قصص رومانسية جريئة ممنوع دخول الأطفال

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة دودو محمد علي موقعنا قصص 26 و موعدنا اليوم مع الفصل الثامن و الستون من  رواية تمرد صحفية بقلم دودو محمد. 

رواية تمرد صحفية بقلم دودو محمد - الفصل الثامن و الستون

اقرأ أيضا: روايات رومانسية

رواية تمرد صحفية بقلم دودو محمد

رواية تمرد صحفية بقلم دودو محمد - الفصل الثامن و الستون

فى الفندق عند ممدوح وايه

كانت ايه نايمه وحطه المخده على ودنها صحى ممدوح من نومه لاقه ايه عامله كده استغرب وشد المخده من على ودنها وباس خدها وقال

ممدوح :- يويو ايوش حبيبت قلبى
ايه :- امممم سبنى انام بالله عليك انا معرفتش انام طول الليل من صوت شخيرك
ممدوح :- شخيرى بس انا مش بشخر وانا نايم
ايه :- فتحت عينيها وبصت ليه بصدمه وقالت ده مين ده اللى مش بيشخر يا ممدوح يا ممدوح ده انت شخيرك كان مسمع الفندق كله
ممدوح :- بأستغراب انا طول عمرى مش بشخر تلاقى بس من المجهود اللى عملته امبارح وغمز ليها
ايه :- اتكسفت وقالت احم ممكن ولسه هتنام تانى
ممدوح :- هتعملى ايه يا قلبى
ايه :- هنام يا ممدوح
ممدوح :- لاء يا قلب ممدوح مفيش نوم وشدها فى حضنه وقال احنا فى شهر العسل يا روحى ومش عايزين نضيع وقت وقرب من شفايفها ولسه هيبوسها
ايه :- ايه ايه هتعمل ايه
ممدوح :- هبوووووس
ايه :- بكسوف اتلم يا ممدوح
ممدوح :- اتلم ايه وهو انا بطلب منك حاجه حرام ده حقى
ايه :- كسر حقك انا جعانه وعايزه اكل
ممدوح :- يا بنتى ده انتى اتعشيتى امبارح اربع مرات بيروح فين الاكل ده
ايه :- الله اكبر انتى بتعد عليا الاكل ولا ايه
ممدوح :- يا حبيبتى كلى براحتك بس مش كل ما اجى اقرب ليكى تفصلينى بكلمة جعانه
ايه :- هبقى اعمل حسابى واكل قبلها بس اهم حاجه هاتلى اكل بقى
ممدوح :- اتنهد وقال حاضر وقام طلب ليها الاكل ودخل الحمام
ايه :- بصت على ممدوح وهو داخل الحمام بحب وقامت من على السرير وقفت قصاد المرايا وبصت على نفسها بفرحه وقالت لنفسها اخيرآ بقيت مراتك يا توحه بحبك اوى
ممدوح :- وانا بعشقك يا قلب توحه وراح حضنها من ضهرها ولف دراعه على بطنها وبسها فى رقابتها وبص على انعاكسهم فى المرايا وقال ليه مش بتقوليلى الكلام ده فى وشى
ايه :- بكسوف قالت ع.ع.عادى يعنى
ممدوح :- ايوش انا حبيت فيكى اوى البنت الجدعه المتدينه اللى رغم ضحكها وهزارها مش بتفرط فى نفسها ولا تسمح للراجل يلمسها حتى لو الراجل ده خطبها بس يا حبيبتى دلوقتى الوضع يختلف انا جوزك يعنى من حقى اسمع منك الكلام الحلو ده لا عيب ولا حرام
ايه :- بعدت عنه بكسوف وقالت عارفه يا ممدوح بس انا لسه أول يوم لينا والوضع لسه جديد عليا واكيد مع الايام هاخد على الوضع الجديد ده
ممدوح :- وانا يا حبيبتى معاكى وجنبك مهما حصل ولفها ليه وحضنها وقال بعشقك يا روحى وقرب من شفايفها ولسه هيبوسها الباب خبط
ايه :- زقته وقالت الاكل روح هاته بسرعه
ممدوح :- الصبر من عندك يارب وراح فتح الباب اخد الاكل ودخل بيه
ايه :- ايوه بقى وقعدت تاكل
ممدوح :- والله امال فين الستات اللى بتستنا جوزها ياكل الاول وبعد كده تقعد هى تاكل وراه
ايه :- وهى بتاكل لاء دول كانوا فى زمن سى السيد دلوقتى الست هى اللى بتاكل والراجل يتفرج عليها
ممدوح :- يا راجل
ايه :- وهى بتاكل الله يكرمك يا توحه اتصل بيهم خليهم يجيبوا ليا بيتزا كبيره علشان الاكل ده يادوب مسح زور الناس دى بخيله اوى الصراحه
ممدوح :- بصلها بصدمه وقال اكل ايه ده اللى مسح زور يا بنت المفتريه يخربيت كده يا شيخه مشوفتش حد فى حياتى بياكل بطريقتك دى
ايه :- طيب والله الواحد أكلته قلة خالص بسبب نبرك ده انتى واكرم اخويه متعرفوش تكبروا الاول قبل ما تتكلموا قل اعوذ برب الفلق
ممدوح :- اه قلة خالص الصراحه ده انتى فى يوم واحد عملتى ازمه فى المكان كله بسبب الاكل اللى بتاكليه ده
ايه :- اقعد اتكلم كتير بقى والأكل يخلص وترجع تقول إن انا اكلت الاكل كله ومخلتش ليك حاجه
ممدوح :- لاء كلى انتى بألف هنا وشفا انا مش عايز اكل
ايه :- احسن برضه وقعدت تاكل وممدوح متابعها وهى بتاكل بأستغراب
~•~•~•~•~•~•~•~•~•~•~•~•~•
فى المدرسه

وصل مؤمن المدرسه وهو متعصب ودخل بص على وائل ملاقهوش خرج تانى من المدرسه ولسه هيمشى سمع صوت حد بيصفر ليه بيبص لاقه وائل

وائل :- وهو واقف وساند على الحيطه قال عجبتك الصور يا صاحبى
مؤمن :- راح عنده ومسكه من هدومه وضربه بالبوكس فى وشه وقال هقتلك يا واطى يا زباله
وائل :- لف دراع مؤمن وراه ضهره وقال اتكلم على قدك يا حلو أنا ممكن اموتك ومحدش يعرف ليك مكان دلوقتى
مؤمن :- زقه بعده عنه وضربه فى بطنه بالبوكس وقال شكلك متعرفنيش كويس يا واطى مش هسيبك يا وائل انا هعرفك ازاى تمد ايدك على حاجه تخصنى
وائل :- ضربه فى وشه وقال هههههه ايه حرقتك صح بس الصراحه البت صاروخ ده انا مسكت نفسى بالعافيه علشان ملمسهاش
مؤمن :- اتغاظ اكتر ضربه جامد ووقعه على الأرض ولف ايديه على رقابته وخنقه وقال اللى زيك لازم يموت هقتلك يا وائل هقتلك
وائل :- بدء يتخنق ويفقد وعيه
تامر :- وصل ونزل يجرى من العربيه وراح حاول يبعد مؤمن من على وائل وقال مؤمن مؤمن غلط اللى انت بتعمله ده ابعد عنه يا مؤمن
مؤمن :- مش هسيبه غير لما اقتله وأقطع جسمه بأيدى
تامر :- شده جامد من فوق وائل وبعده عنه بصعوبه وقال خساره تضيع نفسك على واحد زى ده سيبه ليا وانا هتصرف معاه بالقانون
مؤمن :- وهو بيحاول يروح لوائل تانى سبنى يا تامر خلينى اموته وارتاح سبنى يا تااااااامر
تامر :- وهو ماسك مؤمن يا ابنى اهدا انت كده هضيع نفسك على الفاضى فكر فى ابوك هيعمل ايه لو حصلك حاجه اهدا كده وفكر بالعقل
مؤمن :- يا تامر انت مش حاسس باللى جوايا يا تامر سبنى عليه بقولك
تامر :- لاء حاسس بيك وعارف شعورك ايه دلوقتى وكنت فى يوم من الايام مكانك بس اتصرفت بالعقل متهورتش زيك كده مقدر انك بتتقطع من جواك بس فكر لو قتلته ودخلت السجن سندس هتبقى لغيرك مش ليك لانك هتكون مرمى فى السجن اهدا كده يا ابنى فكر بعقلك شويه
مؤمن :- بزعل هعرف ابص فى وشها تانى ازاى بعد ما وسكت مقدرش يكمل
تامر :- غبى وحمار
مؤمن :- بصله بأستغراب
تامر :- ايوه غبى وحمار علشان بتفكر بالطريقه دى هى ذنبها ايه ها بدل ما تقول كده روح عندها خفف وجعها حاول تنسيها اللى حصلها متحسسهاش انك بتعمل كده عطف ولا شفقه عليها حسسها بأحتوائك ليها انت لسه صغير يا مؤمن ومكتسبتش خبره كفايه فى الدنيا دى انت فكرك اللى حصل ده مر عليها هى بالساهل لاء دى بتتقطع من جوه الواحده عندها الموت اهون مليون مره من أنها تتحط فى موقف زى ده انسا اللى حصل ده وحاول تبدء معاها صفحه جديده انتو لسه المشوار طويل جدآ عليكم ولسه حبكم طرى ومحتاج قوه واصرار منكم انتو الاتنين علشان ينشف ويطلع لنور وعلشان الحب بتاعكم يقوى لازم يكون أساسه الثقه هو ده اللى بيقوى العلاقه ما بين اى اتنين روح يا مؤمن خليك جنبها والكلب ده انا هعرف اربيه والصور اللى معاه كلها هتتمسح وهخليه يمضى تعهد بعدم التعرض ليكم روح يلا يا مؤمن
مؤمن :- بص لتامر وبعد كده بص لوائل وهو مغمى عليه فى الارض ومشى وسابهم راح على المستشفى عند سندس ودينا
تامر :- اخد وائل ورجع بيه على القسم
مؤمن :- وصل المستشفى وخبط على باب الاوضه اللى فيها سندس ودخل
سندس :- اول ما شافت مؤمن فرحت
دينا :- مؤمن ايه اللى عمل فيك كده
مؤمن :- ولا حاجه
دينا :- تامر كلمنى وقال إنه مسك وائل ولحقه من تحت ايدك فى اخر لحظه
مؤمن :- انا كنت ناوى اموته بس تامر بعدنى عنه فى اخر لحظه
دينا :- انت عبيط يا ابنى كنت هضيع نفسك ومستقبلك
مؤمن :- بص على سندس وقال انا عمرى كله ميسواش حاجه جنب دمعه تنزل من عين سندس
دينا :- والله العظيم انتو الاتنين مجانين
مؤمن :- راح وقف جنب سندس وقال عامله ايه دلوقتى
سندس :- بدموع كويسه
مؤمن :- ممكن بقى مشوفش دموعك دى تانى
سندس :- بصت الاتجاه التانى
مؤمن :- سندس
سندس :- بصت ليه
مؤمن :- اوعى فى يوم من الايام تعملى كده تانى انا لو كان حصل ليكى حاجه انا كنت روحت فيها
سندس :- بوجع حتى بعد اللى حصل
مؤمن :- بوجع اللى حصل حصل خلاص ننساه بقى ونبدء من الجديد
سندس :- انت مقتنع بكلامك ده
مؤمن :- ايوه يا سندس لو مكنتش مقتنع بكلامى ده مكانش زمانى واقف معاكى هنا
سندس :- بدموع بس انا بقى محتاجه وقت كبير اوى على ما اقدر انسى اللى حصلى ده
مؤمن :- انا جنبك ومعاكى وهساعدك تنسى اللى حصلك ده بس انتى شدى حيلك وقومى يلا علشان نروح
سندس :- وقفت بصعوبه وقالت انا جاهزه
دينا :- سندت اختها ونزلوا ركبوا العربيه وراحوا على الفيلا ومؤمن روح على البيت
~•~•~•~•~•~•~•~•~•~•~•~•~•
فى فرنسا

فى المستشفى

وصلت عفاف المستشفى وسألت على نهى إذا كانت فاقت ولاء وبعد ما عرفت انها لسه خرجت وفى الوقت ده كانت وصلت رودينا وفادى المستشفى بعد ما مشوا وراه عفاف علشان يعرفوا مكان نهى واول ما شافت رودينا نهى كده اتصدمت وقالت

رودينا :- انت عملت فيها ايه يا واطى
محمد :- بصدمه انتو
وفى الوقت ده حركة نهى ايديها وبدأت تفتح عينيها
فادى :- ده انت هتروح فى ستين داهيه على اللى عملته فى نهى ده
محمد :- انتو عرفتوا مكانا منين
رودينا :- ربنا كشفك يا زباله مفكر أنها وحيده ومحدش هيوقف ليك لاء فوق ده احنا هنوديك وراه الشمس اصبر علينا بس
نهى :- بصوت واطى جدآ ر.ر.رودينا
محمد :- اتفاجئ أن نهى فاقت طلع يجرى عليها وقال نهى حبيبتى انتى فؤقتى حمدالله على السلامه يا قلبى
نهى :- رودينا
رودينا :- طلعت تجرى عليها بدموع ومسكت ايديها وقالت عمل فيكى ايه الحيوان ده
نهى :- خليكى جنبى متسبنيش معا لوحدى
محمد :- نهى انا محمد حبيبك انتى خايفه منى
رودينا :- والله لا حنين اوى يا اخويه
محمد :- بعصبيه اتكلمى عدل معايا انا ساكت من بدرى ومش عايز ارد على غلطك انتى وجوزك علشان خاطر نهى لكن لو هتفضلوا كده كتير اقسم بالله ارميكم فى الشارع
فادى :- راح مسك فيه وقال انت ازاى تسمح لنفسك تكلم مراتى كده
محمد :- زقه وقال انتو ايه جابكم اطلعوا بره
رودينا :- ده انت بتحلم احنا مش هنتحرك من هنا غير لما نهى تيجى معانا أما انت بقى فأخرتك هتكون السجن على اللى عملتوا فيها ده
محمد :- اللى عندكم اعملوا اطلعوا برررررره
نهى :- مسكت ايد رودينا بدموع وترجى وقالت متسبنيش معاه يا رودينا ارجوكى
رودينا :- طبطبت على ايديها وقالت متخافيش يا نهى مش هسيبك لوحدك انا جنبك يا حبيبتى وبصت لمحمد وقالت مدام انت عامل نفسك راجل اوى كده روح شوف اختك اللى دايره على حل شعرها مع الرجاله فى اوضتها
محمد :- داس على أسنانه وراح عند رودينا وقال بغيظ اخرسى انا اختى اشرف من واحده زيك
فادى :- اول ما سمع محمد قال لرودينا كده اتعصب وراح مسكه وقعد يضرب فيه
نهى :- بدموع وتعب كفايه ارجوكم كفايه
محمد :- زق فادى وضربه وقال هبلغ عنك واقول انك جاى تتهجم عليا انا ومراتى ودينى ما انا سيبك
وفى الوقت ده دخلت الممرضه وزعقت ليهم وخرجتهم من الاوضه وبلغت الدكتور أن نهى فاقت وجه كشف عليها وكتب ليها خروج من العنايه وتدخل اوضه عادى
محمد :- حسابكم معايا بس بعدين مش دلوقتى ودخل الاوضه عند نهى وقعد جنبها وحط أيده على كتفها وقال واحشتينى
نهى :- لو سمحت ابعد عنى
محمد :- نهى انا اسف
نهى :- رودينا يا رودينا
رودينا :- دخلت وقالت ايوه يا نهى
نهى :- خليكى معايا متسبنيش معاه ارجوكى
محمد :- نهى انا جوزك بلاش تعملى معايا كده
رودينا :- يا بارد يا غلس مش طايقه تبص فى وشك
محمد :- اخر إنذار ليكى لمى لسانك علشان متعصبش عليكى
رودينا :- لاء خوفت الصراحه واعمل حسابك نهى هتخرج معايا انا
محمد :- مسكها من دراعها وقال انتى زوديها اوى
نهى :- لو سمحت ابعد عنها واطلع من الأوضه
محمد :- ساب رودينا وقال نهى بلاش تخليها تلعب بدماغك اوعى تفكرى أنها هتستحملك بجد يومين وهتزهق منك وهترميكى فى الشارع ومش هتلاقى غيرى انا تروحى ليه
نهى :- بدموع اطلع بره
محمد :- نهى اسمعينى بس
وفى الوقت ده دخلت الشرطه الاوضه ومعاهم فادى
الشرطى :- ممكن تيجى معانا استاذ محمد
محمد :- اجى معاكم فين
الشرطى :- اتفضل معانا وهناك هتعرف كل حاجه
محمد :- بص لفادى وقال حسابك معايا يا فادى وبص لنهى وقال انا رجعلك يا نهى مش هتأخر عليكى وهخدك بيتى ومشى مع الشرطه
نهى :- بصت عليه وهو خارج واترمت فى حضن رودينا وقعدت تعيط
رودينا :- طبطبت عليها وقالت أهدى يا حبيبتى وبصت لفادى وقالت انت اللى بلغت عليه
فادى :- ايوه
رودينا:- احسن خليه يتربى
نهى :- قعدت تعيط وتمسك فى رودينا اكتر
~•~•~•~•~•~•~•~•~•~•~•~•~•
فى اسكندريه

فى بيت سعيد

صحيت داليا على صوت الجدة فكرت نفسها بتحلم فتحت عينيها ودعكتها وقالت

داليا :- مديحه انتى هنا بجد ولا بحلم
الجدة :- ضربتها بخفه على راسها وقالت طيب وكده بتحلمى
داليا :- اترمت فى حضنها وعيطت وقالت مديحه معقوله انتى هنا
الجده :- طبطبت عليها وقالت ليها عملتى كده ليه يا بنتى ده الوعد اللى وعدينى بيه فين وصية بنتى ليكى على ادهم انا زعلانه منك اوى يا داليا
داليا :- بدموع انا تعبت يا مديحه مبقاش عندى طاقه استحمل اللى ادهم بيعملوا فيا ده والله انا خلاص مبقتش عايزه حاجه تانى انا كفايه عليا ده وحطت ايديها على بطنها وقالت هوفر وقتى مجهودى لابنى ده هو العوض اللى ربنا بعته ليا عن كل حاجه حصلت فيا من ادهم
الجده :- بس دى انانيه منك يا بنتى اللى فى بطنك ده حقك وحقه هو كمان عوض ليكى وعوض ليه برضه انتى اكتر واحده عارفه ادهم شاف ايه فى حياته وانتى بكل بساطه جايه عايزه تكررى مع ابنه نفس اللى حصل معاه المفروض تكونى حاسه بأحساس ادهم ايه دلوقتى لما عرف انك حامل وهيبقى اب
داليا :- وقفت وقالت وانا يا مديحه فين من حياته انا شئ مهمش فى حياته ليه الكل شايف أن انا غلطانه كله خايف على احساس ادهم محدش فيهم خايف على احساسى انا ليه مش سهل عليا يا مديحه لما جوزى بيوجع فيا وشايفنى ولا حاجه فى حياته ومجرد بس ما عرف أن انا حامل جاى يطلب منى السماح وان انا ارجع ليه واعيش معاه وجنبه لو كان طلب منى الطلب ده قبل ما يعرف ان انا حامل كنت هبقى طايره من الفرحه وكنت هترمى فى حضنه قبل ما يخلص كلامه كنت هحس بقمتى عنده انما دلوقتى انا ايه فى حياته مجرد رحم شايل ابنه اللى هو هيعوضه عن كل حاجه حصلت فى حياته لاء يا مديحه انا عمرى ما هقبل اكون رحم لادهم
مديحه :- راحت بالكرسى عندها وقالت وليه متقوليش انك انتى النور اللى نور حياته ليه متقوليش انك الدوا اللى عالجه من مرضه داليا يا بنتى ده وقت انك تتنازلى عن عنادك وهو يتنازل عن كبرياءه علشان خاطر الطفل اللى جاى لدنيا ده يتربى ما بينكم سعيد وفرحان المفروض دلوقتى تنسوا نفسكم ومشاكلكم وتفتكروا الفرحه اللى هتيجى تنور دنيتكم
داليا :- سكتت ومردتش عليها
الجدة :- تعالى يا بنتى ربنا يهديكى
داليا :- اجى فين
الجدة :- اطلعى لجوزك بره مستنيكى تسامحيه
داليا :- بصدمه بره
الجده :- ايوه يا بنتى بره
داليا :- بتوتر ل.ل.لا يا مديحه مش هطلع لحد
الجده :- بلاش تنشفى دماغك يا بنتى علشان خاطرى
داليا :- ربعت ايديها على صدرها وقالت خاطرك غالى عليا يا مديحه بس انا مش خارجه لحد
الجده :- زقت الكرسى لحد الباب وفتحت الباب وقالت ادهم تعال
داليا :- بصت بصدمه للجده
ادهم :- جه وبص على داليا وقال ايوه يا مديحه
الجده :- ادخل اتصرف مع مراتك
داليا :- مصدومه من اللى عملته الجده ومش قادره تتكلم
ادهم :- دخل الاوضه عند داليا وخرجت الجده وقفل الباب وراها وراح عند داليا وحط أيده على كتفها وقال واحشتينى
داليا :- بعدت عنه وقالت لو سمحت متلمسنيش
ادهم :- راح وقف قصادها وقال داليا خلاص بقى والله العظيم بحبك
داليا :- والله دلوقتى جاى تعترف ليا بحبك علشان اللى فى بطنى إنما الاول كنت هبوس ايدك علشان ترضى عنى وانت ولا هنا
ادهم :- الظروف هى اللى حكمة عليا بكده يا داليا انا بحبك ومش من دلوقتى لاء من اول لحظه عنينا اتقبلت فيها مكانش عندى الشجاعه اجى واعترف ليكى بالحب ده
داليا :- قطعته وقالت ودلوقتى يعنى جات ليك الشجاعه ولا لما عرفت أن انا حامل جتلك الشجاعه والجرأه اللى تخليك تتكلم
ادهم :- لاء يا داليا انا بتعالج علشان يكون عندى الشجاعه اللى اقدر بيها اكون صريح معاكى واقدر اتكلم واقولك مشاعرى
داليا :- بصت ليه بأستغراب وقالت بتتعالج
ادهم :- اتنهد بوجع وقال ايوه بتعالج يا داليا اللى انا مريت بيه فى حياتى مش سهل وكان لازم أخرج بقى من الحاله دى واعيش حياتى طبيعى زى اى حد وعلشان اكون كده كان لازم اتعالج من كل مشاكلى اللى دمرت نفسيتى وحياتى
داليا :- بصت ليه بدموع ومردتش عليه
ادهم :- مسك وش داليا بين ايديه وبص فى عينيها وقال ساعدينى يا داليا ارجع طبيعى واقدر اعيش زى الناس بقى
داليا :- غمضة عينيها بدموع وقالت ادهم ارجوك
ادهم :- قطعها وقال داليا ارجوكى انا ادينى فرصه اخيره اصلح حياتى واعيش اللى جاى منها سعيد ومش شايل اى هموم فى قلبى
داليا :- بصت فى عيونه ودموعها نزلت منها واترمت فى حضنه وقعدت تعيط
ادهم :- طبطب عليها وقال ششش أهدى يا داليا من هنا ورايح مش عايز دموع ومسك وشها بين ايديه وقرب من شفايفها وبسها برقه
داليا :- حاولت تبعد عنه
ادهم :- خلاص بقى يا داليا وشدها فى حضنه ضمها وباس راسها وقال بحبك
داليا :- مسكت فيه اكتر وقعدت تعيط
ادهم :- بعدها عن حضنه ومسك ايديها وقال يلا بينا نرجع الفيلا
داليا :- بصت على أيده اللى ماسكه ايديها ورجعت بصت ليه وقالت بتوتر ماشى
ادهم :- فتح الباب وسلم على سعيد وعلى اللى قاعدين واخد الجده وداليا وراحوا على الفيلا

*********************

إلي هنا ينتهي الفصل الثامن و الستون من رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد

تابع أيضاً: جميع فصول رواية آدم ولانا بقلم امونه

تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها

اقرأ أيضا: رواية من أجلك فقط بقلم لولو الصياد