مرحباً بكم أصدقائي وأحبابي عاشقي القراءة والقصص مع رواية اجتماعية جديدة للكاتبة لولو طارق التي سبق أن قدمنا لها العديد من القصص والروايات الجميلة علي موقعنا قصص 26 و موعدنا اليوم مع الفصل الثالث والأربعون من رواية شرسة ولكن بقلم لولو طارق.
رواية شرسة ولكن بقلم لولو طارق - الفصل الثالث والأربعون
اقرأ أيضا: روايات غرام
 |
| رواية شرسة ولكن بقلم لولو طارق |
رواية شرسة ولكن بقلم لولو طارق - الفصل الثالث والأربعون
*********
نور نايمه على السرير وحطا ايديها على بطنها الا كبرت شويه صغنتتين اد كدهووون وسرحت بخيالها ورجعت لورا فى بداية حملها
*****
فلااااش باك
*****
نور قاعده فى الشقه زهقانه جدا جدا ونجيه رافضه تماما تيجى تقعد معاها ومازن خلاص متمسك بنوجا وبرضو رافض يقعد معاها وحازم طول الوقت برا من ساعه ما خلصووو الكوبرى وسلموه على خير وفتح مكتب هندسى هو ومحى وهو طول الوقت مشغول .. راحت على التلفزيون ومسكت الريموووت شغلته قلبت بزهق وقفلته وهى بتنفخ دخلت المطبخ بتعمل أكل .. فتحت التلاجه وجابت كيس لحمه من الفريز وماسكه الكيس بطراطيف صوابعها وشفايفها مقلوبه بقرف قربت بمناخيرها وبتشم اللحمه
نور : إعى .. ايه دا اللحمه ضربت والا ايه دخلت الكيس تانى وجابت كيس فراخ قربت بحذر من الكيس واول ما شمت ريحته أووع يالهوى اسود الاكل ضرب .. حطته وجابت اكتر حاجه بتحبها الجمبرى وقبل ما تقربه من مناخيرها جريت قعدت ترجع غسلت وشها ولونه احمر وعيونها بتطق شرار رجعت المطبخ وهى حاطه اشرب صغنتت على مناخيرها ورجعت كل حاجه مكانها وخرجت فى الصاله اترمت على الكنبه بتقل رهيب فى جسمها واول ما حازم اتصل بيها ردت بعصبيه
نور : انت فين سعتك
حازم : ها اكون فين يعنى يا نور فى المكتب
نور : انت بتقولى يا نور يعنى قصدك ايه
حازم بيدعك فى راسه : هو بقى عيب اقولك يا نور وبيهزر حموئه يمشى معاكى
نور : انا حموئه يا حازم بتلقح عليا بالكلام
حازم تنح وحس ان فى حاجه غلط مزاجها بقى متقلب جدا يمكن عشان قاعده من الشغل بس انا ما اجبرتهاش تقعد هى قالت عايزا اريح وهو احترم رغبتها طب فى ايه حب يقصر الكلام عشان ما تحصلش مشكله : طيب لازم اقفل دلوقت يا حبيبى
نور : يالهوى اسود انت بتقفل فى وشى حصلت كمان تقفل فى وشى طب هه وقفلت السكه فى وش حازم ونامت على الكنبه وبتتقلب يمين وشمال وعماله تنفخ اتعدلت مره واحده ولبست ونزلت ومعاها شنطه سفر راحت لحازم المكتب دخلت على طول من غير اى استأذان والسكرتير دخل وراها وحازم شاور بايده انه يطلع برا وقفت ربعت ايديها وباصه لحازم بشر
نور : طلقنى يا حازم
حازم تنح : نعم
نور بتقطع الكلمه : ط.ل.ق.ن.ى وفردت ايديها على وسعهم انا عايزا اطلق
حازم قام قرب عليها وحط ايده على كتفها ومحى فتح الباب الا بينه وبين حازم سنه صغيره ولسا ها يدخل لقى نور وتنح مكانه لما سمع حازم
حازم : لازم اطلقك دلوقتى دلوقتى ما ينفعش كمان شويه
نور بتهز راسها بتاكيد : ايوا لازم تطلقنى دلوقتى
حازم : طيب روحى وانا جاى وراكى اطلقك
محى واقف بيلف ايده فى الهوا وبهمس : يا ولاد المجانين
نور : انت بتاخدنى على قد عقلى صح
حازم بيهز راسه : ابدا ابدا روحى بس وانا ها احقق امنيتك انتى تأمرى
نور : روح هاتلى لمون عشان ما اطلقش على معده فاضيه انت عارف انه مضر جدا على معده فاضيه المأذون قال كدا
حازم بتعجب : والله مأذون بيفهم عنيه وربنا لاورح بنفسى اجيبه هو انا ليا كام نور اطلقها كل ساعه وخرج برا المكتب خالص ونور قعدت على الكرسى بتاعه الا فيه عجل وبتمشى برجليها وبتجرى جوا المكتب بيه زقت نفسها بقوه ورفعت ايديها ورجليها لفوق ودخلت فى الباب الا واقف عليه محى واتخبط فى رجله
محى : اااه حاسب يا اسطى
نور : ايه يا محى موقفك كدا ينفع يعنى تطلعنى من المود
محى : شفتك بتتزحلقى وعامله المكتب مراجيح مولد النبى قولت اجى ابيع حمص وحلاوه وبيعلى صوته شويه حمص ايوا حمص يا حلاوتك يا حلاوه
نور : الله يا محى تصدق نفسى فيهم معاك دلوقت 😂😂😂
محى لف وراجع مكتبه وما ردش على نور وبيعمل علامة الجنان وبيبرطم : هى الستات كلها اتهبلت والا احنا الا مش طبيعين ورد قربت تاكلنى فى البيت ونور بتطلق كل دقيقه تقريبا
حازم داخل وجايب كوباية لمون كبيره وبابتسامه بيديها لنور : اتفضلى يا حبيبتى اى طلبات تانيه
نور ديقت عيونها : انت فرحان عشان ها تطلقنى طب مش شاربه وسابته وخرجت وحازم نزل عليه سهم الله محى قرب جرى عليه وخد الكوبايه من ايد حازم وشربها كلها مره واحده
محى : ياااه الواحد كان ريقه ناشف بشكل والله جت فى وقتها جاتكو القرف كلكو
حازم زقه : ياخى بقى ها الاحق عليك والا على الجنان الا بقيت عايش فيه ارحمو أمى
محى : 😂😂😂 هو انت عايش فى الجنان لوحدك كلنا فى الهوا سوا .. تعالا عشان عايزك تشوف اخر التطورات معايا فى المشروع الجديد
حازم بيشاور بايده : اتفضل ودخل معاه مكتبه
نور نزلت ووصلت عند نوجا رنت الجرس ومش شايله ايديها من عليه ونوجا فتحت
نوجا : ما انتى معاكى مفتاح لازم تقلبى دماغنا بالجرس وسابتها ودخلت قعدت جمب نجيه والاتنين نظرهم راح لنور الا بتدخل شنطتة سفر كبيره وحطتها قدام رجلها وشاطتها لجوا بزهق : غورى بقى
نجيه : هى نور مالها يا نوجا
نوجا بتحرك راسها بتعجب وحطت صوباعين عند بوئها : مغير الاحوال من حال لحال يارب .. مالك يا ام العوايد يا طاهره
نور بزهق وبتشوح : ام الجواز على الا عايز يتجوز وبتنطر ايديها اوووف اووووف ايه ام الريحه دى انتو بتسوى ايه يانوجا كلب اتعديتى من الصنين
نوجا : يوووه البت لسعت ايه جابك أم المجيه دى ارحمينا يا بنتى انتى بتقولى شكل للبيع
نور : يرحمكو ربنا وبتزق شعرها ابعد انت كمان خنقتنى وسابتهم ودخلت اوضتها ومعاها الشنطه
نجيه بتضرب كف على كف وبتضحك
نوجا : حتى شعرك بتتشاكلى معاااه ارحمنا يارب
نجيه : 😂😂 تكونش حامل يا نوجا
نوجا ديقت عيونها : معقول يا نجيه تصدقى صحيح بتقول ايه ام الريحه دى وكلب قليلة الحيااا وجايبه دولابها وجايه
حازم خلص شغل بعد وقت هو ومحى وكل واحد روح على بيته
محى بيفتح باب الشقه واتفاجئ بورد قاعده وقدامها صنيه كبيره مليانه أكل وبتاكل بشراهه فظيعه قرب وماسك فى ايده كارتونة تفاح كبيره
محى : بتعملى ايه يا ورد ليه كل دا حرام عليكى مهلا مهلا
ورد ابتسمت : والله جوعانه كتير وهادول ماراح يكفووو ليش بخيل انت هيك يا محى اتركنى من شان اسد جوعى
محى : انتى لو بتسدى السد مش ها تسديه بدا كله ارحمى من فى الارض وبيشاور على نفسه يرحمك من فى السماء وبيشاور لفوق .. وبيتريق على نور احنا لازم نتطلق دلوقت
ورد تنحت وقدام بوئها الاكل وعيطت عياط مصطنع وكملت اكل عادى ومحى بيضحك على منظرها : بتريد تطلجنى يامحى .. بترمينى هيك من شان باكل والله ماراح اجعد فيها بعد اليوووم وقامت نتشت تفاحه بعد ما رمت غطا العلبه فى الارض وجريت على المطبخ غسلتها ومعديه من قدام محى وبتاكلها واول ما شافته عيطت تانى وبتاكل التفاحه
ورد : اعاااا .. اعاااا أممم .. اعااا والله لاخلى أما نوجا تأدبك والم عزلاتى معى
محى حط العلبه على الترابيزه : يعنى مقموصه وبتخطفى التفاح وبتاكلى بردو الاكل عندك بقى فى كفه والدنيا فى كفه تانيه وكمان بتهددينى بنوجا
ورد طلعت من الاوضه بعد ما كلت التفاحه وخطفت حتت لحمه من الصنيه وجريت على الاوضه تانى وبصوت عالى : ما راح اكلمك والله واتركنى جوعانه هيك بتألم من جوعى ربنا راح يعاجبك على هيك عمله
محى : ههههههه طيب تعالى كملى اكلك بهزر يا وردتى ودخل الحمام ياخد شاور وخرج ملاقش ورد فى الشقه لبس بسرعه وبص فى العماره الاول وبيتصل عليها ما بتردش
ورد وصلت عند نوجا بعد فتره ورنت الجرس ونوجا بتنادى على مازن يفتح وفعلا فتح واول ما فتح ورد داخله فى ايديها شنطه صغيره جدا وعيطت
ورد : اهئ اهئ اهئ سلامات أما نوجا سلامات خاله نجيه
نوجا : مالك يا ورد مين زعلك ولمك عزالك ليه يا حبيبتى وجايه
ورد بعصبيه : ما بريد هالمحى يا اما نوجا بيريد يطلجنى من شان كلت تفاحه كد هيك والله وبتعمل ايديها كانها حاجه صغيره هالمحى مابريده ايه بخيل كتير وقربت عليهم وبتعيط وشدت الطبق الا فى ايد نوجا فيه فاكهه متقطعه خدته وشدت الطبق الا فى ايد نجيه وبتاكل وتعيط ودخلت الاوضه يتركنى جوعانه ياربى
نوجا : يوووه انتى شفتى الا شفته يا نجيه البت اتفجعت لا وهى الا مقموصه يادى الواقعه الا شبه وشهم ورفعت ايديها استرها يارب
نجيه : والله يا نوجا البنات حوامل اسمعى منى وورد باين عليها من بدرى ازاى ما عملتش تحليل
نوجا : البت اتفجعت يا نجيه وتقولى حامل انا خايفه على الواد محى تفتكر ودنه قرقوشه تلهطها وهى نايمه جمبه ههههه
نجيه : ههههههه تصدقى وانا فى حازم كنت باكل كتير قوى بردو ونفسى مفتوحه بشكل والجرس رن
نوجا بتلوى شفايفها وبتهز ايديها فى الهوا : استر يارب مش ها نخلص مع الحكومه انا عارفه بنتى راحه تحب وتتجوز ظابط ليه عشان يشكمنا كلنا ومازن فتح وكانت سلوى داخله وفى ايديها شنطه هاند باج
سلوى قربت على مامتها باستها : عامله ايه يا ماما .. وقربت على نجيه باستها .. عامله ايه يا طنط وسابتهم قبل ما يكملو كلام ودخلت الاوضه
نور بتنطر راسها : أهلا اتفضلى ماهى ميغه مفتوحه كل الا مقموصه من جوزها تيجى تلزق هناااا وبتقلد نوجا ورافعه ايديها ارحمنا يارب وأرفع مقتك وغضبك عناااا مالك انتى التانيه منع عنك الاكل والا بيتريق عليكى
سلوى : اهئ اهئ اهئ .. انا مش مروحه تانى خلاص مش ها اكلم سيف تانى مش ها أرد عليه مش ها اصالحه
نور بتشوح فى وش سلوى : ايه كمية الميش دى طب مش عايزا اسمع منك حاجه واركنى بقى
سلوى قعدت جمب ورد الا قاعده تاكل فى طبقين الفاكهه وبتعيط : يرضيكى ياورد سيف يزعقلى
ورد : لاه مايرضينى وبتاخد قطمه كبيره من قطعه تفاااح هادول أفترو كتير والله بعرفك يامحى وبسهرك الليل وبتاكل قطمه تانيه وبندمك
نور : ايوا واضربيه بالكورباج وعلقيه فى المشنقه
ورد : ليش متعصبه هيك هدى شوى راح تجتلى حالك من شان هالحازم والله لاجتله هو التانى وباخد اكلاته كلهم
سلوى : هئ هئ وخدى أكل سيف كمان ياورد وبتعلى صوتها بيزعقلى هههههههه
نوجا : مين يابت الا زعقلك ومالكم يا جوز الخيل منك لها لها لها
نجيه : سيبيهم يا نوجا يحلو مشاكلهم هما مش صغيرين
نوجا : يعنى عاجبك يا نجيه التلاته جاين ورا بعض وسايبين بيوتهم امال لما يخلفو ويبقى على كتفهم عيال ها يعملو ايه لما تبقى المسئوليه الضعف والهم همين ها يعملو ايه قومى منك لها كل واحده تروح على بيتها بلاش كلام فارغ
نجيه : انا مع نوجا يا بنات البيت بيتكم ولو بيتك مش عزيز عليكى عمرك ما هاتبقى عزيزه على حد والكل ها يبيع ويشترى فيكى رجالتكم زعلانه او انتو زعلانين اوعى تسيبى بيتك وتمشى فاهمه
نور كانها افتكرت حاجه : بس احنا نروح شرم نشرم لنا يومين هناك ولا من شاف ولا من درى وخليهم بقى يلفو حوالين نفسهم
ورد : لاه خيتى بدى اروح السكندريه وبكل سمك إكتير وجمبرى كتير وملوحه كتير
سلوى : لا انا عايزا الساحل الشملى والعب بقى واعمل تيك توك براحتى واغيظ سيف
نجيه ونوجا بصووو لبعض ونوجا شدت الباب قفلته وخرجت والبنات مكملين عادى
ورد : هالسيف شو سوى سلوتى من شان تروح فى الشمالى هاد
سلوى : اهئ اهئ اهئ
فلاش باك تانى
*********
سيف قام من النوم وبيصحى سلوى وبيبوس خدودها : حبيبى قومى عشان تجهزيلى فطار على ما البس
سلوى بتلف واتعلت وحطت راسها على صدر سيف : مش انت اجازه انهارده
سيف : توء مش انهارده بيضمها جامد وباس خدودها قومى بطلى كسل
سلوى بضحكه : الله يا سيف .. استنى اوعى تتحرك ومدت ايديها جابت التليفون وبتتصور سيلفى وهى بتعمل حركات ببوئها وعنيها وسيف بيضحك .. نزل مع على السرير وبصوت عالى
سيف : تعالى يا مجنونه وشالها على كتفه وخارج بيها لو فضلت سايبك كدا ها تفضلى تصورى خمسي سوره والف فديووو
نزلها ودخل خد شاور وطلع لبس وبيصلى وسلوى وراه بتصلى هى كمان وقعدو يفطرو مع بعض جهز الطبنجه وحطها فى حزام بنطلونه من ورا وشال المفاتيح وحاجته ونازل وسلوى مسكت فيه لفت ايديها حوالين راقبته وقربت باسته وبدلع : اوعى تتاخر تعالا بسرعه
سيف ببسامه : ها احاول وبيبعدها تمسك فيه اكتر .. سلوى كدا ها ترفد من الشغل بسببك ونزل ايديها ونزل جرى صبح على ابوه وامه ومشى وهى دخلت تنام شويه قامت بعد وقت وبتجهز الاكل ومشغله اغانى وبترقص خلصت وشغلت المكنسه وبتتصل على سيف كاميرا
سيف بيبص لها بابتسامه : حبيبى انا مشغول دلوقت اقفلى ونتكلم وقت تانى
سلوى : يووواه بقى يا سيف بص انا بعمل ايه رايك اعمل تيك توك وبتلف قدام الكاميرا ولابسه على راسها فيونكه كبيره جدت ومنزله خصله من شعرها
سيف : حبيبى ها اكلمك بعدين وقفل ... شويه واتصلت تانى وسيف ماردش .. اتصلت ورد
سيف : سلوى انا مشغول اقفلى
سلوى قفلت وفضلت شويه واتصلت عليه
سيف بعصبيه : ما تتصليش تانى فاهمه وقفل فى وشها
باااك
****
سلوى : هى هئ هئ مش ها اكلمو هه يعنى قبل ما نتجوز كان هو الا بيتصل ودلوقت انا بتصل ومش عاجبه الاستاذ
نور اتعدلت : يعنى معطله الراجل وبتتدلعى وكمان زعلانه دا انا لو منه كنت جبت راسك نصين ما تعقلى يابت
سلوى ميلت راسها : بيوحشنى قوووى يانور ونفسى يفضل قدامى طول الوقت وبتحضن نفسها وابتسمت سيف دا حاجه كدا جميله بحبه بحبه بحبه
ورد رفعت راسها وبتضحك : والله ما راح أكل أكلات هادا السيف تدرى ليش من شان هو حباب كتير كتير وراح اكل اكلات هالمحى
نور رفعت ايديها بنفاذ صبر انتى خلاص مخك وقف عند الاكل بتذاكرى
ورد : هئ هئ هئ
نور : يارب ها اقتلهم يارب بتزنى ليه
ورد : متغيره كتير خيتى وما إلى مزاج لشى
نور هزت راسها : انا عارفه وربنا اننا مالنا جواز دا الا قولتله اخرنا يبقى بوزنا فى بوذ بعض
عدى وقت والبنات زى ماهى قاعده بتشتكى لبعض ومحى ركب ووصل عند بيت نوجااا ولسا ها يدخل لقى حازم نازل من عربيته
محى : قهلا قهلا قهلا اوعى تبرر والله لتدخل انا مصدقك من غير ما تقول حاجه
حازم ضحك ولسا بيعدل راسه لقى سيف نازل من العربيه والتلاته بصووو لبعض وانفجرووو فى الضحك وضربو ايديهم فى ايد بعض
سيف : قولتلكم شكلنا كدا ها نكمل طريقنا مع بعض
حازم : ولسااا شكله الطريق طويل وطلعووو ونوجا الا فتحت سلمووو وقعدو جمب بعض
نجيه بتكلمهم التلاته كانهم ولادها مفيش فرق بين محى وسيف وحازم وبابتسامه مليانه رفق : منورين يا حبايبى البنات ها تفرح لما تلاقيكو هناااا والله اوعو تزعلوهم تانى انتو رجالتهم وفرحتهم الا قعدو كتير مستنيانها لو مش ها يتبسطو ويفرحو ويدلعو فى بيتكم ها يفرحو ويدلعو فين
نوجا قدمت وبتناول كل واحد فيهم طبق رز بالبن ورفعت راقبتها وبتكلم محى وبتلقح على سيف بالكلام
نوجا قربت على محى : يعنى ايه تزعل ورد بنتى يعنى حاجات كتير انت مش قدها وديقت عيونها انا بخافش حتى لو كنت وابتسمت برخامه وبصت لسيف ظابط عارف ليه وقربت على وشه مره واحده وومحى رجع بوشه لورا ورفع ايده
محى : والله يا طنط ما عملت فيها حاجه هى بتزعل على الفاضى والمليان لوحدها شغاله قمص
نوجا قربت تانى : صدقت انا يا محى لو فاكر وبتشاور بصباعها على ورا انك مسنود على حيطه جااامده ومش ها اعرف اكلمك يبقى بتحلم وسيف غمز لحازم وبيضحكو من تحت لتحت عشان عارف ان الكلام كله عليه ... انا نوجا عارف يعنى ايه نوجا وزقت الطبق فى ايده كل يا محى كل
ورد خرجت من الاوضه خطفت الطبق من ايد محى ودخلت الاوضه جرى
نوجا بهمس : يهدك يا ورد كسفتينى والشباب بتضحك
محى : يرضيكى كدا اهو انا عايش حياتى طول النهار فى خطف كدا
سيف اتنحنح : هى سلوى فين يا نوجا
سلوى خارجه لابسه ومعاها شنطتها ووقفت قدام سيف : انا هنا يا حبيبى ياله عشان نروح اصل الاكل زمانه برد وباست أمها وسيف قام سلم عليهم وهو مبتسم وخد سلوى ونزل وهو نازل وبنص عين لنوجا
سيف : عنك الشنطه يا حبيبتى
سلوى بفرحه : ايوا طبعا خد ونزلو
نوجا : شوفى البت نسيت كل حاجه ساعة من جه ولا كأن فى حاجه وانا بهدد وخلاص قربت ابلغ عنه الدخليه فقعتو مرارتى وانا لسا فى عز شبابى
نجيه بتنادى : هههههه تعالى يا ورد مع جوزك يا حبيبتى
ورد خارجه ومعاها شنطتها وبتديها لمحى : خد هاد يا محى مانى جادره اشيلها والله
محى بيديق عيونه : انتى هربتى بالعفش بردو ياله ما علينا .. تسلم ايدك على الرز يا نوجا كان تحفه حتى اسألى ورد وربنا بوئى زى بوئها
نوجا : ايوا منا عارفه خلى بالك على نفسك يا محى بالسلامه يا حبيبى ربنا معاك أمن نفسك يا واد ومحى نزل هو وورد
نور خارجه ومعاها الشنطه الكبيره وقربت على حازم : شيل
حازم : كل دا واخده وبيمسك الشنطه لقاها خفيفه جدا ابتسم وسكت ونزل بيها
نوجا بتقفل الباب : مع السلامه يا حبايبى زرونا كل سنه مره بلاش مرتين تلاته فى الاسبوع المراره ما بتتحملش وقفلت وهما نازلين يضحكو
حازم فى العربيه : حبيبتى هى الشنطه فيها ايه
نور : فيها علبة مناديل 550 منديل عشان عندى برد
حازم بضحكه : يعنى مستاهله الشنطه دى كلها
نور بصدمه واندهاش مزيف : يعنى انت عايزنى اشيل 550 منديل كدا ها اقدر يعنى بالله عليك ها اقدر
حازم بنفى : لا ابدا اشيل انا .. واتحرك بعربيته وروح هو ونووور
*********
بااااك
نور ابتسمت وبتمشى ايديها على بطنها لانها عرفت بعدها ان هى والبنات حوامل وكانت اخر واحده رود برغم انها متقدمه فى الحمل عنهم والمفاجأه لما كشفت واكتشفو انها حامل فى تلاته توأم وانفجرت فى الضحك لما افتكرت رد فعل محى اول ما عرف
فلاش بااااك
**********
نور داخله شقه محى ومعاها ورد بعد ما كشفو وورد ماشيه براحه محى كان مريح على الكنبه واول ما شافها اتعدل ومسك ايديها
محى : مالك يا ورد فيكى ايه
نور : تعبت لما كانت عندنا قولنا نروح نكشف ونطمن على الجنين مبرررروك يا محى ورد حامل فى تلات تؤام
محى بصدمه : يالهوى اسود .. يالهوى اسود .. تلاته ايه احنا ما اتفقناش على كدا
ورد : هايدا بإتفاج والا ايش راح اعبى بنادوره بالكيلو يا محى حطلى والله كيلو لا بزود او بجلل شوى ... وبتلف راسها والله جعت كتير اعطينى اكل
محى : انتى عايزا مجمع او جمعيه استهلاكيه اه يانا ياما اتاريكى بتجوعى كل هفوه يارب استرها بدال ما نجيبهم خبطه خبطه تيجى بكل جبروت تجيبيهم خبطه واحده يا ورد ها الاحق عليكو منين انا
ورد بزعل : بريد أمشى خيتى نور والله ماجادره اسمع هالكلام
نور خبطت محى فى صدره : بطل رخامه عليها عمال تغمزلى ودى ما بتصدق
محى نط فى الهوا .. ونزل حضن ورد وبيبوس خدودها : مبرررروك يا وردتى بهزر وربنا انتى طلعتى جامده وها نشحت بدرى حضرى العده اتنين كيلو ميكركروم وتلاته سبغتيوت
ورد ابتسمت : كروته وتيوت يامحى اخ جوعانه يامحى
محى بيكتم بوئها : اقفليه شويه وخليهم يتلمووو ايه حامل فى شلة مفاجيع والا قوم يأجوج جوا
نور : ها امشى انا عشان تعبانه عايزا حاجه ياورد
ورد : لاه خيتى تسلمى وتعيشى .. ونور نزلت وصلت الشقه وطلعت ولسا ها تفتح حازم فتح الباب خدها ودخل جوووا وحضنها بقوته من ضهرها وباس خدودها ومشى ايده على بطنها
حازم : مقلدمه ليه
نور اتنهدت : مفيش
حازم : انا اسف اتاخرت وماروحتش معاكى عشان نطمن على البيبى
نور : حازم لو طلع الا فى بطنى بنت ها تزعل
حازم ضم حواجبه وابتسم : طيب ما انتى بنت ومش زعلان وبموت فيكى وبعشق قربك تخيلى بقى لما تكون حته منى وتخيلى كمان لما أحسن لها ولأمها القمر دى وبيبوس نور تانى ربنا ها يفتحها عليا ازاى بطلى تفكير فى رزق ربنا لانه لا فى ايدى ولا ايدك {يَهَبُ لِمَنْ يَشَاءُ إِنَاثًا وَيَهَبُ لِمَنْ يَشَاءُ الذُّكُورَ} صح مش دا الا بيحصل ها نحمد ربنا ونرضى والا ها نعترض بقى
نور اتنهدت اكتر : خايفه تتغير لما يبقى واقع وكمان نجيه
حازم : ان شاء الله مش ها اتغير يا ستى ادينى عقلك كتير مننا كارجاله بيبقى معاه الولد والبنت وبردو يسيب مراته ويتجوز لو فضلنا طول الوقت بنحسبها وبنفكر فى دا ودا ودا مش ها نعيش انسى حيات أمك وابتدى حياتك على كيفك انتى اوعى تربطى بين حد بعلاقتنا وماما مش من النوع دا ابدا ما تحمليش همها
نور ابتسمت بارتياح ولفت حضنته جااامد وبعدين بدئت تشم وتشم وحازم غمض عين وفتح التانيه وبعد ورفع ايده الاتنين
حازم : ههههههههه انا اسف قولت اكل لقمه قبل ما تيجى تعلنى عليا الحرب وتطلبى الطلاق
نور قافله مناخيرها ونفسها قبت عليها فى لحظتها وسلوى رنت عليها خدت التليفون وجريت على البلكونه وحازم طار على الحمام بيغسل سنانه بالفرشه والمعجون
نور بتاخد نفسها وكأنها كانت بتغرق اتعدلت وردت
سلوى : ايه يا نونه اتأخرتى ليه
نور : سلوى انا مش طايقه اى ريحه حتى الساجير مش طايقه شكلها مش ريحتها وبس اه انا تعبت الحمل دا حاجه صعبه قوووى حازم قرب ينتحر منى ومن عصبيتى
سلوى : معلش يا نونه والله انا كمان بقيت غريبه كدا وطول الوقت عايزا اتنطط وانزل وبقيت بحب سيف خالص مالص يانونه وهو ها يتجنن وكل ما اعمل حاجه يضحك عليا ويقولى دا هرمون الحمل طلع مجنون ولذيذ
نور : انتى جباره وربنا بقولك الراجل ها ينتحر تقوليلى بحبه وها يتجنن انتى حامل فى ايه شاكيرا بارتى
سلوى : ههههههه شكلها كدا فعلا ها تطلع شاكيرا ورد روحت
نور : من بدرى لسا فاكره
سلوى : محى عرف
نور بتريقه : يعنى اكيد سيف عرف يبقى محى عرف يا بطه ههههه اختنا سلوى ما يتبلش فى بوئها فوله
سلوى ضحكت : الصراحه اتصلت على سيف قولتله وقعد يضحك كتير قوى وبيقولى انتى حامل فى كام واحد .. قولته واحد بس قالى ليه كدا مش كنتى جبتيهم دفعه واحده هو ازاى اعمل زى ورد واجيبهم تلاه او اربعه
نور : هههههههه تصدقى نسيت اسألها بنت اللاعيبه بس دى قدرات يا ماما بنت الصحراء لازم تكون مميزه دانا واحد وخلاص حاسه انى ها افجر الا حواليا الله يكون فى عونها ويقومها بالسلامه
سلوى : يارب وبفرحه اقفلى سيف بيتصل وقفلت فى وش نور
نور بصت للتليفون بصدمه وبتقلد نوجا : اسفوخس على دى نداله عيله وربنا
بااااك
*****
نور : ههههههه وربنا احنا مجانين جابت تليفونها واتصلت حجزت رحله لشرم ليهم كلهم بعد ما عرفت ان سيف واخد اجازه اسبوع وحازم ومحى ممكن يأجزو عادى مفيش وراهم شغل مهم وابوها ونوجا ونجيه .. خلصت واتصلت على كاونه
كاونه بضحكه : ست الستات وربنا
عبير بتشده من راسه : بتكلم مين يا راجل بتخونى يابن المبقعه دانا عبير
نور ضحكت : ادينى اعصاير قصدى عبير اكلمها الاول يا كاونه
كاونه بيزقها : خدى خدك الهنا والسعد وقطع لسانك من غلغوله
عبير : هات الووو مين اتى
نور : انا نور يا عبير
عبير : ست الستسات كلها منور الموبين والله
نور : ههههههه تسلم يا كبير يا مأدبهم وشاكمهم .. حضرى نفسك انتى وجوزك وعيالك يوم الجمعه ها تروحى شرم معانا
عبير تنحت : ايه شرخ دى يا ست
نور : دى الا ها نشرخ فيها كلنا وننزل البحر
عبير بضحكه : يا فرج الله
كاونه ؛ ايه بت قوليلى
عبير بفرحه : ها ننزل البحر ونستحمى يا كاونه
كاونه بيشد شعرها لفوق : اخيرا ها ينبل 😂😂😂
نور بصدمه : انتو ما بتستحموش يا عبير
عبير : هههههه لا ياست دانا نضيفه قوى بحط الطشت للعيال وامروشهم وربنا
نور : جدعه يا عبير .. عايزاكى بقى تتمرشى انتى والعيال وكاونه من انهارده ليوم الجمعه وتلبسو كل الا على الحبل ها اروقكم الاجانب مش احسن منكم يابت
عبير : هههههههه يا صلاة النبى كمان اجانب ها نقب على وش الدنيا يابن المدايقه
نور بعصبيه : ما تلمى لسانك ياعبير احترمى جوزك انتى راحه شرخ قريب ... كدا ممكن نتحبس كلنا
عبير مسكت خد كاونه وبتبوسه : اموووه اموووه وكاونه فاتح بوئه وبيضحك
نور : طيب اسيبكم انا فى اللحظه الرومانسيه دى عشان مش ها تتكرر كتير وقفلت وضحكت بصوت عالى جدا وهى حاسه انها فعلا كل يوم بتتغير وبتحب الحياه والمشاركه وبدئت تنسى الخوف والقلق وتعيشى طبيعى خصوصا انها خلاص فى اخر الشهر الرابع وكل مدى بيتولد جواها احساس بالحب والاولفه وخوف من نوع مختلف خوف محبب عشان مش على نفسها لا على حته منها منتظره تشوف وجودها
*********************
إلي هنا ينتهي الفصل الثالث والأربعون من رواية شرسة ولكن بقلم لولو طارق
تابع من هنا: جميع فصول رواية شرسة ولكن بقلم لولو طارق
تابع من هنا: جميع فصول رواية شرسة ولكن بقلم لولو طارق
تابع أيضاً: جميع فصول رواية آدم ولانا بقلم امونه
تابعوا صفحتنا على الفيس بوك للمزيد من روايات حب
إرسال تعليق
يسعدنا تلقي اقتراحاتك أو تعليقك هنا