مرحباً بكم أصدقائي وأحبابي عاشقي القراءة والقصص مع رواية اجتماعية جديدة للكاتبة لولو طارق التي سبق أن قدمنا لها العديد من القصص والروايات الجميلة علي موقعنا قصص 26 و موعدنا اليوم مع الفصل السادس والثلاثون من رواية شرسة ولكن بقلم لولو طارق.
رواية شرسة ولكن بقلم لولو طارق - الفصل السادس والثلاثون
اقرأ أيضا: روايات غرام
 |
| رواية شرسة ولكن بقلم لولو طارق |
رواية شرسة ولكن بقلم لولو طارق - الفصل السادس والثلاثون
مازن بخوف : بابا عشان خاطرى
حمدى بصوت فزع مازن اطلع على فوق .. مازن جرى طلع على فوق وقعد على السلم وبيعيط الرعب اتملك منه ومن حياته .. ومش فاهم ليه دا كله وعشان ايه
حمدى : ايه .. انطقى ايه التخاريف الا بتقوليها دى
نور عيونها بتنطر الدموع وبقوه ومواجهه لاول مره تكون بالشراسه دى قدام ابوها وتنسى اى شئ : طول عمرى بسأل نفسى سؤال واحد ليه نوجاااا من دون البنات كلها تحبها على أمى ليه الجحود الا كنت فيه معاها ومعايا .. مرت السنين وقولت خلاص وبتنطر ايديها جااامد وعروق وشها اتنفضت وكانها محفوره فى وشها من غيظها وبتعلى صوتها ..قولت نسيت .. اتجوزت احلام وقولت يمكن الا بيحصل قدامك تهيئات يا نور .. بس لاء
حمدى شدها من دراعها بعنف : هو ايه الا لاء يابت انتى .. انتى اتجننتى مخك فوت من كتر ما انتى فاكره نفسك ليكى كلمه والناس بتقولك أوامرك
نور شدت دراعها ووقفت قدام ابوها : لاء والف لاء . انا لسا بعقلى .. فاكرنى ماعرفش انك بتحب نوجااا وامى كانت بتعانى الأمرين بسبب الجفااا وحجودك معاها .. ماكنتش عارفه تلاحق عليك والا على أهلك .. امى وبتشاور بايديها لبعيد ومبرقه ودموعها بتنزل .. راحت .. امى راحت خلاص انتهت وسابتلك الدنيا .. بس دا فوقك وبتشاور بصباعها لاء ..حسسك بالذنب بردو لاء ايه يعنى هم وانزاح عارف ليه عشان نوجا قدامك وجوزها مااات هو كمان ولما حاولت تقرب منها صدتك .. ولما صدتك كنت طول الوقت بتنتقم منها فيااا تروح تعكنن عليااا وعليها .. حتى بعد جوازك من احلام الموضوع كان بيزيد مش بيقل وفاكرنى ايه نايمه فى العسل مش فاهمه ابويا ليه بيعادينى كل لحظه ببقى موجوده فى حضن نوجا وكل لحظه ترمى اللوم عليها وتحسسها انها وحشه وقاعده بس عشان تكرهنى فيك وانت السبب لوحدك فى كل دا
حمدى ضربها بالقلم ووراه قلم .. وبصوته كله : اخرسى .. مش عايز اسمع منك كلمه .. طلعلتى مهوسه زى أمك
نور بصوتها كله وبصريخ : ملكش دعوه بأمى ... انت للدرجه دى ماعندكش قلب مش راحمها وهى عايشه ولا حتى بعد ما ماتت اوعا تجيب سيرتها
حمدى بيخبط على صدره جااامد : انا استحملت كتير منها بردو .. انا بشر زيها يا نور ..زعل ورا زعل ورا زعل لما خلتنى كرهت نفسى .. مهما اقولها سيبها على ربنا واهدى على نفسك وفرد ايده على وسعهم .. ازاى تفتحلى موشح اهلك .. ابوك امك ها يجوزك عشان تجيب الولد .. انا لو كنت سمعت كلام أمى وابويا كنت اتجوزت من تانى بطن لها كنت اتجوزت وهى على ذمتى لو انا وحش كدا .. بس لاء .. لاء يابنت عمرى استحملت وفضلت معاها وجابتك وكنتى اول فرحه رغم انها جابت تلاته قبلك وماكنش لينا نصيب فيهم .. سابتك وانتى بنت 12 سنه وبيخبط على صدره اكتر وبيعلى صوته .. اتجوزت لاء بردو .. كل عيل ينزل ميت .. اتجوزت لاء 15 سنه عكننه هى سنه واحده .. واحده والباقى عياط واهمال مش عايزانى اتعصب عليها وهى موتره حياتنا كلها .. اه حبيت نوجا .. وهى السبب يا نور .. لما ابقى راجل مش مرتاح فى بيتى اكيد ها ابص برا .. اختها كانت جميله مهما الدنيا تيجى عليها بتضحك .. الزعل ما بياخدش معاها اكتر من ساعه وترجع تملى الدنيا ضحك وفرح .. امال فاكره جوازها الاتنين وبيرفع صوباعين كانو ها يتجننو عليها ليه
نور بمهاجمه : اختها .. تحب اختها . دا حتى حرام .. حرام يا حج فوق لنفسك .. والا خلاك ما سمعتش كلام اهلك واتجوزت غيرها عشان عينك من اختها .. هو فى كدا
حمدى عيط : كان غصب عنى .. بس والله ما قربت منها كنت بحاول مع أمك لاخر نفس يمكن انسى .. ومن كتر ماهى معلقه الموضوع فى دماغها علقتنى انا اكتر بيها بدال ما انساها مش بيقولك كتر الزن على الودان دا لو الموضوع مش فى دماغى من كلامها ها احطه فى دماغى
نور عيطت اكتر : امى كانت طيبه وغلبانه .. كانت على نياتها وبتحبك دا جذائها
حمدى : ساعات كتر الطيبه بتقلب لغباااء .. بتخنق الا قدامك لو بتفهمى .. امك كانت محاصرانى الحب مش انك طول الوقت تخونى وتفتشى وتتهمى الا قدامك بغيره عاميه وكانك بتفتحى عيونه لحاجات هو فى غنى عنها .. اوعى تلومينى على شئ مش بايدى يابنت عمرى يا سندى .. مش بايدى فاهمه
نور : ومش بايدك اسرارك انك تخلف ولد
حمدى بعصبيه : قبل ما اجيب الواد الا نفسى فيه انتى كنتى كل دنيتى .. حبيتك حب واديتك الا مفيش أب يديه لولاده كلهم .. كتفى دا ودا وبيخطبط خبطات سريعه عليهم .. ياما شالوكى وانا بتباهى بيكى ويوم ما ابويا وقفلى عشان اقعدك فى البيت .. قولتله لاء .. الا نور كنت بقولها للدنيا بحالها .. عارفه سميتك نور ليه وعيط عشان انتى كنت نور حياتى كلها .. بقيت اصلى وادعى ربنا يخليكى مايحرمنيش منك زى اخواتك برغم انى ها اموت على الواد زى ابويا وامى .. ليه بقى امك تعمل كل دا وانا كان ناقص اخلع عيونى من مكانها واحطك انتى بدلهم زرعت فى دماغك اوهامها .. ولعلمك لا ها اكون اول راجل يبقى عايز الواد ولا اخر راجل .. . ومسك ايديها وهى منهاره فى العياط.. وبيعيط على عياطها .. انا مش وحش يانور .. انا بحبك وبحب امك عمرى ما ابقى قليل الاصل وانسى فضلها .. بس تعبتنى يا بنتى والله .
نور بعياط : لو كانت مرتاحه ماكنتش تعبتك .. اوعى تيجى عليها انت عارف اهلك وجبروتهم
حمدى بيهز راسه : عارف .. والله عارف وياما قولتلها كبرى دماغك وعيشى مرتاحه
نور : وماعيرتك لها
حمدى : غصب .. غصب عنى وبدون قصد لما بتستفزنى او ما تسمعش كلامى ما بتشديش فى الكلام مع حازم ما بتمسكيش فى خناقه .. بذمتك شعورك له قبل الجواز زى بعده .. بعد الجواز بيبقى فى عشم وممكن نغفر لبعض .. ساعة الغضب لا بتحسب ليا ولا لها .. بنرجع نتصافى وتنام فى حضنى اخر الليل وهى بتضحك .. مسك راسها وبيبوسها .. سامحينى يا بنت عمرى .. سامحينى
نور بعدت وعيطت اكتر وبتقوله خلاص
حمدى : خلاص تعالى نقفل الماضى كله بمره وحبينى زى ما انا .. انا يا نور مش ها اعيش اد الا فات .. اخوكى محتاجلك وظهر خوفه على ابنه اكتر .. اخوكى مبقاش له ام زيك وعيط اكتر وممكن ما يبقاش له أب ماتاخديهوش بذنبى لو انتى شيفانى وحش كدا دا اخوكى من لحمك ودمك
نور حضنته وبتبوس راسه : ربنا ما يحرمنى منك .. سامحنى غصب عنى اشوف الظلم الا اتظلمته امى واسكت .. انا بحبك زيها بس خايفه من واقفتك قدام ربنا ها تقوله ايه وظلمتها ليه واهملت فيها ليه ..انا لو عندى حيوان بربيه ها اهتم بيه وبصحته وها اخاف عليه من الهوا .. ليه مراتك مهما كانت عيوبها ما تشلهاش فى عيونك وتحبها وتحميها .. ليه سيبتها دا يهنها ودا يجرحها بكلمه ويعايرها بحاجه مش بايديها وتقتلوها طول الوقت .. ليه تجرحها اكتر وتبص لاختها وتخليها تخاف من وجود اختها فى حياتها وطول الوقت حاسه بقلق .. مهما قولتلى شيفاك كلك ذنوب خصوصا فى حقها .. حتت عيله من سنى كنت بتعمل لها الف حساب وبتغرف من شقى الست الا استحملتك وشقى بنتك وتديلها .. راجع نفسك .. مش طالبه اكتر من انك تراجع نفسك
حمدى قعد وبيعيط من قلبه وساكت ما ردش على نور هو عارف انه ياما استقوى على امها وكان بيجى عليها عشان عارف انها بتحبه وها تتحمل كتير فا كان بيدوس بعزم ما فيه على مشاعرها حتى اهله ماكنوش بيبطلو كلام يجرح فيها وبيقتلوها كل لحظه عايشه فيها عشان ماجبتش الولد ..
نور بصت على السلم لقت مازن نايم عليه..سابت أبوها وطلعت شالت مازن وبتدخله اوضته .. مازن صوت عياطه ظهر وهو مغمض عيونه .. ونور بتمسد على ضهره : ما تخافش يا حبيبى
مازن : خدينى معاكى
نور عدلته : وها تسيب بابا يقعد لوحده
مازن عيط اكتر : انا عايزك جمبى وكمان بابا
نور : طيب معلش خليك مع بابا دا بيحبك قوووى الاسبوع دا بس عشان ورايا شغل كتير .. وبعدين اجى اخدك
مازن بشنهفة اطفال شديده : انا عايزك يا نور ... انتى لسا زعلانه منى وما بتحبنيش كرهتينى زى ما كرهتى بابا عشان انا كمان ظلمتك
نور بدموع مش قادره توقفها رفعت راسها لفوق بتستغيث بربنا بصمت حضنت اخواها جااامد : اوعى تقول كدا انت حبيبى وما بحبش حد ادك انت وبابا .. انتو روحى مهما حصل بينا ها نفضل نحب بعض.. قوم يا بطل جهز نفسك ياله
مازن قام يجرى وبيفتح دولابه بفرحه .. ونور ساعدته وحمدى مراقبهم من برا ونزل تانى قبل ما ينزلو .. ونور ماسكه مازن وشنطته فى ايديها التانيه .. وبتتكلم وهى ما بتبصش لابوها وبمرار
نور : مازن ها يقعد معايااا شويه
حمدى بزعل اكبر وقهر ووحده : وها تسيبونى لوحدى
نور بصت له بصه مجروحه لان الكلمه دى ياما سمعتها من امها وهى بتقولهلو .. اوعى تطلقنى وتاخد نور وتسيبنى لوحدى يا حمدى : معلش اسبوع بس عشان مازن واحشنى .. وكمان احنا مش بعيد ربع ساعه بالعربيه تبقى عندنا اهووو تشوف شقه بنتك لسا ما دخلتهاش ولا باركتلى
حمدى رفع راسه بصلها وكانه بيقولها كفايه .. فرد ايده ومازن جرى لحضنه حضنه .. وباسه .. ومشى مع نور .. وحمدى قاعد نور قلبت عليه كل الا فااات وداست على جرح امها وعرفته اد ايه كان ظالمها ومش حاسس بظلمه فاهم ان دا حقه .. عرف قيمتها وقيمه حبها متاخر .. حبها الا كان مدايقه ولهفتها عليه الا فاهم انها غيره .. خوفها الا كان هو سبب فيه هو واهله واتقلب لهوس لواحده طيبه وعلى نياتها ..
حمدى : اااااااه يا نور منك .. اااااه
نور ركبت عربيتها وركبت مازن ورا ... وطول الطريق بتتكلم معااه وبتهزر وبتنسيه الا حصل قدامه من شويه ... تليفونها رن وكان حازم ... وردت عليه
نور : الووو
حازم : عامله ايه
نور خبطت خبطه خفيفه على الدريكسيون : تمام والحمد لله .. انا دايما فى احسن حالاتى
حازم : مال صوتك مش عاجبنى
نور : انت متصل ليه فى حاجه
حازم : نعم
نور : مش عارفه ايه سبب اهتمامك وليه
حازم : سبب اهتمامى عشان ربنا ها يسألنى عليكى .. وليه عشان المفروض مراتى .. ايه ما بتتعبيش تسمعى الكلمتين دول
نور : انت جاى الساعه كام بكرا
حازم بزهق : اوف منك .. اوف .. بجد زهقتينى مفيش سؤال واحد بتجاوبى عليه والمفروض اجاوبك .. سلااام
نور ببرود : سلام يا وحش
حازم بص للتليفون بخنقه ورماااه ونام على السرير .. وحط المخده على راسه ..
واول ما النهار شقشق ... ركب ونزل القاهره مع المهندسين الا واخدين اجازه وبعدين سافر بلدهم عشان عارف ان والدته هنااك بعد ما طمنته وقالتله انها بقت بخير وفاكره كل حاجه .. قعد معاها واتغدى وحاول يقنعها ترجع معاه رفضت وقالتله انها محتاجه تبقى وسط عيلتها ..واحترم رغبتها وكان ها يقعد معاها اسرت انه يسافر لنور ويفضل جمبها ..وفعلا سااافر ..
مازن قاعد على الكنبه قدام التلفزيون .. ونور بتقطع خيار وجزر وطلعت قعدت جمب مازن وبياكلو سوا .. لحظات وحازم دخل واول ما شاف مازن ابتسم وفتح ايده وقاله ..
حازم : تعالا فى حضن عمووو يا بطل
مازن قام جرى حضنه وحازم شاله .. مد ايده لنور الا بصاله .. ومدت ايديها سلمت عليه وشالتها بسرعه ..
مازن : انت ها تقعد معانا يا عمو حازم
حازم : بكل تاكيد والا عندك مانع
مازن : لا ابدا .. يعنى ها تنام معايا انا ونور
حازم عيونه راحت على نور وهى عيونها اتوجهتله .. حازم : معقول يا بطل اخطف اختك منك وانت هنااا
مازن ضحك : انا بحبك زى نور مصدقنى
حازم ضم حواجبه على بعض : وايه يخلينى ما اصدقكش
نور بتشد مازن من ايد حازم ولما قربت منه شاف وشها بوضوح و أثر الضرب .. نزل مازن بهدوء عكس الا جواه ها اغير واجيلك ماشى
مازن بحماس : مستنيك عشان نلعب
حازم ابتسم : تمام .. وخد شنطته ودخل الاوضه وقفل الباب ومحاولش يسأل نور على حاجه لانه فهم انها اتخانقت هى وابوها ودا الا كان مغير صوتها .. وهى متغاظه من تجاهله لها وبتحاول تدارى احساسها طول الوقت .. خرج خد شاور ولبس وفضل قاعد مع مازن بيلعب ولما نور سالته ياكل والا لاء رفض من غير ما يبص لها او يديها اهتمام ..
مازن : انا عايز انام
حازم : امممم لسا بدرى
مازن : مش قادر يا عمووو
حازم قام وقف : ياله يا بطل تعرف تنط
مازن نط على ضهر حازم بفرحه ولفف ايده حوالين راقبته .. وحازم جرى على الاوضه بيه وهما الاتنين بيضحكووو ونور قاعده مراقبه ومبتسمه .. نيمه جوا فى السرير .. وخرج قلع التيشرت وممدد على الكنبه .. اتفاجئ بمازن جاى ينام فى حضنه على الكنبه ..
حازم : ايه غيرت رايك
مازن : لا عايز انام معاك وزيك وقلع التيشرت زى حازم وصوت ضحكه نور رنت فى المكان هى وحازم .. ومازن دخل فى حضن حازم وبيتكلم بطفوليه .. شوفت احنا زى بعض
حازم : ايوا بس ايه دا كل دى عضالات انت طلعت جااامد عضالاتك أكبر من عضالاتى
مازن بيرفع ايده : عشان انا اقوووى منك وبشرب لبن كتيررر
حازم : هههههه يابختك .. انا محدش بيعملى لبن زيك .. شكلك كدا النوم راح والا ايه
مازن : ها يجى تانى بس انا مخليه يستنى شويه عشان اكلمك اصلى حبيتك قوووى
حازم بابتسامه : وانا كمان حبيتك .. ونور نايمه قدامهم على الكنبه التانيه ومتابعه فى صمت وتعبيرات وشها بدأت تتغير
مازن : عمو حازم هو انت لما يبقى عندك ابن زيى ها تلعب معاااه والا ها تاخده الشغل
حازم بدون تفكير : ها العب معاه طبعاااا وها اخصص له وقت فى البيت ليا انا وهو .. انما الشغل صعب قوووى اخاف عليه
مازن : امال ليه بابا بياخدنى معاه الشغل
حازم بيحاول يجمل الموضوع : انا شغلى خطر وما ينفعش اخد فيه اطفال وكمان ببات فيه وبسافر لبلد بعيده انما انت ظروفك مختلفه
مازن : اه عشان كدا .. يعنى ها تحبه .. هو انت اصلا نفسك يبقى عندك ولد والا لاء اصل بابا على طول يقولى طول عمرى نفسى يبقى عندى ولد وانت سندى .. يعنى ايه سند
نور لفت وشها بشويش ومنتظره اجابة حازم ودموعها بتنزل فى صمت
حازم : اولا اى حد مش انا وبس نفسه يبقى عنده بطل زيك .. واكيد ها احبه قووووى فوق ما تتخيل ولو عندى بنوته ها احبها أكتر .. اما السند يا سيدى يعنى تقدر تتحمل مسئولية وتساعد ابوك زى نور كدا فى الشغل والحياه عمتااا .. يعنى نور سند ابوك قبلك انت لسا عليك بدرى
مازن : بس انا الراجل
نور ابتسمت وسط دموعها من اصرار مازن والكلام الا خلاص حفظه
حازم لف وشه لمازن : مفيش فرق بين راجل وست او بنت وولد ..
مازن باصرار : فى فرق ماما قالتلى لما تكبر ها تاخد كل حاجه من نور وها تورث ابوك عشان انت الراجل انما نور لاء
حازم اتصدم من كلام مازن وبص على نور الا هاديه وساكته لدرجه انه فكر انها نامت مكانها وقرر ياخد راحته : اعتقد ان ماما غلطانه
مازن : ازاى
حازم : عشان انت مش ها تاخد حاجه من نور . بعد العمر طويل لبابا .. انت ونور ها تورثو ودا شرع ربنا ولو خالفته اكيد ها تدخل النار عايز تدخل النار
مازن هز راسه : لاء
حازم : يبقى لازم تنسى الكلام دا وتحب أختك وتفهم انها زيها زيك وان الدنيا مش فلوس وبس
مازن قرب على حازم وبيهمس له : عمو انا بحبها بس ماما كانت بتقولى دى وحشه اوعا تحبها ابدا .. انا مش بقول عشان نور ماتزعلش منى
حازم بنفس الهمس : شاطر يا بطل .. ماما بتاعتك وبيشاور على صدر مازن بصباعه ملخبطه حبتين وشكلها كانت تعبانه وعندها سخونيه والا عنده سخونيه بيخرف كتيررر .. يعنى مش واعى لكلامه .. فا بنعذره بس عمرنا ما بنصدق كلامه عشان كله تخاريف او مجنون
نور حطت ايديها على بوئها وكتمت الضحكه ... بس ضحكت بصوت عالى اول ما سمعت مازن
مازن : يعنى ماما سخنه وبتخرف ومجنونه
حازم بيهز راسه : ايوا ربنا يشفيها
نور : 😂😂😂
مازن لف وبص على نور وحازم بيكتم الضحكه
نور لفت وبصت لهم وبحماس : اعملكووو فشار
حازم رفع حواجبه الاتنين لمازن : ايه رايك .
مازن : ماشى يا نور .. قومى ياله بسرعه
حازم بسرعه بديهه : لا بشرط نشاركها ونعمل زيها
مازن : انا راجل ما ينفعش ادخل المطبخ
حازم : طيب ما انا راجل وبدخل المطبخ وبعمل كل حاجه وببقى مبسوط ودا ملوش علاقه بالرجوله بالعكس دا شئ جميل لما تبقى بتشارك وتحس بقيمتك وسط الا حواليك وبينطر راسه .. ياله ونوريها ان اننا بنعرف نعمل كل حاجه
نور : ياله يا بطل .. ودخلو مع بعض .. ونور جابت حله كبيره حطتها على البوتجاز وولعت عليها وحطت شويه زيت صغيره ... وطلعت دره الفشار
حازم : دا دورنا بقى .. هاااتى
نور : اتفضل
حازم : امسك يا بطل وحط نص الكيس
نور : كتير
مازن : احنا ها ناكل كتيررر .. وحازم شال مازن ومازن بيفضى نص الكيس فى الحله وغطى عليها وكل شويه يهز الحله
مازن : عايز اهز الحله زيك
حازم : لا لما تطول شويه
مازن : طيب شيلنى وبدء الفشار يطقطق وكل مايطقطق مازن يضحك ويسقف .. ونور لاول مره تحس انها مبسوطه بجد وحبت وجود حازم ومازن مع بعض .. خلصو الفشار وحطوه فى تلت بولات كبيره كل واحد فيهم واحده وخرجو قعدو جمب بعض وبيتفرجو على التلفزيون ونور كل شويه تنكش مازن وتنتش منه حبه وحازم يعمل زيها .. ومازن ينتش منهم الاتنين وبيحاول يخبى الفشار منهم
*************
ورد : كل هالوقت بتتركنى واجول اصبرى يا ورد .. راح يتصل بالرنه هالحين يا ورد .. مافى . مافى اتبخرت كيف المي يا محى
محى : طيب عبرينى انتى واهتمتى .. سيبانى كدا لا سؤال ولا كلام .. وربنا زعلان وممكن اقفل الرنه بوشك
ورد شهقت جااامد : ابتجفل الرنه بوشى يا محى اهئ اهئ اهى راح ازعل اكتير هالحين
محى : وربنا ما قفلت حاجه
ورد : انت راح تجفل الرنه بوشى .. جالك جلب تجولها
محى : هو انا ها اقفل فى وشك باب الشقه .. ما تهدى ماكنتش كلمه .. ما انتى هاريانى وبيتريق ... اتركنى اجفل الرنه بوشك يا محى انا وانت واحد يا جلبى وقبل ما تكملى تك تريك وتقفلى .. اتعصبت انا عليكى
ورد بفخر : انا العروس ومعى هاد التليفونه وبجفل بوشك جبلك من شان انا العروس فهمت
محى : وانا العريس .. احنا نعمل قاعده عرب عشان الا بتعمليه دا حرام انا مره اقفل فى وشك وانتى مره .. يا بت اسئلى عليا انا منفوخ فى الشغل
سلوى : ليش هيك يا جلبى
محى : اهئ . اهئ .. تعبت يا ورد .. والله تعبت .. والا تعابنى اكتر ان امى وابويا مقاطعنى
ورد بزعل وصوت مخنوق : راح تتركنى
محى بالهفه : ابدا عمرى انتى مجنونه انتى مراتى مش مجرد واحده وخلاص
ورد : بتجهر عليك لانى سبب هالخصام والفراج بينك وبين اهلك
محى : مش انتى .. اهلى مصممين يتحكمو فيااا ويجوزونى على مزاجهم .. كان نفسى اعمل الا هما عايزينه بس بحبك .. ومش عارف ايه سبب انى حبيتك وطول الوقت بتقربى منى بصوره غريبه .. بتملكينى وبتحسسينى بشئ غريب عمرى ما حسيته من واحده قبل كدا سبحان الله يا ورد النصيب بيلغى المسافات مهما كانت
ورد ابتسمت : جولى على هالشئ يا محى يالا بتشعر فيه من شانى راح افرح اكتير والله
محى : ههههههههه انتى قليله الادب
ورد بعصبيه : والله يا محى لاجفل الرنه بوشك ليش جليلة ادابات انا
محى بمكر : عشان بتجرجرينى وانا بموت فى الجرجره
ورد : تعرف يا ابو عجل تخين
محى : قولى يا ابو المفهوميه اشجينى
ورد : ورد تحبك كتير كتير اكتر من حالها ومن فرحانه وعنتر ليش
محى : قبل ليش .. مين البهوات دول جدك وجدتك
ورد : هادول يالا اتربيت معهم وبيهم عنتر حصان شديد كتير وريحانه نعومه كتير يا محى فرسه هيك بتتاكل اكل
محى ابتسم : وربنا ماحد عايز يتاكل غيرك
ورد : هههه بتخجلنى يامحى
محى : ورد عايز اتكلم معاكى جد وموضوع مهم
ورد باهتمام : جولى سامعتك
محى : هو ممكن القبيله بتاعتك تعمل حاجه لو عرفو اننا اتجوزنا
ورد بزعل : بيجتلونى يامحى ما حدا راح يتجبل ياإلا صار وماحدا راح يحن جلبه لا رجال ولا ابنته عنا بيتحوزو برا الجبيله
محى : طيب ها نعمل ايه مش ساكتين ابدا وما بطلوش يدورو عليكى
ورد : بعرف ومتاكده وزعلانه كتير اتوحشتهم وبريد ارجع لحضنهم واساعدهم والله نحنا كلنا بنستاهل نعيش يا محى بنستاهل نتعلم ونيعش بدار ومكان يراعنا كيفكو صحيح هاى جدارنا وعيشاتنا بس ليش كل واحد بهاى البلد ما ياخد حجه فيها .. ليش الحج لما يبجى فى ايد الخلج مافى عدل فى تجسيمه .. ليش لسانا عايشين وبهى المكان ناس فوج الجرض وناس تحت الجرض كلنا كلنا بايدينا الخير وجارنا وبنفجد العدل فى توزيعه وهاد سبب ان جابلتى بتريد الحين جاتلى من شان خرجت للنور لانهم بعاد وما حدا نور طريجهم وحياتهم بتفهمنى
محى اتنهد : انا متمسك بيكى وبحبك عشان فاهمك عشان متاكد انك واعيه واتظلمتى فعلا لو كان قدامك الفرصه اكيد كان ممكن تبقى احسن منى ثقى فى عدل ربنا يا ورد وانسى عدل البشر وثقى فيا ان شاء الله مش ها اتخلى عنك ابدا وها اساعدك تحقيقى معايا وبيا كل الا نفسنا انا وانتى فيه
ورد ابتسمت وبصوت هامس : بحبك كتير والله عشجتك
محى : هاتى بوسه وخلى عندك دم بعد الكلام دا
ورد بشر : ابتعرف كيف تنفرزنى والله بفرج بوسات على الخلج امووووه كتير وانت لاه
محى : هههههه اموووه يا قلبى ورحمة الله وبركاته
ورد : بجفل الرنه بوشك هالحين وقفلت
محى ماسك التليفون : يا مجنونه
محمود : ايه يا عم الحبيب مش ها تقولنا خطبت مين والا ها تعزمنا على الفرح
محى برخامه : وانت مالك .. واعزمك ليه اصلا .. بقولك يا محمود
محمود : لا تقولى ولا أقولك . واد يا محى .. ما تعرفش البت البدويه اختفت فين
محى بقلق : ليه يعنى
محمود : ابدا .. اصل قبل ما تيجى انت وحازم كانو قارفنا هنااا .. وبقالهم فتره ماجوش .. يكونش لقوها
محى : يلاقوها ما يلاقوهاش انا مالى .. طريقك اخضر واقفل الباب وراك
محمود : طيب ما تزقش .. بقيت رخم قوى يالا من يوم ما اتلميت على حازم
محى : وربنا يا محمود يا حبيبى ماها اجى ربع رخامتك .. جاتك البلا .
محمود : جاتك نيله عليك وعلى معرفتك
عماد من برا : جاتكو القرف مليتو البلد .. ههههه
محى : غور بقى طيرت النوم من عينى
محمود بضحكه وغمزه : انا بردو .. يسهلووو .. ماشيه معاك حلاوه
محى : اعوذ بالله .. قل اعوذ برب الفلق ومحمود خرج وقفل الباب ومحى نايم بيفكر فى كلام محمود وكلام ورد اللى قلقه لسا بيدورو على ورد لحد دلوقت .. وبيحاول يقنع نفسه انهم شويه وها ينسو
***************
سيف بياخد شاور وسلوى بترن عليه .. رنه ورا التانيه ورا التالته .. ولما ساميه سمعت التليفون ردت هى
سلوى باندفاع : كل دا عشان ترد عليااا والله انا زعلت ومش ها اكلمك تانى
ساميه ضحكت : وعلى ايه قلبك ابيض يا سكره هو مظلوم المره دى
سلوى باحراج : طنط انا اسفه
ساميه : ولا يهمك مفيش مره كدا الاقيكى بتتصلى عليااا زى سيف
سلوى : اصلى بتكسف من حضرتك
ساميه : اوعى ابدا تتكسفى منى خلاص انتى كلها كام شهر ونقعد انا وانتى مع بعض فى بيت واحد اكتر من سيف نفسه لازم تعرفينى واعرفك كويس وكمان ها ننزل نجيب الحاجه لشقتك مع بعض والا ايه
سلوى ابتسمت : خلاص ها اسأل عليكى ومش ها اتكسف تانى
ساميه : حبيبتى كنت عايزا اسألك على حاجه تخص ورد هى مين
سلوى بارتباك : هااا ورد الا عندنا
ساميه ضحكت : اه انا ماعرفش غير اسمها اصل سامر ابنى مجننى عايز يتقدم لها
سلوى تنحت : هااااا
سيف خارج من الحمام وبينشف شعره بالفوطه وقرب على مامته وبيلف ايده فى الهوا : مين
ساميه عملت كتم السماعه : دى سلوى بسلم عليها وبسألها على ورد اصل سامر اخوك عايز يتجوزها
سيف تنح : هااااا
ساميه بعلامة استفهام : انت هااا و هى هاااا فى ايه انا بضربكو بالنار وفتحت الكتم واتكلمت .. روحتى فين يا قمر
سلوى : معاكى يا طنط
سيف : ماما هاتى وانا ها افهمك كل حاجه بعدين بس خليه يصرف نظر لان مكتوب كتابها ودخل الاوضه على طول وقفل الباب
ساميه : مكتوب كتابها يادى النيله ليجراله حاجه هو التانى 😂😂😂
سيف ضحك : انتى لسا ساكته
سلوى خدت نفس : سيف انت جيت اخيرا
سيف : ايوا لحقتك صح
سلوى : قوى جدا
سيف : هو ايه الا قوى جدا وبيهزر ااااه بتحبينى قوووى جدا وانا يا ستى بحبك وعلى صوته شويه وابتسم بس قوووى خالص
سلوى بتوه على الموضوع وبعفويه : الحق يا سيف سامر اخوك عايز يتجوز ورد
سيف : تصدقى ها اتصل على محى ادايقه 😂😂😂
سلوى : حرام يا سيف
سيف بمكر : لاء مش عيب عشان يعرف قيمتها المهم سيبك بقى من غيرنا .. انتى عامله ايه ونام على السرير ومدد رجله وحشتينى وعايز اشوفك افتحى الكاميرا
سلوى : لا مش ها اعرف دلوقت
سيف : خلاص ها اجيلك
سلوى بفرحه : بجد
سيف : اه جد نفسك فى ايه اجيبهولك وانا جاى
سلوى : عايزا شيكولاته و وبوكس كبير جووواه دبدوب لونه احمر عشان انام جووواه وانا بكلمك وكمان
سيف مد ايده : استنى انتى بتحققى احلامك كلها مره واحده هههههه واحده واحده
سلوى باحراج : انا بهزر اصلا نور ها تجيبلى عشان ماما مش راضيه تجيب داباديب بتقول كلها عفاريت وها تلبسكو وانتو مش ناقصين
سيف : ههههه عفاريت خلاص اعمل نفسى دوبدوب واجيلك لو الموضوع مهم قوووى كدا وانا مش بلبس حد
سلوى : سيف انت كلمت صافى او رجعتلك تانى
سيف : ايه الا فكرك بيها
سلوى : خايفه ترجع تانى
سيف : ولا تشغيلى بالك بيها موضوع وانتهى واتقفل وانا ما بحبش اتكلم فى الا عدى عشان ما ازعلش منك بالنسبالى الا فات انتهى خصوصا لو حاجه تدايق تمام
سلوى : حاضر مش ها اقول حاجه تانى
سيف اتنهد : حبيبتى قولى كل الا نفسك فيه بس فى قواعد كدا عندى ما احبش نتخاطها مع بعض عشان نرتاح حصلت مشكله او حاجه دايقتنا والموضع انتهى واتقفل خلاص ما نحاولش نفتحه تانى عشان ما نعيش حياتنا فى جدل وزعل انما غير كدا لا ها اسمعك وعايز اسمعك
سلوى : حاضر
سيف ابتسم : يارب تفضلى مطيعه كدا على طول .. انا ها اقفل عشان ساميه مش ها تسيبنى غير بعد ما تحقق معايا فى موضوع ورد وبعدين اجيلك ها توحشينى لحد ما اجيلك
سلوى : وانت كمان
سيف : وانا كمان ايه
سلوى : خلاص بقى روح عشان مامتك
سيف : مامتى خدت الدوا ونامت 😂😂 وانا فاضى دلوقت انا ايه بقى مش ها اقفل غير لما تقوليها
سلوى : مش انت قولت الا عدى عدى ومانفتحوش تانى
سيف ضحك بصوت عالى جدا وسلوى بتكتم ضحكتها : ها نبتدى النصب قولى بقى مفهاش حاجه لما تعبرى عن مشاعرك ليا زى ما بعبرلك
سلوى : انا ها اقفل عشان ماما سلام يا سيف سلام وقفلت
سيف ضحك اكتر وبص للتليفون : ها تروحى منى فين لازم اتوبك الخوف والجبن الا فيكى واخليكى تتنطى على اكتافى
*********
ورد لبست وخارجه
نوجا : راحه فين دلوقتى
ورد : أما نوجا بريد اخرج واتمشى شوى لحالى
نوجا : دا وقته
ورد : مخنوجه اتركينى الله يعطيكى العافيه
نوجا : اوعى تتأخرى .. والتليفون لو رن ردى على طول
ورد هزت راسها وفتحت الباب : حاضر من عيونى .. وخرجت بسرعه فضلت ماشيه .. ووقفت تاكسى ومشيت بيه خرجت من المنطقه .. راحت لشقه محى .. ورنت الجرس وواقفه متوتره وخايفه يكون الا ها تعمله دا غلط .. أميره اخت محى فتحت وباستغراب : مين حضرتك
ورد : مش هاد بيته لمحى
أميره : ايوا
ورد : الخاله فوزيه موجوده
فوزيه : مين يا أميره وعيونها جت على ورد وتعابير وشها اتغيرت وبصوت عالى : ايه حابك هنا
*********************
إلي هنا ينتهي الفصل السادس والثلاثون من رواية شرسة ولكن بقلم لولو طارق
تابع من هنا: جميع فصول رواية شرسة ولكن بقلم لولو طارق
تابع من هنا: جميع فصول رواية شرسة ولكن بقلم لولو طارق
تابع أيضاً: جميع فصول رواية آدم ولانا بقلم امونه
تابعوا صفحتنا على الفيس بوك للمزيد من روايات حب
إرسال تعليق
يسعدنا تلقي اقتراحاتك أو تعليقك هنا