قصص رومانسية جريئة ممنوع دخول الأطفال

مرحباً بكم أصدقائي وأحبابي عاشقي القراءة والقصص مع رواية اجتماعية جديدة للكاتبة لولو طارق التي سبق أن قدمنا لها العديد من القصص والروايات الجميلة علي موقعنا قصص 26 و موعدنا اليوم مع الفصل التاسع والأربعون من  رواية شرسة ولكن بقلم لولو طارق. 

رواية شرسة ولكن بقلم لولو طارق - الفصل التاسع والأربعون

اقرأ أيضا: روايات غرام

رواية شرسة ولكن بقلم لولو طارق

رواية شرسة ولكن بقلم لولو طارق - الفصل التاسع والأربعون 

أميره : يا ماما كفايه عند حرام عليكى متجوز وخلف وربنا رزقه بتلت اولاد مره واحده دا بدال ما تقفى جمبه انتى وبابا
فوزيه : منا بكلمه وبيتى مفتوح له عايز ايه تانى هى مش ها تدخل هنا .. انا بتعاير بيها يا أميره من عمامكم وأولادهم وإلا الشامته الا شايفها فى عيون ساليفى .. اسكتى ما تقلبيش عليااا المواجع انا وابوكى مبقناش نروح عند حد بسبب كتر الكلام عليه
أميره : ادام انتى مصممه تحرمى نفسك من احفادك وتكسرى فرحة ابنك عشان القرايب والجيران انا مش ها اتخلى عن اخويا أكتر من كدا اخر مره كلمنى كانت كمية مراره انكووو وانا اتخلينا عنه ومهما يعمل مفيش فايده كانت رهيبه بجد صعبان عليا اتذل بزياده منكم و مراته طلعت كويسه وبتحبه وهو كمان وفاهمه وبتتعلم ايه تانى بقى .. ما تتكلم يا بابا مش كفايه كدا سامحتوه يبقى تسامحوه بجد
محمود : والله يا بنتى نفسى اشوف ولاده واشيلهم طول عمرى بحلم باليوم دا بس اخوكى غلط قوى فى حق نفسه وحقنا
فوزيه عيطت : وانا كمان نفسى اشيل ولاده بس لو انتى موجوده وسامعه يا ست أميره كميه الكلام الا باخده انا وابوكى بسببه وإلا التلقيح ما كنتيش قولتى كدا ولا كان هو عمل كدا اصلا وسد باب جابلنا الهم والقرف
أميره قامت وقفت : إظاهر ان مفيش فايده أنا راحه لاخويا أباركله وابارك لمراته وادخل بيته الا مشفتوش لحد دلوقت مش ها استنى لحد ما اسمع انه جراله حاجه من كتر الزعل ..وسابتهم ونزلت وسابت اولادها ... بعد وقت وصلت قدام العماره وبتقدم رجل وتأخر التانيه من كتر الخوف والإحراج .. طلعت على السلم وأم سهير فاتحه الباب تسمع صوت الخناقه الا بين ورد ومحى .. واول ما اميره قابلتها على السلم وقفتها ..
أم سهير : راحه فين يا حبيبتى
أميره : طالعه لأخويا محى وورد مراته
أم سهير بتلوى شفايفها وبتهز ايديها : دا ماسكين فى بعض من الصبح وشكله بيضربها والدنيا مقلوبه عنده ... وطت صوتها بينها بتخونه المنيله
أميره بصت لها بقرف : ايه يا ست أنتى الا بتقوليه دا .. وسعى كدا و زقتها وطلعت على فوق قلبها وقع فى رجلها من الخضه .. رنت الجرس وسيف فتح واقف قدامها ثابت فاكرها من الجيران
سيف : مين أنتى
أميره : مش دى شقه محى
سيف : ايوا
أميره بقلق : انا أخته
سيف شاور : اتفضلى
حازم بصوت عالى : أقعد وإهدى قبل ما تقول كلمه تندم عليها طول عمرك انت فى رقبتك اربعه مراتك وولادك.. وورد واقفه بصاله وبتعيط بتدعى من قلبها ما يبعهاش لان كل كلمه بتقولها من ورا قلبها كرامتها وجعتها مش أكتر ... أميره دخلت جرى وبتوتر قربت على ورد حطت ايديها على كتفها : مالك يا ورد
ورد كأنها ما صدقت تلاقى صدر تترمى عليه خلاص ما بقتش قادره ... اترمت فى حضن أميره بضعف وعيطت بقهرر رهيييب
أميره ضمتها : مالك فى ايه .. فى ايه يا محى
محى قام وقف وبعصبيه اول مره أخته تشوفها : فى انكوووو كلكو ضغطو عليااا لما انفجرت خلاص ...روحى بلغى أمك وابوكى وطمنيهم وقوليلهم انى خلاص ها اطلقها عشان يرتاحووو بس انا مش ها اجرى ورا حد تانى ومش ها اسأل فى حد .. وبيبص لورد وانتى ها تخرجى لوحدك زى ما دخلتى لوحدك
ورد علت صوتها : بتريد تحرمنى من أولادى ليش كل هالجحود هاااد .. والله ما بتركهم غير ميته هادول صغار يا جلبى عليهم حتى أنت والله ما بجدر ابعد عنك يا محى بس انت وجعتنى كتير راح تضل تعايرنى طول العمر متل أهلك انا ما بستحج بكرا بتعرف انى اشتريتك بالغالى وانت بتبعنى بالرخيص هلا
محى : ملكيش دعوه فاهمه واه ها اعايرك وها ابيعك .. روحى شوفى حياتك واخوكى وفلوسك وانسينا انا وولادى دول وبيشاور على ولاده ولادى انا وبس وانا إلا ها أربيهم بجنيه يا ورد ها اربيهم بعشره ها اربيهم من عرق جبينى لا يلزمنى منك ولا منكم وبيشاور على أخته حاجه
اميره : فى ايه لدا كله
سيف : انت خلاص فقدت عقلك ... قوم معايا ننزل انا وانت وحازم كفايه فرجة الناس عليك وعلى مراتك على الاقل تخف الضغط إلا جواك دا شويه
محى : مش نازل وولادى ها اخدهم وارميها برا ... وبجنون رايح على ولاده سيف شاله ودخل بيه الاوضه وبعلو صوته لحازم خد ورد والولاد ووديها شقة نوجا ..
أميره عيطت من منظر اخوها والحاله النفسيه الصعبه الا دخل فيها ومش عارفه ايه فتح جرحه على الأخر كدا .. وبتحاول تساعد ورد وتفمهم منها بس ورد مش أقل منه .. حازم خدها وروح على بيته هوووو وراح جاب نور واتفاجئت بورد لان سيف وحازم ماعرفوش حد فيهم سابهم ونزل رجع لمحى تانى
************
نور : مالها ورد يا ماما فيها ايه
نجيه : ماعرفش والله يا بنتى علمى علمك
نور قايمه وراحه لورد الاوضه هى ونجيه.. بتسمى بالله ودخلت على ورد .. لقتها نايمه ومكموشه فى نفسها قعدت جمبها وماسكه بطنها وبتطبط عليها : ورد .. وردتى .. انتى يابنتى
ورد بعياط : ما اريد اتكلم هالحين يا نور الله يخليكى اتركينى لحالى
نور : اتعدلى كدا بلا اسيبك بلا كلام فاااضى .. وشدتها قومتها .. تعالى برا وسيبى العيال نايمه .. وطلعت معاها .. ونجيه عملت لمون لهم .. وقعدو معاهم .. ورد استجمعت قوتها وبتحكى كل الا حصل من الألف للياء ..
نور بصدمه : وليه تخبى وتوصلى الامور بينك وبين محى للطريق دا ضربتها فى كتفها بايديها .. تخليه يشك فيكى يا غبيه
ورد بصوت طالع بالعافيه : والله خيى ما رضى جولتله كتير وحاولت اجول لمحى اخاف من ردة فعله هاى
نور رفعت كتافها وبعصبيه : ليه دا الواد مرمطون بمعنى الكلمه ايه يثبت انه بيحبك تااانى انتى مالك ومال أهله لا هما قاعدين معاكى ولا قارفينك فى عيشتك يبقى عايز ايه تانى واخوكى دا مش يحمد ربنا انك رجعتى وان حصل الا حصل عشان تعرفى أهلك وترجعى لحياتك
نجيه : والله يا بنتى انتى غلطانه واخوكى دا كمان غلطان والمفروض كنتى عذرتى جوزك وما سيبتيش بيتك واتمسكتى بيه
ورد عيطت جااامد : محى صار يعايرنى ويجول ان اهله صار عندهم حق وما بيريد يعيش معى وبيكفى انه شك فينى بيتاكد وبيعمل شو ما بده انما هيك حرام والله زعلت مو من حجى ازعل
نور : انتى غلطانه هو بيحلفك ليه المفروض يشكر محى مش يحلفك ما تقوليش حاجه .. اتجوزك وهو مش عارف انتى مين وخسر اهله يبقى لا من حقك ولا حقه يعمل كدا اول واحد يعرف عنك كل حاجه محى مش حد تانى .. انتى عارفه يا ورد انى بقول للغلطان انت غلطان فى وشه
ورد : والله كل ما راح اجوله ما بجدر .. خيي عنده حج اهله ما اتجبلونى وبعد ما بيعرفو مين أنا راح يرحبوو فينى
نور : ناس غاويه مظاهر ودا المهم عندهم عااادى وبتلف ايديها على بعض جارى أمورك يتقبلوكى عشان انتى ورد البدويه والا عشان ورد هانم مش فارقه المهم محى الدنيا عايزا الناصح الا يجاريها ... محى ها ترجعيه ازاى بعد ما اتجنن كدا
نجيه : ان شاء الله يرجع والامور تهدى .. وبصت لنور بلاش تتعصبى وانتى كفايه نكد ها تشربو عيالكم لبن نكد يعملهم مغص حرام عليكووو ..
ورد ميلت على نور وعيطت : والله بحبه كتير وما بقدر ابعد عنه هيك هالحين بدأت أحس باليتم خيتى .. هو كل شى بدنيتى بس جرحنى راح يطلجنى واهون عليه .. بالسهوله هاى راح يسيبنى
نجيه طبطت عليها : الواحد ما بيتعلمش ببلاش يا بنتى اهو الا حصل حصل ان شاء الله يهدى ويجى ياخدك واعذريه ساعة الغضب وحشه عشان انتى غلطتى فا له عذره غير كدا يبقى لازم حد يوقفه عند حده انما هو يا حبيبى متحمل فوق طاقته وكويس انه خرج الا جووواه .. اتقى شر الحليم اذا غضب يا بنتى قومى غسلى وشك قووومى .. وورد قامت .. نجيه بصت لنور .. بطلى تاكلى فى نفسك وتاخدى كل حاجه على اعصابك فاهمه
نور : حاضر يا ماما .. هو تليفونى فين نجيه جابته لانه كان معاها فى الشنطه وادته لنور
نور اتصلت على حازم ورد عليها : ايه الاخبار محى عامل ايه دلوقت
حازم بزعل : حاله يصعب على الكافر الواد كان شايل جووواه بلاااوى .. اخته استلمت مكان ورد ونازل فيها بيطلع كل الا جووواه.. تخيلى كانو بيطرده ويبهدلو كل مره يروح فيها لهم ويفضل واقف قدام الباب زى العيال الصغيره يخبط عليهم وما يفتحوش له .. وورد كانت قاعده سامعة المكالمه ..
نور اتنهدت : ما تسيبهوش يا حازم سيبه يخرج كل الا جووواه هما زودوها قوووى كإنه عيل صغير طول الوقت بيعاقبوه على ايه مش عارفه
حازم : سيف قرب يكتفه من شدة العصبيه الا هو فيها خايف يجراله حاجه
نور : حاول بس تهديه من ناحية ورد واقوله انها ماعندهاش خبره وعلى نياتها ويبطل جنان ها يدمر الدنياا فى لحظه ليه وعشان ايه
حازم : بنحاول انا وسيف و الله وهى عرفيها غلطها وما تركبش دماغها عشان هى الا غلطانه من الاول والمفروض تيجى تصلح الا عملته
نور : تمام .. ياله سلام
******
سيف : مدام أميره ارجوكى اسمعى الكلام وسيبيه دلوقت عشان هو مش ها يسكت
اميره بتهز راسها وبعياط هيستيرى : مش ها اسيبه وأمشى انا ها أفضل جمبه وحضنت راس محى وبتبوسها : حقك عليااا يا اخويا انا غلطانه والله المفروض كنت فضلت جمبك انا اسفه يا محى ومسكت ايده ولسا ها تبوسها محى شدها وعيط وحضنها قوووى
محى : انا تعبان قوووى يا اميره قوووى الدنيا عماله تظلمنى وتلطش فيا بتدوس عليا بكل الا بحبهم
أميره مسكت وشه بين ايديها : معلش يا محى أنت حمال الأسيه يا حبيبى طول عمرك بتتحمل ليه المره دى
محى بخنقه : عشان دى ورد يا أميره .. اتحملت معايااا كل حاجه والله لما بكلمها من كتر ما انا حاسس اننا واحد كإنى بكلم نفسى لايمكن ورد تكون ما بتثقش فيااا ازاى وليه
سيف : انت عارف انها بتثق فيك وبتحبك وماتعرفش ولا تقدر تستغنى عنك .. هى غلطت عشان هى طيبه يا محى وخافت فى نفس الوقت .. اعذرها صعب بعد العمر دا كله تكتشف بعد المرمطه والنوم فى الصحرا انها من عيله كبيره ولها دنيا غير الدنيااا .. وبردو ابوك وأمك ضغطو عليها بزياده
أميره بتمسح دموعها : ايوا يا محى ضغطووو قوى والله يا حبيبى جت لبابا وماما اكتر من مره قبل ما تولد وتبوس راسهم وايديهم عشانك وعشان الحزن الا هى شايفه فى عيونك وهما طردوها انا متاكده انها مقالتلكش حاجه كانت بتتصل تستنجد بيااا بس انت عارف مفيش فى ايدى حاجه وباحراج حتى انا كنت بكسفها
محى بصلها وعيونه من العصبيه والعياط حمرا : أمتى الكلام دا
أميره : قبل ما تولد بأسبوعين ووطت راسها .. ماقدروش بطنها الا قدامها للاسف كلام الناس مأثر عليهم قوووى .. ربنا يهديهم .. ورد بتحبك وصعب تبعدها بالطريقه المهينه دى زى ما انت بتستحمل هى كمان بتستحمل
محى وطى راسه بين ايديها وبهدوء عكس ما كان عليه : سيبونى انا عايز انام
حازم : مش ها نسيبك قوم البس وتعالا تمشى شويه
محى : مش قادر جسمى كله بيوجعنى .. قومى يا أميره روحى لعيالك ومتقوليش حاجه لبابا وماما ..
اميره : بس
محى : ما بسش ريحونى مره زى ما طول العمر انا مريحكم .. حازم وسيف معايا ما تقلقيش
سيف : اسمعى كلامه .. احنا مش ها نسيبه ما تقلقيش عليه
اميره سمعت الكلام ومشيت وسيف وحازم فضلو معاه ..
سيف قلع هدومه ولبس شورت بس من عند محى ودخل المطبخ عمل يانسون لمحى وداخل على الاوضه وحازم اول ما شافه ضحك بصوت عالى وهو شايل الصنيه وعريان من فوق لدرجه ان محى بص عليه من كتر الفضول ..
سيف ضحك : فى ايه يلا اول مره تشوف واحد قاعد براحته وبص لمحى الا ضحك وسط كل الا هو فيه .. ابو شكلك يا جدع جاى تغضب انهارده مراتى والده يا ولاد ال... بنوته انما ايه قمرايه مش كان زمانى واخدها فى حضنى
حازم ماسك الشورت : والا مراته بتولد بيحصل فيه كدا ياعينى ..
سيف اداله بالرجل ودخل لمحى الا اتعدل نص عدله ..
سيف : معاك خدامتك الجديده سوكا هاما لابوتشى من الواء الواء
محى : ههههههه
سيف قرصه من خده : ايوا كدا اضحك جاتك نيله مش لايق عليك الهم دا حتى انت القسم الفرفوش
حازم بيعمل حركه كانه بيشمر : لا سيبلى انا بقى الطالعه دى ونط على محى وبيقرصه من خدوده جااامد
محى بوجع : اااه ابعد يالا خدودى ها تطلع فى ايدك
حازم : منا مراتى والده انا كمان اشمعنا هووو اخد حقى يا جدع
سيف : خد اشرب بيهدى التيران الا زيك مش عارف انااا ما صدقت تطلع الا جواك عيل اسود من جوا....
محى كشر وشه وحازم فرد جسمه جمب محى .. سيف اتعدل واداله فى بطنه .. اتنيل قوم انت التانى شوف ورد عامله أكل والا ها نطلب أكل من برا انا ميت من الجوع ..
حازم : ما شوفتش ليه وانت بتعمل الينسون يا سوكا هاما لابوتشى
سيف بضحكه : امى قالتلى ما تمديش ايدك على اكل غيرك
حازم : وعايز تاكل ليه بقى
سيف : بوئى إلا ها ياكل مش اناااا
اشرب كدا وفوقلى اصل ليك قاعده بس براحتناااا
حازم قام وبيشوف فعلا لقى أكل معمول .. سخنه وغرف فى اطباق .. وطلعو محى برا وأكله بالعافيه معاهم
محى : يابنى انا واكل قبل ما انزل
سيف : كل تانى عشان ما يبقاش اتحرمت من حاجه .. خلصو أكل وحازم عمل قهوه وقعدو التلاته مع بعض .. وسلوى ما بطلتش اتصال بعت لها رساله وقالها ان محى وورد فى مشكله بينهم ومش ها ينفع اجى او ارد دلوقت ..
حازم بعد ما غير وقاعد براحته هو كمان ..
سيف : كنت فاكرك أعقل من كدا
حازم خبط على ايده : وانا كمان وربنا اتحسد
محى بيطلع سجاره يشربها .. وبينفخ الدخان وهو باصص لفوق : احساس زى الزفت وانت داخل على مراتك تلاقيها بتكلم واحد وتقوله انت وحشتنى انا ما حستش انا بعمل اصلا ربنا ما يكتبها على حد
حازم خبطه على رجله : يارب .. بس ورد لا دى اخلاقها ولا طبعها يابنى
محى بزعل : عارف بس الوضع كله كان غريب قوووى والا وجعنى انها تخبى عليا طول الفتره دى كلها .. حسيت انى مليش قيمه جالها قلب
سيف : هى قالتلك انها راحت لامك وابوك
محى ابتسم بوجع : لاء
سيف : يبقى مش محتاجه كلام .. هى مش ها تخبى عشان مش واثقه فيك هى خايفه عليك بدليل انها قبلت الاهانه على نفسها مره واتنين وتلاته فى وقت هى محتاجه الا يقف جمبها ويساعدها
محى : دى حاجه ودى حاجه
سيف : بص لها من زاويه تانيه الا تخاف على زعل جوزها ونفسها ترضيه بأى شكل يبقى عيب تفكر فيها تفكير مش تمام ... وما تزعلش منى انت جواك الضغط دا كله وهما أهلك تخيل هى .. لها حق يبقى نفسها فى عيله على الاقل ترد ربع الا بيعملوه اهلك فيك وفيها
محى : انا مش مخليها محتاجه لحد ..
حازم : ولو يا محى .. مفيش بنى ادم بيتعرض لدا كله ويبقى انسان طبيعى وعادى من جووواه اديها عذر والله العظيم يوم ولادتها صعبت عليا جدا .. بينى وبين نفسى قولت يعنى لو كانت امك او اختك جمبها ما كانتش اتعرضت للبهدله دى
محى وكانه يوم الولاده مر قدام عيونه وهى بتتوجع من قبلها وكل ما يدخل عليها فى مكان يلاقيها بتعيط اول ما تشوفه تمسح دموعه وتتصنع الضحكه .. اتصل على أمه اترجاها وكان الرد الصادم له .. بت بتاعت جبال وصحارى ها تولد ها يجرالها ايه يعنى لو فى الشارع ها تولد .. وعشان تنهى الكلام معاااه ها اشوف واجيلك اترجاها تانى .. وردت قالت ما انت لو كنت متجوز واحده عندها اهل وأصل كان زمانها اهلها بيخدموها ويخدموك دلوقت .. وقفلت .. اتنهد بوجع اكبر وغمض عيونه
حازم : يا محى انا عارف انك متحمل كتير بس الغلط متوزع على الكل اوعى تحملها الليله لوحدها يبقى حرام وظلم .. دى ام عيالك
سيف : حازم عنده حق .. انت لازم تعرفها غلطها انما تضربها وتهنها وتعايرها كمان فرقت ايه عن تفكير أمك وابوك
محى : والله ما كان قصدى اعايرها ابدا فعلا ساعة الغضب ممكن تقول كلام وتعمل حاجات عكس الا جواك ودى كانت لحظه وحشه قوى فى حياتى
سيف : الحمد لله انها عدت على خيرررر .. قوم هاتها ولم على بيتك
محى هز راسه : ما ينفعش بجد شايل منها .. دى مش واثقه فيااا لمجرد الفلوس نسيت انا بعمل ايه عشانها
حازم : حاسب يا جدع قالتلك اخوها اجبرها وحلفها وحاولت كذا مره تقولك وخافت
محى : لاء لايمكن مش طبع ورد الخوف
سيف : طيب اهدى انهارده لحد ما اخوها يرجع ونعرف ايه الحكايه بالظبط
محى : ياخى كل ما تقولو اخوها اتعصب واحس انى عايز أهرش
حازم بجدبه مزيفه : جربان يعنى
سيف : ههههههه بيعمل حركة المدمنين .. عايز ابطله خرجه من دماغى
محى وحازم : هههههه
محى : والله جسمى بيفور لما بيجى سيرته .. وفجأه كدا ها ابقى جوز المليونيره عشان انا الا اتعاير وتقولى فلوسى .. وبعد كدا تقولى انا الا عملتك
سيف : اخرج برا بيتى يا كلب
كلهم : 😂😂
سيف : ما تتهد بقى انت بتفكر فى كل حاجه فى وقت واحد قوم يا عم نام وريح دماغك بكرا ان شاء الله مش بعيد ..
حازم : ايوا وانت قوم روح عشان مراتك كفايه عليك كدا وانا ها انام معاه واخد على نومه المنيل الا شبه وشه
سيف : هههههه .. خلاص انا فعلا لازم اقوووم عشان سلوى بقت اخلاقها وحشه قووى ومش مضمونه وممكن تيجو تحوشو عنى قريب انا كمان
حازم : ياله يابنى الله يكون فى عونا وربنا .. وسيف دخل غير ونزل بعد ما اطمن على محى .. اول ما وصل ودخل على سلوى لقاها نايمه قعد جمبها براحه وبيبوس راسها لفت ايديها ومسكت ايده ابتسم وبيشد ايده براحه مسكت فيها اكتر .. شد اكتر وبصوت هامس : لا بقى انتى ولدتى ملكيش حجه وربنا والا دى توابع الولاده ها تبقى مصيبه
سلوى فتحت عيونها وبكلمه واحده بس استقبلته : وحشتنى
سيف قعد تانى جمبها وقرب براسه على خدودها باسها بوسه طويله
سيف : وانتى كمان حاسس انى بقالى كتير ما شوفتكيش .. حمدالله على سلامتك وبهمس بيمشى ايده على وش بنته .. هى نايمه من أمتى
سلوى حطت راسها على ايده : من زمان
سيف : دراعى دا ماعنتش حاسس بيه خدل ارحمى امه
سلوى : هههههه واتعدلت مالها ورد ومحى قلقتنى عليهم
سيف : انتى ها تستهبلى ولا فى دماغك وبيزق راسهت اصلا كلها مهلبيه جوا انا جاى وانتى فى سابع نومه وامك وامى صوت رغيهم وضحكهم جايب اخر الشارع وانتى ولا انتى هنا
سلوى : نمت من تعبى بنتك زنونه قووى
سيف : طالعه لامها بتزن 24 ساعه فى ودنى
سلوى : ههههه قولى بقى
سيف : ممكن مش دلوقت عشان تعبان وعايز انام .. بس هو سوء تفاهم صغير ماااشى .. وقام خد شاور ولبس شورت ونام جمبها ولسا ها يغمض عيونه ايات عيطت
سيف ااتعدل : طيب انا اقوم بكرامتى انام فى اوضه االاطفال ولما الاطفال تكبر ارجع انا اوضة الكبااار .. تليفونه رن ورد بسرعه .. ايوا يا فندم استدعى حاضر ها البس وأجى حالا سلام .. ورفع ايده روحى الهى تتشكى يا سلوى لا فى كبار ولا صغار خلينى كدا خلينى كدا زى النحله اروح لهم مش نايم من تلت تيام وابو دارع مش ابووو آيات
سلوى : معلش يا سيوفتى روح اعتذر وتعالى نام
سيف : أعتذر .. قصدك روح اتنفخ دا ها يشيلونى شغل الداخليه كله بعد اليومين وبتريقه الا شفتهم رفاهيه فى حياتى كنت بولد مكانك ياشيخه
سلوى : 😂😂😂 سورى يا حبيبى لام نتقاسم كل حاجه فى حياتنا عشان تبقى مشتركه
سيف : حبكت اقاسمك فى الولاده .. طيب الرضاعه ها نعمل فيها ايه بقى معلش انا ها احيب مرضعه ومسك دماغها هزها جااامد نفسى اعرف دى ناويه على ايه تانى وسابها وهى بتضحك ولبس وخلص خالص .. قرب على عليها باسها .. وباس بنته .. ونزل على طول بعد ما شرب مج كبير قهوه ..
**********
نور : بطلى زن انتى الا غلطانه ولازم يا أم كرامه تلمى هدومك وتطلبى الطلاق
نجيه : سبحان مغير الاحوال مين بيتكلم عن الطلاق انتى
نور ضحكت : ايوا انااا .. بذمتك يا نجنج انا بطلبه وقت زعل ماهو له وقته بردو .. اجى الاقى جوزى شايط واقوله طلقنى يقولى روحى ومانتيش راجعه تانى وانولهالو .. لاء اصبر الاقيه بيضحك كدا ومزقطط اقوله طلقنى يشربنى لمون واهدى وهو يهدى عشان ما يبقاش خبط لازق وبصت لورد والا ايه يا مجنونه
ورد : اهئ اهئ .. كان يجولى اجتلك وما طلجك ما تروحى لحد غيرى وابتسمت بيغير على يا نور والله احبه كتير
نور : والله اتخنقت منك ومنه هو عايز يطلق والا يقتل
نجيه : ههههههه ربنا ما يكتب عليها لا دا ولا دا .. كلميه يا بنتى اتصلى عليه ها يفرح ويهدى شويه
نور : لا اتقلووو كدا تكلمه ايه احنا نجيبه على ملى وشه ما بتشوفيش البنات يا خايبه بتعمل ايه على الفيس بتدخل العنايه المركزه على طول وهو بياخد حزمة برسيم ويروح لها يجعرو مع بعض طو الليل
ورد : وانا بروح المركزه كيف دولوجت
نور : انتى المركزه تجيلك لحد عندك ومسكت ايديها فى حركه سريعه وعضت صباعها جامد
ورد اتنفضت من مكانها : اااه ايش هاد اتسرعتى يا خيتى
نجيه ضحكت بصوت عالى ومسكت بطنها ونور كملت ضحك .. استنى خليكى زى ما انتى وقامت دخلت جابت علبة الاساعافات وحطت على صباعها بتادين ولفته بشاش كتير قوى زى الهرم وكبت عليه بتادين تانى ..
نجيه : يابت بطلى جنان
نور : وربنا لازم اندمه هالمحى ... ارفعى صباعك يا بت وصورته كذا صوره وباعتتهم لحازم
حازم باستفسار : ايه دا يا نور
نور بعتتله ايموجى بيعيط : ورد كانت ها تنتحر ولحقتها على اخر لحظه بتقولى ما بقدر اعيش فى هاى الدنيا بدون هالمحى
حازم : بردو ما مفهمتش ايه المخلوق الا انتى مصواره دا
نور : الله ما تفهم يا حازم صوباعها لحقته قبل ما تدبحه وتخلص على نفسها
حازم : ههههههههه
نور : انت بتضحك واحنا هنا بنعيط لما عيونا ورمت
حازم : طيب اعمل ايه
نور : وريه لمحى شوف هو وصلها لايه حرام دا والا حلال يعنى
حازم : حاضر .. وجاب المحادثه والصوره وبيوريها لمحى وحازم مش مبطل ضحك ومحى ضحك على ضحكه ..
حازم : وربنا بتحبك وها تجنن ونور ها اتجنن ابونا لو مرجعتوش لبعض
محى : هى كملت يوووم غضبانه فيه دا لمت الدولاب ومشيت
حازم : انت بتحسبها بالايام .. لا كدا كتير ابتدت بصباعها الله اعلم ها تنتهى على ايه
محى : تنتهى زى ما تنتهى بقى .. نور بعتتله على الواتس تانى .. ها قالك ايه وحازم قالها الا محى قاله ..
نور : يعنى اديها بالسكينه فى وشها اجبها نصين عشان قلبه يرق وربنا اجيلكم ما تجننيش
حازم : ههههههه اهدى طيب انا ها اهديه واخليه يكلمها
نور : بسرعه قبل ما تدخل العنايه المركزه والموضوع يكبر وتدعور او تتكعور مننا 😂😂
حازم جاتله هستريه ضحك ومحى بيضحك على ضحكه .. كتب ماشى وقفل ...
كله راح نااام ماعدا واحد استلموه فى الشغل وخد نبطشيه طول الليل وملفات قضايا اد كدا قدام مكتبه .. وورد بتلوم نفسها ومحى وكل واحد فيهم بيفكر فى عذر للتانى ..
خلص اليوم على خير وسلام .. وتانى يوووم اخر النهار جرس الباب بتاع محى رن وفتح بنفسه اتفاجئ بنادر فعلا نفذ كلامه ورجع وبدون اى مقدمات محى كور ايده وضربه ضربه جااامده فى وشه ... بس يا ترى ها يبرر بايه الا عمله نادر وليه

*********************

إلي هنا ينتهي الفصل التاسع والأربعون من رواية شرسة ولكن بقلم لولو طارق
تابع من هنا: جميع فصول رواية شرسة ولكن بقلم لولو طارق

تابع أيضاً: جميع فصول رواية آدم ولانا بقلم امونه

تابعوا صفحتنا على الفيس بوك للمزيد من روايات حب

حمل تطبيق قصص وروايات عربية من جوجل بلاي
اقرأ أيضا: رواية من أجلك فقط بقلم لولو الصياد