قصص رومانسية جريئة ممنوع دخول الأطفال

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة دودو محمد علي موقعنا قصص 26 و موعدنا اليوم مع الفصل الثانى والسبعون من  رواية تمرد صحفية بقلم دودو محمد. 

رواية تمرد صحفية بقلم دودو محمد - الفصل الثانى والسبعون

اقرأ أيضا: روايات رومانسية

رواية تمرد صحفية بقلم دودو محمد

رواية تمرد صحفية بقلم دودو محمد - الفصل الثانى والسبعون

اشرقت شمس صباح يوم جديد بنورها الساطع فى سماء الاسكندريه لتبدء داليا بفتح عيونها على صوت تليفونها مدت ايديها اخدت التليفون وبصت فيه لاقتها فاطمه ردت وقالت

داليا :- صباح الخير يا فاطمه
فاطمه :- صباح النور يا داليا عامله ايه دلوقتى
داليا :- الحمدالله كويسه
فاطمه :- ايه اللى حصل امبارح ده
داليا :- بضحكة سخريه ده الطبيعى بتاعنا يا طمطم
فاطمه :- لاء بجد وضعكم ده صعب اوى امته بقى هتعقلوا كده وتهدوا وترجعوا لبعض
داليا :- لما البيه يتنازل عن كبرياءه ده شويه
فاطمه :- وانتى يا داليا محتاجه تتنازلى عن عنادك ده شويه برضه
داليا :- اه ربنا يسهل
فاطمه:- بتخدينى على قد عقلي صح
داليا :- حاجه زى كده
فاطمه:- يا لهوى عليكم انتو ايه مش بتتعبوا من اللى بتعملوا ده
داليا :- فاطمه ابوس ايدك قفلى على ام الموضوع ده مش أغمض عينى وافتحها على نفس السيره
فاطمه :- ربنا يهديكم بجد
داليا :- عادى مش فارقه يهديه عليا ولا لاء انا خلاص رميت طو بس فى الوقت ده قطعت كلامها لما لاقت باب اوضتها بيتفتح وداخل منه ادهم
فاطمه :- داليا سكتى ليه
داليا :- ها ا.ا انا م.م.معاكى اهو
ادهم :- دخل وشد التليفون من ايديها وقفل السكه وحدفه على السرير وقعد جنبها ومسك ايديها وقال واحشتينى وحياتى من غيرك متسواش
داليا :- ها
ادهم :- ارجوكى ارجعيلى نورى حياتى من تانى
داليا :- بتبص ليه بصدمه ومش قادره تصدق اللى بيحصل
ادهم :- داليا انا بحبك ومش قادر اعيش من غيرك
داليا :- حطت ايديها على دماغه وقالت ادهم انت حرارتك عاليه ولا انا بحلم تانى ولا ايه
ادهم :- لاء حرارتى مش عاليه ومش بتحلمى يا داليا انا موجود جنبك بجد وبطلب منك تسامحينى وترجعى تانى تنورى حياتى وسنينى
داليا :- وقفت وادته ضهرها وربعت ايديها على صدرها وقالت وايه حصل من امبارح لنهارده غير رأيك بسرعه كده
ادهم :- وقف وراها وحضنها وباس رقابتها وقال اللى حصل ان انا خلاص مش قادر استحمل بعدك عنى اكتر من كده
داليا :- غمضت عينيها بتوتر من قرب ادهم ليها وقالت م.م.ما انت امبارح كنت مش عارف تقول ايه علشان تصالحنى
ادهم :- منمتش طول الليل بفكر فى الكلام اللى هقوله ليكى ده
داليا :- بعدت عنه وقالت ولا أكرم قالك تقولى ايه
ادهم :- قرب منها وقال والله العظيم انا مكلمتش أكرم ولا قالى حاجه الكلام ده طالع من قلبى ليكى
داليا :- بصت ليه وقالت بس بر
ادهم :- حط أيده على شفايفها وقال شششش خلاص يا داليا بقى كفايه بعد لحد كده انا جيت بيت ابوكى وبطلب منك السماح وترجعيلى بيتهيألى كده اتنازلت شويه عن كبريائى اللى بتقولى عليه ده ارجعى معايا يا داليا علشان خاطرى بقى
داليا :- بدموع اوعدنى انك مش هتوجعنى تانى يا ادهم احسن والله العظيم تعبت ومش حمل ألم تانى
ادهم :- مسح دموعها ومسك وشها بين ايديه وقال وحيات دموعك دى ما هوجعك تانى يا داليا دموعك غاليه عليا اوى والله
داليا :- اتنهدت وبصت فى عيونه وشافت صدق كلامه فيهم
ادهم :- بص على شفايفها وقرب منهم وباسها بوسه طويله وبعد وقت بعد عنها وسند راسه على راسها وقال شفايفك كانوا واحشنى اوى يا داليا
داليا :- غمضت عينيها بكسوف ومردتش عليه
ادهم :- رفع وشها ليه وقال جهزى نفسك وانا مستنيكى بره وباسها برقه فى خدها وخرج من الاوضه
داليا :- بصت عليه وهو خارج بأستغراب ومشيت صوابعها على شفايفها وقالت معقول ده ادهم جوزى المتكبر لالالا فيه حاجه غلط ازاى ادهم يتنازل بسهوله كده يوووووه بقى انتى لا كده عاجب ولا كده عاجب وخرجت من الاوضه دخلت الحمام اتوضت ودخلت اوضتها تانى أدت فرضها ولبست هدومها وخرجت وقالت انا جاهزه
سعيد :- اقعدى يا داليا عايز اقولكم كلمتين
داليا :- حاضر يا بابا وقعدت على الكنبه جنب ادهم
سعيد :- المفروض انتو كبار بما فيه الكفايه وفاهمين الكلام اللى هقوله ده انتو جاى ليكم طفل صغير لازم يتوفر ليه المناخ اللى هيعيش فيه كويس اوى بالحب والمودة اللى ما بينكم هتقولوا أنه مش هيبقى فاهم حاجه هقولكم ما هو مش هيفضل طول عمره طفل هيكبر وعقله هيشتغل وهيأثر عليه المناخ اللى هيبقى عايش فيه يعنى لو اتربى فى مكان كله مشاكل هيكبر وهيبقى انسان غير ساوى سلوكه وأفعاله هتكون عنيفه لانه عايش وسط توتر ما بين الاب والام إنما لو عاش فى مناخ هادى كله حب وموده واحترام هيطلع انسان محترم أخلاقه عاليه هيكون ناجح فى حياته ويوم ما ربنا يكرمه ببنت الحلال هيعاملها معامله حسنه زى ما شاف أبوه بيعامل أمه وهو صغير انتو هتكونوا قدوه لاولادكم خليكم قدوه حسنه مش قدوة سيئه انسوا المشاكل اللى ما بينكم دى وابدأو صفحه جديده بيضه كلها حب وصفاء قلوب ما بينكم
ربنا يسعدكم ويهنيكم يارب
داليا :- ربنا يخليك لينا يا بابا
ادهم :- اوعدك اننا من هنا ورايح مش هيكون فيه ما بينا مشاكل تانى أن شاءالله
سعيد :- بتمنى ربنا يهدى سركم يارب
ادهم :- وقف وقال يلا يا داليا
داليا :- وقفت وقالت يلا وسلموا الاتنين على سعيد ونزلوا ركبوا العربيه
ادهم :- مسك ايديها وباسها وقال هتنورى بيتك يا داليا
داليا :- ش.ش.شكرآ
ادهم :- ابتسم ليها وشغل العربيه ومشى بيها وبعد وقت بصت داليا على الشارع وقالت
داليا :- احنا رايحين فين كده ده مش طريق الفيلا
ادهم :- لاء هخدك مشوار الاول قبل ما نروح الفيلا
داليا :- بأستغراب مشوار! مشوار ايه ده
ادهم :- هتعرفى دلوقتى وبعد وقت وصل ونزل من العربيه وراح فتح الباب لداليا وقال انزلى
داليا :- بصت على المكان بأستغراب ونزلت من العربيه
ادهم :- مسك ايديها وقال تعالى ومشوا الاتنين ودخلوا المكان
داليا :- بصت ليه بأستغراب وقالت ايه المكان ده
ادهم :- تعالى دخلها مكتب وقال دى جريدة الصحفيه داليا سعيد
داليا :- بعدم فهم جريدة مين مش فاهمه
ادهم :- علشان تعرفى أن انا بحبك من اول لحظه شوفتك فيها المكان ده بيتجهز ليكى من زمان من قبل ما تكونى حامل حتى طلبت من أكرم يشوف مكان مناسب ينفع يتفتح جريده وينفذ المشروع فى اسرع وقت وانا خلصت ليكى كل التصاريح بتاعة المكان وتقدرى تنزلى من بكره تشغليه
داليا :- دموعها نزلت منها وقالت انت عملت كل ده علشانى
ادهم :- قرب منها وقال داليا انتى متعرفيش انتى بالنسبالى ايه انتى عمرى كله ومستعد اعمل اى حاجه علشان اشوف الضحكه على شفايفك
داليا :- اترمت فى حضنه وقالت بدموع انا بحبك اوى يا ادهم اوى
ادهم :- ضمها اكتر ليه وباس راسها وقال وانا بعشقك يا داليا ومسك ايديها ونزلوا الاتنين تانى ركبوا العربيه وراجعوا على الفيلا وبعد وقت وصلوا ونزلوا من العربيه دخلوا الفيلا وطلعوا على اوضتهم
داليا :- بصت على الاوضه بأشتياق وقالت الاوضه واحشتنى اوى يا ادهم
ادهم :- الاوضه بس وغمز ليها
داليا :- احم ا.ا انا هدخل اغير هدومى وراحت فتحت الدولاب واخدت هدوم ودخلت الحمام غيرت هدومها وخرجت
ادهم :- راح عندها وحضنها وقال بجد مش مصدق نفسي انك نورتى الاوضه من تانى يا داليا
داليا :- مسكت فيه اكتر وقالت واحشتنى يا ادهم
ادهم :- مسك وشها بين ايديه وبص فى عينيها وقال انا كنت هموت عليكى يا داليا كنت حاسس بفراغ كبير اوى فى حياتى من غيرك وقرب من شفايفها وباسها وميل عليها وشالها وحطها على السرير
داليا :- بعدته عنها براحه وقالت م.م.مش هينفع يا ادهم
ادهم :- ليه يا داليا لسه زعلانه منى
داليا :- لاء بس ممنوع فى الشهور التلاته الاولى من الحمل
ادهم :- اتنهد ونام على ضهره وشد داليا فى حضنه وقال مش مهم يا قلبى المهم انك تبقى معايا وفى حضنى
داليا :- باست صدره وقالت ربنا يخليك ليا وميحرمنيش منك يارب
ادهم :- باس راسها وقال ولا منك يا قلبى
داليا :- انت هتقضى اليوم معايا النهارده صح يعنى مش هتنزل الشركه
ادهم :- نفسى والله بس لازم انزل الشركه النهارده علشان عندى اجتماع مهم بس هحاول اخلص بسرعه وارجعلك
داليا :- ماشى بس متتأخرش عليا
ادهم :- ماشى يا قلبى وقام وقف ظبط هدومه وراح سرح شعره قصاد المرايا وباس داليا فى خدها وقال مع السلامه يا قلبى هتوحشينى وخرج وسابها
داليا :- كانت حاسه بسعاده كبيره اوى وقامت خرجت من اوضتها وراحت عند اوضت الجده خبطت على الباب ودخلت وقالت صباح الفل على احلى مديحه فى الدنيا بحالها
الجدة :- بفرحه داليا حبيبتى انتى رجعتى بيتك تانى خلاص
داليا :- بفرحه ايوه ادهم جه اخدنى من بيت بابا وصالحنى
الجدة :- ادهم ابن بنتى عمل كده
داليا :- اه والله يا مديحه حتى انا مش مصدقه زيك بالظبط كده وحاسه أن انا بحلم
الجدة :- ربنا يسعدكم يا بنتى ويهدى عليكى هو بيحبك بس قفل شويه
داليا :- وانا والله يا مديحه بحبه اوى بس كنت مش بحس أن انا مهمه عنده بس بعد اللى حصل النهارده أتأكد هو بيحبينى قد ايه
الجدة :- وهو راح فين
داليا :- نزل الشركه
الجدة :- ربنا يقويه يارب
داليا :- احيه لما اروح اكلم البت فاطمه كانت بتكلمنى وادهم قفل السكه فى وشها
الجدة :- روحى يا حبيبتى
داليا :- جايه ليكى تانى وباستها فى خدها وراحت على اوضتها تكلم فاطمه
~•~•~•~•~•~•~•~•~•~•~•~•~•
فى الفندق

عند تامر ودينا

صحيت دينا من نومها لاقت نفسها نايمه على السرير وتامر مش جنبها لسه هتقوم لاقت تامر بينط على السرير جنبها وحضنها من ضهرها وقال

تامر :- صباح الجمال
دينا :- ابتسمت وقالت صباح النور ولفت ليه وقالت كنت فين كده
تامر :- كنت فى الحمام
دينا :- صحيت من بدرى
تامر :- قرب منها وقال لسه من شويه
دينا :- احم ا.ا.انت هتعمل ايه
تامر :- قرب اكتر ليها وقال ولا حاجه يا قلبى ولسه هيبوسها
دينا :- ا.ا انا هقوم اخد شاور واتوضه الاول
تامر :- باسها من راسها وقال ماشى يا قلبى
دينا :- قامت من جنبه بتوتر ودخلت الحمام
تامر :- نام على ضهره على السرير وقال ايوه بقى واخيرآ هتدلع يا ولا يا تامر وفى الوقت ده تليفونه رن اتعصب وقال مش وقتك خالص ورد وقال

تامر :- ابو الحماميز صباحو فل يا صاحبى
حمزه :- صباح الورد يا عريس عامل ايه
تامر :- الحمدلله يا حمزه
حمزه :- رفعت راسنا ولا عرتنا يالا
تامر :- عيب عليك صاحبك راجل
حمزه:- اشطا عليك يا صاحبى
تامر :- بس مش ملاحظ انك بارد اوى يا حمزه فيه حد يتصل على عريس فى وقت زى ده
حمزه :- تصدق انك واطى واحشتنى وقولت اكلمك
تامر :- يا راجل احلف ده من ايه ده يا ابنى على فكره يا صاحبى عايزه اقولك حاجه من ساعة ما اتجوزت وانت بقيت اهطل
حمزه :- وحياة امك هو انت ومؤمن متفقين مع بعض ولا ايه
تامر :- بضحك هو مؤمن قالك كده هو كمان
حمزه:- اه
تامر :- والله الولا ده بيفهم طالع ليا
حمزه:- انا غلطان أن عملت ليك قيمه وكلمتك وقفل السكه فى وشه
تامر :- ولا حمزه انت يالا يخربيت جنانك قفل السكه
دينا :- تامر انت بتكلم نفسك
تامر :- ها لا انا كنت بكلم حمزه صاحبى
دينا :- م.م.ماشى انا خلصت
تامر :- قام وقف قصادها وقال حمام الهنا يا روحى
دينا :- احم ادخل اتوضه يلا علشان نصلى
تامر :- حاضر يا عسل ودخل اتوضه وخرج صلى بدينا وبعد وقت خلصوا وقام وقف ومسك وش دينا بين ايديه وقال ربنا يبارك ليا فيكى يا اجمل ما خلق ربى
دينا :- بصت للارض بكسوف
تامر :- رفع وشها وقال لو حاسه انك مش مستعده انا استنا مفيش مشكله
دينا :- بصوت واطى جدآ مستعده
تامر :- ايه مش سامع
دينا :- بصوت اعلى شويه م.م.مستعده
تامر:- قرب ليها وفك الطرحه ومد أيده علشان يرفع الاسدال
دينا :- بكسوف مسكت أيده تمنعه من أن هو يرفع ليها الاسدال
تامر :- بأستغراب فيه ايه يا قلبى
دينا :-بكسوف ه.ه.هو لازم تقلعنى ده
تامر :- ايوه امال يعنى وسكت شويه وقال يعنى هقرب منك ازاى يا حبيبتى
دينا :- م.م.مش هينفع اقلعه
تامر :- بأستغراب ليه
دينا :- احم ع.ع علشان الهدوم اللى تحت الاسدال مينفعش تشوفنى بيها
تامر :- والله انا جوزك يا هبله ومد أيده قلعها الاسدال وبص على جسمها وقال ده هو ده اللى مطلوب اوى يعنى وميل عليها وشالها
دينا :- كانت هتموت من الكسوف علشان بالهدوم دى قدام تامر
تامر :- قرب منها وبسها بوسه طويله وبعد وقت بعد عنها
دينا:- حطت ايديها على وشها بكسوف
تامر :- ضحك على طفولتها وشال ايديها ومشى صوابعه على وشها وقال دينا استرخى وسيبى نفسك ليا خالص
دينا :- ا.ا.انا خايفه اوى يا تامر
تامر :- ششش أهدى مش انتى واثقه فيا ان انا مش هأذيكى
دينا :- ا.ا.ايوه واثقه
تامر :- يبقى متخفيش وقرب اكتر ليها وقال سيبى مشاعرك هى اللى تتحكم فيكى وقرب من شفايفها بسها و(سكتت شهرزاد عن الكلام الغير مباح)
~•~•~•~•~•~•~•~•~•~•~•~•~•
فى بيت علاء ومنتهى

صحيت منتهى من نومها بصت جنبها ملاقتش علاء نايم قامت من على السرير وخرجت من الاوضه راحت المطبخ لاقته واقف بيحضر الفطار حضنته من ضهره وقالت

منتهى :- صباح الخير يا حبيبى
علاء :- لف ليها وباسها فى خدها وقال صباح النور يا عمرى ثوانى والفطار يكون جاهز
منتهى :- مصحتنيش ليه كنت قومت حضرت الفطار معاك
علاء :- بضحك ده على اساس انك بتعرفى تحضرى الفطار
منتهى :- يا سلام تنكر أن انا بحاول اتعلم
علاء :- لا مش بنكر بأمارة البيض اللى كذا مره يترمى يا نى يا اما مالح مش يا حبيبتى بس يكفيكى شرف المحاوله يا عمرى وضحك
منتهى :- والله بتتريق عليا
علاء :- مين انا خالص يا توته ده انتى عمرى كله
منتهى :- غلس وسابته ودخلت الحمام
علاء :- ضحك على جنانها وكمل تحضير الفطار وحطه على الترابيزه وجت منتهى وقعدت تاكل
منتهى :- اممممم تسلم ايدك انا ادمنت أكلك خلاص
علاء :- بألف هنا يا عمرى بس بلاش شغل البلطجه ده انتى هتتعلمى الاكل يعنى هتتعلمى
منتهى :- ههههه ليه بس ما احنا حلوين كده
علاء :- هههههه حلو ليكى انتى مش حلو ليا انا
منتهى :- يا راجل قول كلام غير ده يعنى مش خايف على نفسك منى لو اتعلمت اطبخ ده انا هطيرك وهيبقى اكلى احلى من أكلك
علاء :- هيبقى زى العسل على قلبى انا بفرح لما تكونى احسن منى يا توته
منتهى :- بحب ربنا يخليك ليا يا قلبى
علاء :- وميحرمنيش منك يا توته يا رب وقعدوا ياكلوا وبعد وقت خلصوا فطار
منتهى :- وقفت وقالت الحمدالله يلا يا حبيبى علشان منتأخرش
علاء :- وقف وقال يلا يا حبيبتى
منتهى :- دخلت جابت شنتطها وقالت يلا
ونزلوا الاتنين من الشقه ركبوا العربيه ومشى علاء بيها
منتهى :- علاء
علاء :- نعم يا قلبى
منتهى :- كنت عايزه اطلب منك طلب
علاء:- اطلبى يا عمرى عيونى علشانك
منتهى :- احم ك.ك.كنت عايزه اروح لدكتوره اكشف
علاء :- ليه يا قلبي سلامتك حاسه بأيه
منتهى :- لاء انا كويسه اقصد اكشف نسا
علاء :- بأستغراب وانتى عايزه تروحى ليها ليه احنا لسه متجوزين ملحقناش يا توته
منتهى :- علشان خاطرى يا علاء احنا بقالنا اكتر من شهر ومفيش حاجه حصلت
علاء :- يا بنتى أهدى شويه يعنى ايه بقالنا اكتر من شهر محصلش حاجه مش شرط الناس كلها تبقى حامل فى أول شهر يا حبيبتى اصبرى شويه لو محصلش حمل نبقى نروح لدكتوره دى نطمن
منتهى :- يووووه بقى يا علاء كل حاجه لاء لاء
علاء :- يا حبيبتى انا مقولتش لاء انا قولتلك نصبر شويه
منتهى :& ماشى يا علاء لما اشوف اخرتها معاك ايه
علاء :- وقف بالعربيه وبسها فى خدها وقال يلا يا حبيبتى انزلى شغلك
منتهى :- بصت ليه بغيظ ونزلت من العربيه طلعت على شغلها
علاء :- بص عليها وهى ماشيه وقال ربنا يهديكى يا منتهى وشغل العربيه ومشى بيها على الشركه
~•~•~•~•~•~•~•~•~•~•~•~•~•
فى فيلا أكرم

خرج أكرم من الحمام لاقه فاطمه ماسكه التليفون وهى سعيده ومبسوطه بصلها بأستغراب وقال

أكرم :- ايه سر السعاده اللى على وشك دى
فاطمه :- ادهم رجع داليا
أكرم :- ادهم مين ادهم اللى انا اعرفه
فاطمه :- ايوه يا اكرم امال هيكون ادهم مين
أكرم :- لاء اصل مستغرب أن ادهم يتنازل ويرجع داليا
فاطمه :- ده راح ليها البيت وصالحها ورجعها الفيلا وكمان طلع عامل ليها مفاجئه وفتح ليها جريده مخصوص بأسمها
أكرم :- ههههه طيب ما انا عارف علشان أن اللى مجهزها ليها
فاطمه :- والله طيب زى ما انت حلو بره ما تبقى حلو كده معايا
أكرم :- والله وانا حرمك من ايه أن شاءالله
فاطمه :- حرمنى من شغلى يا اكرم شوف هو عمل ليها ايه وقف جنبها حقق ليها حلمها إنما انت مش عايز تخلينى اشتغل وحرمنى من اكتر حاجه بحبها
أكرم :- تانى يا فاطمه هنتكلم فى الموضوع ده تانى مش انتهينا منه خلاص وبعدين كنتى هتنزلى تشتغلى ازاى وانتى حامل كده
فاطمه :- عادى طيب ما داليا حامل اهى وبتشتغل
أكرم :- قعد جنبها على السرير ومسك ايديها وحسس عليها وقال يا حبيبتى بلاش تبصى لغيرك كل واحد وظروفه هو عمل كده علشان يعوضها عن كل حاجه عملها فيها قبل كده هو وجعها جامد وكسرها انما انتى عايشه سعيده ومبسوطه محصلش معاكى ربع اللى حصل فيها أهدى يا حبيبتى كده وبلاش ننكد على بعض
فاطمه :- طيب لما اولد اوعدنى انك تنزلنى الشغل تانى
أكرم :- لاء يا فاطمه مقدرش اوعدك بحاجه زى كده لان هيكون البيبى محتاج رعايه منك
فاطمه :- يوووووه بقى
أكرم :- خلصنا بقى يا فاطمه وباس راسها وقال يلا سلام ونزل وسابها
فاطمه :- بغيظ لاء لاء لاء كل حاجه لاء لما زهقت وقامت من على سريرها بعصبيه ودخلت الحمام
~•~•~•~•~•~•~•~•~•~•~•~•~
فى المدرسه

عند سندس ومؤمن

وصل مؤمن وسندس المدرسه وهما مع بعض ودخلوا المدرسه واول ما دخلوا شافوا وائل واقف وبيتكلم مع أصحابه

سندس :- خافت ومسكت ايد مؤمن بخوف
مؤمن :- بص على ايد سندس اللى ماسكه أيده وبعدين بصلها بحب وطبطب بأيده التانيه على ايديها وقال متخافيش من حد يا سندس طول ما انا معاكى
سندس :- بدموع كل ما اشوفه افتكر اللى حصل يا مؤمن
مؤمن :- مد أيده مسح دموعها وقال علشان خاطرى انسى يا سندس وبلاش اشوف دموعك دى تانى
سندس :- بصت ليه بكسوف وقالت حاضر وحاولت تسحب ايديها من أيده
مؤمن :- ليه ما تسبيها يا فوزيه انا ما صدقت انك انتى اللى عملتى كده من نفسك
سندس :- بكسوف مؤمن سيب ايدى بقى
مؤمن :- لاء عيطى بقى مدام هتاخدى ايدك منى
سندس :- يا ابنى سيب
مؤمن :- ابنك طيب مدام انا ابنك ينفع الام تسيب ايد ابنها
سندس :- يا مؤمن سيب ايدى بقى الكل بيبص علينا
مؤمن :- مش مهم خليهم يعرفوا انك حبيبتى
سندس :- بكسوف احم بتكلم جد يا مؤمن
مؤمن :- ساب ايديها بغيظ وقال خديها اهى واتأكدى لكون أكلت منها حته
سندس :- ههههه والله انت ما طبيعى
مؤمن :- ليه شيفانى بأربع ودان ولا عندى بؤقين
سندس :- لاء شيفاك مجنون شالوا مخك وحطه مكانه بطيخه هههه
مؤمن :- بس بحبك
سندس :- ا.ا.انا اتأخرت وطلعت تجرى من قدامه بكسوف
مؤمن :- بحبك يا مغلبانى وبص لوائل بغيظ ومشى هو كمان
~•~•~•~•~•~•~•~•~•~•~•~•~•
فى تونس

عند ايه صحيت من نومها لاقت ممدوح بيسرح شعره قالت

ايه :- انت مصحتنيش ليه
ممدوح :- مرضتش اصحيكى قولت اسيبك براحتك
ايه :- قامت من على السرير وقالت لاء كنت صحتنى استنا بقى لما اجهز
ممدوح :- يا بنتى خليكى انتى غاويه تعب
ايه :- لاء انت وافقت أن انا انزل معاك مليش دعوه
ممدوح :- اتنهد وقال طيب خلصى بسرعه
ايه :- هوا ودخلت الحمام اخدت شاور واتوضت وخرجت لبست هدومها وأدت فرضها وقالت انا جاهزه
ممدوح :- اتفضلى امشى يلا ونزلوا الاتنين وركبوا العربيه وراحوا على الشركه ودخل ممدوح على مكتبه وقال اقعدى
ايه :- هو انا مش هشتغل معاك ولا ايه
ممدوح :- لاء خليكى قاعده معايا بس
ايه :- ايه ده مليش دعوه انا عايزه اشتغل
ممدوح :- بعصبيه خفيفه هتشتغلى ايه يا ايه دلوقتى ما انتى قاعده معايا اهو
ايه :- انت مالك متعصب كده لو مكنتش حابب وجودى معاك فى الشركه كنت قولت من الاول بدل ما انت مش طايق نفسك كده
ممدوح :- يا قلبى يا حبيبتى انا لا متعصب ولا نيله بس افصلى بقى عايز اشوف شغلى
ايه :- حاضر يا ممدوح وقعدت ساكته
ممدوح :- طلب السكرتيره أنها تدخل ليه وبعد وقت دخلت وقالت
هند :- صباح الخير مسيو ممدوح وحطت الاوراق قدامه
ممدوح :- صباح الخير يا هند ومضى على الورق وقال فيه اى اجتماع النهارده يا هند
هند :- أي مسيو فما اجتماع مع شركة مدام لينا
ممدوح :- الساعه كام
هند :- نص ساعه اخرى هكاكا مسيو
ممدوح :- مد أيده بالورق وقال اوك
هند :- باهي مسيو ممدوح
ممدوح :- هند اطلبى واحد قهوه ساده وواحد عصير ليمون وابعتيهم
هند :- اوك مسيو وخرجت من المكتب
ايه :- هى هند دى تونسيه برضه
ممدوح :- ايوه ليه مالها
ايه :- ملهاش انا بسأل بس
ممدوح :- ماشى
ايه :- مش لينا دى اللى جت سلمت علينا فى مصر من شهر
ممدوح :- ايوه هى
ايه :- ماشى
ممدوح :- ممكن تسكتى بقى علشان اشوف شغلى
ايه :- سكتت شويه وبعدين قالت ممدوح
ممدوح :- امممم
ايه :- انا جعانه
ممدوح :- اتنهد وقال حاضر واتصل بالسكرتيره وطلب منها أنها تجيب ليه اكل
ايه :- ممدوح
ممدوح :- ايوه يا ايه
ايه :- هو انت زعلان منى
ممدوح :- ايه مش وقته الكلام ده خلينى بقى اركز فى شغلى
ايه :- يووووه بقى هى اتأخرت كده ليه انا جعانه
ممدوح :- اللهم طولك ياروح يا بنتى هى لحقت وفى الوقت ده باب المكتب خبط ودخلت هند حطت الاكل على المكتب وخرجت
ايه :- قامت تجرى واخدت الاكل وقعدت تاكل
ممدوح :- الاكل جه اهو اسكتى شويه بقى
ايه :- قعدت تاكل وبعد وقت خلصت وقالت الحمدالله
ممدوح :- بألف هنا يا حبيبتى
ايه :- احيه انا نسيتك خالص فى الاكل
ممدوح :- انا مش عايز مليش نفس المهم انك انتى اكلتى وفى الوقت ده دخلت هند وبلغته وصول لينا وطلب منها ممدوح أن هى تخليها شويه عندها وخرجت هند
ايه :- انت ليه مدخلتهاش
ممدوح :- ايه اطلعى بره عند السكرتيره استنينى لحد ما اخلص الاجتماع
ايه :- ايه لاء طبعآ انا مش هتحرك من هنا
ممدوح :- يا ايه انتى كده معطلانى عن شغلى اطلعى بره عند السكرتيره مينفعش تحضرى الاجتماع
ايه :- انت مش عايزينى احضر معاكم الاجتماع ليه مليش دعوه انا مش هتحرك من هنا واسيب الوليه دى معاك
ممدوح :-بعصبيه ااااااايه بلاش تندمينى أن انا جبتك معايا اسمعى الكلام اخلصى
ايه :- وقفت وقالت يوووووه بقى حاضر يا ممدوح وخرجت عند السكرتيره وبصت للينا بغيظ من فوق لتحت
هند :- اتفضلى مدام لينا فى بيرو مسيو ممدوح اوكا يستنى فيك
لينا :- ميرسى وبصت لنهى وقالت عالسلامه شنوا احوالك
نهى :- كويسه الحمدالله
لينا :- بصت ليها وابتسمت وسابتها ودخلت المكتب عند ممدوح
ايه :- بصت على الباب وهو بيتقفل وقعدت على الكرسى وقعدت تاكل فى ضوافرها وبصت لهند وقالت هو الاجتماع ده بيقعد قد ايه
هند :- معندوش وقت محدد اول ما يكملو هكاكا
ايه :- هوف بقى ماشى وقعدت تبص على الباب بغيظ
هند :- احم désolé مدام كان باش نتدخل اما مسيو ممدوح بلحق محترم برشا عز الناس
ايه :- انا واثقه فيه بس مش واثقه فيها هى
هند :- ههههه لا متتقلقش مش اول مرة يعملو اجتماع راهو
ايه :- عارفه بس غصب عنى متغاظه أن جوزى ودى فى مكان واحد ومقفول عليهم باب
هند :- متتقلقيش ربي معاهم مسيو ممدوح يعرف ربي متخافيش
ايه :- ماشى بس هما كده مش اتأخروا اوى
هند :- هههههه توا توا دخلت راهي
ايه :- هوف بقى يا مهون

فى مكتب ممدوح

دخلت لينا وسلمت على ممدوح وجت تبوسه كالعاده رفض وقال

ممدوح :- اسف مش هينفع
لينا :- بأحراج مش مشكل
ممدوح :- اتفضلى اقعدى
لينا :- قعدت وقالت هاي مرتك هوني
ممدوح :- اه جت معايا
لينا :- اوك وحطت رجل على رجل والجيبه كانت قصيره ورجليها باينه
ممدوح :- اتوتر لما شاف رجليها وقال احم ن.ن نبدء الاجتماع
لينا :- اوك نبدو وبدأوا يتكلموا فى الشغل وعين ممدوح منزلتش من على رجليها وكان متوتر جدآ ومش مركز فى الكلام اللى بتقوله لينا وهى اخدت بالها من نظرات ممدوح ليها بصت ليه بخبث وقامت قعدت جنبه وقالت
لينا :- شبيك ماكش قد قد
ممدوح :- ها ل.ل لا مفيش وقام وقف وقال م.م.ممكن نخلى الاجتماع ده بعدين ا.ا اصل انا تعبان شويه
لينا :- ضحكة بدلع وقامت عنده وقالت كان تحب نعملو الاجتماع هذا في بلاصة اخرى معنديش مانع
ممدوح :- بص على شفايفها وبص على فتحت البلوزه عند صدرها وبلع ريقه بصعوبه وقال ق.ق قصدك ايه
لينا :- قصدى كان ماكش منجم تركز فى الاجتماع لهنا خاطر الحس نجمو نعملوه في داري
ممدوح :- سكت ومردش عليها
لينا :- اخدت ورقه وقلم من على المكتب وميلت على المكتب وكتبت عنوان بيتها
ممدوح :- بص على جسمها من وراه وهى بتكتب على المكتب ونفخ علشان يهدا شويه
لينا :- راحت عنده ومدت ايديها بالورقه وقالت هذا عنوان داري نستناك عاد
ممدوح :- مد أيده اخد الورقه بتوتر
لينا :- قربت من خده وباسته وقالت باى وفتحت الباب وخرجت بصت لايه وابتسمت وشاورت ليها وقالت هياا باااي ومشيت وسابتها
ايه :- بصت ليها بغيظ وقامت دخلت المكتب عند ممدوح
ممدوح :- اول ما حس بوجود ايه حط الورقه فى جيبه وراح قعد على مكتبه
ايه :- كل ده اجتماع انتو اتأخرتوا اوى
ممدوح :- احم انا خلصت بسرعه حتى علشان متأخرش عليكى
ايه :- يا سلام
ممدوح :- م.م.ممكن بقى اشوف شغلى
ايه :- ممدوح انت مالك متوتر كده
ممدوح :- متوتر ؟ و.و.وانا هتوتر ليه بس عندى شوية صداع مش اكتر
ايه :- ممكن وقعدت على الكنبه ومسكت تليفونها وانشغلت بيه
ممدوح :- بص على ايه وهى بتلعب فى التليفون وغمض عينه بتوتر وبدأ يشوف شغله
~•~•~•~•~•~•~•~•~•~•~•~•~•
فى بيت فادى

صحى فادى من نومه وبص على رودينا وهى نايمه وقرب منها وباس راسها وقام دخل الحمام اخد شاور واتوضه وخرج لبس هدومه واده فرضه وخرج من الاوضه ودخل المطبخ علشان يعمل قهوه ليه بس اتفاجئ بوجود نهى فى المطبخ اتوتر وقال

فادى :- ص.ص.صباح الخير يا نهى
نهى :- اتفاجئت بوجوده فى المطبخ وقال فادى صباح النور
فادى :- صاحيه بدرى بتعملى ايه فى المطبخ
نهى :- مفيش صحيت بدرى قولت احضر الفطار للرودينا بحسبك نزلت الشغل
فادى :- يعنى النهارده راحت عليا نومه واتأخرت على الشغل شويه
نهى :- اه معلش اقعد احضرك الفطار
فادى :- لاء مليش نفس انا كنت داخل اعمل قهوه علشان افوق شويه
نهى :- أفطر بس وانا هعملك القهوه وراحت تحضر ليه الفطار
فادى :- قعد على الترابيزه وفضل يتابع تحركات نهى
نهى :- حضرت الفطار وحطته على الترابيزه قصاد فادى وقالت ثوانى والقهوه تكون جاهزه
فادى :- مسك ايد نهى وقال اقعدى كلى معايا
نهى :- اتصدمت من مسكت ايد فادى وسحبتها من أيده وقالت ا.ا انا هستنا رودينا وافطر معاها
فادى :- احم ا.ا.اسف مقصدش حاجه
نهى :- ولا يهمك وراحت جهزت القهوه ليه وحطتها قدامه وفى الوقت ده دخلت رودينا وقالت
رودينا :- يا خاينين بتاكلوا من غيرى
فادى :- اتوتر وقال ت.ت.تعالى شوفى صحبتك حكمت عليا أن انا اقعد أفطر الاول قبل ما اشرب القهوه
رودينا :- راحت حطت ايديها على كتف نهى وقالت جدعه يا بت انك خلتيه يفطر بدل ما يشرب القهوه على الريق كده
نهى :- انا كنت بحضر الفطار ليكى ولاقيته داخل يعمل قهوه حضرت ليه الفطار وعملت القهوه وكنت خارجه والله
رودينا :- ههههه مالك يا بت خايفه كده وفيها ايه لما تبقى فى المطبخ انتى وفادى انا واثقه فيكم انكم اخوات يلا يا هبله نحضر الفطار احسن هموت من الجوع
فادى :- غمض عينه بقلق وقام وقف وقال انا ماشى
رودينا :- طيب كمل فطارك
فادى :- شبعت الحمدالله
رودينا :- هتاكل ولا لازم نهى هى اللى تغصب عليك وبصت لنهى وقالت قوليله يقعد ياكل يا نهى
فادى :- خلاص يا رودينا بقى انا ماشى سلام وخرج وسابهم
رودينا :- ده ماله ده اتعصب ليه كده
نهى :- بتوتر م.م.معرفش
رودينا :- يلا نحضر الفطار احسن جعااااانه وحضروا الفطار مع بعض وقعدوا ياكلوا

*********************

إلي هنا ينتهي الفصل الثانى والسبعون من رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد

تابع أيضاً: جميع فصول رواية آدم ولانا بقلم امونه

تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها

اقرأ أيضا: رواية من أجلك فقط بقلم لولو الصياد