قصص رومانسية جريئة ممنوع دخول الأطفال

مرحباً بكم أصدقائي وأحبابي عاشقي القراءة والقصص الرومانسية مع رواية إجتماعية رومانسية مصرية جديدة للكاتبة سلمى سمير نقدمها علي موقعنا قصص 26  وموعدنا اليوم مع الفصل السادس عشر من رواية سرق عذريتى والتي نالت شهرة كبيرة على مواقع البحث والتواصل الإجتماعى بقلم سلمى سمير

رواية سرق عذريتى بقلم سلمى سمير - الفصل السادس عشر

تابع أيضا: قصص رومانسية

رواية سرق عذريتى - سلمى سمير

رواية سرق عذريتى - سلمى سمير - الفصل السادس عشر

*&جرح لا يندمل&*
تدخل يمني غرفة العمليات وفي الخارج ينتظر زين علي نار خروجه له بالسلامه ويدب القلق في قلبه بعد ان سمع صراخ مولوده الاول ويعقبه بعدها بدقائق قليلة صوت صراخ مولودة الثاني وينقبض قلبه من الخوف من خسارة معشوقته
وينظر علي باب غرفة العمليات يترقب خروج الدكتور او اي كائن من الداخل يطمنه علي زوجته لتخرج بعدها اتنين من التمريض يجرون سريرين للاطفال مجهزين بكل ما يلزمهم من رعاية ويذهبو بهم الي الحضانه ويستوقفهم زين ويسالهم....
ارجوكم طمنوني الام اخبارها ايه بخير قولولي انها بخير
تنظر الممرضتان لبعضهم وترد احدهم لسه بيخيطو ليه الجرح اصبر شويا والدكتور هيخلص ويخرج يطمنك
بنفسه عن اذنك .....
ويمشو بالطفلين وقلب زين يتمنا ان يرافقهم لكن عقله وروحه وكل كيانه مع يمني الكامنه بدخل غرفة العمليات
والقلق يسيطر عليه والهواجس تضرب بعقله و يري الدكتور
وهو خارج وملامح الحزن تكسو ملامحه ويقترب منه والالم يعتصر قلب زين لشعوره بما سيقول لها الدكتور
ويذهب له ويمسكه من بالطوه الابيض ويترجاه ان يطمنه علبها ينظر له الدكتور بكل اسي وحزن و يقول له
البقاء لله شد حيلك... المدام تعيش انتي
ليصرخ زين صرخة قلب ملتع بالم لا يستطيع تحمله بشر
ويهزه لاء يمني لاء مستحيل بمني تموت وتسيني يمنييييي
تمسكه عمته وتفك ايده من علي بالطو الدكتور وفاروق يبعده عنه بالعافيه وتصيح فيه عنايات .... اهدي يا زين اهدي يا ابني مش معقول ده جزاء الدكتور لانقاذه مراتك
ينتبه زين لصوت عمته ....بتقولي انقاذ يمني ويلتفت لدكتور يمني عايشه يا دكتور انت قولت عايشه ولا ماتت رد عليا ارجوك طمني هو انا كنت بحلم وانا صاحي ولا ايه.........
يضحك الدكتور .. الواضح انك كنت سرحان وشارد او كنت في كابوس وانت صاحي انا من ساعة ما خرجت من غرفة العمليات بقولك انها بخير والحمد لله انقاذناها وانقذنا الاجنه بس هما هيفضلو بالحضانه من اسبوعين لعشررة ايام علي الاقل وانت ولا كانك سامعني او معانا وفجاءه لقيتك مسكت فيا وبتصرخ كانك في حالة صدمه بس انا مقدر حالتك ....
وبطمنك المدام بخير والحمد لله النزيف وقف وشويا وهتفوق بس هتدخل الرعاية لحد ما ضغطها ينزل .....
يمسك زين فيه ويحضنه متشكر يا دكتور انا هتبرع بمليون جنيه لكل العاملين بالمستشفي ولحضرتك مليون جنيه ليك لانقاذك يمني بس ارجوك اشوفها ولو دقيقه واحده.....
يربت الدكتور علي كتفه روح شوف اولادك علي ما تخرج من غرفة العمليات واول ما تدخل الرعاية هصرح ليك بالزيارة..
يؤمي زين براسه بالموافقه وهو فرحان بان حبيلته عايشه وبخير وياخد حماه وحماته ويزور الطفلين ويشوف فيهم زين كتير من ملامحهم زي سيف يضحك ليهم وفكره مشغول بمعشوقته وتجي ممرضه تكلمه ... الدكتور بقولك مدام يمني دخلت الرعاية لو حابب تشوفها قبل ما يمنعو عنها الزبارة.....
يشكرها زين بامتنان ويطلع ليها كل الفلوس اللي في جيبه
خدي دول علشان الخبر الحلو ده ويذهب لها مسرعا...
ويجي يدخل يمنعوه لكن الدكتور يشاور لهم انه يتركوه يدخل
ويدخل ليها وهما بيجهزو لتركب الاجهزه لها ويمسك ايده ويقبلها بقوة وينزل علي ركبته جمب سريرة ويحضن ايده ويبكي بحرقه ...اوعي تفكري تسبيني الموت اهون عليا من فراقك انا عمري كله فدا نظره من عيونك وضحكه من شفايفك وينهج بقوة وياخذ نفسه بالعافيه
انا بعشقك يا يمني ارجعيلي بسرعه مشتاق ليكي يا عمري
ويترك ايدها ويمسك قلبها ويترنح ويلاحظ الدكتورة شحوب وجهه ويجري عليه ويطلب من التمريض احضار سرير نقال بسرعه ويقاوم زين الغيبوبه ويمسك بالطو الدكتور ارجوك يمني واهلها ميعرفوش حالتي متبلغهمش عني اي حاجه ويقع مغمي عليه وبسرعه يحملوه علي السرير لغرفة اخري من غرف الرعاية ويحاولون بكافة الطرق افاقته لكنه لا يستجيب ويطلب منهم الدكتور عمل صدمات كهربائية
للقلب لانعاشه ويبدءون في شحن مجسات الكهرباء علي فولت قليل ويصدمو جسده المسجي فوق السرير لينتفض جسده علي اثار الصدمه ويستجيب من اول صدمه ويبدء في استعادة وعيه ويتنفس بعدها بصعوبة ويبدء تنفسه ينتظم
ويجري عليه الدكتور فحص طبي شامل ويطلب مجموعة من الاشاعة والتخاليل الضروريه ويساله عن تاريخه المرضي.....
يبتسم له زين باعياء ... متقلقش يا دكتور انا مش مريض بالقلب انا مريض كلي مزمن وحالة الضغط العالي بتؤدي لنوبات توقف عضلة القلب لكني بخير ارجوك با دكتور انا مش عايز مراتي او عمتي يعرفو حاجه عن حالتي وزي ما انت شايف انا بخير والحمد لله
ينظر له الدكتور باستغراب ... مين قال انك بخير انت حظك حلو انك كنت بالمستشفي وسارعنا لانقاذك انت قلبك وقف فعلا ولازم تتتعالج كويس من مرضك لان ازمه تانيه زي دي ممكن تؤدي بحياتك فعلا لو محدش اتقذك بسرعه
يتنهد زين بصعوبة ... متقلقش طول ما يمني في حياتي انا بخير ومرضي مش مأثر علي حياتي لانه ليه سبب .....
تدخل عليهم الممرضه ببعض الاشاعات التي تم عملها لزين ومعاها تقرير بحالته المرضيه وتطلب اخد عبنات من دمه لاجراء بعض الفحوصات والتحاليل المطلوب له وياخد.منها اادكتور الاشاعات ويقراء التقرير ويهز راسه كده فهمت السبب بس بردك ده ميمنعش انك تحافظ علي مستوي ضغط دمك باي طريقه ممكنه ممكن تحصل نوبه زي اللي حصلت وتروح فيها وانت لسه شاب وعندك اولادك محتاجين ليك وزوجه اول ما هتفوق هتسال عليك انا عارف .........
يبتسم له زين في اعياء.... خلي بالك منها وطمنها عليا وياريت اول ما تفوق تبلغني لاني مشتاق اشوف عيونها وهي بتنظر ليا وبسمتها اللي بتحلي حياتي كلها .....
بمسك الدكتور ايده ويقيس نبضه .... مظنش هتقدر تزوها النهاردة انت محتاج زيها للراحه والعلاج اللي خدته في المحلول هينيمك وياريت تلتزم بالتعليمات ومش تعاند ده لمصلحتك ولا تحب ابلغها بحالتك ......
يرفع زين ايده في اعتراض واضح علي كلام الدكتور.... لا خلاص انا فعلا مش قادر بس اوعدني متعرفش حاجه .....
اوعدك انا هروح ليه اطمن عليها وارجع اطمن عليك سلام
_______________________
ويخرج يروح ليمني اللي بدءت تفوق من البنج تفتح عينها
وتري الدكتور وهو بيظبط اجهزة النبض وقيس الضغط
تمسك ايده وتقوله باعياء شديد... طمني اولادي بخير ارجوك
يربت الدكتور علي ايدها... ايوه خير وانت كمان بخير صحيح اخدتي كل البلازما اللي بالمستشفي لتعويض الدم اللي فقدتيه لكن المهم انك قومتي لينا بالسلامه وبخير انتي واطفالك...
ترتسم علي وجهه ملامح الفرح وتساله برجاء..جوزي فين ممكن اشوف ولو دقيقه عايزه يطمني علي الاولاد..........
يرد غليها الدكتور بدبلوماسيه ......هو حاول يدخل يشوفك بس الزيارة ممنوعه لبكره وان شاء الله انتي كمان ضغطك يتظبط وتخرجي من الرعاية وهنسمح ليكي بعدها بزيارة مفتوحه المهم دلوقتي تنامي وترتاحي واطمني علي الاطفال هم بخير ويومين ويخرجو من الحضانه لانهم اتولدو قبل ميعادهم انت عارفه كده كويس والحمد لله انه تم انقاذهم وحاليا هما محتاجين يعوضو عدم اكتمال الرئة بالحضانه بعيد عن الجو الخارجي لان مناعتهم ضعيفه جدا مش هيتحملو التلوث الموجود في الجود بدون اكتمال رئاتهم ..... تغمض عيونه وتتذكر السبب في اللي خلاها تولد قبل الاوان ااتسبب في الحاله اللي وصلت ليه
وتقسم انها لازم توصله لتنتقم منه لانه كان هيتسبب في خسارتها لاطفاله .... وتفتح غيونه
وتقول للدكتور ..... يقعدو كل الوقت اللي يلزمهم المهم انهم بخير ومفيش اي مشاكل تانيه لولادتي ليهم بدري غير اكتمال الرئة بس يعني لما يخرجو من الحضانه هتبقي صحهتهم كويسه ومعافين وسالمين ولا هيشكو من حاجه تانيه .....
يربت علي ايدها في حنان ابوي ..... لا متقلقيش هيبقو بخير وصحه ويمكن احسن منك كمان يلا ارتاحي واشوفك بخيرر الصبح ولو الضغط اتزبط هخرجك لغرفة عادية .....
ويخرج ويروح يطمن علي زين اللي كان نام هو كمان
ويمر يوم عصيب جدا علي الجميع لكنه كلل باحلي فرحه وهي ولادة التؤام الحلوين واحلي ثمرة حب بين زين ويمني
___________________&&&&&&&&؛
وبعد عدت ساعات تشرق شمس الصباح وتستيقظ يمني
وتنظر حولها تتذكر احداث الليل الطويل وتطلب من الممرضه المرافقه لها ان تدخل زوجها وتطمنها علي اولادها اذا امكن...
ليدخل الدكتور المعالج لحالتها ويسمع طلبها يذهب له والبشاشه تضئ وجهه ويبتسم لها ..... ها مريضتنا المزعجه عامله ايه ويمسك ايدها يقيس نبضها ويقراء تقرير المتابعه
لا انت بقيتي كويسه جدا ويلتفت للممرضه المرافقه لها تخلص المحلول ده وتاخد.جرعة العلاج وبعدها تطلع لغرفة عادية واسمحو ليها بالزيارة ويعود لها ها مبسوطه انا بحب المريض المثالي اللي زيك بيريحني وبيشفي بسرعه اما عن اولادك انا طمنتك هما في ايد امنيه وبينالو كل الرعاية اللازمه ليهم ممكن قبل ما تطلعي غرفتك تمري بالحضانه تشوقيهم بنفسك ام دلوقتي هسمح لوالدتك ووالدك بزيارة خمس دقايق ها في طلبات تاني يا حضرت المريضه ......
تهز راسها باستغراب وتقول له .. وجوزي فين انا عايزه زين
يرد عليها الدكتور وهو يتوه في الكلام الاول زيارة اهلك وبعدها زوجك والاحسن ينتظر لما تطلعي لغرفة عادية لان
هنا وقت الزيارة دقايق قليله عن اذنك ادخلهم ليكي.....
ويخرج وتدخل امها وابيها وتحضنها امها رغم الاجهزه المتصله بها لتسالها يمني في لهفه واستغراب..... فين زين يا ماما مش معقول يسيبني كده من غير ما يطمن عليا في حاجه غلط.......
يجيب عليها ابيها ... غريبه فعلا هو اخر مره شفناه كان عند الاولاد بالحضانه وجت ممرضه ليه تطمنو عليكي وقالت ان الدكتور صرح ليه يشوفك قبل ما يمنع الزبارة وراح معاها واستنتاه كتير مرجعش ولا حد شافه من وقتها.....
تحدق يمني في امه باستغراب.... انا صحيت بردك ملقتهوش جمبي اومال راح فين زين راح فين وسايبني كده يا ماما انا عايزه زين دلوقتي والاجهز تطلق صوت الانذار لان يمني نزعتها ويدخل عليها الدكتور والتمريض يمنعوها تقوم لكنها تصرخ فيهم ابعدو عني فين جوزي وديتوه فين انطقو
لتهدء تماما بعد ما تسمع صوت زين الحنون وهو بيقول لها ..
انا هنا يا نور عبني ويروح ليه يحضنها ويشيلها ويرقدها علي السرير ويمسك ايدها .....يا مجنونه كنتي راحه علي فين بقي انتي متخيله اعرف اعيش او ارتاح وانا بعيد عنك .....
تسحب ايده لفمها تقبله ..... اومال لما صحيت الفجر ملقتكش ودلوقتي وسالت عليك محدش شافك كنت فين يا زين مش بحس الراحه والامان غير في وجودك يا ابو اولادي.....
يبلع ريقه ويتنهد بحراره من كلامها ليه...... طيب ممكن تهدي وتستقيمي كده خلي الدكتور يشوف شفله وياريت بلاش تهور تاني انا معنديش استعداد اعيش اللي عشته وانتي في غرفة العمليات كنت بموت فعليا من الخوف عليكي...........
تقبل يده بحب وعشق... بعد الشر عليك يا حبي شفت ولادنا اكيد شبهك لاني كنت دايما بتوحم عليك كنت نفسي تبقي جمبي وانا بولد زي ايام ولادة سيف لكن مش مهم المهم ان ربنا رزقنا منك احلي ولد وبنت وشبهك صح......
تضحك امها بصراحه الولد كله سيف اما البنت كلها نادية والدتة زين رغم انك متفتكرهاش بس كلها هي .......
تتعصب يمتي .... يعني ايه الاولاد مش شبه زين ازاي دول ولاده من دمه ومن صلبه وتهز ايدها بعصبيه يمسك زين ايدها اهدي يا حبي بتقولك الولد شكل سيف وسيف كله انا والبنت شبه مامتي يعني من ملامحي واصلي ايه الداعي لكلامك ده ويهمس في ودنها بلاش فضايح.......
ينظر لهم فاروق باستغراب... هي مراتك اتجننت هو حد قالها انهم مش ولادك وصلبك كلامك غريب وبيدل ان في حاجه مقصودة من كلامك ده هو انت يا زين بتشكك في ولادك منها وبالذات التؤام وهي داخله تولد تقولك دول ولادك ومن صلبك اخيرا ودلوقتي زعلانه ان الولد طالع لاخوه والبنت لجدتها هو في ايه عايز افهم وليه كلامها فبه غموض......
يحكم زين السيطرة علي انفعالاته ويبتسم لحماه.... ابدا يا عمي يمني بس هرمونات الحمل كانت عامله ليها مشكله ودايما بتحس انهم كائنات فضائية شغل جنان ولحد ما ولدت مش مصدقه انهم ولادنا زي ما انت شاايف .......
تضحك عنايات وتقوله... ايوه ده اصدقك بنتي تعمله لانها دايما كانت بتقول اننا اصلا كائنات فضائية
يرد عليها زوجها فعلا كانت بتجننا بكده وهي صغيرة ربنا يهديها لاولادها قبل ما تجننهم زيها
تبتسم يمني لزين بامتنان لانه عالج الموقف بذكاء كبير
يدخل غليهم الدكتور ويطلب منهم الانصراف لانتهاء وقت الزيارة لتصيح فيهم يمني..... لا انا كمان عايزه اخرج يا زين خدني معاك مسبنيش هنا لوحدي.......
يذهب لها زين ويربت علي كتفها بحنان ....... اهدي يا حبي وجودك هنا اكيد لمصلحتك وانا هفضل بره اول ما تجتاجيني هتلاقيني والدكتور وعدني كمان كام ساعه هيعملك فحص شامل لو لقي حالتك بتتحسن هتخرجي لغرفة عادية لكن تخرجي من المستشفي وجرحك لسه ملتئمش ده خطر عليكي واانا عندي صحتك بالدنيا اسمعي شدي حيلك واخرجي لغرفة عادية وانا هفضل جمبك لحد ما نرجع لفيلتنا ايه رايك .
تهز راسها بزعل.... موافقه بس اوعي تبعد عني خالص
ينحني يقبل راسها ... مقدرش يا حبي حد يبعد عن روحه
والكل يخرج من عندها ويتركوها لعناية طقم التمريض
ويستاذن فاروق بالانصراف ويطلب منه زين اخد عمته معاه لترتاح بعد اليوم الشاق الذي قضوه بالقلق علي يمني والسهر طول الليل من اجل الاطمىنان عليها ويطلب زين من عمته الانصراف مع حماه وبالذات بعد ما اطمئنو علي يمني وعلي الاولاد وتغادر عمته مع الوعد بالعودة مره اخره
يذهب الدكتور لزين ويطلب منه العودة لغرفته للعناية به
يزفر يزن زفرة ضيق .... يا دكتور كانت حاله وراحت وانت اتاكدت ان قلبي سليم ايه الداعي للمحاليل والرعاية انا بقيت كويس سيبني بس جمب زوجتي انا هبقي بخير
يرد عليه الدكتور بعصبية .... اسف دوري كطبيب بيحتم عليا مسؤوليات تجاه حالتك والاهمال فيها ليه عواقبه وخيمه عليك ياريت تتلزم بالعلاج اللي كتبتلك ليك علشان متعرضش قلبك لازمه مماثله وكمان لازم تاخد باقي جرعة العلاج اللي مكرره ليكي دلوقتي واوعدك ان اول ما المدام تتحسن هنقلها لغرفه مزدوجه ليك وليها علشان ترتاح وبنفس الوقت ترافقها وتكون معاها ايه رايك بريحك علي الاخر واسمعني كويس ممكن يكون عندك نفوذ وسلطه لكن المرض ملوش كبير وحالتك ممكن تعرضك للموت المحقق قي ثواني ......
ياخذ زين نفس طويل ..... حاضر يا دكتور هنفذ كل اللي طلبته لاني عارف حالتي كويس ونفسي اعيش لزوجتي واولادي اوعدك هاخد بالي من صحتي كويس بس هستاذنك قبل ما ادخل الرعاية اعمل اتصال ضروري ممكن....
الدكتور اوك بس بسرعة علشان اطمن بنفسي عليك قبل ما اروح بسببكم انا بايت هنا من امبارح ويسبقه للرعاية
يطلع زين فونه ويتصل بسلوان وترد عليه وهي نايمه
الووو الووو زين حبيبي صباح الخير طمني يمني ولدت
يرد عليها زين بخفوت .... الحمد لله ولدت وكانت حالتها سيئة ومن ساعه ماصحيت وكانت هايجة بسبب عدم وجوي جمبها جم صحوني علشانها واول ما شافتني هديت
تسكت سلوان وتساله بحيرة... وانت سبتها لوحدها ليه ومال صوتك متغير ليه مالك يا زين فيك ايه صوتك تعبان جدا
يزفر زين بضيق .... مفيش انا كويس انا بس حبيت اطمنك علشان انا هرافقها وصعب اعرف اكلمك تاني يلا سلام
تصيح فيه سلوان .... زين في ايه حصلك ايه انطق لجيلك دلوقتي حساك تعبان انا اعرفك اكتر من نفسك يا زين انطق حصلك ايه وايه تعبك طمنيني عليك متسبنيش قلقانه كده....
يخبط كفه بجبينه .... طيب اهدي انت كمان مش ناقصك دلوقتي قلبي وقف زي المره اللي فاتت ويسمع شاهقة قوية وصوت بكائها ينفخ في زهق يوه بقي يا سلوان متقلقيش انا كويس والله وبخير وبكلمك اهوه فياريت تبطلي عياط علشان مندمش اني قولتلك حاجه والحمد لله ربنا سلم ......
ترد علبهاسلوان بصوت باكي حزين ... انا السبب في اللي حصلك وبيحصلك يارتني موت قبلها يا زين انا عمري ما هسامح نفسي لو جرالك حاجه يمكن ربنا سلم المرادي بس مش كل مره وحياتي عندك يا زين خلي بالك من نفسك....
يتعصب زين ويرد عليها بحده.... اخرصي يا سلوان اللي حصل ده نصيبنا واللي اديتهولك كان برضايا ولا انا والا انتي كنا هنغير المكتوب ثم اللي حصل ربطنا ببعض اكتر وده احب ما عليا علشان يبقي اللي بينا اقوي واقوي ومستحيل نتفرقا طول ما فيا وفيكي روح يا خيبه هو انت متعرفيش غلاوتك عندي يا سلوان انتي اغلي هدية ربنا ربنا رزقني بيها
تمسح سلوان دموعه وتحاول تهدي..... طيب مدام غاليه عليك اووي كده ليه مش بتحافظ علي نفسك وصحتك لو حتي مش علشاني علشان ولادك يا زين انت دلوقتي حققت كل اللي نفسك فيه يمني واتجوزتها وربنا رزقك منها الذرية اللي بتتمناها واخوك وجوزته واطمنت عليه ليه توترك وضغطك يعلي وياثر علي صحتك ولولا ستر ربنا وانك كنت بمستشفي كنت روحت فيها ولا ناسي المره اللي فاتت انقذناك باعجوبه
وحياة سلوان عندك خلي بالك من نفسك كلنا محتاجينك يا زين واولادك و انا مقدرش اعيش من غيرك الذنب هيموتني لو جرالك حاجه بسببي وانت فاهم قصدي ايه كويس .....
يزفر بضيق ... ايوه فاهم بس يمني كانت بتموت يا سلوان وساعتها حسيت بالذنب لاني بخدعها وكذبت عليها بسبب علاقتي بيكي انا تعبان يا سلوان مش قادر اعيش مرتاح وسعيد معاها بسبب خداعي ليها ده غير غيرتها عليا وحبها ليا اللي عمري متوقعته كل ده بيخليني خايف تكتشف اللي بينا وتكرهني وتبعد عنا ومش هيبقي فراق بس هيبقي استحقار يا سلوان يمني بتقولي اني انا مصدر الامان ليه قوليلي لو عرفت بخدعي هتحس الامان تاني ازاي هضيع كل حاجه الخوف والذنب بيكلوني وهما سبب تعبي صدقيني ساعات الموت بيكون افضل من المواجهه انا معنديش قدرة اتحمل خسارة يمني لكن افضل خسارة حياتي لكن علشان زي ما قولتي الكل محتاجني واولادي محتاجني وانتي محتاجاني هحافظ عليها علشانكم واحاول اهدي .....
تبكي سلوان بحرقة..... اسمع يا زين انت ضحيت علشان كتير ووهبتني الحياة وكنت سبب اني اعيش حياتي سعيدة وربنا يرزقنا بالاولاد وعلشانك كده انا هقبل اختفي من حباتك للابد علشان تقدر تعيش بهدوء وسلام ومتخفش من اكتشاف سرنا
انا هرجع اسافر تاني زي زمان وانت كل فترة تعالي زورنا او كل ما تسافر بره مصر تعالي اقعد معانا يومين ده حقك عليا واقل واجب اعملهولك صحيح اني هتنازل عن دوري في حياتك بس سعادتك عندي اهم ........
ينفخ زين ... بوه يا سلوان ليه السفر والفراق وجودك جمبي بيريحني هرجع الف وراكي من مينا لمينا ومن بلد لبلد وحترميني منك انتي والاولاد بالشهور مش عارف اقولك ايه بس اهي فرصه تغيري جو وتعشيلك يومين بس فترة صغيرة وترجعي تاني تكون يمني هديت ونسيتك ......
تبتسم في الم ... ايوه فعلا كلامك صحيح وكده احسن للكل بس انا ليا طلب اخيرا قبل ما اسافر عايزه اشوف اولادك يا عالم هشوفهم تاني امتي وياتري هتسميهم ايه......
يتسم زين بمرح...... هسميهم يارا ويوسف وتقدري تزوريهم وهما في الحضانه حاليا بعيد عن بمني لانه صعب لما نرحع الفيلا تقدري تشوفيهم شوفي هتجي امتي وانا هرتبلك كل حاجه سلوان هتوحشيني اووي انتي والاولاد......
تاخد نفس عميق .... وانت كمان هتوحشني يا زين اوعدني تاخد بالك من نفسك يا حبيبي علشان خاطري.....
يضحك .. حاضر علشان خاطرك وخاطر الكل يا سولي انتي غاليه عليا اووي ربنا ما بحرمني منك يا احلي واجمل٠ واغلي ....... وينادي عليها الدكتور ينتفض اسف يا سولي الكلام خدنا ونسيت الدكتور خالص سلام وهبقي اكلمك لما اقدر ويقفل معاها ويدخل الرعاية للدكتور اللي كان بانتظاره ويركب ليه المحاليل وجهاز قياس تنبصات القلب ويطلب منه ان يستريح حتي يطمن عليه وعلي صحته.....
____________________&&&&&
وفي فيلا سلوان تقفل مع زين وتجهش بالبكاء وتصيح انا السبب انا السبب يارتني مت قبل ما يحصل اللي حصل
يجي نور جري عليها يحضنها ويمسح دموعها ماما حبيبتي مالك زعلانه وبتبكي ليه هو زيزو زعلك تاني
تحضنه بقوة لا يا حبيبي انا اللي زعلانه عليه ادعي معايا ربنا ما يحرمنا منه ابدا بقولك يا نور زين ربنا رزقه بطفلين
ينزل ننور من حضنها ويتنطط بفرح ها هاها بقي ليا اخين جداد انا بقي عندي اخوات كتير مش كده يا ماما انا فرحان اووي......
تشده لحضنه ايوه بس زيزو قال انك انت ليك احترامك ولازم تعلمهم يحترموك لانك هتبقي الكبير عليهم.كلهم ماشى .....
يضحك نور بفرح...... ايوه انا الكبير والكل لازم يحترمنا ويحصنها بكفوفه الصغيرة انا بحبك اوووي اوي يا ماما انتي وزيزو واخواتي الصغيرين انا عايز اشوفهم والعب معاهم....
تمسك كفه الصغير تبوسه حاضر يومين كده ونروح نشوفهم يلا تعالي نصحي اختك ونفطر سوا وتاخده وتطلع لاخته..._
________
وفي المساء تتحسن حالة يمني ويتم نقلها لغرفه عادية مزدوجه من اجل مرافقة زين لها ....
وتمر بيهم الايام وتعدي لياليهم في الحكاوي لتظهر بينهم المودة وتكبر محبتهم لبعض
ويكتب الدكتور خروج ليمني بعد اسبوع لكنها ترفض تخرج قبل ما يخرج اولادها معاها من الحضانه .........
وبعد اسبوعين من ولادتها يخرجو الطفلين من الحضانه
ويستلمهم زبن وياخدهم هو وبمني ويذهبو لفيلتهم اخيرا
ليجتمعو كاسرة مع ابنهم الكبير سيف
وتسبقه يمني للداخل وهي تحمل يارا ويحصلها زين وهو يحمل يوسف
ليتفاجاءو بالشخص الجالس بصالون فيلتهم بانتظارهم......!!

*********************

إلي هنا ينتهي الفصل السادس عشر من رواية سرق عذريتى بقلم سلمى سمير

تابع من هنا: جميع فصول رواية سرق عذريتى بقلم سلمى سمير
تابع من هنا: جميع فصول رواية اماريتا بقلم عمرو عبدالحميد

تابع أيضاً: جميع فصول رواية ولا فى الأحلام بقلم دعاء عبد الرحمن
تابعوا صفحتنا على الفيس بوك للمزيد من القصص الرومانسية

حمل تطبيق قصص وروايات عربية من جوجل بلاي

اقرأ أيضا: رواية آدم بقلم جودى سامى