قصص رومانسية جريئة ممنوع دخول الأطفال

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة المتميزة دودو محمد والتي سبق أن قدمنا لها العديد من القصص والروايات الجميلةعلي موقعنا قصص 26 وموعدنا اليوم مع الفصل الثالث عشر من رواية متمردة عشقت كبريائه بقلم دودو محمد

رواية متمردة عشقت كبريائه بقلم دودو محمد - الفصل الثالث عشر

اقرأ أيضا: قصص رومانسية

رواية متمردة عشقت كبريائه - دودو محمد

رواية متمردة عشقت كبريائه بقلم دودو محمد - الفصل الثالث عشر

فى شقة اسر
فى اوضت مليكه
ناديه :- انا جدة فهد
مليكه :- وجايه ليه اكيد هو اللى بعتك صح
ناديه :- اهدى يا حبيبتى هو ميعرفش ان انا عندك اصلا
مليكه :- وايه يثبت ليا صدق كلامك
ناديه :- بصت لفايزه وقالت ممكن ياحبيبتى تجيبى ليا شوية مايه
فايزه :- فهمت ان هى عايزه تقعد مع مليكه على انفراد قالت اه طبعآ عن اذنكم وخرجت وقفلت الباب وراها
ناديه :- قعدت جمب مليكه على السرير وقالت بسم الله ما شاءالله سبحان من صورك فى احسن صوره قمر ياحبيبتى ليه حق فهد يتعلق بيكى
مليكه :- لو سمحتى متجبيش سيرت البنأدم ده قدامى واتفضلى قولى الكلمتين اللى عندك
ناديه :- بصى انا مش هزعل منك من طريقة كلامك لان انا عذراكى وعارفه الضغط النفسى اللى انتى عايشه فيه بس انا عايزاكى تسمعينى للاخر ممكن
مليكه :- اتفضلى
ناديه :- انا عارفه كل حاجه حصلت ما بينك وبين فهد من اول مقبلة المطعم لحد اللى حصل امبارح ما بنكم
مليكه :- اكيد البيه هو اللى بيحكى ليكى
ناديه :- فهد مش بيخبى عنى حاجه انا عنده حاجه تانيه خالص يمكن بيحبينى اكتر من امه علشان انا اللى ربيته
مليكه :- على اساس ان هو متربى اصلا
ناديه :- شكرآ يا بنتى
مليكه :- انا اسفه بس مجرد ما اسمع سيرته بتعصب ومش ببقى عارفه بقول ايه
ناديه :- يا حبيبتى ولا يهمك
مليكه :- اتفضلى كملى كلامك
ناديه :- فهد مش وحش زى ما انتى شايفه فهد طيب جدآ وقلبه ابيض هو عصبى شويه لا هو اوى يعنى بس مش بيشيل من حد اللى غير فهد كده واحده
مليكه :- بعد اذن حضرتك انا مش عايزه اعرف قصة حياته ايكش يولع انا مالى بى
ناديه :- سبينى بس اكمل كلامى وفى الاخر ابقى ردى
مليكه :- ماشى
ناديه :- فهد من فتره كان بيحب واحده اوى اوى كانت بالنسبه ليه الحياه وكان مستعد يضحى بأى حاجه علشان بس خاطرها وطبعآ هى مكنتش بتتوصى بالدلع عليه والقرب منه بطرق غير شرعيه لحد ما اكلت دماغه نهائى كان عامل شبه الانسان الالى معاها اى حاجه بينفذها ليها من غير ما يسألها ولا اى حاجه طبعآ انا كنت رفضها من اول مره اشوفها فيها محبتهاش وقولت الكلام ده لفهد بس طبعآ كان اول مره فهد يقف قصادى علشان خاطرها وعملت نفسها زعلانه وعيطت ومشت جرى وراها فهد وقطعنى علشانها كان الناس كلها عارفه ان فهد بيحب واحده بس محدش شفها غيرى انا طبعآ ومرت سنه على حبه ليها وهى طبعآ استغلته احسن استغلال وكانت بتاخد منه فلوس بجشع طبعآ السنه دى فهد مسألش عليا ولا مره بس انا كنت بعرف اخباره علطول من بعيد لبعيد ومره كانت نايمه مع فهد فى شقته وكان معاه فلوس كتير سحبها من البنك ونامو بليل صحى الصبح ملاقش شنطة الفلوس وملاقش البنت دى ودور عليها فى البلد كلها معرفش يوصلها هو مكنش عايز الفلوس ولا كان عايز يعاقبها هو كان عايز يرجعها تعيش معاه تانى يرجعها لحضنه طبعآ اهمل شغله واهمل نفسه واتفرغ فى حياته علشان يدور عليها وقعد كتير على كده يقوم الصبح ينزل يدور عليها يرجع متأخر مهدود وينام وفى يوم عرف انها سافرت وعرف مكان البلد سافر ليها وبالصدفه قابلها فى مطعم مشهور هناك جرى عليها زى المجنون وحضنها بس اتفاجئ انها حامل وسألها هى ازاى حامل قالت ليه انها اتجوزت رجل اعمال كبير هنا وحامل منه طبعآ اتصدم فهد من اللى سامعه واتجن وبقى مش عارف يعمل ايه مستحملش يقعد ثانيه واحده فى البلد دى ورجع تانى مصر فى نفس اليوم واتبدل فهد الطيب لواحد معندهوش قلب واتبدلت حياته نهائى وبقى يشوف البنات كلها البنت دى وبقى سهر وشرب وعلاقات غير شرعيه وينتقم من اى واحده يقابلها على اساس ان هو بينتقم من البنت اللى كان بيحبها ومن يومها وهو فهد على الحاله دى قاسى ومعندهوش قلب
مليكه :- مع احترامى لحضرتك انا مالى بالكلام ده كله
ناديه :- علشان انتى لعبتى دور كبير فى حيات فهد ورجعتى ليا الامل من تانى
مليكه :- انا ازاى
ناديه :- فهد بيحبك يا مليكه
مليكه :- اه قولى كده بقى انتى جايه تقولى ليا الحكايه الطويله العريضه دى علشان فى الاخر تقولى ليا فهد بيحبك لا روحى قوليله ان انا بكرهو كره العمى وبتمنى ان ربنا يخده او يخدنى قبل ما اسمى يتكتب على اسمه
ناديه :- بصى انا مش هحلف ليكى ان انا جايه هنا من وراه فهد علشان انا ست قد جدتك بس كل اللى بطلبه منك اسمعى كلامى للاخر وساعدينى نرجع فهد زى الاول ونصلح حاله اعتباريه رجاء من جدتتك يا بنتى
مليكه :- واشمعنا انا بالذات اللى بتطلبى منى حاجه زى دى
ناديه :- علشان زى ما قولتلك فهد بيحبك
مليكه :- انتى باين عليكى متعرفيش فهد عمل فيا ايه اللى بيحب حد عمره ما يقدر يأذيه
ناديه :- وفعلا هو ده اللى حصل فهد بيحبك وعلشان كده مقدرش يأذيكى
مليكه :- مش بقولك متعرفيش عمل معايه ايه
ناديه :- لا عارفه وانا بقولك هو معملش حاجه
مليكه :- لا عمل اخد منى شرفى
ناديه :- صدقينى حبه ليكى منعه يعمل كده
مليكه :- وهو لو معملش كده ايه هيخليه يقولى ان هو عمل معايه حاجه
ناديه:- علشان يوهمك ويخليكى توافقى عليه
مليكه :- وانا ايه يثبت ليا صدق كلامك مش يمكن بتقولى كده علشان اوافق على جوازى منه
ناديه :- بسيطه مش مفروض بيبقى موجود دم اللى نزل منك انتى لاقيتى حاجه
مليكه :- لا مكنش فى دم نهائى
ناديه :- بس اهو ده يثبت صدق كلامى وممكن برضه تكشفى وتتأكدى انك بنت زى ماانتى
مليكه :- يعنى كان عاملنى لعبه فى ايده كويس ان انتى قولتيلى بلغى بقى ابن ابنك مفيش جواز
ناديه :- لا يا مليكه بلاش كده يعنى انا غلطانه علشان قولتيلك انا قولت ليكى علشان اثبت ليكى ان فهد بيحبك ومقدرش يقرب ليكى ولا يأذيكى
مليكه :- حبه برص انا بقى بكرهو ومش بطيقه
ناديه :- ابوس ايدك يا بنتى تقفى جنبى ورجعيلى فهد تانى انتى الوحيده اللى عرفتى تدخلى قلب فهد انتى الوحيده اللى رجعتى بعد الشئ من شخصية فهد القديمه طب اقولك حاجه فهد لما حد كان بيجيب اسم اللى كان بيحبها قدامه كان بيتعصب ويهد الدنيا تخيلى بقى ان فهد دلوقتى ممكن يقول اسمها ويبقى عادى كأنها اسم واحده عادى عمره ما عرفها طب اقولك حاجه تانيه
فهد من يوم اللى كان بيحبها سابته وهو متعود ينام مع بنات اشكال والوان فى شقته ويعمل افعال يغضب بيها ربنا بس من بعد ما عرفك فهد ملمسش واحده وبقى ينام عندى فى الشقه او فى الفيلا وبطل يروح الشقه ويقابل بنات ربنا امرنا ان لو بأدينا نساعد بنأدم يتوب ونساعده يمشى فى طريق الهدايا ناخد بأيده ونساعده وانتى فى ايدك كده وليكى الاجر عند ربنا
مليكه :- بس انا مش بحبه ولا بطيقه ازاى هقدر اعيش معاه تحت سقف واحد
ناديه :- والله فهد مش وحش وطيب اوى ومجرد ما تشوفى فهد التانى مش المتكبر صدقينى هتحبيه اوى
مليكه :- انا ولا عايزه احبه ولا يحبنى ياريت تبعدو عنى وتسبونى فى حالى
ناديه :- يابنتى انا بترجاكى تقفى جنبى وتساعدينى
مليكه :- انا اسفه مش هقدر اساعدك
ناديه :- انا هسيبك دلوقتى وفكرى فى كلامى واتمنى ان انتى توافقى على اللى قولته ليكى ووقفت وقالت همشى انا بقى واتمنى مكنش ازعجتك
مليكه :- مفيش ازعاج ولا حاجه وياريت تبلغى ابن ابنك ان هو ينسانى ومفيش جواز الاسبوع الجاى
ناديه :- مش هقوله حاجه وانا عارفه ومتأكده ان انتى مش هتتأخرى عن عمل الخير وسابت ليها ورقه فيها رقم تليفونها ومشيت
……………………………………………………
مر الاسبوع بدون احداث تذكر
فهد :- حاول يشوف مليكه بأى طريقه بس خلال الاسبوع مشفهاش نهائى وكان عصبى جدا وقعد الاسبوع كله فى شقة جدته ومروحش الفيلا نهائى ولسه ميعرفش زيارة جدته لمليكه
مليكه :- قضت الاسبوع مختفيه فى اوضتها مش بتخرج غير للاكل وتدخل تانى اوضتها ومخرجتش من البيت نهائى
مها :- عايشه على امل رجوع محمد ليها بتخرج من البيت للجامعه ومن الجامعه للبيت
اسر :- علطول قاعد مع بنات عمه فى الشقه ومش بيروح الا وقت النوم بس ولسه بيحاول يقرب لمها وهى مش حاسه بيه
مى :- طايشه مش شاغله بالها بأى حاجه فى البيت ومقضيها هزار تملى
فايزه :- مستمره بالدعاء لبنتها ومتابعة اخبار بناتها وبتحاول تعرف زيارة جدة فهد لمليكه ليه لكن مليكه رفضت تعرف حد سبب الزياره
ناديه :- قضته فى مراعاة فهد والدعاء للربنا ان يحنن قلب مليكه وتوافق على الجواز من فهد
باسم :- تملى يهدى فهد من عصبيته بسبب بعد مليكه عنه ويساعده فى الشغل لسبب انشغال فهد بالتفكير فى مليكه
……………………………………………………
اشرق نهار يوم جديد انه يوم زواج فهد ومليكه ولكن سوف يحدث مفاجئات كتيرررررررره لا يتوقعها احد
فى شقة اسر
دخلت فايزه وهى حزينه على حال بنتها اوضت مليكه علشان تصحيها ولكن اتفاجئت ان الاوضه فاضيه ومفهاش حد خرجت ودورت عليها فى الشقه بس ملاقتهاش مسكت تليفونها واتصلت على تليفون مليكه بس اداها مقفول
مها :- صباح الخير يا ماما
فايزه :- خير وهو هيجى منين الخير
مها :- فى ايه يا ماما
فايزه :- اختك مليكه مش فى اوضتها وبتصل عليها تليفونها مقفول
مها :- وايه المشكله يا ماما يمكن نزلت تتمشى شويه ما هى علطول كده اشمعنا النهارده قلقانه كده
فايزه :- بس النهارده كتب كتابها وهى بقالها كام يوم مش طبيعيه من يوم ما كانت جدة اللى ما يتسمى هنا وهى قافله على نفسها اوضتها ومش بتكلم حد
مها :- ماشى يا ماما كتب كتابها بليل وممكن تكون اتخنقت من قعدتها فى البيت نزلت تشم شوية هوا
فايزه :- لالالا انا قلبى مش مطمن خايفه لتعمل فى نفسها حاجه
مها :- لا يا ماما متخفيش مليكه قويه مش ضعيفه اوى كده عمرها ما هتخسر دينها لاى سبب من الاسباب
فايزه :- يارب هات العواقب ساليمه يارب
مى :- لا اله الا الله انا قولت عيله نكد محدش صدق حتى يوم الفرح بيعيطو ايه مش بتعرفو تفرحو ابدآ
مها :- مى اسكتى بجد الموقف مش متحمل هزارك ده
مى :- طب هو فى ايه
مها :- امك قلقانه على اختك مليكه علشان مش فى اوضتها
مى :- وايه المشكله فى كده طب ما هى علطول بتنزل تتمشى وتيجى تانى
مها :- ما انا لسه قايله كده
مى :- او ممكن تكون راحت بيوتى سنتر تجهز هناك مش عروسه وفرحها النهارده
مها :- تصدقى صح ممكن تكون راحت تجهز نفسها فيه اول مره تقولى حاجه عدله
مى :- شكرآ شكرآ ده اقل حاجه عندى بس مش بحب ابين علطول احسن اتحسد 😂😂😂
فايزه :- والنبى انتو مصداقين نفسكم من امته مليكه بتحب تروح بيوتى سنتر طول عمرها وهى بتكره الاماكن دى هتيجى النهارده وتروح وبعدين هى مش حابه الجوازه دى هتروح ليه بقى تظبط نفسها
مها :- اممم صح عندك حق
مى :- طب اتصلى عليها
فايزه :- وانا هستنى لما انتى تيجى وتقولى ما اتصلت عليها وتليفونها مقفول
مها :- اصبرى شويه وتلاقيها دلوقتى داخله من الباب
فايزه :- يارب يارب
……………………………………………………
فى شقة ناديه
فى اوضت فهد
فتح عينه وقام دخل الحمام واخد شاور ولبس هدومه وخرج
فهد :- صباح الخير يا نانا
ناديه :- ص.ص.صباح النور ي.ي.ياحبيبى
فهد :- بأستغراب مالك يا نانا شكلك مش طبيعى ومش من النهارده بس انتى بقالك كام يوم على كده
ناديه :- م.م.مفيش
فهد :- لا يا نانا فى وحاجه كبيره كمان انا عارفك قولى فى ايه
ناديه :- بص هقولك بس وحياة اغلى حاجه عندك بلاش تتعصب
فهد :- قولى بقى قلقتينى
ناديه :- ا.ا.انا من كام يوم روحت لمليكه
فى بيتها
فهد :- بصدمه ايه وليه عملتى كده
ناديه :- قولت اكلمها واحنن قلبها عليك
فهد :- ليه يا نانا ومين قالك ان انا عايز احنن قلبها عليا ليه تعملى كده من نفسك ليه
ناديه :- انا حاولت اشيل من دمغها الفكره الوحشه عنك واعرفها طيبت قلبك
فهد :- بمعنى
ناديه :- ع.ع.عرفتها انك ملمستهاش
فهد :- قام وقف وقال بعصبيه انتى ازاى تعملى كده علشان كده كانت مش بتيجى الشركه وطبعآ لما عرفت انها زى ما هى رفضت الجواز منى
ناديه :- هزت راسها بمعنى ايوه
فهد :- مش عارف اقولك ايه بصراحه برافو عليكى بوظتى الجوازه صح انتى شكلك كبرتى وخرفتى اعمل انا ايه دلوقتى
ناديه :- ياابنى اصبر هى رفضت فى الاول وانا قولتلها ان هسيبها تفكر وهستناها ترد عليا
فهد :- طبعآ مش هتقبل الجواز وهترفض ده انا كنت ما صدقت انها وافقت ليه لييييييييييييه تعملى كده
وشد مفرش السفره ووقع الاكل كله فى الارض
ناديه :- اهدا يا فهد
فهد :- متقوليش اهدا انتى خربتى كل حاجه انا خطط ليها
ناديه :- خلاص يا فهد مش انت مش بتحبها خلاص بقى انساها
فهد :- مقدرش انساها
ناديه :- ليه
فهد :- علشان علشان ب ب وسكت شويه وقال ضيعتى كل حاجه كل حاجه وسبها ومشى
ناديه :- يارب يحنن قلبك يا مليكه وتيجى كتب الكتاب النهارده
……………………………………………………
فى فيلا فريد المنشاوى
كان فريد قاعد فى مكتبه
ودخلت عليه سهير
سهير :- فريد ينفع كده ابنك غايب اسبوع ومجاش يسأل على حد فينا
فريد :- مش انتى اللى رفضى ان هو يقعد فى الفيلا هو مراته
سهير :- يقوم يسيب البيت وميسألش علينا خالص
فريد :- عايزه رأى
سهير :- اتفضل قول
فريد :- اتصلى بى واعمل ليه مفاجئه وقولى ليه انك موافقه على الجواز من مليكه وموافقه يقعد هنا فى الفيلا وهو هيفرح اوى وياريت تعملى ليه كتب الكتاب هنا بدل الشقه
سهير :- مستحيل بنت الشحاتين دى تدخل الفيلا وتعيش هنا معايه
فريد :- يبقى متسأليش هو ليه قاسى عليكى ومش بيسأل
سهير :- ط.ط.طب كلمه انت وخلي يجى اشوفه هتجن عليه
فريد :- حاضر يا ستى ومسك تليفونه واتصل على فهد وانتظر الرد بس فهد مردش عليه
سهير :- ايه مردش
فريد :- لا
سهير :- طب جرب تانى
فريد :- جرب تانى وانتظر الرد
فهد :- ايوه يا بابا
فريد :- عامل ايه يا حبيبى واحشتنا
فهد :- كويس يا بابا خير فى حاجه
فريد :- مش هتيجى نشوفك
فهد :- ان شاءالله
سهير :- اخدت التليفون من ايد فريد وقالت ايوه يافهد
فهد :- خير
سهير :- ت.ت.تعال الفيلا
فهد :- ان شاءالله عايزه حاجه
سهير :- هات البنت اللى هتتجوزها وتعال
فهد :- ههه ما خلاص مفيش جواز
سهير :- بفرحه بجد ده احسن خبر سمعته
فهد :- ماما انا مش فايق ليكى عايزه حاجه
سهير :- طب تعال النهارده الفيلا وانا هعمل ليك احسن مفاجئه
فهد :- مش هقدر اجى
سهير :- تعال وهات جدتتك معاك اصل ابوك تعبان اوى
فهد :- تعبان ازاى وانا لسه مكلمه
سهير :- اصل هو بيمثل عليك مكنش عايز يعكنن عليك يوم فرحك
فهد :- انا جاى حالا وقفل السكه مع امه وقام من على الصخره اللى كان قاعد عليها فى البحر وراح ركب عربيته وراح على شقة جدته اخدها وراح على الفيلا
……………………………………………………
فى شقة اسر
كانت فايزه قعده قلقانه على مليكه وجرس الباب رن
فايزه :- حد فيكم يقوم بسرعه يفتح الباب تلاقيها هى
مى :- طلعت تجرى وفتحت الباب وقالت هو انت ادخل
فايزه :- بخيبت امل تعال يا اسر
اسر :- هو فى ايه
مها :- مليكه من الصبح مش عارفين هى فين قمنا ملاقنهاش فى الاوضه
اسر :- ازاى يعنى هتكون راحت فين
فايزه :- مش عارفه مش عارفه وتليفونها مقفول يارب طمنى عليها
اسر :- انا هنزل ادور عليها
مها :- هاجى معاك
اسر :- لا خليكى هنا لو جت اتصلى بيا وعرفينى
مها :- لا فى هنا ماما ومى لو جت هما يتصلو بينا
اسر :- طب يلا
ونزلت مها مع اسر وركبو العربيه ومشى اسر يدور عليها فى الشوارع
فايزه :- يارب طمنى عليها ولا توجع قلبى عليها ابدآ يارب يا ترى انتى فين يا بنتى
……………………………………………………
فى فيلا فريد المنشاوى
فريد :- انتى ليه قولتى ان انا تعبان ما انا كويس اهو الحمدالله
سهير :- عارفه بس ابنك موضوع جوازه اتفركش انا قولت بقى فرصه نجيب المأذون ونجيب عيلة ممدوح واجوزه رهف واهى برضه من نفس العيله بس على انضف
فريد :- وانتى مفكره ان فهد هيوافق
سهير :- لما يتحط قدام الامر الواقع ويبقى فى ناس وصحافه مش هيقدر يعمل حاجه اهم حاجه دلوقتى تطلع اوضك وتعمل نفسك تعبان وهو امك هيجو مطلعهمش من عندك فى الاوضه وانا هروح اجهز الجنينه بتاعة الفيلا بسرعه وابلغ سوزى ورهف
فريد :- ربنا يستر من اللى هيعملو فهد
سهير :- اطلع بس بسرعه الاوضه علشان هو زمانه على وصول
فريد :- لله الامر من قبل ومن بعد
وطلع اوضه وراحت سهير تبلغ سوزى ورهف وتبدء بالتحضير
……………………………………………………
فى العربيه عند اسر
مها :- مش قادره هتجن من بدرى عماله اصبر فى ماما وانا قلبى نار من جوه عليها هتكون راحت فين بس يا ربى وعيطت
اسر :- اهدى يا مها ان شاءالله خير طب هى معندهاش اصدقاء ولا حاجه
مها :- بدموع لا ملهاش اصحاب
اسر :- طب ليها مكان معين بتروحو لما بتكون زعلانه
مها :- تعال نشوفها على البحر ده المكان اللى ممكن تكون راحت فيه
اسر :- ماشى وراح بعربيته عند البحر ونزل هو ومها قعدو يدوره عليها بس برضه ملاقهاش
مها :- حتى هنا مش موجوده انتى فين بس يا مليكه
اسر :- تعالى ندور عليها تانى فى الشوارع
وراحو ركبو العربيه وشغل اسر العربيه بس قبل ما يمشى تليفونه رن بيبص لاقها امه
اسر :- ايوه يا ماما
سوزى :- انت فين يا اسر
اسر :- ليه عايز ايه
سوزى :- تعال بسرعه اختك كتب كتابها انهارده
اسر :- ايه ازاى يعنى
سوزى :- لسه سهير مامت فهد المنشاوى متصله بيا وبلغتنى الخبر
اسر :- ايه قولتى مين
سوزى :- فهد المنشاوى
اسر :- فهد المنشاوى ازاى
سوزى :- يووووه بقى يا اسر لما تيجى ابقى افهمك يلا سلام بقى علشان الحق اجهز اختك واجهز انا كمان وقفلت السكه
مها :- فى ايه يا اسر وماله فهد المنشاوى
اسر :- بصدمه كتب كتابه النهارده
مها :- قطعته وقالت طب ايه المشكله ما احنا عارفين ان كتب كتابه النهارده هو مليكه
اسر :- لا يا مها مش كده كتب كتاب فهد واختى رهف
مها :- بصدمه مين طب ازاى
اسر :- مش عارف ايه اللى حصل
مها :- طب ومليكه انا مش فاهمه حاجه والله هو فى ايه بيحصل بالظبط
اسر :- نروح نبلغ مرات عمى ولا بلاش احسن ما تتعب
مها :- لا طبعآ لازم تعرف روح بينا على البيت
اسر :- حاضر ومشى بالعربيه ورجع تانى للشقه
……………………………………………………
فى فيلا فريد المنشاوى
وصل فهد بعربيته ونزل منها وساب جدته ودخل يجرى على الفيلا
فهد :- بابا ماله يا ماما
سهير :- بتمثيل باباك تعبان جدآ فوق فى الاوضه
فهد :- طلع يجرى على اوضت ابوه
ناديه :- دخلت الفيلا وهى سانده على العكاز بتعها
سهير :- منوره يا حماتى
ناديه :- فين ابنى يا سهير
سهير :- اكلته
ناديه :- اكلك قطر يكون مستعجل ان شاءالله
سهير :- انشالله اللى بيكرهنى يارب
ناديه :- وليه انتى قولى فين ابنى بدل ما اجيبك من شعرك شكلك وحشك العلقات بتاعة زمان فكره
سهير :- عندك فوق فى الاوضه
ناديه :- زقتها بالعكاز وقالت اوعى كده من وشى ياريت بدل ما جت فى ابنى كانت جت فيكى وارتحنا من قرفك يا شيخه وسبتها وطلعت الاوضه عند فريد
سهير :- وليه كركوبه ومسكه فى الدنيا ربنا يهدك يا شيخه
وراحت تشوف اللى وراها
……………………………………………………
فى اوضت فريد
فهد :- عامل ايه يا بابا
فريد :- كويس يا ابنى طول ما انت واخوك بخير
فهد :- ربنا يخليك يا بابا
ناديه :- ابنى حبيبى مالك يا حبيبى
فريد :- متخفيش يا ماما شوية تعب بسيط والحمدالله بقيت كويس لما شوفتكم
ناديه :- ربنا يحميك ويكفيك شر المرض يا فريد يا ابن بطنى
فريد :- اقعدى بس ريحى شويه من المشوار
وبص لفهد وقال ايه اللى حصل فى موضوع مليكه يا فهد
فهد :- بص بغيظ على جدته وقال مفيش يا بابا شوية مشاكل
فريد :- والله زعلت اوى على البنت دى كانت شكلها كويسه اوى وغلبانه وحبتها بجد
فهد :- وقف وقال مفيش نصيب
فريد :- رايح فين
فهد :- هنزل اشم شوية هوا فى الجنينه
فريد :- ها لالالا خليك قاعد معايه شويه انت واحشنى اوى يا حبيبى
ناديه :- فريد هو اى الحكايه بالظبط
فريد :- ح.ح.حكاية ايه يا ماما
ناديه :- الموضوع ده فيه ان شكلك ده مش شكل واحد تعبان ابدآ وشكلك متوتر كده وكأنك مخبى حاجه
فريد :- ها و.و.ولا حاجه يا ماما
ناديه :- فريد انت ابنى ومربياك وعرفاك فى ايه
فريد :- الصراحه بقى انا لاتعبان ولا حاجه بس سهير اللى قالت ليا اعمل كده ع.ع.علشان علشان
فهد :- علشان ايه يا بابا
فريد :- الصراحه كده امك ناويه تعمل حفله وتجيب المأذون وتجوزك رهف
ناديه :- مين رهف دى
فريد :- بنت عم مليكه
ناديه :- ايه هى الوليه دى اتجنت فى عقلها ولا ايه والنبى لاروح واكسر ليها دمغها دى ووقفت ولسه هتفتح الباب
فهد :- بتحدى بس انا موافق يا نانا
فريد وناديه :- اتصدمو من كلام فهد
ناديه :- ايه اللى انت بتقوله ده
فهد :- ايه انا حر
ناديه :- لا مش حر انت واخدها عند مش اكتر وده جواز مش لعبه
فهد :- برضه انا حر محدش ليه دعوه
فريد :- يا حبيبى مش دى اللى انت رفضها كذا مره ايه اللى جد المرادى
فهد :- مش عايز كلام كتير
ناديه :- ولا انت بلاش عند بدل ما اكسرك دماغك دى
فهد :- انتى بالذات ملكيش دعوه بحياتى فاهمه وسبهم ودخل اوضه
……………………………………………………
فى شقة اسر
وصلت مها مع اسر ودخلو
فايزه :- جريت عليهم وقالت ها ملاقتهاش
اسر :- للاسف لا
فايزه :- يا ترى انتى فين يا بنتى يا ترى انتى فين
مها :- وفى خبر تانى
فايزه :- جرلها حاجه
مها :- لالالا بعد الشر بس اللى اسمه فهد
فايزه :- ربنا ينتقم منه ماله
مها :- احم النهارده كتب كتابه على رهف بنت عمى
فايزه :- بصدمه ايه ازاى وهو كتب كتابه النهارده على مليكه
اسر :- مش عارف ماما اتصلت بلغتنى بكده
مى :- ده ايه الاستعباط ده يعنى ازاى كتب كتابه على رهف ومليكه فى يوم واحد
فايزه :- ياترى انتى فين يا مليكه يارب ردها ليا عاجلا وليس اجلا وطمن قلبى عليها يارب
الكل :- اللهم امين
مها :- طب ناويه تعملى ايه
فايزه :- انت تعرف الفيلا فين يا اسر
اسر :- اه طبعآ يا مرات عمى دى فيلت فريد المنشاوى مشهورا اوى
فايزه :- طب ثوانى هدخل البس هدومى وودينى عند الفيلا دى
اسر :- طب ليه عايزه تروحى
فايزه :- والله لاروح اخرب عليهم الفرح فوق دماغهم علشان هو السبب فى اللى حصل ده
ودخلت لبست وخرجت
مها ومى :- احنا هنيجى معاكى
فايزه :- لا خليكم هنا
مها :- مش هنسيبك لوحدك هنروح معاكى
اسر :- تعالو ونزلو ركبو العربيه وراح اسر بيهم عند فيلت فريد المنشاوى
……………………………………………………
مر الوقت وبدء المعازيم يوصله الفيلا مع استغراب المعازيم على سرعة الجواز وبدء يتجمع الصحافين فى الجنينه ووصل المأذون ونزل فهد من اوضه بعد ما لبس بدلته الكلاسيك وسرح شعره
وبدءت البنات تتهامز على الجمال بتاع فهد
فهد :- طلع سيجاره الكوبى وولعها واخد نفس وطلعه فى الهوا وطلع معاه كمية وجع من قلبه رافض حتى الاعتراف بيها
وشويه ووصلت رهف مع ممدوح وسوزى والكل كان بيحسد رهف على جوازها من فهد المنشاوى
رهف :- اذيك يا فهد
فهد :- بقرف اهلا
رهف :- انا مبسوطه اوى اوى يا فهد كنت عارفه انك بتحبينى بس بتتقل وكده يعنى
فهد :- تعرفى تسكتى ومسمعش نفسك
رهف :- ماشى ماشى وغمزت ليه وقالت تقل وكده يعنى بس حلو برضه
فهد :- داس على سنانه وقال لو نطقتى بحرف واحد تانى من الكام حرف اللى حلتك دول لكون قاطع لسانك وكملت على بقيت الحروف
رهف :- خافت وهزت راسها بمعنى ماشى
وفى الوقت ده وصلت فايزه وبناتها واسر
الحارس :- ايوه حضرتك عايزه مين
اسر :- انا اسر ممدوح مظهر اخو العروسه ودى مرات عمى وبناتها
الحارس :- ممكن اشوف البطاقه
اسر :- اه طبعآ وطلع البطاقه ووراها للحارس
الحارس :- انا اسف يا فندم اتفضلو
ودخل اسر ومعاه فايزه وبنات عمه
وفى الوقت ده بدء المأذون فى كتب الكتاب وكان فهد قاعد فى جنب وممدوح قاعد فى جنب والمأذون فى النص وحاطط ايد فهد فى ايد ممدوح
المأذون :- بص لممدوح وقال قول ورايا زوجتك مواكلتى رهف ممدوح مظهر
ممدوح :- زوجتك مواكلتى وفى الوقت ده الكل بص على صوت بيقول
مليكه :- مليكه عبدالرحمن مظهر العروسه ولا ايه يا عمى
فايزه ومها ومى واسر طلعو يجرو عليها وجت ناديه وحضنتها
الكل اتصدم من كلام مليكه
المأذون :- بس الاسم عندى ره
مليكه :- قطعته وقالت اسأل العريس يا شخنا وهو يجوبك
المأذون :- بص لفهد وقال اسم العروسه ايه يا فهد باشا
فهد :-…………………

*********************

إلي هنا ينتهي الفصل الثالث عشر من رواية متمردة عشقت كبريائه بقلم دودو محمد
تابع من هنا: جميع فصول رواية متمردة عشقت كبريائه بقلم دودو محمد
تابع من هنا: جميع فصول رواية أرض زيكولا بقلم عمرو عبدالحميد

تابع أيضاً: جميع فصول رواية أحببتها فى إنتقامى بقلم عليا حمدى

تابعوا صفحتنا على الفيس بوك للمزيد من قصص رومانسية
حمل تطبيق قصص وروايات عربية من جوجل بلاي

اقرأ أيضا: رواية لم تكن خادمتى بقلم أميمة خالد