مرحباً بكم أصدقائي وأحبابي عاشقي القراءة والقصص الرومانسية مع رواية اجتماعية واقعية ومثيرة جديدة للكاتبة ريناد علي موقعنا قصص 26 وموعدنا اليوم مع الفصل الثالث من رواية تزوجت طفلة بقلم ريناد
رواية تزوجت طفلة بقلم ريناد - الفصل الثالث
سعديه :اصل اصلاسماعيل :اصل ايه اتكلمى
سعديه :كنت عايزه اطلب منك طلب
اسماعيل :طلب ايه اللى على الصبح ده ومخلى عنيكى حمره من كتر العياط
سعديه : عاوزه احج ياسماعين عايزه حتى اعمل عمره عاوزه ازور قبر الرسول والمس الكعبه بأيدى يمكن ربنا يطفى النار
اللى جوه قلبى انا تعبانه ياسماعين تعبانه قوى
اسماعيل بابتسامه :عليه الصلاه والسلام بس كده هو ده
اللى مزعلك طب تصدقى ان الموضوع ده فى بالى ليه
مده بس بأجله عشان المشاغل الكتير اللى مبتخلوصش
بس الظاهر جه وقته حاضر ياسعديه حاضر
هخلى حد يعمل الاجراءات ونسافر علطول
سعديه رمت نفسها فى حضن اسماعيل وبكت قوى
اسماعيل :بيملس بايده على شعرها بحنان وقلها خلاص
بقا ياسوسو ولا زنوبك تقلت قوى ومش قادره تشيليها
وضحك سعديه ضربته على صدره ضربه خفيفه
زنوب ايه ياحج انا بعمل زنوب برضيك
الحاج اسماعيل :حج الله حلوه قوى الكلمه دى ياحجه
ربنا ينولهالنا يارب
وفعلا عدت مده قصيره وبدأت سعديه تحضر لرحله الحج
ووصلو بالسلامه
سعديه فى الحرم :اول مشافت الكعبه نزلت دموعها من غير توقف وقعدت تدعى ربنا يبرد نار قلبها ويطفى شوقها
للخلفه ويصبرها ويخليلها جوزها ولو مكتوب لها الخلفه
يديها زريه صالحه تكون سند ليها ولجوزها لما يكبرو
سعديه :يارب انا عمرى ما يأست من رحمتك وطمعانه
فى كرمك يارب عوض على يارب
الحج اسماعيل :اللى دموعه نازله على خده زى الشلال
ياااارب يااااارب ارزقنى يارب بعيل من صلبى يملا وحدتى
انا ومرتى وان كان ليا خلفه تكون من سعديه وبس يارب
ماتفرقنا ابدا واكتب لنا السعاده
سعديه :يارب ياهنيه يهديكى ويكفينى شرك ليوم الدين
وفضلو يأدو مراسم الحج .
فى البلد :
هنيه :خد السنيوره يحججها وسايب حاله وماله فيد الغرب
لكن لو انتا ماشى عدل كان مسكك انتا ماله وحاله
لكن انتا عوج ومشيك بطال ومينفعش حد يأمنك على حاجه
عبد الهادى : غريب قريب انا غيرى مسير كل حاجه ترجعلى
فى الاخر اسماعين معيخلفش لا هو ولا سعديه
خليه يزرع ويفلح ويتعب وكل ده هيجينى بالساهل
بس انتى بغباءك هتضيعى من ادينا كل حاجه
هنيه انا كيف ده
عبد الهادى :بكرهك لسعديه اللى مش قادره تداريه وباين
للاعمى وولدك ياسر اللى منعاه منها لغايه مهتخليها تجيب
عيل من ملجأ واد حرام يسليها فى وحدتها وتكتبله هى
واسماعين كل حاجه واحنا نطلع من المولد بلا حمص
ونمصمص شفايفنا ونقول ياريتنا
سعديه : ضربت بيدها على صدرها يمرى ممكن تعملها سعديه
عبد الهادى :ومتعملهاش ليه
سيبى ياسر يروحلها وتلتهى فيه وتحبه ومتقدرش تستغنى عنه هى واسماعين ويبقا دراع عمه اليمين
وساعتها يبقا ضمنا كل حاجه
سعديه :عندك حق والله اول مره تقول كلام موزون
لما مبتبقاش مسطول بتقول حكم
الا هما جايين امتا
عبد الهادى :كمان كام يوم اكده
سعديه : يبقا لازم نكون فى استقبالهم ودبيحتهم عندى
وياسر يروح يستقبلهم فى المطار
عبد الهادى :ابتديتى تفكرى صوح دلوكيت سيبى غيره النسوان وانتبهى للمصلحه الكبيره
هنيه :غيره غيرت ايه اغير منها بتاع ايه اجمل منى ولا اجمل منى
عبد الهادى :وانتا فيه اجمل منك ياقمر ١٤ انتا يلا ياسكر
حضريلنا الوكل جوعنا ياقشطه
هنيه :من عينى ياعبده
يدوب ادته ضهرها وقال بصوط واطى نيله على عبده وحظ عبده الهباب جاتك مصيبه وانتى شبه البومه الدكر
هنيه :عتقول حاجه ياعبده
عبد الهادى :بقولك كترى القشطه ياقشطه
هنيه : من عنيه
عدى كام يوم وجه معاد وصول الحجاج
واول منزلو من الباخره : سعديه بفرحه حمداله على السلامه
ياحج
اسماعيل وحمداله على سلامتك ياحجه
سعديه حاسه براحه غريبه وحاسه ان مش ناقصها حاجه
وحاسه بأطمءنان عجيب
وصلو قدام البيت واتفاجأو بهنيه بتزغرت اول مانزلو من العربيه وعبد الهادى اللى محضر عجل ودبحه تحت رجليهم
ياسر اول ماشاف سعديه جرى عليها وحضنها
ياسر :وحثتينى ياثوثو
سعديه :وانتا قوى قوى ياروح سعديه بس ايه الحكايه
هنيه قاعده انتا مش خايف
لا مخلاص امى بقت حلوه وقالتلى اروح عندك واقعد معاكى
زى منا عاوز
سعديه :غريبه
ياسر :غريبه غريبه المهم نبقا صحاب ومحدش يتدخل مابينا
سعديه على رأيك
سعديه حست بفرحه شديده وحست ان ربنا استجاب لدعاها
وهدى سعديه
عدت الايام جميله هاديه وسعديه مع ياسر مش بتحس ان فيه حاجه ناقصاها وان ربنا عوضها بيه عن حرمانها من الخلفه
وياسر حس مع سعديه بالامان والحب والحنان اللى محسهوش مع امه هنيه واتعلم على ايد سعديه الاخلاق الحميده وكانت دايما بتغرس فيه بزره الخير وحب الناس
واسماعيل :فرحان لفرحه سعديه اللى باينه على ملامحها
وعلى كل تصرفاتها واتعكست على تصرفاتها اللى ملت
الدنيا كلها سعاده
وفى بيت عبد الهادى هنيه فرحانه بقرب ياسر من عمه ومرات عمه ومطمنه ان خطتها ماشيه عال العال
عدى على الوضع ده ١٣سنه وياسر بيكبر فى حضن سعديه
وهنيه نادرا لما بيروحلها ولا بيقعد معاها عشان مفيش
معاها غير الكلام عن الفلوس والورث
والارض والاملاك اللى لازم كلها تبقا ملكه وبين اديه
ياسر كان متفوق فى دراسته جدا وسعديه بتشجعه وتدعمه
وكانت متفاهمه معاه جدا وكمان علشان كانت متعلمه
من ساعت ما ياسر دخل المدرسه وهى كل ميتعلم حاجه
تخليه يعلمهالها ولما تجيبله مدرسين فى البيت تقعد معاهم
وتركذ وتتعلم معاه
لغايه مبقيت تعرف تقرا وتكتب وعلى قدر من التعليم يخليها
تشارك جوزها فى حسابات شغله ومتخليش حد يسرقه
او يضحك عليه
واسماعيل كان فرحان بيها جدا
وياسر دخل كليه الطب
طب نفسى اللى كان كله معترض وعايزه يدخل طب بشرى
لكن هو كان متعقد من التخلف بتاع البلد واهلها
وافتكر انه لما يدرس الطب النفسى يعرف يتعامل معاهم
ويغير افكارهم
هل هيقدر
************************
ياسر بقا مشغول فى دراسته ونادرا مابيجى البلد
الحج اسماعيل مشغول فى الارض والشغل اللى مبيخلصش
هنيه عايشه حياتها ومش بتفكر فى حاجه الا حياتها هى
وبس
سعديه حاسه بفراغ كبير نتيجه غياب ياسر عنها بس بتدعيله ليل نهار ربنا يوفقه فى دراسته
ياسر بيزاكر ليل نهار ومستواه ممتاز وكل المعيدين والدكاتره
بيتنبأولو بمستقبل باهر
فى الغيط عند اسماعيل
اسماعيل فين ايراد المحصول ياحج محمد انتا قلت اصبر عليك اسبوع واديلك ١٠ ايام ومجبتش حاجه
انا ورايا مصاريف والتزامات
الحج محمد :فلوس محصول ايه ياحج سماعين الفلوس تالت
يوم جه اخوك عبهادى قلى انك مزنوق واتصرفت واديته
الفلوس على داير مليم هو خدهم من وراك ولا ايه
الحج اسماعيل : لا مش من ورايا بس هو اكيد نسى يقولى
خلاص انا هشوفه
متشكرين ياحج محمد
الحج محمد :على ايه يابوى احنا اخوات ولو عزت ايتها حاجه انا تحت امرك
اسماعيل :متحرمش منك كدها وكدود ياولد العم سلام انا بقا
الحج محمد :سلام فى رعايه الله ياحج
اسماعيل والغضب فى عنيه هى حصلت ياعبهادى تاخد فلوسى من وراى ولا كانى عايش فى الدنيا ليه
انا حشت عنك حاجه بخلت عليك فى حاجه
على القهوه كان قاعد عبد الهادى مع شله السوء ولمح اسماعيل جاى من بعيد
عرف انه اكيد عرف بموضوع فلوس المحصول
استاذن بسرعه من صحابه عن اذنكم انا خمسه
اصحابه رايح فين فلست ولا ايه اللعب لسه فاوله رايح وين
عبد الهادى فشر مين ده اللى يفلس ياعاويل منك ليه
خمسه بس وراجع
جرى عبد الهادى على اسماعيل
عبد الهادى :خير ياحج فيه حاجه مش عوايدك تاجى ناحيه
القهوه خير ياولد ابوى
الحج اسماعيل : من ناحيه فيه هو فيه بس مش ده مكان
ينفع نتكلم فيه ولا دى ناس ينفع تسمع اللى هنقولوه
ورايا
عبد الهادى بلع ريقه بصعوبه ومشى ورا اخوه من غير ميتكلم
لغايه موصلو لارض اسماعيل
اسماعيل :هات الفلوس ياعبهادى
عبد الهادى فلوس ايه
الحج اسماعيل :انتا هتستعبط فلوس المحصول اللى رحت خدتها من وراى من الحج محمد
عبد الهادى : اه قصدك على القرشنات دول ايوه ايوه افتكرت
صرفتهم
اسماعيل :عتقول ايه صرفتهم صرفتهم كيف يعنى دول سبع تلاف جنيه صرفتهم فى ٧ ايام كيف وعلى ايه اشتريت حاجه صرفتهم فيه
عبد الهادى :له مشتريتش حاجه صرفتهم اكده زى الناس على حالى وبيتى
الحج اسماعيل :بيتك انهو بيت ده اللى صرفت عليه الفلوس
بيتك اللى انا بصرف عليه زى بيتى بيتك اللى كل اول شهر
ابعت طلباته مع طلبات بيتى
ولا على ياسر اللى انا متكفل بيه وبمصريفه ومصاريف دراسته
دا حتى انتا بديك مصروف يدك كل اول شهر عشان متمدش يدك لمرتك وتاخد من فلوس ارضها وتبقى صغير قدامها
ليه تعمل اكده ياعبهادى ليه
عبد الهادى :وهو انا عميلت ايه يعنى خت كام ملطوش
تعمل كل الهيصه دى عليهم
اسماعيل :كام ملطوش ايراد محصول الصيف كله تقول عليه
كام ملطوش طول عمرك مبتعملش حساب للقرش اللى بيدك
عبد الهادى :ايوه كام ملطوش بالنسبه للى معاك دول كام
ملطوش
وبعدين انا معملتش حاجه غريبه انا باخد من ارضى
اسماعيل :ارضك انهى ارض دى
عبد الهادى :ارضى دى اللى انتا واقف عليها
الحج اسماعيل ارضك كيف يعنى الارض دى اللى انتا خسرتها فى اللعب على القهوه وانتا كل متخسر تبيع حته
منها وانا كنت بشتريها لان ارض ابوى محدش يحط رجله
فيها غير ولاده دانتا كنت بتفرط فيها بأى تمن لاى حد
وانا افضل الف ودور ورا الناس اللى بتشتريها عشان ارجعها
وادفع ضعف تمنها عشان سيادتك مكنتش ترضى تقولى
انك هتبيع عشان متكلمش معاك
وتجرى تصرف يمين وشمال على اللعب وعلى النسوان
وعلى مزاجك
ورثت زيك زييى بس انا كبرت ارضى وحافظت عليها فنيت
فيها شبابى وعمرى كله الارض اللى عينك مش جايبه اخرها
دى تعبى وشقاى
عبد الهادى :تعبك وشقاك مقلناش حاجه بس فى الاخر كلها بتاعتى
اسماعيل :بتاعتك كيف
عبد الهادى :ايوه بتاعتى انتا ولا عيل ولا تيل والارض دى فى الاخر بعد عمرن طويل كلها ليا انا يبقا بتعمل مشكله على ايه
تعرف انا شايف ان صحتك مبقتش كد خدمه الارض
انا من رأييى تقعد فى بيتك معزز مكرم ومصاريفك توصل
لغايه عندك من غير تعب وتسيبنى انا اراعى مصالحك
اسماعيل :عايزنى امكنك من ارضى على حياه عينى عشان
تبيعها وتضيعها زى مضيعت ارضك نجوم السما اقربلك
ولما اموت يبقالها حلال
عبد الهادى انتا حر بس فلوس هاخد زى منا عاوز برضاك
او غصب عنك فاهم
قال الكلمتين دول ومشى من قدام اسماعيل
اسماعيل :قعد على الارض وملى ايده تراب معقوله ارضى
اللى بعشق ترابها يجى يوم واخوى يضيعها
اخوى اخوى ايه اخوى اللى دبحنى بسكينه تلمه دا مش اخوى دا واحد غريب عنى
قعد الحج اسماعيل حوالى ساعتين جوا الارض مش عاوز
يقوم بيبص لارضه بحب وعشق
جه يقوم حس ان رجليه مش شايلاه بيحاول يقف مش قادر
فضل مكانه وقعد يبكى بحرقه على حاله وبص للسما وقال
يارب انا رضيت بحكمك وحكمتك وقضائك يارب صبرنى
على اللى انا فيه يارب رحمتك
وبعد فتره جمع قوته وقام بخطوات مترنحه مش عارف ليه
اول مره يحس ان المسافه طويله قوى لغايه البيت
وصل البيت واول ماوصل دخل اوضه النوم وفرد جسمه
على السرير وكان حاسس بألم فى كل جسمه
بس الالم اللى كان جوا قلبه كان اكبر واوعر واقسى
فى بيت عبد الهادى : دخل عبد الهادى البيت
هنيه :انتا جيت ياسبع البرمبه مش عوايدك يعنى تاجى
بدرى خير معدش معاك فلوس تخسرها نفضوك بدرى
عبد الهادى :عقولك ايه مش ناقصك دلوكيت حلى عنى
هنيه :خير ايه مطلع زرابينك
اسماعيل عمل هليله عشان خت قرشين من وراه وصرفتهم
هنيه قرشين ايه وختهم ميته ومقلتش يعنى
عبد الهادى مجتش فرصه
هنيه وخت كام ياشملول
عبد الهادى :سبع تلاف جنيه
هنيه :يامرى بتقول كام
عبد الهادى زى مسمعتى
هنيه :وبتقول صرفتهم
عبد الهادى :ايوه
هنيه :جاك اوا يابعيد وزعلان عشان شتمك دا ليه حق يقطع
رقابتك صرفتهم فيه شاله اعدمك يابعيد اكيد على الحريم
الهى تحرم عليك عيشتك غلبت افهم فيك والطبع فيك غالب
وديل الكلب مايتعدل لو علقو فيه قالب
عبد الهادى :كلب لما ياكل مصارينك متتلمى ياوليه انتى
وبعدين انا عملت ايه يعنى مش دى فلوسى والارض دى
فى الاخر هتبقا بتاعتى
هنيه لما تبقا ابقا اتكلم :عبد الهادى انتى هتقولى زى اسماعين
تفرق ايه دلوك من بعدين
هنيه هو انتا قلت لاخوك اكده زى مقلتلى
عبد الهادى :ايوه
هنيه :يامرك ياهنيه يامرك ياراجل فيه حد عاقل يعمل عملتك
دى يعاير اخوه ويبينلو طمعه عينى عينك انتا ايه البعيد
معيفهمش واصل جسم بنى ادم ومخ حمار حمار ايه اسماله
ع الحمار دا الحمار ميعملهاش
عبد الهادى متتلمى ياوليه انتى
هنيه :يلموك فى شوال من قدام قطر يخلى اكبر حته فيك
كد عقله الصباع ورينى اليوم ده يارب فى الغبى اللى ضيع
كل حاجه من ادينا
عبد الهادى :ضيعت كل حاجه ازاى يعنى
هنيه :ابسط حاجه يعملها انه يحرمك من ميراثه بعد الدبش اللى سمعتهوله ده
عبد الهادى :هيحرمنى هيكتب كل حاجه لياسر وياسر ولدى
يعنى اكده اكده كل حاجه راجعالى تانى
فى بيت اسماعيل سعديه سمعت صوت الباب وحست
باسماعيل دخل الاوضه علطول
استغربت عشان مجاش عليها اول مدخل البيت ولا نادى
عليها تاجيله
فتحت باب الاوضه:اسماعين سمعه وه تعبان للدرجه دى
اسماعين مديها ضهره
سعديه :ايه التقل ده ولا تعبان بجد بعدين اقول عليك عجزت
وحطت ايدها عليه
*********************
إلي هنا تنتهي الفصل الثالث من رواية تزوجت طفلة بقلم ريناد
إلي هنا تنتهي الفصل الثالث من رواية تزوجت طفلة بقلم ريناد
تابع من هنا: جميع فصول رواية تزوجت طفلة بقلم ريناد
تابع من هنا: جميع فصول رواية دمار قلب بقلم كنزى حمزة
تابع من هنا: جميع فصول رواية دمار قلب بقلم كنزى حمزة
تابع أيضاً: جميع فصول رواية العنيد بقلم الشيماء محمد
تابعوا صفحتنا على الفيس بوك للمزيد من روايات حب
إرسال تعليق
يسعدنا تلقي اقتراحاتك أو تعليقك هنا