مرحباً بكم أصدقائي وأحبابي عاشقي القراءة والقصص مع رواية اجتماعية جديدة للكاتبة لولو طارق التي سبق أن قدمنا لها العديد من القصص والروايات الجميلة علي موقعنا قصص 26 و موعدنا اليوم مع الفصل الخمسون من رواية شرسة ولكن بقلم لولو طارق.
رواية شرسة ولكن بقلم لولو طارق - الفصل الخمسون
اقرأ أيضا: روايات غرام
 |
| رواية شرسة ولكن بقلم لولو طارق |
رواية شرسة ولكن بقلم لولو طارق - الفصل الخمسون
محى : سيبنى يا حازم لازم اربيه راجع يهد بيتى ويشكك مراتى فيااا يخليها عايشه معايا ودماغها فى حته تانيه
نادر دخل وقفل الباب وبيمسح الدم الا نزل من شفايفه وبيبص لمحى بغيظ : انت لو انسان عندك عقل ها تفهم الاول وبعدين تتكلم
محى بعصبيه : ها أفهم ايه الكلام الفارغ الا اختك قالته وضحك بتريقه قال اختك قال
نادر بنفس العصبيه : اختى غصب عنك وعن أى حد عايز تتاكد بمعرفتك ماعنديش مانع ولعلمك الا ها يلمس شعره واحده منها انا مش ها ارحمه انت لسا ما تعرفنيش كل علاقتك بيا سطحيه انا كان ممكن اوديكووو فى داهيه بعد الا عملتوه باشاره من صباعى .. بس لما شوفت ورد نسيت كل حاجه واتاكدت ان ربنا عمل كدا عشان ترجع لمكانها الصح .. وبحذرك يا محى ما تخلنيش اتهور عليك
محى : عرفنى او اتهور .. استنى كدا اصلى بخاااف ياماما .. مجنون انت والا فى حاجه فى مخك انا ما بخافش غير من الا خلقنى
حازم : دى مش طريقه انت وهووو .. ولا دا حل
نادر : فين ورد .. وما بتردش عليا ليه من امبارح ... بينادى يا ورد .. ورد
محى ضحك : تصدق انا مش ها اطلقها عندك فيك وها اسيبها زى البيت الوقف
نادر : كنت عارف انك ها تستندل معاها فى اول مشكله تقابلكم وهى طول الوقت واثقه فيك ثقه عمياااء .. بس كويس ان دا حصل
محى فلت من حازم ونط على نادر وبيضربه بعنف ونادر بيبادله الضرب .. وحازم بيحاول يفرق بينهم فين وفين على ما عرف يبعدهم عن بعض ..
محى : اطلع برا مش عايز اشوف وشك
نادر قعد : مش طالع دا بيت اختى ولو ها تعند وتفضل قافل مخك انت الا هاتطلع برا
حازم : نادر كفايه استفزاز
نادر : قوله هوو .. شايف طريقته واسلوبه من ساعة ما وصلت معايا عامله ازاى انا لو كنت حبيته... حبيته من كلام أختى عليه
حازم : له عذره ما تفضلش تستفزه أكتر من كدا الجرس رن .. ومحى قام جرى فاكر انها ورد .. اتفاجئ بأمه وابوووه .. هو واقف ساكت وهما واقفين ساكتين او محرجين
محمود : ندخل والا نمشى
محى نزل راسه وشاور على جوا : اتفضلو .. ودخل بص لنادر .. ممكن نتكلم وقت تانى
نادر بص لابوه وأمه : ليه عشان ابوك وأمك
محى بصوت عالى وقرب من نادر : ما تعصبنيش عليك اكتر من كدا وتقطع الا باقى بينا وتحوله لكره وغل
عبدالله : مين دا يا محى وعايز ايه
محى بص لابوه وامه : مع احترامى ليكووو مش موضوعكم خالص ما تشغلوش بالكم عشان هو ماشى
فوزيه : ياله يا عبدالله اظاهر انننا جينا فى وقت مش مناسب
محى : يا ماما ارجوكى كفايه اتفضلى محدش دايقك
حازم : جماعه اهدو شويه انتو كلكو مالكم كدا .. تعالا يا محى وشده ودخل البلكونه بيه
محى : اطلع غوار الواد دا مش طايقه
حازم : اسلوبك وحش قوى يا محى المفروض تسمعه امال احنا مستنينه ليه من امبارح
محى بنااار قايده جووواه : مش طايقه بمعنى الكلمه وخلانى مش طايق ورد اكتر
حازم : استغفر ربنا
محى : استغفر الله العلى العظيم
حازم : اطلع واتمالك نفسك عشان امك وابوك .. شكلهم عرفوو وجاين عشان كدا
محى : انا ها اتجنن يا حازم .. جاين بعد ما خربت وذلو البت معايااا هى دى عيلتى ابويا وامى عمرهم ماكانو كدا .. انا مش عارف ممكن اقول لهم ايه ولو جاين يشجعونى اسيبها مش عارف ها يبقى رد فعلى ايه
حازم : ولا تقول ولا تعيد مهما عملووو ابوك وأمك هما خط احمر ما تشوف ابو نور ربنا هداه ازاى وهى مهما عمل فيها او عمل فى غيرها كانت تقف قدام التخين وتقوله ابويا لاء ... بينك وبينهم قول وعاتب وبالاصول بردو
لا تقلل من ابوك وأمك ولا نادر لانه فعلا أخو ورد دا الا باقى لها من عيلتها يوم ما ترجعلك وانت بتعامل اخوها كدا ها تكره اهلك وتعاملهم بالمثل بعد ما كانت بتتمنى رضاهم ومش بعيد تكرهك ...
محى : ومين قال انى ها ارجعها خلاص ورد انتهت بالنسبه ليااا
حازم بص فى عيونه : بجد من قلبك وولادك ها يهونو عليك بيتك الا تعبت فيه ها تهده بالسهوله دى ها تصدمنى فيك لو مع اول مشكله تقابلك معاها تهد البيت على الا فيه وخبط على كتفه ياله يا حبيبى واستهدى بالله ما تسيبش نادر بمجرد ما يخرج من هنااا ها يفكر ويعيد حسابته تاانى ومش ها اتعرف تتلايم عليه .. انما دلوقتى مش ها يعرف يلف ولا يدور عليك
محى : وأمى وابويا
حازم : شوف امك وابوك واستأذن منهم ... وهاته هنااا واتكلم معاااه
عبدالله دخل عليهم : صاحبك ماشى
حازم طلع جرى .. ووراه محى
محى مسكه من ايده : هات شنطتك تعالا جوا فى البلكونه عشان نتكلم شويه .. وخده ودخل جوا .. وحازم قعد مع عبدالله وفوزيه بعد ما محى استأذنهم
محى قعد وشبك ايده : سامعك قول عايز تقول ايه
نادر اتعدل فى قعدته : انت اتجوزت ورد ليه
محى : ها نبتدى الأستظراف بس ها اجاوبك .. عشان بحبها والا ماكنتش أهلى قاطعونى
نادر : تقوم تعمل الا انت عملته دا .. الحب مش كلام .. ورد غلطت فى نظرك بس اشترتك بكل الا معاها ودا اللى خلانى اصمم انى اكمل فى إلا بعمله
محى ببرود : ايه بقى الا بتعمله
نادر : قبل ما اقولك .. انا تعمدت ما تعرفش دلوقت عشان ورد نفسها ما تستغلش الفلوس وتعتمد على نفسها فى إثابت ذاتها .. كانت بتوجعنى لما تقولى ان ابوك وامك طردوها وتعيط وتقولى تعالا قولهم انى من عيله كبيره وعندى فلوس كتير عشان يرضو عنى وعن محى دا تفكيرها بعد ما كل الابواب اتسدت فى وشها .. تفتكر ها يبقى عندها حافز تتعلم او تثبت نفسها لو ماكنش فى ضغط عليها والكل بيعمل لها الف حساب وها يتمنى رضاها
محى ضحك : انت محسسنى انها عدت الفلنكات زى ما بيقولو وكل شئ تحت رجليها أمرا وطاعا يا مولاتى العزيزه
نادر رفع حاجبه : انت بتتريق .. أكيد لما يبقى عندها فلوس كتير ماشاء الله ما تعدش يبقى عدت ... فاكر لما قولتلك انى رايح اقعد فى الدقى فى شقتنا ..
محى : فاكر
نادر : الشقه دى عامله اتنين مليون ولسا لها قدهم فى حق البيت نفسه ودا صفر على الشمال من فلوس ورد والشقه دى بالذات كانت هدية أمى لها من كتر حبها فيها .. ورد بتمتلك شركه هندسيه وشركة مقاولات كبيره جدا برااا مصر انا طول السنين دى بكبرها مع املاكى لما خليت لها اسم دا اصل ابونا وشغله وانا خدت نفس طريقه غير ارضها الا فى البلد والدهب الا معايااا و4 اطقم الماظ .. مش ها اقعد أعدلك عشان كتيرر قوى والسيوله الا فى البنك اد تمن الاملاك .. فا غصب عنى لما اختبرك واشوف اخر أهلك وأحفز اختى مش عيب ... يا حبيبى بعد ما عملت إعلان وراثه
محى ضحك باستهزاء كمان عملت اعلان وراثه دانا نايم على ودنى بقى
نادر : انا نزلت مخصوص واجبرتها تروح دا حقها يا محى كفايه المرمطه وبعدها عننا اختى انا عندى استعداد اديها عينى ..لما تعرفنا عن قرب ها تفهم انت كل الا انت فيه دا استغراب للموقف مش أكتر وعلى فكره انا ماكنتش ها اعرف كل حاجه بخصوص أملاك ورد
محى نفخ بزهق واتخنق
نادر افهم يا محى ورد غنيه جدا مش قوليله زى ما أنت متخيل
محى : لو عندها أد دا عشر مرات ولا يهمنى .. اختك عندك يا نادر خدها بفلوسها لو هى فكرت زيك كدا ما تلزمنيش انا عندى ورد الغلبانه بنت الصحرا احسن من ورد الا ها تفكر وتتكلم بالفلوس
نادر طلع ملف : خد يا محى اقرى كدا العقد دا .. تخيل بعد ما اسلمها كل شئ يخص املاكها عن طريق المحامى بتاعى الا هنااا .. تكتبلك الشركه الهندسيه بأسمك و تعملك توكيل انت وبيخبطه على صدره مش انااا بمباشرة كل املاكها وتبقى انت المسئول عن كل حاجه تخصها وقالتلى الا اشترانى وانا بغلبى اشتريه بكل غنايا .. بالله عليك بعد ما عملت دا كله مش عايزنى اعمل الا عملته تعب ابويا وشقى عمره وورث أمى وانا كملت من بعدهم دى مش حاجه سهله انى افرط فيهم لواحد انا ماعرفوش .. صحيح الحمد لله عندى اد الا عندها مرتين ودا ما يمنعش انى أطمن على أختى انت كبرت فى نظرى بسببها هى
محى بص فى العقد ومكشر وحاسس بمراره فى زوره مسك العقود والتوكيل فعلا رمت كل فلوسها وحياتها الجديده بين ايديه قطعهم كلهم ونادر ساكت ما بيعملش رد فعل .. محى .. خلاص
نادر وقف : خلاص انا مش ها استعطفك ولا ها اتحايل عليك ترجع لورد لان هى دلوقتى اثبت حسن نيتها وحبها ليك وعشان الا بيشترى عمره ما يبيع ابدا ..خبطه على صدره عندها فيك ثقه غريبه الكوره فى ملعبك انت دلوقت .. شال شنطته بعد اذنك اختى ها تبقى معايا تكمل حياتها بشكل جديد بالظبط قدامى 15 يوم وارجع تانى بس صدقنى لو عملت ايه عشان ترجعلك وانت ما قدمتش خطوه عشان ترجعها لحضنك لايمكن اسيبها فى البلد هنااا ها تسافر ومش ها تشوفها تااانى .. ومع الكلمه دى محى حس بوجع فى صدره وجوا قلبه .. وفى اللحظه الا غمض عيونه فيها نادر خرج على طول
************
ورد قاعده فى قلق رهيب بينهش فيها تليفونها رن وكانت سلوى وردت بسرعه : ايه سلوتى .. حمدالله بسلامتك يا جلبى والله فرحتلك كتير
سلوى برقتها : الله يسلمك يا ورد .. والله زعلت لما سيف قالى ان فى سوء تفاهم بينك وبين محى
ورد اتخنقت وعيطت : ايه محى جدر يبعد عنى ادعى إيلى مشتاجله كتيررر والله
سلوى بزعل : ربنا يهدى الامور يا حبيبتى وعيطت ما تعيطيش يا ورد انا زعلت عشانك والله .. انا ها اخلى سيف يرجعه
ورد افتكرت منظر محى وسيف شايله : الله وحده هو بيجدر يرجعه .. محى اتبدل خيتى بحدا تانى الله بيكون بعونه وعونى ويجرب هالجلب الطيب إيلى بطيبته لجلبى يا إلا حبه كتير
سلوى : يارب يا وردتى يارب طيب ليه حصل كدا
ورد : عرفت هلا انى غلطتت بحجه والله هاد الدنيا يا إلا فتحت دراعها وضمتنى وفلتت منها بحسن نيه ما بقصد شى .. وبدأت تحكى لها كل الا حصل ..
سلوى اتنهدت جااامد : كفايه يا ورد الا حصل حصل بطلى عياط .. سيف دايما يقولى ما تفكريش فى الا راح وتقلبى فى إلا بيدايقك وفكرى تصلحى الا جاى .. انتى اقرب واحده لمحى وعارفه ايه ممكن يرجعه ويرجع ثقته فيكى تانى اولادك عاملين ايه
ورد بزعل : اتوحشووو ابوهم ما بيبطلو يجلبو المكان بعيونهم مافى محى يا إلا بيلعب معاهم وبيملى كل هالدنيا ضحك والله ضحتكه بتهون على تعبهم هاد .. الله بيحلها من عنده
سلوى : بصى يا ورد انتى تلبسى وتسيبي الاولاد وتعملى رضعتهم وتروحى لمحى وإغريه
ورد بتفكير : إغريه بإيش يعنى
سلوى : اى حاجه حلوه كدا البسيها تحت العبايه واول ما تدخلى افتحى العبايه مره واحده
ورد : وأفجر حالى فيه وبنخلص ايش تجولى انتى
سلوى : 😂😂😂 طيب اتسهوكى
ورد : كيف بردك
سلوى رقتت صوتها خالص : صوتك يبقى كدا وعيونك فى الارض واول ما تبصى لجوزك حبيبك بربشي بعيونك
ورد : افرفش عيونى كيف والله معيطه وحالى وحال منتفخين كيف البيضه المسلوجه
سلوى : ههههه لاء بربشى يعنى خلى رموشك تتحرك بسرعه
ورد : مابعرف سلوتى عم برق انا رموشى لزجت بحواجبينى فوق وما راضيه تنزل هلا راح احول هيك
سلوى : 😂😂😂😂 انتى اخبطيه فى راسه يمكن يفقد الذاكره وينسى الا حصل أحسلك
ورد : يعنى لو خبطه راح ينسى جد سلوتى
سلوى فضلت تضحك : لاء اوعى تعملى كدا .. انا بهزر .. اتشاقى يا ورد ورجعى جوزك هو بيحبك وانتى كمان واكيد عارفه ايه بيبسطه
ورد : والله يحب الاكل كتيررر وهاد مروان يجولى ابنى هاد مجطع السمكه وديلها
سلوى : خلاص محلوله أكله حلوه و روحيلو بس سيبى مروان اوعى تاخديه .. وظبطى الدنيا الا خربت دى ما تسيبيش الموضوع يكبر
ورد : راح اجوم هلاااا وبروح لهالمحى ياله سلوتى راح اصالح محى واجى اباركلك وبشوف عروستنا الجديده أنا وياااه
سلوى : ربنا معاكى ومنتظراكى انتى ومحى يا وردتى ياله باااى .. وقفلت وورد دخلت لنور الاوضه وبصوتها كله نور خيتى
نور : فى ايه يا ورد حصل حاجه
ورد بضحكه : ايه راح اصالح محى بطريجتى عندك جميص جديد
نور ضمت حواجبها : الدولاب مليان عندك كله جديد بالتكيت نقى الا انتى عايزاه وخوديه .. بس ها تعملى ايه
ورد كإنها نمر ها يهجم على فريسه وبتقرب على نور وبتتكلم بصوت هامس ومبرقه عيونها : راااح البس هاد الجميص واول ما هالمحى بيفتحلى باب الشجه راح أطير العبايه هيك وعلت صوته مره واحده وبتنطر ايديها فى الهوا وبهجم عليه ما بديله فرصه يفلفص منى
نور اتعدلت وقاعده على روكبها وبتعيط عياط مصطنع : الله يرحمك يا محى .. كنت طيب وغلبان .. انتى راحه تاكليه وتخلصى عليه والا تصالحيه وعلت صوتها مجنونه يا ورد
ورد : هيك قالت سلوتى وافرفشلو بعيونى وباخد اكله حلوووه من شان بأكله او زغطه ما بتفرج
نور : روحى الهى تتشكى يا سلوى فى لسانك يابنت خالتى انتى وورد .. يابنتى اتعاملى معاه بشخصيتك انتى وبطريقتك انتى لا الرجاله زى بعض ولا الستات
ورد كشرت : مابعرف غير الوكل هو يحبه كتير
نور : خوديلووو أكل لو مصممه تروحى وانا مع إنك تروحى تصالحيه انتى الا غلطانه اخوكى جه
ورد : اتصل عليا كتير وما رديت
نور : تمام روحى بقى ادام بيتصل يبقى هنااا فا قبل ما يعك الدنيا استفردى بمحى يمكن الامور تتحل ما تتأخريش يا ورد عشان ولادك تك تريك وتبقى هنا
ورد : حاضر اخد جميص والا مو مهم
نور : براحتك
ورد : ما باخد هادا عيب واستحى
نور بتعلى صوتها : وما استحتيش وانتى جيبالى تلاته فى بطن واحده ياختى دا جوزك .. جوزك
ورد : ليش انتى عصبيه هيك ما راح اعمل شى غير بشجتى عيب والله البس هون واروح كيف يعنى ما حلوه بحجى انا فكرت بيها لا مو نافع هيك
نور : عندك حق بحب دماغك بس كانت فين وانتى هبله وطينتى الدنيا
ورد : ما بنتعلم بلاش خيتى .. وبعد وقت بسيط كانت جهزت نفسها ونزلت ..
************
محى بيدعك راسه بعد ما نادر نزل وحازم عشان ما يحرجهمش بص لابوه وأمه وقعد قدامهم وبيتكلم برسميه : تشربو ايه
عبدالله : بتكلمنا كدا ليه
محى : عشان كان نفسى تيجووو وصحبة البيت دا موجوده طول الوقت بتحايل عليكووو وانتو مش عارف جبتووو كمية الجحود دى عليا منين مش كنا اتصالحنا ودخلتو بيتى وبص لأمه ايه حصل تانى
فوزيه : طول الوقت بنتعاير بمراتك وبا إلا عملته يا محى اعصابنا تعبت وتلفت يابنى بيتنا مفتوح ليك بس بقى صعب نتقبلها
محى اتنهد : طيب انتو جاين ليه عشان مشيت
عبدالله : لاء اختك من امبارح بتعيط وانهارده حكت الا حصل بعد ما اتحيلنا عليها خوفنا عليك مش من حقنا
محى : ازاى حقكو طبعا طيب مش من حقكو تشوفو ولادى هاااا اتنهدو باحراج وسكتو .. ها يا ماما والا إيه رأيك يا بابا طول العمر بسمع منكم امتى نشوف ولادك امتى وفرد ايده اهو ولادى شرفووو بس انتووو إلا اتخليتو عنهم ومافكرتوش حتى تباركولى بوجود ولادى ... ماما بصيلى انا خلاص مش زعلان ومش ها اعاتب ولا اتحايل تانى الا أنتو شايفينه إعملوه إلا يريحكم إعملوه
فوزيه عيطت وعبدالله مسد على ضهرها وبص لمحى : قلبك قوى علينا قوووى
محى ودموعه متحجره جوا عيونه : ما اقدرش والله انا اشيلكم فوق راسى بس تعبت كل بنى ادم له طاقه وانا خلاص طاقتى خلصت اعذرونى بيتى اتهد .. واتهد معاه كل الا بحلم بيه واول حاجه ممكن افكر فيها انى اخد ولادى واسافر من هنااا اصلا لانى مليش مكان بينكم كلكم .. انا غلطت مع الكل واتساهلت بزياده ودى النتيجه
عبدالله : عايز مراتك انا عندى استعداد ارجعها وماشوفكش كدا يابنى انت عندك حق فى كل كلمه ها نصلح الا احنا كسرناه
فوزيه : ايوا انا مش ها اسمع كلمه لحد تانى مفيش اغلى منك انت وأختك فى حياتى ليه أهد بيتى وافرق ولادى عشان كلام الناااس
محى ضحك بمرار : ودا عشان ورد طلعت بنت عيله وأصل ماهو اكيد اميره حكتلكو
عبدالله بص لفوزيه باستغراب وبصو لمحى الاتنين فى نفس واحد : والله مانعرف حاجه ولا أميره جابت سيرة الموضوع دا عيلة ايه
محى رفع حاجبه : بجد والله
فوزيه : انت بتكدبنا يا محى كمان للدرجه دى ماعندكش ثقه فينا
محى هز راسه : لا بتاكد اصلى ما بقتش متاكد من اى حاجه حواليااا
عبدالله : طيب يا محى انت زعلان وواخد على خاطرك واحنا ها نصلح كل الا عملاناه بطريقتنا ومش عايزين نعرف مين ورد ولا يلزمنا دلوقت يابنى .. وقام وقف خد فوزيه ونزل .. الشقه فضيت مره واحده ومحى واقف فى النص بيلف كإنه تايه حياته بقت شبه الصحرا... طول النهار شمس حررر بتسخن كل حاجه تخليها قايده نااار فوران فوران بيدور عل مكان ضل مش لاقى .. وباليل برد جدا محتاج الدفى والحضن الا بيدفيك من لسعات برد الليالى بس خلاص بردو مفيش .. يبص هنا مكان ولاده ما بتنيهم ورد وزنهم وقعدته على الارض قدامهم وابتسامتهم وضحكه إلا مالى المكان وورد الا مليه الدنيا بصوتها وكلامها ومشاركه ضحكته ومرار الحياااه . كله أختفى غمض عيونه ودموعه بتنزل .. وسمع صوت المفتاح ... معقول هى ورد رجعت .. بس ازاى ترجع ازاى ها اتقبل ورد الجديده والمختلفه عنى فى لحظه حس انها فعلا غريبه عنه .. مش مهم المهم ترجع لاء صعب فضل بحرب مع نفسه لحد ما لقاها واقفه قدامه
ورد بتوتر : ماراح ترحب فينى .. شوف يا محى جبتلك اكلات بتحبها كتير .. تعى معى وبتشده وهو مستسلم بيبصلها بنظرات مختلفه حطت الأكل على السفره وبصتله .. كيفك يا محى شو بيك يا جلبى والله كإنك عجزت من إمبارح لهلا .. كل الهموم بيك
محى : ايه جابك مش قولتى عايزا تطلقى وخدتى حاجتك وولادك ومشيتى
ورد كشرت : زعلت ما مصدجه انك تفكر فينى هيك كل هاد من ورا جلبى انا ما بجدر على بعدك .. غلطتت بتسامحنى وبسامحك
محى بثبات : مين جابك
ورد ضحكت : ايجيت لوحدى شفت كيف انا شطوره .. ركبت تاااكسى هااى وجولتله بريد اروح المظليات
محى حاول يكتم الابتسامه لسا بتغلط فى الاسامى : اااه وهو قالك ايه
ورد بتتهز يمين وشمال : جالى تعى راح اوديكى المظليات
محى نسى نفسه : انتى ازاى تتظليتى لوحدك افردى توهتى وسكت وبصلها وهى فهمته قربت منه واتكلمت بتلقائيه ..
ورد : كان بودى اتظليت معك ما بروح مكان بدونك غلطتت وبريد تضمنى ايلك
محى : بتروحى يا ورد وبتخبى عليااا روحتى لأمى و ابويااا وسمحتى لنفسك تفتحى البيت لواحد غريب وانا مش موجود ايوا من غير ما تعرفى انه اخوكى فتحتى الباب ودخل وقعد .. سنه كامله وانا مغفل بحكيلك النفس الا بتنفسه وانتى جبروت للدرجه دى انا مفهمتكيش وسايبك تعملى ما بدالك
ورد وطت راسها وعيطت : لاااه يا محى انت بكل وجت جدام عيونى وبجلبى وما بعمل شى يغضب الله ما كنت حبا هاى اللحظه والله وكتير جولت لخي بيكفى ماراح خبى شى عليك كان بيصر علي .. ما بيرضى شو بعمل .. بثق فيك وبحبك كتير وبرمى حالى ومالى بين ايديك هاى ومسكت ايده حطتها على خدودها وغمضت عيونها .. بيكفى يا محى
محى مسك ايديها وقعدها وحست بالأمل وقعد قدامها وهو لسا ماسك ايديها : ورد اسمعينى وافهمينى مهما كان غلطك خلاص انا سامحتك بس صعب ارجع محى الا تعرفيه تانى بعد ما كل حاجه اتكسرت جوايااا من الكل .. انتى بقيتى حاجه وانا حاجه والله بحاول مع نفسى مش قادر مش ها اتحمل تتغيرى عشان فلوسك وحياتك لسا ها تتكلم سكتها .. لاء ها تتغيرى صدقينى لما تعيشى وتحسى بالفرق بينا ها تتغيرى وتشوفينى صغير مش محى الا صعب تتحركى من غيره و لانى لا ها أمسك مالك و لا ها أسمحلك تعيشى فى شقه تانيه او مكان تانى غير دى وتآكلى من اكلى انااا وتتمرمطى معايا ودا ما يرضيش ربنااا ساعتها ها تشوفى انى بحرمك من حقك وبحرم ولادك الا طبعااا فكرتى بدال الفكره الف عشان تعيشيهم فى مستوى كبير ومناسب لوضعك الجديد
ورد : ليش الجسوه وليش نرفض نعمه من الله والله ما بتغير
محى : انتى اتغيرتى اصلا وبعدتى عنى .. ورد خلاص انسينى او إتأقلمى على عيشتك الجديده وولادى محدش غيرى ها يربيهم عشان نبقى متفقين مش حابب يبقى فى خناق ونزاع عليهم
ورد حطت ايديها على صدرها وعيطت من قلبها : هالحين انا العجبه(العقبه)يا إلا بحياتك اخترت كل شى إلا ورد هاى جيمتى عندك
محى : بكرا تعرفى ان كان عندى حق انا تعبان زيك وأكتر منك بس نتعب دلوقت احسن ما تبقى حياتنا كلها تعب وولادنا تكبر على العقد
ورد بتمسح دموعها بعصبيه ووقفت : ماراح اترك ولادى لحدا انانى متلك والله جهرتنى بكلامك هاى جهرتنى الله بيسامحك كل شى بتهده بلمح البصر بالأذن يا محى انا ما بيهمنى الفلوس وما بتلزمنى بدونك ودون اولادى بس ما برضى تحرمنى كل شى من شان انت بتفكر بهيك طريجه الثقه لو مو نابعه من الجلب بتتجلب على صاحبها من نعمه لنقمه وتأرق عيشته بالاذن وسابته ونزلت على طول .. راحت خدت ولادها وحاجتها وقالت لنور انها راجعه بيتها واختفت تماما ... ايام بتعدى على الكل كلها شبه بعض وخصوصا نااادر الا موقفه اتكرر بألم مرتين لما كانت صغيره .. ولما كبرت .. الشباب أجلت العقيقه لاولادهم ونوجا بهدلت الدنيا لما عرفت كل حاجه وبهدلت نادر ومحى وأجلت الجواز تانى ..
*********
نادر قاعد فى شقة الدقى مكتئب جدا ودقنه طويله وبيصلى وبس خلص وبص على صور ورد وامه وابوه فى البوم كبير ورجع بالزمن لورا يوم ما ورد أختفت من حياتهم ..
فلاااش باك
**********
نادر ماشى وماسك ورد وأمه وابوه ماشين قدامهم بعد ما ركنو عربيتهم وبيكلمها وبيهزر معاها لانها كان عندها مشكله فى الكلام ما تعرفش تقول غير أسمها وبس
ورد : أطه ( قطه) .. أطه
نادر بفرحه : انتى قولتى ايه يا ورد .. ماما .. ماما بابا .. ورد بتقول قطه بتعرف تقول
ابوه امه وقفو فى الطريق وبفرحه : بجد يا نادر هى فين .. نادر بيلف يشوف اخته الا كانت فى ايده حالا مفيش حد على الطريق طلع يجرى يبص من الشارع الجانبى مفيش وابوه وأمه كل واحد جرى فى ناحيه اختفت ملهاش أثر ...
أمها بصريخ قعدت على الارض وبعلو صوتها : بنتى وررررررررد ... بنتى الحقونى يا ناس .. والناس اتلمت حواليهم وجوزها جرى لمكان ونادر فى مكان ..
نادر بيجرى وبينادى بعلوو صوته فى كل مكان : ورد .. يا ورد يمين شمال مفيش اصبحو من ناس عاقله لناس مجنونه بتصرخ بقهر فى كل حته نادر رجع لمكانه لقى ابوه شايل أمه وبيجرى بيها وهو فى لحظه الدنيا وقفت بيه .. فين اخته اللى كانت لسا فى ايده حالا دنيتهم ها تبقى شكلها ايه من غيرها ما بيضحكوووش غير فى وجودها برغم عدم كلامها إلا إنها مرحه جدا لاقصى الحدود بحركاتها وهامستها ... ايام بتمر عليهم وها يتجننو من إلا حصل امه انفصلت عن العالم كله وانعزلت بعد ما فقدت الأمل متكومه فى الاوضه وعيونها على صوره لورد متعلقه على الحيطه لا بتاكل ولا بتتكلم ولا بتشرب .. عايشه على المحاليل
نادر دخل عليها وفى ايده صنيه أكل : ماما ارجوكى كلى اى حاجه وكلمينى .. ماما انا بقيت وحيد انتى معزوله هنا وبابا على طول برا بيدور على ورد .. ارجوكى كولى أى حاجه وعيط ووطى على رجلها وهى نايمه نص نومه انا السبب فى دا كله ياريتنى ما سيبتها انتى اكيد ما بتحبنيش دلوقتى وبيبوس رجلها سامحينى بس لا حياة لمن تنادى ... سمع الباب بيتفتح وابوه دخل البيت جرى على برا وبعياط ... انت ها تسيب ماما كدا
ابوه خس النص تقريبا وعجز مره واحده : أعمل ايه وعيط مفيش فى ايدى حاجه لله الأمر من قبل ومن بعد .. لله الأمرمن قبل ومن بعد
نادر بصريخ : انا السبب يا بابا لازم اموت عشان انا السبب ابوه قام حضنه جااامد ونادر يعيط وابوه يعيط ... لا يا حبيبى دا قدر ربنا اوعى تلوم نفسك ملناش غير ربنا هو عالم بينا قادر يرجعها ... مرت الايام والسنين شبه بعض وادهورت حالتهم الصحيه والنفسيه تماما
نادر داخل المكتب على ابوه : بابا مش ها تخرج تقعد معايا
ابوه بيشيل النضاره من على عيونه : تعالا يا نادر عايزك . ونادر قعد قدامه .. طلع ملف كبير .. دا أمانه فى رقبتك يوم ما ترجع ورد
نادر : ورد
ابوه : ايوا ها ترجع ان شاء الله وياعالم ها نشوفها والا لاء ... امك اتنازلت عن الشقه دى لها وباقى البيت يدخل ضمن الميراث الشرعى ليك ولها وانا كتبتلها الارض الا فى البلد كلها بأسمها .. باقى الميراث ليك ولها شرعى بردو علبة الدهب كلها بتاعتها .. دا حقها فى سنين عمرها الا خسرتها وضاعت منها وهى مش فى حضننا وعيط يارب ما يكون جرالها حاجه وترجع يا ترى عايشه ازاى بتاكل والا لاء هى مع مين وبيعملو فيها اايه دلوقت ... ااااه يابنى نار قايده مش عايزا تهدى ... ان شاء الله ها ترجع ولو رجعت و جرالنا حاجه وملحقناش نشوفها قبرنا موجود تيجى تزورنا امانه فى رقبتك قولها كل اسبوع عشان نشبع منها
نادر قام من قدامه والدموع بتجرى مش بتنزل دخل اوضته وفضل يعيط اصبح انسان مهزوز وطول الوقت حاسس بالذنب .. عدى وقت كبير ما بيحسبوش ايام ولا سنين مابقتش فارقه ونادر خسر أغلى اتنين عنده واصبح وحيد عايش فى الدوامه دى لوحده وعقدة الذنب وبس
***********
باااااك
نادر حس بنغزه شديده فى صدره ولاول مره جرس بابهم يرن من سنين طويله قام بتعب وبيتسند على الحيطه على أمل يشوف ورد من تانى .. اتفاجئ بمحى سند عليه وهو بيقول الأااااه بالعافيه .. محى بخضه سنده ودخله جوا .. فضل يدعك صدره ويهوى عليه فين وفين على ما خد نفسه
محى : عامل ايه دلوقت
نادر بتعب : الحمد لله
محى بص لنادر بانكسار : مفيش أخبار
نادر هز راسه وعيط : لاء حتى البدو ما يعرفوش عنها حاجه .. هى غاويه تختفى من حياتنا وتتعبنا ابتسم وسط دموعه كانت بتحبك قوووى قالتلى كلمتين فى التليفون قبل ما تقفله الحياه بدن هالمحى ما بتسوى لو اعرف كدا ماكنتش ضغط عليها رمتلى العقود والفلوس فى شنطه بلاستك عند المحامى وكأنها بتقولى اشربهم مليش مكان بينكم
محى دفس راسه بين ايديه وبينفخ ولأول مره يتكلم براحته مع نادر : الدنيا من غيرها ومن غير ولادى ولا تسوى بردو هى أدبتنى ببعدها عنى 3 شهور عرفتنى يعنى ايه أخد عيالها واحرمها منهم برغم انى لا شيلتهم جوايااا تسع شهور وجع وقلق وألم ولا استحملت لحظه واحده فى ألمها فى ولادتهم بس بعدهم وجعنى معقول كنت ها اعمل فيها أكتر من كدااا ياااه ياااه علينا وعلى انانيتنا للدرجه دى كل واحد لما يفكر ينتقم بيوجع التانى فى أعز ما يملك .. بص لنادر .. البعد للبتحبهم موت بطئ مها تحاول تنسى ها تلاقى الا يجبرك انك تفتكرهم
نادر بأستسلام : ربنا يطمنك عليهم ويطمنى انا كمان مالحقتش اتهنى واحس انى خال
محى بص له : دا منظر واحد يتقاله يا خالو
نادر ابتسم : كانت بتقولى ان دمك خفيف
محى : ههههه كانت بتقولى ان دمك سم ولا تطاق
نادر برق وشاور على نفسه : انااا وربنا كداب .. دا بتموت فيااا وكل كلمه تقولى ما أحلاك يا نادر
محى : ياباااى على تقل دمك .. ما أحلاك على ايه دا عشان نشوف محيط مناخيرك عايزين لجنه هندسيه .. مناخيرك دى والا مناخير عم شكشك
نادر اتعدل : ما تبص فى مراية بتكووو انت ها تعيش الدور انا مش عارف اتجوزتك على ايه
والا عجبها ايه فيك
محى بيشاور على نفسه : عجبها كلى
نادر بيسرسع : اخرس
محى : مش بقول شكشك .. يابنى كانت أحلى كلمه تخرج من بوئها عسليات إكتير انت يا محى والله احبك كتير كتير وبصلو بنص عين الناس مقامات ثم تعالا هنا مش كنت بتطلع فى الروح من شويه
نادر اتنهد ؛ انت جيب فى الوقت المناسب والله يا محى .. ومسكه من ايده وقام تعالا شوف اوضتها وصوارها وفساتينها وهى صغيره وجزمها .. ودخل وبيتفرج على حاجه ورد متربته ونضيفه وكل حاجتها شيك جدا جدا ومقاستها صغيره .
محى : نادر انا تقريبا كدا عارف مكان ورد او شاكك بنسبه كبيره
نادر خبطه على صدره : وساكت
محى : إسمعنى كدا ها افهمك الاول وبعدين نشوف ها نعمل ايه وقعدو على سريرها وبيتكلمو والاتنين قامو بهمه عكس ما كانو ركبو العربيه وبدئو طريقهم او رحلتهم من جديد .. بس الفرق ان الاتنين قربو من بعض وزال الإحتقان الا بينهم فى ازمتهم دى
*********************
إلي هنا ينتهي الفصل الخمسون من رواية شرسة ولكن بقلم لولو طارق
تابع من هنا: جميع فصول رواية شرسة ولكن بقلم لولو طارق
تابع من هنا: جميع فصول رواية شرسة ولكن بقلم لولو طارق
تابع أيضاً: جميع فصول رواية آدم ولانا بقلم امونه
تابعوا صفحتنا على الفيس بوك للمزيد من روايات حب
إرسال تعليق
يسعدنا تلقي اقتراحاتك أو تعليقك هنا