مرحباً بكم أصدقائي وأحبابي عاشقي القراءة والقصص مع رواية اجتماعية جديدة للكاتبة لولو طارق التي سبق أن قدمنا لها العديد من القصص والروايات الجميلة علي موقعنا قصص 26 و موعدنا اليوم مع الفصل الخامس والأربعون من رواية شرسة ولكن بقلم لولو طارق.
رواية شرسة ولكن بقلم لولو طارق - الفصل الخامس والأربعون
اقرأ أيضا: روايات غرام
 |
| رواية شرسة ولكن بقلم لولو طارق |
رواية شرسة ولكن بقلم لولو طارق - الفصل الخامس والأربعون
*****
محى وحازم خرجو من المكتب وماشين بالعربيه
حازم : ايه رايك ننزل الكافيه المزيكا دا نشرب كوبايتن شاى لان الصداع خلاص اتمكن منى
محى : ياله رغم ان ورد قالتلى وبيقلدها .. لاتشرب برا البيت شى يامحى وحافظ على الجرشنات من شان الولاده ولوازم الولاد الله يخليك .. انا ها اشحت بعد ما تخلف انا عارف
حازم : هههههههه يابنى فكها على نفسك انت وهيا بقيتو بخلا
محى بيهز ايده : انت شوفت بخل قوم المكتسحون قربو يشرفو فى البيت يا باشاااا وبالصلاه على النبى كدا احنا داخلين على منحدر تاريخى هيلهوب البس يا محى
حازم وقف ونزل ومحى نزل ودخلو الكافيه مع بعض .. قعدو وطلبووو الشااى هو وحازم ومندمجين مع بعض جدا فى الكلام والترابيزه إلا ورا محى بتحاسب وسمع الحساب وبرق مره واحده وسكت ..
حازم : ايه يابنى مالك ما قولتش رأيك يعنى فى المشروع دا
محى بذهول : انت سمعت إلا انا سمعته وإلا انا اترشيت وبقيت اسمع غلط
حازم هز راسه بنفى : لا ماخدش بالى ..
محى : بيقولك حساب كوباية الشاى 60 جنيه الهى كوبايتهم تتكسر كوبايه كوبايه .. هو انا ها اشرب شاى واقرقش الكوبايه بعد ما اشربها
حازم : 😂😂😂 اكيد سمعت غلط لو كوباية الشاى ب60 أمال فنجان القهوه بكام ..
محى بيخبط على رجله وبيحركها حركه سريعه وبيهز راسه وبيعيط عياط مصطنع : مش مهم يا حازم القهوه والشاى مش مهم
حازم مش قادر يسيطر على نفسه من الضحك ؛ ايه المهم طيب بتعمل كدا ليه يالا ..
محى بينطر راسه : بص وراك الواد دا صعبان عليااا .. جايب خاطيبته وال إيه طلب تورته عشان يعملها مفاجأه وعصير مانجا .. وبيرفع ايده مانجااا يا حازم عارف يعنى ايه مانجا
حازم بيخبط خبطه خفيفه على الترابيزه وعيونه دمعت من كتر الضحك : الواد دا لو عرف تمنهم ها يجيلو الضغط
محى بصعبانيه : لا ها يجيلو البوليس مش ها يلحق الضغط كان عليه تخفيض وخلص وها يشبك البنيه فى طره .. الحق انبهه قبل ما يدخل المطبخ
حازم مسك ايده : اقعد وبطل فضايح
محى : انت شوفت فضايح لما يجيلى يحاسبنى ها افرج عليهم الدنيا وبيطلع ايده وينزلها .. اصبر عليااا وبينادى الحساب ...
الجارسون قرب عليه ومعاه دفتر كتب حسابه وبيدى لمحى الورقه ..
محى مسك الورقه وبص فيها ورفع حاجبه وبيلف صباعه على الورقه وبص للجارسون : ممكن افهم ايه المهزله دى
الجارسون : ايه يا فندم .. فى ايه طلبت الحساب وهو دا حسابك
محى : اعتقد اننا شربنا كوبايتن شاااى لا أكتر ولا أقل ايه بقى 150 دول
الجارسون : الشاى يا فندم ب60 وحضرتك طلبت اتنين ب120 .. وخدمه 30 يا فندم يبقى 150 فين المشكله
حازم استرخى وبيتفرج وسايب محى لان شايف المبلغ مبالغ فيه جدا ..
محى : مش فاهمك بردو .. يعنى افترى تاخد 60 كوباية شاااى ليه جايبهولى من كولا لامبور .. انا لو جبتلك باكو شاى ها تعملى 15 كوبايه مش ها يكلفوك عشره جنيه يبقى ايه المبلغ دا كله يعنى .. امال الغلبان إلا قدامى دا ها تلبسوه فى الحيطه
الحارسون ببرود : يا فندم دا نظام الكافيه .. وحضرتك مش فى اى مكان انت على النيل .. وقدامك ورد وبيشاور على الفازه إلا قدام محى .. واكياس سكر برا .. حضرتك عايز ايه تانى
محى تنح : ورد ايه يا جدع انت .. لا انا عايزك تحطلى برسيم فى الفازه مش عايز ورد .. وهو النيل دا جايبه من بيتك وانت جااااى .. بص انا ها ادفع 60 جنيه وكتير والله العظيم لا فوقهم ولا تحتهم تقدير انكم فى مكان سياحى مش اكتر .. وبعد كدا قبل ما تدبسو الناس اعملو منيو او نزلو اسعار الطلبات .. وطلع الفلوس اتفضل
الجارسون : يا فندم كدا انا ها اطلب الشرطه
محى : تصدق انكو حراميه وبجاحين كمان
حازم : خلاص يا محى .. وطلع الفلوس وشد ايد الجارسون .. اتفضل وما تتخيلش ان دا خوف من تهديدك لانى ممكن اقوم الدنيا فوق راسكم وخصوصا الضرايب .. لان فعلا دى سرقه .. وبص وراه وكلم الشاب إلا اتلهو فى الخناقه وسايبين التورته .. بقولك يا حبيبى كوبايتن الشاى ب150 اسئل على التورته قبل ما تدبس
البنت إلا معاه شهقت وضربت على صدرها : يالهوووى ..
محى ضحك وبغمزه : اخلع بقى يا وحش ابتدت با يلهوى
الشاب : ياله يا فريال وبيهز راسه أل الشاى بميه وخمسين أل أمال دول بكام
فريال : ياله وادى الشمعه اهه ومسكتها رمتها فى الميه وخرجو جرى ..
الجارسون : مين ها يحاسب على التورته والمشروبات
محى ماشى هو وحازم وبيقوله : بلغ الشرطه تيجى تحاسب يا خفيف وطلعو وهما الاتنين بيضحكو جااامد وتقريبا كل إلا فى الكافيه خرجو وراهم .. ركبو العربيه وماشين فى الطريق .. ومحى طول الطريق يندب ...تليفونه رن وكانت ورد ورد بسرعه
محى بعياط مصطنع : الوووو .. وردتى شوفتى إلا جرالى
ورد بقلق : شو بيك يا محى جلجتنى
محى : انا يا ورد اشرب كوباية شاااى واحده ب75 جنيه
ورد شهقت وبصوت عالى : شو جولت يا محى .. انت لو جدامى راح اخنجكك واطلع روحك بيدى
محى مبرق وحط ايده على راقبته وكانه بيتخنق : اه يا شريره .. بدال ما تواسينى وتقوليلى ولا يهمك فداك يا أمحى
حازم بيبص على ريئكشانات محى وسايق ومش قادر يمسك نفسه من الضحك ..
ورد : ولا يهمك كيف يا محى .. إكتير اجولك لم يدك يا محى .. جربت اولد يا محى.. المصارى مو كتيره يا محى .. ليش بطتفحها ليش يا طفيس
محى كح جااامد : يخربيت لسانك .. طفحتهلى يا ورد .. ماكنوش 75 جنيه ها تعملى فيا ايه بعد الخلفه .. كدا ها تضلم يا ورد
ورد : اتضلم يا محى .. اما انك راجل صريف وادى الرنه راح اجفلها بوشك وقفلت
محى بصوت واطى : ورد انتى يا بت .. وابتسم طيب ياله سلام .. سلام خلاص بقى لازم كدا تدلعينى وتهشتكينى بعد كل مكالمه .. ماشى يا قلبى
حازم : محى تليفونك بيرن
محى : ايه مش تليفونك إلا بيرن
حازم : 😂😂😂😂 لاء
محى بيبص فى التليفون وكنسل : ولا انا وبيضحك ضحكه صفرااا .. حازم يعنى ايه صريف
حازم ضحك بصوت عالى : لا باين انك صريف انت وهى .. سبحان الله جمع ووفق .. طيب صالحها وقولها انى انا إلا دفعت
محى : 😂😂😂 لا ماتعش الدور عليااا حالا تنزلى على اقرب قهوه واردلك كوباية الشاى
حازم بأبتسامه : لا شكرا وجبك وصل .. وبينى وبينك حظنا فقر نقعد على القهوه تطلع قهوه افندينا ندفع 300 المره دى
محى : لا اعزمك فى البيت اوفر واهو ورد تطفحهلنا بالهنا والشفا
حازم : 😂😂😂 الله الغنى .. ها تجيب العربيه الفيت أمتى
محى : ان شاء الله الشهر الجاى عشان الجمعيه ها اكون قبضتها
حازم : انا بتخنق من جو الجمعيات دا مش عارف انتو بتستحملوه ازاى
محى : اهو ناويه بتلم علينا صحيح بنتزنق بس ربنا بيمشيها وبنعمل بيها حاجه .. يعنى لو ماكنتش ورد عملت الجمعيه دى ماكنتش افكر اشترى عربيه اصلا
حازم : ربنا يوسعها عليك ويرزقك يا حبيبى
محى خبط حازم على رجله : انا وانت والناس كلها يارب .. تفرج كدا على الكل .. وصل محى البيت وروح هو كمان
***************
حازم دخل البيت وسلم على أمه الا تقريبا مقيمه معااه بعد ما نور بقت فى الشهر التامن وواخده بالها منها كانها بنتها ..
نجيه : حمدالله على السلامه يا حبيبى
حازم : الله يسلمك يا أمى فين نونه مش شايفها بنتك خرجت وإلا إيه
نجيه بزعل : فى الاوضه مش عايزا تقوم ولا تاكل غلبت معاها نايمه خالص على نفسها على يا حازم ادخلها يا حبيبى انت لما بتبقى جمبها بتفوق
حازم مسك ايديها : طيب تعالي معايا
نجيه : لا ادخلها لوحدك فوقها كدا وهى فى حضنك
حازم ضحك : اه يا شقى حاضر يا ست الكل انا عنيه لنونه وبيعلى صوته .. انا ليا غير نونه ادلعها واخدها فى حضنى ودخل الاوضه فتح النور ورد الباب ونط جمبها على السرير ..
نور حطت ايديها على بطنها وبتلف بتقل وعيونها بتفتح براحه وبصوت مغشلق : حمدالله على السلامه يا زومى
حازم قرق خدودها ومدد رجله وساند بايده جمبها : الله يسلمك يا حبيبتى .. مزعله نجيه ليه ومش عايزا تاكلى
نور : مليش نفس ودماغى تقيله وبنتك مش مبطله ضرب يمين وشمال لما هرتنى دانا ها أكلها علقه لما تشرف
حازم رفع راسه وضحك بصوت عالى جدا : بلطجيه زى أمها ومد ايده اتعدلى اكليها لتخرج تاكلك
نور بتمسد على بطنها ورفعت صوتها : دى حبيبتى خالص مالص يا زومى وها احبها كتير وعمرى ما أمد ايدى عليها .. صح يا توتا يا عسل عدلت راسها لحازم .. عملت ايه فى شغلك الجديد
حازم : الحمد لله الامور ماشيه ومعروض علينا نسافر برا كمان 3 شهور
نور بزعل : اوعى تسيبنى وتسافر الحمد لله مش محتاجين فلوس .. انا محتجالك انت
حازم مسد على راسها : ربنا يسهل لما يجى وقتها لانى مش عايز اسافر عايز افضل جمبك انتى وأمى وتوتا ان شاء الله لما تشرف .. ممكن محى يسافر عشان ظروفه وربنا يباركله فى ولاده ان شاء الله كلها ايام ويشرفووو ومصاريفهم ها تبقى كتير وهو ما بيقبلش فلوس او مساعده منى ولا من غيرى
نور ابتسمت : واد جدع وورد اجدع منه ومستحمل منها بلاوى ربنا يوسع رزقه
حازم بغمزه : هو لوحده مستحمل
نور : الصراحه انا وسلوى جمب ورد والا بتعمله فى محى احنا كدا بلسم قومنى اصالح نجيه
حازم : لا استنى كنت عايزك فى موضوع مهم
نور اتعدلت وحازم ساعدها : خير قول
حازم : انا روحت لابوكى انهارده وبصراحه صعبان عليا قعدته لوحده مازن ما بيسبش نوجا خالص يا نور
نور بزعل : والله وانا كمان مدايقه عشانه واتحايلت عليه كتير يجى يقعد معايا مش راضى
حازم : انتى عارفه ان صعب عليه يبقى عنده املاكه وفلوسه وشغله دا كله ويجى يقعد عند بنته ها يحس انه تقيل
نور : اعمل ايه طيب معاه اوعى تقولى يتجوز تانى
حازم : دا الصح هو مش صغير ومحتاج حد جمبه وحرام تشيلى ذنبه
نور : لاء مش ها نعيده
حازم : مين قال اننا نعيده .. نوجا مناسبه جدا له على فكره والاتنين محتاجين بعض بس هى اكيد خايفه انك تكرهيها
نور دموعها نزلت : انت عايز نوجا تاخد مكان أمى دى اختها .. لو كنت هزرت فى الموضوع دا مش معناه انى موافقه
حازم : مين بتربى مازن دلوقت
نور بتاكيد : نوجا
حازم : مين وقفت جمبك ودايما بتصد ابوكى وشالت عنك كتير
نور : نوجا
حازم : يعنى هى مش طمعانه وبتحبكم مش ها تستغل ابوكى بالعكس ها تبقى سنده فى ايامه دى يا نور ومش حرام ولا عيب انها تبقى مكان امك بالعكس ... الحرام انك انتى الا ترفضى و المفروض تروحى لها وتزنى عليها توافق
نور : انا مش قادره اتخيل ابدا ان نوجا وبابا مع بعض
حازم ضم وشها : ارجوكى بطلى تفكرى فى الا فات اتفقنا ننسى ونعيش الا جاى زى ما ربنا مقدره ها ازعل قوى لو رفضتى والله انا حاسس ان نوجا عايزا ابوكى بس خايفه على زعلك
نور بتمسح دموعها وابتسمت : انت شايف كدا
حازم : اه وربنا
نور ضحكت : دى ها تطلع عنيه
حازم ضحك هو كمان : سيبيها خليها تأدبه
نور ضربته براحه : انا ابويا مؤدب
حازم بمكر : قوى انتى ها تقوليلى .. ها موافقه
نور : سيبنى أفكر
حازم : لا خلاص ضيعنا عمرنا فى التفكير ... انتى تتصلى على سلوى تقنعيها محدش بيقدر عليها غيرك ... ونروح لنوجا عشان توافق ونطلب حمدى ونكتب الكتاب ونلمهم
نور : حيلك حيلك .. هو سلق بيض
حازم ؛ هى مش ها تيجى غير كدا .. وضمها جااامد وبيهزها هزات خفيفه .. وافوقلك يا قمر انت والشقى الا جوا دا والا ايه
نور ابتسمت : ايه
حازم : ايه انتى امتى الهانم تشرف وتفضى بدال ما انتى عملالى حاجز بلونى فى النص بينا كدا ...
نور : هههههههه
حازم : بتصلى والا مكبره دماغك
نور : بصلى الحمد لله ما بسيبش فرض وكمان بدأت أحفظ سور صغيره كدا على قدى
حازم بتشجيع : جميل قوى ربنا
يباركلك ويزيدك
نور : يارب حازم هو انا شكلى حلو فى الحجاب والا بتضحك عليا
حازم : اقسم بالله قمر انتى كل حاجه بتعمليها بتبقى احلى واصغر من الاول واهمهم انك بطلتى سجاير
نور حطت ايديها على بطنها : انت عايزنى اضر بنتى واخليها تشوف أمها بالمنظر دا .. انا كل ما اشوف صورى القديمه استغرب وكانها مش انا .. لا شكلى ولا طبعى ولا حتى اخلاقى دلوقت .. مبسوطه ان نفسيتى هديت حصلى استقرار نفسى وشدته من لياقة قميصه وضحكت وبتقولها بدلع وعاتفى
حازم ابتسم : حلوه عاتفى .. كترى منه اصلك منشفها عليا وبعدين اتجوز
نور شهقت : دا انا كنت شربت من دمك .. خلاص ها اهريك عاتفى ههههه .. قومنى يا زومى
حازم نزل ومسكها وبيشدها وكانه بيشد حاجه تقيله : يا قوووى يارب .. يا مسهل هيله هووووب ونور سايحه على نفسها من الضحك خدها تحت دراعه وطلع لنجيه
نجيه : انا حطيت الاكل .. ياله أكلها بقى
نور قربت عليها وحضنتها : ربنا ما يحرمنى منك يا ماما
نجيه بابتسامه وفرحه أم : ولا منك يا نونه .. ياله يا حازم غير
حازم : هوا واكون عندكم ... اتلمو التلاته على سفره واحده بياكلو وبيهزرو مع بعض عيلتهم كبرت بنور وها تكبر اكتر لما تولد وتزيد فرد جديد والبيت يتملى عليهم وبعد الغدا قررو يروحو لنوجا يقنعوها بعد ما نور تكلم سلوى الاول ..
*************
سلوى بعد ما قفلت مع نور قاعده بتفكر وادايقت .. معقول مامتها وعمها حمدى ها يتقفل عليهم بابا واحد .. طيب هى قالت لنور بعد ما فضلت تقنعها كتير انها ها تفكر .. اتصلت على سيف تشوف رد فعله ممكن يوافق والا ها يدايقها بالكلام .. رنه والتانيه والتالته وسيف ما بيردش ... اخيرا رد عليها
سلوى : سيف عايزاك فى موضوع مهم
سيف بهمس : مش ها ينفع دلوقت انا دخلت الحمام عشان اكلمك لانى بحقق فى قضيه كبيره .. ها اخلص واكلمك .. سلام يا حبيبتى وقفل
سلوى نفخت جاامد وقعدت على السرير ورمت التليفون جمبها
سلوى : انت على طول مش فاضيلى أمتى تفضالى بقى .. انا ها انزل لماما ساميه اقولها محدش بيسمعنى غيرها ونزلت تحت وقصت لساميه كل حاجه
ساميه : وماله يا سلوى ايه يزعلك مش انتى بقى ليكى بيتك وجوزك من حقها يا بنتى بعد العمر دا كله يبقى لها بيت وجوز هى كمان
ساميه : والناس يا طنط ها يقولو ايه
ساميه مسكت ايديها : سيبك من الناس فى شرع ربنا وحلاله ما ينفعش نسمع او نستنى هما يقولو ايه .. كلامهم دايما بيرجعنا لورا
سلوى : مش عارفه انا محتاره وخايفه سيف يعايرنى
ساميه شهقت : ابدا .. ابدا .. الراجل الا يخاف ربنا عمره ما يعايرك ابدا بحاجه لا هى حرام ولا عيب اوعى تخافى وياريت توافق وتروحى تقنعيها وتباركى لها بنفسك .. يعنى نور الا وضعها اصعب منك امها وخالتها موافقه وبتقنعك تقنعيها .. والله البنت دى بتكبر فى نظرى اكتر وأكتر
سلوى بخنقه : انا مش ها اقدر اتحمل حاجه زى كدا
ساميه : لو بتحبى أمك ها تتحملى لو لقدر الله حصل لها حاجه وهى لوحدها ها تتحملى ساعتها
سلوى بخضه : ابدا ما اقدرش ربنا يخليهلى
ساميه : يبقى توافقى عشان تلاقى حد جمبها يوم ما تقلقى عليها تلاقى الا يطمنك ما تبقيش انانيه الراجل بيتجوز بدال الواحده ألف وانتووو بتحرمو على أمهاتكم شرع ربنا وبتستكترو انهم يعيشو بأبسط الحقوق بعد ما كبرتك وجوزتك لا رمتك لحد يربيكى ولا اتخلت عنك بالعكس
سلوى عيطت : يا طنط انا نفسى اشوفها سعيده ومبسوطه والله بس صعب قوى بعد العمر دا كله ادخل البيت الاقى واحد معاها غير ابويا احساس مش حلو
ساميه : دا مش ها يبقى واحد .. دا ها يبقى جوزها مع الوقت ها تتعودى وتحسى انه طبيعى .. ان شاء الله انتى قربتى تولدى ها تتلهى ببنوتك وجوزك والتزامتك ومش ها تلاقى وقت تفكرى فيها اصلا وها تقصرى فى حقها
سلوى : المفروض هى تبقى جمبى وتربى احفادها مش تتجوز
ساميه : ها تروحى تقعدى معاها انتى وسيف والا هى الا ها تيجى تقعد معاكى هنا
سلوى هزت راسها بنفى .. لاء وبتشاور على نفسها انا اروح اقعد عندها اذا كان سيف بيخلينى اروح عندها لوحدى بالعافيه وساعات كتير ما بيوافقش غير لما يكون معايا .. وهى لايمكن تيجى تقعد هنا اخرها يوم واحد وتطلع تجرى وتقولى الضيف الخفيف رزق يا بنتى والضيف التقيل كوبه
ساميه ضحكت بصوت عالى : والله مامتك دى عسل حتى الامثال لها تراث كدا لوحدها
سلوى ابتسمت : انا مفيش زى مامتى .. بحبها قوى يا طنط ساميه قوى
ساميه ضمتها : وهى كمان بتحبك وعشان تثبتى حبك لها وافقى وروحى اقنعيها وعدلتها وماسكها من كاتفها .. تمام
سلوى بحيره : طيب لما يجى سيف عشان اعرف رأيه
سلوى : انا متاكده ان سيف ها يقنعك ان شاء الله .. عملتى الغدا
سلوى بابتسامه : ايوا
ساميه : طيب اطلعى ياله غيرى هدومك وجهزى نفسك زمان سيف راجع قومى
سلوى قامت وبصا لساميه باصة رضا : شكرا يا طنط انك ما دايقتنيش ولا اديقتى من كلامى بالعكس ريحتينى شويه كنت خايفه تبصلى بنظره مش حلوه
ساميه : ابدا ابدا .. اوعى تقولى كدا انا قولتك انا أمك ماعنديش بنات وانتى بنتى وواجبى انصحك وأقف جمبك عشان تصلحى مفاهيم غلط حرام نحلل الحرام ونحرم الحلال حتى لو مش ها نبين دا
سلوى قربت باست خدودها وطلعت على فوق لحظات وحست بالباب وهو بيفتح فى ظل افكارها وكلام نور وكلام ساميه .. قربت من سيف وهى بالها مشغول وباين على وشها القلق
سيف : مفيش استقبال كل يوم والا ايه اااااه ضعت يا سيف والله كنت مشغول جدا
سلوى : هاااا
سيف ضم حواجبه وبمكر عايزا تتغدى عند نوجا انهارده ايه رايك
سلوى قلبها دق بعنف شديد ... نوجا
سيف : مالك كدا مش عجبانى دانتى بتستنى اقولك ياله نروح لنوجا
سلوى : سيف عمو حمدى عايز يتجوز ماما تخيل
سيف بيتصنع المفاجأه : ازى دا يحصل دا تهريج
سلوى بخوف : والله انا قولت كدا
سيف : دى كبرت عيب والله .. وهو كبر يتلمو بقى من شغل المراهقين دا
سلوى عيطت : انا مش موافقه بس خايفه عليها طنط نجيه راحت قعدت مع نور وحازم .. ومازن يوم عندها وعشره مع عمو حمدى وهى مش موافقه تيجى تقعد هنا
سيف بعصبيه : قومى البسى انا لازم اروحك لها انا كنت غلطان من الاول فى الجوازه دى ياله معنى كلامك انك موافقه يا ابله
سلوى بصدمه باصه لسيف : انت بتقول ايه انا مقولتش كدا وعيطت اكتر ... سيف بصوت عالى إكتمى مش كل حاجه زن .. ايه يعنى ما كل الا فى سنها لوحدهم وفى ناس بتموت ومحدش بيعرف عنهم حاجه الدنيا اتهدت خلاص دا نصيبهم وشد سلوى قومى البسى خلصى
سلوى بانهيار : لاء ما تسيبنيش والله مليش ذنب وكمان هى امى وملهاش ذنب
سيف رفع ايده بتهديد واضح وصريح : ها احلف بالطلاق لو وقبل ما يكمل سلوى حطت ايديها على بوئه .. ما تكملش حاضر ها أعمل الا أنت عايزه .. حاضر وقامت دخلت الاوضه ولبست بصعوبه وحالتها تصعب على أى حد ... سيف مسكها ونزل على طول من غير ما يغير او ياكل وراح لنوجا .. نوجا اول ما فتحت الباب شهقت وضربت على صدرها
سيف مسك سلوى من ايديها : اتفضلى على جوا .. وسلوى بعياط دخلت وسيف وراها
نوجا : تعالا هنا .. انت عامل ايه فى بنتى
سيف قفل الباب ودخل ورا سلوى الصاله وتجاهل كلام نوجا .. ونوجا دخلت وراه بشر ..
نوجا : من الادب لما اكلمك يا حضرت الظابط ترد عليا يا إبن الاصول يا محترم ..
سيف شاور على نفسه : عشان أنا إبن اصول جتلك بيها لا مديت ايدى ولا شتمت ولا أى حاجه دى بنتك اهه عندك انا مش عايزها
سلوى بعياط وشنهفه : ليه عايز تسيبنى انا عايزاك انا مقدرش اعيش من غيرك
نوجا : انت عايز تجننى هى عملتلك ايه عشان تعمل فيها كدا دا بنتى على نيتها وما يخرجش منها العيبه حرام عليك بطنها قدامها عايزا تموتها
سيف : مش انتى عايزا تتجوزى عشان ما تعشيش لوحدك خليها بقى تسليكى تسيب بيتها وحياتها وجوزها عشان أمها ورفع ايده جوازك قدام طلقها وضرب على ايده هااا يا نوجا
نوجا اتخنقت : انا قولت انى عايزا اتجوز .. ثم كمان جوازى دا يخصك انت فى ايه وانت مالك انت يا سيف
سلوى عيطت جااامد واترمت فى حضنها : ارجوكى يا ماما ما تهديش بيتى انا بحبه ومش ها اقدر اعيش من غيره
سيف مط شفايفه : انتى حره انتى وأمك
نوجا مسدت عليها وباست خدودها وضمتها قووووى : ماعاش ولا كان الا يحرمك من حاجه بتحبيها يا بنتى لو طلبو عيونى ها اخلعهم عشانك من غير ما اتردد .. وضحكت جواز ايه وكلام فارغ ايه انتى والا فى بطنك وبتمشى ايديها على بطنها بالدنيااا عندى .. تخيلى كدا ربنا رزقنى ببنات زى العسل انتى واخواتك نور وورد وكمان ولد ... مازن حبيبى واحفادكم الا ها يملو عليا الدنيا جواز ايه بقى وبصت لسيف الا بتتكلم عنه
سيف اتنهد براحه : يبقى احنا كدا حبايب معلش لازم النقط تتحط فوق الحروف
نوجا : صحيح لازم النقط تتحط فوق الحروف انا طول الفتره الا فاتت بعاملك على انك ابنى بس تعمل فى بنتى كدا فى حاجه لا تخصك ولا ليك الحق تتكلم فيه يبقى لاء وألف لاء حتى لو كنت مين .. يابنى الا بيستقوى على الضعيف مش راجل وماحبش اشوفك فى وضع زى دا فى عيونى من أمتى كنت كدا وليه
*********************
إلي هنا ينتهي الفصل الخامس والأربعون من رواية شرسة ولكن بقلم لولو طارق
تابع من هنا: جميع فصول رواية شرسة ولكن بقلم لولو طارق
تابع من هنا: جميع فصول رواية شرسة ولكن بقلم لولو طارق
تابع أيضاً: جميع فصول رواية آدم ولانا بقلم امونه
تابعوا صفحتنا على الفيس بوك للمزيد من روايات حب
إرسال تعليق
يسعدنا تلقي اقتراحاتك أو تعليقك هنا