قصص رومانسية جريئة ممنوع دخول الأطفال

مرحباً بكم أصدقائي وأحبابي عاشقي القراءة والقصص مع رواية اجتماعية جديدة للكاتبة لولو طارق التي سبق أن قدمنا لها العديد من القصص والروايات الجميلة علي موقعنا قصص 26 و موعدنا اليوم مع الفصل الثالث والعشرون من  رواية شرسة ولكن بقلم لولو طارق. 

رواية شرسة ولكن بقلم لولو طارق - الفصل الثالث والعشرون

اقرأ أيضا: روايات غرام

رواية شرسة ولكن بقلم لولو طارق

رواية شرسة ولكن بقلم لولو طارق - الفصل الثالث والعشرون

نور : انت واقف قدامى زى الحيطه ليه كدا
حازم بتحذير : نور فكرى فى أى كلمه ممكن تقوليها ليا قبل ما تطلعيها فاهمه
نور بعند : لو ما فكرتش ها تعمل ايه يعنى
حازم : مش مهم اقولك بس ما تزعليش من رد فعلى بعد كدا .. انتى راحه فين دلوقتى
نور بترفع راسها لفوق : اه ابتدينا راحه فين وجايه منين وبتزقه بايد واحده اوعا من وشى مش ناقصاك .. وهنا المهندسين خرجو وواقفين يتفرجو عليهم
حازم بصلهم باحراج وكمل كلامه : افتحى الشقه ونتكلم جوا
نور : لا .. مش فاتحه وبعد اذنك بقى ونزلت جرى .. وحازم نزل وراها شالها على كتفه وطالع بيها وهى بتضربه على ضهره وبتحرك رجليها بسرعه عشان تنزل وهو متبت عليها زى الحديد .. وعماد ومحمود واقفين متنحين وابتسمووو ابتسامه خفيفه .. محى وهو فى وسطهم شهق وحط ايده الاتنين على عيونهم ..
محمود ضربه على ايده واتكلم برخامه : استنا نشوف اخرة الحب الممنوع دا ايه
عماد : الحب .. الحب
حازم نزل نور من على كتفه وبيقولها طلعى المفتاح
نور : مش مطلعه حاجه .. وانت يا سمج منك له بتتفرجو على ايه
محمود بيضحك براخامه : عليكووو .. تصدقى اول مره اخد بالى انكو لايقين على بعض قوووى
عماد : هههههه وانا كمان يالا انت جبتها ازاى دى
نور بعصبيه راحه عليهم وحازم حجز عليها بايده ..
حازم : ياريت تبقو ارقى من كدا عيب وانتى بطلى عند
محى زقهم على جوا الاتنين وقفل الباب .. وبعد ما قفله بيقلب وشه : ياخى منك له لو جابووو أغتت اتنين فى العالم هيبقى انتو وبرضو ها تتخانقو على المركز الاول
عماد : الحب حلووو
محمود ضحك : حلووو قوى قوى
محى : انت القوى على اشكالهم يارب وسابهم ودخل جوااا رجع يشوفهم لقاهم بيبصو من العين السحريه ... ياناس يا حشريه الاكل اتحرق .. ومحمود وعماد جريووو ورا بعض على المطبخ ومحى بيضحك عليهم اشكال بطناجيه
..........
حازم طلع المفتاح من شنطة نور وفتح وشدها جوا الشقه وقفل الباب ووقف قدامها : بصى من اولها مش عايز تهور .. من اليوم دا لحد ما نطلق اوعى تفكرى .. مجرد تفكير تعملى اى شئ بدون اذنى ومن غير ما أعرفه فاهمه
نور قربت عليه وحطت وشها فى وشه : أنت بتحلم .. دا مجرد جواز ورقى فاهم ها يخرجنا من ازمتنا وكل واحد يتكل .. يعنى لا أوامر ولا تحكمات
حازم : سبق وقولتلك يا نور .. مش انتى إلا فى بالى وخيالى .. مش انتى إلا تهز فيا شعره فا أطمنى .. انا كلامى واضح اى تحرك بدون إذنى ها أزعلك قوووى وها تشوفى وشى التانى احنا مش ها نفضل طول الوقت نكحلها بسببك .. وسابها وخرج راح الشقه .. ونور جريت على الكنبه مسكت الخداديه حدفتها وراااه ومسكت التانيه كذلك واالتالته كتمت بوئها وهى بتصرخ فيها بغل .. وكل شويه كلامه يرن فى ودانها مش انتى إلا بتمانها مش انتى إلا تهزى فيا شعره .. وكل ما يشوفها يقلل منها .. وبينها وبين نفسها مدايقه ليه دا إلا انتى عايزاه .. عايزاهم كلهم يشوفوكى راجل زيهم .. انسانه مجرد عايشه الاسم انثى والفعل مجرده من الانوثه .. هو انا فعلا مجرده من الانوثه قربت على المرايه ببطئ وتردد وبتمشى ايديها عل جسمها وعلى وشها .. وبعدين بصت على شعرها وكانها اول مره تشوفه هو أمتى طول .. أمتى شعرها وصل حتى لراقبتها حاولت تفتكر بس لا ما حصلش .. ومره واحده عيونها لامعت وابتسمت .. وبتقول بصوت مسموع يا انا يا انت يا مغرور .. ها اعرفك مين نور إلا ما تكسرهاش لا كلمه ولا ظروف ابدا مهما كانت قلعت هدومها وهى واقفه وراحت لبست كاش مايوه ودخلت المطبخ فتحت التلاجه وواقفه محتاره وبتشاور بصباعها اعمل ايه دا .. لا لا .. يبقى دا .. لا بردو .. خلاص هو دا .. وبدئت تعمل الاكل بمزاج وسرعه فى نفس الوقت
***************
نوجا قاعده سرحانه فى حال البنات وخايفه على بنتها من الا بيحصل معاها وردود افعالها إلا بقت غريبه جدا ..
نجيه : سرحانه فى ايه يا نوجاا
نوجا بابتسامه : هااا قولتى حاجه يا نجيه
نجيه : انتى مش معايا خالص
نوجا اتعدلت : هو انتى مش فاكره ابنك بجد يا نجيه .. معقول كله ممسوح
نجيه بتحاول تهرب : لا مش فاكره حاجه اشمعنااا
نوجا : اصل احساسى عمره ما كدب ابدا .. واحساسى بيقولى انك فاكره ابنك وواعيه لكل حاجه .. وفى حاجات كتير بتحصل بتتعمدى تهربى منها
نجيه : وايه تانى
نوجا : يعنى احساسى صح .. طيب ليه شكل ابنك بيحبك قوى فوق ما اى حد يتخيل فى واحده تبقى عارفه ضناها وتبعد عنه
نجيه اتنهدت : انا فعلا ماكنتش فاكره حازم .. من فتره بدء يجيلى صداع واشوف حاجات حصلت من الا فات .. وشويه بشويه افتكرت كل حاجه .. ومجرد انى اعرف حازم وافتكره وفضلت بعيده عنه ها يزعل ويتقهر من جواه ابنى وحفظاااه اكتر من نفسى .. مربياه وهو ابن خمس سنين لوحدى وابوه بعيد
نوجا : ليه عايزا تبعدى
نجيه : ابدا .. ابدا .. انا قريبه وها أفضل قريبه بس نور يا نوجا .. نور محتاجه أم .. محتاجه حضن تعرفى انى فاكره يوم ما قابلتها كويس .. لما حد يشدك من ايدك ويقولك خدى ضناكى فى حضنك محتجلك ها تعملى ايه .. ها تعملى ايه وانتى نفسك تايهه ومشرده وفى لحظه لقيتى إلا بيشدك له وانتى بتشديه ليكى ومسك فيكى زى الغرقان بيستغيث وينادى بعلووو الصوت الحقينى انقذينى وعيونها دمعت .. انا عايزا انقذها مش ها اقدر احل مشاكلها بس ها اقدر اخدها فى حضنى زى حازم بالظبط لما يبقى تعبان ومهموم بينسى كل همومه وتعبه لما احضنه واطبطب عليه ... العيال مهما كبرت قدام الناس لحد ابوهم وأمهم ها يفضلو عيال .. حازم قريب ونور قريبه .. انما لو روحت مش ضامنه اشوفها تانى .. يا ترى لما تبقى مخنوقه ها تتنازل عن كبريائها وها تيجى وحازم موجود
نوجا : اشك .. دا هى وابنك مولدين فى روس بعض وضحكت وحضنت نجيه .. يا مرحب بيكى وسطنا .. اهو انتى شايفه احنا عيله ستات فى ستات .. مقطوع منها الرجاله وندرهم قطعووو الغم بس الغم بس يارب المفرفشين لاء ههههههه يعنى فرفشى فرع العكننه مش موجود
نجيه ضحكت : انتى ظلماهم يا نوجا
نوجا رفعت ايديها الاتنين : ما تقوليش يا نجيه .. انا خلعت من العكننه بطلوع الروح ياختى .. وضحكت تااانى جوزى الاولانى
نجيه : انتى اتجوزتى اكتر من مره
نوجااا : اتنين وهما إلا دوبونى يا ختى .. الاولانى اتجوزته عن قصه حب عنيفه
نجيه ضحكت جااامد : ليه كنتو بتضربو بعض
نوجا : هههه هو الا كان بيضربنى يجيلو شكه فى حياته مطرح ماهو موجود .. على رأى اختى رباب الله يرحمها
نجيه : اللهم أمين
نوجا : بعد جوازها من حمدى كل ما تقعد معايا تقولى ركزى فى اختيارك الحياه من برا غير جوااا .. وياريتنى كنت بفهم اهو بنت وعايزا احب واتجوز وخلاص وفعلا اتجوزت بقصة حب الكل بيحكى ويتحاكى عنها .. فرشلى البحر طحينه وكنت بتمنى اليوم إلا ها يجمعنا .. خدى عندك بعد الجواز ضرب واهانه بسبب الغيره والشك وأل ايه زى ما مشيت معاه اكيد مشيت مع غيره والمستوى اصل انا ابن مين وتعليمى ايه وانتى بنت مين وتعليمك ايه فضلت فى المرار لحد ما اطلقت منه واتجوزت ابو سلوى زاهر راجل طيب قوووى حبيته بس وانا فى بيته وفى حضنه و سبحان الله الحلو ما يكملش كان بيخاف موت من كل حاجه .. وبيعيط كتيررر وابتسمت سلوى طالعله حته منه الراجل مات مقهور بسبب خوفه ان جوزى الاولانى يطلقنى منه او يخطف بنتى زى ما كان بيهدد
نجيه : للدرجه دى .. هو مش طلقك عايز ايه تانى
نوجا بصوت عالى : ال ايه فاق وعايزنى بعد ما اتجوزت ابن الورمه .. حليت فى عنيه وعرف اد ايه كنت بحبه وصاينه نكد عليا عيشتى انا وزاهر الغلبان يجيلو شكه فى حياته البعيد
نجيه : معلش يا حبيبتى .. طيب ما الراجل اهووو طلع حلو امال ايه بقى
نوجااا : ههههههه كان يعيط وانا اعيط على عياطه وافضل طول الوقت اسكته علت صوتها .. عكننه والا مش عكننه دى يا نجيه
نجيه هزت راسها بمعنى اه : دى عكننه حب يا نوجا
نوجا : هههههه اهو راح بحبه وقلبه الكبير واتنهدت والله واحشنى كان عليه كلام يسحر والا نظرته يااااه دوا كدا لقلبك نهايته .. مش عارفه ياختى مين ها يتحمل بنتى بطيبتها وهبلها الوراثى دا
نجيه : سلوى دى حتة سكر .. سبيها ربنا ها يكرمها با إلا يفهمها ويحبها ويصونها وبكرا تتعلم الدنيا بتعلم ياما
نوجا رفعت ايديها : يارب هى ونور وورد التلاته افرح بيهم وينشرح قلبى لفرحهم
***********
محى بيتصل على ورد ومستنى ترد وفين وفين على ماردت : مش عايزا تردى عليااا ياورد اه ما انتى عامله عامله وقاعده تخططى
ورد : عملت ايش هاااى والله بجفل الرنه بوشك واتركك تلاغى حالك
محى بتريقه : وألاغى حالى ليه شافتيرى راحت فين اه فى واحده عايزا تاخدها رهينه واحده قويه ومفتريه
ورد ديقت عيونها : ايش هاد يامحى .. ايش هاد
محى بيلف بعيونه فى المكان : ايه يا ورد فى ايه
ورد : جريت ورا السحرا وعتعملى سحر ارضى جريت وراهم وموجفلى عفريت هون وبتبص على دراعها اليمين وعفريت هون وبتبص على الشمال من شان يتبصصووو علي يا سحيرر
محى تنح : ارض ارض ايه وجو جو انتى عايزا اورطة عفاريت تتعلم عليكى واول حاجه يعملوها يقصووو لسانك انا بتاع سحر ياورد انا
ورد : ايه كيف عرفت انى راح اجطع شافتيرك وباخدها رهينك يا محى
محى حط ايده على بوئه وبصوت هامس : دا بجد دا بجد ... ليه ياورد عملتلك ايه ماهى فى بوئى وفى حالها هى عبرتك يا بايره
ورد : من شان هيك راح اجطعها لو فكرت فينى هيك والا هيك اتحشم
محى : انا عارف اعمل هيك والا هيك انا نفسى افكر بس انتى بتشدى الفيشه .. عامله يا وردتى
ورد ابتمست : ابخير يامحى وانت كيفك
محى : كيفى ماشى مع شافتيرى ومش فاضى
ورد : 😂😂 الله بيكون بعونهم معك
محى : عارفه تبقى تحت ايدى وانا ها اوريكى النجوم فى عز الضهر .. وحشتينى يا وردتى
ورد باحراج : وانت كيفك هالحين
محى بمكر : هالحين شافتيرى بتسلم عليكى وبتقولك هاتى بوسه
ورد قفلت فى وشه ومحى ضحك انه بينكشها طول الوقت
محى بردو قفلت الرنه بوشى الا تتشك ياله كله بثوابه
**********
حمدى : خلاص يا كامل .. طول الطريق لوم وعتاب .. انت عارف ان بنتى اغلى ما عندى
كامل : بأمارة ايه يا راجل معملتك بتقول غير كدا .. تقدر تقولى مين سبب الفضيحه إلا حصلت مش انت
حمدى بعصبيه : وهى لاء .. انت شايف الصور والكلام المكتوب .. ثم كمان انا كبرت وابويا وامى كانو بيطفحونا الدم انا واخواتى عشان نتعلم .. عمرنا ما رافعنا راسنا وواقفنا قدامهم يبقى محتاجه تتربى يا كامل دى بنتى مش العكس يا راجل
كامل : انا واثق ان فى حاجه غلط وان نور ما تعملهاااش وهو مش الزفت إلا مشغله جاسوس على بنتك هو إلا صور وهو إلا سرب الصور وفضحها .. عارف يا حمدى لو مديت ايدك عليها ها اعمل فيك ايه .. زمن ابوك وامك راح وانتهى مفيش حد دلوقتى يبقى عياله طوله ويمد ايده عليهم يا ابو مخ تخين .. وتعالا هنااا ابنك بتمد ايدك عليه .. احلام بتمد ايدك عليها زى ما كنت بتعمل فى أم نور
حمدى وهو سايق : هما عملو حاجه ... نور مستفزه وافتكرت نفسها كبرت عليااا .. طيب مش ها أمد ايدى .. بس قولى اقتراحك الجميل الواد ها يوافق يتجوزها ونعلن دا .. لا طبعااا ما هو مأضيها
كامل : يا راجل اتاكد الاول وبعدين اتهم .. ان شاء الله ها يوافق حازم اخلاقه عاليه
حمدى : واضح .. يارب استرها يارب
************
نور خلصت الاكل .. ودخلت خدت شاور ولبست كاااش مايوه تانى فوق الركبه بحماله وبارز كل مفاتنها .. سرحت شعرها وحطت روج هادى زى طبيعتها ودخلت المطبخ وبتغرف الاكل إلا هو عباره عن جمبرى طاجن ورز وسلطه طلعتهم على الترابيزه وقاعده ولسا ها تاكل ومزاجها رايق ولا كأن فى حاجه جرس الباب رن .. راحت بصت من العين السحريه ولقته حازم .. وبصوت ناعم هى تعمدته : مين
حازم حط ايده على راسه من ورا وبيفركها وبيقول انا حازم ..
نور فتحت نص فاتحه زى ما هى وبتكلمه وهى واقفه نعم
حازم : عايزك يا تطلعى تتكلمى معايا يا تدخلينى .
نور فتحت الباب على الاخره واول ما حازم شافها اتصدم ودخل وزقها لجوا وقفل الباب ..وبيشاور عليها بايده .. ايه دا ازاى تفتحى وانتى لابسه كدا
نور ببرود متعمد : ايه انا قاعده فى شقتى وانت جيت فجأه اسيبك ملطوع على الباب برا وبتهز راسها بتريقه الكلاب تطلع تأكلك
حازم قلب وشه : ملطوع وكلاب .. بصى مش ها ادخل معاكى فى نقااش عشان عارف اخره
نور : طيب تعالا اصلى جعانه ها اكل واتكلم براحتك او اتفضل معايا لو تحب
حازم : لا شكرا .. وراح وراها وشكل وريحه الاكل جوعه أكتر ونور قاعده تاكل ..
نور : يابنى قرب وبتقشر جمبرييه
حازم : بالف هنا كلى وانتى ساكته
نور قربت برخامه وحطت الجمبرييه عند بوئه وبتأكله بايديها وبتقوله : عشان خاطرى ما تكسفنيش
حازم تنح اكتر وبينه وبين نفسه دى الا كانت عايزا تتخانق معايا من شويه ..
نور مدت شفايفها لقدام : عمر ما حد كسفنى زيك
حازم : هاااا ولسا ها يمد ايده هى أكلتهله .. وابتسمت استنا وقامت غرفت طبق رز وجايه عليه وحازم ها يتجنن من منظرها وجرائتها . وبيفكر يقوم ويخرج برا .. ياله مد ايدك وقول بسم الله
حازم : مش عايز انا جايلك عشان نصور فديو ونعلن جوازنا وان حد صوارنا واحنا فى شقتنا إلا تبع الشغل ولازم تكلمى والدك وتشرحيله كل حاجه حتى لو ها يزعل وياكد كلامنا
نور : هى الدنيا عندك بالسهوله دى اكلم ابويااا واقوله بنتك مش ماشيه على حل شعرها اطمن وكمان عشان تحط فى بطنك بطيخه صيفى انا اتجوزت ياحمدى دانا برمى قمبله فى وشه
حازم : اقوله انا ادم الموضوع صعب عليكى .. سبق وقولتك ما قدمناش اى اختيارات تانيه
نور : طيب ايه رايك نصور الفديو وياريت انت ما تدخلش بينى وبين ابويا ممكن واعمل إلا يريحك انا سايبه الكوره فى ملعبك
حازم رفع حاجب : ايه الطاعه العميا دى مش مرتحلك
نور بتاكل الجمبرى : اهووو عايزا اريح نفسى شويه واستغلك بما انك جوزى وضحكت ها تصوره امتى
حازم بيتريق : بما انك جوزى ها ها ها مش عاجبك ... دلوقتى لو تحبى وها احمله على صفحتى الصبح ونرد فيه على كل الاساءات ونهدد اننا ها نبلغ عن الا بينشر الفديووو واساء لينا
نور : تمام .. وخلصت الاكل وشالته وقعدت جمبه
حازم باستغراب : ايه
نور : مش ها تصور
حازم بيشاور عليها : ها تصورى كدا
نور : اه صح ثوووانى ودخلت الاوضه لبست تيشرت وقعدت جمبه تانى
حازم بصوت عالى ونفاذ صبر : ايه يا نور ..
نور : افتكر يعنى ان راسنا بس الا ها تبان فى التصوير . فا متحبكهاااش ها تصور والا ايه
حازم : ممكن اسئلك سؤال خاص
نور : اتفضل ما انت حاشر مناخيرك ونفسك فى الخاص كله إلا يخصنى
حازم ابتسم وهى كمان : انتى بتقابلى اى حد كدا عادى
نور : الصراحه والا اخواتها
حازم : اقتلى اخواتها وقولي الصراحه
نور بتمد شفايفها وحازم من كتر ما هو مركز معاها تعب من حركاتها : لا بس لما قولتلى انك حازم قولت خلاص مش ها يفرق وضحكت ما انت جوزى
حازم بينه وبين نفسه يخربيت استفزازك : بمعنى ايه انك عادى معايا والا ما بتتكسفيش زى البنات وكدا
نور اتعدلت بجسمها له : بص يا بطل
حازم حط ايده على شفايفها يسكتها : والله ما عايز اعرف بعد بطل دى .. اسكتى
نور ابتسمت وبينها وبين نفسها : الحمد لله جت من عنده
حازم طلع التليفون وجاب الكاميرا الاماميه ورفع ايده بحيث يبانووو الاتنين وبيقول لنور قربى عليا شويه ونور ما صدقت لزقت فيه ولفت ايديها على كتفه ورقبته وهو لف بصلها وهى كمان ومبتسمه وبصوت رقيق جدا بيثير مشاعره
نور : عشان التصوير والكاميرا .. وبهمس مدايق ابعد عنك
حازم بارتباك بص للكاميرا وما نطقش .. وبدء يصور واعلنو جوازهم وصورو القسيمه كمان وهو بيصور نور حطت ايديها على خده ولفت وشه لها واتكلمت بطريقه خلت حازم فى وضع لا يحسد عليه ..
نور : انا عايزا اقولكم ان حازم من انضف واحسن الناااس .. ربنا كرمنى بيه عشان يعوضنى عن كل تعبى وحياتى الصعبه إلا كنت بعشها فا بطلو اتهام بالباطل واتقو ربنا كدا كدا كنا ها نعلن جوازنا ولظروف خاصه ماكنش ينفع دلوقت
حازم حب يلعب بنفس طريقتها وشال ايد باسها وباسها من مقدمه راسها : ربنا ما يحرمنى منك ولو قالو علينا ايه وحاربونا اكتر من كدا ها افضل احبك وها تفضلى جوا عيونى وبعد وقت بسيط انهى الفديووو وحفظه لما يبقى فى مكان فيه شبكه قويه يقدر ينزله على النت .. مسك منديل بسرعه بيمسح عرقه ونور لسا زى ما هى
نور بابتسامه : حلو ها يعجبهم صح .. خصوصا حبنا لبعض ها يقلب الدنيااا ههههههههههه اصلهم ناس تافه ويموتو فى الحاجات دى وقامت من جمبه .. وحازم بدء ياخد نفسه .. دخلت اوضتها ولبست بجامه وحازم قام يخرج اتفاجئ با إلا فتح الباب ودخل وكان حمدى ووراه كامل .. والاتنين واقفين باصين لبعض وساكتين
حمدى بيشوح بايده وبعصبيه : اتفضل يا عم اهو معاها
كامل بهمس : اهدى عشان نحل الموضوع ما يتعقدش زياده .. اهلا يا بشمهندس
حازم سلم عليهم : اهلا وبيبص على نور واطمن انها لبست بجامه . وخرجت سلمت عليهم وواقفين كلهم والجووو متوتر نور قربت من حازم .. وكلمها بهمس .. هو ليه ابوكى بيجى فى الوقت المناسب
نور لفت ايديها فى الهوا وبضحكه صفرا : كلكو بتيجووو فى الوقت المناسب مش هو بس
حمدى بيتكلم من تحت الدرس : ايه مديقين من وجودنا حضراتكم نمشى ونسيبكم براحتكم
كامل : كنت رايح فى حته يا حازم
حازم ابتسم : اه كنت خارج .. بعد اذنكم
حمدى : تعالا هنا يا جدع أنت
نور : بعد اذنك سيبه يمشى وانا ها افهمك كل حاجه
حمدى : لا ... بعد الفضيحه دى انتووو الاتنين افهم منكو ونوصل لحل
كامل : طيب نسمع نور الاول وسيب حازم
حازم فرد ايد : بعد اذنك يا استاذ كامل .. وبص لحمدى اتفضل الكلام معايا
نور وقفت قدامه : احنا اتفقنا على ايه
حمدى بصوت عالى نوعا ما : الله دا اتفقو يا كامل
نور : بعد اذنك مش ها ينفع صوتنا يعلى هنااا ونفضح نفسنا وبصت لابوها كفايه الواجب إلا تم معايا وبزياده من الناس كلها
حمدى : عايزا تعصبينى عليكى صح
كامل : نور يابنتى عشان خاطرى نتفاهم ونفهم بهدوء وابوكى جاى يحل مش يعقدها
نور : ابويااا .. ابويا اتبرى منى ياعم كامل .. وحرمنى من حقى فيه ومن شقيا وتعبى .. ممكن حازم يمشى
حمدى بعند : لو اتحرك من هنااا ها اكسر رجله ورجلك واقعدكو غصب
حازم بيجز على سنانه وبيضغط على ايده ولف لنور : من فضلك بقى عشان نلم الموضوع .. اتفضل ها اقعد .. انا مش هربان ولا عملت حاجه اهرب او أخجل منها تمام ولسا نور ها تتكلم .. حازم بنبرة صوت قاطعه للجدال سكتها .. خلاص قولتلك .. اتفضل عايز ايه
حمدى قاعد بيهز فى رجله من شدة العصبيه : افهم ايد دا وبيوريهم الصور
حازم قعد بكل هدوء وقص كل شئ .. حتى جوازهم
كامل : مش قولتلك لا نور ولا حازم اخلاقهم بالسوء دا
حمدى بص لنور وعيونه لمعت فيها دموووع وبعتاب : جالك قلب تتجوزى من غير موافقتى .. بتلوى دراعى يا نور
نور قلبها من جواه بيتقطع ميت حته .. خلاص تعبت من كل حاجه .. كان نفسها برغم كل عمايله فيها تفرحه .. بس للاسف هو إلا بيوصلها لطريق مسدود : بعد إلا حصل انا مجبره اعمل كدا مش بمزاجى يا حمدى بيه
حمدى بيهز راسه : حمدى بيه
نور : ايوا هو انا بنتك
كامل : نور انتى عارفه ان ابوكى مش ها يستغنى عنك
نور : استغنى وانت عارف والدنيا كلها عارفه .. انت جاى عشان خايف على أسمك وشغلك وطبعا انا قدام الناس بنتك والا يمسنى يمسك
حمدى : كويس انك لسا فاكره ان إلا يمسك يمسنى مهما حصل بينا
حازم : طيب اسيبكم انا لان القاعده دى ما تخصنيش
حمدى : اقعد خلاص ما انت لويت دراعى واتجوزتها وبقيت جوز بنتى وبيرفع حاجب لنور قدام الناس.. ولازم تحضر الكلام دا .. احنا ها نعمل إشهار قدام الناس والدخله بتاعتكم الاسبوع الجاى
نور قامت : انت بتقول ايه .. خلاص الناس ها تعرف والموضوع ها ينتهى .. إشهار ايه ودخلة ايه
حمدى قام قدامها : ماعاش ولا كان إلا يلوى دراع حمدى ويكسره يا نور حتى لو بنته .. بصى انا كنت ها اجوزك اى واحد يتقدملك حتى لو غصب عشان متتجوزيش العيل إلا أسمه هانى .. فا خلاص جت من عند ربنا واتجوزتى
كامل : يا حمدى احنا اتفقنا على ايه
حمدى بدون سيطره عل كلامه : استنا يا كامل عشان الامور تبقى واضحه احنا مش ناس قوليله فى البلد .. بعد الدخله ها تطلعى معاه على شقته يعنى لا عفش جديد ولا حتى هدمه جديده ها تجيلك .. زيك زى اى واحده بتتجوز عشان تتستر ..
حازم اتخنق من كلامه ومنظر نور إلا ابوها بيذلها باى طريقه ويقلل منها وبينه وبين نفسه معقول دا تفكير اب .. هو فى كدا بيدى فرصه لاى حد يشترى ويبيع فى بنته حتى لو غلطانه
نور بعند أكبر وبتحاول تمنع نزول دموعها قربت على حازم وشبكت ايديها فى ايده وظهرت عكس إلا جواها وحازم بص لايديها ولحمدى الا تنح : أمرك يا حمدى بيه .. تحب نعمل ايه تانى .. وياترى ها تعمل الفرح فى قاعه والا فوق السطوح ماعنديش مانع لو فى عشه وبصت لحازم .. ايه رايك يا حازم
حازم : وبعدين معاكو انتو الاتنين
حمدى : خلاص يا بشمهندس اتنين ايه . دى بقت مراتك وانا حياله ابوها شالتنى من حسابتها .. بس بكرا تعرفى انتى عملتى فى نفسك ايه ولما ابوكى يموت ها تعرفى قيمته
نور بدئت تنهار .. الوحيد إلا فعلا قادر يكسرها ويخلى دموعها شئ عادى وسهل نزوله : انا قولت حاجه بقولك أمرك اعمل ايه تانى عشان ترضى عنى .. وبخنقه بصت لحازم .. قوله واسئله ايه يرضيه يمكن العيب فيا انااا .. طيب اسئله ايه الذنب إلا عملته فى حياتى عشان استاهل منه كدا .. قربت على ابوها بضعف رهيب وكسرة نفس وباست راسه .. حقك عليااا والا عايزه اعمله وسابتهم ودخلت الاوضه
حازم بخنقه رهيبه : فى حاجه تانيه
حمدى : اتفضل مفيش
حازم مشى من قدامه وبيحمد ربنا انه فعلا بيتحكم فى اعصابه قدام الراجل دا ..
كامل واقف قدامه : دا اتفقنا
حمدى قعد وبيهز رجله جامد : انا ضربتها .. اهو ماسك نفسى عنها وبسترها كمان
كامل : تستر مين يا راجل يا مجنون .. بنتك زى الجنيه الدهب
حمدى : احنا جينا يا كامل وهو معاها هنا ولوحدهم فى الشقه الله أعلم هو هنا من أمتى وبيعمل ايه معاها . العقل بيقول نلم الموضوع فى اسرع وقت
كامل بقلة حيله : انا عارف ان دماغك حجر
حمدى : كويس انك عارف
نور دا كله قاعده ورا الباب سامعه كل حاجه ووجعها زاد لما لمست فى كلام ابوها عدم الثقه كمان .. تخرج تقوله خدنى اكشف عليااا واطمن .. لايمكن .. مش انا إلا أكسر نفسى واذلها أكتر من كدا .. وحازم سمع وشاف لتانى مره معاملة ابوها نامت على الارض ومقوصه نفسها جااامد وروكبها عند صدر ها وبتعيط من غير صوووت .. والحاجه الوحيده إلا حست انها محتاجلها قوى هو حضن نجيه ...
**************
الليل هجم وعدت الساعه 12 وداخله على واحده
سلوى اخيرا فتحت تليفونها .. ونايمه ومشاعرها وقلبها مع سيف .. كمية رسايل كبيره جدا جاتلها واول ما شافت رقمه ابتسمت وسط دموعها ... بعد لحظات بسيطه لقت سيف بيتصل عليها فديو

*********************

إلي هنا ينتهي الفصل الثالث والعشرون من رواية شرسة ولكن بقلم لولو طارق
تابع من هنا: جميع فصول رواية شرسة ولكن بقلم لولو طارق

تابع أيضاً: جميع فصول رواية آدم ولانا بقلم امونه

تابعوا صفحتنا على الفيس بوك للمزيد من روايات حب

حمل تطبيق قصص وروايات عربية من جوجل بلاي
اقرأ أيضا: رواية من أجلك فقط بقلم لولو الصياد