قصص رومانسية جريئة ممنوع دخول الأطفال

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة دودو محمد علي موقعنا قصص 26 و موعدنا اليوم مع الفصل السابع والسبعون من  رواية تمرد صحفية بقلم دودو محمد. 

رواية تمرد صحفية بقلم دودو محمد - الفصل السابع والسبعون

اقرأ أيضا: روايات رومانسية

رواية تمرد صحفية بقلم دودو محمد

رواية تمرد صحفية بقلم دودو محمد - الفصل السابع والسبعون

فى شقة علاء ومنتهى

رجع علاء ومعاه منتهى البيت ودخلوا الاتنين سوا وسابها ودخل الاوضه من غير ولا كلمه بصت منتهى عليه بأستغراب ودخلت وراه وقالت

منتهى :- علاء مالك انت من امبارح مش طبيعى فيك ايه
علاء :- ها و.و ولا حاجه
منتهى :- يا علاء متقلقنيش عليك وقعدت جنبه على السرير ومسكت أيده وقالت فيه حاجه مضايقك
علاء :- غمض عينه بوجع ومردش عليها
منتهى :- طيب رد عليا بأى كلمه طيب طمنى عليك
علاء :- اتنهد وقال انا كويس يا توته متقلقيش وطبطب على كتفها وقام وقف ولسه هيدخل الحمام
منتهى :- عملت ايه يا علاء فى موضوع التحليل عايزين نروح لدكتوره بقى علشان نشوف هتقولنا ايه على الخطوه الجايه نفسى ابقى حامل يا علاء زى فاطمه وداليا
علاء :- وقف مكانه وغمض عينه بوجع وحبس الدموع فيها وقال لسه يا توته وسابها ودخل الحمام وقفل الباب وراه ودموعه نزلت منه خوف احسن لو منتهى عرفت تسيبه وتبعد عنه
منتهى :- خبطت على الباب وقالت علاء انت بتعيط
علاء :- بتوتر ل.ل.لاء يا حبيبتى انا خارج دلوقتى
منتهى :- ماشى انا هروح المطبخ اجهز اى حاجه ناكلها واتعلم فيك بقى وخرجت من الاوضه راحت المطبخ
علاء :- خرج من الحمام قعد على السرير وقال بدموع يارب انا والله ما معترض على حكمك بس خايف منتهى تبعد عنى انا بحبها ومقدرش اعيش من غيرها يارب متحرمنيش منها ومتبعدهاش عنى وقام صلى وهو الدموع نازله من عينه وقعد يقراه فى المصحف
منتهى :- خبطت على الباب ودخلت وقالت انت مجتش تقعد معايا ليه زى كل مره وانا بطلع مواهبى فى الاكل
علاء :- وهو بيحاول يكون طبيعى قال معلش يا حبيبتى صليت وقولت اقعد أقرأه فى المصحف شويه
منتهى :- طيب يا حبيبى ربنا يتقبل منك يلا بينا بقى ده انا عامله ليك حتة اكله هتاكل صوابعك وراها
علاء :- حط المصحف جنبه وقام وقف وقال يلا يا حبيبتى
منتهى :- مسكت أيده وباستها وخرجوا الاتنين من الاوضه وقعدوا على الترابيزه وبدأوا ياكلوا وقالت ليه ها ايه رأيك
علاء :- تسلم ايدك يا حبيبتى
منتهى :- بجد عجبك
علاء :- ايوه يا حبيبتى ووقف وقال انا هروح انام تصبحى على خير
منتهى :- بأستغراب مالك يا علاء بس هو من امته انت بتدخل وتسبنى وتنام
علاء :- معلش يا توته تعبان وعايز انام وسبها ودخل الاوضه ونام ودموعه نزلت منه
منتهى :- دخلت الاوضه وقعدت جنبه على السرير وقالت علاء قوم كلمنى
علاء :- معلش يا توته سبينى دلوقتى
منتهى :- شدته وبصت عليه وقالت بصدمه علاء انت بتعيط
علاء :- مسح دموعه وقال لالالا مش بعيط
منتهى :- علاء ارجوك قولى مالك بلاش تقلقنى عليك اكتر من كده
علاء :- قام قعد واترمى فى حضن منتهى وقال انا عملت التحليل يا منتهى
منتهى :- اه وبعدين
علاء :- انا مقدرش اخلف يا توته حالتى صعبه ونادره وعلشان يحصل حمل لازم اعمل عمليه والنتيجه بتاعتها مش مضمونه ولو نجحت هاخد سنييين طويله علشان يحصل حمل
منتهى :- اتصدمت من كلامه وبصت ليه بصدمه
علاء :- مسك ايديها وقال بلاش تبعدى عنى وتسبينى انا بحبك يا توته
منتهى :- فضلت تبص ليه ومش بترد عليه
علاء:- توته ردى عليا طمنينى قوليلى انك مش هتسبينى
منتهى :- وقفت والدموع فى عينيها وادته ضهرها
علاء :- وقف وراح عندها وحط ايده على كتفها وقال لدرجاتى الرد صعب عليكى انا فكرت اول ما هقولك هتردى عليا وتقوليلى انا هفضل معاك على العموم براحتك لو حابه تطل
منتهى :- لفت ليه وقطعته ببوسه ودموعها نزلت اكتر منها
علاء :- قربها اكتر ليه ودموعه نزلت منه وعمق البوسه وبعد وقت بعد عنها وحط راسه على راسها
منتهى :- بدموع انا بحبك يا علاء ومقدرش ابعد عنك مهما حصل انت مفكر أن حبنا بالضعف ده اللى يخلينى اسيبك علشان حاجه زى دى حتى لو هموت عليها هصبر معاك وانا واثقه فى ربنا هيكرمنا مع الوقت
علاء :- شدها فى حضنه وقال بحبك يا منتهى بحبك وبص فى عينيها وقال اوعدك مش هخليكى تندمى على قرارك ده يا توته
منتهى :- عمرى ما هندم على وجودى معاك يا علاء
علاء :- قرب من شفايفها وباسها وميل عليها وشالها وحطها على السرير وقرب منها و(سكتت شهرزاد عن الكلام الغير مباح)
~•~•~•~•~•~•~•~•~•~•~•~•~•
عند داليا وادهم

خرجت داليا من الجريده ومعاها فاطمه بصت لفاطمه وقالت

داليا :- هتيجى اوصلك
فاطمه :- لاء كرومتى جاى يخدنى
داليا :- طيب هو لسه قدامه كتير
فاطمه :- لاء قالى ربع ساعه وهيجى يخدنى
داليا :- ماشى هقف معاكى ربع الساعه دى لحد ما يجى
فاطمه :- لاء يا حبيبتى روحى انتى مع جوزك انا هستنا لوحدى
داليا :- لاء مش هسيبك تقفى لواحدك
فاطمه :- يا بنتى هو انا هتخطف امشى يلا
داليا :- ماشى ولسه بتلف لاقت ادهم بيجرى عليهم استغربت وبصت لفاطمه بس فى الوقت ده سمعوا ضرب نار والناس بتجرى وبتصوت ادهم وصل عندهم بس قبل ما يوصل لفاطمه جت رصاصه فيها وحاول يقف ادهم قصادهم جت رصاصه فيه هو كمان بس حاول يحمى داليا وفاطمه لآخر وقت وبعد وقت انتهى ضرب النار بعد التبادل ما بين الحرس بتوع الجريده وما بين العصابه
داليا :- بدموع ادهم فاطمه ا.ا انتو كويسين ردو عليا
ادهم :- بتعب الطلقه جت فى دراعى يا داليا متقلقيش المهم شوف فاطمه
داليا :- خبطت على وش فاطمه وقالت فاطمه ردى عليا ارجوكى فاطمه بلاش يحصلك حاجه وبصت لادهم وقالت فاطمه مش بترد عليا يا ادهم وبصت على بطنها وقالت الحق يا ادهم دى الرصاصه جت فيها حد يتصل بالاسعاف بسرعه وفى الوقت ده جه أكرم واتصدم لما شاف كده طلع يجرى عليها وقال بدموع
أكرم :- فاطمه فاطمه ردى عليا لالالا اوعى تروحى ف.ف.فاطمه ردى عليا وحياتى عندك ا.ا.انا كرومتك فاطمه ردى فااااااااطمه وقربها من حضنه وقعد يعيط وبص بدموع لادهم وقال مين عمل كده مييين
ادهم :- بألم اخوك يا اكرم هرب من الحبس امبارح
أكرم :- ليه تعمل كده يا مكرم ليييييييييييه وشال فاطمه وقام يجرى بيها على العربيه والدموع نازله منه حطها فيها وطلع يجرى على المستشفى
ادهم :- بألم هاتى ايدك اسندينى اقف يا داليا
داليا :- كانت منهاره من العياط وبتهز راسها يمين وشمال ومش مصدقه اللى حصل
ادهم :- شدها ليه وقال أهدى يا داليا كل حاجه هتبقى تمام أهدى يا داليا أهدى
داليا :- بدموع ليه حصل كل ده يا ادهم ليه
ادهم :- مكرم الكلب مش هسيبه ودينى ما هسيبه
داليا :- قربت منه وقالت قوم بسرعه انت نزفت كتير وسندته وركبت العربيه مع السواق وراحوا على المستشفى
ودخلت ادهم اوضت الكشف وودخلوا الدكاترت اوضت العمليات علشان يخرجوا ليه الرصاصه من كتفه وحالته مكانتش صعبه وبعد وقت خرج من العمليات واطمنت عليه داليا و طلعت تجرى على أكرم تطمن على فاطمه وقالت بدموع فاطمه عامله ايه يا اكرم
أكرم :- بدموع مش عارف يا داليا مش عارف من ساعة ما دخلت ومعرفش عنها حاجه
داليا :- يارب يارب جيب العواقب سليمة يارب استر يارب
أكرم :- ادهم عامل ايه دلوقتى
داليا :- بدموع الرصاصه جت فى دراعه طلعوها منه الحمدالله
أكرم :- عقبال ما ربنا يطمنا على فاطمه يارب وفى الوقت ده خرج الدكتور طلعوا يجروا عليه
أكرم :- طمنى يا دكتور
الدكتور :- بأسف مقدرناش نحتفظ بالجنين لأن الرصاصه جت فيه
أكرم :- بصدمه ابنى مات
الدكتور :- شد حيلك ربنا يرزقكم بغيره يارب
داليا :- بدموع طيب هى عامله ايه يا دكتور
الدكتور :- ادعولها ودخل وسابهم
أكرم:- قعد فى الارض ودموعه نزلت منه وقال ليه يا مكرم تقتل ابنى عملتلك ايه بس ااااه يارب الصبر من عندك يارب
داليا :- قعدت جنبه بدموع وقالت اقوى يا اكرم علشان خاطر فاطمه هى دلوقتى فى اشد الحاجه ليك ادعلها بس تقوم لينا بالسلامه
أكرم :- هز راسه يمين وشمال وقال مش هسامح اى حد كان سبب فى موت ابنى ده كله هيتعاقب منى مش هرحم حد فيهم مش هرحمهم
داليا :- أهدا يا اكرم انا عارفه أن اللى انت فيه ده صعب خسرت ابنك ومراتك ما بين الحياة والموت بس لازم تكون اقوى من كده هى دلوقتى هتبقى اضعف منك بكتير ومحتاجه الكل جنبها يارب قومها بالسلامه وقويها على مصيبتها
أكرم :- اااااه يا حرقة قلبى يا داليا عيشت بحلم باليوم اللى هشيل ابنى على أيده واضمه فى حضنى اتحرمت منه قبل ما اشوفه يا داليا اااااااه يااااااارب الصبر من عندك يارب
داليا :- بدموع انتو لسه صغيرين يا اكرم وتقدروا تجيبوا غيرو مره واتنين وتلاته ربنا ليه إراده فى كده بلاش تعترض على قضاءه ده اختبار من ربنا بس صعب شويه
أكرم :- بدموع الحمدالله الحمدالله وقعد يعيط
وداليا :- راحت عند ادهم وبلغته اللى حصل وراحوا الاتنين جنب أكرم يستنوا خروج فاطمه وبعد وقت خرجت فاطمه من العمليات ودخلت اوضتها ودخلوا التلاته وراها
وبعد وقت فاقت فاطمه بألم وهزت راسها
داليا :- طلعت تجرى عليها ومسكت ايديها وقالت فاطمه حمدالله على السلامه
فاطمه :- اممم انا فين أكرم فين أكرم
داليا :- بلاش كلام يا فاطمه الدكتور قال الكلام فيه خطوره عليكى
فاطمه :- اكرررررم عايزه أكرم
ادهم :- بص لاكرم وقال روح رد على مراتك
أكرم :- بدموع مش قادر يا ادهم مش قادر
ادهم :- خبط على كتفه وقال اجمد يا اكرم روح شوف مراتك
أكرم :- راح عند فاطمه ووقف قدامها من غير ولا كلمه
فاطمه :- امممم تعبانه
داليا :- معلش يا حبيبتى هتخدى مسكن وتبقى احسن
فاطمه :- البيبى عامل ايه
داليا :- بزعل طبطبت على ايديها وقالت ربنا يرزقك خير منه أن شاءالله
فاطمه :- بدموع لاء اوعوا تقولوا أن البيبى نزل لا بالله عليكم قولوا أنه كويس انطقوا اتكلموا ومسكت ايد أكرم وقالت قول يا اكرم أن ابننا كويس مفهوش حاجه قولى انتى يا داليا طيب بلاش قول انت يا ادهم اتكلموا اتكلموا وردوا عليا
اكرم:- سحب أيده من ايديها وقال انتى كنتى سبب فى موته يا فاطمه بسبب تمسكك بالشغل ونزولك انا خسرت ابنى سبق وقولتلك لو اللى فى بطنك ده حصله حاجه بسبب شغلك عمرى ما هسامحك يا فاطمه وانا عند كلمتى انتى انتهيتى من حياتى خلاص يا فاطمه وخرج من الاوضه وسابها
فاطمه :- عيطت بألم ومسكت ايد داليا بقوة وانهارت من العياط
داليا :- طبطبت علي ايديها بحزن وقالت أهدى يا حبيبتى بلاش تعملى فى نفسك كده
فاطمه :-بدموع وانهيار فقد ابنى وجوزى فى يوم واحد يا داليا يارب انا الموت ارحم ليا من اللى انا حاسه بيه ده
ادهم :- خرج وراه أكرم قال انت يا غبى ازاى تدوس عليها فى وقت زى ده كفايه عليها ابنها اللى خسرته تيجى انت وتكمل عليها
أكرم :- بدموع هى السبب فى كل اللى حصل ده لو مكانتش صممت تنزل الشغل مكانش مكرم هيعرف يوصلها انا قولت ليها يا ادهم لو نزلتى الشغل وحصل ليها حاجه مش هسامحها ومش هسامح اى حد كان ليه يد فى موت ابنى
ادهم :- يا اكرم فاطمه مظلومه وبتحبك وهى دلوقتى مكسوره من جواها المفروض تقف جنبها وتطيب خاطرها مش تقسى عليها ادخل اتأسف ليها وخدها فى حضنك وراضيها
أكرم :- لاء يا ادهم انا مخنوق ومش طايق اكلم حد عن اذنك وسابه ومشى
ادهم :- غبى غبى ودخل تانى عند فاطمه
فاطمه :- بدموع فين أكرم يا ادهم
ادهم :- احم ا.ا.ا اه خرج بره فى الهوا علشان مضايق
فاطمه :- متسبهوش لواحده يا ادهم ارجوك
ادهم :- متقلقيش أكرم يروق بس وهينسى كل الكلام اللى قاله ده
فاطمه :- بدموع صعب عليا يا ادهم بيعاقبنى على ذنب مليش فيه مين اللى عمل كده مش اخوه هو كفايه عليا خسارة ابنى مش هقدر استحمل خسارة الاتنين
داليا :- أهدى يا فاطمه ربنا يصبر قلبك يا حبيبتى بس كفايه كلام علشان الكلام الكتير مش كويس عليكى
فاطمه :- بدموع يارب خدنى بقى انا قلبى فيه نار والله وقعدت تعيط قعدت داليا تواسيها وخرج ادهم يقعد بره الاوضه مسك تليفونه واتصل بتامر وانتظر الرد
تامر :- ادهم انتو فين انا عرفت اللى حصلكم من مكرم
ادهم :- بعصبيه الغبى خسر اخوه الطفل اللى فى بطن مراته وانا جت رصاصه فى دراعى
تامر :- مكرم بقى اخطر من الاول يا ادهم وللاسف الخطوره دى هنفضل كلنا معرضين ليها طول ما هو بره
ادهم :- تامر انا مش هستنا لما يحصل حاجه لمراتى ولا اختى ولا اكرم انا لو لاقيته هقتله المرادى بأيدى
تامر :- بلاش تتهور احنا مش ساكتين اه انا عندكم فى الفيلا والكل قلق عليك بس انا بلغتهم انك كلمتنى وعندك شغل كتير علشان محدش فيهم يقلق
ادهم :- تمام ماشى خليك معاهم لحد ما اوصل
تامر :- حاضر
ادهم :- قفل معاه وقعد ينتظر وصول أكرم
~•~•~•~•~•~•~•~•~•~•~•~•~•
فى تونس

نام ممدوح على السرير وفتح دراعه لايه علشان تنام فى حضنه ايه بصت لدراعه وبصت ليه بتوتر واتنهدت وراحت نامت فى حضنه
ممدوح :- على فكره بقى اللوك الجديد ده تحفه
ايه :- بزعل يعنى انا كنت وحشه الاول
ممدوح :- لاء طبعآ انتى خطفتى قلبى بجمالك من اول لحظه شوفتك فيها بس التغير حلو اوى وفى تلك الحالتين قمر يا ايوش
ايه:- ابتسمت ليه بكسوف وقالت ش.ش.شكرآ
ممدوح :- بمداعبه شكرآ حاف كده
ايه :- لاء بالجبنه يا ظريف
ممدوح :- وحد الله يا جعفر انت بتظهر ليه بس دلوقتى
ايه :- ضربته على كتفه بغيظ وقالت جعفر فى عينك
ممدوح :- انبى عسل احلى واجمل جعفر فى حياتى
ايه :- ضحكت ليه بكسوف وقالت ا.ا.انا هنام بقى تصبح على خير
ممدوح :- قرب من شفايفها وباسها بوسه طويله وبعد وقت بعد عنها وقال تصبحى على خير يا ملاكى
ايه :- بصت ليه بكسوف وقربت تانى من شفايفه وباسته
ممدوح :- استغرب بس عمق البوسه اكتر ومد أيده على ضهرها علشان يفتح ليها السوسته بتاعة الفستان
ايه :- حسيت بأيده بحلقت بعينيها وزقته
ممدوح :- وقفتى ليه ما انتى كنتى حلوه اهو
ايه :- ع.ع عايزه ادخل الحمام وقامت تجرى على الحمام
ممدوح :- اتنهد وقال ده وقت حمام ياربى
ايه :- خرجت من الحمام ونامت على السرير وادته ضهرها وقالت ت ت تصبح على خير
ممدوح :- تصبح على خير ؟ ما احنا كنا حلوين ايه اللى حصل وقرب من ضهرها وقال ما تيجى نجرب تانى
ايه :- م.م.معلش يا ممدوح ا.ا انا تعبانه وعايزه انام
ممدوح :- اتنهد وقال ماشى يا ايه ومد دراعه وقال طيب تعالى نامى فى حضنى
ايه :- من غير ما تبص ليه نامت فى حضنه وغمضت عينيها
ممدوح :- بص عليها وهى نايمه وباسها فى راسها وغمض عيونه ونام
ايه :- فتحت عيونها وبصت على ممدوح واتأكدت أنه نام قربت من شفايفه وباسته وقالت بحبك
ممدوح :- ابتسم وهو مغمض عيونه وقال وانا بعشقك وضمها اكتر ليه وناموا الاتنين فى حضن بعض
~•~•~•~•~•~•~•~•~•~•~•~•~•
فى اسكندريه

فى شقة سعيد

وصل مؤمن الشقه وهو حزين دخل وقال

مؤمن :- السلام عليكم
الكل :- وعليكم السلام ورحمه الله وبركاته
مؤمن :- سابهم ومشى
حمزه :- ولا مؤمن مالك
مؤمن :- بحزن مفيش
سعيد :- طيب مش هتاكل
مؤمن :- لاء مليش نفس عن اذنكم ودخل اوضه
حمزه :- ده ماله ده مش من عوايده يبقى ساكت كده
ميرفت :- كل وادخل ليه شوفه ماله
حمزه :- ماشى وقعدوا كملوا اكل مع بعض
مؤمن :- دخل اوضه وحدف نفسه على السرير وقال هتعمل ايه يا مؤمن مستحيل اخليه يخدها بعيد عنى انا لازم اتصرف فى اسرع وقت ومسك تليفونه وطلب رقم داليا وانتظر ردها

داليا :- السلام عليكم
مؤمن :- وعليكم السلام ازيك يا داليا
داليا :- الحمدالله يا حبيبى انتو عاملين ايه
مؤمن :- الحمدالله كلنا كويسين بس انا محتاج مساعدتك ليا
داليا :- خير يا مؤمن
مؤمن :- انتى فين شكلك مش فى البيت
داليا :- ها ل.ل لا فى مشوار كده قول اللى عايز تقوله
مؤمن :- خلاص شكلك مش فاضيه هبقى اتصل بيكى وقت تانى
داليا :- يا ابنى انطق واخلص
مؤمن :- سندس
داليا :- مالها
مؤمن :- جوزك عايز ينقلها من المدرسه بتاعتنا
داليا :- ينقلها طيب ليه
مؤمن:- معرفش اسأليه عايز ينقلها مدرسه بنات بس هو انا قصرت معاها فى حاجه
داليا :- طيب ما يمكن هو شايف مصلحة أخته فى كده يا مؤمن
مؤمن :- مصلحة سندس معايا يا داليا سندس زعلانه ومنهاره علشان الموضوع ده وانا مش طايق نفسى من ساعتها انا ما صدقت سندس بقت معايا وجنبى يبعدنا ليه هو
داليا :- يا حبيبى افهم انا فاهمه دماغ ادهم وعنده حق الصراحه انتو فى سن المراهقه ومشاعركم مهزوزه انتو فرحانين ببعض دلوقتى بس الله اعلم لما تكبروا هتبقى ايه مشاعركم وادهم اخوها ومن حقه يخاف عليها لأن السن ده خطير ولازم اهتمام ورعايه ومتابعه علطول
مؤمن :- انتى معايا ولا معاه
داليا :- انا مع الصح واختك الكبيره وفاهمه مصلحتك ايه صدقنى ده احسن حل على الأقل تقدروا تركزوا فى المذاكره بتاعتكم وتقدروا تحددوا ايه هدافكم فى الحياة
مؤمن :- بزعل شكلى غلط لما فكرت انك هتساعدينى
داليا :- الدنيا مش قفش يا مؤمن لازم تتقبل اراء الآخرين وخليك عارف ان انا معنديش اغلى منك وكلامى ده لمصلحتك
مؤمن :- تمام يا داليا سلام وقفل مع داليا وحدف التليفون على السرير وحط راسه ما بين ايديه وقال مستحيل اسابها تبعد عنى مستحيل وفى الوقت ده دخل حمزه وقال
حمزه :- مالك يا زفت الطين مش واخدين على الوش العكر ده
مؤمن :- مفيش يا حمزه انا كويس
حمزه :- يالا على اخوك الكبير برضه مالك شكلك زعلان مع سندس
مؤمن :- لاء انا زعلان علشان سندس
حمزه :- ليه
مؤمن :- اخوها ادهم عايز ينقلها من المدرسه المختلطه ويوديها مدرسة بنات وانا اخد على وجودها معايا علطول
حمزه :- بس هو عنده حق يا مؤمن انا لو اختى فى مدرسه مختلطه وبتروح وبتيجى مع شاب حيالله اخو مراتى كنت هعمل نفس اللى عمله ادهم
مؤمن :-بعصبيه هو انتو كلكم جاين معاه ليه ومحدش حاسس بيا
حمزه :- يا حبيبى احنا اكبر منك وفاهمين الدنيا عنك وواضح قصاد عينا الصح من الغلط إنما انتو لسه شباب عضمكم طرى فرحانين بالاحاسيس والمشاعر اللى بتحسوها مع بعض مش واخدين بالكم انكم كده بتفتحوا سكه لشيطان وممكن مشاعركم تنجرف لحته تانيه خالص علشان كده احنا لازم نبقى عينينا عليكم علطول ومنديش احنا فرصه لشيطان علشان ميحصلش كده
مؤمن :- بس انا عارف ربنا كويس يا حمزه وعمرى ما اعمل كده وهى كمان متربيه كويس جدآ ومش هتسمح ليا اتطول معاها ولا اتخطى حدودى
حمزه :- عارف ومتأكد من انك متربى وعارف ربنا بس مهما تقول الإنسان ضعيف وبيضعف فى وقت قرب واحده منه وبالذات لما تبقى معاه علطول اسمع كلامى يا مؤمن واقنعها تسمع كلام اخوها ادهم صح جدآ فى اللى عمله ده
مؤمن :- بزعل ربنا يسهل
حمزه :- هيسهل وبكره لما تكبروا وتبقوا لبعض فى الحلال هتفتكروا كلامنا وتعرفوا أننا كنا صح وخبط على كتفه وقال قوم يلا غير هدومك وتعال كل لقمه على ما انا ادخل مع ميرفت المطبخ فى موضوع مهم
مؤمن :- بص ليه وضحك
حمزه :- ايوه كده شكلك وحش وانت مكشر
مؤمن :- حضنه وقال ربنا يخليك ليا يارب
حمزه :- يلا يا لا أخرج كده وورينا الضحكه اللى اخدنا عليها ودمك الخفيف اللى بقى شئ أساسى فى حياتنا وخبط على كتفه وسابه وخرج
مؤمن :- قام غير هدومه وخرج وراه حمزه وقعد ياكل
~•~•~•~•~•~•~•~•~•~•~•~•~•
فى فيلا ادهم

دخلت دينا الاوضه عند سندس لاقتها بتعيط قعدت جنبها على السرير وقالت بخضه

دينا :- مالك يا سندس
سندس :- بدموع ابيه ادهم هينقلنى من المدرسه اللى انا فيها يا دينا
دينا :- طيب ليه
سندس :- بيقولى مينفعش وجودى فى مدرسه مختلطه وعلشان خاطر بروح وباجى مع مؤمن
دينا :- طيب أهدى وانا ابقى أكلمه وأقنعه أن مؤمن محترم ومؤدب ومش زى شباب اليومين دول
سندس :- ياريت يقتنع يا دينا انا مش عايزه ابعد عن مؤمن انا اخد على وجوده معايا فى المدرسه علطول
دينا :- بصى هو عنده حق بس انا علشان حاسه بيكى وعارفه برضه مؤمن ايه هكلمه
سندس :- حضنتها وقالت انا بحبك اوى يا دينا وبحب طيبة قلبك دى
دينا :- طبطبت على ضهرها وقالت وانا بموت فيكى يا بنوتى يا صغيره يلا بقى امسحى دموعك ومش عايزه اشوفك بتعيطى تانى
سندس :- ماشى
دينا :- يلا بقى نامى علشان مدرستك الصبح تصبحى على خير
سندس :- وانتى من أهله
دينا :- غطتها كويس وخرجت من الاوضه وراحت عند تامر وقعدت جنبه ومسكت أيده وقالت مالك يا حبيبى من الصبح متوتر ليه كده
تامر :- باس راسها وقال م.م.مفيش يا حبيبتى حاجه
دينا :- بقلق اوعى يكون فيه حاجه حصلت من مكرم
تامر :- ل.ل لاء طبعآ ايه اللى هيحصل
دينا :- مش عارفه يا تامر مش مطمنه حاسه ان فيه مصيبه حصلت
تامر :- اهدى بس انتى علشان خايفه حاسه بكده
دينا :- بدموع خايفه بس ده انا هموت من الخوف
تامر :- شششش اطمنى طول ما انا معاكى وجنبك متخافيش يا دينا وضمها اكتر ليه وقال شيلى موضوع مكرم ده من دماغك مش هيقدر يوصلك أبدآ
دينا :- بصت ليه وقالت ح.ح.حاضر
تامر :- باس راسها وقعد يملس على شعرها لحد ما عينيها راحت فى النوم ميل عليها وشالها طلعها الاوضه اللى كانت بتاعتها ونيمها على السرير وغطها ولسه هيمشى
دينا :- مسكت أيده وهى مغمضه عينيها وقالت خليك جنبى
تامر :- بصلها بحب وقعد جنبها على السرير وفضل يبص عليها وهى نايمه بحب
~•~•~•~•~•~•~•~•~•~•~•~•~•
فى شقة فادى

كان قاعد على الكنبه ودموعه نازله منه وخبط على راسه بعصبيه وبدموع قال

فادى :- ليه ليه ليه غبى اهو الاتنين ضاعوا من بين ايديك ياريتنى كنت سمعت كلام ادهم ياريت بس ازاى اسمع كلامه وانا مقدرش استغنا عنها انا لازم امنع نهى من السفر لازم وقام وقف خرج من باب الشقه ونزل يجرى ركب عربيته وراح عند بيتها القديم وطلع السلم يجرى وخبط على الباب فتحت ليه خالتها وقالت
الخاله:- ايوه يا ابنى امر
فادى :- ممكن اقابل مدام نهى
الخاله :- نهى يا كبدى عليها من ساعة ما وصلت قافله بابها عليها وعماله تعيط وبس
فادى :- غمض عينه بوجع وقال ممكن ادخلها
الخاله :- انت مين
فادى :- احم ا.ا.انا مديرها فى الشغل وصديق جوزها
الخاله :- الا بالحق متعرفش ايه اللى حصل ما بينها هى وجوزها
فادى :- ط.ط.طيب هنتكلم كتير على الباب
الخاله :- يوه يقطعنى اتفضل يا ابنى ثوانى ابلغها بوجودك
فادى :- دخل وقال تمام انا مستنيكى
الخاله :- دخلت وبعد وقت خرجت وقالت ا.ا اسفه يا ابنى رافضه تقابل اى حد وتكلمه
فادى :- طيب ممكن ادخلها انا
الخاله :- تدخلها فين يا ابنى ميصحش
فادى :- عندى كلام ضرورى من جوزها ولازم أقوله ليها
الخاله :- بصت ليه بتردد وقالت ماشى بس سيب الباب مفتوح
فادى :- اكيد وراح عند باب اوضت نهى وخبط عليها
نهى :- بعصبيه مش قولت ليكم محدش يخبط على الباب
فادى :- نهى افتحى انا فادى
نهى :- قامت وقفت وراه الباب وقالت انت ايه جابك عندى اطلع بره ومش عايزه اشوف وشك هنا تانى
فادي :- يا نهى اسمعينى اللى حصل ده لا بأيدى ولا بأيدك انا عارف ومتأكد انك بتحبينى زى ما انا بحبك
نهى :- انا بكرهك يا فادى بكرهك شيلنى من تفكيرك بقى وروح رجع مراتك رودينا متستهلش كده منك رودينا بتحبك بجد وانت كسرت ليها قلبها انسانى يا فادى ارجوك وعيش حياتك زى الاول مع رودينا انا كده كده هسافر خلاص مبقاش ليا مكان هنا امشى يا فادى ارجوك امشى
فادى :- مش ماشى يا نهى ابوس ايدك بلاش تبعدى عنى وتسبينى انا مقدرش اعيش من غيرك
نهى :- قولتلك كفايه كلام وامشى بقى وفر كلامك ده لمراتك هى أحق بيه
فادى :- نهى بلاش تقسى عليا وعلى نفسك اكتر من كده احنا لا اول ولا اخر اتنين هيتجوزوا وفيه واحده تانيه ده شرع ربنا ليا
نهى :- انت بجد حقير انا مش طايقه اسمع منك ولا حرف ازاى عقلك صورك أن انا هقبل اتجوز جوز صحبتى ازاى فكرت فى كده اصلا رودينا مش مجرد صديقه كده وخلاص لاء دى اختى بجد اللى وقفت جنبى بقلب جامد وكل جدعنه لمحمد ازاى تفكر أن انا هكون ناكرا لجميل وهقبل اعمل كده فى أخته اطلع بره يا فادى ومش عايزه اشوفك تانى
فادى :- خبط على الباب وقال افتحى يا نهى خلينى اشوف كدبك ده فى عيونك انا عارف ومتأكد إن الكلام ده من وراه قلبك
نهى :- كفاااااايه بقى كفايه انت كل كلمه بتنطقها بتكرهنى فيك اكتر واكتر
فادى :- ماشى يا نهى انا همشى بس خليكى عارفه ان انا مش هسمحلك تبعدى عنى مهما كان التمن ومشى وسابها
نهى :- قعدت وراه الباب فى الارض وقعدت تعيط بحرقه وحطت ايديها على بؤقها علشان تكتم صوتها
فادى :- خرج وهو متعصب ونزل السلم وقابل رودينا وهى داخله بيت نهى استغرب وقال رودينا
رودينا :- بصت ليه بقرف ومردتش عليه ومشيت وسابته
فادى :- طلع يجرى وراها ومسكها من دراعها وقفها وقال رودينا اسمعينى
رودينا :- غمضت عينيها وقالت ابعد عنى لو سمحت
فادى :- انا عارف انها صعبه عليكى بس غصب عنى حبيتها
رودينا :- بدموع ابعد عنى بقولك
فادى :- رودينا انا متمسك بيكى ومستحيل أفرط فيكى انتى كمان انتو الاتنين بحبكم
رودينا :- ضربته بالقلم وقالت ده علشان يفوقك يا فادى احنا مش عرايس لعبه فى ايدك تلعب بديه شويه ودى شويه ازاى بتحبنى وبتحبها انت عندك قلب واحد يا فادى واحد بس واللى متأكده منه أن نهى هى اللى فيه مش انا طلقنى وسبنى فى حالى بقى كفاية كسرت قلبى اللى شوفتها منك
فادى :- اصرخى فيا اضربينى بس بلاش تبعدى عنى وتسبينى يا رودينا
رودينا :- غمضت عينيها بوجع وقالت انت بتتكلم معايا نفس الكلام اللى قولته ليها متأكده انت مش عارف بتعمل ايه يا فادى ضايع وتايه انا مش حاسه كلامك ده ليا يا فادى ومش دلوقتى بس لاء بقالى فتره مش بحس بحضنك وكلامك ليا كنت دايمآ احس انك مشغول بحاجه تانيه بس عمرى ما فكرت توصل بيك الجرأه وتحب الصديقه الوحيده اللى فى حياتى انت خلتنى بقى معنديش ثقه فى حد انت دمرتنى يا فادى وبكل قلب بارد جاى تقول ارجعيلى انت حتى لما فكرت تيجى جيت ليها هى مش ليا انا طلقنى يا فادى وعيش مع اللى قلبك حبها وسابته وطلعت عند نهى
فادى :- بص على رودينا وهى طالعه وقعد على السلم و سند راسه على أيده وفضل يعيط
رودينا :- طلعت عند الباب ومسحت دموعها واتنهدت ورنة الجرس
الخاله :- فتحت الباب وقالت خير يا بنتى
رودينا :- ممكن اقابل نهى
الخاله :- اقولها مين
رودينا :- خلينى انا اللى اقولها انا مين متقلقيش انا صديقتها
الخاله :- طيب يا بنتى اتفضلى
رودينا :- دخلت عند اوضت نهى وخبطت على الباب
نهى :- بصريخ سبونى فى حالى بقى مش عايزه حد يخبط عليا
رودينا :- افتحى يا نهى انا رودينا
نهى :- فتحت الباب بسرعه واترمت فى حضن رودينا وقعدت تعيط
رودينا:- محركتش ايديها ولا قربت منها
نهى :- بعدت عنها وقالت بدموع انا اسفه يا رودينا مكنتش اقصد ادمرك حياتك والله العظيم ما كنت اقصد
رودينا :- انا جايه أسألك سؤال واحد وجاوبنى عليه انتى حبيتى فادى
نهى :- اتوترت وادتها ضهرها وقالت بدموع ل.ل.لاء طبعآ
رودينا :- شدتها ليها وقالت بصى ليا هنا وانتى بتردى على سؤالى انتى حبيتى فادى
نهى :- بصت ليها بدموع ومردتش عليها
رودينا :- بدموع مش محتاجه تردى خلاص شوفت الاجابه فى عينيكى بس ليه اشمعنا جوزى انا بالذات انا حبيتك زى اختى واكتر ليه تخونينى لييييييه
نهى :- بدموع والله العظيم ما خونتك ولا عمرى فكرت اخونك يا رودينا انا بحبك زى اختى واكتر حاولت كتير ابعد علشان أقاوم بس دايمآ كنتى بتمنعينى امشى
رودينا :- بدموع وده جزاتى علشان كنت بحبك ومش عايزاكى تبعدى عنى وقولت ربنا عوضنى وبعت ليا اخت بجد انا مصدومه فيكم بجد الواضح أن انا طلعت هبله اوى وقدمت ليكم طريقة خيانتى على طبق من دهب
نهى :- والله العظيم ما خونتك انتى اختى يا رودينا معقول اخون اختى
رودينا :- مسكتها من دراعها وداست عليه وقالت امال تسمى اللى حصل ده ااااايه
نهى :- بدموع انا بقاومه والله وهقومه لحد ما اسافر مش انا اللى اخطف جوزك يا رودينا انا عندى الموت اهون من افكر اعمل كده انا على اخر الاسبوع ده هسافر ومش هتشوفوا وشى تانى بس عايزاكى تسامحينى واتأكدى أن انا حبيتك من قلبى بجد ومش ناسيه ليكى وقفتك جنبى سامحينى يا رودينا ارجوكى
رودينا :- بضحكت وجع ببساطه كده اسامحكم انتو عارفين قلبى حصل فيه ايه بسببكم انا قلبى بينزف من كتر الالم والوجع اللى حاسه بيه اصعب شئ فى الدنيا خيانة الزوج وخيانة الصديقه اللى هى اكتر من الاخت والله العظيم الموت اهون مليون مره من الإحساس اللى حاسه بسببكم
نهى :- رودينا عيدى حسابتك حافظى على جوزك ورجعيه ليكى وهو غصب عنه هينشغل بيكى تانى انتى ام ابنه اللى جاى
رودينا :-بدموع صحيح انا ام ابنه الجاى بس انتى اللى ساكنه فى قلبه مش انا انا خارجه من حياتكم وانتو اتجوزوا وعيشوا حياتكم بس ارجوكم بلاش تعملوا خير وتقعدوا عندكم فى البيت علشان ميحصلش معاكى زى ما حصل معايا عن اذنك وخرجت من عند نهى نزلت تجرى وهى بتعيط شافت فادى قاعد على السرير بصت ليه نظرة وجع وسابته ومشيت
فادى :- قام ركب عربيته ومشى بيها بسرعه جنونيه وروح على البيت
نهى :- قعدت فى الارض وعيطت وقالت انا مش كده والله العظيم ما كده سامحينى يا رودينا

*********************

إلي هنا ينتهي الفصل السابع والسبعون من رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد

تابع أيضاً: جميع فصول رواية آدم ولانا بقلم امونه

تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها

اقرأ أيضا: رواية من أجلك فقط بقلم لولو الصياد