مرحباً بكم أصدقائي وأحبابي عاشقي القراءة والقصص مع رواية اجتماعية جديدة للكاتبة لولو طارق التي سبق أن قدمنا لها العديد من القصص والروايات الجميلة علي موقعنا قصص 26 و موعدنا اليوم مع الفصل الأربعون من رواية شرسة ولكن بقلم لولو طارق.
رواية شرسة ولكن بقلم لولو طارق - الفصل الأربعون
اقرأ أيضا: روايات غرام
 |
| رواية شرسة ولكن بقلم لولو طارق |
رواية شرسة ولكن بقلم لولو طارق - الفصل الأربعون
هانى : ايه ها تبعتيها دلوقت
احلام : اه خلينا نروشهم وادى خط جديد وكله تمام كمان نمرة الحلو سابق سنه اهه .. وبعتت رسايل مليانه صور مخله لنور
هانى بياكل : ياله مش خساره فيها ولا فيه
احلام بضحكه : ههههههه ياله نحتفل قبل ما امى تعكنن عليا .. هو انت مش ناوى تيجى تتقدم ليا
هانى فرد ايده : منين يا حصره خلاص كله راح
احلام : ما راحش قوووى يعنى الشقه اهه ومعايا مبلغ ها اجيبهولك تجيبلى شبكه محترمه وهدايا تزغلل بيها عين أمى وتيجى تتقدم
هانى : اه منك ملكيش اخر بس موافق ايدك بقى
احلام : قطع ايدك انا الا ها اجيب كل حاج طبعا وانت معايا بس اضمن ان الفلوس فى الامان
هانى بكشره : الا انتى عايزاه انا قايم
احلام : رايح فين
هانى : ها اتخمد يا احلام يمكن ارتاح من الهم وسابها ومشى
احلام قلبت وشها : رجاله تفقع المراره ..
***********
حازم قرب على نور وهى بتفرد الملايه على السرير وبتنزل بضهرها وحضنها جااامد ولفف ايده على وسطها
نور بابتسامه واحراج : ايه يا وحش حدش قالك ان اللزقه دى عيب وما يصحش
حازم ابتسم وهز راسه بنفى : لا حدش قالى ومسك خدها بحركته المعتاده ووش نور اتلون بحمار الخجل
نور بهمس : حازم بقى مابقتش فاهمك
حازم : كل حاجه ها تفهميها فى وقتها باس خدودها برقه ايه رايك تقعدى معايا شويه برا
نور خدت نفس وبتفك نفسها منه وبتلف وبقى وشها فى وشه وبابتسامه : يالا تعالا
خدها وخرج برا فتح التلفزيون ونور قعدت جمب حازم : ها سيدى عايز ايه
حازم شدها عليه وبقت تحت دراعه وبيلعب فى خدودها : اتبسطى انهارده
نور بحماس : جدا جدا وبتمنى تتكرر تانى
حازم : عنيه كل اسبوع ليكى عندى فوسحه مجنونه طول ما انا هنا ان شاء الله ايه رايك
نور : هههههه كدا انت عسليه وها احبك يا وحش
حازم : هههههه ومسك شفايفها نفسى اعرف امتى دا ها يتعدل .. ممكن ما تعمليش حاجه من غير اذنى
نور هزت راسها عايزا تسمع كلامه وتجيب اخره وتعيش اللحظه حتى لو مؤقته خلاص رافضه تسمع حاجه تعكنن عليها بتحاوا تنسى الماضى والمقارنات الا جبتها ورا : حاضر
حازم رفع حاجبه : قلقان من هدوئك قلبى بيكذبنى
نور حطت ايديها على قلبه وبتمشى ايديها يمين وشمال : طمنه من ناحيتى خلاص مش عايزا ادايقك .. انت صح ليه مانعيش حياتنا مرتاحين ومبسوطين
حازم مسك ايديها باسها : ان شاء الله ها تشوفى كل الخير والسعاده لو وثقتى فيا
نور ميلت راسها لفوووق بصتله وعيونها بتنطق بكل الا جواها حازم قرب عليها وتاااه بيها وخطف اجمل لحظه ممكن يعيشها لانها متبادله حضن بيعبر عن حبهم حقيقى وبوسه خطفت انفاسهم وحياتهم لدنيا تانيه بعد عنها ومسك تليفونه الا رن برساله وقفله خالص
نور : قفلته ليه
حازم : قرار جمهورى يا وحش .. اى حاجه ها تشغلنى عنك تغور دلوقت ولمدة اسبوع
نور ابتسمت : وماما
حازم : تليفونك موجود وها نروح لها بكرا وبردو مش فاتح التليفون دلوقت ماعنديش استعداد يقلولى تعالا الشغل
نور : ههههههه ها نبتديها
حازم بيهز راسه وبهمس : نبتديها ننهيها اهو احنا مع بعض ناخد وندى .. عايزه اسبوع تعارف وقرب بجد انتى تفهمينى وانا افهمك اكتر وتطلعى كل الا جواكى وانا كمان عشان بعد كدا لما نفتكر ونحكى الماضى نحكى احلا وأحسن ما فيه ونتخلص من كل الوحش
نور بابتسامه هزت راسها ودخلت فى حضنه تستخبى وتتطمن وتعمل حصن جديد يبعد عنها وجعها وتتخلص منه
***********
سيف ماشى فى طرقه طويله ودخل اوضه مكتب ادى التحيه وواقف مكانه ..
سيف : تمام يا فندم .. حضرتك بعتلى
اللوا أحمد : ايوا يا سيف اتفضل وشاور بايده على الكرسى واتكلم بجديه .. كان فى مداهمه وانت ومحمود مكلفين تطلعوها وقر مخدرات كبير
سيف : التكليف ها يكون امتى
اللوا : فى اجتماع بعد ساعه ها يبقى فى شرح كامل ووافى عن العمليه وعن المتورطين فيها والمكان بكل المداخل الا فيه كمان و معاد المداهمه لان المنطقه بالكامل تقريبا كدا عايشه فى قلق ورعب طول الوقت منهم ..
سيف قام : تمام يا فندم بعد اذنك وخرج راح لمحمود مكتبه
محمود : ابو السيوف ادخل يا راجل عرفت ان فى مداهمه
سيف : اه حالا على غيار الريق
محمود : احنا ورانا حاجه غير المداهمات والطبنجات وامسك دا واجرى ورا دا وحقق مع دا .. بعد كدا ها نقزق بومب بدال اللب
سيف : ههههههههه .. عملت ايه
محمود ساب القلم الا فى ايده بيلعب بيه ورجع ضهره بيتمطع : فى ايه
سيف : فى ماشيك الشمال
محمود : هو تأمين مستقبلك مشى شمال نقطنا بسكاتك
سيف : انا خايف عليك والله .. قولى ها تعمل ايه
محمود : حاجه بسيطه ها اخد فيها مبلغ محترم تاجر من الكتير الا مش ملاحقين عليهم ابنه اتمسك ببودره ها اغير البودره واخليها سكر يحلو بيه القضيه ويخرج الواد .. بس مش ها ارجع البودره طبعا
سيف : انت بتساعد شويه كلاب بيدمرو شباب زيك البلد محتاجه
محمود : بذمتك الشباب الا بتتكلم عليه دا واعى لحاجه هو دا الا وجوده او عدمه ها يفرق معاهم يابنى دول بقو بيتفننو ازاى يبقو مسطولين
سيف : عشان احنا الا ادينا الفرصه من الاول لتجار زى دى تسرق عقولهم لحد ما كترو وبقى ليهم مكان وسطنا .. عشان انت يا محمود وغيرك من الفاسدين الا دايما بيقبضووو تمن ضياعنا وحياتنا فى ايديهم وطول الوقت بتلعبو بيها .. فوق لنفسك انا وانت رايحين مداهمه الله أعلم ها نرجع منها والا لاء اتعظ من الاحصالى لولا فضل ربنا علياا ودعوات المحبين كان ممكن ما اقمش منها .. وقام وقف عقلك فى راسك يا صاحبى انهارده تخرج راجل من رجالتهم بكرا تصهين عن قضيتهم والحرام يجر حرام وخيوطه تلف حوالين راقبتك تخنقك وخرج
محمود نفخ بديق : هى واقفه عليااا يا سى سيف وكمان بتقول عليا فاسد عشان عايز أئمن مستقبلى ماشى بكرا اعرفك انك غلط وغبى ها تفضل محلك سر الكل فاكر اننا بنقبض ألوف مؤلفه والا ملاين واحنا عايشنها بالزق
***********
كاونه روح بيته واول ما دخل
عبير بتشوح فى وشه : كنت فين يا منيل ملكش بيت ولا عيال يا رد السجون
كاونه : هو انا مرمطنى ومخلينى اشقى غير البيت والعيال .. وضحك عيلااااء حبيب ابوووك يا ولا
علاء جرى عليه واول ما شاله وفى وش ابوه : اسفوخس
كاونه : اسفوخس عليك عيل نتن مش انا يالا انا ابوك
عبير شدت علاء من ايد كاونه : انزل غور بت يا ياسمينه انتى يابت
ياسمين : ايوا يا اما
عبير : لبسى الزفت دا بنطلون
ياسمين : تعالا ياعيلاااء وخدته ودخلت الاوضه
كاونه ضحك : اه يابن المدايقه وانا اقول السخونيه دى جايه منين وشد عبير من شعرها .. تعالى
عبير : عايز ايه يا راجل
كاونه بفرحه : بصى يا وليه جايبلك ايه فللتين يابت الوان
عبير بفرحه : ورينى يا راجل يااااه نفسى البس فلنه من سامن يا كرمله
كاونه بيضحك وبيهز نفسه جااامد : بموت فيكى يا زفت الطين وانتى بتدليعنى .. دلعينى كمان يا عبير
عبير كشرت وشها وتخنت صوتها : ما تخلص انت ها تذلنى ونتشت الشطنه ورينى وفتحتها الله الله بتضحك عليا وبتقولى فللتين وانت جايب بشامت ترد الروح بتاعت ولاد ساوت يا راجل
كاونه : هاتى يابت وبيشد الشنطه انا جايبهم ليا نفسى البس حاجه نضيفه الله يخربيتك
عبير بتشد الشنطه : انا اولى يا كاونه انا الست
كاونه : انتى ست اشهر دانا فيا انوثه عنك يا عبير
عبير كورت ايديها وبعزم ما فيها نزلت بيها على راس كاونه ومسكت شعره وبتشده جاامد وقربت عضته من راسه
كاونه بيزقها وبيسلكها من عليه : ما اقصدش وربنا هو انتى فى زيك
اوعى يابت ااااه
عبير شدت الشنطه : هات راجل تخاف ما تختشيش
كاونه بيبص لها بنص عينه : وليه حلمبوحه وبيجعر انا جعان
عبير بتفرد الحاجه وبتتفرج وزعقت بت يا ياسمينه
ياسمين : ايوا يا اما
عبير : اغرفى لابوكى طبق عتس يابت
كاونه فرد ايده : عتس يا وليه دانتى لهفه الف جنيه و20 جنيه و3 جنيه توتو على كابوته
عبير بتعلى صوتها : انت عايز ايه تلوقت
كاونه : عايز اعرف راحو فين ال3 جنيه راحو فين
عبير : امال انت ها تطفح ايه كاونه جبت تومن عتس ب2.5 ومرقه بنص هاتشنق يا كاونه
مد ايده فى الطبق الا ياسمين جابته وبيدعى : الهى يجيكى ويحط عليكى يابنت المدايقه اهرب اروح فين تانى منك
عبير بتريقه : روح المنيخ يا حيلتها وسابته ودخلت الاوضه لبست بجامه من بتاعت نادر وطالعه قدام كاون وبتتنطط و بنتها بتسقف وعلاء بيلف وراها
*******
عدى أكثر من اسبوع والامور تمام بين الكل محى منسجم مع وردته ولما بيحب ينكشها بيتكلم معاها بعض كلمات الانجليزى فى وسط الكلام .. وهى بتحاول تقلده ونادر طلب يعمل لها تحليل ومحى اتحجج انه سافر هو وهى وما بيقابلش حد تماما
********
محى : بصى بقى يا وردتى لازم تفهمى الدرس دا كويس وتذاكريه لانه مهم وكمان فى كام صفحه كدا ها اعلملك عليهم
ورد بتفكير وبينها وبين نفسها : كان بيقولك ايه يا ورد لما يبقى عايز يسكتك .. ايه .. ايه اه وفردت ايد فى وش محى مره واحده وهو بيتكلم معاها .. أستوبز يا محى
محى بيفرد ايد فى وشها : ههههههه استوبز أنتى ارجوكى
ورد بفخر : عشان تعرف انى بتعلم بسرعه اهه
محى حط ايده على كتفها : بسرعة البرق .. انتى ملكيش حل تعالى بقى عشان اعلمك ازاى تقولى اوكيز صح
ورد ببساطه : اوكيز ولا فيها شى .. بتعرف انا راح اكلك الشهد اليوم من شان ذاكرتلى
محى : عايزك تتشقلبى كدا وتطلعى باكله مفيده من المطبخ خلاص ها اسافر بكرا عشان هانسلم المشروع وحاولى ما تقابليش نادر
ورد : بسرعه هيك مالحجت اشبع منك يا جلبى .. راح تتركنى
محى بيهز راسه : ايه يا وردتى راح اتركك وقلب وشه .. اوعى يابت تخرجى من باب الشقه فاهمه
ورد بصوت عالى : ليش يا محى .. روح جيب ربطه واربطنى متل البهايم مفكرنى ايش انت .. وبفخر انا انسان
محى : حد قالك انك حيوان مانا عارف انك انسان خايف عليكى يا ورد
ورد بترفع راسها قوى : ماتخاف انا اد حالى وبعرف احافظ علي
محى ضربها على راسها بهزار .. طب قومى خلصى الاكل جعان مش ها اخلص معاكى وبردو ما تخرجيش الا مع نور لو موجوده او نوجا وسلوى
ورد : ايه فاهمه وقامت خلصت الاكل وحطته على السفره وقعدو
محى بيبص فى الطبق جااامد وبستفهام : هو انتى مقطعه السلطه صغيره قوى كدا ليه يا ورد .. احنا مش كتاكيت يا ماما
ورد : هاااى تنفوله ياجلبى .. ما بتعرفها .
محى بيمد ايده بالمعلقه ياخد منها وهو بيقول : لا والله اول مره اسمع عنها .. حط المعلقه فى بوقه ووشه إحمر .. بلعها وبيقول وبينفخ بصوت عالى هووووف وبيهوى على بوئه وبياخد بوء ميه .. دى حروقه يا ورد مش تنفوله بوئى أد نااار حرام عليكى
ورد ضحكت : وبتاكل منها ولا كأنها بتأكل حاجه .. مابتحب الحراج ..
محى : بيأكل لقمه وبيمد ايده فى طبق تانى ورفع حاجبه انا داخل فى حاجه ولا يهمنى وبص فى طبق تانى .. اوعى تقولى عرفتها لوحدى وبيهزر أكيد دى بقى بروقه
ورد : 😂😂😂 عسليه يا محى انت والله
محى بصلها وابتسم : مهلبيه يا وردتى يخربيت عسلك ... مسك ايديها باسها .. تسلم ايدك ودايما تتنفيللى وتبرقيلى يا قلبى
ورد : جلب ورد وحياتها كولها .. ربنا يباركلى فيك يا سيد الناس كلتها ..
محى ضحك وبحماس : بعد الكلمتين دول لازم اكل التنفوله كلها وبياكل معلقه وبيضحك وبياكلها بالعافيه لدرجه انه عيونه دمعت .. وورد بتضحك بصوت عالى جدا ..عرفتيها منين دى يا ورد
ورد : جبت قناة الطبخ .. وجعدت جدامها حفظت التنفوله بمخى وجومت بسرعه عملتهالك شفت كيف انا اد حالى وشاطره كتير
محى : ورد هى اسمها تبوله مش تنفوله
ورد : والله ما فاكره تمبوله تنفوله المهم عملتها كيف ماهى
محى : بعجب قوووى بيكى وفخرك بنفسك و بتنبولتك يا قلبى .. عارفه يا ورد كان نفسى اهلى يكلمونى ويتقبلو اختيارى كنتى ها تتعلمى من أمى أكلات كتير قوى جميله زيك
ورد بزعل : ان شالله بترجع لهم
محى غير الموضوع : الواد كاونه عمل حاجه فى نادر
ورد : كان بدى اجتله واشرب من دماته .. بيرفع اخى وبيريد ياخد مصاريه وما تركه غير ما اخد اتنين متل البجامه هاااى وبتشاور على بجامة محى الا لابسها
محى : ههههههه حرامى اصيل الواد دا .. وانتى ياختى ما صدقتى شوفتى الواد لا ومصدقه انه اخوكى
ورد اتنهدت : فرحت كتيرر لما بيظهرلك اهل وانت بتجضى حياتك كلها وحيد لا بى ولا إم ولا خى وخيته صعيب جوى .. ياااه يا محى لو راد ربك وفجأه بتبجى بين عزوه وناس جرايبين منك
محى قومها بعد ما نفض ايده من الاكل وقعدها على رجله مسك ايديها الا بتفرك فيها جااامد وبيمشى ايده بين احضان ايديها
محى : انا أهلك وعزوتك من يوم ما شوفتك خلاص انا بقيت وحيد زيك وفاهمك وحاسس بيكى ومشى ايد على بطنها وحط راسه على صدرها عايز ربنا يكرمنا بعيله كبيره وولاد كتير يعوضوكى ويعوضونى انا كمان انسي كل الا فات ياورد وابتدى حياتك من جديد ابنى عيلتك الا بتتمنيها بس معايا وحواليا انا محتاجك قوى الفتره دى تعوضينى وتبقى جمبى
ورد حطت راسها على راسه وضمته بايديها : احلا شئ بدنيتى انت ونور خيتى وجلبى سبب انى رأيتك وعشجت هالجلب الكبير كلكم هون عيلتى وانت أهم واحلا مافى هالعيله و راح ترجع لعيلتك انا متاكده يامحى
محى رفع وشه وقرب من شفايفها وبيبوسها برقه وقعدها جمبه وبيكمل أكل مع بعض ..
محى : حبيبتى شدى حيلك فى المذاكره عايزك من الاوائل
ورد : ان شالله .. محى بستحى اكلمك بس لازم نخطط لحياتنا من هلااا ونزود الحروف بالنجط
محى : أؤمرى عايزا ايه
ورد : الأمر لله يا حبيب الجلب .. بريد مصارى بدى أنا أدور بيتى وأجيب كل يالا محتاجته وبريد مصارى خاصه فينى وبتتمايل من شان ادلع هيك
محى بضحكه : تدوريه والا تربعيه وبيفتح بوئه هااا هااا هاااا
ورد ضربته على بوئه : اكتم هاااى ما توهنى
محى : يا ستى ماعنديش اى مانع طبعا دا بيتك والمفروض انتى الا تمشيه طبعااا .. ان شاء الله ها اشيلك مبلغ كدا تمشى بيه نفسك بس واستحملينى كام شهر لانى كنت داخل جمعيه وجوازنا والموضوع مزنق معانا شويه
ورد : ولا يهمك يا جلبى وديقت عنيها .. جولتلك يا محى بريد مصارى خاصه فينى ولا كأنك سمعت شى صحيح على رأى أما نوجا جنس نمرود تمشيه بالكربوج
محى : 😂😂😂😂 يابت ما بتصدقى تقلبى .. حاضر عايزا كام مصروف ليكى
ورد بثقه : الف جنيه
محى بصوت عالى : نعم ياختى
ورد علت صوتها : 300 جنيه كيف سمعت انت ليش متسرع يا جلبى
محى : لو كان كدا ماشى وقعتى قلبى يا شيخه الحمد لله طلعت اطرش
ورد : ليش يا محى وانا بعمل ايش بال 300 هاااى اصغيره راح اجيب نفافيخ من شان يعجبك
محى : الله مش انتى الا قولتى ها ننصب من اولها
ورد بدلع : كترهم شوى يا محى
محى : خلاص 301
ورد : ما تنفرزنيش يا محى
محى : هههههههه .. خلاص يا ورد بهزر ها اديكى الا انتى عايزاه بس اصبرى الكوبه الا اسمها جمعيه تخلص والقسط الا عليا
ورد : اتفجنا وبتشد ايده اجرى الفاتحه على الخاين وابن الحرام 😂😂
محى شد ايده : بتعملى صفقه يا مجنونه خلصى عشان اذاكرلك شويه كمان وخلصو وقامو مع بعض يخلص معاها مذاكره
*********
سيف خلص شغله ومروح عدى على سلوى ونوجا الا فتحت
نوجا بشهقه : ايه دا يابنى قتيل والا ايه
سيف : 😂😂😂 نوجا حبيبتى وقرب باسها
نوجا ببتسامه : يوووه ها تقلب عليا المواجع ليه كل ما تشوفنى تبوسنى ههههه انا كبرت يا حبيبى
سيف ضحك بصوت عالى : اعمل ايه طيب يا نوجا ابوس سلوى وعفا الله عما سلف انا تحت امرك
نوجا بشهقه : لا كله الا سلوى بوسنى انا والاجر والثواب عند الله
سيف ضحك اكتر : ها تحنطيها
نوجا : وابروزها لو لزم الامر وسيف دخل ومعاااه بوكس كبير جدا وبيدخله ..
نجيه : اهلا يا بنى
سيف : عامله ايه يا أمى .. ووطى على راسها باسها
نحيه بتمسد على ايده : الحمد لله فى نعمه .. اتفضل وسيف قعد جمبها وسلوى خارجه من الاوضه جرى لابسه بجامة بطوط وطوق بطوط وفارده شعرها ولكلوك بطوط بردو وبابتسامه بتسلم على سيف وجريت على البوكس
سلوى : ايه دا يا سيف الله دا بوكس جميل وكبير قوى
نوجا ببرطمه : اسفوخس عليكى بت يقول محرومه .. وبصت لسيف ألا ايه دا يا حبيبى
سيف قرب على البوكس واول ما فاتحه طارت منه بلالين مليانه غاز هليم وطارت فى السقف وسلوى بتجرى وتنط وراها وسيف بيضحك والسعاده انه فرحها كدا ها تنط من قلبه
نوجا : يابت تعالى خربيت الهبل يارب
نجيه : 😂😂 سيبيها مبسوطه يا نوجا
سيف طلع الدبودوب لسلوى وسلوى شهقت جااامد وحضنت الدبدوب جامد وبتلف بيه وسيف بيقولها براحه وقعت فوقيه وهى بتلف
نوجا : يارب صبرنى الشبشب بياكلنى فى رجلى اقعد يابنى تشرب ايه
سيف : انا جعان يا نوجا ينفع لو لقمه بجبنه ها اكلها
نوحا شهقت : قلب أمك كل ما لذا وطاب يبقى قدامك حالا وبصت لسلوى لقتها فى غيبوبه .. تعالى يا نجيه ونحيه قامت وبيجهزو لسيف أكل
سيف قام شد سلوى بالدبدوب وضمها له : مش عايزا المفاجاه التانيه
سلوى : انت جبت حاجه كمان
سيف تعالى وطلع بوكس صغير من البوكس الكبير وفتحه وكان فيه انواع شيكولاته كتير جدا وانواع اول مره تشوفهافضلت تتنطط وقربت باست سيف فى خده فى لحظه جنون وجريت على اوضتها
سيف ضحك وضرب ايد على ايد : تصدقى دى اخر مره اجيبلك فيها حاجه دى نسيتنى اصلا ههههههه فضل قاعد لحد ما نجبه ونوجا وسلوى الا راحت ساعدتهم جهزو الاكل وقعد فى لمه مع بعض سيف بياكل من غير لا احراج ولا تكليف معاهم ومبسوط بالجو وبفرحة سلوى وبيتكلمو ويهزرو طول القاعده
*********
حازم كان بياخد شاور خلص حمامه وخرج ونور دخلت وراه على طول .. ماسك تليفونه فتحه وجاتله رسايل كتير خد باله ان فى رساله من رقم غريب اول ما فتحها وشه إحمر جدا وبعدها رمى التليفون من ايده وهو بيدعك فى راسه مسك التليفون تانى وبيبص فيه و نور خرجت من الحمام لابسه البورنس وبتشف شعرها وبصت لحازم واستغربت ملامحه الا اتقلبت لكأبه غير مبرره قربت عليه بحذر
نور : مالك يا حازم ايه دايقك كدا
حازم لسا ها يشيل التليفون من ايده نور بغيره شدته وبتشوف ايه .. واول ما بصت فيه شهقت جااامد ودموعها نزلت
حازم : هشششش والله لادفعهم تمن دا غالى وبيمسح دموعها كفايه دموع فى حياتك
نور بصت له : يعنى انت مصدق انى مش كدا
حازم هز راسه بتاكيد : ايوا لايمكن اصدق عليكى كلمه او حرف ولو عملو اكتر من كدا
نور رمت نفسها فى حضنه والتليفون وقع وهى بتعيط وبتضمه وهو بيضمها ولاول مره تقولها بتحرر : بحبك قوى يا حازم بحبك
حازم غمض عيونه لحظه واحده وابتسم وبادلها باكتر من شوقها وقرر هو كمان يعترف لها : كلمة بحبك قوليله قوى عليكى انتى تستاهلى اكتر واكبر من الحب
نور اتعدلت وضحكت وسط دموعها وفى كم البورنس بتمسح مناخرها : بجد والا فى الاخر ها يطلع وهم
حازم ضحك ومسح دموعها بايده : جد الجد انتى حبيبتى وبس
نور : وهاله
حازم : مفيش هاله فى نور وبس كنت مستنى تفوقى وتكسرى الحاجز بايدك كنت عارف ان الغيره والحب الحقيقى ها يخرجوكى من سجنك لو انتى قويه مش ها تستسلمى لضعفك وتكررى الا امك كانت فيه
نور مصممه : وهاله
حازم ضحك : بنت خالتى واسمها أمل هههههه وزى اختى وانا اكبر منها ب10 سنين وبتقولى ياعموووو وبتعشقك عشق من كترى كلامى عنك
نور شهقت وضربته على صدره وبتجرى وراه : بتضحك عليا وبتلعب بياااا واكيد نجيه عارفه
حازم صوت ضحكه مالى الشقه ومسك ايديها الاتنين : اكيد عارفه كان عندك شك انى ما بحبكيش
نور هزت راسها : كنت تايهه وخايفه ومش شايفه الصح من الغلط بس خلاص انا عايزا الثقه والامان عايزا اعيش عايزاك جمبى
حازم : انا جمبك ومش ها اسيبك .. ومسك تليفونه نخلص من الاشكال دى وارد اعتبارك قدام الكل واتجوزك بجد اعملك فرح انا وانتى فيه العروسه والعريس والمعازيم يخصنا لوحدنا ايه رايك
نور بحماس وكانها بترفرف زى الطيور وبصوت رقيق : ااااه بحلم باليوم دا من يوم ما قلبى دقلك معقول ضمها دخلها فى حضنه اكتر واكتر وباس راسها واتكلم بجديه .. ادخلى غيرى عشان ننزل نروش ياله بكرا فى شغل ومبسوط انها قللت شرب السجاير من نفسها جدا جدا
نور بتجرى : هووووا ودخلت الاوضه
حازم طلع تليفونه وكلم كاونه وقفل
********
احلام نازله جرى وامها بتنادى عليه ما ردتش عليها وصلت الشقه بعد وقت وفتحت ودخلت على اوضة النوم وبصوت عالى : يا ابن الكل... كنت عارفه انك وس.. بقى انا تعمل معايا كدا
هانى : احلام افهمى اصل انا وبيلبس هدومه وبنت جنبه قامت تجرى واحلام مسكتها من شعرها وطلعت سكينه من شطنتها وعايزا تقتلها بيها هانى جرى عليها ومسكلها ضربها وخد السكينه والبنت الا معاه لبست عبايتها ونزلت جرى وهو بيجرجر احلام من شعرها فى الشقه مسكته من رجله وقعته وشهق مره واحده وعيونه برقت
*********************
إلي هنا ينتهي الفصل الأربعون من رواية شرسة ولكن بقلم لولو طارق
تابع من هنا: جميع فصول رواية شرسة ولكن بقلم لولو طارق
تابع من هنا: جميع فصول رواية شرسة ولكن بقلم لولو طارق
تابع أيضاً: جميع فصول رواية آدم ولانا بقلم امونه
تابعوا صفحتنا على الفيس بوك للمزيد من روايات حب
إرسال تعليق
يسعدنا تلقي اقتراحاتك أو تعليقك هنا