قصص رومانسية جريئة ممنوع دخول الأطفال

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة دودو محمد علي موقعنا قصص 26 و موعدنا اليوم مع الفصل التاسع والسبعون من  رواية تمرد صحفية بقلم دودو محمد. 

رواية تمرد صحفية بقلم دودو محمد - الفصل التاسع والسبعون

اقرأ أيضا: روايات رومانسية

رواية تمرد صحفية بقلم دودو محمد

رواية تمرد صحفية بقلم دودو محمد - الفصل التاسع والسبعون

مر ثلاثة شهور على ابطالنا بدون احداث تذكر

ادهم وداليا

العلاقه مستقره جدآ بينهم قصة حبهم بتكبر كل يوم اكتر من اليوم اللى قابله بطن داليا بدأت تظهر وبتنزل يوميآ الجريده مع ادهم وترجع معاه فى اخر اليوم مازال الخطر معرض ليهم من مكرم لعدم وصول الشرطه ليه
ادهم مازال مهتم بجميع أمور العيله ومش مقصر مع اى حد من أهله وحبه كل يوم بيزيد لداليا وبيعوض ليها ايام العذاب اللى شافتها منه

أكرم وفاطمه

علاقتهم متوتره من يوم خروجها من المستشفى واكرم مش بيكلمها ومتجاهل وجودها فى حياته بيرجع من الشغل متأخر وهى نايمه وينزل الشغل قبل ما تصحه من النوم
فاطمه هتموت من تجاهل أكرم ليها وفقدانها اغلى ما تملك بتحس بيه وهو ماشى وبتحس بيه وهو راجع من الشغل بس بتعمل نفسها نايمه علشان تهرب من نظرة العتاب اللى فى عينيه ليها واللى مصبرها على كل ده منير ووفاء وواقفتهم جنبها فى اصعب لحظاتها

ممدوح وايه

ايه بتابع مع دكتور لحالتها دى ولحد دلوقتى مقربش منها ممدوح
ممدوح بيحاول يتعامل بحنيه مع ايه وبيصبر عليها اكتر وقت ممكن وصابر لحد ما تيجى اللحظه الحاسمه ليهم ومحدش يعرف بحالة ايه نهائى

مؤمن وسندس

انتهت الدراسه وانتقل فادى لصف الثالث من الثانويه العامه
سندس انتقلت لمدرسه بنات فقط وانتقلت لصف الثانى من الثانويه العامه
حبهم بيكبر كل يوم وبيثبتوا أنهم صغيرين بس قلبهم كبير ومتمسكين ببعض ومتفاهمين جدآ جدآ

تامر ودينا

دينا توترها كل يوم بيزيد بسبب اختفاء مكرم ومحدش لسه وصل ليه
تامر بيحاول يوصل لمكرم بأسرع وقت ممكن بسبب الحاله اللى وصلت ليها دينا من الخوف والتوتر بس مش قادر يوصل لاى حاجه

علاء ومنتهى

بيجهز نفسه لسفر علشان يعمل العمليه وهتسافر معاه منتهى
منتهى جدعه جدآ سند لعلاء وبتحاول دايمآ تلطف الجو ومتخلهوش يحس بوجع بسبب موضوع الحمل ده رغم أن هى نفسها تكون ام بس مش بتحسس علاء بأى حاجه من دى ولسه بتحاول تتعلم الطبيخ فى علاء

حمزه وميرفت

منتظرين اليوم العالمى اللى هتولد فيه ميرفت كل يوم يجى ليها الوجع ويروحوا بيها المستشفى والدكتور يبلغهم أن لسه شويه على الولاده ويروحوا البيت تانى

فادى

حالته صعبه جدآ ومش قادر يركز فى اى حاجه بسبب اختفاء نهى ومش قادر يوصل ليها ولا عارف فين مكانها سافر فرنسا يدور عليها بس برضو معرفش يوصل ليها رجع مصر تانى حاول مع رودينا كتير و لسه مصره على رأيها بس هو رفض يطلقها وادهم بيحاول يخرجوا من اللى هو فيه

رودينا

مابين دموعها ووجعها من خيانة فادى ونهى ليها عرفت بأختفاء نهى
قلبها وجعها من بعد فادى عنها بطنها كبرت بتتكلم معاه وبتقوله كل حاجه وجعها كأنه بيسمعها ودايمآ تشتكى ليه من قسوة ابوه عليها نزلت الشغل تانى مع ابوها فى الشركه

نهى

اختفت ومحدش قادر يوصل ليها ولا يعرف مكانها فين
~•~•~•~•~•~•~•~•~•~•~•~•~
اشرقت شمس صباح يوم جديد بنورها الساطع فى سماء الاسكندريه لتبدء داليا بفتح عيونها بتعب شديد حطت ايديها على بطنها وقالت
داليا :- انت ايه مش بتهدا أبدآ طالع شقى اوى لمين كده
ادهم :- فتح عينه على صوت داليا لاقها بتكلم نفسها ضحك وقال ربنا يكملك بعقلك يا قلبى
داليا :- انت بتضحك مش تشوف صرفه لابنك اللى فى بطنى ده مش بيهدا ساعه واحده طول الليل بيلعب كوره فى بطنى
ادهم :- ضحك وقرب من بطنها وقال جدع طلع عينيها
داليا :- ضربته على كتفه وقالت كده ماشى يا ادهم مش كفايه عليا ابوه انتو الاتنين كتير اوى عليا
ادهم :- طلع ليها وقال ابوه عملك ايه بقى أن شاءالله
داليا :- ولا حاجه خااااالص ملاك ملاااااااك
ادهم :- بتتريقى عليا مااااشى وقرب منها وقعد يزغزغ فيها
داليا :- بضحك بس يا ادهم يا ااااادهم بس هموت كفااااايه بقى
ادهم :- بضحك هتتريقى عليا تانى
داليا :- احنا اسفين يا صلاح
ادهم :- ضحك وضمها ليه وقال بعشق جنانك والله
داليا :- باسته فى خده وقالت وانا بمووووت فيك
ادهم :- انتى عملتى ايه دلوقتى
داليا :- عملت ايه
ادهم :- على خدى
داليا :- ااااه قربت من خده وقالت عملت كده
ادهم :- لف وشه وقرب من شفايفها وباسها
داليا :- بعدت عنه وقالت بكسوف غلس ولسه هتقوم
ادهم :- شدها ليه وقال ما تيجى اقولك حاجه مهمه اوى
داليا :- ضحكت وقالت لاااااا انا عارفه ايه هى الحاجه المهمه دى اوعى كده وجت تقوم
ادهم :- شدها وقال استنى يا بت دى حاجه مهمه اوى اوى وقرب من شفايفها وباسها وبعد وقت بعد عنها وقال شوفتى بقى حاجه مهمه ولا لاء
داليا :- بكسوف هزت راسها بمعنى ايوه
ادهم :- لسه هيقرب منها تانى
داليا :- قامت تجرى وقالت مستحيل يحصل اللى فى دماغك ده احنا هنتأخر على الشغل
ادهم :- قام عندها وشدها ليه وبص فى عينيها وقرب من شفايفها
داليا :- سرحت فى عينيه وضعفت كالعاده وسلمت ليه
ادهم :- مد أيده نزل حمالة القميص بتاعها وباس كتفها العريان ونزل الكتف التانى وباسه هو كمان والقميص وقع فى الارض من على جسم داليا قرب من رقابتها وباسها وطلع على شفايفها وقرب منهم وباسها برقه وميل عليها وشالها حطها على السرير وقرب منها و(سكتت شهرزاد عن الكلام الغير مباح)
~•~•~•~•~•~•~•~•~•~•~•~•~•
فى شقة علاء

صحيت منتهى من نومها بصت فى الساعه لاقت نفسها اتأخرت على الشغل قامت تجرى من على السرير دخلت الحمام اخدت شاور سريع واتوضت وخرجت لبست هدومها وأدت فرضها

علاء :- فتح عينه لاقه منتهى بتصلى دخل الحمام وشويه خرج قال صباح الخير يا قلبى
منتهى :- صباح النور يا حبيبى يلا البس وصلى على ما احضر الفطار احسن اتأخرنا على الشغل
علاء :- ماشى يا عمرى ولبس هدومه واده فرضه وخرج من الاوضه راح المطبخ وحضن منتهى من ضهرها وقال واحده واحده يا قلبى بلاش الاستعجال ده
منتهى :- بقولك متأخرين على الشغل ده انا ورايا شغل قد كده عايزه اخلصه قبل ما نسافر بعد بكره
علاء :- حبيبتى قدها وقدود ومتأكد أنها هتقدر تخلص كل الشغل اللى عليها فى اسرع وقت وباسها فى رقابتها
منتهى :- لفت ليه ولفت دراعها حاولين رقابته وقالت ما هو لو مكانش شقاوة حبيبى طول الليل مكناش اتأخرنا على الشغل دلوقتى
علاء :- لعب فى طرف مناخيرها بصوابعه وقال كان غصب عنك ولا بمزاجك
منتهى :- داست على شفتها اللى من تحت بسنانها وقالت بكسوف بمزاجى طبعآ
علاء :- قرب من شفايفها وباسها وشويه وبعد عنها وقال علشان تحرمى تعملى الحركه دى تانى
منتهى :- ضربته فى صدره وقالت غلس وبعدين شمت ريحة شياط قالت نهار اسوح الاكل اتحرق ولفت لاقته اتحرق كله
علاء :- قعد يضحك وقال هتفضلى فاشله فى الأكل يا تحرقيه يا اما تملحيه
منتهى :- ضربته على كتفه بغيظ وقالت بتضحك ما انت السبب الله وبعدين ايه فاشله دى تنكر أن انا عملت ليك مكرونه حلوه من يومين
علاء :- بضحك تقصدى عجينة المكرونه اللى اكلناها من يومين دى
منتهى :- بزعل طفولى انت بتتريق على اكلى وبتقول عليا فاشله انا مخصماك
علاء :- قرب اكتر ليها وقال ما انت فاشله فى الطبيخ بس ناجحه جدآ فى خطف قلبى وبتشدينى كل يوم اكتر ليكى وبتوقعينى فى حبك اكتر واكتر بذمتك مش نجاحك ده احلى واحسن من الطبيخ الف مره
منتهى :- بحب بعشقك يا علاء بعشقك واترمت فى حضنه
علاء :- ضمها اكتر ليه وباس راسها وقال وانا بموت فيكى
منتهى :- بعدت عنه وقالت هناكل ايه بقى ومفيش وقت اعمل فطار تانى
علاء :- مسك ايديها وقال احلى اكل فى اجمل مكان فيكى يا اسكندريه لاحلى وأعظم ست فيكى يا دنيا
منتهى :- ضحكت ليه بحب وباست أيده واخدت شنتطها ونزلوا الاتنين ركبوا العربيه راحوا مطعم أكلوا وبعدين راح كل واحد على شغله
~•~•~•~•~•~•~•~•~•~•~•~•~•
فى فيلا أكرم

صحه أكرم من نومه قام من على الكنبه دخل الحمام اخد شاور واتوضه وخرج من الحمام لاقه فاطمه صاحيه وقاعده على السرير ودموعها نازله منها متكلمش معاها ولبس هدومه واده فرضه ولسه هيمشى
فاطمه :- بدموع أكرم
أكرم :- وقف مكانه من غير ما يرد عليها
فاطمه :- قامت وقفت وراحت عنده وقالت بدموع عايزه اتكلم معاك
أكرم :- مش فاضى ولسه بيمد أيده يفتح الباب
فاطمه :- مسكت دراعه وقالت تلت شهور مش فاضى ليا من ساعة اللى حصل ده وانت مش بتكلمنى جبتنى من المستشفى ورمتنى هنا ونسيت وجودى فى حياتك فين أكرم جوزى اللى اعرفه الحنين اللى كان بيحبنى بجد من قلبه راح فين الشخص ده اتبدلت بواحد تانى معرفهوش بقيت غريب عنى لدرجة أننا بنشوف بعض صدفه
أكرم :- غمض عينه وقال وليكى عين كمان تسألى بعد اللى حصل بسببك
فاطمه :- بدموع بسببى انا يا اكرم ليه مصر انك تحملنى انا الذنب ليه عايز تخلينى انا الغلطانه ولا خلاص زى ما صدقت حصل كده علشان تبعد عنى وتكرهنى وناسى أن اللى عمل كده اخوك مش انا ناسى أن انا اللي اتعذبت اكتر منك مليون مره تلت شهور وانا قلبى مكسور ومحتاجه ايدك تطبطب عليا وتنسينى وجعى محتاجه حضنك يضمنى وينسينى اللى حصل ويحتوينى محتاجك جنبى يا اكرم محتاجه ارجع للحياه من تانى
أكرم :- سحب دراعه من ايديها ومردش عليها
فاطمه :- بصت على ايديها اللى كانت على دراعه وضحكت بوجع وقالت واضح كده انك لاقيت حجه علشان تكرهني وتبعد عنى انا مصدومه فيك بجد فين وعدك ليا انك هتفضل سندى وقت ضعفى فين كلامك المعسول اللى كنت بتقولوا ليا واضح كده كان كله كلام فى الهوا وغمضت عينيها والدموع نازله منها وقالت بوجع طلقنى يا اكرم
أكرم :-بصلها نظره قاتله وقال احسن برضه انتى طالق يا فاطمه وفتح الباب ومشى
فاطمه :- بصت ليه بصدمه ومصدقتش اللى سمعته ده ونزلت تجرى وراه ومسكت دراعه وقالت بسهوله كده اقولك طلقنى تقوم تطلقنى انت كنت مستنيها بقى وكنت عايشه تقيله اوى على قلبك ليه يا اكرم تعمل كده ليه
أكرم :- انتى اللى طلبتى
فاطمه :- بدموع وبصوت عالى انا قولت كده علشان احس بأهميتى فى حياتك لما ترفض تطلقنى انت صدمتنى فيك يا اكرم بس بكره هتندم عليا ندم عمرك انت اللى خسران يا اكرم انت اللى خسران وحطت ايديها على بؤقها وعيطت اكتر وقالت لييييه ليه وطلعت تجرى على اوضتها
أكرم :- غمض عينه بوجع
منير :- ايه ده فيه ايه فاطمه كانت بتزعق ليه
أكرم :- انا طلقت فاطمه يا بابا
منير :- بصدمه ايه اللى انت بتقوله ده ازاى تعمل كده انت غبى
أكرم :- هى اللى طلبت وانا نفذت طلبها
منير :-بعصبيه اقولك ايه غور من وشى غورررر وطلع عند اوضت فاطمه
أكرم :- بص على ابوه وهو طالع على السلم ومشى ركب عربيته وراح على الشغل
منير :- خبط على الباب وقال افتحى يا بنتى افتحى يا فاطمه
فاطمه :- فتحت وهى ماسكه شنطة هدومها فى ايديها ودموعها نازله منها
منير :- لالالا أهدى يا حبيبتى بلاش تمشى خليكى قاعده فى بيتك هو اللى هيغور من هنا
فاطمه :- بدموع ووجع اقعد هنا بصفتى ايه يا بابا أكرم طلقنى خلاص مبقاش ليا مكان هنا تانى رايحه بيت بابا هو ده دلوقتى مكانى
منير :- وانا كمان مش ابوكى خليكى قاعده معانا يا بنتى
فاطمه :- حضرتك أبويه فعلا بس مينفعش وجودى هنا خلاص وبصت ليه بوجع واترمت فى حضنه وقعدت تعيط بحرقه
منير :- دموعه نزلت منه وقال اه يا ابن الكلب ازاى يهون عليك تعمل فيها كده
فاطمه :- بعدت عنه وقالت بدموع عن اذنك يا بابا
منير :- مسح دموعه وقال استنى طيب اوصلك
فاطمه :- خليك يا بابا بلاش تتعب نفسك هركب اى تاكسى
منير :- مينفعش طبعآ امشى يلا وشال منها الشنطه ونزل حطها فى العربيه وركبوا الاتنين وراح وصلها بيت ابوها
~•~•~•~•~•~•~•~•~•~•~•~•~•
فى فيلا تامر

كانت دينا نايمه وبتحرك راسها يمين وشمال وتقول كلام مش مفهوم ووشها كله عرقان تامر صحه على صوت دينا وشاف شكلها كده اتخض عليها خبط على كتفها براحه وقال

تامر :- دينا يا دينا
دينا :- قامت مفزوعه وصرخت وقالت لاااااااااااا واترمت فى حضن تامر بخوف
تامر :- طبطب عليها وقال أهدى يا دينا انتى كويسه ده كابوس أهدى يا حبيبتى
دينا :- مسكت فيه بخوف وقالت م.م.مكرم خ.خ.خطفنى وكان عايز يموتنى انا خايفه اوى يا تامر اوى ودموعها نزلت منها
تامر :- ششششش أهدى يا حبيبتى أهدى بصى فى عيونى طول ما انا جنبك مش عايزك تخافى دينا حبيبتى خليكى واثقه فيا انا اضحى بعمرى كله علشان احميكى
دينا :- بصت فى عينه واترمت تانى فى حضنه وقالت انا واثقه فيك يا تامر بس تعبت من كتر الكوابيس اللى بيجيلى فيها مكرم يا تامر
تامر :- بصى يا حبيبتى مكرم ميقدرش يقرب على بيتى انا بالذات يعنى الخطوره مش علينا احنا مكرم خطر على اخوه وادهم
دينا :- انت كده طمنتنى يعنى ما انت قلقتنى على ادهم اخويه
تامر :- متقلقيش ادهم محصن نفسه كويس اوى هو ومراته واحنا مراقبين الاماكن كلها اربع وعشرين ساعه وبعدين احنا حاليآ بنرسم خطه نوقع بيها مكرم بس مضمونه أن شاءالله هنقدر نوصل ليه بسهوله من خلال الخطه دى
دينا :- يارب يا تامر نخلص منه يارب
تامر :- قريب إن شاءالله اهم حاجه مش عايز اشوفك فى الحاله دى تانى ماشى
دينا :- هزت راسها وقالت حاضر
تامر :- هقوم انا بقى علشان انزل شغلى
دينا :- مسكت فيه وقالت طيب خليك جنبى لحد ما انام تانى
تامر :- ابتسم وقال من عينى يا قلبى ونامت دينا على المخده وفضل يمشى أيده على شعرها لحد ما نامت باس راسها وعدل عليها الغطا وقام دخل الحمام اخد شاور واتوضه وخرج لبس هدومه واده فرضه ونزل راح الشغل
~•~•~•~•~•~•~•~•~•~•~•~•~•
فى بيت سعيد

فى اوضت مؤمن

صحى مؤمن من نومه على صوت تليفونه بيبص لاقها سندس بص على السرير جنبه لاقه ابوه مش موجود رد وقال

مؤمن :- صباح الورد يا قلبى
سندس :- صباح النور لسه كل ده نايم
مؤمن :- اعمل ايه ما انا منمتش طول الليل مع مرات اخويه العزيزه كل يوم تنزلنا نجرى على المستشفى على أساس أنها هتولد وفى الاخر تطلع تفاسيح ولاده ده انا اللى قربت أولد مش هى ست هاجر مطلعه عين اهلى من قبل ما تيجى
سندس :- بضحك لالالا بجد انت فظيع تفاسيح ولاده جبتها منين الكلمه دى ويعنى ايه اصلا
مؤمن :- وانا ايه عرفنى الدكتور هو اللى بيقول لينا كده
سندس :- طيب لما انت تيجى تولد ابقى قولى بقى علشان اجبلك المايه السخنه ههههههههه
مؤمن :- وحياة امك
سندس :- بضحك الله مش انت اللى قولت قربت تولد
مؤمن :- اتلمى يا حبيبتى احسنلك
سندس :- بضحك لالالا مش قادره متخيله منظرك وانت عندك الوجع وبتصرخ من الطلق مسخررره اقسم بالله
مؤمن :- اتلمى وربنا انتى اللى عايزه طلقتنى فى دماغك دى
سندس :- بدلع اهون عليك يا ميمو برضه
مؤمن :- لاء بجد! اتعدلى يا بت لعدلك
سندس :- الله وانا عملت ايه
مؤمن :- دلعك حلو اوى وانا الصراحه بتلكك وفاضل تكه وهفتح لشيطان الباب على الاخر يبقى علي ايه نفتح الباب ليه وناخد برد ما نتلم احسن
سندس :- بغيظ والله العظيم انت قليل الادب وانا غلطانه أن هزرت معاك اصلا
مؤمن :- اهدا بس ومتبقاش اقفيش كده ده انا بهزهز معاكى يا بت
سندس:- بت لما تبتك
مؤمن :- يا خراشى يا ناس على الحلو لما يتقمص
سندس :- ده على اساس ان انا بنت اختك
مؤمن :- اولا فى بطن اختى ولد مش بنت ثانيآ ما ابن اختى يبقى ابن اخوكى انتى كمان عادى يعنى
سندس :- الصبر من عندك يارب هى كلمه قالتها دينا وصدقت فيها انتى غبى يا مؤمن
مؤمن :- الله غبى منه فيه انا بحب الفيلم ده اوى
سندس :- بغيظ مؤؤؤؤؤمن
مؤمن :- ضحك وقال خلاص خلاص المهم انتى واحشتينى اوى وهتجن واشوفك
سندس :- أبيه ادهم صعب يسبنى أخرج مش بيخلينى أخرج غير معاه هو وداليا أو مع دينا وتامر أو مع علاء ومنتهى
مؤمن :- بهزار اااااه عزول يعنى
سندس :- انا بتكلم جد يا مؤمن مش بهزر
مؤمن :- وهو كاتم ضحكته قال خلاص خلاص كملى
سندس :- والله العظيم انت بنى أدم مستفز وفصيل
مؤمن :- بضحك فيصل ولا الدوقى ههههه لالاالا مش قادر غصب عنى القفشه بتحكم وسكت شويه وقال بتحكم ماتش الاهلى والزمالك جامده اقسم بالله جامده ههههههههه
سندس :- خلصت
مؤمن :- احم اه خلاص اتفضلى كملى
سندس :- لاء كمل انت مع نفسك القفشات بتاعتك دى باى وقفلت السكه
مؤمن:- بت يا سندس انتى يا بت قفلت بنت المجنونه وقام من على سريره خرج وقال صباحو طلق وتفاسيح ولاده
ميرفت :- وهى حاطه ايديها وراه ضهرها ومش قادره تمشى سبنى يا مؤمن بالله عليك احسن الوجع هيموتنى
مؤمن :- ايه يا ست هاجر القاعده جوه عجبتك ولا ايه بس الصراحه البت دى بتفهم حالفه يمين تلاته ما تنزل الا لما الزمالك هيظهر ويعرفوا راح فين يوم ماتش الاهلى هههههههه
حمزه :- افضل كده اتريق على الزمالك لحد ما مرتضى منصور يطلع ليك كل السيديهات بتاعتك هههههههه
مؤمن :- مرتضى ده حبيبى وانا اقدر برضه كله الا سيديهاتى هههههه
سعيد :- بطلوا لك يلا واقعد كل
مؤمن :- قعد وقال وانتى يا ام هاجر مش ناويه تاكلى كده علشان يبقى فيكى حيل لطلق والبت دى تخلى عندها شوية دم وتنزل
ميرفت :- بوجع اااااااه
مؤمن :- حقك علينا يا ابو صلاح البت دى زعلها وحش اوى زى ابوها
ميرفت :- اااااااااه لالالا كده دى ولاده انا بولد يا حمزه
حمزه :- وهو بياكل لاء يا حبيبتى دى تهيؤات اقعدى كلى بس
ميرفت :- بوجع اااااااه ايه البرود اللى فيك ده بقولك انا بولد بولد قوله حاجه يا بابا
سعيد :- يا حبيبتى الدكتور قال هيبقى فيه طلق كتير الفتره دى اصبرى شويه يمكن مش ولاده
ميرفت :- قعدت وصرخت وقالت والله العظيم هولد ااااااااااه
مؤمن :- مسك خياره فى أيده وقال والله ما انتو قايلين انزل وقف تاكسى يا مؤمن انا نازل من نفسى بس على الله المرادى تكون ولاده بجد ونخلص وقطم حتة خياره
ميرفت :- بوجع انت لسه هتلك اخلص يا مؤؤؤؤؤؤمن اااااااااه
مؤمن :- بطريقة ميرفت قال حااااااااااضر وبص لحمزه اللى بياكل ومش سأل فى ميرفت وقال كل واجمد يا بطل وراك بطولة رفع الأثقال روح شيل وهات ورايا الجثه اقصد مراتك
حمزه :- بوجع ماشى يا مؤمن لما افوق ليك امشى بسررررررررعه
مؤمن :- ضحك وراح فتح الباب ونزل
ميرفت :- انت سايبنى اتوجع كده وبتاكل انت معندكش دم يا حمززززززه
حمزه :- باكل علشان اصد على شيلك كل يوم يا حبيبتى وقام وقال استعنا على الشقا بالله وشال ميرفت وقال يا عضمك اللى اتكسر يا رضا ونزل بيها
سعيد :- وربنا مخلف مجانين حتى العاقل اللى كان فيهم اتجنن هو كمان عوض عليا عوض الصابرين يارب ونزل وراهم وراحوا على المستشفى
ميرفت :-وهو حمزه شايلها صرخت فى ودنه وقالت اااااااااااه
حمزه :- ودنى يا اما مش كده
مؤمن :- اقسم بالله منظركم مسخره
حمزه :- لما نشوفك يا اخويه هتعمل ايه لما تتجوز
مؤمن :- وانا اشلها ليه اتشلت فى رجليها ماتمشى زى مخاليق ربنا
حمزه :- بكره نشوف
ميرفت :- بصريخ ليكم نفس تهزروا وانا تعبانه ااااااااه
حمزه :- يخربيت ام كده قولتلك ودنى مبقتش سامع بيها من كتر صريخك فيها وبعدين عايزانا نعملك ايه نصرخ معاكى ولا نساعدك فى الطلق
مؤمن :- هييييح اهى دى آخرة واقفات المطبخ فاكرها ولا افكرك
ميرفت :- بصريخ ما تخلصوا احنا مش بنوصل ليييييييه
مؤمن :- نفسى اسجلك منظرك كده يا مرات اخويه وافرجه لبنتك لما تكبر هتضحك عليكى ضحك السنين ههههههههه
ميرفت :- مشى اخوك يا حمزه بدل ما اطلع كل الوجع اللى حاسه بيه فيه ااااااااه
حمزه :- حطها على السرير بتاع الكشف وقال العمود الفقرى بتاعى محتاج يطلع يتنفض ويرجع مكانه تانى منك له يا شيخه
ميرفت :- وليك عين تتكلم اااااااه ما انت مش حاسس باللى فيا اااه عملت عملتك وخلاص اااااه يارب
حمزه :- وحياة امك مش كان بمزاجك
مؤمن :- دخل وقال يخربيت ام فضايحكم دى صوتكم عالى الله يحرقكم
ميرفت :- طلع الولا ده بررررررره اطلع بررررره يا مؤمن
مؤمن :- لالالا خلينى اتفرج على منظرك وانتى كده شويه
ميرفت :- هقتلك يا مؤمن هقتلك اااااااااه
مؤمن :- يا شيخه روحى مش لما تقدرى تقومى الاول انا مستنى بره اوعى تحصل شقاوه كده ولا كده ها احنا فى مستشفى مش فى البيت
حمزه :- اطلع بره يا مؤمن اطلع يا ابن المضايقه
مؤمن :- ههههههههه حاضر يا ابو الحماميز وخرج وسابهم وهو بيضحك
وشويه وجه الدكتور وخرج حمزه وكشف عليها الدكتور ودخلت العمليات يولدوها وبعد وقت خرج الدكتور والكل راح يجرى عليه
حمزه :- خير يا دكتور
الدكتور :- مبروك بنوته زى القمر
حمزه :- وميرفت عامله ايه
الدكتور :- كويسه وشويه وهيدخلوها الاوضه بتاعتها
الممرضه :- جت وجابت البيبى وقالت بنتكم اهى
حمزه :- قرب منها وشالها ودموعه نزلت منه وقال د.د.دى بنتى بص يا بابا حلوه ازاى بس صغننه خالص كده ليه
سعيد :- طبطب على كتفه وقال ربنا يبارك ليك فيها يارب يا حبيبى
مؤمن :- مبروك يا ابو هاجر اخيرآ بقيت اب
حمزه :- الله يبارك فيك المفروض تعقل بقى انت بقيت عم خلاص وكلها كام شهر وهتبقى خال كمان يعنى لازم تكون قدوه ليهم
مؤمن :- بصوت واطى لاء حوش العقل اللى بينقط منك انت
حمزه :- بتقول حاجه
مؤمن :- لاء بقول تتربى فى عزه هجوره عزه نونه على الحجر ماما تهزو
حمزه :- بص بقولك ايه وانت بتعمل ايه
سعيد :- هاتوا البت واتنقروا مع بعض براحتكم واخد البت واذن ليها فى ودنها
الممرضه :- وهى بتضحك على كلام مؤمن قالت هاتوا البيبى وشويه وهندخلها عند مامتها
سعيد :- باس راس البنت بحب ومد أيده بيها للممرضه
وشويه وخرجت ميرفت الاوضه بتاعتها ودخلوا التلاته ليها
حمزه :- قعد جنب ميرفت وباس راسها وقال حمدالله على السلامه يا قلبى ربنا يبارك لينا فيها ويرزقنا برها يارب
ميرفت :- الله يسلمك يا حبيبى اللهم امين يارب
مؤمن :- اخيرآ خلصنا من تعب كل يوم ده الواحد مش مصدق أنه خلاص هينام براحته
سعيد :- هههههه بتحلم شايف المفعوصه الصغيره دى هتصحى كل اللى فى البيت
مؤمن :- وانت عرفت ازاى يا حاج
سعيد :- منكم ياروح الحاج وبالذات انت مكنتش بعرف انام منك ومن زنك
مؤمن :- يادى الكسوف مش قدام الناس يا بابا
سعيد :- حمدالله على سلامتك يا حبيبتى
ميرفت :- الله يسلمك يا بابا
وفى الوقت ده جابت الممرضه البيبى وادته لميرفت
ميرفت :- قربتها منها وحضنتها وباست راسها بدموع وقالت شوفت بنتنا يا حمزه جميله اوى ازاى وصغننه اوى اوى
حمزه :- باس راسها وقال اكيد هتطلع حلوه لامها
مؤمن :- أو لعمها برضه فيه ايه ما تراعوا أن معاكم سنجل والحاج برضه سنجل صح يا حاج
حمزه :- عبوشكلك بنى أدم فصيل انت ايه مقعدك معانا هنا اطلع بره يالا
مؤمن :- هى ايه حكاية فصيل دى كل شويه حد يقولها ليا وبعدين دى اخرتها معاكم بعد ما كل شويه تصحونى من احسن نومه علشان اجيب تاكسى للمدام اخس عليكم اخس انا ماشى هروح ابلغ مزتى ان سلفتها ولدت
حمزه :- خلاص خلتها سلفتها
مؤمن :- يعنى هتكون اختها فى الرضاعه ما هى سلفتها وخرج وسابهم
سعيد :- والله يا بنتى خايف عليكى من العيله المجنونه دى وبالذات من عمك مؤمن ربنا يستر ومتطلعيش مجنونه شبه كده
ميرفت :- ياريت تطلع فى خفة دمه والله يا بابا هتبقى عسل
سعيد :- هههههههه ربنا يبارك ليكم فيها يا حبيبتى
~•~•~•~•~•~•~•~•~•~•~•~•~•
فى شركة ادهم

وصل ادهم الشركه ودخل مكتبه وقعد يشوف شغله وبعد شويه
دخل أكرم وقعد من غير ولا كلمه ادهم بصله بأستغراب ورفع حاجبه وقال

ادهم :- ده اسميه ايه أن شاءالله
أكرم :- سميه اللى تسميه بس ياريت متتكلمش كتير
ادهم :- وحياة امك اتظبط فيه ايه
أكرم :- انت القاعده معاك متعبه احسن حاجه اروح مكتبى ووقف ولسه هيمشى
ادهم :- ما تقعد يا ابنى واتكلم زى الناس فيه ايه داخل تقول شكل للبيع
أكرم :- قعد وقال بوجع انا طلقت فاطمه
ادهم :- بصدمه نعم يا اخويه
أكرم :- ده اللى كان لازم يحصل ومن زمان مش دلوقتى
ادهم :- انت اتجننت يا اكرم انت غبى وبغبائك ضيعت منك فاطمه فاطمه كانت بتحبك بجد إنما انت عملت ايه ظلمتها واتخليت عنها فى اصعب وقت ليها والله ربنا رحمها منك علشان اللى زيك ميستهلش واحده زى دى بكره ربنا يكرمها بأحسن منك ويعوضها عن ظلمك فيها
أكرم :- اتعصب ووقف وقال انا غلطان أن بتكلم معاك عن اذنك
ادهم :- وجعك كلامى اوى علشان الحقيقه ومش متخيل انها تكون لواحد غيرك وده اللى ضيقك اوى امال هتعمل ايه بقى لما تشوفها مع واحد غيرك بجد
أكرم :- غمض عينه بوجع وبعدين مشى من قدام ادهم من غير ولا كلمه
ادهم :- انت وفادى عايزين الاعدام فى ميدان عام والله على اللى بتعملوا فى مراتتكم ده وفى الوقت ده دخل السكرتير وبلغه أن مصطفى بره وعايز يقابله وقال لسكرتير يدخله ودخل مصطفى سلم عليه وحضنه وقال
مصطفى :- واحشتنى يا ابنى
ادهم :- انت اكتر والله متزعلش أن انا مش بعرف ازورك فى الفيلا بس زى ما انت شايف مطحون فى الشغل
مصطفى :- ربنا يقويك يا ابنى انا مقدرش ازعل منك يكفى سؤالك عليا بالتليفون علطول وبتسأل على اخواتك اول بأول
ادهم :- دى مديحه فى الرايحه والجايه تقولى عايزه تروح ليكم
مصطفى :- استأذنك هبقى اجيب اخواتك وازورها فى الفيلا بتاعتك
ادهم :- ايه اللى انت بتقوله ده تستأذن علشان تدخل بيت ابنك بيتى مفتوح ليك فى اى وقت تحب
مصطفى :- بفرحه ربنا يبارك ليا فيك يا حبيبى مش متخيل كلامك ده فرحنى قد ايه
ادهم :- ابتسم ليه وقال ربنا يفرح قلبك ويديك الصحه
مصطفى :- وقف وقال تسلملى يا حبيبى
ادهم :- رايح فين خليك قاعد
مصطفى :- معلش يا حبيبى انا سبت الشغل وقولت اجى ابص عليك علشان واحشنى واستأذنك نزور بيتك يلا حبيبى مع السلامه
ادهم :- سلم عليه وحضنه وقال مع السلامه وخرج مصطفى وقعد ادهم يشوف شغله
~•~•~•~•~•~•~•~•~•~•~•~•~•
فى فيلا ممدوح بمصر

صحيت ايه من نومها بصت جنبها ملاقتش ممدوح استغربت وقامت تبص عليه فى الفيلا نزلت لاقته بيتكلم فى التليفون وهو متعصب وقفل وحدف التليفون على الكنبه راحت عنده وقالت

ايه :- مالك يا ممدوح
ممدوح :- اخوكى الغبى طلق فاطمه اختى
ايه :- بصدمه نهار اسوح طلقها طيب ازاى
ممدوح :- بنى أدم معندهوش ريحت الدم محملها ذنب ملهاش فيه هى ذنبها ايه فى نزول البيبى مش اخوكى التانى هو السبب اقسم بالله اختى خساره فى العيله بتاعتكم
ايه :- ممدوح اهدا لاحظ انك بتغلط فى اهلى
ممدوح :- بعصبيه اهدا ايه واتنيل ايه اخدها ورده مفتحه ورجعها ورده دبلانه وبيعذب فيها ومشيلها فوق طاقتها انتى عارفه انا فرحان والله أن هو عمل كده وطلقها اصل هو ميستهلش واحده زى اختى وبكره ربنا يكرمها بأحسن منه مليون مره
ايه :- غمضت عينيها وقالت خلاص يا ممدوح احنا نحاول نكون طرف فى حل المشكله دى وبلاش حياتنا احنا تتأثر بده يا ممدوح
ممدوح :- نفخ وقعد على الكنبه وقال انا بقى مش عايز فاطمه ترجع ليه تانى وأقسم بالله تتم العده بتاعتها وهجوزها غيروا واخليه يندم ندم عمره عليها
ايه :- قعدت جنبه وطبطبت على كتفه وقالت انا مقدره اللى انت فيه ده ومن حقك تزعل وانا والله العظيم زعلت عليها كمان انا بحب فاطمه وربنا يعلم بس بعيد عن اى حاجه اى اتنين بيحصل ما بينهم مشاكل وكتير بيطلقوا شويه ويرجعوا لبعض بلاش انت تكبرها وسيبهم يهدوا شويه وبعد كده ندخل ما بينهم ونصالحهم مهما كان فاطمه واكرم مينفعوش غير لبعض هما بيحبوا بعض بس نزول البيبى تعب أعصابهم شويه ووتر علاقتهم ربنا يهديهم بس
ممدوح :- جهزى نفسك هنروح عندها
ايه :- اوك وطلعت جهزت نفسها وقالت يلا يا حبيبى انا جهزت
وخرجوا الاتنين مع بعض ركبوا العربيه وراحوا على بيت فاطمه
~•~•~•~•~•~•~•~•~•~•~•~•~•
فى شركة رودينا

كانت قاعده على مكتبها ودموعها نازله منها وسرحانه وفاقت على صوت ابوها وهو بينادى عليها وبيقول

ابو رودينا :- رودينا يا بنتى واخرتها معاكى
رودينا :- مسحت دموعها وقالت ها ب.ب.بتقول حاجه يا بابا
ابو رودينا :- واخرت اللى انتى فيه ده ايه علطول سرحانه ودموعك على خدك
رودينا :- بدموع للاسف يا بابا دموعى طلعت هى الصديقه الوحيده ليا بحق وحقيقى اللى متأكده منها فى حياتى أما الباقى كله كدب وغش وخداع
ابو رودينا :- يا بنتى الدنيا فيها الحلو وفيها الوحش
رودينا :- بوجع بس اللى دايمآ بيقع فى طريقى الوحش وبس مشوفتش الحلو ده خالص حتى لو صدفت وقابلت الحلو مش هقدر اثق فيه لأن مبقاش عندى ثقه فى حد حتى فى نفسى انا مهما اتكلمت وقولت ليك احساسى ووجعى مش هقدر اوصفلك الوجع اللى حاسه بيه واتنهدت وقالت الحاجه الوحيده اللى مصبرانى على كل ده حطت ايديها على بطنها وقالت ده يا بابا ده اللى مصبرنى على العيشه فى الدنيا دى حركته بالنسبه ليا انا حياة بتدينى القوه اللى هقدر اكمل بيه حياتى وفى الوقت ده شافت فادى واقف على الباب مسحت دموعها بسرعه وقالت انت انت جاى ليه هنا مش قولتلك مش عايزه اشوف وشك تانى
فادى :- رودينا لازم نتكلم
رودينا :- مفيش ما بينا كلام يا فادى وياريت تخلى عندك شوية كرامه وطلقنى بقى
فادى :- عمى ممكن تخلينى اتكلم معاها على انفراد
ابو رودينا :- وقف ولسه هيخرج
رودينا :- استنا يا بابا خليك هو اللى هيمشى وحالا
فادى :- رودينا تلت شهور بتحايل عليكى تسامحينى وانتى علطول بترفضى تسمعينى
رودينا :- انت ازاى بارد اوى كده ا.ا.انت مستحيل تكون بنى أدم زينا انت شيطان يا اخى عايش بس علشان تكسر وتوجع قلوب الناس ماشى تدوس عليهم برجليك وترجع تقول سورى سامحينى انا مش عارفه ازاى كنت بحبك ومش شايفه وشك الحقيقى ده انا بكرهك بكرهك يا فادى
ابو رودينا :- خرج وسابهم مع بعض
فادى :- قرب منها وقال حقك عليا يا رودينا سامحينى اول غلطه واخر غلطه والله
رودينا :- هى اه اول غلطه بس اصعب غلطه ممكن الواحده تتقبلها خيانة جوزها ليها وايه فى أول شهر جواز ولاء كمان رايح تحبى صحبتى ده انت جبروت يا اخى
فادى :- انتى السبب من الأساس يا رودينا انتى اللى جبتيها تعيش معانا انتى اللى حطتيها قدامى وخلتينى انشغل بيها
رودينا :- والله انت مش عارف تبرر موقفك ازاى جبت كمان الحق عليا انت لو كنت حبتنى بجد وقدامك مليون واحده كنت عمرك ما هتبص ليهم لان الحب بيموت ستات العالم كلها فى عيونك ومتشوفش غيرى إنما انت واحد عينك فارغه طلقنى يا فادى بقى وخلصنى من ام الحكايه دى
فادى :- طلاق مش هطلق يا رودينا
رودينا :- ايه مخلينى بديل لست نهى لحد ما تعرف توصل ليها صح
فادى :- غمض عينه بوجع وقال رودينا انسى اللى فات بقى انسى حصل منك كتير وعديته ليكى قبل كده خلصنا بقى احنا مش ملايكه احنا بشر وبنغلط وربنا غفور رحيم وبيغفر لعباده ليه احنا البشر منسامحش بعض ليه
رودينا :-شاورت على قلبها وقالت بوجع لان فيه هنا كسره كبيره منك و بينزف بسببك ده انت موته بأيدك صعب يسامح لانه من الاخر مات خلاص ولا بقى يسامح ولا يحب يا فادى انا بقيت لا أصلح ليك ولا غيرك مبقاش عندى ثقه فيك تانى يا فادى واتنهدت بوجع وقالت انا خلاص مبقتش رودينا اللى انت عرفتها بقيت مجرد جسم بيمشى ويتحرك من غير روح والبركه فيك طبعآ وادته ضهرها وغمضت عينيها بدموع ووجع وقالت امشى يا فادى وانسانى امشى لو سمحت
فادى :- قرب منها وحط أيده على كتفها وقال رودينا انا اسف
رودينا :- بعدت عنه وقالت متلمسنيش لو سمحت امشى يا فادى بدل ما اخلى الأمن يرميك بره
فادى :- لدرجاتى كرهتينى يا رودينا
رودينا :- انت اللى كرهتنى فيك كده
فادى :- مش هيأس يا رودينا وهفضل وراكى لحد ما تسامحينى عن اذنك يا رودينا وسابها ومشى
رودينا :- قعدت فى الارض ودموعها نزلت منها
ابو رودينا :- دخل لاقها منهاره فى الارض وبتعيط راح عندها واخدها فى حضنه وقعد يطبطب عليها
رودينا :- انا تعبت يا بابا والله العظيم مبقتش قادره استحمل كل ده تعبت تعبت وقعدت تعيط

*********************

إلي هنا ينتهي الفصل التاسع والسبعون من رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد

تابع أيضاً: جميع فصول رواية آدم ولانا بقلم امونه

تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها

اقرأ أيضا: رواية من أجلك فقط بقلم لولو الصياد