قصص رومانسية جريئة ممنوع دخول الأطفال

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة دودو محمد علي موقعنا قصص 26 و موعدنا اليوم مع الفصل السابع و الستون من  رواية تمرد صحفية بقلم دودو محمد. 

رواية تمرد صحفية بقلم دودو محمد - الفصل السابع و الستون

اقرأ أيضا: روايات رومانسية

رواية تمرد صحفية بقلم دودو محمد

رواية تمرد صحفية بقلم دودو محمد - الفصل السابع و الستون

فى فيلا أكرم

جاء الليل ووصل ممدوح وام فاطمه وأبوها ومعاهم المأذون فى فيلا أكرم وانتظروا خروج ايه ليهم

فى اوضت ايه كانت قاعده فاطمه معاها وهى بتحضر نفسها وقفت ايه وقالت

ايه :- بتوتر ايه رأيك كده
فاطمه :- قمرر يا ناس يا بختك يا واد مندوح واخد لهطت قشطه يا ابن المحظوظه
ايه :- انا خايفه اوى يا طمطم
فاطمه :- ده طبيعى يا روح طمطم انك تخافى انا كنت زيك كده خايفه ميته بس الصراحه لما بقيت فى حضن اخوكى لاقيت خوفى ده ملهوش اى لازمه لاقيته حاجه حلوه اوى
ايه :- يا بنتى انا مش متخيله ازاى هيحصل وسكتت بكسوف وبعدين قالت يعنى زى ما انتى عارفه بقى
فاطمه :- يا اختتتتتتى ده احلى حاجه فى الجواز قلة الأدب دى
ايه :- بكسوف سافله
فاطمه :- يا هبله افهمى الراجل بيحب الست السافله يعنى عايز يشوف كل الشقاوة منك تدلعيه احلى دلع بس مش من اول ليله لاء اصبرى شويه احسن يقول انك متعوده دايمآ هههههههه لاء بجد ده دلوقتى هيبقى جوزك واللى هيحصل ما بينكم ده شرع ربنا وهيبقى حق من حقوق جوزك عليكى بعد كده اياكى تحرميه منه مهما حصل لسببين اول سبب أنه حرام اصلا تمنعى نفسك من جوزك وتانى حاجه علشانك يعنى الراجل ليه طاقه هيستحمل كتير بس من اول غمزه من اى واحده تانيه هيجرى عليها بحجة أنه حاسس بنقص فى مراته وطبعآ كلامى مش على الحاجه دى بس لاء وعلى النضاقه اذا كان نضافتك الشخصيه ولا نضافة بيتك وبلاش الدكر اللى فيكى ده يظهر لجوزك الله يكرمك اخفيه جواكى لا موتيه خالص ملهوش دور بعد كده معاكى ماشى
ايه :- انتى مالك قلبتى على ستى الحاجه كده هههههههه
فاطمه :- تصدقى صح ايه اللى انا بعمله ده هههههه يلا نصحة ومش هرجع فى كلامى خلاص
وفى الوقت ده خبط أكرم على الباب وقال
أكرم :- ايه القمر ده يا ناااس بقى ايوش اختى بقت عروسه مش مصدق نفسى والله كبرتى وهتسبينا يا بت مش متخيل ازاى هصحه الصبح وانزل من اوضى ومش هشوفك وانتى قاعده بتاكلى كعادك ودموعه نزلت وقال خلاص كنا تلاته فى البيت اصبح هكون انا لوحدى فيه هتوحشينى يا كلبه وحضنها
ايه :- دموعها نزلت وقالت وانتو كمان هتوحشونى اوى بكره يجى ابنك ويملأ حياتك ضحك وفرح يا قلبى
فاطمه :- والدموع فى عينيها قالت ايه النكد اللى فيكم ده لازم تعيطوا فى يوم زى ده
أكرم :- مسح دموعه وقال ربنا يسعدك يا حبيبتى
ايه :- بدموع اوعى متسألش عليا
أكرم :- يا عبيطه انتى بنتى مش اختى يعنى حته من قلبى وهتفضلى طول عمرك فى نظرى الطفله الشقيه اللى كانت تجرى فى البيت وتكسر لينا كل حاجه موجوده
ايه :- اترمت فى حضن أكرم وعيطت اكتر وقالت هتوحشنى اوى اوى يا اكرم
أكرم :- ضمها فى حضنه جامد وقال وانتى يا روح قلب اخوكى هتوحشينى وبعد عنها وبسها فى راسها وابتسم وقال يلا يا عروسه عريسك على نار
فاطمه :- استنا بقى لما اظبط ليها الميكب اللى ساح من العياط ده
ايه :- فاطمه علشان خاطرى خلى بالك على أكرم وماما وبابا أكرم اخويه الكبير بس دايمآ كنت بحس أنه مسؤول منى انا
فاطمه :- يا عبيطه انتى بتوصينى على قلبى أكرم ده قلبى وماما وبابا فى عينيا خلى بالك انتى بس على الولا ممدوح ومتنسيش اللى قولتلك عليه ها وظبطت ليها الميكب وخرجوا التلاته مع بعض من الاوضه وراحت ايه سلمت على الكل وقعدت جنب ممدوح وهى مكسوفه
ممدوح :- بص ليها بحب وقعد جنب منير وحط أيده فى ايديه وبدأو يقولوا وراه المأذون واتكتب الكتاب ومضت ايه على الورق وبصمت عليه بكسوف
ممدوح :- اتنهد براحه ووقف قصاد ايه وقال ابوس براحتى بقى وقرب منها وبسها فى خدها وقال مبروك يا مراتى
ايه:- بكسوف ا.ا.الله يبارك فيك
أكرم :- اوعى كده ابارك لاختى
ممدوح :- يا راجل اوعى كده دى بتاعتى دلوقتى
أكرم :- انت عبيط يالا اوعى كده وحضن أخته وقال مبروك يا روح قلب اخوكى
ايه :- حضنته وقالت الله يبارك فيك يا حبيبى
أكرم :- باس راسها وبعد كده بص لممدوح وقال بتحذير حسك عينك تزعلها اقسم بالله افرمك انت اخد حته من قلبى ويا ويلك لو وجعتها ولا زعلتها فاهم
ممدوح :-بعصبيه قال اذا كانت هى حته من قلبك ف هى بالنسبالى انا قلبى كله
فاطمه :- راحت تلطف الجو وحضنة ممدوح وقالت مبروك يا حبيبى وقربت من ودنه وقالت ما تهدا يا ابنى ما هى خلاص بقت ليك
ممدوح :- داس على أسنانه وقال بغيظ مش شايفه طريقته فى الكلام عامله ازاى
فاطمه :- خلاص بقى يا توحه هو زعلان علشان هتسيب البيت وهتبعد عنه اهدا بالله عليك
ممدوح :- حاضر
فاطمه :- راحت عند.ايه وحضنتها وقالت مبروك يا ايوش مبروك يا مرات اخويه خلى بالك على مندوح ها وغمزت ليها
ايه :- ضحكة وقالت الله يبارك فيكى يا طمطم يا مرات اخويه هههههه
منير :- راح باس راسها وقال مبروك يا بنتى ربنا يسعدك ويفرح قلبك دايمآ ويرزقك الذريه الصالحه يارب يا حبيبتى
ايه :- حضنة ابوها وقالت بدموع الله يبارك فيك يا حبيبى وباست راسه وقالت خلى بالك على نفسك يا بابا
وفاء :- بدموع مبروك يا بنتى ربنا يسعد ايامك يارب
ايه :- بدموع الله يبارك فيكى يا ماما هتوحشينى اوى كلكم هتوحشونى وقعدت تعيط
فاطمه :- يا بنتى كفايه عياط بقى تعبت من كل شويه اظبط ليكى الميكب
منير :- مبروك يا ابنى خلى بالك منها يا حبيبى
ممدوح :- فى عنيا يا عمى متقلقش عليها
وفاء :- مبروك يا حبيبى
ممدوح :- الله يبارك فيكى يا امى
والكل بارك ليهم وقعدوا الاتنين جنب بعض
فاطمه :- قربت منهم هما الاتنين وقالت انا لو منكم اخلع هتستفادوا ايه من القاعده هنا
ممدوح :- تصدقى طلعتى بتفهمى يابت
فاطمه :- بغيظ بت فى عينك
ايه :- اتلموا انتوا الاتنين واسكتوا
فاطمه :- بنت عيب اتكلمى معايا بأدب انا اخت جوزك دلوقتى
ايه :- يخربيت الذكاء اللى فيكى ده يا طمطم طيب ما انا اخت جوزك يا موكوسه
فاطمه :- ها اه صح
ممدوح :- طمطم طيرى انتى بقى
فاطمه :- تصدق انا غلطانه أن معبراكم وواخده من وقتى وقاعده معاكم
ممدوح :- بليز متخديش من وقتك تانى لاى حد امشى ابت يلااااا
فاطمه :- مش هكلمك بس علشان عريس وكده انا ماشيه فينك يا كرومتى ومشيت وسابتهم
ايه :- هههههههه مجنونه وربنا
ممدوح :- سيبك منها خليكى معايا انا
ايه :- احم م.م.ما انا معاك اهو
ممدوح :- بحبك
ايه :- بصت فى الارض ومردتش عليه
ممدوح :- لاء بقى حجتك خلصت قولتى حرام علشان مش جوزى صبرت وقولت ماشى انما دلوقتى انا جوزك وانتى مراتى عايز اسمعها منك حالا
ايه :- ل.ل.لما نمشى
ممدوح :- بس كده ماشى ووقف وشدها من ايديها وقفها وشدها وراه وراح عند منير وقال عمى لو سمحت هاخد مراتى وامشى
منير :- براحتك طبعآ يا ابنى دى مراتك دلوقتى
ايه :- ممدوح بتعمل ايه يا مجنون
ممدوح :- سلمى على ابوكى يلا
ايه :- ممدوح بلاش جنان بقى
منير :- روحى مع جوزك يا بنتى ربنا يسعدك وبسها من راسها وحضنها وسلم على ممدوح
ممدوح :- مشى وسحب وراه ايه وخرج من الفيلا
ايه :- شدت ايديها وقالت ايه اللى انت عملته ده يا ممدوح
ممدوح :- عملت ايه مش خلاص اتكتب الكتاب والكل بارك هنقعد نعمل ايه بقى يلا يا حبيبتى دى شكلها هتبقى ليله فله يلا قلبى يلا وركبها العربيه وركب جنبها وساق العربيه وراح على الفندق وبعد وقت وصلوا عند الفندق ونزل ممدوح من العربيه وراح فتح الباب لايه ومد أيده ليها علشان تنزل
ايه :- بصت لايده بتوتر ومدت ايديها ليه ببطئ
ممدوح :- مسك ايديها وبسها برقه ونزلها من العربيه وطلع عند الاوضه بتاعتهم وفتح الباب ولسه ايه هتدخل
ممدوح :- استنى
ايه :- ايه فيه ايه
ممدوح :- ميل عليها وشالها
ايه :- اتكسفت ووشها احمر وقالت ا.ا ايه اللى انت بتعملوا ده
ممدوح :- ايه بشيل مراتى ودخل وقفل الباب وراه وراح عند السرير ونزل ايه عليه وبص فى عينيها وقرب من شفايفها وبسها برقه وقال ياااااه اخيرآ يا جدعااااان دوقت طعم شفايفها وحدف نفسه على السرير
ايه :- دعكت ايديها بتوتر وبلعت ريقها بصعوبه وقالت م.م.ممدوح
ممدوح :- قلب وروح ممدوح من جوه وقعد جنبها لف دراعه على وسطها وشدها ليه
ايه :- بتوتر م.م.مينفعش كده ا.ا اصبر شويه
ممدوح :- صبر ايه تانى يا اختى قولتى ليا لما ابقى جوزك ابقه اعمل فيكى اللى انا عايزه كله وانتى دلوقتى مراتى استنا ايه تانى
ايه :- ق.ق.قصدى لما نصلى
ممدوح :- ما احنا هنصلى وكل حاجه والله بس مش مصدق نفسى انك بقيتى معايا واتقفل علينا باب واحد ده انتى طلعتى عين اللى خلفونى يا شيخه
ايه :- وقفت وقالت م.م.ماشى ولسه هتمشى
ممدوح :- وقف قصادها وقال رايحه فين يا حلوه
ايه :- ه.ه.هدخل الحمام اغير هدومى
ممدوح :- مش لما تقوليلى زى ما وعدينى
ايه :- ل.ل.لما نصلى
ممدوح :- اتنهد وقال اااااايه متستعبطيش قولى يلا
ايه :- ه.ه.هقولك وانا هروح منك فين بس نصلى الاول
ممدوح :- ماشى يا ايه لما نشوف اخرتها معاكى خليكى انتى هنا وانا هدخل الحمام اغير هدومى
ايه :- م.م.ماشى
ممدوح :- قرب من خدها وبسها وراح اخد هدومه ودخل الحمام
ايه :- اتنهدت بتوتر وقعدت على حرف السرير وقالت ياربى على كده قلبى هيوقف عليا من الكسوف هوووف بقى دى الليله دى اصعب من امتحانات الثانويه العامه والله وقامت غيرت هدومها ولبست الاسدال وخرج ممدوح من الحمام وقال
ممدوح :- ادخلى يلا اتوضى
ايه :- م.م.ماشى ودخلت اتوضت وخرجت وصلى ممدوح بيها وقال الدعاء ووقف وشدها توقف وقال اهو صلى وصلينا قولى بقى
ايه :- احم ب.ب.بحبك
ممدوح:- اشهد ان لا اله الا الله اخيررررررا وحضنها جامد وقال بعشقك وبعد عنها وبص على شفايفها ومسك راسها ما بين ايديه وقرب من شفايفها وبسها بوسه طويله وبعد وقت بعد عنها وقلع ليها طرحة الاسدال ورفعه ليها وقلعه ليها وبص على جسمها ونفسه سرع شالها حطها على السرير
ايه :- كانت هتموت من الكسوف ومش قادره تقف على رجليها
ممدوح :- قرب منها ولسه هيبوسها
ايه :- بعدته عنها وقالت ممدوح
ممدوح :- نعم يا روح ممدوح
ايه :- بلعت ريقها بتوتر وقالت ا.ا انا جعانه
ممدوح :- بص ليها بصدمه وقال نعم
ايه :- ج.ج.جعانه
ممدوح :- ده وقته يا حبيبتى نخلص وبعد كده نبقى ناكل مع بعض ولسه هيقرب منها
ايه :- بعدته تانى عنها وقالت لالالا مش هينفع يحصل حاجه غير لما اكل
ممدوح :- يا حبيبتى مش هينفع اسمعى كلامى بس نخلص وبعد كده ناكل
ايه :- قامت وقفت وربعت ايديها على صدرها وقالت انت من اولها كده مش عايز تأكلنى
ممدوح :- نام على ضهره وحط أيده على وشه بغيظ وبعد كده قام وقال حاضر يا روح ممدوح هتصل بيهم يطلعوا لينا العشا وراح طلب العشا على التليفون ورجع قعد وقال شويه وجاى الاكل
ايه :- لبست الروب الخاص بالقميص وقالت يارب بس ميتأخروش احسن جعانه اوى
ممدوح :- طيب ما تيجى وانا هنسيكى الجوع ده وقام قرب منها
ايه :- بعدت عنه وقالت لاء لما اكل
ممدوح :- قعد تانى وقال الصبر من عندك يارب
ايه :- مالك بس يا توحه
ممدوح :- بغيظ ولا حاجه يا روح توحه وبعد وقت جه الاكل
ايه :- قعدت تاكل وتقول يااااااااه كنت هموووت من الجوع
ممدوح :- بألف هنا وشفا يا حبيبتى بس حاولى تخلصى بسرعه بقى
ايه :- مش هتاكل طيب
ممدوح :- لاء مش دلوقتى
ايه :- ماشى براحتك وقعدت تاكل
وبعد وقت طويل
ممدوح :- لسه كتير يا حبيبتى انتى هتاكلى الاطباق نفسها مبقاش فيها حاجه
ايه :- بس انا لسه مشبعتش
ممدوح :- نعم لسه ايه مشبعتيش امال الاكل اللى اكلتيه ده راح فين
ايه :- الله اكبر انت هتحسدنى ولا ايه
ممدوح :- داس على أسنانه وقال لاء طبعآ بألف صحه وهنا على بدنك يا روحى يلا يا حبيبتى يلا قومى
ايه :- يا ممدوح انا لسه جعانه والله
ممدوح :- تعالى بس دلوقتى وشويه هجبلك الاكل اللى فى الفندق كله تاكليه
ايه :- انت بتتريق عليا صح
ممدوح :- انا أبدآ يتقطع لسانى لو اقصد اتريق عليكى تعالى يلا يا حبيبتى ربنا يهديكى
ايه :- ايه ربنا يهديكى دى هو انت شايفنى مجنونه وبشد فى شعرى قدامك
ممدوح :- ربنا يهدينى انا انا اللى مجنون وابن كلب
ايه :- متقولش كده يا توحه على نفسك
ممدوح :- يا ستى نفسى وانا حر فيها اشتمها اضربها متشغليش بالك انتى
ايه :- مش انت جوزى لازم ازعل علشانك
ممدوح :- بغيظ مش لما اتنيل الاول واتجوزك تبقى تقولى جوزى
ايه :- يا سلام امال ايه ورقة كتب الكتاب دى
ممدوح :- ما ده جواز صورى محتاجين بقى نتممه علشان يبقى حقيقى تعالى يلا بقى
ايه :- هقولك بس
ممدوح :- يا سوادك يا ممدوح ايه تانى
ايه :- مش هينفع تقرب منى دلوقتى
ممدوح :- نااااعم ليه بقى أن شاءالله
ايه :- كده عندى ظروف تمنع
ممدوح :- نعم يا اختى ظروف ايه دى اللى تمنع ما انتى لسه مصليه معايا
ايه :- لاء ما انا هقولك هى لسه الظروف دى جايه حالا دلوقتى
ممدوح :- وهو بيقرب منها والله
ايه :- وهى بترجع لوراه وايه لزمته الحلفان دلوقتى
ممدوح :-وهوبيقرب ليها قال ايه انتى بتكدبى
ايه :- ها ل.ل.لا هكدب ليه يعنى
ممدوح :- قرب اكتر ليها وقال علشان خايفه
ايه :- ها ه.ه.هخاف من ايه بس
ممدوح :- قرب منها وشالها وقال هقولك انا دلوقتى خايفه من ايه وحطها على السرير
ايه :- بتوتر م.م.ممدوح
ممدوح :- قرب من شفايفها وقال ششششش سيبى نفسك ليا ومتخافيش ومد أيده شد ليها حزام الروب وفتحه ليها وقرب من شفايفها و(سكتت شهرزاد عن الكلام الغير مباح)
~•~•~•~•~•~•~•~•~•~•~•~•~
فى فيلا مصطفى

وصل ادهم قصاد الباب ووقف بتردد ومد ايده ببطئ على جرس الباب ورنه الباب اتفتح وكان مصطفى واتفاجئ بوجود ادهم مصدقش نفسه وقال

مصطفى :- ا.ا ادهم ابنى تعال يا حبيبى فى حضنى انا مش مصدق نفسى انك واقف قدامى دلوقتى تعال يا ابنى فى حضنى تعال
ادهم :- بص ليه وغمض عينه بوجع وقال انا عايز ترجعلى داليا زى ما كنت انت السبب فى بعدها عنى
مصطفى :- طيب ادخل جدتك جو تعال نتكلم جوه يا ابنى
ادهم :- بصله مد طويله ودخل من غير ولا كلمه
الجده :- بفرحه ادهم تعال يا ابنى
ادهم :- بوجع داليا حامل يا مديحه وعايزه تطلق منى مستحيل اقبل اعيش ابنى نفس اللى انا عيشته مستحيل يا مديحه هقبل أعيشه بعيد عن حضنى
مصطفى :- بوجع حاسس بيك يا ابنى احساس صعب اوى لما تلاقى حته منك عايش بعيد عنك ومش قادر حتى تلمسه وتخده فى حضنك احساس بيموت يا حبيبى
ادهم :- بص ليه بوجع وقال بس فيه فرق لما تتمسك بيه وتعمل اى حاجه علشان يعيش فى حضنك وفرق لم تدور على نفسك وتنسى أن الحته دى بتتوجع وبتموت مليون مره فى اليوم بسبب الفراق ده
مصطفى :- بوجوع ياريت كنت اعرف انك حته منى من الاول مكنتش هسيبك تعيش لحظه واحده بعيد عن حضنى يا ابنى احنا اتعذبنا كتير اوى يا ادهم علشانك
ادهم :- قعد وقال مهما كان عذابكم مش هيجى ربع العذاب اللى اتعذبته أنا طول حياتى
مصطفى :- قعد جنب ادهم وحط أيده على كتفه وقال سامحنى يا ابنى وخلينا ننسا اللى فات ونبدء صفحه جديده خلى امك تنام وهى مرتاحه انك رجعت لحضن ابوك تانى
الجدة :- سامح ابوك يا حبيبى خلى حياتك تبدء من جديد بصفحه بيضا لكل الناس اللى حواليك وبالنسبه لداليا هى بتحبك ومتقدرش تستغنا عنك سيبها ليا وانا هكلمها لما تهدا شويه
مصطفى :- ها يا ابنى قولت ايه سامحنى يا حبيبى وضم اخواتك ليك واحتويهم عوضهم عن كل الايام اللى فاتت وانت بعيد عنهم
ادهم :- وقف ومردش عليه
مصطفى :- وقف قصاده وبص فى عينه بدموع وقال يا ابنى بلاش تصعبها عليا اكتر من كده كفايه عليا بعد امك عنى انا مستحمل اعيش الدنيا من غيرها بالعافيه واللى مدينى الامل شويه ومخلينى متمسك بالدنيا هو انت على أمل انك تسامحنى وترجع تانى لحضنى وفتح دراعه وقال تعال يا ابنى فى حضنى
ادهم :- بص لجدته لاقها بتشاور ليه يسامح ابوه بص لابوه فى عينه وقرب منه وحضنه
مصطفى :- حضنه وضمه جامد ودموعه نزلت منه وقال يااااااه يا ابنى ياااااااه كان نفسى فى حضنك ده من زمان اوى ياااااه يا حبيبى مش مصدق نفسى أن انا لمسك وأنك جوه حضنى ومسك فيه اكتر وقال نفسى افضل الباقى من عمرى وانا حضنك كده ياريت كنت عايشه يا ماجده وشاركتينى فرحتى دى ربنا يخليك ليا يا ابنى وميحرمنيش منك يا حبيبى
ادهم :- كان حاسس براحه كبيره اوى فى حضن مصطفى وكان بيسمع كلامه وهو قلبه بيتقطع من جوه من الحزن والندم
مصطفى :- بعد عنه ومسح دموعه وقال خد اخواتك فى حضنك بقى يا ابنى وبص لساندرا وقال تعالى يا بنتى سلمى على اخوكى
ساندرا :- راحت عنده وقفت قصاده وقالت انا من ساعة ما فتحت عينى فى الدنيا دى وانا بيتحكى ليا عليك لدرجة بقت اتمنا اشوف الشخصيه اللى بيقولوا عليها دى واللى كان مستحوذ على تفكير بابا وماما كتير اوى كده كنت بحلم انزل مصر علشان أقابل اخويه ادهم وأجرى عليه واحضنه واقولوا انا اختك من امك وابوك بجد انا فرحانه اوى أن قابلتك وحضنته وقالت انا فخوره اوى انك اخويه
ادهم :- رفع أيده ببطئ وقربها لأخته وضمها ليه بحنانه واتنهد براحه كبيره وابتسم ليها وبعدها عن حضنه ومسك وشها بين أيده وقال بحب وانا فرحان انك اختى وفخور بيكى وباس راسها وضمها فى حضنه تانى
سامر :- راح وقف قصاد ادهم وقال رغم أن انا اول مره اشوفك فيها محبتش تصرفك وقولت عليك مغرور ومتكبر بس حبيتك اوى وبتمنى ابقى فى يوم من الايام اكون شبهك
ادهم :- حضنه وباس راسه وقال متزعلش منى علشان اول مره اقابلك فيها مديت ايدى عليك
سامر :- هو صحيح ايدك تقيله اوى بس مش مشكله مقبوله منك يا عم
ادهم :- ابتسم ليه وقال اوعدك مش هتتقل عليك تانى
مصطفى :- كان فرحان اوى بمسامحة ادهم ليه ولاخواته وفضل يبص على التلاته بحب
الجده :- كانت فرحانه جدآ برجوع ادهم لابوه وأخواته وقالت بدموع الله يرحمك يا بنتى كان نفسك تعيشى اللحظه دى من زمان اكيد انتى فرحانه اوى دلوقتى
الكل :- قال ربنا يرحمها وبعد وقت ادهم اخد الجده ورجعها الشقه ورجع هو الفيلا
~•~•~•~•~•~•~•~•~•~•~•~•~•
فى شقة سعيد

وصلت داليا وهى الدموع فى عينيها ورنت الجرس فتح ليها مؤمن واستغرب لما شاف الدموع فى عينيها قال

مؤمن :- داليا مالك
داليا :- مليش يا مؤمن ودخلت على اوضتها واترمت على السرير وقعدت تعيط
سعيد :- دخل وقعد جنبها على السرير وقال مالك يا بنتى
داليا :- اترمت فى حضنه وقعدت تعيط بوجع جامد ومسكت فى ابوها جامد وزادت فى العياط
سعيد :- عيطى يا بنتى طلعى كل اللى جواكى علشان ترتاحى
داليا :- قعدت تعيط كتير جدآ وبعد وقت سكتت
سعيد :- حاسه انك بقيتى احسن
داليا :- هزت راسها وقالت الحمدالله يا بابا
سعيد:- طيب ممكن اعرف ايه سبب العياط ده كله
داليا :- انا حامل
سعيد :- بفرحه بجد ربنا يكملك على خير يا حبيبتى وده يستاهل العياط ده كله
داليا :- انا طلبت الطلاق من ادهم يا بابا والمرادى انا مصممه أطلق منه نهائى وهربى ابنى لوحدى مش عايزه ابنى يجى ويكبر ويشوف معاملة أبوه ليا مش عايزه ابنى يتعقد على ايد ابوه يا بابا وحطت ايديها على بطنها وقالت دى الحاجه الوحيده اللى هتخلينى استحمل بعد ادهم عنى
سعيد :- مقدرش اقول حاجه دى حياتك وانتى حره فيها وانا شايف أن الوضع اتأزم ما بينك وبين ادهم جدآ حالكم بقى صعب جدآ انكم تكملوا مع بعض انا هخليه يطلقك
داليا :- عيطت تانى واترمت فى حضنه
سعيد :- مالك مجرد الكلام وجعك صح كنتى منتظره اقولك حاجه تانى غير كده انا قولتلك كده يا بنتى علشان اشوفك هتستحملى فعلا فكرة انك تعيشى بعيد عنه ولا لاء واللى انا شايفه انك مش هتقدرى تعيشى بعيد عنه روحى يا بنتى لجوزك وبلاش تحرمي جوزك من ابنه ولا ابنك من ابوه جوزك هيتصلح حاله على ايد الطفل ده يا حبيبتى
داليا :- بس يا بابا انا فعلا تعبت من معاملته ليا
سعيد :- من الاول خالص يا بنتى لما جه واتجوزك انتى كنتى عارفه ومتأكده انك مش هتكونى سعيده فى الاول معاه وكنتى عارفه انك هتتعبى مع ادهم كتير لحد ما يتعود على وجودك فى حياته وكان عندك إصرار على انك تغيره وتخليه بنى أدم تانى ايه اللى حصل دلوقتى يا بنتى
داليا :- فاشلة انا بعترف يا بابا أن انا فاشلة فى تغير ادهم ومش هقدر اغيره
سعيد :- وانا مش مربيكى على الفشل يا بنتى طول عمرى أقول ليكم الاستسلام للفشل هو ده اكبر فشل
داليا :- حطت ايديها على بطنها وقالت بس مبقاش فيا حيل احاول معاه زى الاول يا بابا انا فعلا أتأكد أن ادهم عمره ما هيتغير وانا خايفه على ابنى ليتأثر بأفعال أبوه فى المستقبل
سعيد :- بلاش تخدى قرارات متهوره فى وقتك عصبيتك يا بنتى أهدى وفكرى بالعقل الأول علشان متندميش على القرار ده بعدين وخبط على كتفها وقال ريحى شويه يا حبيبتى وخرج وسابها فى الاوضه وقفل الباب وراه
داليا :- بصت بدموع على ابوها وهو خارج ونامت على السرير وقالت يارب ريح قلبى بقى انا تعبت والله العظيم تعبت وقعدت تعيط
~•~•~•~•~•~•~•~•~•~•~•~•~•
فى فيلا أكرم

فى اوضت أكرم

نام أكرم على السرير وفرد دراعه لفاطمه علشان تيجى فى حضنه
فاطمه بصت ليه بشك وراحت نامت فى حضنه وقالت

فاطمه :- مبروك يا اكرم
أكرم :- الله يبارك فيكى يا حبيبتى انا مش مصدق نفسي أن اختى الشقيه اتجوزت وبقت فى بيت تانى
فاطمه :- معلش يا اكرم هى دى سنة الحياه
أكرم :- عارف يا حبيبتى يلا ربنا يسعدها
فاطمه :- يارب
أكرم :- مالك يا حبيبتى
فاطمه :- انا مفيش
أكرم :- يمكن يلا تصبحى على خير يا حبيبتى وغمض عينه
فاطمه :- أكرم
أكرم :- نعم يا حبيبتى
فاطمه :- انت كنت فين بعد الشغل
أكرم :- مشوار بتسألى ليه
فاطمه :- ايوه مشوار ايه يعنى
أكرم :- مشوار يا فاطمه انتى مالك النهارده زنانه و بتسألى كتير كده ليه
فاطمه :- وانا لما أسأل جوزى بيروح فين ابقى كده بزن عليك
أكرم :- فاطمه نامى بقى انا عايز انام علشان هقوم بدرى اروح المحكمه
فاطمه :- قعدت وقالت لاء مش هنام يا اكرم غير لما اعرف انت بتعمل ايه من ورايا
أكرم :- بأستغراب بعمل ايه من وراكى مش فاهم تقصدى ايه
فاطمه :- انت بتعرف حد عليا يا اكرم
أكرم :- بصدمه اعرف حد عليكى انتى بتشكى فيا يا فاطمه
فاطمه :- انا مش بشك فيك يا اكرم انا متأكده انك بتعرف حد عليا
أكرم :- والله وكمان متأكده وعرفتى ازاى بقى أن شاءالله
فاطمه :- بأمارة الخاتم اللى انت جايبه ليها ومخبيه فى جاكت البدله
أكرم :- وقف وقال انا عمرى ما عرفت واحده غيرك يا فاطمه انتى بس اللى انا حبيتها وراح مد أيده فى جيب البنطلون اللى كان لابسه وطلع العلبه من جيبه وحدفها ليها على السرير وقال اتفضلى الخاتم اهو كنت جايبه أقدمه ليكى هديه بكره علشان عيد ميلادك يا فاطمه وشكرآ ليكى بجد على ثقتك فيا دى وتصبحى على خير وسابها وراح نام على الكنبه
فاطمه :- غمضة عينيها بندم وقالت غبيه ازاى راحت عنى دى وقامت من على السرير وراحت عند أكرم وقالت اكرم انا اسفه والله العظيم ما اقصد ازعلك انا بحبك وبغير عليك ولما شوفت الخاتم اتجننت وغيرت عليك نسيت خالص موضوع عيد ميلادى ده
أكرم :- خلاص يا فاطمه روحى نامى وسبينى انام بقى
فاطمه :- لاء مش هروح انام على السرير غير لما تيجى تنام جنبى وتخدنى فى حضنك
أكرم :-بعصبيه خلصنا بقى يا فاطمه عايز اتخمد
فاطمه :- أكرم بصلى علشان خاطرى وحياة ابننا اللى فى بطنى ده بصلى
أكرم :- بصلها وقال افندم
فاطمه :- سامحنى
أكرم :- لاء ممكن انام بقى
فاطمه :- مسكت أيده وقالت بدموع علشان خاطر سامحنى انا اسفه يا اكرم
أكرم :- صعبت عليه فاطمه قام قعد وشدها فى حضنه وقال خلاص أهدى
فاطمه :- بدموع لاء علشان انت لسه زعلان منى
أكرم :- مش زعلان أهدى بقى
فاطمه :- بجد مش زعلان منى
أكرم :- مسك وشها بين ايديه وقال انا عايزك تثقى فيا يا فاطمه انا بحبك وعيونى دى عمرها ما هتشوف غيرك انتى حب عمرى يا بت
فاطمه :- بدموع وانا بحبك اوى يا اكرم اوى واترمت فى حضنه وقعدت تعيط
أكرم :- شششش خلاص أهدى ومسح دموعها وقال وانا بعشقك يا مجنونه
فاطمه :- وهى بتمسح دموعها بأيديها قالت قولى بقى كل سنه وانتى معايا
أكرم :- لاء مليش نفس
فاطمه :- بزعل كده ماشى براحتك ولسه هتقوم
أكرم:- شدها فى حضنه وقال كل سنه وانتى معايا وفى حضنى ومطلعه عينى ومجننانى يا بطتى
فاطمه :- لفت دراعها حاولين رقبته وحضنته جامد وقالت بحبك اوى يا اكرم اوى
أكرم :- طيب أهدى بقى احسن كده بقى خطر على الأمن الخاص
فاطمه :- بعدم فهم يعنى ايه مش فاهمه
أكرم :- يعنى يلا ننام ونتلم كده احسن مش مسؤول عن اللى هيحصل دلوقتى
فاطمه :- فهمت وضربته بكسوف وقالت اتلم يا قليل الادب وقامت من قصاده وراحت على السرير
أكرم :- قام راح عندها ونام على السرير وشدها فى حضنه وضحك وقال بحبك يا مجنونه وبسها فى راسها وقال تصبحى على خير يا عمرى كله
فاطمه :- نامت على صدره وباسته وقالت وانت من أهله يا احلى حاجه فى حياتى وغمضة عينيها ونامت
~•~•~•~•~•~•~•~•~•~•~•~•~•
فى شقة علاء

كان قاعد علاء فى الاوضه التانيه بيقراه فى المصحف وسمع خبط على باب الاوضه صدق بالله العظيم وحط المصحف جنبه وقام فتح الباب لاقها منتهى بصلها بأستغراب وقال

علاء :- خير يا منتهى فيه حاجه
منتهى :- وهى بتدعك فى ايديها بتوتر قالت ا.ا.ايوه ا.ا.انا جعانه ومش عارفه اعمل اكل
علاء :- ابتسم ليها وقال وايه المطلوب منى
منتهى :- بصت ليه بتوتر وقالت يا تنزل تشترى ليا اكل جاهز ي.ي يا تعمل انت الاكل
علاء :-ربع أيده على صدره وسند على الباب وقال طيب ما تعملى انتى
منتهى :- م.م ماقولتلك م.م.مش بعرف اعمل اكل
علاء :- طيب وانا مالى
منتهى :- ما انت بتعرف تعمل اكل
علاء :- انا ممكن اعملك الاكل اللى انتى عايزاه بس ايه المقابل
منتهى :- مش فاهمه
علاء :- يعنى ايه المقابل قصاد ما هعملك الاكل
منتهى :- مفيش مقابل
علاء :- يبقى مفيش اكل
منتهى :- بغيظ انا غلطانه اصلا أن انا جيت ليك عن اذنك
علاء :- قبل ما تمشى شدها فى حضنه ولف دراعه حاولين وسطها وقال انا بهزر معاكى يا توته عايزه تاكلى ايه
منتهى :- اتوترت من قربه ليها قالت م.م.مش عايزه خلاص لو سمحت سبنى
علاء :- يا توته فكيها بقى بلاش تخسرينا احلى يومين فى عمرنا دول
منتهى :- بتوتر بعينك يا علاء مش هتلمس شعره منى وزقته بعيد عنها
علاء :- بعصبيه انا تعبت وزهقت يا منتهى بحاول احايلك من امبارح علشان تسامحينى وتنسى ونعيش زى اى اتنين متجوزين وانتى ولا هنا سايقه فيها انا زهقت بجد
منتهى :- بدموع انا كده ولو مش عجبك طلقنى
علاء :- استغفر ربه وهدا شويه وقال يا منتهى انا عمرى ما هسيبك مهما حصل بس بجد تعبت انا راجل ومش سهل عليا لما افضل اتحايل عليكى كده زى العيل الصغير غلط ماشى مش هقولك لاء بس مش هنعلق لبعض المشنقه على كل حاجه بنعملوها كفايه يا توته بقى تعالى ننسا اللى فات ونبدء صفحه جديده
منتهى :- بصت الاتجاه التانى ومردتش عليه
علاء :- اتنهد وقال اللى يريحك يا منتهى مش هضغط عليكى اكتر من كده هدخل المطبخ اعملك تاكلى وسابها ومشى
منتهى :- طلعت تجرى على اوضتها ودخلت اترمت على السرير وقعدت تعيط
علاء :- سمع صوت عيطها دخل ليها الاوضه وقعد جنبها على السرير وشدها فى حضنه وقال شششش بس يا توته متزعليش
منتهى :- ابعد عنى انا بكرهك
علاء :- بعد عنها وبص فى عينيها وقال كدابه عيونك بتقول عكس كلامك ده
منتهى :- بصت ليه بدموع وقالت ليه تعمل فيا كده ليه انا مصدومه فيك مش قادره اصدق انك تطلع كده
علاء :- حقك عليا انا اسف يا توته انا غلط اه بس عملت كده علشان ابوكى كان رافض يديكى ليا انا كنت مستعد اعمل اى حاجه علشان متبعديش عنى انا عندى استعداد أضحى بعمرى كله علشانك سامحيني يا منتهى متزعليش منى ارجوكى انا بحبك اوى والله
منتهى :- اترمت فى حضنه ومسكت فيه اكتر وقالت وانا كمان بحبك بس مش قادره اسامحك على اللى عملته فيا
علاء :- غمض عينه بألم وضمها اكتر ليه وقال حقك عليا يا توته حقك عليا وبعد وقت بعدها عنه ومسك وشها بين ايديه وقرب من شفايفها وبسها بوسه طويله وبعد وقت بعد عنها وبص فى عينيها وقال توته انتى كل حياتى والدنيا متسواش حاجه وانتى مش فيها تعالى ننسا اللى فات كله ونبدء دنيا جديده كلها حب وموده
منتهى :- كانت مكسوفه من البوسه وبصت لتحت ومردتش عليه
علاء :- توته حبيبتى قولتى ايه
منتهى :- هزت راسها بالموافقه بكسوف
علاء :- فرح بردها وشدها فى حضنه وقال بعشقك يا توته بعشقك
منتهى :- مسكت فيه اكتر وقالت وانا كمان بحبك يا علاء وعايزه أقضى عمرى كله معاك
علاء :- تعالى ومسك ايديها وشدها
منتهى :- ايه فى ايه
علاء :- هعملك احلى اكل فى الدنيا وقعدها قصاده وبدء يعمل ليها الاكل
منتهى :- كانت بتبص ليه بحب وهو بيعمل الاكل ليها وقالت علاء
علاء :- نعم يا قلبى
منتهى :- انت ليه معملتش زى الرجاله الاول قبل الاكل
علاء :- زى الرجاله ازاى مش فاهم
منتهى :- بكسوف ي.ي.يعنى مقربتش منى واخد حقك الاول
علاء :- قرب منها ومسك ايديها وبص فى عينيها وقال علشان انا بحبك اه هموت على كده وده شرع ربنا ليا بس اهم حاجه عندى انتى يعنى مدورش على نفسى وانتى جعانه ناكل ونصلى وبعد كده اقرب منك براحتى
منتهى :- بصت ليه بحب وكسوف وسكتت
علاء :- بهزار بس لو انتى عايزه دلوقتى انا معنديش مانع ومستعد اوى وغمز ليها
منتهى :- بكسوف علاء بس بقى
علاء :- ضحك على كسوفها ده وشدها فى حضنه وقال بحبك يا توته بحبك اوى وباس راسها وراح يكمل الاكل وبعد وقت انتهى وحط الاكل على الترابيزه وقال بهزار الاكل حضر يا فندم اى اوامر تانى
منتهى:- لا ميرسى يلا بقى اقعد علشان ناكل
علاء :- على الله الخدمه تكون عاجبه سيادتك يا فندم وقعد
منتهى :- وهى بتاكل عجبانى جدآ جدآ
علاء :- بحب بألف هنا يا روحى وبدأوا ياكلوا هما الاتنين
منتهى :- علاء هو انت اتعلمت الاكل ده فين
علاء :- اوقات كتير كانت امى ربنا يرحمها متبقاش موجوده فى البيت والشغالين يكونوا ناموا أو روحوا ونبقى انا واخواتى جعانين كنت ادخل المطبخ واعك ليهم اى اكل كده وخلاص المهم ناكل كانوا ياعينى بياكلوا غصب عنهم لحد ما واحده واحده اتعلمت اعمل الاكل واظبطه وبقى يطلع زى ما انتى شايفه كده
منتهى :- بجد تسلم ايدك الاكل طعمه تحفه
علاء :- يعنى انفع
منتهى :- بهزار مش اوى يعنى
علاء :- يا سلام طيب شوفى بقى مين هيعملك اكل تانى بعد كده
منتهى :: ها لالالا ده أكلك تحفه
علاء :- لاء يا حبيبتى متتعوديش على كده بعد كده تقفى معايا فى المطبخ تتعلمى تعملى اكل ازاى
منتهى :- بلاش احسن
علاء :- لاء لازم تتعلمى الاكل وانا مش هسيبك غير لما تبقى شاطره فيه
منتهى :- حاضر وقامت وقفت وقالت الحمدالله
علاء :- وقف هو كمان وقال وانا كمان الحمدالله ومسك ايديها وقال يلا
منتهى :-بتوتر ي.ي. يلا ايه
علاء :- يلا نبدء حياتنا الجديده وشدها من ايديها وراه ودخل الاوضه وقال ادخلى اتوضى على ما ادخل الحمام التانى اخد شاور واتوضه انا كمان
منتهى :- ح.ح.حاضر
علاء :- قرب من خدها وبسها وخرج من الاوضه راح الحمام التانى اخد شاور واتوضه
منتهى :- دخلت الحمام اخدت شاور هى كمان واتوضت ولبست هدومها والاسدال وخرجت من الحمام لاقت علاء قاعد منتظرها قالت بكسوف انا اتوضيت
علاء :- ماشى يلا وصلى بيها وقال الدعاء ووقف ووقفها وقال ربنا يجعلك ليا زوجه صالحه ويجعلنى ليكى الزوج الصالح ويرزقنا الذريه الصالحه ويجعل اهل بيتى ممن يقيموا الصلاة
منتهى :- بكسوف اللهم امين
علاء :- جاهزه ومستعده ولا
منتهى :- هزت راسها بكسوف بمعنى ايوه
علاء :- رفع ليها الاسدال وقلعه ليها ومسك ايديها قعدها على السرير وقعد جنبها قرب من شفايفها وبسها وقال ليها بعشقك يا توته وقرب منها تانى و(سكتت شهرزاد عن الكلام الغير مباح)
~•~•~•~•~•~•~•~•~•~•~•~•~•
اشرقت شمس صباح يوم جديد بنورها الساطع فى سماء الاسكندريه لتبدء دينا بفتح عيونها بصت فى الساعه لاقت أن سندس هتتأخر على المدرسه قامت تجرى وخرجت من اوضتها وراحت فتحت باب اوضت سندس ودخلت لاقتها لسه نايمه بصت ليها بوجع وقعدت جنبها على حرف السرير ومشيت ايديها على شعرها وقالت

دينا :- سندس حبيبتى اصحى يلا
سندس :- قامت مفزوعه وجسمها كله بيرتعش
دينا :- أهدى يا حبيبتى متخافيش وحضنتها
سندس :- قعدت تعيط وقالت انا خايفه اوى يا دينا اوى
دينا :- أهدى يا حبيبتى انا هروح معاكى المدرسه
سندس :- لالالا مش عايزه اروح المدرسه يا دينا انا خايفه من الزفت ده اوى
دينا :- قولتلك هروح معاكى متخافيش قومى يلا
سندس :- ارجوكى بلاش يا دينا
دينا :- يا حبيبتى مينفعش لازم تروحى مدرستك وانا هقابل الحيوان ده وهتصرف معاه ولو مجاش بالذوق والأدب هخلى تامر يتصرف معاه
سندس :-بدموع لالالا تامر لاء مش عايزه حد يعرف يا دينا
دينا :- اتنهدت وقالت يارب يوافق يمسح الصور اللى عنده دى قومى يا حبيبتى يلا واجهزى علشان ننزل
سندس :- بدموع حاضر
دينا :- خرجت من عند سندس وراحت اوضتها وقفلت الباب وراها ومسكت تليفونها وطلبت رقم تامر وانتظرت الرد

تامر :- صباح الخير يا قلبى
دينا :- صباح النور يا تامر
تامر :- النهارده صاحيه بدرى يعنى
دينا :- اه علشان هنزل مع سندس اوصلها المدرسه
تامر :- ليه خير مالها سندس هتوصليها المدرسه ليه
دينا:- ها م.م.مفيش هوصلها عادى
تامر :- بشك انا ليه حاسس ان فيه حاجه
دينا :- ها ليه بتقول كده
تامر :- علشان انا بحس بيكى وحفظك لما تكونى بتحاولى تدارى عنى حاجه
دينا :- ل.ل.لاء مفيش حاجه خالص
تامر :- سندس عندها مشكله طيب مع حد فى المدرسه
دينا :- ها
تامر :- قولى يا دينا اصل انا عارف المدارس المختلطه دى بتبقى فيها شوية اشكال وسخه لو فيه حد بيضايق اختك سندس قوليلى وانا اتصرف معاه
دينا :- م.م.مش عارفه بقى يا تامر عمومآ هشوف ايه اللى هيتم النهارده لو معرفتش اتصرف هقولك تساعدنى
تامر :- طيب فهمينى ايه حصل
دينا :- مش وقته انا لازم دلوقتى اقفل معاك و اجهز نفسى علشان منتأخرش على المدرسه
تامر :-ماشى يا قلبى بس خلى بالك على نفسك
دينا :- حاضر باى وقفلت مع تامر وقامت دخلت الحمام غسلت وشها واتوضت وخرجت ادت فرضها ولبست هدومها وراحت عند اوضت سندس وخبطت على الباب وقالت سندس يلا
سندس :- فتحت الباب وقالت بخوف انا جاهزه
دينا :- ماشى يا حبيبتى يلا ونزلوا الاتنين و قابلوا ادهم على السلم
ادهم :- صباح الخير
دينا وسندس :- بتوتر صباح النور
ادهم :- رايحه فين يا دينا
دينا :- هروح اوصل سندس المدرسه
ادهم :- خليكى انتى هخدها انا على سكتى
سندس :- خافت ومسكت فى دينا بتوتر
دينا :- ها ل ل.لاء خليك انت روح شغلك متعطلش نفسك انا هروح معاها علشان عايزه أسأل على حاجه هناك
ادهم :- حاجه ايه دى اللى هتسألى عليها
دينا :- ها ا ا ايه ا.ا اه هسأل على مستوى سندس فى الدراسه ايه علشان اطمن علي مستواها فى المدرسه دى
ادهم :- ماشى يا دينا مع أن توترك ده انتى وهى مش مريحنى وسابهم ومشى
دينا :- حطت ايديها على قلبها وقالت كنت حاسه ان قلبى هيوقف عليا من الخوف يلا احسن كده احنا اتأخرنا
سندس :- كانت خايفه وماسكه فى دينا شبه الطفل الصغير وركبوا العربيه وراحوا على المدرسه وبعد وقت وصلوا ونزلوا الاتنين بقلق من العربيه ودخلوا المدرسه
دينا :- اجمدى يا سندس بلاش يشوفك كده علشان ميلعبش بأعصابك اكتر
سندس :- انا خايفه اقابل مؤمن اوى يا دينا
دينا :- متخافيش وحاولى تظهرى انك طبيعيه
سندس :- هحاول ربنا يستر
وائل :- بخ انا شايف أن العيله كلها مزز
سندس :- مسكت فى اختها بخوف
دينا :- اكيد انت زفت الطين وائل
وائل :- ايوه انا بشحمه ولحمه اؤمر يا جميل
دينا :- واضح عليك انك تربيه قذره
وائل :- مدام واضح عليا يبقى انت اصدق يا عسل
دينا :- احترم نفسك يالا انت عارف انت بتكلم مين ده انا لو حطيتك فى دماغى هنسفك من على وش الارض
وائل :- سقف وقال لاء بطل جامد بس احب اقولك انا مش بخاف من التهديد
سندس :- بدموع انت ليه بتعمل فيا كل ده
وائل :- مزاجى
دينا :- انت عارف دى تبقى اخت مين دى اخت ادهم الحناوى اللى لو مسكك فى أيده هيكسرك نصين وخطيبى لو حطك فى دماغه هيخفيك وراه الشمس
وائل :- هههههههه يا مامى تصدقى خوفت حصلنا الرعب والتهديد يا قمر استنى كده اوريكى حاجه هتعجبك اوووى وطلع تليفونه وجاب صور سندس وقال اتفرجى كده وقولى ايه رأيك الصراحه اختك فرسه بنت الايه ده انا كل شويه اجيب صورها واتفرج عليهم اااااه نار يخربيت كده
دينا :- ااااه يا واطى يا ندل يا جبان وقعدت تضرب فيه
وائل:- مسك ايديها وقال لو فكرتى تمدى ايدك عليا تانى متلوميش غير نفسك يا حلوه ذنب اختك هيبقى فى رقابتك انتى عن اذنك يا عسل وسابهم ومشى
دينا :- لالالا ده مش هينفع معاه احنا خالص لازم راجل يساعدنا انا لازم ابلغ تامر يساعدنا
سندس :- مقدرتش تستحمل كل اللى بيحصل ده اغمى عليها مره واحده
دينا :- سندس وطلعت تجرى عليها وقعدت تخبط على وشها وحاولت تشلها مقدرتش وقفتها بصعوبه وفى الوقت ده جه مؤمن واتخض لما شاف سندس مغمى عليها طلع يجرى عليهم وقال
مؤمن :- سندس مالها يا دينا
دينا :- بدموع ت.ت.تعبانه شويه
مؤمن :- ميل على سندس وشالها وقال هتوديها فين
دينا :- حطها فى العربيه علشان نفوقوها
مؤمن :- راح حطها فى العربيه واخد من دينا ازازة برفان ورشها على أيده وحطها تحت مناخيرها
سندس :- بدموع وهى مغمضه عينيها قالت مؤمن يا مؤمن
مؤمن :- انا اهو يا سندس جنبك مالك بس
سندس :- فتحت عينيها وبصت لمؤمن بخوف وتوتر وقالت ا.ا انت هنا من امته
دينا :- مؤمن لسه جاى يا سندس اللى حصلك ده من قلة اكلك وبصت ليها بمعنى أن مؤمن معرفش حاجه
مؤمن :- ينفع كده يا سندس انتى عايزه تعرفى غلاوتك عندنا ولا ايه
سندس :- بصت ليه والدموع نزلت من عينيها
مؤمن :- مالك يا سندس
دينا :- م.م.ملهاش يا مؤمن هى سندس كده اوفر اوى فى تعبها ما خلاص يا سندس انتى كويسه يا حبيبتى مش فيكى حاجه
سندس :- انا عايزه اروح ارجوكم
دينا :- روح انت يا مؤمن انا هاخد سندس اروحها تانى الفيلا
مؤمن :- لاء هروح معاكم مش هطمن غير لما اوصلكم على الفيلا
دينا :- يا حبيبى معانا العربيه روح انت شوف مصلحتك بلاش تعطل نفسك معانا
مؤمن :- مش هسيبكم يا دينا
دينا :- اتنهدت ونزلت ركبت من قدام وسابت مؤمن وسندس وراه وشغلت العربيه ورجعت تانى على الفيلا وطول الطريق دموع سندس موقفتش ومؤمن هيتجن عليها ومش قادر يعرف ايه سبب دموعها دى وبعد وقت وصلت دينا الفيلا ونزلت من العربيه وساعدة سندس تنزل ونزل وراهم مؤمن ودخلوا الفيلا
سندس :- قعدت بدموع على الكنبه وقالت روح انت يا مؤمن انا كويسه
مؤمن :- ازاى كويسه ودموعك وموقفتش طول الطريق فيكى ايه يا سندس
سندس :- انا كويسه بس زى ما دينا قالت ليك انا اوڤر شويه
دينا :- بزعل على اختها طيب أهدى يا حبيبتى شويه على ما اطلع اغير هدومى واجيلك
سندس :- ماشى
دينا :- البيت بيتك يا مؤمن عن اذنكم وسابتهم وطلعت الاوضه وقفلت الباب وراها ومسكت تليفونها وطلبت رقم تامر وانتظرت رده عليها
تامر :- ايه يا حبيبتى وصلتى سندس
دينا :- تامر انا محتاجه مساعدتك لينا
تامر :- اؤمرى يا قلبى
دينا :- حكت ليه اللى حصل
تامر :- اطمنى يا قلبى الموضوع ده هيخلص النهارده وهعرف الكلب ده مقامه
دينا :- ارجوك يا تامر بسرعه قبل ما الواطى ده يعمل حاجه بالصور
تامر :- حالا يا حبيبتى سلام
دينا :- سلام وقفلت السكه مع تامر وقالت يارب استر يارب وغيرت هدومها ونزلت ليهم تحت
سندس :- كانت لسه بتعيط ومؤمن عمال يهديها ومش قادر يعرف سبب عياطها ده ايه وفى الوقت ده تليفونه أعلن عن وصول رساله ليه ولسه هيفتحها نزلت دينا وقالت
دينا :- لسه بتعيطى يا سندس خلاص بقى دول شوية تعب صغيرين قومى معايا ادخلك اوضك وبصت ليها بعينيها تطمنها وراحت مسكت ايديها وقفتها وقالت امشى معايا يلا وبصت لمؤمن وقالت خليك يا مؤمن هدخل سندس اوضتها ورجعالك
مؤمن :- ماشى
سندس :- مشيت مع دينا لحد السلم ولسه هتحط رجليها على اول سلمه وقفت على صوت مؤمن
مؤمن :- مسك تليفونه فتحه وجاب الرساله اللى وصلت ليه واتصدم اول ما لاقها صورة سندس وهى عريانه واتعصب وبص عليهم وهما ماشين وقال بعصبيه ممكن افهم ايه ده ووجه التليفون ليهم
سندس :- بصت على التليفون بصدمه وقالت مؤمن ه ه.هفهمك
مؤمن :- داس على أسنانه وقال هتفهمينى ايه ها ما كل حاجه واضحه اهى
دينا :- اهدا يا مؤمن بس دى لعبه قذره من السافل اللى اسمه وا
مؤمن :- قطعها وقال مش عايز اعرف حاجه عن اذنكم
سندس :- بدموع مؤمن يا مؤمن
دينا :- يا ابنى انت اهدا وافهم بالعقل
مؤمن :- بعصبيه افهم اااااايه ما الصوره قالت كل حاجه
دينا :- بعصبيه والله والصوره قالت ايه بقى
مؤمن :- بعصبيه قالت ان اختك واحده و*****
دينا :- رفعت ايديها وضربته بالقلم وقالت اخرس اختى اشرف من عشره زيك وفعلا انت واحد غبى ومتهور مش قادر تسمع ولا تشوف الحقيقه اللى عمل فى اختى كده الواطى اللى اسمه وائل حط ليها المخدر فى المايه وبعد كده صورها
مؤمن :- والله وأمته ده بقى حصل وانا اصلا مش بسيبها لحظه واحده هناك لوحدها
دينا :- لاء م.م.ما انت ساعتها مروحتش
مؤمن :- بعصبيه يبقى هى راحت المدرسه لوحدها وانا قولتلها بلاش يعنى اللى حصل ليها ده بسبب عنادها يا دينا انا مش عارف هقدر ابص فى وشها تانى ازاى بعد اللى حصل ده
دينا :- انت حمار مش بتفهم بقولك اللى اتعمل فيها ده غصب عنها مش بمزاجها سندس من ساعتها منهاره يا مؤمن
مؤمن :- هز راسه بعصبيه وقال ده اخر عنادها يا دينا عن اذنك ولسه هيمشى سمع صوت دينا بتصرخ وتقول
دينا :- سندس انتى عملتى فى نفسك ايه
مؤمن :- رجع يجرى عليهم بيبص لاقه الدم نازل من ايد سندس والسكينه جنبها اتصدم وشالها وطلع يجرى بيها حطها فى العربيه ودينا ركبت معاهم وشغلت العربيه وطلعت تجرى على المستشفى وبعد وقت وصلت دينا والدموع فى عينيها ونزلت تجرى ونزل مؤمن من العربيه وشال سندس ودخل يجرى بيها حطها على السرير وخرج يجرى ينادى الدكتور
دينا :- كانت لفه ايد سندس علشان تمنع الدم ينزل منها وعماله تعيط وشويه ودخل الدكتور وخرجت دينا ومؤمن من اوضت الكشف وكشف عليها الدكتور وخرج وقال محتاجين دم ضرورى هى فصيلة دمها ايه
دينا :- O موجب
مؤمن :- دى فصيلة دمى يا دكتور انا جاهز
الدكتور :- طيب تعال ودخل مؤمن مع الدكتور واتبرع بدمه لسندس وخرج وبعد وقت خرج الدكتور وقال الحمدالله لحقنها بالدم وخيطنا الجرح بس ادنها حقنه مهدأه لأنها منهاره جدآ
دينا :- بدموع شكرآ يا دكتور
الدكتور :- العفو عن اذنكم ومشى وسابهم
مؤمن :- انا رايح مشوار بسرعه وجاى وسابها ومشى
دينا :- احيه شكله رايح لزفت ده اتصلت بتامر وانتظرت الرد
تامر :- ايوه يا حبيبتى انا رايح عنده اهو
دينا :- الحق مؤمن بسرعه عرف الموضوع وشكله رايح عنده بسرعه يا تامر قبل ما يتهور ويعمل حاجه
تامر :- ومين عرفه بس
دينا :- سندس انتحرت يا تامر وانا بيها فى المستشفى وهو كان معانا هبقى احكيلك بعدين الحق مؤمن بسرعه بس
تامر :- ماشى يا دينا اقفلى انا قربت اوصل لتانى وان شاءالله أوصله قبل مؤمن
دينا :- يارب باى يا تامر وقفلت السكه مع تامر ودخلت عند اختها ومسكت ايديها وقالت ليه يا سندس تعملى فى نفسك كده ليه
سندس :- كانت دموعها نازله منها ومش بترد عليها
دينا :- سندس حبيبتى ردى عليا
سندس :- ساكته ومش بترد
دينا :- متقلقيش تامر راح عند الزباله ده وهيتصرف
سندس :- بدموع مؤمن مشى صح
دينا :- راح مشوار وجاى
سندس :- بدموع مش هيجى بعد ما شافنى كده فى الصور
دينا :- لو بيحبك هيعرف انك ملكيش ذنب فى اللى حصل ده وهيسامحك واكيد هيرجعلك
سندس :- بدموع مش هيرجع يا دينا مش هيرجع
دينا :- يبقى انتى الكسبانه لأنه كده مش واثق فيكى ومدام مش بيثق فيكى يبقى واحد شكاك وهتتعبى معاه اوى فى حياتك والاحسن تبعدى عنه انتى لسه صغيره والحياه قدامك طويله وربنا اكيد هيبعت ليكى اللى يحبك ويقدرك بجد
سندس :- بدموع بس انا مش عايزه غيره انا عايزاه هو
دينا :- اهدى يا حبيبتى وبلاش تسبقى الأحداث لو هو بيحبك بجد هيرجع أن شاءالله
سندس :- بصت الاتجاه التانى وقعدت تعيط
~•~•~•~•~•~•~•~•~•~•~•~•~•
فى فرنسا

رجعت عفاف الاوضه بتاعتها وكانت واقفه رودينا بتراقبها وشويه ودخل راجل عنها فى الاوضه رودينا بصدمه قالت

رودينا :- يا بنت ال بقى انتى مقضيها ومطلعه عقدك على البنت الغلبانه ده انتى نهايتك سوده وفضلت قاعده مراقبه الاوضه
فادى :- جه وقال رودينا واقفه هنا بتعملى ايه
رودينا :- ها ولا حاجه
فادى :- رررررودينا انطقى بتعملى ايه
رودينا :- بص بقى من الاخر انا مش مقتنعه بكلام البت اخت محمد دى وهى كل يوم بتخرج متعرفش بتروح فين وترجع ساعتين الاوضه وتمشى تانى وانا قررت ارقبها وامشى وراها واعرف بتروح فين مش يمكن المكان اللى بتروحه ده فيه نهى ولا حاجه
فادى :- بعصبيه تانى يا رودينا
رودينا :- وحياتى عندك يا فادى هى المرادى وخلاص انا قلبى مش مطمن والله وبيقولى أن نهى حصل فيها حاجه
فادى :- يا بنتى افهمى بقى واحد واخد مراته وراح فى مكان لوحدهم ايه الغريب فى كده ويخليكى تشكى فيهم الشك ده كله
رودينا :- قلبى يا فادى انا عمر ما احساسى خيب أبدآ مش هنخسر حاجه لو مشينا وراه عفاف دى وعرفنا بتروح فين واطمنا
فادى :- اتنهد بقلة حيله وقال لما نشوف اخرتها معاكى ايه
رودينا :- اصبر بس دى طلعت اهو مقضيها وجايبه واحد فى الاوضه بتاعتها
فادى :- ما يمكن جوزها ولا خطيبها احنا مالنا بيها بس
رودينا :- لاء مش متجوزه وعمومآ تولع بجاز متهمنيش فى حاجه انا اهم حاجه عندى نهى وفى الوقت ده خرج الشاب من عندها قالت بص بص اهو خرج من عندها اهو
فادى :- الصبر من عندك يارب متجوز المفتش كرومبو ياربى
رودينا :- ششش هى زمانها خارجه من الاوضه دلوقتى وفعلا الباب اتفتح وخرجت عفاف ومشيت وطلعت تجرى رودينا هى وفادى وراها ركبوا العربيه ومشوا وراها
~•~•~•~•~•~•~•~•~•~•~•~•~•
عند محمد ونهى

كان قاعد محمد فى الاوضه كالعاده وماسك ايد نهى ودموعه على خده وقال

محمد :- نهى واحشتينى اوى واحشنى صوتك وكلامك ارجعيلى بقى يا انسه احلف نورى دنيتى من جديد عارفه انا عمرى ما كان فارق معايا حاجه فى الدنيا دى بس لما انتى دخلتى فيها بقيت متمسك بيها من جديد حببتينى فى الحياه من تانى نورتيها ليا بعد ما كانت كلها سوده فى عينيا انا مش وحش والله العظيم يا نهى انا يمكن طريقتى هى اللى غريبه شويه فى العلاقه لكن انا بحبك اوى طريقتى دى اللى كانت السبب فيها مراتى ام عيالي انا عمرى ما كنت كده بس لما اتجوزتها كانت بتطلب منى اكتفها واعمل معاها العلاقه بالطريقه دى مكنتش فاهم حاجه الاول كنت بستغرب طالبها ده وكنت برفض اوقات خوف عليها بس هى كانت بتصمم أن انا اعمل معاها العلاقه بالطريقه دى شويه بشويه بدأت اخد على كده بدأت أحس برغبه غريبه لما اعمل العلاقه بالطريقه دى وبقيت مش بحس بالعلاقه واتمتع فيها غير لما اسمع صوت صريخ اللى قدامى بقيت احس بأثاره فى وجع اللى بحبهم انا كنت بعشق مراتى دى اوى بس مره وانا بعمل العلاقه معاها قسيت عليها اوى من غير ما احس خنقتها بأيدى دول وماتت ايوه انا قتلت مراتى بأيدى بس من غير ما احس والله مكنتش اقصد اموتها مكنتش اقصد هى السبب اللى خلتنى كده هى اللى مكانتش بيتحس بالعلاقه غير لما تتعذب خلتنى انسان سادى واول واحده هى اللى اتأذت منى جربت اتجوز مره واتنين وتلاته علشان يخدوا بالهم من اولادى بس مكانش حد فيهم بيستحمل العلاقه دى معايا وقت ما ببقى فى حاله الاثاره بتحول ومبحسش بنفسى حاولت اتعالج كتير بس العلاج مكانش بيجيب نتيجه معايا بس قررت متجوزش تانى علشان مزودش الضحايا واحده وفقد الأمل فى كل حاجه لحد ما قابلتك انتى حسيت بمشاعر جوايا ليكى بقيت بين نارين اقرب منك واتجوزك وتكونى ضحيه من ضحايا علاقتى أو أن ابعد عنك واتعذب بحبى ليكى ومقدرتش على الاختيار التانى اختارت أن اتجوزك وابقى جنبك حاولت كتير اظبط نفسى واتحكم فى مشاعرى واحاول مأذكيش بس للاسف رغبتى كانت أقوى منى كنت بضعف وأقرب منك واعذبك كنت ببعد وأخرج واسيبك بس شوقى ليكى بيرجعنى تانى كنت لما بشوفك فى الحاله دى بتجنن واندم كتير اوى على اللى عملته فيكى و فى نفس الوقت كنت بتعذب لما بشوف نظرة الكره اللى فى عينك ليا نهى والله العظيم بحبك ارجعيلى وانا اوعدك هتعالج علشان خاطرك هتغير وابقى إنسان تانى خالص بس بلاش تروحى منى وتسبينى انا عارف ومتأكد انك سامعه كل كلمه قولتها وفى الوقت ده دخلت عفاف وقالت
عفاف :- لسه زى ما هى
محمد :- وهو الدموع فى عينه قال لسه مش بترد عليا
عفاف:- مش عارفه انا مزعل نفسك اوى عليها كده ليه
محمد :- بص ليها بغيظ وقال علشان بحبها يا عفاف
عفاف :- بغيظ بتحبها طيب
محمد :- انتى كنتى فين
عفاف :- ها ك.ك.كنت فى اوضى باخد شاور واغير هدومى وخرجت وسابته
محمد:- بص ليها بأستغراب وبعد كده بص على نهى وفى الوقت ده سمع صوت رودينا بتقولوا
رودينا :- انت عملت فيها ايه يا واطى
محمد:- رفع راسه وبص ليهم بصدمه وقال انتو
وفى نفس الوقت ده حركة نهى ايديها وبدأت تفتح عينيها

*********************

إلي هنا ينتهي الفصل السابع و الستون من رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد

تابع أيضاً: جميع فصول رواية آدم ولانا بقلم امونه

تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها

اقرأ أيضا: رواية من أجلك فقط بقلم لولو الصياد