا كلمه صح
ادهم :- من غير كلام كتير امشى معايا يلا
داليا :- لاء يا ادهم مش همشى معاك انا فى بيت أبويه وياريت المرادى تطلقنى بجد
ادهم :- شدها من دراعها ركبها العربيه وقفل الباب وركب هو جنبها
داليا :- بأندفاع حاسب بطنى وبتلقائيه حطت ايديها على بطنها
ادهم :- بصلها بأستغراب وبص على بطنها
داليا :- بتوتر شالت ايديها من على بطنها وقالت ا.ا.اصلها وجعانى شويه وبصت من الشباك
ادهم :- بص ليها مدة طويله بشك وبعدين شغل العربيه ومشى بيها
~•~•~•~•~•~•~•~•~•~•~•~•~•
عند منتهى وعلاء
راحوا الاتنين على الشقه وطول الطريق محدش فيهم اتكلم نص كلمه مع التانى واول ما طلعوا الشقه دخلت منتهى ولسه هتدخل الاوضه
علاء :- منتهى
منتهى :- وقفت من غير ما تبص ليه
علاء :- بصى ليا يا منتهى وانا بكلمك
منتهى :- عايز ايه
علاء :- عايز اتكلم معاكى شويه
منتهى :- بص بقى كلام مش عايزه انسا بقى منتهى بتاعة زمان دى انت فى حالك وانا فى حالى ماشى عن اذنك وسابته ودخلت الاوضه
علاء :- راح عندها ولسه هيدخل الأوضه
منتهى :- حسك عينك تدخل الاوضه دى
علاء :- منتهى انا كل ده مقدر زعلك منى ومش عايز اتعصب عليكى وبقول عندك حق تفهمينى غلط واى واحده مكانك كانت هتعمل زيك بس بلاش تزيدى فيها بقى
منتهى :- والله وليك عين بتتكلم كمان وتهدد انك هتتعصب عليا اطلع بره يا علاء عايزه اتخمد
علاء :- يا منتهى اسمعينى بقى وبلاش يبقى دماغك ناشفه كده
منتهى :- اسمعك ايه يعنى هتكدب وتقولى مثلا محصلش اللى انا سمعته ده ولا انك دفعت لبابا فلوس علشان تشترينى خدامه عندك ولا هتقولى انك انت بتحبنى وعملت كل ده علشانى اطلع وسبنى فى حالى مش عايزه اسمع منك حاجه
علاء :- ماشى يا توته انا هطلع دلوقتى وهسيبك تريحى اعصابك وتهدى شويه تصبحى على خير وخرج وسابها
منتهى :- راحت عند الباب قفلته واترمت على السرير وقعدت تعيط
علاء :- بص على الباب بتاع الاوضه اللى فيها منتهى وقعد على الكنبه بزعل وحط راسه ما بين ايديه واتنهد بوجع وقال حقك عليا يا منتهى حقك عليا ونام على الكنبه وقعد يبص على السقف لحد ما عينه راحت فى النوم
*********************
إلي هنا ينتهي الفصل الخامس و الستون من رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد
تابع أيضاً: جميع فصول رواية آدم ولانا بقلم امونه
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
أو أرسل لنا رسالة مباشرة عبر الماسنجر باسم القصة التي تريدها
اقرأ أيضا: رواية من أجلك فقط بقلم لولو الصياد
إرسال تعليق
يسعدنا تلقي اقتراحاتك أو تعليقك هنا