قصص رومانسية جريئة ممنوع دخول الأطفال

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة دودو محمد علي موقعنا قصص 26 و موعدنا اليوم مع الفصل الحادى والسبعون من  رواية تمرد صحفية بقلم دودو محمد. 

رواية تمرد صحفية بقلم دودو محمد - الفصل الحادى والسبعون

اقرأ أيضا: روايات رومانسية

رواية تمرد صحفية بقلم دودو محمد

رواية تمرد صحفية بقلم دودو محمد - الفصل الحادى والسبعون

فى فيلا ادهم

بدأت الناس تتجمع ووصل تامر وأمه وابوه ومعاهم المأذون وقعدوا فى انتظار نزول دينا ليهم

فى اوضت دينا جهزت وكانت فى قمة الجمال والرقه دخلت سندس وقالت

سندس :- ايه ده ايه ده بس الجمال ده كله قمر يا ناس
دينا :- اهو انتى اللى قمر عقبالك يا رب يا حبيبتى
سندس :- لااااا انا لسه قدامى مشوار طويل لسه هدخل الكليه اللى بحلم بيها وبعد كده بقى هبقى افكر فى الجواز
دينا :- ان شاءالله تدخلى طب وتبقى دكتوره قد الدنيا
سندس :- يارب وفى الوقت ده دخلت داليا وقالت
داليا :- الله اكبر اللهم صلى على النبى ربنا يحميكى ويحرسك من شر العين يا رب
دينا :- بجد يا داليا يعنى طالعه حلوه
داليا :- حلوه بس ده انتى قمر يا بت
دينا :- اتنهدت وقالت حاسه ان انا قلبى هيوقف عليا من التوتر
داليا :- اجمد يا بطل دى الليله ليلتك
دينا :- انتى بتخوفينى انتى كمان
داليا :- انا مش محتاجه اتكلم عم تامر الرومانسي هيضيع ليكى اى توتر وخوف وهييبييح بقى
سندس :- احم احم نحنو هنا يا حاجه
داليا :- ضحكة وقالت عقبالك يا مرات اخويه فى المستقبل يا غاليه
سندس :- بكسوف ه.ه.هروح اشوف العريس جه ولا لاء وخرجت تجرى
دينا :- يخربيت كده كسفتيها هههههه
داليا :- بذمتك ده جيل بيتكسف
دينا :- الصراحه لاء
وفى الوقت ده دخل ادهم واول ما داليا شافته اتوترت
ادهم :- خلاص يا حبيبتى
دينا :- خلاص يا ادهم
ادهم :- قرب منها وقال ماشاءالله عليكى طالعه زى القمر
دينا :- ربنا يخليك ليا وتفضل فى ضهرى وسندى انا لحد دلوقتى مش قادره اشوفك غير اخويه حتى بعد ما عرفت انك من أب وأم تانيين بس الاخوه مش لازم يكونوا دم واحد الاخوه اللى بجد السند والحمايه للواحد وانت طول عمرك كنت نعم الاخ ونعم السند ليا
ادهم :- انتى اختى يا دينا وسندس وعلاء وفادى هنفضل اخوات مهما حصل وهفضل احميكم لحد اخر يوم فى عمرى
داليا :- كانت بتبص لادهم بحب وفرحانه جدآ بحنيته على اخواته
ادهم :- يلا يا حبيبتى عريسك جه تحت ومستنيكى
دينا :- بتوتر ا.ا انا خايفه اوى
ادهم :- متخافيش تامر بيحبك بجد وانا مطمن عليكى معاه هو راجل ويعتمد عليه بجد ربنا يسعدكم يارب
دينا :- يارب وبعدين بصت لادهم وقالت طيب خليك انت هنا ثوانى وانا هروح الاول اوضت مديحه قبل ما انزل
ادهم :- فهم دينا وقال ماشى
داليا :- اتوترت وقالت ا.ا استنى جايه معاكى
دينا :- لاء انا هروح عند مديحه لوحدى عايزه اقولها حاجه وخرجت وسابتهم
داليا :- بصت لادهم بتوتر ولسه هتمشى
ادهم :- وقف قصادها وقال ايه الحلاوه دى
داليا :- بتوتر ش.ش.شكرآ عن اذنك ولسه هتمشى
ادهم :- مسكها من دراعها وقال داليا خلاص بقى انسى
داليا :- سحبت دراعها من أيده وقالت انسى ايه بالظبط انسى وجعك ليا ولا انسى كسرتك ليا فى اسعد لحظاتى ولا انسى أن انا ولا حاجه بالنسبه ليا ولا انسى ان انا دلوقتى ليك مجرد رحم شايل ابنك وخلاص انسى ليك ايه ولا ايه
ادهم :- لاء يا داليا انتى اهم عندى من الدنيا بحالها عدم وجودك فى حياتى فارق معايا كتير حاسس ان دنيتى فيها حاجه نقصه من غيرك اه فرحان باللى فى بطنك بس علشان حته منك داليا انتى متأكده أن انا بحبك بس وسكت
داليا :- سكت ليه كمل هتقول بس كبريائى منعنى اعترف بده صح اسفه يا ادهم الحب ميعرفش الكبرياء لو بتحب بجد كنت هتتخلى عن كل حاجه مقابل ما تكون مع اللى بتحبه
ادهم :- داليا انتى بتتكلمى عنى وناسيه نفسك برضه ما انتى عنادك رافضه تتنازله عنه
داليا :- بس سبق وقدمت ليك تنازلات كتير اوى مقابل ما اكسب قربك وحبك قولى انت بقى اتنازلت علشانى فى ايه بص يا ادهم لو انت عايزنى بجد لازم تتخلى عن كبريائك ده عن اذنك وخرجت وسابته
ادهم :- ااتنهد ومشى أيده على شعره وقال كفايه عناد بقى يا داليا كفايه وخرج وراها وراح اخد دينا من اوضت مديحه ونزل بيها وقعدت فى المكان المحدد ليها وراح ادهم قعد قصاد تامر وحط أيده فى ايد تامر وبدأوا يقولوا وراه المأذون وقال المأذون
المأذون:- بارك لكما وبارك عليكما وجمع بينكما في خير زواج مبارك أن شاءالله
علاء :- اخد الورق ومضى دينا عليه وباس راسها وبارك ليها وراح عند تامر وبارك ليه
ادهم :- سلم على تامر وبارك ليه وقال خد بالك منها واياك تزعلها
تامر :- دينا فى عينيا
فادى :- مبروك يا تامر بس خلى بالك اوعى تزعلها دى بنتنا قبل ما تكون اختنا
تامر :- انتو عارفين ومتأكدين أن انا بعشق دينا ومقدرش عمرى ازعلها
علاء :- ربنا يسعدكم ويهنيكم يارب
حمزه :- مبروك يا صاحبى ربنا يهنيك يارب
تامر :- الله يبارك فيك يا صاحبى
والكل بارك ليه وبارك لدينا راح تامر عند دينا وباس راسها وقال مبروك يا قلبى اخيرآ بقيتى مراتى حلالى
دينا :- بكسوف الله يبارك فيك
وقعدوا الاتنين جنب بعض
وفى الوقت ده وصل اكرم وفاطمه
أكرم :- مبروك يا تامر مبروك يا دينا والله كبرتى وبقيتى عروسه الله يرحم ايام ما كنت بجى الفيلا عند ادهم وانتى كنتى بطلعى عينينا بشقاوتك
تامر:- الله يبارك فيك يا اكرم
دينا :- الله يبارك فيك يا كرومه ما انت اخويه التانى زى ادهم بالظبط ربنا يخليكم ليا وميحرمنيش منكم أبدآ
فاطمه :- مبروك يا دينا
دينا :- الله يبارك فيكى يا طمطم
فاطمه :- مبروك يا تامر
تامر :- الله يبارك فيكى يارب
ومشوا الاتنين وقعدوا على الكرسى جنب ادهم
أكرم :- ايه يا دومى الجبل لسه متهزش
ادهم :- اتلم يا خفه
أكرم :- وربنا هتعيش وتموت صنم
ادهم :- قرب منه وقال احترم نفسك بدل ما اقل منك قدام مراتك
أكرم :- احم وانت عامل ايه بقى
ادهم :- كويس يا اخويه
فاطمه :- اول ما شافت داليا راحت تجرى عليها
أكرم :- يا بنت المجنونه نسيت انها حامل
فاطمه :- داليا يا جزمه واحشتينى يا بت
داليا :- حضنتها وقالت انتى اكتر يا كلبه هو كل اللى بيحمل بيقطع علاقته بأصحابه كده
فاطمه :- ده على اساس ان انتى اللى بتسألى عليا
داليا :- ما انا حامل برضه علشان كده مش بعرفك
فاطمه :- وحياة امك
داليا :- وحياتك عندى يا طمطم يا غاليه
فاطمه :- والزفته التانيه فين
منتهى :- انا هووووو واحشتونى يا بنات وسلمت على الاتنين
فاطمه :- يا كلبه بلدى برن عليكى مش بتردى ليه
منتهى :- احم ما انتى بترنى فى أوقات غلط
فاطمه :- والله وهو انتو اوقاتكم كلها غلط
منتهى :- الله مش عرسان جداد
فاطمه :- هو ايه اللى عرسان جداد انتو بقالكم اكتر من شهر
منتهى :- علاء مش محسسنى بالفرق كل يوم بيخلينى فيه عروسه جديده
داليا :- هييييح الله يرحم يوم الفرح مش عايزه اتجوز علاء يا داليا اسفوخس عليكى معندكيش مبدأ
منتهى :- بحبه الله
فاطمه :- تصدقى انتى فقعتهالى
منتهى:- هى ايه يا طمطم
فاطمه :- المراره يا روح طمطم
داليا :- هههههههه والله العظيم واحشتنى لمتنا بتاعت زمان
منتهى :- وانا والله العظيم فين ايام ما كنا بنتجمع مع بعض ومش بنفارق بعض غير وقت النوم بس
فاطمه :- لما جم ولاد المضايقه فرقونا عن بعض
منتهى :- لاء يا طمطم علاء مش ابن المضايقه علاء حبيب قلبى
فاطمه :- ما توقفى على بعضك يا بت ده ايه السهوكه اللى بقت فيكى بعد الجواز دى
داليا :- الله يسهلوا يا عم تلاقيها غرقانه فى حبه ليل ونهار
فاطمه :- بأستغراب علاء هو علاء اصلا بيعرف يبوس ده تلاقيه بيستنا لما يشوف الرؤيه الشرعيه الاول
منتهى :- اسكتى ما انتى متعرفيش حاجه ده طلع رومانسى اوى والله
داليا :- مين الشيخ علاء
منتهى :- اه والله العظيم رومانسى وشقى اوى
فاطمه :- له فى ذالك حكم امشوا تعالوا نقعد احسن الحمل كاسر ضهرى
منتهى :- تعالوا نقعد هناك عند أكرم وادهم وعلاء وفادى
داليا :- ها ل.ل لا روحوا انتو
فاطمه :- يخربيتكم هو انتو لسه مش بتكلموا بعض
داليا :- ايوه لسه
منتهى :- كفايه عناد بقى انتى وهو من يوم ما اتقابلتوا وانتو عاملين شبه القط والفار
داليا :- هو اللى بنى أدم مغرور ومتكبر
فاطمه :- ده على اساس انك مكنتيش تعرفى ده من الاول
داليا:- كنت مفكره نفسى هقدر اغيره مع الايام
منتهى :- ما هو طول ما انتى منتظره يتنازل وياخد خطوه ويجيلك وهو نفس الحكايه منتظرك تخدى خطوه وتروحى ليه هتفضلوا كده بعاد عن بعض لازم حد فيكم يتنازل وياخد الخطوه دى الاول
فاطمه :- توته عندها حق يا داليا لازم حد فيكم يتنازل شويه بقى علشان تقدروا تعيشوا مع بعض وتربوا ابنكم سوا
داليا :- يا بنات انا اتنازلت كتير اوى من يوم ما عرفته لازم هو المرادى اللى يتنازل علشانى بقى
فاطمه :- ربنا يهدى سركم امشوا بقى مش قادره اقف
داليا :- روحوا انتوا
فاطمه :- مسكتها من ايديها وقالت تعالى يا اختى بقى بلاش وجع قلب وراحوا التلاته قعدوا على الترابيزه
ادهم :- كان متابع كل خطوه بتعملها داليا
منتهى :- امال فين مراتك يا فادى
فادى :- رودينا حامل وتعبانه شويه مرضتش اجبها علشان متتعبش اكتر
منتهى :- بجد مبروك ربنا يكملها على خير يارب
فادى :- عقبالك يا رب يا منتهى
منتهى :- ربنا يخليك
فاطمه :- كده ناقص توته ونبقى كلنا حوامل هههههههه
أكرم :- بس اكيد كلهم مش هيبقوا فى جنانك يا حبيبتى
فاطمه :- بغيظ والله
منتهى :- فى دى عندك حق يا اكرم فاطمه اكتر واحده مجنونه فينا
أكرم :- لااااااا دى بعد الحمل الجنان تضاعف عندها
منتهى :- حظك بقى فاكر لما كنت كل ما بتيجى تيجى على كلمة انا عايزه عريس
أكرم :- انا قولت من الاول مش مرتاح للاشاره دى محدش صدق
فاطمه:- نتلم بقى ولا ايه
أكرم :- احم بس احلى مجنونه طبعآ
فادى :- احلى حاجه بتعجبنى فيك شخصيتك القويه يا اكرم هههههههه
الكل :- ضحك على كلمة فادى
أكرم :- اكيد طبعآ طول عمرى راجل في بيتى
ادهم :- تقصد تقول رجل كنبه فى بيتك
أكرم :- والله جات ليك الفوقه دلوقتى
فاطمه :- مقولتش حاجه انا صاحبك اللى قال هههههههه
أكرم :- داس على شفته بأسنانه وقال انتى ده انتى هتتقطعى فى البيت
فاطمه :- وانا مالى بس يا لمبى هههههههه
الكل :- ههههههههههه
ادهم :- بص لداليا بحب واتنهد وقال ساكته ليه يا داليا
داليا :- هقول ايه يعنى
فاطمه :- ولا حاجه احنا قولنا بس انك بلعتى لسانك ولا حاجه
داليا :- داست على رجل فاطمه من تحت الترابيزه علشان تسكت
فاطمه :- ااااه يا بنت ال
أكرم :- مالك يا حبيبتى
فاطمه :- ها م.م.مفيش اتخبط فى رجلى
أكرم :- باس ايديها وقال سلامتك يا حبيبتى
فاطمه :- الله يسلمك
منتهى :- الواضح أن مش احنا بس اللى بنفقع المراره يا داليا
داليا :- اكتفت بالابتسامه وبس
وفى الوقت ده سمعوا صوت الدجى وهو بيطلب من الكابلز يشاركوا العرسان الرقصه
فاطمه :- شدت أكرم من أيده وقالت الله تعال نرقص يا اكرم
أكرم :- طيب طيب براحه هتوقعينى
فاطمه :- يلا بقى وراحوا يرقصوا
منتهى :- وانا يا علاء عايزه ارقص
علاء :- لاء يا توته مفيش رقص
منتهى :- ليه بس
علاء :- تعالى يا توته عايزك واخدها ودخل الفيلا
فادى :- احم طيب عن اذنكم هروح اعمل مكالمه فى الفون ومشى وساب داليا وادهم
ادهم :- داليا
داليا :- لسه هتقوم من على الترابيزه
ادهم :- مسك ايديها يمنعها من أنها تقوم وقال رايحه فين
داليا :- سيب ايدى يا ادهم
ادهم :- تعالى نرقص طيب
داليا :- لاء مش عايزه ارقص سيب ايدى بقولك
ادهم :- دااااااليا كفايه عناد بقى
داليا :- يا عم انا عناديه سبنى فى حالى بقى وقامت وسابته
ادهم :- نفخ بغيظ واتنهد وقام وراها

عند تامر ودينا

كانوا بيرقصوا وهما فرحانين وقال ليها

تامر :- على فكره انتى طالعه زى القمر النهارده
دينا :- بصت ليه بكسوف وقالت ش.ش.شكرآ
تامر :- شكرآ هو انا بعزم عليكى بأكل انا بقولك انتى حلوه اوى النهارده
دينا :- ي.ي.يعنى عايز اقولك ايه
تامر :- تقوليلى مثلا وانت كمان طالع جميل أو حتى ربنا يخليك يا حبيبى
دينا :- احم و.و وانت كمان طالع جميل
تامر :- لاء بقى انا عايز التانيه ربنا يخليك ليا يا حبيبى
دينا :- بكسوف خ.خ.خالص يا تامر بقى
تامر :- مكسوووووفه امال هتعملى ايه فى اللى هيحصل كمان شويه ده
دينا :- بعدم فهم ايه اللى هيحصل
تامر :- بغمزه هتتقطعى
دينا :- خدودها احمرت وقالت بكسوف والله العظيم ا.ا انت قليل الادب
تامر :- ايووووه دى كلمة قليل الادب دى شويه على اللى هيحصل النهارده
دينا :- تامر بس بجد والله
تامر :- هههههههه خلاص خلاص وشدها فى حضنه وقال نفسى تقوليلى بحبك بقى
دينا :- بصوت واطى جدآ بحبك
تامر :- انتى قولتى حاجه
دينا :- احم ب.ب.بحبك
تامر :- مش قادر اسمعك من الاغانى بتقولى ايه
دينا :- بصوت اعلى بحبك
تامر :- شالها ولف بيها وقال وانا بعشقككككك
دينا :- بكسوف تامر
تامر :- نزلها وضمها فى حضنه وقال بحبك اوى اوى يا دينا وكملوا رقص وهما فى حضن بعض

فاطمه واكرم

وهما بيرقصوا

فاطمه :- فاكر يا كرومتى يوم فرحنا
أكرم :- لاء مش فاكر
فاطمه :- والله هتستعبط
أكرم :- يا طمطم انا ما بصدق انسى غلطة عمرى دى وانتى بتفكرينى
فاطمه :- بصدمه جوازك منى غلطة عمرك
أكرم :- وهو بيكتم ضحكته للاسف يا طمطم
فاطمه :- ماشى يا اكرم تقدر تصلح الغلطه دى ولسه هتمشى
أكرم :- شدها فى حضنه وقال هههههه بهزر معاكى يا بنت المجنونه ده انتى اجمل حاجه حصلت فى حياتى والله العظيم بحبك ومش مجرد حب كده وخلاص لاء ده حب بجنون كمان
فاطمه :- هزارك رخم اوى يا اكرم والله زعلت منك بجد
أكرم :- يا عبيطه لازم تثقى فى حبى ليكى مهما اتقال ليكى تكونى متأكده أن انا بعشق امك
فاطمه :- بموت فيك يا اكرم بحبك اوى اووووى ووحطت راسها عند صدره بحب وقالت ربنا يخليك ليا وميحرمنيش منك أبدآ يارب
أكرم :- باس راسها وقال ولا منك يا اجمل ما خلق ربى وكملوا رقص

عند منتهى وعلاء

دخل علاء وهو ماسك ايد منتهى وهو متعصب وقال

علاء :- فيه ايه بقى
منتهى :- فيه ايه انت ايه معصبك كده كل ده علشان طلبت منك نرقص سلو مع بعض وفيها ايه بس ما كله بيرقص عادى
علاء:- ومش على كده بس فيه ايه هزارك ده مع أكرم والضحك بطريقه مستفزه
منتهى :- فيها ايه يا علاء أكرم محترم وانا اعرفه قبل ما حتى اعرفك انت وبعدين هزارنا كان فى حدود الأدب محدش فينا اتخطى حدوده
علاء :- مفيش حاجه اسمها وفيها ايه ده راجل غريب ومينفعش الكلام والهزار معاه بالطريقه دى حرام يا منتهى انك تهزرى مع راجل كده وبعدين انا بغير عليكى مش عايزك تكلمى اى راجل فاهمه
منتهى :- لاء يا علاء مش فاهمه انت لازم تكون واثق فيا وانا عارفه ايه حدودى كويس اوى والحمد الله عارفه دينى وعارفه الحلال والحرام
علاء :- انا واثق فيكى يا توته بس مش حابب طريقة كلامك وضحكك مع أكرم دى
منتهى :- بص يا علاء أكرم يعتبر جوز اختى اللى هى فاطمه وانا لما بتكلم معاه ده علشان انا عارفه أكرم ايه كويس اوى وانا وداليا وفاطمه اخوات وعلشان كده بنعتبر بعض واحد لما كلنا بنهزر مع بعض بالطريقه دى فياريت تتقبل الوضع لان عمرنا ما هنبعد عن بعض مهما حصل وهنفضل كلنا عيله واحده عن اذنك ودخلت وسابته
علاء :- اتنهد وطلع يجرى وراها وقال توته استنى
منتهى :- نعم
علاء :- توته انتى عارفه انا بحبك قد ايه وبغير عليكى ازاى وفى نفس الوقت مش بحب ترتكبى ذنوب صغيره انتى مش واخده بالك منها وانا من واجبى گ جوزك لازم انبهك للأخطاء دى متزعليش منتهى :- اتنهدت وقالت يا علاء بلاش تعاملنى كأنى طفله صغيره طايشه مش عارفه الصح من الغلط
علاء :- حاضر خلاص بقى روقى
منتهى :- ابتسمت ليه وقالت خلاص مش زعلانه بس ممكن تيجى نرقص مع بعض سلو
علاء :- علشان خاطرى بلاش انا قاعد هنا بالعافيه علشان مش عايز اخلى دينا تحس انها وحيده بس اكتر من كده مش هقدر
منتهى :- هوف ماشى يا علاء وراحت قاعدت على الترابيزه
علاء :- هز راسه يمين وشمال وراح قعد جنبها على الترابيزه

عند فادى

اتصل برودينا وانتظر ردها وبعد وقت قال

فادى :- رودى يا قلبى عامله ايه
رودينا :- الحمدالله يا حبيبى ايه اخبار الفرح
فادى :- حلو بس كان ناقص وجودك فيه
رودينا :- مش انت اللى مرضتش تخلينى احضر الفرح
فادى :- مش عايزك تعملى مجهود يا قلبى وكل اللى هنا فرح ليكى لما عرفوا انك حامل ومحدش فيهم زعل من قلة وجودك وادوكى عذرك
رودينا :- ربنا يسعدها يارب ويهنيها
فادى :- نهى عامله ايه دلوقتى
رودينا :- اهى قاعده جنبى وبناكل بيتزا وبنشرب بيبسى
فادى :- بألف هنا وشفا يا روحى يلا اسيبك تاكلى
رودينا :- اوك يا قلبى باى
فادى :- قفل السكه مع رودينا وحط أيده على وشه وقال ايه الحكايه يا فادى واتنهد بقلق وراح قعد على الترابيزه

عند سندس ومؤمن

كانت سندس قاعده على الترابيزه وبتبص حاوليها وبدور على مؤمن وسمعت صوت مؤمن وراه ودنها بيقول

مؤمن :- واحشتينى
سندس :- بصت ليه وقالت مؤمن ايه اخرك كده
مؤمن :- حلاق الكلاب اللى كنت عنده هو اللى اخرنى
سندس :- حلاق
مؤمن :- اه والله تحس ان عنده مرض كلابى قاعد تحت أيده وبقراه الفاتحه على روحى لسلاحه يتهور ويطير راقبتى
سندس :- هههههههه والله العظيم انت مشكله
مؤمن :- غمز ليها وقال بس ايه الحلاوه دى يا بت هو فيه كده بس
سندس :- بكسوف ش.ش.شكرآ
مؤمن :- طيب ايه مفيش اى ملاحظات على هدومى على الحلاقه الكلابى دى ولا اى حاجه خالص
سندس :- هههههه حلوه الحلاقه الكلابى دى ابقى احلقها علطول
مؤمن :- انا ادخل عند الحلاق ده تانى مستحيل اقسم بالله
سندس :- هههههههه هموت حرام عليك
مؤمن :- بعد الشر عليك يا قمر انشالله حلاق الكلاب اللى كنت عنده ده
سندس :- يخربيت كده يا ابنى اهدا قلبى هيوقف عليا من كتر الضحك
مؤمن :- لاء يوقف ايه انا عايزه شغال وبيدق بأسمى وينادينى
سندس :- ده شكل الحلاق مش حلق ليك شعرك بس لاء وشال ليك عقلك كمان
مؤمن :- انا اصلا قلبى وعقلى وكلى معاكى انتى والله
سندس :- احم ب.ب بس على فكره انت شكلك حلو اوى النهارده
مؤمن :- بجد يعنى أعجب وغمز ليها
سندس :- قامت وقفت وقالت ش.ش.شكل دينا بتنادى عليا وطلعت تجرى وسابته
مؤمن :- إنبى عسل
حمزه :- وانبى انت اللى هتتعلق من اخواتها لو سمعوك بتقولها كده
مؤمن :- انت شرفت اهلا يا اخويا اهلا يا شملول
حمزه :- احترم نفسك يالا انا اخوك الكبير
مؤمن :- يا شيخ روح اوعى كده لما اروح اشوف البت راحت فين
حمزه :- انت يالا وربنا هتتقفش
مؤمن :- دخل الفيلا وقعد ينادى عليها ويقول سندس حبيبتى روحتى فين انتى يا بت
وفى الوقت ده شاف فادى رجع تانى وقال بنت الكلب محدش شافها
فادى :- هى مين دى
مؤمن :- القطه بوسي قطتى بنت الكلب مش لاقيها
فادى :- اااه لاء محدش شافها دور عليها كويس وخرج وسابه
مؤمن :- يخربيت نبرك يا حمزه كنت هروح فى ابو بلاش وقال انتى يا زفته ردى
سندس :- وهى ميته على نفسها من الضحك شكلك كان مسخره وانت بتقول لاخويه مشوفتش بنت الكلب دى طيب ازاى قطه وبنت كلب هههههههههه
مؤمن :- عادى الام قطه والاب كلب وهى علاقه غلط من اساسه سيبك انتى مردتيش عليا
سندس :- وهى بتضحك قالت على ايه
مؤمن :- بقولك عجبك شكلى النهارده
سندس :- بصت وراه وقالت فادى
مؤمن :- عمل نفسه بيدور وقال يا بنت الكلب يا بوسى ردى عليا
سندس :- لالالا هموت مش قادره حرام عليك
مؤمن :- بص وراه ملاقاش حد قال يا بنت ال بتشتغلينى
سندس :- هههههههه اشتغلك ليه هو انت مفرش وسابته وهى بتضحك وخرجت الجنينه تانى للفرح
مؤمن :- اااااه هو فيه رقه كده فى الدنيا وطلع يجرى وراها وقال استنى يا مدوخانى وراكى

عند ادهم وداليا

راح ادهم عند داليا وقال

ادهم :- يا داليا الوضع ده مبقاش ينفع اتنازلى شويه عن عنادك ده
داليا :- لما تتنازل انت عن كبريائك الاول
ادهم :- هو احنا داخلين مسابقه مين اللى مفروض يتنازل الاول داليا انتى عارفه طبعى ومع ذالك مطول بالى عليكى على قد ما اقدر وبطلب منك ترجعى بيتك بقى وطلبت منك بدل المره مليون مره اننا ننسى اللى فات ونبدء من جديد كله دى مش تنازلات بالنسبالك
داليا :- لاء مش تنازلات ادهم فيه مليون طريقه احسن من دى تقدر تطلب بيها أننا نرجع لبعض فيه انك تيجى بيت أبويه ترجعنى ليك مش خليكى بقى وارجعى بيتك ده امر منك مش طلب
ادهم :- بعصبيه انا تعبت معاكى يا داليا كل شويه تطلعى ليا بحجه شكل رجعنى من بيت ابويا اطلب منى بطريقه احسن من دى لاء انت كده بتأمرنى انتى مش لاقيه سبب مقنع تقوليه ليا يا داليا
داليا :- لاء يا ادهم انا اسبابى كلها مقنعه بس انت اللى مش عايز تقتنع بكلامى ده
ادهم :- اتنهد بنفاذ صبر وقال انت عايزانى اعملك ايه طيب وانا اعمله
داليا :- مش انا اللى هقولك تعمل ايه المفروض تعمل ده من نفسك انت
ادهم :- بعصبيه وصوت عالى خلااااااااص بقى انا تعبت اللى انت عايزه تعمليه اعمليه وخرج ركب عربيته ومشى بيها
داليا :- بصت على الناس اللى بتبص ليها ودموعها نزلت منها وطلعت تجرى من الفرح
فاطمه :- أكرم متسبهاش تمشى لوحدها
أكرم :- حاضر وطلع يجرى وراها وقال داليا يا داليا استنى
داليا :- بدموع سبنى لوحدى يا اكرم بالله عليك
أكرم :- وقف قصادها وقال تعالى بس
داليا :- يا اكرم سبنى بقولك
أكرم :-لاء مش هسيبك تعالى اركبى العربيه معايا
داليا :- راحت معاه ووقفت قصاد العربيه والدموع فى عينيها
أكرم :- فتح الباب وقال اركبى اسمعى الكلام بس
داليا :- اتنهدت بوجع وركبت العربيه
أكرم :- قفل باب العربيه وراح ركب الجنب التانى وشغل العربيه ومشى بيها ووصل عند كافيه وقال انزلى يا داليا
داليا :- أكرم ارجوك عايزه اروح البيت
أكرم :- هروحك والله بس عايزك فى كلمتين
داليا :- نزلت من العربيه ودخلت الكافيه معاه وقعدت على الترابيزه
أكرم :- ممكن افهم بقى فيه ايه
داليا :- فيه أن انا تعبت يا اكرم من تصرفات صحبك تعبت من كبريائه المزعج ده مش قادره خلاص استحمل معاه اكتر من كده
أكرم :- طيب أهدى بس وطلع منديل وقال خدى امسحى دموعك وبعد كده نتكلم
داليا :- مسحت دموعها وقالت بيطلب منى أقوله يصالحنى ازاى طيب تيجى ازاى يا اكرم والله العظيم ما هيخسر حاجه لو قال أنا آسف يا داليا وجه اخدنى من عند بابا وقال انا محتاجك جنبى ولا قال أنا غلط فى حقك يا داليا ومحتاج تسامحينى وترجعى تعيشى معايا وفى حضنى كلام سهل وبسيط بس ليه قيمه كبيره عندى هيفرق كتير معايا والله هحس بقيمتى عنده بس لو الكلام ده جه منه من غير ما انا اللى أقوله ليه محتاجه احس بأهميتى فى حياته يا اكرم وده من أبسط حقوقى عليه
أكرم :- عارف ومعاكى فى كل اللى قولتيه بس ادهم من طبيعته تقيل مش من النوع اللى بيعرف يقول كلام حلو ولا يترجى حد حتى لو كان هيموت عليه وانتى يا داليا عارفه ده وحبيتى شخصيته كده من الاول ايه اللى اتغير دلوقتى بقى
داليا :- تعبت يا اكرم
أكرم :- معلش اصبرى عليه شويه ادهم اتغير كتير عن الاول مضيعيش بقى كل اللى فات ده دلوقتى طولى بالك واصبرى عليه شويه كمان وتعالى على نفسك مره اخيره والله العظيم ادهم بيحبك وكلامى ده انا متأكد منه بس انتى بطريقتك تخليه يتلحلح شويه
داليا :- لاء يا اكرم مش هقدم تنازلات تانى اكتر من كده ليه كفايه بقى
أكرم :- يا بت بلاش تكونى عناديه بدل ما اكسر دماغك دى
داليا :- كسرها برضه مش هتنازل
أكرم :- اشوف فيكم يوم انتو الاتنين على دماغكم النشفه دى
داليا :- وقفت وقالت انا تعبانه وعايزه اروح
أكرم :- وقف ودفع الحساب وقال يلا يا اختى ومشوا الاتنين ركبوا العربيه وصلها وراح اخد فاطمه من الفرح وروحوا الفيلا
~•~•~•~•~•~•~•~•~•~•~•~•~•
فى تونس

وصل ممدوح الفيلا متأخر من الشغل ودخل ملاقاش ايه طلع الاوضه وفتح الباب ودخل لاقه ايه نايمه راح قعد جنبها على السرير وخبط على كتفها وقال

ممدوح :- ايه ايوش قلبى
ايه :- من غير ما تبص ليه قالت سبنى انام يا ممدوح
ممدوح :- هو انا كل يوم ارجع من الشغل الاقيكى نايمه ولما اجى اصحيكى تقوليلى سبنى نايمه يا ممدوح
ايه :- خلصنا يا ممدوح روح شوف هتعمل ايه
ممدوح :- مش هروح فى حته وقومى بقى كلمينى عايز اعرف اخر الوضع ده ايه
ايه :- قامت قعدت على السرير وقالت وليك عين تتكلم كمان مش انت اللى تعبت من الوضع انا اللى تعبت وزهقت وملية كل يوم تقوم الصبح بدرى وتنزل مترجعش غير متأخر بقيت قاعده طول النهار لوحدى ما بين أربع حيطان لا بكلم حد ولا بشوف حد وحتى مش بيهون عليكى تتصل تتطمن عليا تشوفنى عامله ايه انا اللى زهقت والله مش انت
ممدوح :- وانا اعملك ايه يا ايه مش ده اكل عيشى بنزل بلعب يعنى ولا بشتغل وبيطلع عين اللى خلفونى
ايه :- بدموع وانا فين من حياتك اتجوزتنى ليه علشان ترمينى فى الفيلا زى اى كرسى موجود
ممدوح :- اتنهد ومسك وشها ما بين ايديه وقال يا حبيبتى أهدى بس طيب انتى عايزه ايه
ايه :- بدموع عايزه ممدوح اللى حبيته واتجوزته انت بقيت علطول مش فاضى ليا
ممدوح :- يعنى انا عجبنى اوى الطحنه اللى انا فيها دى ولا بعدى عنك طول الساعات دى بس اعمل ايه بابا ميقدرش على الشغل ده لوحده وانا سبته فتره طويله ساعة الجواز والشغل اتكوم عليه هى فتره بس اخلص كل الشغل اللى اتكوم خلال فترة الجواز دى وارجع ليكى زى الاول واحسن كمان
ايه :- ولسه كتير على ما تبقى فاضى ليا
ممدوح :- مش اقل من شهر
ايه :- بصدمه شهر كتير اوى عليا
ممدوح :- طيب اعمل ايه
ايه :- خدنى معاك الشغل
ممدوح :- بأستغراب اخدك معايا الشغل تعملى ايه
ايه :- اى حاجه انشالله اشتغل السكرتيره بتاعتك
ممدوح :- بس انا عندى السكرتيره بتاعتى
ايه :- انقلها وخلينى انا معاك
ممدوح :- وليه وجع القلب ده خليكى قاعده فى بيتك معززه مكرمه وانا شهر بالكتير وهرجع ليكى بدرى زى الاول
ايه :- بزعل لاء مليش دعوه انا عايزه انزل معاك الشغل
ممدوح :- اتنهد وقال حاضر يا ايه هخدك معايا الشغل حاجه تانى
ايه :- بفرحه هييييييييا
ممدوح :- طيب ايه مفيش اى حاجه كده ولا كده
ايه :-بزعيق عايز ايه يعنى
ممدوح :- وحد الله يا جعفر انا زى جوزك برضه
ايه :- وحياة امك
ممدوح:- وحياتك عندى وقرب منها ولسه هيبوسها
ايه :- اااااايه مش وقته انا جعانه ومأكلتش بسببك
ممدوح :- غمض عينه بغيظ وقال ومطفحتيش بسببى ليه
ايه :- كنت باكل وسمعت صوت عربيتك قومت أجرى على السرير علشان اعمل نفسى نايمه
ممدوح :- والله لاء ناصحه يا بت
ايه :- طول عمرى وزقته وقالت اوعى كده خلينى اقوم اكمل اكل وقامت وسابته
ممدوح :- حط أيده على وشه وقال يااااارب وقام يدخل الحمام
ايه :- قبل ما يدخل الحمام قالت ابقه كلم فاطمه فى الفون علشان عايزاك
ممدوح :- بكره علشان زمانها نامت
ايه :- قالت ليا اى وقت يرجع فيه من الشغل خليه يكلمنى
ممدوح :- ماشى هاخد شاور واطلع اكلمها ودخل الحمام
ايه :- قعدت تكمل اكلها
ممدوح :- بعد وقت خرج من الحمام وهو لابس البورنص وبص على ايه وقال يخربيت سنينك لسه كل ده بتاكلى
ايه :- مرضتش اكتر فى الاكل علشان نتعشا مع بعض
ممدوح :- لا والله اصيله يا ام السعد وراح مسك تليفونه وطلب رقم فاطمه وانتظر ردها وبعد وقت قال طمطم طماطيمو واحشتينى يا بت
فاطمه :- لا والله لسه فاكر يا اخويه
ممدوح :- والله يا بطه غصب عنى الشغل فوق دماغى ومفيش وقت حتى امسك الفون فى ايدى
فاطمه :- ربنا يقويك يا حبيبى
ايه :- طيب هروح انا احضر الاكل وخرجت من الاوضه وسابته
فاطمه :- يخربيت كده لسه البت دى مش بتبطل اكل
ممدوح :- دى اربعه وعشرين ساعه بتاكل
فاطمه :- بألف هنا عليها بقولك
ممدوح :- امممم
فاطمه :- عامل ايه معاها
ممدوح :- كويس
فاطمه :- افهم ايه من كويس دى
ممدوح :- انا بحب ايه يا فاطمه بس
فاطمه :- بس ايه
ممدوح :- اتنهد وقال ايه مش بتحاول تغير من نفسها علشانى يعنى ببقى تعبان من الشغل وطالع عين اللى خلفونى نفسى ارجع البيت الاقيها لابسه حته مدلعه حاطه ميكب تدلعنى تنسينى هم الشغل وقرفه مش ارجع الاقى جعفر قدامى حتى لما احاول ادلعها واقول ليها كلام حلو ولا اقرب منها بلاقيها بتكلمنى كأنها واحد صحبى انا بحبها اوى والله بس خايف اهمالها فى مشاعرها دى يخلينى ابص بره
فاطمه :- يا حبيبى ايه مخرجتش خالص ولا راحت ولا جت زى بنات اليومين دول علشان كده هتلاقيها قفل شويه ومش بتعرف تدلع ولا الحاجات دى علشان كده تحس انها مسترجله شويه
ممدوح :- طيب والحل ايه
فاطمه :- انتو راجعين مصر امته تانى
ممدوح :- كمان شهر كده
فاطمه :- خلاص حاول معاها الشهر ده لحد ما تنزلوا مصر وانا لما تيجى هكلمها وافهمها تعمل معاك ايه
ممدوح :- اتنهد وقال بحاول معاها والله
فاطمه :- حاول تفضى نفسك ليها شويه يا ممدوح البنت برضه سابت أهلها وبلدها علشانك وراحت معاك فى بلد غريبه متعرفش حد فيها ولا حد يعرفها علشان بتحبك عوضها بقى غربتها عن أهلها وخليك جنبها
ممدوح :- اعمل ايه طيب ما الشغل مطلع عينى والله يا فاطمه
فاطمه :- معلش حاول تعدل ما بين شغلك ومراتك
ممدوح :- حاضر طمنينى عليكى عامله ايه مع أكرم
فاطمه :- الحمدالله كويسه يا حبيبى
ممدوح :- ربنا يسعدكم يارب ويقومك بالسلامه يا حبيبتى عايزه حاجه
فاطمه :- عايزه سلامتك يا حبيبى خلى بالك على نفسك وعلى ايه
ممدوح :- حاضر مع السلامه يا قلبى وقفل السكه مع فاطمه وقام خرج من الاوضه ونزل عند ايه المطبخ وراح حضنها من ضهرها وبسها فى رقابتها وقال القمر بيعمل ايه
ايه :- زقته وقالت اوعى يا ممدوح هكون بعمل ايه يعنى ما انا بحضر الاكل اهو
ممدوح :- اتنهد وقرب منها تانى وقال طيب ما تسيبى الاكل ده بعدين وتعالى عايزك
ايه :- لاء لما اكل
ممدوح :- يا حبيبتى ما انتى لسه اكله تعالى بس ومسك ايديها وشدها طلعها على الاوضه وفتح الدولاب بتاعها وقال خدى البسى ده
ايه :- بكسوف ا.ا.ايه ده لاء طبعآ مقدرش البسه
ممدوح :- ليه بس يا حبيبتى انا جوزك ونفسى اشوف حته مدلعه زى دى عليكى خدى ألبسيه يلا
ايه :- لاء يا ممدوح مش هلبس حاجه زى كده انا
ممدوح :- وانا جوزك ومن حقى عليكى تعملى اللى نفسى فيه
ايه :- انت مالك النهارده يا ممدوح عايز تعمل اى مشكله وخلاص قولتلك مش هلبس البتاع ده وانا اصلا تعبانه ومش مستعده لاى حاجه من اللى انت عايزها دى
ممدوح :- بعصبيه وانتى من امته مستعده يا ايه انا كل ما اجى اطلب منك حقى تقولى تعبانه ومش مستعده و قاعده علطول بالترنج قصادى كأنى واحد غريب انا عينى مش بشوف بيها غيرك يا ايه بس بطريقتك دى هتخلينى ابص لبره
ايه :- بدموع لحقت تزهق منى بالسرعه دى انت مش وعدنى ان عمرك ما هتزهق منى
ممدوح :- اتنهد وراح عندها وقرب منها ولف دراعه حاولين وسطها وقال يا ايه انا عند وعدى ليكى بس انتى مش بتدينى فرصه اغيرك اى راجل بيحب يشوف مراته بالطريقه اللى هو بيحبها تعوضه عن تعب الشغل وقرفه
ايه :- بصت ليه بدموع وقالت وانا مش بعرف اعمل كده يا ممدوح
ممدوح :- ادينى فرصه اغيرك واخليكى زى ما انا عايز
ايه :- بصت ليه وقالت حاضر
ممدوح :- قرب من شفايفها ولسه هيبوسها
ايه :- زقته وقالت نهار اسود الاكل هيتحرق ونزلت تجرى من الاوضه
ممدوح :- اتعصب ومسك القميص حدفه على الأرض وقعد على حرف السرير وحط أيده على وشه وحدف نفسه لوراه ونام على ضهره وقال واخرتها معاكى يا ايه تعبت
~•~•~•~•~•~•~•~•~•~•~•~•~•
فى الفندق

وصل تامر ودينا الفندق وطلعوا الاوضه بتاعتهم ودخلوا وقفل تامر الباب وراهم

دينا :- وقفت مكانها وهى متوتره وبتدعك فى ايديها
تامر :- لف أيده حاولين وسطها وقال واقفه ليه يا قلبى
دينا :- ها ه ه.هقعد اهو
تامر :- تعالى يا قلبى وقعدها على السرير وقعد جنبها ومسك ايديها وقال انا اسعد راجل فى العالم ده كله علشان بقيتى مراتى انا من اول مره اتقابلنا فيها وانتى دخلتى قلبى وربعتى فيه وعينى حلفت ما تشوف غيرك بقيتى حلم بالنسبه ليا ويوم ما وافقتى عليا كأنك رديتى فيا روحى من جديد انا بعشقك يا دينا ووعد منى هفضل عمرى كله احافظ عليكى واصونك وعمرى ما هوجعك ربنا يخليكى ليا وتفضلى منوره حياتى وشدها فى حضنه وضمها جامد وحسس على ضهرها وقال ياااااه كان نفسى فى الحضن ده اوى
دينا :- جسمها كله ارتعش من الخوف
تامر :- مالك يا قلبى
دينا :- م.م.مفيش
تامر :- جسمك كله بيرتعش ليه كده
دينا :- بصت على الأرض ومردتش عليه
تامر :- رفع وشها ليه وقال دينا انتى خايفه منى
دينا :- هزت راسها بمعنى ايوه
تامر :- متخفيش يا قلبى انا عمرى ما هأذيكى وشدها فى حضنه وطبطب عليها وقال ايه رأيك نغير هدومنا وننام
دينا :- بصت ليه بأستغراب
تامر :- اصل تعبان النهارده اوى وبعدين كفايه عليا انك هتنامى فى حضنى طول الليل انا مش طماع أهدى يا قلبى ومتقلقيش ماشى
دينا :- فهمت أن تامر بيعمل كده علشان تهدا ومتخافش بصت ليه بحب وقالت شكرآ
تامر :- على ايه يا قلبى
دينا :- على انك قدرت خوفى وقررت متلمسنيش النهارده
تامر :- انتى اهم عندى من اى حاجه تانيه ومبقاش راجل لو دورت على جسمك ومقدرتش خوفك وتوترك ده
دينا :- اترمت فى حضنه وقالت انا بحبك اوى يا تامر
تامر :- ضمها فى حضنه وقال يااااا يكفينى بس اسمع الكلمه دى من شفايفك بعشقك يا روح وقلب تامر من جوه وباس راسها وقال انا بقول تدخلى تغيرى هدومك علشان انا ممكن اغير رأى واكلك اكل النهارده
دينا :- هههههههه حاضر وقامت دخلت الحمام غيرت هدومها وغير تامر هدومه ونام على السرير واخد دينا فى حضنه وغمضوا الاتنين عينيهم وناموا لصبح

*********************

إلي هنا ينتهي الفصل الحادى والسبعون من رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد

تابع أيضاً: جميع فصول رواية آدم ولانا بقلم امونه

تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها

اقرأ أيضا: رواية من أجلك فقط بقلم لولو الصياد