قصص رومانسية جريئة ممنوع دخول الأطفال

مرحباً بكم أصدقائي وأحبابي عاشقي القراءة والروايات الرومانسية مع رواية رومانسية جديدة للمتألقة لولو طارق والتي سبق أن قدمنا لها العديد من القصص والروايات الجميلةعلي موقعنا قصص 26 وموعدنا اليوم مع الفصل العشرون من رواية خادمتى ولكن ج1 - لولو طارق 

رواية خادمتى ولكن ج1 - لولو طارق - الفصل العشرون

اقرأ أيضا: روايات رومانسية

رواية خادمتى ولكن ج1 - لولو طارق

رواية خادمتى ولكن ج1 - لولو طارق - الفصل العشرون

مروان : ساب الشركه لشريف ... وخرج لوحده ... واسلام خرج بعده ... وبدء ينفذ كلام أسلام ... وراح شركة رضا
مروان بعصبيه : رضا جوا ..
السكرتيره : ايوا يا فندم أقوله مين ..
مروان : دخل على المكتب هجم والسكرتيره وراه ...
رضا : روحى انتى وهاتى قهوه لمروان بيه
مروان بصوته كله : ولا قهوه ولا زفت فوق دماغك .... انا أستحملتك كتيررر ... بس لحد أخويا ... وحسابك ها يبقى عسير معايا .... واه الحلوه الا هربت ورجعتلك ... هى كمان مش ها تفلت من تحت ايدى ....
رضا : انت جاى تهددنى فى شركتى ... دا حتى عيب يا وبيضحك بسخريه يا ابن السمرى باشا ...
مروان : باشا غصب عنك وولى نعمتك .... اوعى تنسى انك فى يوم من الايام كنت شغال عندنا ... وبنيت شركتك من السرقه والحرام ... واوعى تفتكر انى مش عارف انك ورا قتل رأفت وبعت واد من صبيانك يشيل الليله ... بس بطمنك .. انى ها الف حبل المشنقه على راقبتك وها ادفعك تمن كل الا عملته ...
رضا : ضحك بصوته كله .... انت الا ها تلف حبل المنشقه حوالين رقبتى .... انت فاكرنى سهل وها تقدر عليا ... كان غيرك أشطر ... انا عشت عمرى كله ماحدش يجروء ولا يقدر يعمل معايا حاجه .... وبقولك يا ابن السمرى زى ما خلصت من رأفت ... وغيره كتير .. ها أخلص منك أنت كمان ... وها تشوف ... والشركه الا أنت فرحان بيها .. فى يوم من الايام ها تبقى بتاعتى ...
مروان : قرب منه .... وبصوت كالفحيح ... انت بتحلم ... نهايتك قربت ... وعلى ايدى .... وبغل ضربه فى وشه ضربات متتاليه ... لدرجه انه ما قدرش يدافع عن نفسه ... وزقه وقعه ... وسابه ومشى ..... وقابل اسلام ...
أسلام : انت بتضربه ليه ...
مروان : انا عملت الا أنت عايزه وانا كمان أعمل الا انا عايزه ... انا كان نفسى أكسر عضمه ..
اسلام : مش قادر تمسك نفسك يومين ...
مروان بيضحك : الصراحه لا ... وكان غصب عنى ... ايدى لقتها بتلعب فى وشه البخت لوحدها .... سجلت كله
اسلام : كله تمام ...
****************
رضا : اه .. يا ابن ال..... وانتو يا كلاب كنتو فين ...
رجالته : احنا تحت يا باشا ... وما شوفناهوش وهو داخل الشركه ...
رضا : عشان نايمين على ودانكم ... وشال الطفايه من على مكتبه ... و حدفها عليهم ... غورو من وشى ...
شاهى : داخله عنده ... ايه الا حصلك دا .
رضا : الزفت جاى يهددنى ويضربنى فى شركتى
شاهى : مين ... مروان
رضا : ايوا
شاهى : قولتلك يا رضا ... مروان مش سهل ومش بيخاف ...
رضا : بقولك ايه انتى التانيه مش عايز أسمع ولا كلمه ... مش ناقصك ....
شاهى : طيب تعالى ... نروح نعالج وشك الا بينزف دا
رضا : بغل ... لازم أقطعه بسنانى و ها أجيبك تحت رجلى تتراجنى ....
***************
روان : دخلت لمازن اوضته تتطمن عليه ... صباح الخير يا مازن
مازن : بتعب ... صباح النور ... روان ادينى مسكن بسرعه ..
روان : طيب أفطر الاول وبعدين خد المسكن ... عشان ما تتعبش ... ها تقدر تقوم
مازن : لا مش قادر .... اه .. تعبان قوى ..
روان بتنادى على ماندو ...
ماندو : نعم يا ست روان ...
روان : ممكن تتطلع مازن برا ...
ماندو : عنيه حاضر ... وراح لمازن وبيشيله ..
مازن : اه .... اه يا ماندو .... براحه عليااا ... دخلنى الحمام يا ماندو ...
ماندو : تحب أحممك
مازن باصص لماندو ومتنح ...ايه أحممك دى
ماندو : احممك .. بالليفه والصابونه
روان : 😂😂😂😂 وطلعت برا الاوضه ... تساعد حكمت فى الفطار ...
مازن : اه أخد شاور يعنى ...
ماندو : ايوا يا باشا ... اشورك ..
مازن : ليه يا بنى ....ما تعملش فى نفسك كدا أحممك وأشورك ... مش للدرجة ... دخلنى بس وانا ها اتعامل مع نفسى ...
ماندو : حاضر يا باشا
مازن : هو انت ما تعبتش وانت شايلنى كدا يا ماندو ... انا حاسس انى عيل صغير بين ايدك ...
ماندو : تعبك راحه يا باشا ...
مازن : والله شكلى ها أحبك ... وها أشكر الا عمل فيا كدا عشان أقابلتك ...
ماندو : لا شكر على واجب يا باشا ... وبيضحك
مازن : لا مش ها أشكرك أنت ... ها أشكره هو ...
ماندو : منا وهو واحد يا باشا ...
مازن : واحد ازاى سيتك
ماندو : بتسرع ... وبيضحك منا الا خبطك يا باشا ...
مازن : مسك رقبته ... انت ... الا عملت فيا كدا ... ليه عملتلك ايه يا مفترى .... وبيديق عنيه ويعيط عياط مصطنع ... هو انت عشان اد الحيطه ... تدوسنى ..
ماندو : فك ايد مازن من حوالين راقبته ... ولسا بينزله ..
مازن : لا ... لا يا ماندو ... ها تعمل ايه الله يخربيتك ...
ماندو : ها انزلك ... تدخل الحمام لوحدك ... وبيزعق فيه .. ما انت بتخنقنى ..
مازن : خلاص ياماندو ... ما انت لازم تكفر عن ذنبك فى حقى ... شيل يا راجل شيل ... وبينه وبين نفسه ... والله لاطلعه عل جتتك يا بعيد ....
******************
فتحى : فى ايه يا منيره تانى ...
منيره : عايزا اروح لبنتى ... كفايه كدا
فتحى : حاضر ان شاء الله الاسبوع الجاى
منيره : ليه يا فتحى .... ليه الاسبوع الجاى ..
فتحى : عشان ... مروان وعدنى ان الاسبوع الجاى كل حاجه ها ترجع احسن من الاول ... وها يقول لها كل حاجه
منيره : انا بنتى وحشتنى
فتحى : يا منيره ما بتسافر وبتبعد على طول اشمعنا دلوقتى ..
منيره : كنت بكلمها واطمن عليها .... دلوقتى ماعرفش عنها حاجه .... افرد مروان دا عمل فيها حاجه
فتحى : اطمنى .... الواد محترم وابن اصول ... واد كلمته ...
منيره : يارب يا فتحى يارب ...
فتحى : فى حاجه ناقصه ريم .. .منيره : الصراحه محمد مش مخلينا نجيب حاجه ... وخلى شقته جنه ... وسعاد الصراحه هى كمان لو ايه ناقص تروح تجيبه .....
فتحى : ربنا يتم عليهم بخير ... انا ها أقوم بقى .. عشان الشغل .. عايزا حاجه ..
منيره : تسلم يا حبيبى ....
****************
عز : نعم يا سيدى ... عايز ايه
شريف : عايزن نتكلم معاك انا ومروان ...
عز : ماجبتوش ... وجتلى ليه ... لازم اجيلكم الشركه ..
شريف : فيها ايه يا عز يعنى ... كنا ها نجيلك بس حصلت ظروف ....
عز : هو فين مروان ...
شريف : اهو وصل أهو ....
مروان : منورانا يا عز ... لازم نشوفك بالعافيه ...
عز : ولا عافيه ولاحاجه .... وسلمو عل بعض ... وقعدو التلاته ....
عز : خير فى ايه
مروان : خير ان شاء الله ... عايزين نجوز البيه ونلمه بقى
عز : ياريت ... انا خليت منى مراتى ... جابتلو بدال العروسه الف ....
مروان : ماهو مش عايز الالف دول ... هو عايز الا عجبته ...
عز : ياسيدى يبقى أحسن ... وفر وجع قلبنا معاااه ..
شريف : انا تعابكو قوى كدا
عز : ياراجل انت جننتنا ....
شريف : خلاص ها ابطل جنان بس وافق ...
عز : هى بنت مين فى البلد
مروان : عز شريف ها يتجوز بنت مؤدبه وبنت ناس بس مش من العائلات الا نعرفها ... وأهلها ناس بسيطه
عز : يعنى ايه يرفض أحلى وأغنى بنات فى البلد عائلات حسب ونسب ... عشان بنت تقولى بسيطه
مروان : بقولك ايه .... العائلات دى ما تفرقش عن الناس دى فى حاجه ...
عز : يفرق يا مروان ... أسمه ها يكبر ... ويتعرف فى المجتمع أكتر ... ها يتسند فى شغله أكتر ..
مروان : ووقت الجد يلوى دراعه ... وما يعرفش يمشى عليها كلمه ... عشان بابا وماما ... ها يزعلو منه ويعاقبوه . . .مش جايز يقع فى واحده زى كدا .... انما لما يبقى فى اعجاب وتفاهم سواء بقى غنيه او فقيره.... ويقدر يعمل بيت وأسره مش أحسن ..
عز : انت بتبررر يا مروان .. يعنى انت يوم ما تتجوز ... ها تتجوز زيه كدا
مروان : ايوا يا عز ... ها اتجوز الا أحبها واطمن على نفسى معاها ... الفلوس مش كل حاجه . ولا النفوذ كل حاجه ... واحمد ربنا ان اخوك لا محتاج فلوس .. ومعروف كفايه وبدال الواحد الف ها يخدموه
شريف : عز ياريت ما تقفش قدام رغبتى انت عارف انا بحبك وبحترمك اد ايه ...
عز : خلاص يا سيدى براحتك ...
شريف بفرحه : يعنى وافقت
عز : وافقت ... بس انت الا ها تندم
شريف مش ها اندم ان شاء الله ... يعنى يوم التلات ها تيجى معايا انا ومروان ...
عز : ان شاء الله
مروان : بارك لشريف .... ولعز ....وقعدو يتكلمو فى كل حاجه ... وكمان الشغل ....
****************
حكمت : كله كدا تمام ... فين الشاى باللبن ..
روان : بتبوسها لسا زى ما انتى ... يا جميله ...
حكمت : حضنتها ... وحشتينى ... ووحشنى الرغى معاكى ..
روان : ها نرغى لما تزهقى منى ....ياله نشوف الا برا دول عاملين دوشه ليه ...
مازن : لا ... لا قعدنى على الكنبه دى ....
ماندو : ما تركز بقى أقعدك فين قطمت وسطى ..
مازن : ما أنت قطمت رجلى قولتلك حاجه انا . .. مش مستحملنى ليه ...
ماندو : يا صبر ايوب
روان : انت واقف تتفرج يا هيثم
هيثم : 😂😂😂😂 مازن باشا بينتقم من ماندو
روان : ايه يا مازن الدلع دا ... كفايه عليه كدا ...
مازن : هو أشتكلكو .... انا وماندو حورين ... انتو مالكو ...
ماندو : يا مفترى هديت حيلى ... والله ارميك على الارض ...
مازن : بيبرق له ... وبيتصنع الجديه . ولد عيب
ماندو : راح على الكنبه ورزع مازن عليها ... أقعد بقى الله يسامحك ... 😂😂😁😁😂
مازن : ... اه .... اه يا ماندو اه ..... يخربيتك والله ما مسامحك
هيثم : 😂😂😂😂 انا حاسس ان ماندو ها يعمل جنايا
روان : نفس احساسى ...
حكمت : بطلو دلع كلكو ... وياله عشان تفطرو .... وقعدو كلهم فطرو مع بعض ... وكل ما ماندو يمد ايه على حاجه مازن ياخدها من قدامه .... 😂😂😂😂😂
ماندو : وبعدين معاك
مازن : انت حاطتنى فى دماغك ليه ...
ماندو : انا الا حاطك فى دماغى ياباشا سبنى أفطر حرام عليك ...
روان : 😂😂😂😂 مازن ها يجننك وانت الا جبته لنفسك ... مروان قالك ما تقولوش حاجه
مازن : الله ... الله ... اخويا كمان عارف ...
هيثم : ما تزعلش يا باشا ... مروان بيه سامحنا ... انت كمان سامحنا وسيب ماندو فى حاله ... والله واد غلبان ...
مازن : انتو ايه حكايتكم بقى ....
هيثم : قص له كل شئ....
مازن : يعنى أنت عايز تفهمنى ان كلام روان أثر فيك للدرجه دى .... مش مصدق الصراحه ...
هيثم : ليك حق .... انا كنت من عيله مستوره ... خلصت المعهد بتاعى .. واتلميت على شله علمتنى الشرب والسهر ... وجرو رجلى للمخدرات ... ابويا وأمى حاولو معايا كتير ... ودخلونى مصحه أكتر من مره .... ومازهقوش منى .... لانهم عارفين ان دا مش ابنهم ... دا انسان مريض بكل السوء الا بيعمله .. ومحتاج حد يساعده ويعالجه .... واتعالجت فعلا بعد 7 سنين ادمان ... وبهدله فيهم .... لما رجعت بنى ادم ... سمعت منهم عن البلاوى الا كنت بعملها بدون وعى او بمعنى أصح من الناس ... والا منها انا فاكره والا منها مش فاكره بالمره .... لدرجة ان الناس كرهتنى ... وبقت تخاف من وجودى .. ان أئذيهم... او أسرقهم .... حاولت بعدها أشتغل كتير ... كلهم رافضنى ... تماما ... انا فى نظرهم مش كويس .. ونظره مجتمعنا ظالمه وقاسيه ... دايما بيعاملوك ... على اساس نظرتهم فيك القديمه ومحدش بيسيبك فى حالك ... لو حصل اى مصيبه انت الا عاملاها وانت المتهم الاول فى نظرهم .... بعدت ... وحاولت مع نفسى وعافرت ...عشان خاطر أمى ابويا ... أشتغلت وكل الا يكتشف انى كنت مدمن . يطردنى .... بصراحه وصلت لمرحله ان يأست من كل حاجه .... قابلت واحد من الا كنت أعرفهم ... ومن الساعه الا شوفته فيها لوقتنا دا أهلى ما يعرفوش عنى حاجه .... عملت كل حاجه معاه ... الا انى أرجع للادمان تانى ... كنت حاسس انى عايز أتشفى فى الناس وانتقم منهم كلهم .... واتعرفت على رضا البنهاوى .. وبدء يشغلنى معاه ... لما اتاكد انى معرفة ذكريا .... الراجل دا أكد ليا اننا صفر على الشمال جمبه .... وبعد الا حصل فى رأفت وذكريا ... بدئت أعيد حسابتى .... وماندو معايا طبعا لا يمكن أسيبه ملوش حد فى الدنيا دى وبنلطش مع بعض... كنا بنسمع عن روان من ذكريا ... واد ايه هى صعبانه عليه .... وفعلا بنت ظلمتها الدنيا وفقرها لما وقعت بين ايد مروان السمرى .... ورضا البنهاوى ....... ولما قابلتها ... حسيت اد ايه ذكريا عنده حق فى كل كلمه .... بس نسى يقول انها شجاعه .. كلامها بيمس كل جروحك ويطبطب عليها بقصد او دون قصد ... فكرتنى بأمى وابويا وحياتى ... الا كان ممكن أكملها من غير خوف والقلق الا انا عايش فيه ... وان ربنا غفور رحيم.... والناس وكلامها ارميه ورا ضهرى ... وبصراحه لما شوفت رضا البنهاوى بيضربها .... وواجهته بشجاعه مش خوف وجبن زينا .... وبتواجه الموت عشان بس تحافظ على اخوك وما تخونش العشره الا بينها وبينكم ... خدت القرار ... وقولت بينى وبين نفسى لازم نبعد انا وماندو عن القرف دا .... كفايه قرف فى حياتنا ...
حكمت : عين العقل الا عملته يابنى .... ربنا يفكها عليكم واول حاجه تعملها ... تروح لابوك وأمك وتترمى تحت رجليهم .... بيتعذبو قوى فى بعدكم عنهم
هيثم : دا لو عشت .... رضا البنهاوى مش ها يسبنا فى حالنا ...
روان : انت أنسان جميل وماندو كمان ... واكيد ربنا ها يحفظكم ما تقلقش ....
مازن : ست النحنوحه اهدى ... مروان لو شافنا كدا والمدح فيكى ها يقتلنا ويشرب من دمنا ... وانت ياعم ... بلاش كتر كلام عنها .... ودى نصيحه ليك ...
ماندو : وانا ...
مازن : بيديق عنيه ... وبيبصله .... انت بقى بتاعى ... وماحدش ها ينجدك منى ....
كلهم : 😂

*********************

إلي هنا ينتهي الفصل العشرون من رواية رواية خادمتى ولكن ج1 بقلم لولو طارق
تابع من هنا: جميع فصول رواية خادمتى ولكن بقلم لولو طارق
تابع من هنا: جميع فصول رواية قاسى ولكن أحبنى بقلم وسام أسامة
تابع من هنا: جميع فصول رواية عروس بلا ثمن بقلم إيمى نور

تابع أيضاً: جميع فصول رواية جمعتنا صدفة بقلم هنا عمرو

تابعوا صفحتنا على الفيس بوك للمزيد من روايات حب

حمل تطبيق قصص وروايات عربية من جوجل بلاي
اقرأ أيضا: رواية أشواق بقلم قسمة الشبينى