قصص رومانسية جريئة ممنوع دخول الأطفال

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة المتميزة دودو محمد والتي سبق أن قدمنا لها العديد من القصص والروايات الجميلةعلي موقعنا قصص 26 وموعدنا اليوم مع الفصل الحادى والعشرون من رواية متمردة عشقت كبريائه بقلم دودو محمد

رواية متمردة عشقت كبريائه بقلم دودو محمد - الفصل الحادى والعشرون

اقرأ أيضا: قصص رومانسية

رواية متمردة عشقت كبريائه - دودو محمد

رواية متمردة عشقت كبريائه بقلم دودو محمد - الفصل الحادى والعشرون

عند باسم قعد يدور على مليكه بعربيته فى الشوارع بس ملاقش ليها اثر وقف وقال
باسم :- ياترى روحتى فين يا مليكه حتى مش معايه رقمك علشان اتصل بيها وجت ليه فكره ان هو يتصل على فهد وياخد منه رقمها ومسك تليفونه وطلب رقم فهد وانتظر الرد وبعد شويه رد عليه شخص تانى
باسم :- ايوه يافهد
الشخص :- لا حضرتك صاحب التليفون ده عمل حادثه وهو دلوقتى فى مستشفى (…………)
باسم :- بصدمه انا جاين حالا وقفل التليفون وشغل العربيه وطلع يجرى على المستشفى وبعد وقت قصير وصل باسم للمستشفى ونزل يجرى من العربيه ودخل سأل الاستقبال عن حالة فهد
باسم :- لو سمحت كان فى حاله دلوقتى جت فى حادثه ممكن اعرف هو عامل ايه
الاستقبال :- ايوه حضرتك ده حالته صعبه جدآ ودخل العمليات علطول
باسم :- طب هو فى اى دور لو سمحت
الاستقبال :- الدور الرابع حضرتك
باسم :- راح عند الاسانسير لاقه لسه منزلش راح يجرى على السلم وطلع الدور الرابع ووقف قدام اوضت العمليات وقعد يدعى ربنا ينجى فهد من اللى هو فيه وبعد وقت طويل حس بحركه غريبه فى المستشفى والدكاتره بتجرى والممرضين حاول يسأل فى ايه بس مكنش حد بيجاوبه
باسم :- مسك ممرضه من درعها وقال بعصبيه انا عايز افهم فى ايه بالظبط
الممرضه :- المريض اللى لسه جاى فى الحادثه قلبه وقف فى العمليات وسابته وطلعت تجرى
باسم :- اتصدم من اللى سمعه ومقدرش يقف على رجليه قعد فى الارض وحط راسه ما بين ايديه ودموعه نزلت منه وقال اوعى تسبنى يا صحبى ده انت السند ليا فى الدنيا دى ليه يا ربى كل حبايبى بيمشو ويسبونى مش قادر خلاص استحمل فراق حد غالى عليه
وقعد يعيط
……………………………………………………
عند مليكه
نزلت تجرى من الفندق ودموعها على خدها بس مكنش معاها فلوس ومش معاها تليفون قعدت تجرى تجرى فى الشارع وهى مش عارفه رايحه فين ومره واحده حست ان الدنيا دى بتلف بيها وقفت مسكت راسها بس مره واحده اغمى عليها الناس اتلمت عليها وحاولو ان يفوقوها لكن مليكه ما فقتش واحد شالها واخدها فى عربيته وراح بيها المستشفى ودخلها اوضت الكشف وشويه وجه الدكتور
الدكتور :- حضرتك تقرب ليها
الشخص :- لا انا معرفهاش
الدكتور :- طب ممكن تستنا بره على ما اكشف عليها
الشخص :- اكيد طبعآ وخرج الشخص ده وكشف الدكتور على مليكه وخرج من الاوضه
الدكتور :- عندها انهيار عصبى شكلها اتعرضت لضغط نفسى جامد اوى
الشخص :- طب هى عامله ايه دلوقتى
الدكتور :- انا اديتها حقنه مهدأئه تريح اعصابها وشويه وهتفوق وتكون كويسه بس ياريت لو سمحت تروح الحسابات
الشخص :- شكرآ يا دكتور
ومشى الدكتور ونزل الشخص ده للحسابات ودفع فلوس تحت الحساب وطلع تانى عند اوضت مليكه وقعد على الكرسى اللى قدام الاوضه وحس ان فى حركه غريبه فى المستشفى قام وسأل الممرضه
الشخص :- لو سمحتى هو فى ايه فى المستشفى
الممرضه :- ده واحد عمل حادثه بالعربيه جه وحالته صعبه ودخل العمليات بس قلبه وقف فجاءه
الشخص :- ربنا يلطف بى ورجع تانى قعد على الكرسى
……………………………………………………
فى شقة اسر
كانت فايزه قعده مع اسر ومها ومى
فايزه :- حطت ايديها على قلبها
اسر :- مالك يا مرات عمى تعبانه ولا ايه
فايزه :- لا بس قلبى انقبض مره واحده حاسه ان مليكه فيها حاجه
مها :- يا ماما انتى بس علشان خايفه عليها من جوزها كل شويه تخافى ليكون عمل فيها حاجه مش هى كلمتك وقالت انها كويسه
فايزه :- بس هى متصلتش بيا خالص انهارده
اسر :- طب اتصلى انتى بيها ايه المشكله
فايزه :- لا اصل التليفون مش تليفونها ده تليفون جوزها وانا مش برضه اتصل عليه مش طايقه اسمع صوته
مى :- يا امى يا حبيبتى ابوس ايدك يا ست الكل بلاش التشائم اللى مسيطر عليكى ده الراجل ومات بدرى والبت اتجوزت جوازت مطلقين عارفه ليه علشان مفيش تفأول انتى عارفه لو تتفألى مره واحده بس فى حياتك الدنيا هتبقى زى الفل اقسم بالله😂😂
فايزه :- ادعى عليكى بأيه يا بعيده اللهى اشوف فيكى يوم
مى :- ده انتى هتشوفى يوم ولا كل الايام فيا بتشائم بتاعك ده 😂😂😂
فايزه :- قلعت الشبشب وحدفتها بي
مى :- اااااااه يا راسى ده انتى مفروض يلعبوكى فى المنتخب والله بتنشنى كويس اوى بتصيبى الهدف بصراحه😂😂
مها واسر :- هههههههههههههههههه
……………………………………………………
فى المستشفى
الممرضه :- مين هنا تبع المريض اللى جاى فى الحادثه
باسم :- قام وقف ومسح دموعه وقال انا
الممرضه :- المريض قلبه اشتغل الحمدالله بس لسه برضه فى خطر كبير على حياته
باسم :- المهم قلبه رجع يشتغل تانى
الممرضه :- بس محتاجين دم ليه ضرورى علشان فقد دم كتير فى الحادثه
باسم :- بس فصيلة دمه صعبه الاقيها هجبها منين
الممرضه :- اى حد من قريبه
باسم :- للاسف لا محدش عنده نفس الفصيله بتاعته
الممرضه :- كده هيأثر على حياته بشكل كبير احنا محتاجين دم ليه ضرورى
باسم :- بعصبيه وانتو ايه لزمتكم مش مفروض يكون فى دم احتياطى هنا ولا ايه
الممرضه :- حضرتك قولت فصيلة دمه نادره يعنى صعب نلاقيها هنا فى كياس الدم الموجوده
باسم :- بعصبيه مليش دعوه اتصرفو انا عايزه عايش بأى طريقه احسن ودينى اقفل ليكم المستشفى
الممرضه :- بخوف ه.ه.هشوف الدكتور هيعمل ايه وسابته ورجعت تانى للعمليات
باسم :- يارب يقومك بالسلامه يا صاحبى
……………………………………………………
فى اوضت مليكه
بدءت تحرك راسها وتفتح عنيها واحده واحده
مليكه :- امممم انا فين وبصت حواليها ملاقتش حد حاولت تقوم من على السرير بصعوبه وفى الوقت ده الباب اتفتح
الشخص :- اول ما شاف مليكه بتحاول تقوم طلع يجرى عليها وسندها وقال انتى ايه قومك انتى لسه تعبانه
مليكه :- شدت ايديها من الشخص ده وقالت ا.ا.انت مين وانا فين
الشخص :- اهدى وانا هقولك انا اسمى مازن وكنت ماشى بعربيته عادى لحد ما لاقيت مجموعه ناس وقفه نزلت اشوف فى ايه لاقيتك وقعه على الارض مغمى عليكى حاولنا نفوقكى بس انتى مفقتيش شلتك وجبتك هنا فى المستشفى وهما ادوكى حقنه تهديكى بس هى دى كل الحكايه
مليكه :- افتكرت اللى حصل ونزلت دمعه منها
مازن :- لالالا هو انا قولت ليكى حاجه زعلتك
مليكه :- مسحت الدمعه بأيديها وقالت لا حضرتك هو احنا فين
مازن :- رفع حاجبه وقال هو انتى فاقده الذاكره ولا ايه ما انا لسه قايل ليكى فى المستشفى
مليكه :- لا مش قصدى يعنى فين بالظبط
مازن :- اه احنا فى الغردقه
مليكه :- هو حضرتك من هنا
مازن :- لا من اسكندريه بس كنت فى شغل وخلصته وراجع تانى اسكندريه
مليكه :- بفرحه بجد
مازن :- انا لو اعرف ان اسم اسكندريه هيفرحك كده كنت قولت اسمها من بدرى
مليكه :- لالا اصل انا من اسكندريه ومكنتش عارفه ارجع ازاى ممكن بعد اذن حضرتك تخدنى معاك وصلنى بس لحد اول اسكندريه وانا بعد كده هتصرف
مازن :- لا والله واول اسكندريه ده فين يمين ولا شمال
مليكه :- افندم خلاص انا اسفه حضرتك للازعاج
مازن :- ايه ده هو انتى من النوع اللى بيتقمص بسرعه انا بهزر يا شيخه خلى البساط احمدى
مليكه :- ههههههه شكرآ لحضرتك
مازن :- وانتى اسمك ايه بقى
مليكه :- انا اسمى مليكه
مازن :- اوبا اسمك حلو اوى ولايق عليكى اسمك مليكه وانتى مليكه بجد
مليكه :- ش.ش.شكرآ حضرتك
مازن :- مابلاش الالقاب دى
مليكه :- يعنى ايه
مازن :- يعنى انا اقولك يا مليكه وانتى تقوليلى استاذ مازن عادى شوفتى انا متواضع ازاى
مليكه :- ههههههههه لا واضح التواضع الصراحه
مازن :- ايوه يا بنتى اهم حاجه التواضع ده انا بمشى على الارض بقول يا ارض اتهدى ما عليكى قدى 😂😂😂
مليكه :- ههههههههههه لا شكلك كده مشكله والله خلتنى اضحك من قلبى رغم اللى انا فيه وراحت معيطه
مازن :- ايه ده ازاى بتضحكى وتعيطى فى نفس الوقت لا ده انا كده والنصحف اهد الهدهيد وازلزل الزلازيل علشان تضحكى
مليكه :- هههههه انا سعيده جدآ بمعرفتك
مازن :- ما ترسى على اسم سعيده ولا مليكه
مليكه :- هههههه لا مليكه سعيده
مازن :- ده اللى هو زى عام سعيد كده 😂😂
مليكه :- لا الواضح مش هعرف اسلك معاك فى الكلام
مازن :- ليه هو انا بوليعه محتاج اتسلك
مليكه :- لا كده كتير بقولك ايه انا اسفه ليك ان وقعت فى سكتك امشى من وشى بدل ما اتشل
مازن :- بطريقه مسرحيه اه قلبى بعد عشرة ساعه ونص بتقوليلى امشى تبآ لكى ايها الفتاه
مليكه :- ههههههههههه لالا مشكله بجد
مازن :- سنيوره مليكه ممكن تتكرمى وتقومى نمشى
مليكه :- اكيد طبعآ وقامت وقفت وقالت بس يعنى
مازن :- بأستغراب بس ايه
مليكه :- م.م.مش معايه فلوس ادفع حساب المستشفى
مازن :- اوبس طب والعمل دلوقتى
مليكه :- عنيها دمعت وقالت ممكن بس تدفعهم وانا اول ما انزل اسكندريه هدفعهم ليك علطول
مازن :- بزعل مزيف انا اسف بس يعنى اعرفك منين علشان ادفعهم ليكى انا اوصلك اه لكن اديكى فلوس سورى
مليكه :- دمعه نزلت منها وقالت ا.ا.انا اسفه اتفضل انت امشى
مازن :- براحتك ووصل لحد الباب ومد ايده على اكرت الباب وبعدين هههههههههههههه لا بجد انتى مشكله بيضحك عليكى بأقل مجهود يلا يا هانم قدامى
مليكه :- استغربت وقالت يعنى ايه مش فاهمه
مازن :- يعنى الفلوس اندفعت من بدرى يلا بدل ما ارجع فى كلامى واسيبك هنا وموصلكيش
مليكه :- مسحت دموعها وقالت بجد شكرآ ليك يا مازن وانا اول ما انزل اسكندريه هدفعهم ليك
مازن :- لو مش هتبطلى الكلام ده هسيبك وامشى وقد زعتر من بعتر ادينى بقولك اهو 😂😂😂
مليكه :- هههههههههههههههه يلا بينا وخرجت مليكه مع مازن من الاوضه ومشيت معاه بس وقفت فجأءه
مازن :- وقفتى ليه نسيتى حاجه
مليكه :- مش عارفه ليه قلبى حاسس
ان ليه حاجه هنا حاسس بحاجه غريبه
مازن :- مش فاهم
مليكه :- حاسه احساس غريب مش عارفه ايه هو بس حاسه وكأنى فى جزء من قلبى واقع هنا حاسه ان كل ما بمشى خطوه حاجه بتشدنى وترجعنى تانى
مازن :- الصراحه مش عندى تفسير للى بيحصل ده بس يلا نمشى علشان الليل ليل علينا
وفى الوقت ده عدت الممرضه من جمب مازن
مازن :- لوسمحتى اللى كان قلبه وقف ده عمل ايه
الممرضه :- اه اللى جه فى الحادثه
مازن :- ايوه
الممرضه :- القلب اشتغل بس حالته صعبه اوى وفقد دم كتير ومش لاقين ليه الفصيله بتاعته وشكله كده هيدخل فى غيبوبه وسابته ومشيت
مازن :- لا حولا ولا قوة الا بالله ربنا يشفيه ويقومه لامه او مراته او عياله بالسلامه
مليكه :- قلبها انقبض لما سمعت كده وقالت مين ده يا مازن انت تعرفه
مازن :- لا بس وانتى مغمى عليكى فى الاوضه كانت المستشفى فيها حركه مش طبيعيه ولما سألت قالو ليا ان فى واحد قلبه وقف فى العمليات كان جاى فى حادثه
مليكه :- قلبها انقبض اكتر وحاسه بأحساس غريب
مازن :- مليكه يلا بينا
مليكه :- ها
مازن :- ها ايه انتى سرحانه فى ايه بقولك يلا بينا
مليكه :- ي.ي.يلا
ونزلت مليكه مع مازن
……………………………………………………
فى الفندق
فى اوضت مروه
جهزت شنطتها واخدت عدى ونزلت ركبت عربيتها ونزلت اسكندريه وبعد وقت طويل وصلت الفيلا نزلت من عربيتها ودخلت
سهير :- مروه انتى ايه نزلك مش قولتى هتقعدى
مروه :- ها بتمثيل مقدرتش يا طنط كنت قعده وهتجن على عمو فريد هو عمل ايه دلوقتى
سهير :- تعبان خالص يا مروه والدكاتره قالت ان عضلت القلب ضعيفه اوى ولازم ميتحركش من على السرير
مروه :- الف سلامه عليه يا طنط انا اه مقعدش معاه كتير بس ربنا يعلم انا حبيته قد ايه
سهير :- ربنا يخليكى يا حبيبتى كل يوم بتثبتى ليا ان فارس اختار صح
مروه :- صح هو فين فارس
سهير :- فى الشغل قولتى لفهد على ابوه
مروه :- ها لا يا طنط اصلا انا مشفتهوش خالص النهارده.
سهير :- تلاقى قاعد جمبها انا هبقى اتصل بى اقوله اطلعى انتى اوضك ريحى شويه على ما يجى فارس من الشغل
مروه :- ماشى يا طنط عن اذنك
سهير :- عدى حبيب تيته واحشتنى اوى ده جدو فريد هيفرح اوى لما يشوفك وشالته وطلعت بى على اوضت فريد
عدى :- جدو جدو واحشتنى
فريد :- بتعب حبيب جدو الفيلا مكنش ليها طعم من غيرك يا قلبى
عدى :- حضنه وقال انا بحبك اوى يا جدو
فريد :- بتعب ياريت كنت جيت من زمان علشان اقدر اشبع منك بس العمر خلاص مفهوش وقت
سهير :- ربنا يديك طولت العمر لحد ما تشوفه عريس قد الدنيا
فريد :- يا عالم يا سهير اتبقى فى العمر قد ايه
سهير :- بلاش طب تتعب نفسك وتتكلم كتير زى ما الدكتور قال
فريد :- حاضر
سهير :- يلا يا عدى نسيب جدو يريح شويه
فريد :- لالالا سبيه معايه
سهير :- ماشى بس اوع يا عدى تعمل شقاوه جدو تعبان
عدى :- حاضر يا تيته
وقامت سهير وخرجت من الاوضه
فريد :- ها احكى ليا يا بطل عملت ايه فى الغردقه
عدى :- مش حلوه خالص يا جدو الحاجه الوحيده اللى حلوه فيها هى طنط مليكه وعمو فهد غير كده كله مش حلو بس انا خفت اوى النهارده من عمو فهد
فريد :- ليه يا حبيبى
عدى :- ضرب ماما النهارده وكان عمال يزعق ليها
فريد :- بستغراب ضرب ماما ليه
عدى :- مش عارف يا جدو
فريد :- لنفسه يا ترى فى ايه حصل هناك يا فهد
……………………………………………………
فى المستشفى
بعد وقت طويل جدآ جدآ خرج الدكتور من اوضت العمليات وهو مرهق جدآ
باسم :- طلع يجرى عليه وقال طمنى يا دكتور على فهد
الدكتور :- كل شئ بأيد الله احنا عملنا كل حاجه نقدر عليها بس هو فقد نسبة دم كبيره جدآ ولحتى الان مش لاقين الفصيله بتاعته وللاسف الشديد دخل فى غيبوبه وهو فى حاله خطره جدآ وهنحطه فى العنايه المركزه تحت الاجهزه والسعات اللى جايه لو عدت بسلام عليه يبقى فى امل فى الحاله انها تتحسن كل اللى فى ايديكم دلوقتى الدعاء ليه عن اذنك
باسم :- كان بيسمع الكلام ده وهو مصدوم ومش قادر يصدق نفسه بص على اثر الدكتور وهو ماشى وفى الوقت ده طلع فهد على السرير من اوضت العمليات
باسم :- جرى عليه ودموعه نزلت منه على منظر فهد وهو نايم على السرير ومش حاسس بحاجه ومسك ايديه وقال قوم يا فهد انا عارف انك قوى وهتقدر تعدى المرحله دى علشان خاطر كل اللى بيحبوك قوم علشان خاطر مليكه وعلشان خاطر عدى ابنك
الممرض :- لو سمحت مينفعش كده اوع خلينا نحطه على الاجهزه احسن كده فى خطر على حياته الوقت مش فى مصلحته
باسم :- وسع السكه وسبهم يعدو وقعد يبص عليهم لحد ما اختفو مسح دموعه وقال لازم اهلو يعرفو وطلع تليفونه واتصل على فارس وانتظر الرد وبعد ثوانى رد فارس عليه
فارس :- اذيك يا بسوم
باسم :- بحزن فارس تعال دلوقتى حالا على الغردقه فى مستشفى (…………)
فارس :- بقلق خير يا باسم
باسم :- فهد عمل حادثه بعربيته وهو فى المستشفى وحالته خطر
فارس :- كان ماسك القهوه فى ايده وقع منه فى الارض وقال ايه الكلام اللى انت بتقوله ده لا فهد كويس ومفهوش حاجه قول صح بالله عليك
باسم :- بدموع اهدا يا فارس فهد محتاجنا كلنا حاوليه علشان يحس بينا ويتمسك بالحياه اكتر
فارس :- بدموع انا جاى حالا يا باسم وقفل السكه ونزل يجرى ركب عربيته وراح على الغردقه
……………………………………………………
عند مليكه
نزلت من المستشفى وخرجت من الباب بس وقفت تانى
مازن :- فى ايه تانى
مليكه :- لالالا كل ما ببعد عن المكان بحس بحد بينادى على اسمى
مازن :- يا بنتى انتى ملبوسه ولا ايه
مليكه :- اول مره احس الاحساس ده مش قادره افهم ايه هو بالظبط بس كل اللى اعرفه ان الاحساس ده متعلق بالمكان ده وشاورت على المستشفى
مازن :- دى فوازير رمضان صح حزر فزر
مليكه :- لا بجد والله يا مازن احساس غريب فعلا
مازن :- استعيذى بالله انتى بس ويلا يا ماما ربنا يهديكى
مليكه :- بصت للمستشفى اوى وكأنها بتحفظ شكلها فى دمغها ومشيت مع مازن وركبت العربيه وراحو على الاسكندريه وبعد وقت طويل وصلت مليكه لعنوان بيتهم
مازن :- هو ده العنوان
مليكه :- ايوه تعال معايه اعرفك على ماما واخواتى
مازن :- لا مره تانيه ممكن اخد رقم تليفونك علشان لما احب اطمن عليكى
مليكه :- للاسف تليفونى ضاع ومش لاقيه بس خد رقم اختى مها
مازن :- ماشى هاتى
مليكه :- قالت ليه الرقم
مازن :- اوك انا هسجله عندى وابقى اتصل اطمن عليكى
مليكه :- ان شاءالله تصبح على خير
مازن :- وانتى من اهله
ونزلت مليكه ومشى مازن بعربيته
مليكه :- بصت على البيت من بره ودمعه نزلت من عنيها طلعت السلم ورنت الجرس
مى :- فتحت الباب واول ماشافت مليكه صرخت وقالت ملللللللللليكه وحضنتها
الكل جه على صوت مى ومصدقوش نفسهم لما شافو مليكه
مليكه :- اول ما شافت امها دخلت واترمت فى حضنها وقعدت تعيط
فايزه :- ضمتها فى حضنها وقالت شششش بس بلاش عياط واهدى يا حبيبتى انتى خلاص بقيتى فى حضنى ومش هسمح لاى حد يبعدك عنى تانى
مها :- اوعى يا ماما اسلم عليها بقى
مليكه :- اترمت فى حضن مها
مها :- واحشتينى اوى يا ملوكه
مليكه :- وانتى يا مها وكلكم وحشتونى
فايزه :- ادخلى يا حبيبتى ريحى شويه
مليكه :- دخلت وقعدت على الكنبه
فايزه :- امال فين اللى ما يتسمى جوزك
مليكه :- بدموع انا طلبت منه الطلاق وسبته ومشيت
مها :- اوعى يكون مد ايده عليكى
مليكه :- بلعكس كان حنين اوعى معايه ومفكرش ولا مره يضربنى ولايمد ايده عليا وابتسمت ابتسامه خفيفه
الكل بص لبعضه
مى :- لما هو حنين اوى كده طلبتى الطلاق منه ليه ولا نفسك تاخدى لقب مطلقه قولتى اطلق منه
مليكه :- ها لا انا مش بحبه وعايزه اطلق منه
فايزه :- اهدى يا حبيبتى واللى انتى عايزه هيتنفذ
مليكه :- دموعها نزلت منها وقالت انا مستحيل اعيش لو للحظه معاه يا ماما انا عايزه اطلق منه فى اسرع وقت
فايزه :-ماشى يا حبيبتى ادخلى اوضك ريحى جسمك شويه ونامى
مليكه :- وقفت وقالت تصبحو على خير
الكل :- وانتى من اهله
ودخلت مليكه اوضتها واترمت على السرير وافتكرت منظر فهد مع مروه حطت ايديها على وشها وقعدت تعيط لحد ما نامت
……………………………………………………
مليكه مليكه
مليكه :- مين بينادى
………:- انا محتاجك تعالى ليا متبعديش عنى
مليكه :- ا.ا.انت مين انا مش شيفاك الدنيا طلمه ومش قادره اشوف حاجه
………:- بصى فى قلبك وانتى هتشوفينى علشان انا عايش فيه انا مقدرش اعيش من غيرك يا مليكه تعالى ليا ادينى دافع للحياه ادينى الامل اللى ارجع علشانه انقذينى من الغرق يا مليكه
مليكه :- ط.ط.طب انا مش قادر اوصلك
…………:- مدى ايدك هتحسى بيا
مليكه :- مدت ايديها ولمسته وقالت فهد وقامت مفزوعه من نومها
قعدت على السرير واخدت نفسها بصعوبه وحطت ايديها على قلبها وحست ان هو وجعها اوى وقالت
مليكه :- هو انا ليه حاسه ان فى حاجه وحشه حصلت مش قادره اشيل الاحساس ده من قلبى وفى الوقت ده اذان الفجر اذن قامت من على سريرها دخلت الحمام اتوضت وخرجت ادت فرضها ومسكت المصحف وقعدت تقراه فيه
……………………………………………………
فى الغردقه
وصل فارس المستشفى ونزل يجرى سأل على اوضت فهد والاستقبال قاله على مكان العنايه طلع يجرى لاقى باسم قاعد على الارض وساند ضهره على الحيطه ومرجع راسه لوراه وعمال يعيط
فارس :- باسم فهد حصله حاجه
باسم :- مسح دموعه بسرعه ووقف وقال لا ان شاءالله مش هيحصل حاجه وهيقوم ويرجع لينا بالسلامه
فارس :- اترم فى حضن باسم وعيط وقال فهد يا باسم ده بالنسبه ليا مش بس اخويه الكبير لا بالنسبه ليا اخويه وابويه وصاحبى ده انا لما كنت اغلط وانا صغير واخاف كان هو اللى يروح لبابا ويقوله ان هو اللى عمل الغلط ده كان هو بياخد البهدله والزعيق بدالى لو كنت اعيط كان يجى يجرى عليا ويمسح دموعى ويحاول يعمل اى حاجه تفرحنى فهد شاف كتير فى صغره رغم كده اتحمل المسئوليه لوحده علشان انا اكمل تعليمى لان كان
بابا مرض وكان لازم حد يمسك شغله اتخلى عن كل احلامه فى سبيل يشوفنى انا مبسوط لو حصل حاجه لفهد انا هموت يا باسم
باسم :- فهد قوى وهيقدر يعدى المحنه دى وهيرجع احسن من الاول كمان
فارس :- يارب يا باسم يارب
وفى الوقت ده جه ليهم ظابط
الظابط :- مين هنا تبع حالة فهد فريد المنشاوى
فارس :- انا اخوه
الظابط :- ممكن بطاقتك
فارس :- ثوانى طلعها وادها للظابط
الظابط :- اخدها منه وبص فيها وادها تانى لفارس
فارس :- خير فى حاجه
الظابط :- انا جاى هنا بشأن الحادثه بتاعت اخوك لان بعد الفحص اكتشفنا ان الحادثه بفعل فاعل وان حد لعب فى فرامل العربيه علشان فهد المنشاوى يموت
باسم وفارس :- بصدمه ايه
باسم :- طب حضرتك معرفتوش مين عمل كده
الظابط :- ماانا هنا علشان اسألكم هل فهد المنشاوى ليه اعداء
باسم :- اكيد فهد رجل اعمال كبير وليه اكيد اعداء بيكرهو
الظابط :- طب بتشك فى حد معين يكون ليه يد فى الموضوع
باسم :- لا معتقدش لان كل اللى بيحصل بيبقى فى الشغل لكن متوصلش معاهم للقتل خالص
الظابط :- طب هو متجوز
باسم :- ايوه
الظابط :- طب فى مشاكل ما بنهم
باسم :- ها ل.ل.لا ليه
الظابط :- ممكن تعمل كده بدافع الانتقام او حاجه
باسم :- لالالا مراته طيبه مستحيل تعمل كده
الظابط :- طب انا همشى دلوقتى ولو افتكرت حاجه ممكن تيجى تبلغنى بيها حتى لو صغيره ممكن يكون طرف خيط فى القضيه نقدر نوصلو منه للى عمل كده
باسم :- حاضر
ظابط :- مشى شويه
باسم :- افتكر حاجه مهما قال حضرت الظابط فى حاجه مهما عايز اقولها ليك
ظابط :- اه طبعآ اتفضل
باسم :- حكى ليه اللى حصل ما بين فهد وجيسيون
ظابط :- ده الكلام ده مهم اوى وممكن يكون هو اللى عمل كده
فارس :- ياريت يا حضرت الظابط تجيب حق اخويه من اللى عمل فيه كده
الظابط :- ان شاءالله فى اسرع وقت وهبلغكم بالجديد
فارس :- ان شاءالله
ومشى الظابط
فارس :- يا ولاد ال**** ده شغل مافيا
ودينى لو هما لاكون واكلهم بسنانى
باسم :- اهدا بس يا فهد وسيب الحكومه تشوف شغلها وهما هيقدرو يرجعو حق فهد منه
فارس :- يارب يا باسم

*********************

إلي هنا ينتهي الفصل الحادى والعشرون من رواية متمردة عشقت كبريائه بقلم دودو محمد
تابع من هنا: جميع فصول رواية متمردة عشقت كبريائه بقلم دودو محمد
تابع من هنا: جميع فصول رواية أرض زيكولا بقلم عمرو عبدالحميد

تابع أيضاً: جميع فصول رواية أحببتها فى إنتقامى بقلم عليا حمدى

تابعوا صفحتنا على الفيس بوك للمزيد من قصص رومانسية
حمل تطبيق قصص وروايات عربية من جوجل بلاي

اقرأ أيضا: رواية لم تكن خادمتى بقلم أميمة خالد