مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة دودو محمد علي موقعنا قصص 26 و موعدنا اليوم مع الفصل الثامن والسبعون من رواية تمرد صحفية بقلم دودو محمد.
رواية تمرد صحفية بقلم دودو محمد - الفصل الثامن والسبعون
اقرأ أيضا: روايات رومانسية
 |
| رواية تمرد صحفية بقلم دودو محمد |
رواية تمرد صحفية بقلم دودو محمد - الفصل الثامن والسبعون
داليا :- فاطمه فيكى حاجه
فاطمه :- بدموع ك.ك.كنت عايزه اقوم ادخل الحمام
منتهى :- طيب نادى علينا نيجى نقومك
فاطمه :- مكنتش عايزه اصحيكم انتو طول الليل صاحيين منمتوش بسببى
داليا :- بطلى عبط وهبل امال احنا هنا ليه مش علشان نساعدك قومى يلا نزلى رجلها يا توته
منتهى :- حاضر ونزلت رجلها وحطت ايد على كتف منتهى وايد على كتف داليا ودخلوها الحمام وبعد وقت خرجت وقعدوها على السرير وغطوها
فاطمه :- بدموع أكرم مجاش
داليا :- بصت لمنتهى وقالت ل.ل.لا
منتهى :- معلش يا فاطمه اعذريه خسر ابنه والسبب اخوه صعبه عليه برضه
فاطمه :- بدموع وانا ذنبى ايه يا توته انا اكتر وقت محتاجه جنبى دلوقتى محدش حاسس بالنار اللى فى قلبى انا بموت من جوايا بتقطع ومحدش حاسس بيا
داليا :- قعدت جنبها واخدت راسها فى حضنها وقالت احنا جنبك وحاسين بوجعك يا فاطمه بس معلش هى فتره صعبه وهتعدى اجمدى يا طمطم احنا واخدين عليكى اقوى من كده بكتير
فاطمه :- بدموع بس اللى خسرته ده حته منى روحى يا داليا صعبه اوى لما تفقدى حته منك وكمان جوزى بعد عنى فى اصعب وقت ليا ده لو كان جبل كان اتهد انا نفسى اصرخ لحد ما اخرج كل اللى جوايا صعب عليا والله
منتهى :- قعدت جنبها الجنب التانى وقالت يا فاطمه احنا حاسين بيكى ومقدرين وجعك وتعبك وندى العذر برضه ليه! أكرم اللى هو فيه ده مش سهل خالص صدقينى لما الطاعنه بتيجى من اقرب حد ليكى بتبقى صعبه وده اخوه من لحمه ودمه وقتل ابنه بدم بارد
فاطمه :- بوجع ما هو ابنى انا كمان بالعكس أنا اللى اتوجعت اكتر لانه كان جوايا انا نبض قلبه كنت بسمعه بقلبى احساس ووجعى اكبر منه مليون مره يا توته
داليا:- بزعل على فاطمه أهدى يا فاطمه وكل شئ هيبقى تمام
فاطمه :- بوجع عمر اللى اتكسر ما بيتصلح يا داليا واكرم كسرنى فى وقت شدتى مكنتش اتوقع منه كده أبدآ وفى الوقت ده دخل منير ابو اكرم ووفاء
منير :- بنتى حبيبتى ربنا يعوضك خير منه يارب وطبطب على ايديها
فاطمه :- بوجع شوفت اللى حصلى يا بابا ابنى مات قبل ما يجى الدنيا
وفاء :- قعدت جنبها وحضنتها وقالت معلش يا بنتى ربنا يصبر قلبك
فاطمه :- أكرم يا ماما بيعاقبنى على ذنب مليش دعوه بيه نسى أن اللى حصل ده واجعنى اكتر ما وجعه ليه بيعمل فيا كده ليييييه
منير :- بوجع عارفين يا بنتى أن مكرم هو السبب حقك عليا يا بنتى انا معرفتش اخلف رجاله أكرم حسابه معايا كبير بس لما يهدا شويه
فاطمه :- انا قلبى وجعنى منه اوى متوقعتش أن هو يتخلى عنى فى اكتر وقت انا ضعيفه فيه وكنت محتاجه جنبى يقوينى
منير :- عارف يا بنتى بس وحياتك عندى هجبلك حقك منه وزياده بس اهم حاجه متزعليش وأجمدى كده علشان ترجعى تنورى بيتك
فاطمه :- بدموع اسفه يا بابا انا هروح على بيت أبويه
وفاء :- يا بنتى بلاش تكبروا المشاكل ما بينكم علشان خاطرى انا
فاطمه :- بدموع خاطرك غالى عليا والله يا ماما بس معلش مش هقدر ارجع الفيلا دلوقتى
منير :- يا حبيبتى احنا عارفين انك ضحية ما بين اولادى الاتنين بس احنا بنحبك وبنعتبرك زى ايه بالظبط يا بنتى اسمعى كلامى تعالى بيتك وبلاش تكبرى المشاكل ما بينكم اكتر من كده وانا اوعدك هخليه يجى ليكى ندمان وانتى طلعى عينه اوعى تسامحيه بسهوله واحنا هنساعدك فى كده علشان هو قليل الادب وعايز يتربى من اول وجديد
فاطمه :- دموعها نزلت منها اكتر واترمت فى حضن وفاء
منير :- احنا دلوقتى أهلك اوعى اسمعك تانى تقولى اروح بيت بابا احنا مرضناش نقولوا ليهم حاجه عن اللى حصل ده علشان ميقلقوش ولما تخرجى ابقى بلغيهم ان البيبى نزل وخلاص
فاطمه :- اتنهدت وقالت حاضر يا بابا علشان خاطرك بس
وفاء :- ربنا يكملك بعقلك يا بنتى واحنا هيكون لينا كلام تانى مع أكرم
فاطمه :- دموعها نزلت منها اكتر ومسكت فى وفاء جامد
وفاء :- طبطبت عليها وضمتها اكتر فى حضنها وقالت أهدى يا حبيبتى أهدى وبصت لمنير بزعل على اللى بيحصل من ولادها فى فاطمه ده
~•~•~•~•~•~•~•~•~•~•~•~•~•
فى بيت سعيد
صحى مؤمن على صوت تليفونه بيبص لاقها سندس بص على ابوه جنبه لاقه نايم لسه هيقوم
سعيد :- رايح فين يا ابنى
مؤمن :- هرد على الفون يا بابا وهلبس واروح المدرسه
سعيد :- خليك يا ابنى بلاش تطلع البلكونه علشان متخدش برد رد على تليفونك براحتك انا هقوم اتوضه وسابه وخرج من الاوضه
مؤمن :- اتصل بسندس وقال صباح الخير
سندس :- صباح النور مردتش عليا ليه
مؤمن :- كنت بكلم بابا
سندس :- ماشى انا قولت اصحيك علشان منتأخرش على المدرسه
مؤمن :- بوجع ربنا يخليكى ليا
سندس :- بدموع كلها كام يوم ومش هعرف اشوفك زى الاول
مؤمن :- بوجع بحاول اخليكى معايا فى المدرسه بس كله جاى مع قرار اخوكى
سندس :- حتى عندى برضه موافقين على قراره
مؤمن :- ممكن يكون كده احسن انا كلها سنه وهسيب المدرسه دى واروح الجامعه إنما أنتى لسه شويه قدامك فيها وكنت برضه مش هبقى مطمن عليكى وانتى فى المدرسه دى لواحدك انا لما قعد ما نفسى وفكرت لاقيت أن القرار ده كويس اوى
سندس :- بدموع حتى انت يا مؤمن بقولك مش هنشوف بعض زى الاول
مؤمن :- بوجع عارف بس كده اسلم حل لينا احنا الاتنين
سندس :- بدموع والله انت شايف كده صح لما نشوف بعض بالصدفه بعد كده حلو والله انا مش قادره افهمك يا مؤمن
مؤمن :- والله يا سندس صعبه عليا زيك واكتر بس مصلحتك عندى اهم من اى حاجه حتى اهم منى انا
سندس :- تمام انا هقفل علشان اجهز باى وقفلت التليفون معاه وقعدت تعيط
مؤمن :- اتنهد وقام خرج من اوضه لاقه ابوه لسه خارج من الحمام دخل هو الحمام وبعد وقت خرج غير هدومه واده فرضه وخرج من الاوضه وقال انا ماشى يا بابا عايز حاجه
سعيد :- عايز سلامتك يا حبيبى ونزل وقف تاكسى وراح عند فيلا ادهم لاقه سندس واقفه نزل فتح ليها الباب اللى وراه وركبت من غير ولا كلمه وقفل الباب وركب هو جنب السواق ومشى التاكسى بيهم وصلهم عند المدرسه نزل وفتح الباب لسندس نزلت من التاكسى قفل الباب وحاسب التاكسى وبص لسندس وقال مش ناويه تفكى البوز ده بقى
سندس :- بزعل والله
مؤمن :- طيب انا فى ايدى ايه بس يا سندس ده اخوكى وانا مقدرش اعترض على قراره ده لو فكرت اعارضه اول كلمه هيقولها ليا وانت بتعارضنى بصفتك ايه
سندس :- بس انت وعدنى انك هتتصرف وتخلينى معاك فى المدرسه
مؤمن :- عارف بس زى ما قولتلك فى الفون كده احسن لان انا كلها سنه وهسيبها انما انتى لسه شويه فيها مش هبقى مطمن عليكى وانتى فيها لوحدك وانا مش معاكى
سندس :- يا مؤمن افهمنى انا مقدرش يعدى عليا يوم من غير ما اشوفك
مؤمن :- بهزار اوعى تكونى بتحبينى
سندس :- والله
مؤمن :- والله ايه بتحبينى
سندس :- بكسوف مؤمن
مؤمن:- قلب مؤمن من جوه
سندس :- بطل غلاسه بقى انا بتكلم بجد
مؤمن :- خلاص متزعليش وعد منى كل يوم الصبح هتلاقينى مستنيكى عند الفيلا قبل ما تروحى المدرسه وهتلاقينى مستنيكى بعد ما تخلصى مدرسه يعنى الفرق بس فى الوقت اللى كنا بنقضيه مع بعد جوه المدرسه وده كان حاجه بسيطه ها مبسوطه كده
سندس :- هزت راسها بمعنى ايوه
مؤمن :- رفع راسها وبص فى عينيها وقال ورينى بقى ضحكتك وحشتنى اوى
سندس :- ابتسمت ليه بكسوف
مؤمن :- انتى عارفه هما عندهم حق والله شوشو ده طلع ابن كلب وبيلعب فى عقلى بمفك
سندس :- بعدم فهم مين شوشو ده
مؤمن :- الشيطان بدلعه الله بتسألى أسأله غريبه الصراحه
سندس :- ضحكة وقالت هو الشيطان بقى اسمه شوشو هههههههه حلو والله
مؤمن :- سرح فى ضحكتها وقال مش قولتلك أن الشيطان ابن كلب امشى يا اختى اللهم اخزيك يا شوشو
سندس :- ضحكت اكتر ومشيت قدامه وراحوا الاتنين المدرسه
~•~•~•~•~•~•~•~•~•~•~•~•~•
فى شركة ادهم
خرج ادهم من المستشفى على الشركه علطول من غير ما يروح الفيلا اشترى هدوم جديده ولبسها بدل اللى كانت كلها دم وراح على مكتبه قعد على الكرسى ومسك تليفونه واتصل بأكرم وانتظر الرد
أكرم :- ايوه يا ادهم
ادهم :- انت فين يا ابنى
أكرم :- انا فى الفيلا عندى
ادهم :- ومجتش ليه المستشفى لمراتك
أكرم :- مخنوق ومش عايز اشوف حد
ادهم :- انت عبيط يالا تسيب مراتك فى وقت زى ده انت كده بتخسرها
أكرم :- بوجع هى اللى خسرتنى لما نفذت اللى فى دماغها ونزلت الشغل
ادهم :- انت عبيط ولا بتستعبط يا اكرم مال الشغل ومال اللى حصل انت علشان مكونتش موافق على الشغل من الاول هتعمله حجتك وبعدين انت بتعقبها على ذنب اخوك هو اللى عملوا ما تفوق كده وفكر بالعقل
أكرم :- انا مش هسامح اى حد ليه يد فى موت ابنى اذا كان اخويه ولا فاطمه
ادهم :- بعصبيه وفاطمه مالها يا ابنى انت هى موجوعه زيك واكتر كمان
أكرم :- بعصبيه نزولها الشغل هو كان السبب يا ادهم لو مكانتش نزلت الشغل كان عمره ما هيعرف يوصلها وهى وسط اهلى
ادهم :- وافرض منزلتش الشغل واخوك موصلش ليها كان مكتوب ليه برضه ينزل فكر بعقلك وبلاش الغباء اللى مسيطر عليك ده
أكرم :- ادهم انا مش قادر اتكلم اقفل اقفل
ادهم :- ماشى يا اكرم هسيبك لما تهدا شويه وهكلمك تانى سلام وقفل معاه واتنهد بص فى الساعه وبعدين مسك تليفونه تانى واتصل بداليا وانتظر الرد
داليا :- ايوه يا حبيبى
ادهم :- فاطمه عامله ايه دلوقتى
داليا :- منهاره بسبب نزول البيبى وعلشان أكرم بعد عنها فى وقت زى ده
ادهم :- كلمته بس دماغه جزمه بحاول اقنعه يروح ليها بس رافض
داليا :- انا مصدومه من اكرم الصراحه مهما كان غلطها كان لازم يوقف جنبها فى وقت زى ده
ادهم :- يهدا بس واكلمه تانى المهم مش ناويه تروحى تريحى شويه انتى من امبارح بتعملى مجهود وده غلط عليكى
داليا :- متخافش انا كويسه يا حبيبى المهم انت متعملش مجهود علشان دراعك المفروض اصلا كنت روحت الفيلا ريحت مش تنزل الشغل وانت كده
ادهم :- لو حسيت بتعب هروح بس مينفعش مكنتش انزل النهارده الشركه واكرم كمان منزلش لازم حد فينا يبقى موجود
داليا :- طيب مش علاء وفادى موجودين
ادهم :- مش عارف بس بيتهيألى محدش فيهم جه
داليا :- خلاص لو حد فيهم جه سيب ليهم الشركه وروح ريح نفسك شويه
ادهم :- حاضر يا قلبى وانتى حاولى تسيبى معاها منتهى شويه وروحى ريحى فى الفيلا ساعتين ولا حاجه وروحى ليها تانى
داليا :- حاضر هحاول
ادهم :- خدى بالك من نفسك انا سايب ليكى حرس واقفين مستنينك بره
داليا :- ماشى يا قلبى ربنا يخليك ليا وميحرمنيش منك يارب
ادهم :- ولا منك يا عمرى يلا هقفل معاكى وأشوف الشغل
داليا :- اوك باى
ادهم :- قفل مع داليا ومسك تليفون الشركه وسأل السكرتير على فادى وعلاء قال ليه إن مفيش حد جه منهم بلغه أن اى حد فيهم يجى يبلغه يدخله علطول وقفل مع السكرتير وبدأ يشوف شغله وشويه وتليفونه رن بيبص لاقه رقم فادى استغرب ورد عليه وقال
ادهم :- انت فين يا ابنى مجتش ليه الشركه ومبعتش نهى ليه زى ما قولتلك
فادى :- بدموع نهى مشيت يا ادهم
ادهم :- احسن انت زعلان ليه خليك تفوق بقى لبيتك ولمراتك
فادى :- ومراتى كمان مشيت
ادهم:- بقلق هو ايه اللى حصل
فادى :- بدموع رودينا شافتنى وانا بعترف لنهى بحبى والاتنين مشوا وسابوا البيت
ادهم :- بعصبيه انت غبى ازاى تعمل كده انا مش قولتلك بلاش نهى وأبعدها عن حياتك وخليك مع مراتك مسمعتش الكلام ليييييه
فادى :- مقدرتش استحمل فكرة بعدها عنى اول ما عرفت انها هتسافر وتسبنى مقدرتش امسك نفسى واعترفت ليها بحبى
ادهم :- اقولك ايه بس هتعيش وتموت حماااااار اقفل وانا هحاول ارجع ليك مراتك
فادى :- طيب ونهى انا مش هقدر على بعدها
ادهم :- بعصبيه اقسم بالله يا فادى انت لو كنت قدامى دلوقتى كنت كسرت ليك دماغك دى بقولك هحاول ارجعلك مراتك تقولى ونهى انت ايه يا اخى مش بنى أدم انساها بقى وخرجها من تفكيرك عالله بس رودينا توافق تسامحك وترجعلك بعد عملتك السوده دى
فادى :- انا بحب نهى يا ادهم
ادهم :- ياررررربى انت يا زفت تختار مراتك ام ابنك ولا تختار نهى
فادى :- ا.ا.الاتنين
ادهم :- مفيش حاجه اسمها الاتنين لازم تختار واحده فيهم بس
فادى :- ليه مفيش الاتنين مش الشرع محلل لينا اربعه انا مش عايز الاربعه انا عايز الاتنين بس
ادهم :- لا دى هتوافق تعيش مع دى ولا دى هتوافق تعيش مع دى لأنهم كانوا أصحاب يمكن لو كانت واحده تانيه غريبه يمكن كانت مراتك اتقبلت الوضع شويه إنما دى صحبتها عارف يعنى ايه يعنى دى كانت أقرب واحده لمراتك يعنى كانت زى اختها بالظبط تيجى انت وبكل بساطه تقول أنا عايز الاتنين انت عبيط يالا انا شايف انك تنسى نهى دى خالص اعتبرها كانت نذوه فى حياتك و فكر فى مراتك ام ابنك اللى جاى الدنيا فكر ازاى تراضيها وتخليها تسامحك
فادى :- سكت ومردش عليه
ادهم :- ساعه وجهز نفسك علشان اخدك ونروح عند مراتك نحاول نخليها تسامحك وترجع ليك
فادى :- بوجع حاضر
ادهم :- قفل السكه وقال بنى أدم غبى مش بيفهم وحط التليفون على المكتب والباب خبط ودخل علاء وقال
علاء :- خير يا ادهم سايب ليا خبر مع السكرتير انك عايزنى
ادهم :- اه احتمال اروح النهارده بدرى خلى بالك من الشركه
علاء :- روح انت ريح علشان دراعك ومتشغلش بالك بحاجه
ادهم :- عملت ايه مع منتهى عرفتها
علاء :- ابتسم وقال اه قولتلها وهى طلعت جدعه واختارت تكمل معايا وتصبر
ادهم :- كنت متأكد انها هتعمل كده طيب جهز نفسك انا اتفقت مع دكتور وشاف حالتك وقال عنده صاحبه دكتور ممتاز جدآ فى الحالات دى هيتفق معاه ويحجز ليك عنده
علاء :- بفرحه بجد ربنا يخليك لينا يا ادهم
ادهم :- أن شاءالله تعملها وبعدها بشويه هينفع تعمل حقن مجهرى بدل ما تستنا سنين طويله على ما يحصل حمل طبيعى
علاء :- بفرحه بجد ينفع يا ادهم يعنى ممكن اعمل حقن بعد العمليه
ادهم :- أن شاءالله تنجح العمليه وتقعد بعدها تاخد علاج وبعد كده الدكتور هيحدد ليك امته تعمل الحقن
علاء :- انا فرحان اوى انت بجد ابونا مش مجرد اخ وخلاص
ادهم :- ابتسم ليه وقال يلا روح شوف شغلك وسيب عليا كل حاجه وانا هبلغك ميعاد السفر امته
علاء :- ربنا ميحرمناش منك يارب ووقف وقال هروح مكتبى بقى وانت امشى ومتشغلش بالك بحاجه وخرج وسابه
قام اخد تليفونه ومفاتيحه وخرج من الشركه ركب عربيته راح اخد فادى وراح على فيلا رودينا
ادهم :- متحاولش تجيب قدامها سيرة نهى فاهم
فادى :- حاضر
ادهم :- واستحمل اى حاجه هتقولها ليك ما انت اللى غلطان
فادى :- اتنهد وقال ماشى
ادهم :- مالك ماتنطق اتكلم بدل ما انت مفيش حاجه بؤقك غير حاضر وماشى دى
فادى :- هقول ايه ما انا مهما قولت واتكلمت محدش هيفهمنى ولا هيحس باللى انا حاسس بيه
ادهم :- فاهمك بس انا عايز مصلحتك اللى باقى ليك مراتك ام ابنك إنما حب المراهقه بتاعك ده لنهى مجرد وقت وهينتهى وهتعرف أنه مكانش حب اصلا مش رودينا دى اللى انت صممت علي حبها ودافعت عليها كتير علشان تحميها مننا ايه اللى حصل دلوقتى نسيتها وفكرت فى غيرها بالسرعه دى
فادى :- انا مش ناسيها يا ادهم ولا عمرى هستغنا عنها انا بحب رودينا
ادهم :- ولما انت بتحبها بصيت لغيرها ليه وانتو لسه فى أول شهر من الجواز
فادى :- لان حبيت نهى برضه
ادهم :- اتنهد وقال طيب جاوبنى انت عندك كام قلب
فادى :- واحد
ادهم :- طيب ازاى قلب واحد هيحب اتنين بلاش تضحك على نفسك بكلام عبيط ملوش لازمه انت اللى فى قلبك واحده بس وعلشان تخلى الاتنين مع بعض هتظلم واحده فيهم حتى لو حبيت نهى بجد مش هتقدر تختارها لأن الاوله دلوقتى مراتك علشان هى حامل فى ابنك ترضاها تعيش بعيد عن ابنك ولا تاخد ابنك منها وتحرم ام من ضناها صدقنى اللى هيتأذا فى الموضوع ده الطفل بلاش يعيش ويشوف اللى عمه شافه كفايه بقى تحمل الاطفال ذنب هما ملهمش ذنب فيه كتير الاولاد بيدفعوا التمن بسبب استهتار الاهل فوق بقى وركز فى مراتك وابنك
فادى :- حس بوجع ادهم وقال حاضر
ادهم :- وصل وقال يلا انزل واعمل أقصى ما عندك لحد ما تخليها تسامحك
ونزلوا الاتنين وراحوا عند باب الفيلا ورنوا الجرس وشويه والخدامه فتحت الباب ودخلتهم وراحت تدى خبر لرودينا
وشويه وجه ابو رودينا سلم على ادهم ورحب بيه وسلم على فادى من غير نفس وراح قعد على الكرسى وبص لفادى وقال
ابورودينا:- هى دى الامانه اللى امنتك عليها يا فادى بقى تعمل كده فى بنتى تكسرها وتوجعها بالطريقه دى انت ازاى تبص لواحده تانيه غيرها انت وعدنى انك عمرك ما هتزعلها وهتعيشها اسعد واحده بس انت عملت العكس وخلتها أتعس واحده على وجه الارض انا ندمان فعلا ان انا وافقت اجوزك بنتى
ادهم :- انا طبعآ مقدر الحاله اللى انت فيها واحساسك اللى انت حاسس بيه والحاله اللى رودينا فيها وفعلا فادى غلط بس حس بغلطه وجاى يصلح الغلط ده
ابو رودينا :- يصلح ايه بس انا بنتى منهاره من امبارح محدش يتخيل ده شكل عروسه لسه متجوزه بقالها شهر اللى زيهم لسه فى شهر العسل عايشين مبسوطين وفرحانين بالطفل اللى ربنا رزقهم بيه مش يروح يحب واحده عليها
فادى :- عمى ممكن اقابل رودينا واكلمها
ابو رودينا :- هى مش راضيه تشوفك اصلا
ادهم :- معلش خليهم يتكلموا شويه مع بعض
ابو رودينا :- اهى عنده فى الاوضه يطلع لو رضت تفتح وتكلمه هى حره
ادهم :- اطلع لمراتك يلا وراضيها
فادى :- عن اذنكم وسابهم وطلع عند اوضت رودينا وخبط على الباب وقال افتحى يا رودينا
رودينا :- من وراه الباب اطلع بره يا فادى وانسانى
فادى :- طيب افتحى طيب
رودينا :- بدموع وصوت عالى اطلع بره بقولك مش طايقه اسمع صوتك اطلع بره
فادى :- افتحى طيب عايز اقولك كلمتين وهمشى علطول
رودينا :- بدموع مش طايقه ابص فى وشك
فادى :- وحياة حبنا افتحى الباب
رودينا :- بدموع ووجع قالت حبنا هه حبنا طلع وهم يا فادى طلع مش حقيقى كنت مفكره انك بتحبنى طلعت عبيطه وده كله اوهام علشان حبيتك بصدق ومن قلبى فكرتك انت كمان بتحبنى
فادى :- انا فعلا حبيتك وبحبك يا رودينا
رودينا :- بدموع صرخت وقالت كداااااااب انت محبتنيش ولا دقيقه يا فادى لو حبتنى بجد مكنتش هتقدر تبص لغيرى إنما أنت روحت حبيت نهى وبتترجها تفضل جنبك قدامى مراعتش حتى شعورى امشى وسبنى فى حالى بقى كفايه عليا اللى حصلى منك لحد هنا حرام عليك والله العظيم انا عمرى ما هسامحك على غدرك ليا ده وقعدت فى الارض وراه الباب وقالت اطلع بره وسبنى الم اللى اتبقى من روحى
فادى :- حط راسه على الباب وقال انا اسف يا رودينا بجد اسف
رودينا :- بدموع واسفك ده هيعملى ايه هيرجع الحياة لقلبى المكسور تانى ولا هترجعلى ثقتى فى الناس اللى راحت بسببك انت ونهى انا بموت فى الثانيه مليون مره بسببكم انا بقيت بشوف الدنيا كلها سوده اسفك هيعمل ليا ايه ولا ايه كفايه بقى
فادى :- تعالى ننسا اللى فات ونبدء من جديد
رودينا :- بسهوله اوى كده ننسا اللى فات صح تعال اكسرك قلبك وادوس عليه واقولك اسفه تعال ننسا اللى فات شوف هتقدر تنسا ولا لاء تعال امزق ليك روحك وادوس على احساسك بجزمتى وبعد كده اقولك انسى هه والله ما هتقدر تنسى روح ليها هى احنا خلاص بقى صعب بينا الرجوع من تانى
فادى :- غمض عينه بوجع وقال وحياة ابننا سامحينى
رودينا :- حطت ايديها على بطنها وقالت بدموع ابنى مش ابننا من هنا ورايح ده ابنى انا وبس ملكش اى علاقه بيه فاهم
فادى :- رودينا انا لسه باقى عليكى
رودينا :- وانا بقى مش باقيه عليك اطلع بره يا فادى وانسى إن كان فى حياتك واحده اسمها رودينا روح ليها واتجوزو وعيشوا حياتكم براحتكم بعيد عنى
فادى :- ده اخر كلام عندك يا رودينا
رودينا :- ايوه يا فادى ياريت تطلقنى وتبعت ليا ورقتى
فادى :- اتنهد وقال ماشى يا رودينا اللى يريحك ونزل بص لادهم وسابهم ومشى
ادهم :- طلع يجرى وراه وقال فادى يا فادى انت يا ابنى رد عليا استنا هنا
فادى :- وقف وقال عايز ايه يا ادهم
ادهم :- عملت ايه
فادى :- مصممه برضه على الطلاق حاولت كتير معاها وهى رافضه تسامحنى
ادهم :- تقوم انت تعمل ايه تروح تطلقها صح مش عارف انت طالع لمين غبى كده انت مفكر أنها هتسامحك من اول مره كده الست ممكن تسامح فى اى حاجه الا الخيانه وانت ماشاءالله عليك خونتها فى أول شهر فى الجواز كتك وكسه توكسك يا شيخ اتنيل واستنا وحاول معاها مره واتنين وتلاته وهى لما تلاقيك مصمم عليها هتسامحك مع الوقت امشى يا اخويه امشى وركبوا العربيه وراحوا على الفيلا
~•~•~•~•~•~•~•~•~•~•~•~•~•
فى تونس
صحيت ايه من نومها لاقت ممدوح حضنها جامد وحاطط رجليه عليها ومش قادره تتحرك ندهت عليه وقالت
ايه :- ممدوح يا ممدوح شيل رجلك تقيله اوى مش عارفه اتحرك
ممدوح :- امممم
ايه :- اممم ايه بس انت مالك مكتفنى كده هو انا ههرب منك ولا ايه
ممدوح :- فتح عينه وابتسم وقال صباح الورد يا احلى ورده فى حياتى
ايه :- بألم صباح النور بس شيل رجلك تقيله اوى
ممدوح :- بص على رجله اللى عليها وقال انا ايه جاب رجلى هنا وشالها
ايه:- والله أسأل نفسك
ممدوح :- حقك عليا يا جعفر انا زى جوزك برضه
ايه :- ابتسمت وقالت والله انت ما طبيعى
ممدوح :- ده انا اللى مش طبيعى صح ربنا يهدينى بقى
ايه :- هههههههههه
ممدوح :- اموت انا فى الضحكه اللى تجنن دى يا ناس
ايه :- انت مجنون لوحدك قوم يلا علشان نروح الشركه
ممدوح :- نروح مين حضرتك اللى يروح
ايه :- انا وانت
ممدوح :- تانى يا ايه
ايه :-بترجى علشان خاطرى بالله عليك خدنى معاك ومش هفتح بؤقى هناك
ممدوح :- بصلها وقال حاضر يا مدوخانى قومى يلا اجهزى بسرعه
ايه :- بفرحه هييييييا وحضنته وقالت انا بحبك اوى يا مندوح اووووى
ممدوح :- حضنها اكتر وقال طيب علشان خاطر مندوح خليكى شويه كده فى حضنه
ايه :- اتوترت ولسه هتبعد
ممدوح :- مسكها جامد ومخلهاش تتحرك وبص فى عينيها وعلى شفايفها وقرب منهم وغمض عينه وباسها
ايه :- اتوترت اكتر وحاولت تبعد معرفتش
ممدوح :- بعد وقت بعد عنها ونفسه سرع غمض عينه واتنهد وبلع ريقه بصعوبه وقال قومى يا ايه اجهزى
ايه :- بأستغراب مالك
ممدوح :- قام قعد وقال عايزك تقومى علشان الاحساس اللى انا حاسه غلط عليكى وممكن تزعلى منى امشى لحد ما اهدا شويه فهمتى ولا أوضح اكتر
ايه :- بكسوف هزت راسها بمعنى حاضر وقامت دخلت الحمام
ممدوح :- اخد نفس عميق وقال الصبر من عندك يارب وبعد وقت خرجت ايه وهى لابسه البورنص حط أيده على وشه وقال دى لو قصدها مش هتعمل كده فيا
ايه :- ممدوح يا ممدوح
ممدوح :- وهو حاطط أيده على وشه قال مين بينادى
ايه :- مين غيرى معاك فى البيت شيل ايدك من على وشك حططها ليه كده
ممدوح :- بلعب مع نفسى استغمايه
ايه :- والله شيل ايدك بقى
ممدوح :- لاء لما تلبسى هدومك اصل بتكسف
ايه :- والله بقى مندوح بيتكسف ده من امته ده أن شاءالله
ممدوح :- من دلوقتى اخلصى الله يحرقك
ايه :- انا اصلا هلبس فى الحمام
ممدوح :- وحياة امك ولما هتلبسى فى الحمام طالعه ليه وانت كده ولا انتى ماشيه بمبدأ شوق ولا دوق ما انتو بنات حوا مش ساهلين برضه
ايه :- والله انا مقصدش حاجه انت اللى نيتك سم
ممدوح :- قام وقف وراح عندها وقربها ليه وقال غصب عنى يعنى واحد ومراته معاه ومش قادر يلمسها لازم تبقى حالته زفت زى كده
ايه :- اتوترت وزقته وقالت ا.ا انا قولتلك اللى فيها ووعدك هروح اتعالج وانت وعدنى انك هتصبر عليا صح
ممدوح :- اتنهد وقال صح يا اختى ما انا مش هاخد منك لا حق ولا باطل وسابها ودخل الحمام
ايه :- اخدت نفسها واتنهدت ولبست هدومها وانتظرت خروج ممدوح وبعد شويه خرج ممدوح ولبس هدومه واده فرضه ونزلوا الاتنين وراحوا على الشركه
~•~•~•~•~•~•~•~•~•~•~•~•~•
فى اسكندريه
فى فيلا أكرم
كان أكرم قاعد فى اوضه حزين وسمع خبط على الباب بتاع الأوضه قام فتح بصعوبه وفتح الباب ودخل تانى ابوه دخل وقال
منير :- انت مروحتش ليه لمراتك
أكرم :- مروحتش ومش رايح
منير :- فيه واحد يسيب مراته مرميه فى المستشفى فى حالتها دى ويقعد فى اوضه
أكرم :- وجودى جنبها لا هيقدم ولا هيأخر
منير :- ازاى لا هيقدم ولا هيأخر ده اكتر وقت الست بتبقى محتاجه جوزها جنبها يحتويها ويخفف من عليها الوجع والكسره اللى بتبقى حاسه بيهم
أكرم :- محدش قالها تنزل الشغل لو كانت سمعت كلامى مكانش ده حصل ليها بس فى الوقت ده اتفاجئ بقلم على وشه حط أيده على وشه بصدمه وقال انت بتضربنى يا بابا
منير :- الواضح كده مخلفتش رجاله ومعرفتش اربى بجد ازاى تكفر بربنا كده ده قضاء ربنا الطفل ده مش مكتوب ليه يجى الدنيا وكان هينزل بأى طريقه مراتك ملهاش ذنب فى اللى حصل يا غبى وبعدين بتعاقب مراتك على ذنب اخوك هو اللى عملوا فين عقلك انت انطق رد عليا فهمنى ازاى تعمل فى بنت الناس كده
أكرم :- برضه يا بابا هقولك فاطمه كانت سبب من اسباب موت ابنى ومش هسامحها عمرى انا اصلا ناويت أطلقها
منير :- اقسم بالله لو عملت كده لا انت ابنى ولا اعرفك وما هتقعد هنا دقيقه واحده بكره تروح تجيب مراتك من المستشفى مفهوم
أكرم :- يا بابا انا م
منير :- قاطعه وقال مش عايز اسمع منك حرف واحد وسابه ومشى
أكرم :- اتعصب ومسك ازازة البرفان حدفها على المرايه كسرها وقعد فى الارض وقعد يعيط
~•~•~•~•~•~•~•~•~•~•~•~•~
فى بيت نهى
كانت قاعده فى اوضتها بتعيط والباب خبط عليها قالت
نهى :- مين بس محدش رد عليها استغربت وقامت فتحت الباب لاقته جوز خالتها اتوترت وقالت ا.ا انت عايز ايه
جوز خالتها :- عايز ادوقك يا حلوه يعنى هى جات عليا
نهى :- زقته وحاولت تقفل الباب بس معرفتش وجوز خالتها زق الباب ووقعها على الارض وقرب منها وحاول يهجم عليها
نهى :- بصريخ ابعد عنى مااااااما يا مااااااما الحقينى
جوز خالتها :- نادى من هنا لصبح مفيش غير انا وانتى فى البيت يا حلوه
نهى :- حاولت تبعده عنها معرفتش قعدت تصرخ بدموع على حد ينقذها منه بس مفيش حد سمع صوتها وبعد وقت من الاعتداء عليها قام جوز خالتها من عليها وقال
جوز خالتها :- جامده فحت اااااه عن اذنك يا حلوه واوعى خالتك تعرف باللى حصل ده
نهى :- دموعها نازله منها ومش بترد عليه وخرج جوز خالتها من الاوضه وقعدت تعيط ومره واحده انهارت وقعدت تخبط بأيديها على وشها وتصرخ وتقول لييييييه انا لييييييه انا اللى بيتعمل فيا كده لييييييييه ياااااااارب انا تعبت بقى تعبت خلاص مبقاش عندى طاقه استحمل كل ده كفاااااااايه بقى وجع كفايه حرام والله اللى بيحصل فيا ده حرام وحطت ايديها على وشها وقعدت تصرخ وتعيط وقامت لبست هدومها واخدت شنطت هدومها وخرجت تجرى من البيت وهى مش عارفه تروح فين ولمين وافتكرت ادهم راحت عنده الفيلا بتاعته وهى دموعها على خدها وطلبت انها تقابله ودخل الخدم بلغه وهو اول ما عرف أن نهى بره معرفش حد ولا حسس فادى بحاجه واستأذن منهم وقام خرج ليها وقال
ادهم :- ............
*********************
إلي هنا ينتهي الفصل الثامن والسبعون من رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد
تابع أيضاً: جميع فصول رواية آدم ولانا بقلم امونه
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
أو أرسل لنا رسالة مباشرة عبر الماسنجر باسم القصة التي تريدها
اقرأ أيضا: رواية من أجلك فقط بقلم لولو الصياد
إرسال تعليق
يسعدنا تلقي اقتراحاتك أو تعليقك هنا