مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة دودو محمد علي موقعنا قصص 26 و موعدنا اليوم مع الفصل السادس والسبعون من رواية تمرد صحفية بقلم دودو محمد.
رواية تمرد صحفية بقلم دودو محمد - الفصل السادس والسبعون
اقرأ أيضا: روايات رومانسية
 |
| رواية تمرد صحفية بقلم دودو محمد |
رواية تمرد صحفية بقلم دودو محمد - الفصل السادس والسبعون
ايه :- هند تعالى يا هند
هند :- قعدت جنبها وقالت وينك شعاملة توا
ايه :- كويسه أو بحاول اكون كويسه وبعدين بصت ليها وقالت انا اسفه أن انا جيت ليكى وازعجتك بس انا معرفش حد هنا غيرك وانتى الوحيده اللى كان معايا عنوانها
هند :- ربي يسامحك على الكلام هذا انا فرحانه برشا والله انك جيتى لهنا و رقدتي عندى فى داري المتواضعة هذي
ايه :- بجد انتى انسانه طيبه اوى وجميله
هند :- باهي انا محبيتش نسألك لبارح شبيك خاطر كنتى منهاره من البكاء وحبيتى تكونى وحدك تنجمي توا تقوليلى شبيك لاباس
ايه :- بدموع ممدوح يا هند كان هيخونى مع لينا
هند :- بصدمه شنواااا
ايه :- شوفتى الواطيه الزباله انا مرتحتش ليها من اول مره شوفتها فيها
هند :- لحظة ساعة انتى قولتى كان باش يخونك
ايه :- ايوه
هند :- يعنى ماصار شي بيناتهم
ايه :- هزت راسها بمعنى لاء
هند :- وانتى منين عرفتي انه ما صار شي
ايه :- ممدوح اللى قالى وانا بثق فى كلامه وبصدقه
هند :- طيب مدام واثقه فى كلامه ليه سيبتى البيت
ايه :- علشان فكر يخونى مجرد التفكير فى غيرى خيانه ليا يا هند
هند :- بس اكيد عنده سبب علشان فكر يخزر لبرا وانتو مزلتو غير كي عرستو
ايه :- بصت ليها وسكتت ومردتش عليها
هند :- اكيد انتى عارفه السبب شنوا
ايه :- وقفت وادتها ضهرها وقالت ا.ا.ايوه علشان مش بياخد حقه الشرعى منى
هند :- شنواااا تي علااه بربي
ايه :- دموعها نزلت منها وقالت محبتهاش يا هند حاسه انها حاجه مقززه ومقرفه بجد انا بكرهه الحاجه دى اوى بحاول اقعد قدامه بحاجه مقفوله علشان ميقربش ليا حاولت كتير اجى على نفسى واسيبه يعمل اللى هو عايزه بس بحس أن انا هرجع ببقى عايزه أبعده عنى وأجرى على الحمام
هند :- اما هكا انتي الغالطة مش صحيح هذاكا حقه شرع ربنا اللى حلله ليه ومن حق اى راجل يطلب من مرته وقت اللي يحب
ايه :- عارفه والله العظيم عارفه بس انا كده اعمل ايه
هند :- انتى لازم تغيرى من نفسك قبل ما راجلك يمشي و يخليك اى راجل لو حس بتقصير من مرته فى الحاجه هذي يبقى معرض أنه يحوس على غيرها لبرا ويخونها ومسيو ممدوح بسيف عليه عينه انشغلت كي شاف لينا وطريقة لبسها وطريقة كلامها والدلع متاعها غصب عنه اي واحد عنده نقص فى الحاجة هذي يخزر لبرا
ايه :- انا بحبه اوى والله العظيم بحبه بس مش عارفه اعمل ايه فى احساسى ده احساس القرف من العلاقه الزوجيه
هند :- انتى لازم تشوفي دكتور مختص فى الموضوع هذا اكيد باش يفيدك برشا ويغير وجهة نظرك فى الحاجه هذي
ايه :- تفتكرى
هند :- اي صدقينى انتى اللى عندك هذا مرض والدكتور باش يعالجك منه قبل ما راجلك يمشي لغيرك ونصيحه منى قولى لراجلك الكلام هذا باش يساعدك برشا ويوقف معايا
ايه :- م.م.ماشى
هند :- قومى معايا
ايه :- على فين
هند :- هستأذن من الشغل اليوم وباش نخليك حاجه اخرى
ايه :- ماشى
هند:- استأذنت بالتليفون من الشركه أنها مش هتروح النهارده ولبست هدومها واخدت ايه ونزلوا الشارع وركبوا العربيه
ايه :- هنروح فين
هند :- امشى وتوا نقولك
ايه :- ماشى وشغلت العربيه ومشيت بيها
هند :- قالت لايه تمشى ازاى لحد ما وصلوا المكان اللى ريحين ليه
ايه :- هنعمل ايه هنا
هند :- لازم في الاول تشري شوية لبسة لزوم الدلع و فازات
ايه :- لالالا انا بقولك مش عايزه الحاجه دى تقوليلى لزوم الدلع
هند :- اسمعيني بركا تي تعالي ودخلوا محل فيه قمصان نوم
ايه :- بصت على القمصان وحطت ايديها على وشها وقالت نهار اسود انتى عايزانى البس حاجات من دى لممدوح
هند :- بأستغراب ليه هو انتى ملبستيلوش حتى مرة من حاجات هذي اصلا
ايه :- مره واحده وكنت هموت من الكسوف كانت يوم الدخله ومن يومها محطتش الحاجات دى على جسمى تانى
هند :- امالا كيفاش يصير بيناتكم
ايه :- عادى يعنى
هند :- الله يكون فى عون مسيو ممدوح الصراحه مفماش حتى راجل يستحمل اللى انتى تعملي فيه هذا وفى الاخر منجمش حتى يخونك امشى معايا هيااا
ايه :- امشى معاكى فين يلا بينا من هنا ريحى نفسك مستحيل البس دول
هند :- تي امشي بركا وراحت عند القمصان وقعدت تختار أشكال منه لايه
ايه :- على جثتى احط الحاجه دى على جسمى
هند :- باهي مالا انتى حره خلى لينا تفكهولك واعملى حسابك لينا مش ساهله راهي ومش باش تسكت غير لما تخطفو منك والمره اللى فاتت ملمسهاش المره الجايه اكيد باش يلمسها
ايه :- بصت ليها بتوتر وقالت ماشى بس كنت عايزه أسألك سؤال
هند :- اي اكيد اسألى
ايه :- هو انتى متجوزه
هند :- اي اما هو مسافر وبخدم لبرا ويهبط لتونس في العام مره او اثنين عطلة ويرجع يسافر مرة اخرى
ايه :- مش معاكم عيال
هند:- لا لتوا ربي مرزقناش
ايه :- ربنا يرزقكم الذريه الصالحه يارب
هند :- يارب هيا امشى معايا واشتروا قمصان وفساتين مثيره وقصيره وراحوا على البيوتى سنتر ودخلت هند وقالت
عالسلامه وينكم حابة تعملو للمدام تزين و حاجات رقيقة
ايه :- بصت ليها وقالت ليه بقى أن شاءالله
هند :- اسمعى الكلام بس
ايه :- اتنهدت وقالت حاضر وراحت قعدت وبدأو يغيروا كل حاجه فيها وبعد وقت طويل خلصت
هند :- واووووو بلحق تحفه مزياانة اتبدلتى برشااا شوفي فى المرايا تراه
ايه :- بصت على نفسها فى المرايا وقالت بس انا كان عجبنى لون شعرى وشكلى الاولانى
هند :- بس الراجل يحب التغيير صدقينى مسيو ممدوح كان بشوفك قدامه بالشكل هذا عقله هيطير من جمالك مع الروبة الحمرا هذي تحفه
ايه :-يا هند افهمينى ما اخرت الحاجات دى سوده هيطلب منى حقه وانا مش عايزه
هند :- مفماش حاجه اسمها مش عايزه هذا راجلك وليه حقه فيكى رضيه انشالله مره واحده حتى تمشي تتعالجى من الموضوع هذا
ايه :- اتنهدت وقالت ماشى
هند :- مزالت خطوه واحدة كهو لازم تتعمل
ايه :- ايه هى
هند :- نمشو عندك الفيلا وهو فى الشركه توا يلا
ايه :- هنعمل ايه
هند :- توا نقلك كي نوصلو غادي
ايه :- ماشى وركبوا العربيه واشتروا شوية حاجات وراحوا على الفيلا
هند :- انا باش نجهز شوية حاجات وانتى ادخلى الكوجينة اعملى ماكله يكون راجلك يحبها
ايه :- اغير هدومى الاول طيب
هند :- اوك غيرى هدومك اما بسرعه قبل ما يجى هو
ايه :- حاضر وطلعت غيرت هدومها ونزلت دخلت المطبخ وبدأت تعمل الاكل اللى بيحبه ممدوح وبعد وقت خلصت الاكل وهند خلصت تجهيز الفيلا ونزلت عند ايه وقالت
هند :- كملتي
ايه :- ايوه
هند :- باهي اطلعي توا اعملي شاور بسرعه والبسى الفستان الاحمر اللى على السرير لفوق ونادى عليا نعملك شعرك والميكاج
ايه :- بصت ليها وطلعت الاوضه اخدت شاور ولبست الفستان الاحمر وخرجت من الحمام
هند :- ظبطت ليها كل حاجه وقالت شوفي كل حاجه سافا توا الباقى عليكى انتى يعنى شوية دلع و كلمتين حلوين هكا حضن ليه وياريت تخلى الحضن هذا ديما خاطر يعطيكم طاقه ايجابيه ليكى وليه
ايه :- بس
هند :- قطعتها وقالت مفماش بس انسى الكلام اللى فى مخك هذا وفكرى أن هذا راجلك اللى يحبك وانتى تحبيه وخلي احساسك ومشاعرك هما اللى يتصرفوا باش تلقي روحك مستجابه ليه وانتى اللى تقربيلو
ايه :- هحاول
هند :- حاولى اما لو مقدرتيش ردي بالك تبعدى كملى وفى الاخر قوليله على اللى تحسى بيه لو لاقيتي روحك مستجابه معناها كملى حياتك على هكا وتفتكرى انك لو بعدى عليه فى وقت كيف من هكا معناها راجلك باش يضيع منك
ايه :- عايزه اقولك انك انتى بتتكلمى مصرى احسن منى
هند :- هههه علشان بتعامل مع مسيو ممدوح من زمان اتعود على طريقة كلامه وبتابع كل المسلسلات المصريه وبعشق شرين وعمرو دياب وتامر حسنى وبموووت فى حماقى
ايه :- لاء ده انتى طلعتى مصريه وبنت بلد كمان هههههه
هند :- هههههههه اكيد مصر انا بحبها كتير
ايه :- وانا والله حبيت تونس اوى وبحبك انتى كمان اوى اوى وشكرآ بجد يا هند انتى واقفتى جنبى كأنك اختى بالظبط وحضنتها
هند :- طبطبت عليها وقالت انا تحت امرك فى اى وقت تحتاجينى فيه يلا امشى انا قبل ما مسيو ممدوح يجى باى وباستها ومشيت
ايه :- قعدت على السرير بتوتر تستنا وصول ممدوح وفضلت تدعك فى ايديها
~•~•~•~•~•~•~•~•~•~•~•~•~
فى شركة ممدوح
وصل ممدوح وهو متعصب ومش شايف قدامه من قلة النوم قعد على مكتبه ومسك تليفونه واتصل بفاطمه وانتظر ردها
فاطمه :- بصوت نعسان صباح الخير يا ممدوح
ممدوح :- صباح النور يا فاطمه شكلك لسه نايمه
فاطمه :- لاء كويس انك صحتنى اصل النهارده اول يوم ليا فى الشغل
ممدوح :- مبروك خلاص هقفل ولما تفوقى ابقى كلمينى
فاطمه :- يا ابنى استنا انا فؤقت خلاص كنت عايزنى فى ايه
ممدوح :- ايه يا فاطمه
فاطمه :- يادى المصيبه السوده فيه ايه تانى
ممدوح :- مشيت وسابت البيت من امبارح ومعرفش مكانها فين
فاطمه :- قعدت وقالت يا نهار اسود
ممدوح :- يا بنتى أهدى بلاش حد عندك يعرف حاجه وسمع صوت أكرم وهو بيسألها فيه ايه
فاطمه :- مفيش يا اكرم ده انا بكلم ممدوح هنزل أكلمه تحت وانت كمل نومك ولبست الروب ونزلت اوضة المكتب وقالت البت طفشت هتكون راحت فين يا ممدوح البت متعرفش حد عندك
ممدوح :- معرفش هتجن من امبارح وبتصل بيها الفون بتاعها مقفول
فاطمه :- طيب ايه اللى حصل خلاها تسيب البيت وتمشى
ممدوح :- سكت ومردش عليها
فاطمه :- انطق يا ابنى حصل ايه ما بينكم
ممدوح :- اعترفت ليها أن انا كنت فى شقة واحده وكنت هخونها
فاطمه :- يا راجل احلف
ممدوح :- بس والله العظيم ما حصل حاجه انا مقدرتش اقرب من حد تانى غير ايه
فاطمه :- ولا انت عبيط ولا بتستعبط انت عايز تقولها كده وتقعد ده كويس انها محاولتش تقتلك
ممدوح :- اعمل ايه ما هى السبب فى كل اللى حصل ده كل ما اقرب منها تتهرب منى لما زهقت وتعبت
فاطمه :- انا مش قولتلك اصبر عليها وانا هكلمها ليه تعمل كده بس يا ممدوح ليه البت امانه معاك تعمل معاها كده دور عليها كويس ولما تلاقيها ابقى بلغنى
ممدوح :- حاضر سلام وقفل مع فاطمه ورجع راسه لوراه وقال يا ترى انتى فين يا ايه
~•~•~•~•~•~•~•~•~•~•~•~•~•
فى اسكندريه
فى فيلا أكرم
خلصت فاطمه كلام مع ممدوح وفتحت الباب لاقت اكرم وقف على الباب اتخضت وقالت
فاطمه :- أكرم خضتنى واقف كده ليه
أكرم :- اختى مالها يا فاطمه
فاطمه :- م.م.ملهاش اختك كويسه
أكرم :- انا سامعك بودنى بتقولى ليه ليه تعمل كده فى ايه
فاطمه :- احم د.د.دول شوية زعل عادى مع بعض وبيحصل بين اى راجل ومراته مشاكل عادى يعنى وهو هيروح يصالحها وخلاص
أكرم :- اقسم بالله لو اختى حصلها حاجه مش هرحم الزفت ده
فاطمه :- ممدوح مش زفت واختك زى اى واحده متجوزه بتحصل مشاكل مع بعض ده عادى على فكره طيب ما انت بتزعلنى ولا انا عادى واختك لاء وبصت ليه بغيظ وطلعت على اوضتها
أكرم :- اتنهد وطلع وراها وقال مقصدش يا حبيبتى طبعآ انتى واختى اغلى ما فى حياتى ومقدرش على زعلكم انتو الاتنين بس هى فى غربه وبلد لوحدها هناك متعرفش حد علشان كده بخاف عليها
فاطمه :- متقلقش انت وتشغل بالك ممدوح بيحبها وبيخاف عليها زيك واكتر وياريت تطلع اخويه من دماغك بدل ما انت بتكرهوا ومستنى ليه الغلطه وسابته ودخلت الحمام
أكرم :- مش عارف بدافع عليه على ايه وقال بقرف ده بنى أدم رخم
وشويه وخرجت فاطمه لبست هدومها وأدت فرضها ودخل أكرم اخد شاور واتوضه وخرج اده فرضه ونزلوا هما الاتنين ركبوا العربيه ووصلها لحد مكان الشغل وراح على شغله
~•~•~•~•~•~•~•~•~•~•~•~•~•
فى فيلا ادهم
صحه ادهم من نومه وبص على داليا اللى نايمه فى حضنه بحب ومشى أيده على خدها وباسها برقه
داليا :- حست بأدهم فتحت عينيها وابتسمت ليه وقالت صباح الخير
ادهم :- باسها بوسه رقيقه على شفايفها وقال صباح الفل يا روحى ومشى أيده على دراعها العريان وقال بتبقى شبه الملايكه وانتى نايمه
داليا :- بدلع وانا نايمه بس
ادهم :- اه وانتى نايمه بس
داليا :- بزعل طفولى كده طيب انا زعلانه منك
ادهم :- ابتسم وقال بس وانتى صاحيه بتبقى شبه الطفله الشقيه المتمرده
داليا :- ضحكت ضحكه طفوليه وقالت بجد
ادهم :- بجد انا بحسك بنتى المتمرده اللى بطلع عينى بس مقدرش اقسى عليها عمرى
داليا :- الكلام ده على ادهم الاوبشن الجديد طبعآ لأن القديم قام بأحلى واجمل قسوة شوفتها فى حياتى
ادهم :- قرصها فى خدها وقال بلاش لماضه
داليا :- هههههههه خلاص خلاص ولسه هتقوم
ادهم :- شدها فى حضنه وقال ما تخليكى فى حضنى شويه
داليا :- اممم ماشى ونامت فى حضنه وقعدت تلعب بأيديها على صدره وقالت ادهم
ادهم :- ايوه يا قلبى
داليا :- هو انت عمرك ما حبيت خالص ولا حتى اعجبت بواحده
ادهم :- ابتسم وقال هتصدقينى لو قولتلك عمرى ما بصيت لوحده ولا انشغلت بحد مع أن فيه كتير حاولوا يقربوا ليا بس كنت بوقفهم عند حدودهم
داليا :- اكيد هصدقك وانا فرحانه اوى علشان انا الوحيده اللى شغلت قلبك وخطفته
ادهم :- وانا مش ندمان على حبى ليكى يا داليا انتى احلى واجمل وارق واحده شوفتها فى حياتى
داليا :- باسته فى صدره وقالت بحبك اوى اوى يا ادهم نفسى الاقى كلام يقدر يوصفلك انا بحبك قد ايه
ادهم :- بص فى عينيها وقال من غير ما تقولى انا شايف حبى فى عينيكى وقرب من شفايفها وباسها بوسه طويله وبعد عنها وقال بعشقك يا داليا
داليا :- ابتسمت ليه بحب وغمضت عينيها واتنهدت وقالت حاسه ان انا بحلم وخايفه حد يصحينى منه يا ادهم
ادهم :- لاء انتى مش بتحلمى انا معاكى وجنبك اهو يا داليا
داليا :- ربنا يخليك ليا وميحرمنيش منك يارب
ادهم :- ولا منك يا عمرى
داليا :- يلا نقوم احسن كده هنتأخر
ادهم :- استنى بس عايز اقولك حاجه
داليا :- خير يا ادهم
ادهم :- فيه سواق هيوديكى ويجيبك كل يوم من الشغل وزود ليكى الحرس عند الجريده
داليا :- وليه ده كل يا ادهم مش هتخطف يعنى
ادهم :- دااااااليا اسمعى الكلام اللى بقولك عليه
داليا :- اتنهدت وقالت حاضر مع أن انا مش فاهمه ليه الخوف ده كله عليا
ادهم :- زيادة امان يا داليا علشان اكون مطمن عليكى اكتر
داليا :- حاضر فيه حاجه تانيه
ادهم :- ايوه اعملى حسابك أن انا هخدك النهارده انتى ومديحه عند اخواتى
داليا :- بفرحه بجد
ادهم :- ايوه
داليا :- خلاص ماشى هحاول متأخرش النهارده فى الشغل
ادهم :- خلاص يا حبيبتى قومى يلا جهزى نفسك
داليا :- باسته فى خده وقامت دخلت الحمام
ادهم :- مسك تليفونه وطلب تامر وانتظر الرد
تامر :- صباح الخير
ادهم :- صباح الخير محدش وصل لحاجه فى موضوع مكرم
تامر :- للاسف لسه
ادهم :- انا بحاول احمى مراتى على قد ما اقدر وانتى خلى بالك من اختى دينا وياريت تبلغ أكرم كمان علشان ياخد حذره هو كمان ويحمى مراته
تامر :- اكيد أن شاءالله هبلغ أكرم بهروب اخوه النهارده
ادهم :- تمام سلام وقفل مع تامر وقام وقف وفى الوقت ده خرجت داليا ودخل ادهم الحمام وبعد وقت الاتنين جهزوا ونزلوا كل واحد ركب العربيه بتاعته وراح على شغله
~•~•~•~•~•~•~•~•~•~•~•~•~•
فى الفندق
عند تامر ودينا صحى تامر من نومه بص على دينا وهى نايمه ومشى أيده على شعرها وابتسم بحب وقرب من راسها وباسها ولسه هيقوم من جنبها
دينا :- مسكت أيده وقالت بلاش تقوم انا خايفه
تامر :- قرب ايديها من شفايفه وباسها وقال خايفه من ايه يا قلبى طول ما انتى معايا متخافيش من حاجه
دينا :- بدموع خايفه من مكرم احسن يخطفنى زى المره اللى فاتت ويقتلنى زى ماما وبابا
تامر :- غمض عينه بزعل وشدها فى حضنه وقال متخافيش يا دينا مش هسمح ليه يقربلك ولا يمس شعره واحده منك
دينا :- ليه بيعمل كده انا اعصابى تعبت منه والله كانوا عداموا وبقى وريحونا
تامر :- دى محكمه والقضايا اللى عليه مش بسيطه بتاخد وقت كبير فى المحكمه
دينا :- علشان خاطرى اوصلوا ليه بسرعه
تامر :- باس راسها وضمها فى حضنه وقال حاضر يا دينا بس أهدى
دينا :- مسكت فيه اكتر شبه الاطفال
تامر :- ضمها اكتر ليه وقعد يحسس على ضهرها علشان تضمن اكتر وتهدا
~•~•~•~•~•~•~•~•~•~•~•~•~
فى المدرسه
وصلت سندس هى ومؤمن المدرسه وكانت حزينه وبيحاول مؤمن يعرف مالها
مؤمن :- ممكن افهم بقى مالك من ساعة ما خرجتى من الفيلا وانتى حزينه وساكته
سندس :- بدموع ابيه ادهم هينقلنى من المدرسه
مؤمن :- بصدمه ايه طيب هينقلك ليه
سندس :- بيقولى مينفعش اكون فى مدارس مختلطه عايز ينقلنى مدرسة بنات بس
مؤمن :- لاء مستحيل انا اخد على وجودك معايا يا سندس
سندس :- بدموع وانا مش عايزه اسيب المدرسه دى
مؤمن :- خلاص نكلم داليا تقنعه يخليكى فيها
سندس :- مش هيوافق انا عارفه أبيه ادهم كويس
مؤمن :- انا مستحيل هقبل انك تبعدى عنى تانى انا ما صدقت أننا قربنا لبعض اوى فى الفتره دى
سندس :- دموعها نزلت وقالت انا عايزه أفضل جنبك يا مؤمن
مؤمن :- اتنهد وقال أهدى يا سندس انا هتصرف يلا بس علشان منتأخرش
سندس :- قالت ماشى ومشيوا الاتنين وراحوا على المدرسه
~•~•~•~•~•~•~•~•~•~•~•~•~•
فى شقة فادى
صحى فادى من نومه وقام بصعوبه من على السرير دخل اخد شاور واتوضه وخرج لبس هدومه واده فرضه وراح عند رودينا باسها من خدها وخرج من اوضه وبص على اوضت نهى ومشى ولسه هيفتح الباب
نهى:- فادى
فادى :- وقف وغمض عينه بتوتر ومردش عليها
نهى :- راحت عنده ووقفت قدامه وقالت انا جاهزه علشان انزل الشغل
فادى :- احم ن.ن.نهى مش هينفع تنزلى معايا الشركه علشان فيه سكرتيره جات اخدت مكانك
نهى :- بزعل خلاص ماشى مفيش مشكله انا هنزل ادور على شغل
فادى :- بص فى عينيها وشاف زعلها قال بس ا.ا.ادهم هيشوف ليكى شغل كويس فى مكان تانى
نهى :- شكرآ عن اذنك ولسه هتدخل اوضتها
فادى :- مسكها من دراعها وقال استنى
نهى :- بصت على أيده اللى ماسكه دراعها وبصت ليه بأستغراب
فادى :- بعد أيده عنها وقال ا.ا اسف
نهى :- لسه هتدخل اوضتها من غير كلام
فادى :- استنى يا نهى عايزك
نهى :- وقفت وقالت نعم
فادى :- اتنهد وقال تعالى معايا
نهى :- اجى معاك فين
فادى :- الشغل انا همشى التانيه وهخليكى انتى ترجعى مكانك
نهى :- مينفعش خلاص يا فادى انا من بكره هنزل اشوف شغل وسكن ليا
فادى :- لاء يا نهى مقدرش استغنا عنك
نهى :- بصت ليه بصدمه
فادى :- بتوتر ا.ا.اقصد رودينا متقدرش تستغنا عنك ا.ا.احنا اخدنا على وجودك فى حياتنا
نهى :- بس ده مش صح لان انا كده كده همشى من عندكم وهسافر
فادى :- بصدمه هتسافرى
نهى :- ايوه مبقاش ليا حد هنا هعمل ايه يعنى هسافر اشوف نفسى فى مكان تانى مع ناس جداد يمكن الاقى حظى فى اللى جاى
فادى :- لالالا اوعى تمشى يا نهى
نهى :- ليه هفضل هنا ليه يا فادى
فادى :- علشانى يا نهى
نهى :- بصت ليه وسكتت
فادى :- مسك ايديها وقال خليكى معايا يا نهى ومتبعديش عنى
نهى :- سحبت ايديها من أيده بدموع وقالت ايه اللى انت بتقوله ده انت عندك بيتك ومراتك اللى بتحبك يا فادى
فادى :- قرب لنهى وبص فى عينيها وقال نهى انا بحبك
نهى :- زقته بعيد عنها وهزت راسها يمين وشمال وقالت بدموع ازاى تسمح لنفسك تقولى كده ها ا.ا.انت ازاى بعد الحب اللى حبيته ليك رودينا تبص لغيرها ولمين لأقرب صاحبه ليها انت مستحيل تكون عاقل بجد انا مصدومه فيك ولسه هتدخل اوضتها
فادى :- شدها سندها على الحيطه وقال انتى السبب اللى خلتينى خاين وجودك فى حياتى خلانى انشغلت بيكى وحبيتك انا بحبك يا نهى وانتى واضح عليكى اوى انك بتحبينى والحب ده لا بأيدى ولا بأيدك
نهى :- رفعت ايديها وضربته بالقلم
فادى :- انتى بتضربينى يا نهى بتمدى ايدك ليه علشان قولتلك بحبك ولا علشان كشفتك قصاد نفسك بس فى الوقت ده اتفاجئوا برودينا واقفه وبتبص ليهم بدموع
نهى :- بصت لرودينا وبصت لفادى وزقته ودخلت تجرى على اوضتها
رودينا :- بصت ليه بدموع ودخلت تجرى على أوضتها
فادى :- بص على باب نهى وبص على باب رودينا وقعد فى الارض وحط راسه ما بين ايديه ودموعه نزلت منه وبعد وقت خرجت نهى من اوضتها وهى ماسكه شنطة هدومها ودموعها على خدها
فادى :- وقف ومسك دراع نهى وقال ارجوكى خليكى بلاش تمشى وتسبينى وفى الوقت ده خرجت رودينا بشنطة هدومها ودموعها على خدها راح عندها وقال رودينا اسمعينى
رودينا :- بعدت عنه وقالت طلقنى يا فادى
فادى :- مستحيل يا رودينا مستحيل
نهى :- بدموع رودينا خليكى فى بيتك وحافظى على جوزك انا اللى لازم أخرج من حياتكم
فادى :- بص لنهى بدموع وبترجى وقال خليكى
رودينا :- بصت ليهم بدموع وقالت انا اللى هخرج من حياتكم يا نهى اهو عندك اشبعى بيه ومشيت وسابتهم
فادى :- رودينا لاء متمشيش
نهى :- بصت ليه بدموع وقالت حاول تصلح إللى حصل ده مراتك بتحبك وهتخسر كتير لو بعدت عنك وانسانى يا فادى انسانى ومشيت لحد الباب وبصت ليه بدموع وخرجت من باب الشقه
فادى :- بص ليها وهى ماشيه وقعد فى الارض وفضل يصرخ بأسم نهى ويعيط
~•~•~•~•~•~•~•~•~•~•~•~•~
فى تونس
وصل ممدوح الفيلا وهو قلقان على ايه فتح الباب ودخل لاقه النور مطفى بتاع الفيلا وشموع محطوطه على السلم ومولعه بص بأستغراب ليهم ورفع حاجبه وقال
ممدوح :- ده مين اللى دخل الفيلا وعمل فيها كده طلع على السلم وهو بيبص على الشموع وراح على باب اوضه لاقه مرسوم قلب وعليه حرفه وحرف ايه قال يا صلاة الزين معقول يكون حرامى بس ذوق شويه كل حاجه جايز ومد أيده فتح الباب لاقه الدنيا ضلمه وترابيزه عليها اكل وشمعدان فيه شمع مولع مد أيده فتح النور بأستغراب وبص على السرير لاقه حد نايم بفستان احمر على السرير ومعرفش مين قال بأستغراب دى شكلها حراميه مش حرامى ومشى ببطئ ورفع الشعر من على وشها وقال ايه ده دى شبه مراتى اوى بس فيه اختلاف كبير طبعآ ايه جاب جعفر للعسل ده وخبط على كتفها وقال انتى يا انتى
ايه :- فتحت عينيها من النوم وقالت ممدوح انت ايه أخرك كده
ممدوح :- ايه ده انتى كمان تعرفى أسمى ومستنيانى كمان
ايه :- هى مين دى
ممدوح :- انتى
ايه :- ايه ده انت مش عرفنى ا.ا انا ايه يا ممدوح
ممدوح :- ايه مين حضرتك
ايه :- ايه مراتك يا ابنى
ممدوح :- لاء استنى ازاى بس انتى ايه مراتى
ايه :- والله العظيم انا ايه مراتك
ممدوح :- مسك شعرها وقال طيب اقتنع ازاى مراتى لون شعرها غير ده وعمرها ما تعرف تعمل الشغل الجامد ده ولا ترضه تلبس ليا فستان قصير زى ده لالالا انتى يا حد تانى غيرها يا اما عفريت ايه إنما ايه جعفر مستحيل
ايه :- بزعل والله وليك عين كمان تهزر بعد عملتك المهببه بتاعة امبارح
ممدوح :- ايووووه هو ده بقى جعفر بس مش راكب على الشكل العام واحشتنى يا جعفر كنت فين كده
ايه :- كنت عند هند
ممدوح :- هند مين السكرتيره
ايه :- هزت راسها وقالت ا.ا.ايوه هى الوحيده اللى اعرفها هنا
ممدوح :- شدها ليه وقال اهون عليكى تسبينى قلقان عليكى كده
ايه :- طيب ما انا هونت عليك وروحت لواحده غيرى وكنت عايز تخونى
ممدوح :- اهو انتى قولتيها كنت هخونك يعنى محصلش حاجه ومهونتيش عليا اوجعك ولا يبقى فى حضنى حد غيرك وارجع واقولك انتى السبب جفائك ليا وحرمانى منك كانوا سبب رئيسى علشان افكر اعمل كده
ايه :- غمضت عينيها بتوتر وقربت من شفايفه وباسته وبعد وقت بعدت عنه بكسوف
ممدوح :- اتفاجئ بحركة ايه وبصلها بأستغراب وقال هو اللى حصل ده حقيقى ولا بيتهيألى
ايه :- بصت للارض بكسوف وهزت راسها بمعنى ايوه
ممدوح :- رفع وشها ليه وقال كفاره يا جعفر كنت فين من زمان يا عم وقرب من شفايفها وباسها
ايه :- بعدت عنه بكسوف وقالت ت.ت.تعال ناكل الاول
ممدوح :- بصدمه تانى يا ايه
ايه :- ل.ل.لاء مقصدش والله بس فعلا الاكل زمانه برد وانا مستنياك من بدرى وانت اتأخرت اوى و.و وبعدين ا.ا.احنا عندنا ا.ا.الليل طويل ه.ه.هروح منك فين يعنى
ممدوح :- حس بتوتر ايه شدها فى حضنه وقال اموت واعرف ايه سبب توترك من العلاقه كده
ايه :- مسكت فيه اكتر وقالت علشان خاطرى استحملنى يا ممدوح وبلاش تسبنى وتروح لوحده تانيه ا.ا.انا هروح لدكتور واتعالج والله انا بحبك والله العظيم ودموعها نزلت منها
ممدوح :- بعدها عن حضنه ومسك وشها بين ايديه وبص ليها وقال انتى بتخافى منى يا ايه
ايه :- هزت راسها بمعنى لاء
ممدوح :- امال فيه ايه بالظبط
ايه :- معرفش يا ممدوح بس محبتش العلاقه دى بقرف منها وببقى عايزه ارجع كل ما يحصل كده بفضل قرفانه من نفسى عارفه أن ده مش شئ طبيعى بس انا هروح دكتور وابقه طبيعيه
ممدوح :- بأستغراب بتقرفى منى
ايه :- لالالا والله انا بقول على العلاقه نفسها إنما أنا بحبك ومش بقرف منك اقسم بالله
ممدوح :- اتنهد وقال ماشى يا ايه انا معاكى وعمرى ما هسيبك وهفضل جنبك لحد ما تتعالجى من الموضوع وهستحمل بعدى عنك لحد ما تكونى كويسه وانتى اللى تيجى تطلبى منى انى اقرب منك
ايه :- اترمت فى حضنه وقالت انا بحبك اوى يا ممدوح اوى
ممدوح :- ابتسم ليها وقال ايه مش عايزه تاكلى
ايه :- ضحكة وبصت ليه وقالت غلس
ممدوح :- والله العظيم بعشقك وباس راسها وراحوا ياكلوا
*********************
إلي هنا ينتهي الفصل السادس والسبعون من رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد
تابع أيضاً: جميع فصول رواية آدم ولانا بقلم امونه
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
أو أرسل لنا رسالة مباشرة عبر الماسنجر باسم القصة التي تريدها
اقرأ أيضا: رواية من أجلك فقط بقلم لولو الصياد
إرسال تعليق
يسعدنا تلقي اقتراحاتك أو تعليقك هنا