قصص رومانسية جريئة ممنوع دخول الأطفال

مرحباً بكم أصدقائي وأحبابي عاشقي القراءة والقصص الرومانسية مع رواية إجتماعية رومانسية مصرية جديدة للكاتبة سلمى سمير نقدمها علي موقعنا قصص 26  وموعدنا اليوم مع الفصل العشرون من رواية سرق عذريتى والتي نالت شهرة كبيرة على مواقع البحث والتواصل الإجتماعى بقلم سلمى سمير

رواية سرق عذريتى بقلم سلمى سمير - الفصل العشرون

تابع أيضا: قصص رومانسية

رواية سرق عذريتى - سلمى سمير

رواية سرق عذريتى - سلمى سمير - الفصل العشرون

** قلب فى لوعة **
بعد ان وضعت يمني خطتها لمعرفة من هو مغتصبها ووالد ابنها سيف تبدء في تنفيذها مجرد ما سافر زين واخيه حمزه
وطلبت مساعدة خالها ليحث شباب البلد ورجالها علي التبرع بالدم لعمل تحليل لهم لمعرفة من يصلح منهم لتبرع لابنها سيف بالنخاع وبنفس الوقت اتفقت مع دكتور التحاليل ان يقوم بعمل تحليل DNA لهم جميع لمعرفة من هو
والد ابنها منهم ___
وبعد مرور اسبوعين يتصل بها الدكتور وهو فرحان وسعيد ويبلغها بوجود تطابق في عينه من العينات مع ابنها ____
لتنتفض يمني وتطلب منه معرفة من هو صاحب التطابق_
يرد عليها الدكتور بسعادة غامرة...اسمه وفيق خليل الصريطي
تسمع يمني الاسم ويقع الهاتف من يدها وتصرخ... مستحيل
مش ممكن خالي وفيق هو اللي اغتصبني طيب ليه و يعمل فيا كده ليه وازاي وليه كان هيموتني اكيد كان عايز يداري علي جريمته لو عرف ان ليه ابن مني ده ممكن يقتل سيف يارب صبرني مستحيل اللي حصلي ده ومن خالي اللي بعتبره في مقام والدي ازاي هقول لزين ايه وياتري هيعمل فيه ايه ده ممكن يقتله لانه عمره ما اتخيل انه يعمل كده فيا وتبكي بحرقه وجنون من مصيبتها وترجع تمسك الهاتف وتتستجمع شتات نفسها وتتحدث اليه بارتباك ... انت متاكد يا دوك؟__
يرد عليها الدكتور بحيرة.... طبعا يا مدام يمني دي حياة طفل علي المحك التطابق بين الخلايا وصل ل٧٠%واكيد جسمه هيتقبلها وهيعيد بناء نفسه وربنا هيحقق الشفاء باذن الله___
تتوتر يمني وتساله .... انت بتتكلم عن التطابق في الخلايا ولا DNA ولا انا فهمتك غلط ______
يتنهد الدكتور ويرد عليه ..... اسف يا مدام يمني كنت اتمنا ابشرك بخبر ان في نتيجه للتحاليل ال DNA لكن لسه كتير احنا كل اللي خلصناه ربع العدد بس ومفيش اي جديد او اي تطابق مع ابنك لكني بكلمك عن التطابق في الخلايا الجذعيه كده تقدري تجري ليه عملية زرع النخاع باسرع وقت_____
تبلع ريقها بصعوبة ووترد عليه......اه فهمت اوك سلم التقرير للدكتور وهو هيقرر اللي فيه مصلحة سيف وشكرا ليك يا دكتور مدجت وياريت تستعجل باقي النتايج انا عايزه ارتاح___
دكتور مدحت.... اكيد يا مدام انا بعد ما خلصت نتيجة تحليل الخلايا اقدر اركز في تحليل DNA وان شاء الله هخلص كل النتائج في وقت قياسي ده وعد مني يا مدام يمني ______
اوك وانا بانتظارك يا دكتور وشكرا لاتصالك وتقفل معه وقلبها يهدء بعد ان كان يصارعها بدقاته العنيفه لقرب معرفتها بسارق عذريتها ومغتصبها وتذهب الي سيف تحضنها بقوة____
سامحني يا سيف لازم انتقم من ابوك لانه اغتصبني وسرق راحة بالي صحيح كنت انت الحاجه الوحيدة اللي كسبتها لان بسببك اتجوزت اعظم واحن زوج بالدنيا هو ده اللي ابوك ام المجرم اللي عمل فيا كده لازم ادمره زي ما دمرني _____
_____________________&&&&&&
وتمر الايام ويتصل بيها الدكتور بعد ان اطمئن لكل التحاليل
وتطلب يمني من خالها ان يتبرع لسيف ويوافق وهو سعيد انه اخيرا سيرد جزء من جميل زين عليه _______
ويبدء تجهيز سيف لاجراء الجراحه ويتصل زين يطمن عليهم
ويصر ان يحدث سيف ويسمع صوته باصرار غريب ويلح في طلبه ويرفض اي اعذار لعدم تمكنه من التحدث معه لتطلب يمني من الدكتور تاخير الجراحه لنصف ساعه علي الاكثر
وتعطي الهاتف لسيف ليكلم زين وبكل لهفه يقول له زين بحب
سيف حبيبي طمني عليك انت عامل ايه من امبارح في بالي وحلمت بيك بتنادي عليا فيك حاجه تعباك وليه مش عايز تتكلم معايا انت زعلان من زيزو يا حبيب قلب زيزو_____
يرد عليه سيف باعياء .... لاء يا زيزو انا كويس بس عايز انام زيزو ارجع بسرعه انت وحشتني اوووي اوووي ____
يحس زين بانقباض قلبه ..... حاضر يا قلبي انا هحاول بس اخلص شغلي بسرعه وانزلك سامحني اني قلقتك من نومك تصبح علي خير يا حبيبي واديني ماما ويعطي سيف الهاتف لامه وتكلم زين بارتباك..... ها اطمنت عليه كنت بتحسبني مانعها يكلمك قولي انت اخبار شغلك ايه وراجع امتي لمصر
يتنهد زين بضيق.... بعد اسبوعين بس هحاول اخلص قبلهم الضروري وانزل مشتاق ليكم كلكم وقلقان علي سيف جدا مش عارف ليه يمني خلي بالك منه ارجوكي____
تستغرب يمني احساس زين بيه وتقوله.... انت بتوصيني علي ابني يا زين متقلقش انا اتعلمت الدرس ومعنديش استعداد اخسر ابني بسبب اهمالي تاني اطمن ياحبي و قولي حمزه عامل معاك ايه خلود هتجنن عليه هو ليه مبيتصلش بيها
ولا زعلان منها لانه طلبت منه يسافر معاك__
يضحك زين ضحكه مقتضبه..... لا هو ميقدرش يزعل منها ده بموت فيها وهيجنيني بسببها وبصراحه خايف يكلمها وتقوله تعبانه او تقوله محتجالك يتجنن عليا ويصر ينزل ويسيبني وانا ما صدقت انه جه معايا ويخفف عني شويا لاني مش بأمن حد علي اسرار شغلي غيره ____
طيب كويس طمنه علي خلود وعرفه انها بخير وانا معاها باستمرار قوله ميقلقش عليها هي في ايد امينه وبصراحه مونساني وبنتسلي طول الليل مع بعض._____
يسكت زين لياخد نفس ويقولها .......طيب كويس انا كده مطمن ومرتاح لانها معاكي انتي والاولاد بدل ما تقعدي لوحدك علي الاقل بتعوض غيابي عنك ____
تضحك يمني..... مفيش حد يقدر يعوضني غيابك انت دنيتي وواحة السعادة والامان وتسكت بعد ان اخدت نفس طويل يعبر عن شوقها ليه وترجع تكلمه بقولك ايه انا لو فضلت كده مش هقفل معاك يلا سلام حبيبي هسيبك علشان عايزه ا نيم الاولاد ولما تكون فاضي اتصل بيا وهخليك تكلم يارا ويوسف علشان وحشتهم اوووي اوووي ____________
ماشي يا حبي وهخلي حمزه يكلم خلود علشان يهدي عليا ويبطل زن المجنون سلام يا قلبي ويقفل معاها ________
تهدي يمني نقسها وتطلب من التمريض يدخلو ياخدو سيف
ويدخل اتنين من التمريض ياخدو سيف و يجهزوه لغرفة العمليات لاجراء الجراحه ويدخل غرفه العمليات
وتنتظر هي وامها وابيها وعم زين واولادهم في الخارج بقلق وبعد ساعتين يخرج سيف من غرفة العمليات وينتقل لغرفة الرعاية وتظل يمني بجواره لا يغيب عن نظرها_____
ويمر يوم واتتين وتلاحظ يمني عدم تقدم حالة سيف لتطلب من الدكتور المعالج تفسير للتصدم بان جسمه رفض الزرع
الدكتور للاسف يا مدام يمني احنا محتاجين لواهب جديد باسرع وقت لان جسمه رفض الزرع وحالته حاليا متعرضه لخطر اكبر والموت المحقق بعد فقد مناعته كليا___
تنهار يمني وتبكي بحرقه وتندب حظها وتحضن ابنها بقوة وقلبها محروق عليها ويشدوها التمريض للخارج لمنعهم الزيارة له لضعف مناعته الشديد ومن الممكن نقل اي عدوه له بسهوله بسبب الملامسه او النفس وفي وقت ما هي بتصرخ وتبحث عن احد تستنجد به لانقاذ ابنها من الموت هاتفها يرن لتري رقم منقذها الوحيد زين ترد عليه بلهفه ....زين حبيبي وحشتني اوي اووي يازين ارجعلي بسرعه انا بحبك ومحتاجه ليك بجنون مش بحس الامان غير وانا معاك______
يستغرب زين كلامها وصوتها الباكي.... وانا كمان بعشقك بس مالك يا يمني هو انتي بتبكي ولا ايه قوليلي في حاجه حصلت للاولاد انطقي جرالك ايه طيب سيف حصله حاجه قلبي مقبوض من يومين بسببه اتكلمي يا يمني في ايه____
تستسلم لانهيارها وتعترف له .... سيف بيموت يا زين انزل شوفه قبل ما يروح منا وحاول تنقذه انا عملت كل اللي اقدر عليه لكني ضايعه من غيرك
يصيح فيها زين بعصبية وغضب.... بتقولي ايه بيموت ازاي _
ترتعد يمني من صوته الغاضب وتقوله...كان محتاج عملية زرع نخاع وطلع في تطابق مع خالي وفيق لكن للاسف جسمه رفض الزرع ومحتاح واهب جديد وانا مش عارفه اعمل ايه و لا انا ولا ماما ولا بابا ننفع نتبرع علشان مفيش تتطابقي في الخلايا بينا انا هموت لو سيف مات يا زين اه اه اه اه لو كنت اقدر اوصل لابوه كان من الممكن نقدر ننقذه لكن كده خلاص مبقاش في امل وياعالم هنلاقي واهب جديد ولا لاء____
ياخد زين نفس عميق ويرد عليها بهدوء.. انتي قولتي انه كان في بينه وبين عمي تطابق انا هنزل انا وحمزه ونعمل التحليل وان شاء الله هيكون في تطابق في واحد منا وزي ما ربنا كرمنا بعمي ان شاء الله هيكرم فيا او في حمزه هيعمل العمليه وهيتحسن وهيرجع زي الاول واحسن ويصمت لياخد نفس ويقولها سيف هيعيش وهيبقي بخير يا يمني اطمني___
ترد عليها ودموعها لا تتوقف ......بجد يا زين ممكن يحصل ويكون بينكم تطابق دي يبقي انكتب ليه عمر جديد علي ايدك
انزل بسرعه يا زين انا محتجالك وسيف كمان محتاج ليك وهصلي وادعي لربي انك تكون الواهب ليه وزي ما كنت انت سبب في انه يطلع للدنيا تبقي انت السبب و ينكتب ليه علي ايدك عمر جديد وتوهبه الحياة لتاني مره______
يحبس زين دمعته بصعوبة ويرد عليها بدون ان يظهر وجعه والمه علي حالة سيف.... انا نازل بكره مصر كل اللي عليكي تخلي بالك منه وتدعي من الله اني اكون الواهب المناسب ليه ويقفل معاها ويطلق العنان لدموعه ليعبر عن حزنه ___
وتدخل يمني لابنها وتظل ممسكه بكفه الصغير تقبلها تارة وتملس بيه علي خدها تارة الي ان يدخل عليها كريم وينادي عليها بصوت واطي ...... يمني يمني ممكن تسمحيلي اتبرع لابنك ممكن يكون في بينا تطابق واكون انا الواهب ليه____
ترتبك يمني وتهم بالرفض الا انها تتذكر انه من الجائز ايضا الا يتطابق معه زين او حمزه وساعتها هتبحث عن واهب وياعالم هيلاقوه ولا لاء تؤمي لها براسها دليل علي موافقتها_____
يبتسم كريم لها ويقبل يدها .... اتمنا اكون جزء من حياتك حتي لو هقدم معروف لابنك انا هروح اعمل التحليل ويخرج مسرع لغرفة التحاليل وهو يتمني ان يكن الواهب لابنها لياثر يمني بجميله عليها ويعيد الود المقطوع بينهم _________
وتشرق شمس النهار ويمني علي حالتها من بكاء وحزن علي ابنها وترقب لوصول زين في اي وقت_____
وتطلب يمني من امها وابيها ان يذهبو للفيلا للاطمئنان علي الاولاد الذي تركتهم في عهدة خلود الحامل في شهرها الخير وهي تحتاج لمن يعتني بها هي واولادها التؤام_______
وتخرج من غرفة ابنها لتسال عن الدكتور ليطمئنها عن حالته
لتصتدم بكريم الذي اخذها ودخل الي غرفه جانبية ويقرب لها
وحاول ان يحتضنها ليواسيها لكنها ضربته بالقلم علي وجهه
ونهرت وصاحت فيه.... انت اتجننت بتحسب نفسك ايه انا بندم علي كل دقيقه عرفتك فيه او فكرت انك تبقي شريك حياتي فعلا زين برقبتك هو ده المعروف اللي بتعمله معايا تستغل محنتي وتحاول تعتدي عليا يا حقير____
يحاول كريم يهديها.... اهدي والله ما قصدت حاجه انا بس حبيت اوسيكي لكن اتصرفت برعونه بسبب حزني لاني طلعت واهب غير مناسب ارجوكي سامحيني يا يمني انا كل اللي عايزه اكونه ليك اخ وصديق بعد ما حرمتيني من حبك ___
تنظر له باحتقار وتبعده عنها بالقوة ...... انت فعلا حقير اللي يواسي واحده يشدها لغرفة خاصه انت سافل وانا مش عايزه اعرفك او اشوفك في طريقي تاني ولو حاولت تكلمني هبلغ جوزي وانت عارف ممكن يعمل فيك ايه ابعد عني احسلك يا كريم واتقي شري لان خلاص مبقاش في بينا اللي ابكي عليه وعندي استعداد ابيعك لجوزي وهو هيتصرف معاك ___
يرن هاتف كريم ويسمع المكالمه وفجاءه يرتعد وتري يمني ملامح الفزع ترتسم علي وجه كريم بعد ما يسمع المكالمه يقفل وينظر له بخوف ....ارجوكي انا هبعد عنك بس بلاش تبلغي جوزك باللي حصل بينا هو حاليا بيدور عليكي وفي واحد غبي قاله انك دخلتي غرفه مع شاب كويس انه مقالش ليه علي اسمي ارجوكي انا مش عايز اعمل فضايح للعيله هنا بالمشفي انت عارف ان دي ملك لاهلي وانا مش ناقص لو جوزك عرف اللي حصل ممكن يقتلني او يفضحني ____
تضحك يمني لرعبه من زين .... شفت انت ايه وهو ايه كنت عايزيني استبدل جوزي بواحد زيك حقير وضعيف الشخصيه وجنان اتفضل غور من وشي وياريت تبعد عني للابد___
يخرج كريم يجري ويمني تخرج تبحث عن زين وتذهب لغرفة سيف متلقهوش هناك وتخرج من الغرفه تاني تلاقيه في وشها
تاخده بالحضن وتبكي .. اخيرا يا زين جيت ياه كنت محتاحه لحضنك اوووي علشان احسن الراحه وان دنيتي هتتظبط بمجرد وجودك فيها تاني وتلاحظ يمني بروده وعدم تجاوبه معاها تساله بحيرة .... مالك يا زين ليه البرود ده____
يبعدها عن حضنه ويرفع وجهه لوجهه.... كنتي فين ومع مين انا جيت هنا ليكي بعد ما عملت التحاليل مالقتكيش ورجعت ادور عليكي قالولي انك كنتي مع شاب ودخلتي معاه اوضه خاصه روحت هناك ما لقتش حد هناك مين الشاب ده وكنتم مع بعض ليه يا يمني لوحدكم انطقي ._____
ترتبك يمني وتبلع ريقه ووتكذب عليه ..... كان بيعرض عليا يتبرع لسيف وكان بيتفق معايا علي المبلغ اللي هدهوله بس_
تهدء ملامح زين الغاضبه ......... لاقتناعه بجد يا يمني __
تبتسم له بخوف وتحضنه بقوة.... بجد يا روح قلب يمني___
يتنهد زين وياخد نفس طويل..... اطمني حمزه بيتبرع ليه هو كمان والدكتور قال ساعتين وتطلع النتيجه وان شاء الله هيكون بينا واهب مناسب وتاني مره اوعي تتصرفي من غير ما ترجعي ليا كفاية عرضتي حياة سيف للخطر بعملية الزرع الاولي وربنا يستر وتنجح عملية الزرع التانيه _____
ترفع وجهه عن صدره.... ان شاء الله هتنجح مدام انت معايا خلاص كل حاجه هتبقي تمام يا زين _____
ويدخل عليهم حمزه بوجهه البشوش ويذهب يقبل سيف ...
ويطمن عليه ويسلم علي يمني بصراحه علي قد حزني علي مرض سيف علي قد فرحتي اني خلصت من استبداد جوزك ونزلني مصر اطمن علي مراتي حبيبتي خلود ____
يضربه زين في كتفه بهزار...... يا واطي فرحان بمرض ابني علشان تنزل لمراتك اتفضل من غير مطرود روح ليها واشبع بيها صحيح اتنين مجانين اتجوزو بعض _____
يتطلع له حمزه بسخرية.... انا مش واطي اوووي كده يا ابيه هفضل معاك لحد ما اطمن علي نتيجة التحليل ويارب يكون في توافق بينا وبين سيف مهو ابننا واكيد دمه زينا_______
تتوتر يمني ويلاحظ زين توترها يرد علي اخوه..... مش شرط التوافق بيكون بس بين الاقرب ممكن من اي حد بس المهم يكون في تتطابق بالخلايا الجذعيه وده اللي حصل مع عمي وفيق رغم انه جده مش عمه او ابوه ____
وفي اثناء حديثهم يدخل عليهم الدكتور ومعاه البشارة بان في تطابق بين سيف وحمزه وزين والافضليه لزين___
ينهض زين ممتاز وامتي نبدء اجراءات الجراحه انا مستعد __
يربت الدكتور علي كتفه الاول هناخد عينه ونجهزها وبعد يومين هنجري الجراحه وان شاء الله هينجح الزرع المرادي_
وفعلا بعد يومين تتم الجراحه والكل يستبشر خير لان سيف بدا يتحسن بسرعه كبيرةعن الجراحه الاولي____
وبعد يومين والكل مجتمع حوالين سيف يطمنو عليه تصرخ خلود وتمسك في حمزه...... الحقني انا بولد يا حمزه __
ويستنجد.حمزه باحدي الممرضات التي تطلب منه ارسلها لغرفة الكشف وياخذوها منهم للولادة وفي اقل من ساعة والكل مترقب وفي الانتظار تحضر لهم ممرضه وتزف ليهم خبر ولادة خلود.... مبروك ربنا رزقك ببنوته زي القمر والمدام بخير وشويا وهتخرج هي والبنوته لغرفه خاصه____
يحضن زين اخيه ويبارك ليه وكذلك عمته وجوز عمته وحماه
ويرن هاتف زين ويري زين الرقم يستأذنهم ويخرج يرد علي سلوان .....خير يا سلوان بتتصلي هنا ليه دلوقتي انت مش عارفه اني بالمستشفي ومعايا اهلي واهل يمني _______
ترد عليه سلوان بفتور ..... الاول طمني علي سيف اخباره ايه وتاني حاجه انا محتجالك جدا جدا يا زين انت عارف مليش غيرك الجا ليه صدقني غصب عني بس مفيش غيرك يقف معايا وجمبي في ازمتي ولا مش حقي ___
يرتبك زين من صوتها الملوف الحزين.... لا حقك سيف بخير وكلها اسبوع ويخرج بس انتي طمنيني في ايه _____
تبكي سلوان يصوت مكتوم لكنه يحسه زين ... بس اهدي يا سلوان انا جايلك في الطريق علي فكره خلود ولدت بنوته زي القمر حمزه قال هيسميها علي اسم ماما نادية هو وعدني بكده _____
تصيح بفرح .... بجد الف مبروك يا حبيبي عقبالك ما تسمي بنتك علي اسم مامتك زين تعالي بسرعه انا منتظراك_____
يقفل معاها زين ويدخل يستاذن منهم ويبلغ يمني انه ساعه وهيرجع لان في مشكله في الشركه ومحتاجينه ليه هناك ضروري ويقبل سيف ويمني ويخرج يركب سيارته وطول الطريق يسال نفسها ياتري سلوان محتاجه في ايه_____
ويصل للفيلا ويدخل مسرعا ويقابل نور اللي يجري عليه ويحضنه بقوة.... حبيبي يا زيزو وحشتني اوووي اوووي
يقبله زين و يحمله وينزلها بسرعه ...... لا انت بقيت تقيل علي اني اشيلك ها قولي اومال فين ماما ونورا ____
يقطب نور جبينه في تكشيرة... نورا تعبانه وماما بتكلم رشدي
يضحك ليه زين.... طيب وانت مش بتكلمه ليه مش صديقك ده ولا انت زعلان وماما بتصالحكم علي بعض _____
يهز نور راسه .... لا مش عايز اكلمه ومخاصمه ومش هخليه صديقي تاني كفاية عليا انت بالدنيا كلها يا زيزو____
يضحك .... شكلك زعلان منه اوووي انا هصالحكم علي بعض بس قولي نورا تعبانه ازاي وتخرج سلوان من غرفته وتري زين مع نور تحضنه وتبكي ... زين نورا محتجالك هتتخلي عنها ولا هتقف جمبنا زي ما انت طول عمرك واقف جمبي _
يغمرها بقوة .... طبعا يا حبيبتي انا هفضل جمبك طول عمري مهما حصل ده حقك عليا ماله نورا جرالها ايه____
تتنهد سلوان براحه.... محتاجه ليك تكون معاها ساعه يوميا الدكتوره قالت انها فقده الامان ومحتاج لوجود ابوها في حياتها بقوة وبالذات بعد اجراء الجراحه ووانت من يوم ما رجعنا دايما مسافر ومش عارفه اعمل ايه او الجاء لمين غيرك ارجوك يا زين متتخلاش عنها انا عارفه انك قلقان علي سيف لكن سيف حالته بتتحسن لكن نورا حالتها بتسوء ____
يربت زين علي كتفها.... بس اهدي انا هكون معاكي الوقت اللي عايزه كل يوم هجي افطر معاكم واقعد معاها ساعه ولو ملحقتش افطر معاكم هجي اتغدي وياكم ايه رايك كده تمام هتعيش جو الاسرة وتحس الامان اوعي تقلقي من حاجه وانا موجوده انا تحت امرك وامر نورا ونور حبايب قلبي____
تغمره سلوان بحضن كبير ... ربنا ما يحرمني منك يا قلبي
تعالي ريح شويا علي ما اجهز ليك العشا اكيد مهمل في صحتك وكمان الاجهاد باين علىك اووي ومفيش حد فضيلك
يهتم بيك او يدور عليك غيري صح _____
يضحك زين بتكاسل بعد ما ارتاح قلبه علي سيف... فعلا انا مرهق جدا ومحتاج اخد شاور واكل حاجه خفيفه انا هدخل اطمن علي نورا واخد شاور علي ما تجهزي العشا ويدخل يطمن علي نورا اللي تشوفه تحضنه بقوة ويقبلها وينيمها ويروح غرفته ياخد شاور سريع ويخرج يلاقي سلوان جهزت له العشاء وياكل وهو فاتح عينه بالعافيه ويميل علي صدر سلوان ينشد الراحه وتاخده بحضنها كطفل محتاج لامه ويروح في سبات عميق من غير ما يحس يغفو بين ذراعيها وبعد مرور بعض الوقت يتقلب زين بصعوبه ليلاحظ الثقل الذي علي يداه راس سلوان نائمه وشعرها المنثور علي وسادته وذراعه ويداها تطوقه ليهزها بشويش ...سولي حبيبتي اصحي وتفتح سلوان عيونه وتحدق به... زين نام نام انت صاحي دلوقتي ليه الوقت لسه بدري كمل نومك حبيبي انت محتاجك للراحه ____
يهز زين راسه..لا انا قلت ليمني هرجع بعدما اخلص سامحيني لازم اروح ليها زمانها هتتجنن عليا هي متصلتش_____
تمد سلوان يدها تحت الوسادة وتطلع هاتفه... اتفضل اتصلت كتير وبصراحه خفت يزعجك قفلته____
ينظر لها بحدة.... انتي مجنونه كده هتقلقيها عليا قومي هاتي بدلتي علي ما اتصل بيها واطمنها ......تقوم سلوان وتحضر له بدلته وزين يتصل بيمني يطمنها عليه و يقوم يلبس بدلتها بسرعه ويقبل راس سلوان ... اسف حبيبتي فكري مشغول وعقلي مش فيا من قلقي علي سيف ومقدرش ابعد عن يمني وسيف اليومين دول بس اوعدك بعد ما يخف هجي اقضي يوم بطوله معاكم وابات في حضنك اللي وحشني ___
تضحك سلوان بحزن... لسه فاكر حضني ما خلاص يمني نستك حضني وحناني بس عارف مجرد ما خدتني بحضنك روحت بالنوم علي طول زي زمان كنت دايما بتخبيني جوا حضنك علشان احس الامان وانام بسرعه _____
يضحك زين وبغمرها بحضن قوي..... والله حضنك هو اللي وحشني وحضني اهوه من امتي حرمتك منه ويشدها له بقوة ووو و.................!!!!!

*********************

إلي هنا ينتهي الفصل العشرون من رواية سرق عذريتى بقلم سلمى سمير

تابع من هنا: جميع فصول رواية سرق عذريتى بقلم سلمى سمير
تابع من هنا: جميع فصول رواية اماريتا بقلم عمرو عبدالحميد

تابع أيضاً: جميع فصول رواية ولا فى الأحلام بقلم دعاء عبد الرحمن
تابعوا صفحتنا على الفيس بوك للمزيد من القصص الرومانسية

حمل تطبيق قصص وروايات عربية من جوجل بلاي

اقرأ أيضا: رواية آدم بقلم جودى سامى