مرحباً بكم أصدقائي وأحبابي عاشقي القراءة والقصص مع رواية اجتماعية جديدة للكاتبة لولو طارق التي سبق أن قدمنا لها العديد من القصص والروايات الجميلة علي موقعنا قصص 26 و موعدنا اليوم مع الفصل الرابع والعشرون من رواية شرسة ولكن بقلم لولو طارق.
رواية شرسة ولكن بقلم لولو طارق - الفصل الرابع والعشرون
اقرأ أيضا: روايات غرام
 |
| رواية شرسة ولكن بقلم لولو طارق |
رواية شرسة ولكن بقلم لولو طارق - الفصل الرابع والعشرون
_ للدرجه دى مش عايزا تسمعى صوتى وما صدقتى تبعدى وكانك واخده قرار البعد ___
الرساله انتهت وبعت تانى
_على الاقل لو كان فى قلبك ذرة حب لومينى اعرفى ليه عملت كدا مش يمكن غصب عنى ___
انتهت الرساله وبعت تانى
_ انا ها اخلص الرصيد رسايل ارجوكى ردى لانى مش اعرف أجيلك انا فى حملة تأمين سلوى محبتش غيرك وقلبى ما يعرفش غير سلوته ____
سلوى بعياط ضمت التليفون لقلبها وبصوت واطى : وانا كمان ما حبتش ولا ها اعرف أحب غيرك أنت ملكت مشاعرى وقلبى وعقلى لاول مره احس انهم متفقين علياااا
_التليفون اتهز وهو فى حضنها شالته بخضه وبتكلم التليفون
خضتنى يا سيف وفصلتنى اسيبك ترن مع نفسك بقى .. وردت عليه أخيرا وفاتح الكاميرا وبيسمعها من الهاند فرى ___
سيف : ارفعى تليفونك عايز اشوفك وحشتينى انا حاسس انك بعيده عنى بقالك سنه
سلوى ساكته ما بتردش وركبت السماعه هى كمان وقلبها اعلن حرب الطبول ورفعت التليفون شويه بشويه ونور العمود موضح صورتها قدامه ...
سيف : كان نفسى تبقى قدامى عشان اخدك فى حضنى وتسمعى قلبى ممكن يقولك ايه .. سلوى انا عارف ان إلا حصل صعب عليكى بس كان اصعب عليا صافى انا مخطبتهاش بمزاجى وربنا يعلم ودا السر إلا دايما تسألينى عليه واقولك كل حاجه ها تعرفيها فى وقتها .. ردى عليا لومينى .. عاتبى اى حاجه اعرف منها انتى معايا والا خلاص كدا
سلوى باصه عليه واقف فى مكان وحواليه حديد وجنازير ... وناس تانيه واقفه وباينين قوووى بعيد عنه شويه ..
سيف : سلوى عايز اسمع صوتك ونفخ ردى قولى اى حاجه
سلوى : اقولك ايه انك جرحتنى ولعبت بمشاعرى وأستغلتنى عشان ترضى نفسك ونزواتك
سيف : انتى ازاى تفكرى فيا تفكير زى دا
سلوى صوتها بيروح وبتعيط وبتسحب الأاه المكتومه جواها مش قادره تصرخ عايزا تضربه وتفش غلها : عشان دى حقيقتك .. انا غلطانه انى أمنت لك من البدايه .. ليه يا سيف قولى انا استاهل انك تلعب بيااا .. استاهل انك تعلقنى بيك وفى لحظه تفوقنى وتعرفنى انى مجرد هامش فى حياتك مش كل حياتك زى ما قولتلى
سيف بصوت مبحوح وخارج بألم : ولو قولتك انك فعلا كل حياااتى ها تصدقينى مش عارف اثبتلك ازاى انك فعلا الوحيده إلا حبتها وعايز ارتبط بيها .. قوليلى على طريقه وانا موافق غير انى اخسر حبى وحياتى إلا أتمنتها
سلوى عيطت أكتر : مهما عملت خلاص انتهى وهو لسا فى بدايته وعشان اثبتلك انا اول حاجه ها اعملها انى ها اوافق على اى عريس يتقدملى وابعد عنك وانهى حبك فى قلبى إلا عايز الضرب بالنار عشان حبك
سيف اتقلب تماما و بعصبيه : اتجننتى وفاهمه أنك كدا جريئه وبتردى ليااا القلم .. سلوى انتى بتاعتى فاهمه ان شاء الله محدش ها يلمس شعره منك غيرى والا يفكر مجرد تفكير يبقى كتب نهايته بايده وبتريقه قال قلبك الا عايز ضربه بالنار جاتك ضربه يا سلوى قفلتينى ومن غير سلااام كلها اخر الاسبوع واجيلك اشوف حكايتك ايه وقفل ..
سلوى بصت للتليفون ونسيت كل حاجه : انت بتقفل فى وشى انا جاتنى ضربه حصلت تقفل فى وشى والكلبه بتاعتك توقعنى فى الشارع .. طب عند فيك ها اتخطب وابقا ورينى ها تعمل ايه يا سيف باشا ومن غير باشااا يا سيف حاف .. هه وقااامت ودخلت جمب ورد تااانى براحه وابتسامه ظهرت على وشها بتفتح النت لاقته فاصل وبهمس وبعدين بقى بقاله يومين فاصل دى حاجه تزهق حطت التليفون ونااامت ..
*****************
شقسق الصباح والكل نام بس يا ترى ارتاااح
كل واحد راح شغله ما عدا نور وابوها وكامل إلا قرر يقابل حازم فى شغله ويعلن قدام العمال جواز نور من حازم وبعدها يسافر يرتب لجواز بنته ويعزم الكل على فرحها ....
نور تليفونها رن وبصت فيه وبزهق : عايز ايه انت تانى وكنسلت .. واتصل تانى وكنسلت بردو اكتر من اربع مرات هانى يتصل وتكنسل وبعد وقت جهزت نفسها ومستسلمه تماما محدش عارف بتفكر فى ايه ابوها نفسه مستغرب هدوئها وخايف منه .. تم كل شئ زى ما هو عايز واكتر والفديووو حازم نزله وبعد دقايق كان مصور فديو لايف له ولنور ولحماه وهما مبسوطين او بيمثلو انه مبسوطين .. وفى خلال وقت بسيط كانو عاملين نسبه مشاهده عاليه جدا وناس كتير باركت لهم .. ونور ووالدها وكامل سافرو بعد ما تم الاتفاق مع حازم على كل حاجه
حازم واقف والعمال بتباركله .. والمهندسين ..
حازم بعد ما الكل مش من حواليه وجمبه محى ..
محى : مبروووك يا عرررريس
حازم : الله يباركلك يا محى احنا ها ندق الخوازيق انهارده
محى : كفايه خوازيق بقى انا تعبت
حازم : ههههههههه انت إلا تعبت طيب ياله عشان دا اهم جزء للكوبرى بيبقى الحمل هنااا فى النص اقوووى بكتير من الجمبين ..
محى : رجالتنا كفاءه يا ابااا .. ونور جايبه شوية عمااال انما ايه فل الفل .. ياله عشان نجهز لدق الخازوق ونعمل تجهيزات الباكيه الجديده ..
حازم : ياله .. وفعلا بدئو يشتغلووو ومركزين جدا . الاول تم التصوير للمساحه عشان عمل الخازوق المطلوب زى ما المهندس حدده ... وبدئو يحركو البريمه لمكان الحفررر .. وبدئت تحفر على عمق كبير جدا وتشيل الرمل من التربه وتطلع بيه .. وجهزو الميه بالبانتو نايت وبدئو ينزلوها عن طريق خراطيم كبيره جدا داخل ماسوره نازله مع البريمه عشان تمنع انهيار التربه اثناء الحفر .. حفر على العمق المطلوب ودك التربه عن طريق مكبس الضغط الهيدروليكى وبدئو ينزلو الحديد المسلح الجاهز ويتم لحام اجزاء منه بردو لحد العمق المطلوب وتم لحامه فى الماسوره المحاوطه عشان يصب الخرسانه إلا هى القاااعده اولا .. وبعد ما تم الصب الكامل يتم تسوية راس الخازوق واختباره .. وقوة التحمل المطلوبه
محى بيصفر وبعلو صوته : الله ينور يا رجاله
حازم : محمد .. يا محمد قرب وبيشاور بايده انه يقرب عليه اكتر بالأله إلا راكبها .. وعمل علامه انه يقف بايده .. تمام قوووى كدا
محى : ارفعووو المعدات ياله عشان نصور هناك
حازم : محى انا صدعت ومحتاج قهوه
محى : ومين سمعك انا رجلى صدعت وراسى اتخرمت ... تعالا على ما يخلصو رفع المعدات .. وصلو لمكان عامل واقف فيه بيعمل لهم مشروبات وطلبووو قهوه وقاعدين يشربو ..
سامح : بشمهندس حازم
حازم بأقتضاب : نعم
سامح : والله العظيم ما انا إلا سربت الصور
حازم : وبعدين ها يفيد بايه
سامح : حمدى بيه ها يقطع عيشى ويحاربنى انا والمسكين التانى احنا ورانا كوم لحم
حازم : والله دى اقل حاجه الراجل يعملها بعد ما سمعت كلامه .. شوفت منظر مش تمام او انت مش فاهمه امشى وانت ساكت مش تصوره
سامح : دا شغلى يا بشمهندس مش انا إلا طلبت دا ابوها
حازم : شغلتك تفضح الناس هى دى شغلتك .. انت مسلم صح
سامح هز راسه : ايوا مسلم بس ايه العلاقه
حازم : العلاقه ان اخلاق المسلمين عمرها ما تبقى بالفاضيح والتشهير يا سامح .. الرسول عليه أفضل الصلاه والسلام
محى وسامح : عليه أفضل الصلاة والسلام
حازم : واحد من الصحابه راحله وقاله رايت فلان وهو يزنى .. تفتكر الرسول قاله ايه
سامح هز راسه بنفى : ما اعرفش
حازم : سأله اذا كان سترهم ومسك قميصه بهدومه والا لاء .. تخيل لما الرسول عليه افضل الصلاه والسلام إلا بيعلمك دينك ويعلمنى .. يقولك اعرف يا مسلم ان من اهم صفاتك لازم تكون الستر مش الفاضيح وعشان كدا بردو لما قال من ستر مؤمنا فى الدنيا ستره الله فى الاخره .. انت بقى فين من دا كله .. شهرت ببنت وبسمعتها بسبب صوره وشهرت بيااا انا كمان وسمعتى والناس زيك كتير ما بتصدق
سامح عيط : ابوس ايدك يا بشمهندس والله عرفت غلطى بس عيالى وبيتى ملهمش ذنب وانا والله ما سربت حاجه ولا حتى فكرت بينى وبين نفسى وكنت ناوى ابعتهم لابوها وامسحهم
محى : هو مفيش فى ايده حاجه
سامح : ازاى دا جوز بنته والراجل كان مبسوط وفرق فلوس على العمال كمان
حازم : خلاص يا سامح ها اسئل نور ولو حابب تشتغل معاها وهى وافقت يبقى تمام .. انما ابوها انا مليش كلام معاه
سامح : انا راضى با إلا ست نور تحكم بيه
****************
نور وصلت بعد سفر طويل وداخله عند خالتها مبوذه وحمدى وراها
نوجااا : انا مابقتش اتفائل بشوفتكم مع بعض ..
نجيه قربت على حمدى : قبل ما اسمع منك ربع كلمه والا خناق وزعيق .. اعرف انك لو زعلت بنتى محدش ها يقفلك غيرى .. نور دى بنتى فاهم
حمدى : انتو واخدنى على الحامى كدا ليه .. هو انا بلحق اعمل فيها حاجه مش انتى أم حازم جوزها .
نوجا وورد وسلوى شهقوووو فى نفس واحد وبيبصو لنجيه ولنور ..
نوجا مسكت راسها وقعدت وبتقول : لا لا لا لا .. كتير عليا يارب .. كتير والله
نجيه : جوزها ازاى يعنى
حمدى زق نور بايده اهى عندكووو اسألوها انتو نايمين على ودانكووو دا صوارهم مغرقه الفيس .. اتشهرنا على ايد ابنك وبيشاور على نور وبنتك بفضيحه .. وسابهم ومشى ..
نجيه مسكت نور من ايديها وقعدت جمبها : الكلام دا حقيقى
نور هزت راسها بمعنى اه وعيونها فى الارض
نجيه وشها اتقلب وشدت نور بعنف لاول مره لدرجه انهم كلهم ركزو فى انفعالاها الغريب ضد نور : حصل بينك وبينه حاجه
نور : ماما نجيه .. انا مش كدا ما عملتش حاجه
نجيه : إمال ايه .. ايه إلا يخليكى تتجوزى ومحدش فينا يعرف .. لا وحازم إلا كل ما تشوفو بعص تتخانقو
نور اتخنقت وعيونها دمعت : انتى زعلانه عشان ابنك اتجوزنى صح مش عايزاه يتجوز واحده مسترجله زى ما بيقول
نجيه : لا يا نور .. لا يا حبيبتى انا بتمناها بس مش بالطريقه دى .. انتى ما تعرفيش انتى غاليه عندى اد ايه وعايزاه يشوفك انتى كمان غاليه مش رخيصه .. ابنى طبعه صعب وتفكيره أصعب
نور اتعدلت وبصت لها مره واحده : انتى افتكرتى حازم عرفتى انتى مين ؟
نجيه بارتباك وانكار : يعنى مش فاكره وبحاول افتكر بس باين انه طبعه صعب
نور : اعمل ايه وبصت لهم كلهم ما تبصوليش كدا انا استويت من الكل .. ظروفى كدا .. حياتى معندانى مش بمزاجى .. ما اخترتش ابويا بمزاجى ... ما اخترتش أمى بمزاجى .. ما اخترتش ان يكون ليا مرات اب من سنى واحده صايعه ماشيه على حل شعرها بمزاجى .. ما اخترتش حياتى وشغلى بمزاجى .. حتى ابنك يا ماما مش انا إلا اخترته اتجبرت عليه وهو اتجبر عليااا وعشان تتطمنو وتتاكدو انا الدنيا ها تكمل واجبها معايا للاخر ابويا اعتبرنى واحده حازم ها يستر عليها وياخدها لبيته ببلاش من غير اى حاجه على رايه بالهدمه إلا عليا ومش عشان حاجه وحشه لا بيعاقبنى بيقولى محدش يلوى دراعى فا قرر يلوى حياتى كلها وبردو ها اروح بيتك وبتشاور على نجيه مش بمزاجى .. اى تحقيق تانى والا خلاص وسابتهم ودخلت الاوضه ونوجا قاعده وحاطه ايديها على خدها وباصه لنور وهى بتتكلم وما عملتش اى رد فعل والبنات دخلو وراها
************
كاونه : ايه يا بشمهندز ليك شوقه والله .. انت طلعت مكسر الدنياا اهووو الله يسهلو وبيضحك
حازم : هههههههه كاونه عامل ايه وعرفت نمرتى منين
كاونه : من سيف باشا بالعافيه .. مش ها اشوفك والا ايه
حازم : ان شاء الله يا كاونه لما انزل .. انا فى شغل فى اخر الدنيااا
كاونه : يعنى ها اشوفك والا مش أد المقام لو مؤاخذه
حازم : اوعا تقول كدا يا كاونه انت حبيبى من ايااام زمان
كاون : هههههه تعيش يا بش ... لو محتاج منى اى خدمه اتصل على الرقم دا ها تلاقينى بقولك شوبيك لوبيك كاونه بين ايدك انا هدوم بردك
حازم : فيك الخير والله حاضر ماشى ها اسجل الرقم ولو احتاجت اى حاجه ها اكلمك .. ماشى سلاااام وقفل معاه
**************
سلوى قاعده من ناحيه وورد من ناحيه
سلوى : امتى دا حصل وازاى
ورد : انطجى .. اتزوجتى جد والا مزحه
سلوى : يا نور فلقتينى بقى تخبى علينا وسايبنا كدا
ورد : جايلك جلب تتجوزى و ما تعزمينااا .. كيف حصل وليش
نور قااامت وبصوت عالى : كيف حصل .. قضا ربنا .. وليش عشان موكوسه ... وعشان ازود المواكيس واحده
سلوى قامت وقفت على السرير جنبها وبتقول : هششش اخرسى لحد يسمعك
نور قربت على الشباك : ما يسمعووو هما عارفين انهم اتوكسووو .. وانا بقيت زيهم .. زغرطى يا ورد لولولولوى
ورد قامت وادتها بالراس هزار ونور فردت ايديها ووقعت على السرير : ورد بتنفض ايديها فى بعض وبتقول اتكتمت ...
وسلوى ضحكت ونور وورد ... وكل ما يبصو لبعض يضحو ونامو جمبها ..
سلوى : انا مش مصدقه انك اتجوزتى
نور : وفرحى اخر الاسبوع .. وبتضحك وانا وحازم ها يتقفل علينا باب شقه واحد
ورد : تدابير ربك يا نور كلها خير
سلوى : وهانى ها تعملى معاه ايه
نور : ولا حاجه .. سايبه يتصل وخلاص .. تعرفى انى بقيت اقرف من الواد دا قوووى من ساعة ما عرفت حقيقته القذره
سلوى بوذت : امال انا اعمل ايه .. بس مش قادره اكرهه يا نور حاسه ان مشاعره صادقه وكل كلمه كانت من قلبه
نور : كل كلمه من بوئه ياختى هما دول بيغلبووو
ورد : راح تتركينا وتتجوزى والله هاد كتير علي محتجاكى جارى تاخدى بيدى
نور : انا جمبك ومش ها اسيبك ابدا كلها فركة كعب وتلاقونى على قلبكم وطبقت ايديها على بعض
*********
أحلام بعد ما عرفت وشافت فديوهات نور وحازم وجوزها فضلت تصرخ وتخبط فى كل حته وبغل
أحلام : كل ما اعمل حاجه تيجى لصالحك انتى ايه يا بت ... بقى انتى تتجوزى دا وانا اتجوز ابوكى انا اخطط وانتى تتهنى وكمان فرحانين ومبسوطين .. معقول كانو متجوزين .. لايمكن امال هانى .. وحبها لهانى وخناقها مع ابوها دا كان ايه ... انا وراكى يا بنت حمدى لحد ما اخلى حياتك جحيم .... ولسا حسابك يا حمدى .. انت بتستغفلنى وأل ايه اتبريت منها ومن عمايلاها وحرمتها من كل حاجه يا كداب .. والله لادفعك تمن دا كله غالى بتطبخ انت وبنتك وانا الهبله
مازن داخل عليها : مالك يا ماما فى ايه
أحلام بزعيق : روح على اوضتك ذاكر ملكش دعوه بيا
مازن : يا ماما انا خايف عليكى
أحلام شدت مازن بعنف : تعالا هنا انت بقالك كام يوم كدا مابقتش تحكيلى ايه الا بيحصل مع ابوك برا
مازن : انا كل ما ارجع يا مشغوله يا مش موجوده والولد عيط
أحلام زقته بعنف : هو ابوك كان بيقابل نور يا زفت وبطل عياط
مازن بنفى : لا مشفتهاش خالص .. حتى قولتله نور وحشتنى تعالا نروح لها .. قالى انه زعلان منها ومستنى هى إلا تيجى
احلام مسكت مازن من ودنه وشدته جااامد والولد بيتوجع : انا قولتلك كام مره ان نور بتكرهك وبتكرهنى ... وبتكره ابوك وعايزا فلوسه وبس وشدته اكتر كام مره
مازن بعياط : بس هى ما بتكرهنيش كل ما تشوفنى تجبلى حاجات حلوه كتير
أحلام شدت ودنه اكتر : بتضحك عليك عشان تاكل بعقلك حلاوه فاهم والا أفهمك تااانى وعلى الله تعمل اى حاجه غير إلا بقولهالك
مازن بخوف : حاضر يا ماما .. حاضر والله ها اعمل إلا تقولى عليه
أحلام : ابوك لو لقيته فى اى وقت بيتكلم فى التليفون تقعد جمبه وتسمع بيقول ايه وتيجى تقولى فى أى وقت سااامع
مازن : حاضر
أحلام : والزفته إلا أسمها نور دى ..لو ابوك قالك بتحب اختك زى ما بيسألك على طول .. ها تقول ايه
مازن : ها اقول بحبها بس هى ما بتحبنيش ولا بتحب ماما وبتتخانق معاها
أحلام : ياله روح اوضتك واعى تدخل الاوضه دى فى اى وقت طول ما بابا مش موجود لأكسر رجلك عشان ما بتسمعش الكلام .. واه لو بابا سألنى ايه كسر الاوضه كدا ها اقوله انت عشان ما يعملش مشكله معايااا ويمشينى انما انت حبيبه
مازن بعياط : ماشى يا ماما
أحلام قربت وحضنته وبمكر : اوعا تزعل منى يا حبيبى انا كنت مدايقه وعشان تسمع كلامى
مازن هز راسه : كل إلا انتى عايزاه ها اعمله
أحلام : حبيبى وراجلى .. ياله روح انت دلوقت .. وقعدت على السرير وبتبص لصورة حمدى بغل وبتهز رجليها جاااامد
****************
مر الاسبوع وكل الامور ماشيه زى ما حمدى خطط بالظبط .. وحازم فى شغله ودايما يكلم أمه ومافكرش يكلم نور او يسألها على اى حاجه ومحى طول الوقت بيلومه وبيعتب عليه وهو ساكت وهادى وبيشتغل وبس ومحى مش قادر يفسر سكوته دا ايه وبردو نور نفس الحكايه والا خلى البنات ونجيه يكونو فى قمة استغرابهم ان نوجا ساكته تماما ومحاولتش تلوم نور حتى بكلمه واحده ... بدء الكل يجهز للفرح ونور فى الاوضه بتجهز نفسها ونجيه قررت تبقى جمب حازم فى اليوم دا فى الشقه عشان تعرف هو ناوى على ايه وحاله من التوتر الغير ظاهر عند الكل خصوصا حمدى
************
البنات فى الاوضه مع نور وبيجهزوها عشان تروح البيوتى سنتر ... نوجا دخلت عليهم ومخبيه حاجه ورا ضهرها ... وبتشاور براسها لورد وسلوى يطلعو برا .. ونور بتنقل عيونها بين البنات ونوجااا عارفه خالتها لايمكن تفوت أى شئ مهما عدى الوقت ... البنات خرجو وواقفين برا الباب ونوجا زقت الباب قفلته فى وشه
ورد : يا واجعه مربره .. أما نوجا شكلها ما يبشرش بخير وكانها منتظره الخاله نجيه تمشى لجل ما تستفرد بهاى المسكينه
سلوى : 😂😂😂😂 ها تبارك لنور على الطريقه الدينماركيه دلوقت
نور بترجع لورا ورمت الحاجه من ايديها ونوجا بتقرب عليها : نوجا أعقلى اوعى تعمليها انا بنت أختك حبيبتك الهى يسترك
نوجا بتقرب وعيونها بتطق شرار ومره واحده نطت على نور ومسكتها ونازله فوقيها ضرب بالشبشب : بقى انتى لازقه فى الواد بالفوطه والحلو الا بيتباهى بشعر صدره لازق لازقه السواد فيكى وتقولى مش عارف ايه
نور : وربنا يا نوجا صدفه لا قصده ولا قصدى
نوجااا : مش قاصده ولا قصدك ايه يا بت ها استنى لما تجيبى عيال بدون قصد .. وبتضربها
نور : اعااااا .. يا نوجا ارحمينى ابوس دماغك الفاتكه
نوجا : هو انتو كنتو رحمتونى .. وبغل مسكتها عضتها
نورا : اه .. اعاااا .. طيب اسفه حقك على إلا جااابونى
نوجا قعدت قدامها ووشها احمر وشعرها منكوش ونور نفس حالها ... وبصعبنيه تعالى يا بت وفاتحه ايديها مش قادره اقسى عليكى يابنت الايام والليالى وبنت قلبى
نور : نوجا انا انضربت ها تضربى تانى عارفاكى ملكيش أمان
نوجا : لا يا حبيبتى .. ها اخدك فى حضنى قبل ما تروحى بيتك وتسيبينى وشدتها حضنتها جااامد
نور باستغراب : كنتى لسا بتضريبنى يا نوجا ودلوقتى بتعيطى
نوجا : هئ هئ هئ ... كنت مبقوقه منك ها افرقع قولت ادخل اطلع غلى فيكى واباركلك
نور بادلتها الحضن وابتسمت وحطت راسها على كتفها وبصدق : بحبك يا نوجا قوووى
نوجااات : قلب نوجا انتى يا نور .. اول فرحتنا انا وأمك خلى بالك على نفسك وجوزك
نور اتعدلت وعيونها مليانه غلب : انتى مصدقه الجوازه كلها
نوجا مسكت ايد نور : ايوا يا بنتى مصدقه دايما إلا بيجى من غير حسابات ولا مقدمات بيقى احسن .. قربى منه وأكسبى قلبه اتحسبت عليكى جوازه اوعى فاهمه زى ما علمتك تعيشى وتقفى فى وش ظروفك اوعى تستسلمى
نور هزت راسها وهى بتريح خالتها مش اكتر وطت على ايد خالتها باستها : عنيه يا خلتى
نوجا قربت على راس نور وحضنتها : ربنا يكملك بعقلك .. قومى ياله عشان متتأخريش .. انا جهزت لك أكل عشان تاكليه فى الكوافير والا البتاع الا انتى رايحه واكل ها اوديه الشقه قبل ما يخلص الفرح ها اوديه مع محى
نور : ربنا ما يحرمنى منك يا نوجااا .. وخدت البنات ومشيت
*******************
نجيه راحت الشقه من بدرى واتفاجئت ان حازم غير اوضة النوم بتاعته والانتريه والمطبخ وساب اوضه أمه زى ما هى ... حتى السجاد والساتير ... عيونها لمعت بالفرحه والابتسامه على وشها .. بس عملت نفسها مش عارفه حاجه .. وبعد ما سلمت على حازم ومحى خدت حازم وقاعده تتكلم معاه
حازم قاعد وحاطت راسه على صدر أمه وماسك ايديها وساكت ..
نجيه : انت زعلان يابنى .. نور بتقول انك مجبور
حازم خد نفس : عادى يا امى لا زعلان ولا فرحان
نجيه بمكر : وهى يا قلبى فرحتها مكسوره خصوصا انها ها تدخل على عفش قديم ومن غير هدوم جديده
حازم بنفى : انا عملت إلا ربنا ها يسألنى عليه وزيها زى أى بنت .. صحيح الفتره كانت صغيره وما قدرتش أعمل أكتر من انى اجيب اوضه وانتريه ومطبخ ... بس ملحوقه الا هى عايزاه تبقى تنزل تجيبه
نجيه بمكر أكتر : يعنى غيرت عفش البيت
حازم : ايوا ... طبعا اوضتك زى ما هى وطلعت باقى العفش فى الشقه القديمه إلا فوق ما تزعليش يا أمى
نجيه بتمسد على راسه وطت باستها : كل الا يهمنى فرحتك وفرحة نور ... بس غيرت دا كله أمتى
حازم : كلمت عمى حسام وقولتله يبعتلى اشكال الاوض الا عنده فى المعرض والانتريهات .. والمطابخ بردو بعتلى من عند واحد صاحبه ... وقولتله على مكان مفتاح الشقتين الا هنااا وهو ماقصرش معايا طول عمره جدع ... وفرش وجاب ناس وضبتها وجهز الساتير والسجاد بردو وفرشه .. حتى المطبخ لقيته جايب اطقم كوبيات وكاسات وحلل وطاسات كله جديد فى جديد ما قصرش معايا
نجيه ابتسمت لانها عارفه ان حسام فعلا بيحب حازم وعنده استعداد يعمل أكتر من كدا .. وكان طول الوقت يقول لها وعد عليااا ما حد ها يفرش شقه حازم غيرى وفعلا نفذ وعده : طيب كويس يا بنى ربنا سهلك أمورك على الاخر .. اكيد محتاج فلوس
حازم اتعدل وبصلها : حبيبتى احنا الحمد لله مستورين ومعانا إلا يكفينا وأكتر .. بس محتاجك انتى .. امتى تفتكرى كل حاجه وتنورى بيتك .. البيت دا من غيرك زى الخرابه
نجيه بحب : انا مرتاحه مع نوجااا .. وكمان نور ها تنورلك حياتك وتملى عليك البيت فى اى وقت تشتاق هاتها وتعالا ها تلاقينا دايما فاتحين دراعنا ليكوووو .. حبها يا حازم واحتويها نور تستاهل تكون فى حضنك وتعوضها كل الا فاتها دى شافت وبتشوف أسيه محدش شافها
حازم : انا تااايه يا أمى .. مش مستوعب إلا بيحصل ولا فاهمه .. بقيت حاسس انى غبى وكله بيلطش فيا
نجيه : ابدا يا حبيبى كله تدابير ربنااا وما أجمل تدابيره ... افتكر يا حازم وعسى ان تكرهو شئ وهو خير لكم ... مش يمكن يابنى بعد دا كله تكتشف انه كان خير كبير ربنا باعتهولك فى وقت انت محتاجه بس بعد ما تفهم الا حواليك على ايه وتعرف ان المحنه دايما هى إلا بتبين ليك معدن الناس الاصيله من الناس الفشنك المليانه غل .. نور كلها طيبه وحنيه بس عايزا إلا يحتويها .. احتويها يا حازم
حازم دخل فى حضن أمه وبيفكر فى الساعات إلا جايه ياترى لما يتقفل عليه باب واحد هو ونور ايه ممكن يحصل ... بعد لحظات اتفاجئو بالبنات طالعه ومعاها شنط فيها هدوم نور .. ونور كمان معاهم .. محى قرب بفرحه بيبارك لنور رغم انه عارف الحقيقه .. ولورد بيقول لها عقبالك
نجيه : ادخلى يا نور واقفه برا ليه
نور : معلش يا ماما ... ها انزل عشان معادى فى البيوتى سنتر ... سلوى وورد معاكى هنا ها يرصو ليا حاجتى فى الدولاب وبصت لهم متتأخروش عليا .. بعد اذنكم وما بصتش على الشقه ولا شافت العفش الجديد لان باب الشقه فى اوله طرقه وبعدين الصاله ..
حازم نزل وراها وبينادى : نور
نور وقفت من غير ما تبصله : نعم
حازم طلع فلوس من جيبه : خدى دول عشان كل الا يلزمك تعمليه .. الفستان عجبك
نور بصت له : على فكره انت مش ملزم بيااا فا ياريت تريح نفسك وفستانك انا باعته مع الشنط هنااا مش ها البسه وفره لمراتك إلا بجد مش انا فاهم
حازم رفع راسه لفوق وبيجز على سنانه : ليه دايما بتحاولى تستفزينى .. انتى مراتى وبيدايقها ... اه كان نفسى ما يحصلش بس اهووو حصل يبقى ملزومه منى بمزاجك او غصب عنك لحد ما تتفضلى وتخرجى من حياتى ساعتها خلاص هم وانزاح يا نور يا هانم
نور بغل ضربته على صدره جااامد ورا بعض : انا هم .. انا .. جاتك ضربه فى لسانك .. انسان مستفز
حازم مسك ايديها الاتنين وقربها منه وبهمس بطلى حرب عشان ترتاحى .. خدى الفلوس وان شالله تحضرى الفرح بالبجامه اعملى إلا يريحك ويريحنى انا كمان ..
نور بعدته عنها ولاول مره تحس بالارتباااك كدا وفاقت ان فعلا جوازها حقيقه .. واحد ها يتحكم فيها وفى حياتها .. ها يجبرها على كل حاجه هى مش عايزاها عشان هو عايز كدا سابته ومشيت ومش سامعه ولا حاسه بحاجه وشريط حيات أمها بيمر قدام عيونها وكانه فيلم سيمنا كله جرح والم الضحك فيه زى الضيف الخفيف .. اتحركت بعربيتها وحازم بيبص عليها وبينفخ
*********************
إلي هنا ينتهي الفصل الرابع والعشرون من رواية شرسة ولكن بقلم لولو طارق
تابع من هنا: جميع فصول رواية شرسة ولكن بقلم لولو طارق
تابع من هنا: جميع فصول رواية شرسة ولكن بقلم لولو طارق
تابع أيضاً: جميع فصول رواية آدم ولانا بقلم امونه
تابعوا صفحتنا على الفيس بوك للمزيد من روايات حب
إرسال تعليق
يسعدنا تلقي اقتراحاتك أو تعليقك هنا