قصص رومانسية جريئة ممنوع دخول الأطفال

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة دودو محمد علي موقعنا قصص 26 و موعدنا اليوم مع الفصل التاسع و الستون من  رواية تمرد صحفية بقلم دودو محمد. 

رواية تمرد صحفية بقلم دودو محمد - الفصل التاسع و الستون

اقرأ أيضا: روايات رومانسية

رواية تمرد صحفية بقلم دودو محمد

رواية تمرد صحفية بقلم دودو محمد - الفصل التاسع و الستون

فى شقة علاء

صحى علاء من نومه وكانت منتهى نايمه فى حضنه بص ليها بحب وباس راسها ورجع شعرها لوراه ومشى صوابعه براحه جدآ على دراعها العريان وقال بحب

علاء :- بعشقك يا توته مش قادر اصدق نفسى انك بقيتى مراتى وفى حضنى وقرب من شفايفها وبسها برقه وقال توته قلبى اصحى يلا
منتهى :- وهى مغمضه عينيها سيبنى انام يا علاء بقى
علاء :- مشى أيده على شعرها وقال قومى يا قلبى بقى بلاش دلع
منتهى :- امممم ماشى ماشى شويه وهقوم
علاء :- قام من على السرير ودخل الحمام اخد شاور واتوضى وخرج لبس هدومه وادة فرضه وخرج من الاوضه دخل المطبخ حضر الفطار ليهم هما الاتنين وحطه فى الصينيه ودخل بيه الاوضه حطه على الترابيزه وراح قعد جنب منتهى وقال يلا يا توته اصحى بقى
منتهى :- يووووه بقى يا علاء سبنى انام مش كفايه مسهرنى طول الليل
علاء :- ضحك وقال يعنى انتى كنتى سهرانه معايا غصب عنك مش بمزاجك
منتهى :- بس بقى يا علاء
علاء :- امممم كده ماشى وقعد يزغزغ فيها
منتهى :- بضحك بس يا علاء بس بقى
علاء :- طيب هتقومى
منتهى :- قامت قعدت وقالت يوووه بقى يا علاء انا عايزه انام بقى
علاء :- حضنها وقال نوم ايه بس يا توته انا مش عايز يضيع وقتنا فى النوم عايز استفيد بكل لحظه مع بعض وقام جاب الاكل وحطه قدام منتهى وقال يلا يا قلبى علشان نفطر
منتهى :- بصت ليه بحب وقالت ربنا يخليك ليا
علاء :- مسك ايديها وبسها وقال وميحرمنيش منك يا قلبى وقعدوا ياكلوا وبعد وقت خلصوا اكل وشال علاء الاكل
منتهى :- لسه هتقوم
علاء :- استنى هنا رايحه فين
منتهى :- احم ه.ه.هقوم ليه
علاء :- قرب منها وقال ده فيه موضوع خطير عايزك فيه وقرب من شفايفها وبسها وبعد وقت طويل بعد عنها وبص فى عينيها وقال اجمل ما فى حياتى انتى يا توته ولسه هيقرب منها تانى جرس الباب رن
منتهى :- بعدته عنها وقالت ده مين ده اللى جاى لينا فى وقت زى ده
علاء :- مش عارف
منتهى :- طيب قوم شوف مين
علاء :- قام وراح فتح الباب وقال انت
ابو منتهى :- مبروك يا عريس بنتى مرضناش نيجى ليكم امبارح قولنا نسيبكم براحتكم
علاء :- بص على الأوضه اللى فيها منتهى ورجع بص على ابوها واتنهد وقال اتفضل
ام منتهى :- معلش يا ابنى ان احنا جينا ليكم دلوقتى بس قلبى كان واكلنى على بنتى
علاء :- ولا يهمك اتفضلى ودخلهم قاعدوا فى اوضت الصالون ودخل الاوضه عند منتهى
منتهى :- مين يا علاء
علاء :- ابوكى وامك
منتهى:- اتغاظت والدموع نزلت من عينيها وقالت جاى ليه عايز منى ايه
علاء :- أهدى يا توته مهما حصل ده ابوكى وربنا امرك بالطاعه مهما حصل منهم مدام مش بيأمرك تعصى ربنا
منتهى :- بدموع مش هقدر اسامحه يا علاء انا كنت بالنسبه ليه مجرد سلعه بيبيع ويشترى فيها
علاء :- معلش يا حبيبتى مهما كان ابوكى وجاى يطمن عليكى وفى بيتنا قومى كده وغيرى هدومك وتعالى سلمى عليهم
منتهى :- بصت ليه وقالت حاضر
علاء :- مسح دموعها وباس راسها وخرج وسابها
منتهى :- غيرت هدومها وخرجت من الاوضه وراحت اترمت فى حضن امها وقالت واحشتينى اوى اوى يا ماما
ام منتهى :- وانتى يا بنتى واحشتينى اوى عامله ايه يا قلب امك
منتهى :- الحمدالله يا ماما
ابو منتهى :- عامله ايه يا بت
منتهى :- سلمت عليه وقالت كويسه وقعدت على الكرسى
ابو منتهى :- مش هتجيبى لينا حاجه نشربها ولا ايه
علاء :- قومى يا منتهى هاتى عصير
منتهى :- بشك حاضر يا علاء
ابو منتهى :- قومى يا وليه روحى مع بنتك ساعديها
ام منتهى :- بصت ليه بترجى
ابو منتهى :- متبصيش كتير كده قومى يا وليه
ام منتهى :- وقفت هى وبنتها ودخلوا المطبخ
ابو منتهى :- ها يا جوز بنتى طمنى البت عامله معاك
علاء :- وده يخصك فى ايه
ابو منتهى :- بطمن لو معذباك ولا حاجه قولى وانا اكسر رقابتها
علاء :- بنفاذ صبر ملكش فيه انا ومراتى ده شئ ميخصكش
ابو منتهى :- انت حر اصل انا عارف بنتى رقابتها معوجه ولازم الضرب علشان تظبط
علاء :- اللهم يطولك يا روح يا عم انت مالك بيها هى مش خلاص سابت بيتك وبقت عندى ملكش دعوه بقى اتعامل معاها ازاى
ابو منتهى :- طيب بمناسبة أن انا تعبت فى تربيتها وصرفت عليها كتير على ما كبرتها مفيش اى حاجه منك ليا
علاء :- بصله بغيظ وقال يعنى ايه
ابو منتهى :- يعنى انا صرفت كتير اوى وجوزها اخد اللى ورايا واللى قدامى ومحتاج منك قرشين امشى نفسى بيهم
علاء :- اااااه لاء بص بقى شغل الاستقطاع والنصب ده ميمشيش معايا انا ما صدقة قدرت اخلى منتهى تسامحنى بالعافيه
ابو منتهى :- يا عم وهى هتعرف منين بقولك جوزتها اخدت اللى ورايا واللى قدامى محتاج قرشين منك ضرورى
وفى الوقت ده سمعوا صوت الصينيه بتقع على الأرض بيبصوا لاقوه منتهى واقفه بتبص ليهم والدموع نازله من عينيها والصينينه واقعه على الأرض وقالت
منتهى :- بدموع انت استحاله تكون اب انا بكرهك اطلع بره مش عايزه اشوف وشك هنا تانى وسابتهم وطلعت تجرى على اوضتها
ابو منتهى :- وقف وقال شوف بنت الكلب بتطردنى من بيتها ازاى
علاء :- بغيظ ارجوك كفايه بقى وسابه ودخل يجرى وراه منتهى
ام منتهى :- اقول ايه بس برضه عملت اللى فى دماغك حرام عليك يا اخى سيب البت فى حالها
ابو منتهى :- دى بنت كلب واطيه مطمرش فيها التربيه امشى انا مستحيل ادخل ليها بيت تانى
ام منتهى :- هزت راسها يمين وشمال ومشيت وخرجوا من عند منتهى روحوا بيتهم
علاء :- قعد جنبها على السرير وقال توته أهدى يا حبيبتى انا والله مرضتش اديله فلوس علشان خاطر متزعليش منى تانى
منتهى :- بدموع انا بكرهوا يا علاء بكرهوا ليه بيعمل معايا كده دايمآ بيكسر فرحتى فى قلبى انا تعبت منه ومش عايزه اشوف وشه تانى
علاء :- شدها فى حضنه وقال شششش هو خلاص مشى ومش هيجى هنا تانى أهدى انتى بس ومتخليش حاجه تعكنن عليكى
منتهى :- مسكت اكتر فيه وقعدت تعيط اكتر وبعد وقت سكتت بيبص علاء لاقها نامت فى حضنه نيمها على السرير وحط الغطا عليها وباس راسها وخرج من الاوضه وراح ينضف مكان ما وقعت الصينيه من ايد منتهى
~•~•~•~•~•~•~•~•~•~•~•~•~•~
فى فيلا أكرم

صحى أكرم من نومه على صوت المنبه مد أيده مسك التليفون فصل المنبه وقام قعد حط أيده على وشه واتنهد بتعب وقام دخل الحمام اخد شاور واتوضه وخرج لبس هدومه واده فرضه وفى الوقت ده صحيت فاطمه وقالت

فاطمه :- صباح الخير يا حبيبى
أكرم :- صباح النور يا قلبى ايه صحاكى بدرى كده
فاطمه :- قولت البس واجى معاك المحكمه
أكرم :- تيجى فين لاء طبعآ خليكى انتى علشان متتعبيش
فاطمه :- لاء يا قلبى مش هينفع اسيبك لوحدك فى يوم زى ده
أكرم :- يا حبيبتى متقلقيش عليا بس علشان خاطرى اسمعى الكلام ونامى انتى وريحى ضهرك علشان الحمل
فاطمه :- اتنهدت وقالت حاضر يا اكرم بس ابقى طمنى عليك بالفون ماشى
أكرم :- ماشى يا قلبى وراح باس راسها وقال كل سنه وانتى طيبه عقبال مليون سنه وانتى فى حضنى يارب
فاطمه :- حضنته وقالت وانت طيب يا قلبى ودايمآ منور حياتى
أكرم :- بعد عنها وقال أطير انا بقى احسن كده ممكن اتهور واعمل حاجات كتير كده مش ولا بد وغمز ليها وخرج من الاوضه
فاطمه :- بصت عليه وهو خارج وقالت ربنا يخليك ليا يا اكرم يارب ونامت تانى على السرير
أكرم :- نزل من فوق بص على السفره وقال واحشتينى يا بنت اللذينه يا ايه وابتسم ولسه هيمشى لاقه ابوه بينادى عليه بص ليه وقال بابا صباح الخير
منير :- صباح النور يا ابنى
أكرم :- رايح فين كده
منير :- رايح معاك المحكمه
أكرم :- ليه يا بابا خليك انت هنا وبلاش تتعب نفسك وانا هبقى اطمنك بالفون
منير :- مقدرش يا ابنى اقعد هنا واخوك بيتحاكم وبعدين اخوك واحشنى اوى وعايز اشوفه
أكرم :- اتنهد وقال اللى يريحك يا بابا وخرجوا الاتنين ركبوا العربيه وشغلها أكرم وراحوا المحكمه وهناك قابلوا تامر
تامر :- ازيك يا عمى عامل ايه
منير :- الحمدالله يا ابنى
تامر :- تستاهل الحمد يا عمى وسلم على أكرم وقال مبروك لأختك
أكرم :- الله يبارك فيك يا تامر عقبالك انت ودينا يارب
تامر :- يارب
أكرم :- هو المفروض المحاكمه تبدء امته
تامر :- بص فى ساعته وقال نص ساعه بالكتير
أكرم :- وانت هنا علشان محاكمه مكرم
تامر :- ايوه هقول شهادى فى قتل إنعام وخطف دينا
أكرم :- بزعل ربنا معاك
تامر :- انا اسف يا عمى وانت يا اكرم ده شغلى
منير :- عارفين يا ابنى انت ملكش ذنب انت بتقوم بشغلك وواجبك اتجاه بلدك
أكرم :- انت ذنبك ايه بس الذنب ذنب اخويه اللى سمع كلام شيطانه ومشى وراه
تامر :- ربنا يصلح الحال عن اذنكم
منير :- اتفضل يا ابنى روح شوف شغلك
مشى تامر ودخل أكرم ومنير القاعه وانتظروا وصول مكرم ودخوله القفص وبعد وقت وصل مكرم ودخل القفص وراح عنده أكرم ومنير
منير :- بدموع ازيك يا ابنى عامل ايه
مكرم :- كويس وزى الفل
منير :- ليه يا ابنى عملت فى نفسك وفينا كده ليه
مكرم :- ده على اساس انكم زعلانين عليا اوى مش معاكم ابنكم الحيله ايه نقصكم بقى
أكرم :- ما تتكلم عدل مع ابوك يا بنى أدم انت
مكرم :- والنبى اركن انت على جنب وبلاش تعيش عليا دور العاقل الكبير
أكرم :- انت بجد حيوان معندكش ريحة الدم
منير :- بس بقى يا ولاد بلاش توجعوا قلبى اكتر من كده
مكرم :- ياريت بعد كده بلاش تتعبوا نفسكم وتيجوا ليا تانى اعتبرونى موت ما انا كده كده هتحاكم واتعدم بلاش توجعوا قلبكم معايا
وفى الوقت ده دخل القاضى
اكرم :- بص ليه بغيظ واتنهد واخد ابوه وبدأت المحاكمه وبدأت الشهود يقولوا اقولهم وتامر قال شهاده فى كل اللى شافه على مكرم وبعد وقت انتهت المحاكمه واتأجلت القضيه وراح منير عند مكرم وقال
منير :- خلى بالك على نفسك يا ابنى هتوحشنى يا ضنايا وامك هتجنن عليك
مكرم :- متقلقش عليا انا كويس خد بالك انت من نفسك ومن ماما وبص للعسكرى وقال انا خلصت يلا ومشى مع العسكرى
أكرم :- بصوت واطى غبى غبى ضيع نفسه وضيع الكل معاه وسند ابوه وخرجوا من المحكمه ركبوا العربيه وصل أبوه الفيلا وراح على الشركه
~•~~•~•~•~•~•~•~•~•~•~•~•~
فى بيت سعيد

صحيت داليا من نومها بصت حاوليها بصدمه وقالت
داليا :- ادهم مديحه انتو راحتوا فين
وفى الوقت ده اتفتح باب الاوضه ودخل سعيد وقعد جنبها على السرير واخدها فى حضنه وقال
سعيد:- مالك بس يا حبيبتى وقعد يطبطب عليها
داليا :- بدموع فين ادهم فين مديحه يا بابا هما كانوا هنا و.و.وادهم صالحنى واخدنى معاه
سعيد :- لا حولا ولا قوة الا بالله يا حبيبتى ادهم مجاش ومين مديحه دى
داليا :- مديحه جدته ايوه يا بابا ادهم صالحنى والله صالحنى واخدنى معاه ووعدنى أنه مش هيزعلنى تانى
سعيد :- بزعل على بنته يا حبيبتى انتى كنتى بتحلمى
داليا :- بصدمه بحلم يعنى ادهم مجاش ولا صالحنى طيب ليه يا بابا ليه وقعدت تعيط
سعيد :- ربنا يريح قلبك يا بنتى يا حبيبتى قومى يا بنتى قومى وباس راسها وخرج وسابها
داليا:- بدموع انا تعبت والله العظيم تعبت وقعدت تعيط
خرج سعيد وهو حزين على الحاله اللى وصلت ليها داليا وقابله حمزه وهو داخل الحمام وقال
حمزه :- صباح الخير يا بابا
سعيد :- صباح النور يا ابنى
حمزه :- مالك يا بابا
سعيد :- داليا اختك يا ابنى حالها بقى يصعب على الكافر
حمزه :- ما هى اللى ماسكه فيه يا بابا كام مره نقول ليها سبيه وابعدى عنه هى اللى غاويه وجع القلب ده
سعيد :- اختك حامل يا ابنى مينفعش بعد ما بقى فى بطنها عيل منه تسيبه لازم العيل يتربى ما بين أمه وابوه ملهوش ذنب فى المشاكل اللى ما بينهم دى
حمزه :- ربنا يصلح حالهم عن اذنك يا بابا ودخل الحمام وبعد وقت خرج ودخل الاوضه وقعد على حرف السرير
ميرفت :- صباح الخير يا حمزه
حمزه :- صباح النور يا قلبى
ميرفت :- مالك
حمزه :- داليا يا ميرفت بتتعذب مع ادهم ومش قادر اعملها حاجه حاسس ان انا بقيت سلبى جدآ لا قادر احمى اختى ولا قادر اساعدها تبقى كويسه واخليها سعيده
ميرفت :- متقولش على نفسك كده وبالنسبه لداليا يا حبيبى اى اتنين بيحصل ما بينهم مشاكل وده الطبيعى بس اختك وادهم انا شوفت طريقة المعامله ما بينهم اختك عناديه جدآ وادهم عنده كبرياء فظيع وده اللى تعبهم اوى فى حياتهم
حمزه :- وده يتحل ازاى يا ميرفت انا عايز حل لمشاكلها نفسى داليا ترتاح بقى
ميرفت :- ربنا يصلح حالهم يا حبيبى
حمزه :- يارب يا ميرفت يارب
وقام لبس هدومه واده فرضه ونزل اول يوم ليه فى الشغل
~•~•~•~•~•~•~•~•~•~•~•~•~•
فى فرنسا

كانت نهى نايمه فى حضن رودينا وبتعيط ورودينا بطبطب عليها وقالت

رودينا :- قوليلى عمل فيكى ايه الحيوان ده
نهى :- طلع سألنى اذا كنت قولت ليكى حاجه عن اللى بيحصل بينا ولا لاء وبعد كده بدء يعذب فيا ويعاملنى بقسوه وعمل معايا علاقه بطريقته كنت حاسه ان انا بموت يا رودينا ا.ا.انا مش عايزه ارجعله تانى انا عايزه أطلق منه
فادى :- طيب ما انتى اللى رافضى من الاول ان انا ادخل واطلقك منه
نهى :- كنت غلطانه مفكره نفسى هقدر اقف ليه لوحدى انا مش عايزه اكون معاه تانى
رودينا :- طلقها منه يا فادى كفايه عليها اوى كده اللى حصل فيها منه
فادى :- معنديش اى مشكله وسهل اوى أنها تطلق منه لما تقدم فى السفاره شكوه فيه أنه بيستخدم معها العنف وتقرير المستشفى هيثبت كلامها ده
نهى :- بسرعه ارجوك انا خايفه يخرج من الشرطه ويجى يخدنى غصب عنى
فادى :- لاء متقلقيش هو مش هيخرج خالص اليومين دول هنا الشرطه غير بتاعتنا خالص انا قدمت فيه شكوه مش هيخرج منها غير بعد كام يوم تكونى كويسه بس ونخرج من هنا على السفاره علطول
رودينا :- امال أخته فين مش باينه يعنى
فادى :- كنت شايفها خارجه تجرى من المستشفى
رودينا :- بنت الواطيه خرجت تجرى خافت على نفسها وباعت اخوها هى العيله دى غلط اصلا
نهى :- العيله دى اكبر غلطه فى حياتى والله ودموعها نزلت منها
رودينا :- شششش أهدى وان شاءالله كل حاجه هترجع زى الاول واحسن
نهى :- مفيش حاجه بترجع زى الاول يا رودى انا بالجوازه دى خسرت كتير اوى خسرت نفسى ودى اهم حاجه خسرتها نفسى اتكسرت ضحكتى راحت بقيت بتمنا الموت فى كل لحظه جسمى بقيت قرفانه منه من اللى كان بيعملوا فيا الحيوان ده انا خسرت ثقتى فى كل الناس مبقتش قادره أدى الامان لحد مفيش حاجه هترجع زى الاول يا رودى خلاص واترمت فى حضنها وقعدت تعيط
رودينا :- صعبت عليها نهى وقعدت تطبطب عليها ومش عارفه تقول ليها ايه
فادى :- اتنهد وقال انا هخرج اجيب ليكم اكل وخرج وسابهم
وفى الوقت ده دخلت الممرضه وقالت
الممرضه :- مدام نهى انتى حامل طالع لينا فى الدم انك لسه حامل فى يومين
نهى :- اتصدمت وقالت حامل
رودينا :- استنى هنا حامل ازاى حضرتك وهى لسه اول اسبوع ليها
الممرضه :- عادى جدآ ممكن أن هى اتجوزت فى أيام التبويض وحصل حمل فى أول ليله حصل ما بينهم جماع وعلشان كده ظهر فى الدم أنها حامل
رودينا :- طيب لو كلامك صح ازاى ظهر الحمل مش لازم يجى ميعاد البريود
الممرضه :- لاء مش لازم فى فرنسا الاجهزه حديثه بيظهر فيها الحمل من اول لحظه بيحصل فيها تلقيح للبويضه وبيظهر الحمل
رودينا :- لالالا مش مقتنعه من الكلام ده الموضوع ده فيه حاجه غلط
الممرضه :- والله التحاليل اهى وظاهر فيها أن المدام حامل عن اذنكم
نهى :- مسكت ايد رودينا بخوف وقالت انا ازاى حامل من الحيوان ده ازاى
رودينا :- يا بنتى اسمعينى احساسى بيقولى فيه حاجه غلط فى الموضوع ده ازاى حامل فى أسبوع جواز وازاى منزلش الحمل أثناء علاقته العنيفه ليكى انا حاسه ان دى لعبه ووراها اخت الزفت ده لما يجى فادى نشوف ايه اللى هيحصل
نهى :- وافرضى طلعت حامل بجد ايه العمل يا رودى
رودينا :- هتبقى مصيبه كبيره يا نهى ربنا يستر بقى
نهى :- يا ربى بقى انا مش عايزه حاجه تربطنى بيه تانى
رودينا :- أهدى بس وان شاءالله هيطلع احساسى صح
نهى :- اترمت فى حضن رودينا وقعدت تعيط بحرقه والم على كل اللى بيحصل فيها ده
~•~•~•~•~•~•~•~•~•~•~•~•~•
فى اسكندريه

فى شركة ادهم

وصل اكرم الشركه وهو حزين على اللى اخوه وصل ليه ودخل مكتب ادهم وقعد على الكرسى وقال

أكرم :- السلام عليكم
ادهم :- وعليكم السلام عملت ايه
أكرم :- اتأجلت
ادهم :- روق يا اكرم متزعلش نفسك يستاهل اللى بيحصل فيه ده كله
أكرم :- عارف والله بس كل اللي وجعنى تعب امى وابويه بسببه وهو ولا هنا مش قادر حتى يقول كلمتين لابوه يصبروا على اللى هو فيه ده
ادهم :- ده اصلا بنى أدم غبى معندهوش ريحة الدم
أكرم :- ربنا يهديه لنفسه بقى المهم عملت ايه مع داليا
ادهم :- ولا حاجه مديحه مستنيها تهدا يومين ولا حاجه وتروح تكلمها
أكرم :- مديحه مين
ادهم :- جدتى
أكرم :- جدتك ازاى مش فاهم دى ظهرت امته دى
ادهم :- ظهرت من زمان اوى فى حياتى بس كنت مخبيها عن الكل
أكرم :- وتخبيها حتى عنى انا يا ادهم طيب ليه
ادهم :- ده حكايه طويله يا اكرم ابقى احكيها ليك بعدين
أكرم :- بقيت مش فاهمك يا صاحبى
ادهم :- ولا انا فاهم نفسى يا اكرم
أكرم :- كفايه بقى يا ادهم عنادك ده وكبريائك اللى ضيع منك كتير وهيضيع منك تانى لو متنازلتش عنه
ادهم :- انا مستعد استغنا عن كل حاجه فى الدنيا الا ابنى يا اكرم
أكرم :- بذمتك انت عندك دم
ادهم :- ليه
أكرم :- يعنى بدل ما تقول مستحيل اتنازل عن داليا بتقول مستحيل اتنازل عن ابنى ليها حق والله مترجعش ليك هى شايفه أنها مش مهمه فى حياتك يوم ما فكرت تبقى كويس معاها قررت تبقى كده علشان اللى فى بطنها مش علشانها هى
ادهم :- بس انا بحبها يا اكرم
أكرم :- عارف ومتأكد انك بتحبها بس كبريائك كان منعك من انك تعترف بده وجاى بكل برود بعد ما عرفت انها حامل تتنازل عن كبريائك ده وتقولها ارجعيلى انا لو مكانها اقسم بالله ما هبص فى وشك تانى ده انت طلعت عينها يا اخى من يوم ما دخلت حياتها كفايه تعذيب فيها بقى ارحمها عايزها اتعب بقى شويه لحد ما ترجعها ليك من تانى اتعب واتعذب زى ما تعبتها وعذبتها حاول انت معاها مش تقول مديحه هتروح ليها اتنازل شويه عن كبريائك ده يا اخى
ادهم :- تعب تانى يا اكرم انا روحى اشتكت من كتر التعب والتعذيب فيها طول سنين عمرى
أكرم :- وذنبها ايه داليا تطلع عقدك فيها ذنبها أنها حبيبتك بجد من قلبها اوقات كتير بحمل نفسى ذنبها علشان انا اول واحد طلبت منها أنها تقف جنبك وتساعدك ارحمها شويه بقى يا اخى كفايه عليها لحد كده لو على ابنك اصبر لما يتولد وابقى خده وسيبها هى تعيش حياتها مع حد يستاهلها بجد
ادهم :- اتغاظ وقال داليا ليا انا يا اكرم ومش هسمح لاى حد يقرب منها
أكرم :- والله دلوقتى ليك واتحمقت اوى علشانها امال بقى هتعمل ايه لو زهقت منك بجد وهى اللى قالت ليك الكلام ده بنفسها فوق يا صاحبى من كتر ما انت ضامن وجودها جنبك وفى حياتك بتعذب فيها براحتك ومتأكد أنها هتستحمل ومش هتبعد عنك علشان بتحبك بس فى يوم هتصحى مش هتلاقيها موجوده فى حياتك نهائى وراحت لغيرك ربنا يهديك عليها يا ادهم عن اذنك وخرج وسابه
ادهم :- بص على أكرم وهو خارج واتنهد وقال مستحيل داليا تكون لغيرى داليا ليا انا وبس ورجع بضهره وراه وقعد يفكر فى كلام أكرم ليه
~•~•~•~•~•~•~•~•~•~•~•~•~•
عند ايه وممدوح

خرجوا الاتنين مع بعض من الفندق وراحوا يتغدوا بره ركبوا العربيه ومشى بيها على المطعم وبعد وقت وصلوا نزل ممدوح من العربيه وراح فتح الباب لايه ومد أيده ونزلها ودخلوا المطعم وطلب ممدوح الاكل وقعدوا ياكلوا بس جت واحده وقالت

البنت :- ممدوح عسلامه خى توحشتك برشا وسلمت عليه وباسته
ممدوح :- بصلها بصدمه وقال لينا ع ع.عامله ايه
لينا :- نحمدالله خى شنى احوالك
ممدوح :- الحمدالله ا.ا.انتى بتعملى ايه فى مصر
لينا :- وحشتنى مصر برشا
ممدوح :- اه يعنى انتى هنا سياحه
لينا :- ايى هكه
ممدوح :- نورتى مصر
ايه :- طيب مش هتعرفنى على المزه ولا ايه
ممدوح :- دى لينا عميله عندنا فى الشركه من أكبر العملاء هناك
ايه :- امممم قولتلى ازيك يا مزه
لينا :- بأستغراب شكون معايا
ايه :- اللى هو ازاى يعنى
ممدوح :- بتقولك مين معايا
ايه :- اااااه انا مراته يا حلوه
لينا :- كيفاش
ايه :- هو مين اللى فاش
ممدوح :- احم بتسأل ازاى
ايه :- زى الناس يا حبيبتى قضاء الله وقدره بقى نعمل ايه
ممدوح :- احم احنا لسه عرسان فى شهر العسل
لينا :- مزيانه برشا
ايه :- لاء مش أسمى كده انا أسمى ايه اسم الله على مقامك
ممدوح :- احم انا سعيد جدا بمقابلتك يا لينا هكلمك فون أن شاءالله
لينا :- نستى فيك وقربت منه باسته من خده وقالت باى ومشيت وسابتهم
ممدوح :- اتوتر وقال احم ل.ل.لينا عرفتك بيها من أكبر العملاء عندنا فى تونس
ايه :- اممم حلوه
ممدوح :- انا مالى إذا كانت حلوه ولا وحشه
ايه :- والله بس شايفه أن الود ما بينكم كبير لدرجة أنها بتبوسك عادى
ممدوح :- ل.ل.لا هى عندها طريقة السلام كده
ايه :- يا سلااااام حلوه الطريقه دى ابقى انا كمان اجربها
ممدوح :- والله هتستعبطى
ايه :- بغيظ واللى حصل ده مش استعباط
ممدوح :- يا بنتى والله العظيم انا مليش علاقه بيها خالص بره الشغل
ايه :- شكلى لسه هتفاجئ بحاجات كتير فى الايام الجايه
ممدوح :- ايه خليكى اعقل من كده قولتلك مفيش ما بينا حاجه اكتر من الشغل
ايه :- طيب يا حبيبى انا عاقله اهو ممكن بقى نمشى
ممدوح :- مسك ايديها وقال يوكا بلاش ننكد على بعض فى احلى ايام عمرنا والله العظيم اللى بينا شغل وبس
ايه :- ولما هو شغل بس ليه اتوترت اول ما شوفتها
ممدوح:- علشان عارف طريقة سلامها ازاى وخوفت احسن ما تزعلى منى بس مش اكتر والله
ايه :- ولما انت عارف طريقة سلامها هضيقنى يبقى بتسلم عليها ليه كده
ممدوح :- لان انا اعرفها من قبل ما اعرفك وعلطول بتسلم عليا كده واول مره اقابلها من ساعة ما عرفتك
ايه :- كنت تقدر تمنعها تسلم عليك كده دلوقتى لو انت خايف صح على مشاعرى
ممدوح :- باس ايديها وقال حقك عليا اوعدك أن انا مش هخليها تبوسنى تانى
ايه :- ماشى يا ممدوح عايزه اروح بقى
ممدوح :- لاء مش هنروح احنا لسه ورانا حاجات كتير هنعملها بعد الاكل
ايه :- مردتش عليه
ممدوح :- ايه يوكا روح قلبى خلاص بقى فكيها طيب اطلب ليكى اكل تانى
ايه :- بصت ليه وقالت مش عايزه
ممدوح :- ايه اللى حصل فى الدنيا يا ناس اول مره تقولى لاء على الاكل انا لازم ابخرك بقى
ايه :- دمك تقيل على فكره
ممدوح :- انبى عسل ايوووووووش
ايه :- طيب ايه رأيك بالعند فيك هتطلب ليا اكل تانى
ممدوح :- عيونى علشانك وربنا بحبك وطلب ليها اكل واكلت تانى ايه واخدها وراح الملاهى وقضوا وقت سعيد مع بعض ورجعوا تانى على الفندق

*********************

إلي هنا ينتهي الفصل التاسع و الستون من رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد

تابع أيضاً: جميع فصول رواية آدم ولانا بقلم امونه

تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها

اقرأ أيضا: رواية من أجلك فقط بقلم لولو الصياد