قصص رومانسية جريئة ممنوع دخول الأطفال

مرحباً بكم أصدقائي وأحبابي عاشقي القراءة والروايات الرومانسية مع رواية رومانسية جديدة للمتألقة لولو طارق والتي سبق أن قدمنا لها العديد من القصص والروايات الجميلةعلي موقعنا قصص 26 وموعدنا اليوم مع الفصل الخامس والعشرون من رواية خادمتى ولكن ج2 - لولو طارق 

رواية خادمتى ولكن ج2 - لولو طارق - الفصل الخامس والعشرون

تابع من هنا: جميع فصول رواية خادمتى ولكن ج1 -لولو طارق

اقرأ أيضا: روايات رومانسية

رواية خادمتى ولكن ج2 - لولو طارق

رواية خادمتى ولكن ج2 - لولو طارق - الفصل الخامس والعشرون

أحمد خرج برا وطلب من ميرنا تقعد معاه فى الجنينه لوحدهم
ميرنا : ايه يا احمد بقالنا ربع ساعه وانت مافتحتش بوئك بولا كلمه
أحمد : ميرنا انا مدايق ومخنوووق وانتى محسسانى بالذنب من ناحيتك
ميرنا خدت نفس وبصت ناحية الحرس
أحمد : وبعدين يا ميرنا كان نفسى تفهمينى وتقدرى موقفى وما تعمليش فى نفسك كدا .. ولا فيا .. انا مش عايز اجرحك اكتر او ادايقك بس انا فعلا قلبى وتفكيرى وحياتى مش شايفها ولا حاسس بيها معاكى
ميرنا كل كلمه بتخنق فيها هى ليه مش قادره تتخلص من حبه وليه بتبقى ضعيفه قوووى كدا قدامه هو بالذات . وبصت له وعيونها بتنطر دموعها
أحمد اتنهد بصوت مسموع : ارجوكى يا ميرنا دموعك دى بتقتلنى قلبى بيوحعنى عليكى
ميرنا بهجوم : ولما قلبك بيوجعك عليا ليه بتتخلى عنى وروحت جريت ورا واحده غريبه .. وبتحط ايديها على صدرها . ساعات ببقى عايزا اطلع قلبى اقطعه واقوله كفايه غباء بطل تنبض بأسمه .. ليه يا أحمد اتسرعت وما ادتش نفسك فرصه واحده معايا يمكن كنت تبادلنى الحب دا او اعجبك وبتقوله اه بوجع كبيررر .. اه يا أحمد لو تعرف النار الا قايده فيا طول ما انت قدامى او بتجيب سيرة الجواز من واحده غيرى .. للدرجه دى انا بشعه وما استهلش سعتك ولا استاهل فرصه واحده معاك
أحمد من قلبه : اوعى تقولى كدا .. انتى ملكه جمال البنات كلها وشايفك حاجه كبيره قوووى يا ميرنا بس مش أكتر من أخت اعمل ايه فى مشاعرى انا كمان لو بإيدى عمرى ماكنت فكرت فى واحده غيرك ولا ها اشوف زوجه وام لأولادى غيرك بردو .. بس حسى بالحاجز الا بينك وبين كريم .. تخيلتيه فى يوم يبقى زوج اكيد لاء وماينفعش بس لو خيروكى بالحب الا موجود فى الدنيا كلها وحب اخوكى ها تختارى اخوكى ... هو دا نفس وضعى معاكى واحساسى بيكى والله ومش قادر اتخطاه .. ممكن اتراجع عن الجواز من ريم ومش ها اتجوز ابدا لو دا الا يرضيكى ويرحم أجمل عيون من انها تدبل وتبقى زى ما شايفها كدا بس بردو مش ها ابقى اكتر من اخ ليكى
ميرنا عيطت بقهر كل كلمه منه مش بتبعده عن قلبها لا بتقربه أكتر .. وبتقول بصوت مقطع : لا يا احمد بتمنالك السعاده زى ما انت بتتمنهالى كفايه اشوفك مبسوط
أحمد طلع منديل وبيمسح دموعها : مش من قلبك بطلى عياط بقى
ميرنا بتحاول توقف دموعها وابتسمت : خلاص يا احمد مبررروك وخدت المنديل منه
أحمد : عشان خاطرى حاولى تتقبلى الموضوع والله ربنا ها يرزقك با الا أحسن منى ومعاه ها تعرفى يعنى ايه حب
ميرنا قامت بعد اذنك اصلى مش قادره اقعد ودخلت على جوا بتهرب من اى وعد
أحمد قاعد يفكر وكان قراره النهائى انه فعلا لازم ياخد خطوه جديه تجاه ريم عشان ميرنا تفقد الامل وتلتفت لنفسها وتبطل تفكر فيه

********
عزت : ريم .. يا ريم
ريم : نعم يا بابا
عزت : تعالى يا حبيبتى .. فى موضوع عايز افاتحك فيه .
ريم : خير فى حاجه حصلت
عزت : لا متقلقيش مفيش حاجه .. وابتسم بس فى عريس .. وعايز معاد يجى يتقدم فيه ومسك دقنها لعروستنا الحلوه
ريم : بخجل .. ومين دا
عزت : أل يعنى مش عارفاه .. هو قالى انه راحالك الصيدليه
ريم : عيونها لمعت وابتسمت
عزت : لا دا طلع واثق من نفسه وعنده حق .. ايه الابتسامه دى كلها يا دكتوره .. اول مره اشوفها
ريم : احممم .. لا يابابا أصلى أفتكرت حاجه كدا .. اه بتقول مين العريس
عزت : احمد ابن مروان السمرى .. عايز يتقدملك واكيد عارفاه
ريم : انا معروفوش يا بابا .. هو جالى 3 مرات الصيدليه .. واول مره كان عايز حاجه للصداع ونسى يدفع تمنها ورجع تانى .. وبعدين تالت مره عشان يقولى انه عايز يتقدملى
عزت : يا حبيبتى انا واثق فيكى ومش بحاسبك .. واحمد حكالى كل حاجه .. وانه دايقك صح
ريم : لا مدايقنيش ..وبعدين لفت ايديها .. يعنى نص نص .. وقامت .. انا لازم انزل يا بابا عشان الصيدليه وحضرتك الا تشوفه بقى حدد المعاد الا انت عايزه ونزلت جرى وعزت مبسوط بنته كبرت وبقت عروسه
****************
ميرنا اول ما احمد ومروان وعيلتها اتكلمو على ريم انسحبت بهدوء .. وكريم انسحب وراها من غير ما حد يشعر
كريم : حط ايده على كتف مرنا .. وقرب باسها من راسها .. راحه فين يا قمر
ميرنا : ابتسمت ابتسامه ما بتتخطاش اكتر من شافيفها خلاص اى حاجه لها مبقاش لها معنى .. وحشنى الاصطبل وراهون .. عايزا اعمل مغامره كدا على قدى
كريم : اه من مغامراتك .. وانا اركب موهجه .. دى متخلفه عقليا .. كل ما مزاميزو يركبها توقعه المفتاح بتاعها مع طارق بس
ميرنا : هههههه بصراحه موهجه دى ما بتحبش بنى ادمين ومش فاهمه طارق عامل لها ايه وبابا مصمم انها بتحبه بس بتكابر .. يقولى انا مفيش حاجه ما بتحبنيش كله بيقع فى غرامى
كريم طلع تليفونه الا بيرن وبيرد على تليفونه : ايوا يا وحش مش كنت جبت سيرة مليون جنيه .. ايه مش ناوى تعالى انا رايح الاصطبل انا وميرنا ..
طارق : ايوا كدا .. بس بقولك .. انا اتاكدت ان البت تمام بعد ما كلمتك الصبح وحكاتلك على كل حاجه قالتهلى .. كلمت واحد من رجالتنا . واكد الكلام .. وضاف بقى ان صاحب البيت رمى عفشها وحاجتها فى الشارع ..
كريم : وها تعمل ايه معاها
طارق : بقول انى اسيبها هنا شويه لانى رفضت انى اساعدها .. واعمل نفسى لسا بتحرى عنها
كريم : ورفضت تساعدها ليه
طارق : بصراحه غظتنى ومستفزه .. ومش انا الا ينضحك عليا .. انت ما شوفتش عملت ايه ونفسى اظبطها
كريم : طيب تعالى انجز ونتكلم واحنا فى الاصطبل .. وقفل معاه ..
ميرنا : فى ايه
كريم : اكيد عارفه با الاحصل مع طارق والست الا خبطها
ميرنا : ايوا عرفت من ماما وحكتلى على كل الا عملته معاهم فى الفيلا .. وبتضحك
كريم : يا ستى طلعت بنت وعندها 25 سنه وحكايتها كا التالى .. وقص عليها كل شئ
ميرنا : طيب مش حرام طارق يرفض يساعدها .. اقنعه يا كريم ... هو الا ملوش حد بيتبهدل ليه يابنى ادمين
كريم : اهدى يا قطه .. ها يساعدها انا عارفه ها يكابر شويه بس ها يساعدها
ميرنا : انتو التلاته ارخم من بعض اعوذ بالله منكم .. وضربته وبتجرى .
كريم : احنا فينا من الغدر .. وبيجرى ورا ميرنا اخته وحبيبته .. جابو العجل بتاعهم وركبوووه .. وبيتسابقو على الطريق لحد ما وصلو الاصطبل .. وطارق داخل عليهم بالعربيه .. وضرب فرامل على اخر لحظه ..
طارق بيضحك وبصوت عالى : اوعى الوحش ..
ميرنا : بتكشر وشها بهزار .. رخم . ودمك تقيل ومش طايقك على فكره
طارق : بيضحك ماشى ماشى بس انتى دمك اتقل . وبثقه .. انا الكل بيحبنى من ورا قلبك أمرونا ونزل من عربيته ودخلو التلاته
*****************
شريف : انا جاى من الشغل تعبان يا هدى مش قادر اروح
هدى : ميلت على شريف بجسمها .. وبتبوسه من خدوده وشافيفه .. وبدلع عشان خاطرى يا شرشر .. نفسى اركب خيل بقالنا كتير ما ركبناش
شريف : حاوطها بأيده .. يا حبيبتى اروح اتفرج عليكو .. مش لازم اركب معاكى انتى لايمكن تركبى لوحدك
هدى : خلى طارق .. يركب معايا
شريف : بتسرع وصوت عالى طقطق لاء متهور يا هدى ولازم يعيشنا الاكشن معاه .. وانا مش مستغنى عنك يا روحى
هدى : ابتسمت .. وبتمشى ايديها على وش شريف .. بحبك يا شريف .. مفيش يوم نيمتنى زعلانه منك .. ولا انا اقدر ازعلك يا حبيبى .. خليتنى اعيش فى حضنك وبيك اكتر ما بعيش مع الا حواليا .. يارب طارق يبقى زيك ..
شريف : خد نفس وطلعه براحه .. ازاى ما احبش واحده عشت معاها وبيها حياه نضيفه .. وهى نفسها جميله من جواها .. انتى غيرتينى كتير يا هدى وصبرتى عليا كتير .. اليوم الا كنت أكسل فيه عن الصلاه .. تقومينى بكل حب وتقوليلى عايزاك تصلى بيا وتكسب ثوابى .. وبيضحك . وانتى الا بتاخدى الثواب كله .. عندك ذوق فى التعامل ونضيفه صحيح اتحجبتى متأخر بس عمرى ما شوفت منك تجاوز من اى نوووع ولا لبس بيبرز مفاتنك طول الوقت بتحافظى على نفسك وبتسمعى كلامى
هدى : يااااه بعد الكلام دا عايزنى اقولك ايه والله ما خساره فيك خروجه ونركب الخيل .. انت راجل سكره والله اسمع منى وبتشده تقومه ..
شريف : ههههههههه نصابه بس بحبك . ها تعملى ايه مع حور
هدى : ناخدها معانا دى صعبانه عليا قووى
شريف : وانا كمان والله .. انا مش ها اسيبها عشان خاطر الباشا
هدى : انت عارف طارق طيب وها يرجع عن قراره ..
شريف : براحته .. بس انا زعلان منه ومن طريقته معايا اول مره يكلمنى بالاسلوب دا
هدى ؛ ما تزعلش يا حبيبى .. وبتنادى على حور وتنادى مفيش رد .. طلعت اوضة طارق لقتها نايمه .. شريف قال لها سبيها نايمه وتعالى نروح احنا شويه ونرجع نقعد معاها وهدى سمعت كلامه .. وغيرو هدومهم ومشيو ...
حور : قامت بعد ما مشيو من الفيلا .. وقعدت على السرير .. وفضلت تعيط كتيرر .. حاسه بالوحده وان الايام بتدوس عليها بقوتها .. لما افتكرت مكالمه طارق مع كريم الا قاله فيها ان صاحب البيت رمى عفشها فى الشارع .. واتجرحت اكتر من طريقة طارق معاها وكلامه عليها .. قررت انها تقوم تمشى مفيش شئ فى الدنيا يستاهل انها تيجى على كرامتها وبعد وقت .. وصلت حور للمكان الا هى عايشه فيه ..
ام بسمله : تعالى يا بنتى كنتى فين
حور : كنت فى المستشفى .. اصل واحد خبطنى
ام بسمله : وانتى بخير يا حبيبتى
حور : بخير الحمد لله .
ام بسمله : عينى عليكى وعلى حظك يا بنتى ماتزعليش يا حور الراجل الناقص رمى حاجتك فى الشارع وانا يا حبيبتى شيلتهم عندى
حور : اتظاهرت انها مصدومه .. وساكته مش بترد
ام بسلمه : تعالى يا حبيتى ريحى عندى لحد ما تشوفى مكان .. انا لو عندى اوضه فاضيه ماكنتش عزتها عليكى يا بنتى ..
حور : بعياط حقيقى من قلبها .. هو عفشى دا يجيب فلوس اد ايه لو بعته
ام بسلمى : ياقلب امك .. ها تبعيى العفش .. طيب اجرى اوضه وافرشيها بيه
حور : لا اصلى محتاجه للفلوس
ام سلمى : يا بنتى انتى عندك الاجهزه كلها ها تجبلك قرش حلو وخلى العفش
حور : بقلة حيله ها اعمل بيه ايه .. انا ها اكلم عم كرم يجى يفصلهم وياخدهم
ام سلمى : راجل ضالالى .. ها ياخدهم بالبخس يا بنتى دا تاجر وعايز يكسب
حور : اعمل ايه يا ام سلمى .
ام سلمى : والله يابنتى .. لولا انك ها تبعيهم انا ما كنت خدتهم ولا عرضت عليكى اخدهم انا وشوفى انتى عايزا فيهم كلهم كام
حور : الا تجبيه يا ام سلمى بس بستأذنك اوضة اومى خليها عندك امانه مش ها ابيعها
ام سلمى : ماشى يا حبيبتى .. احنا نجيب حد يفصل الحاجه كلها عشان ما اظلمكيش يا بنتى
حور : هاتى اى حاجه دلوقتى .. وابقى اعدى عليكى بعدين اخد باقية الفلوس
ام سلمى بزعل : ها تروحى فين يا حور
حور : بلاد الله واسعه .. وخدت مبلغ من ام سلمى ومشيت ...
***************
جميع عائله السمرى وصلت الاصطبل
طارق : اوباااا .. دا وصلو ما بيصدقو وربنا واكيد شريف الا فتن
كريم : بيبصله احنا فينا من الفتنه .. دا الفتنه اشد من القتل .. هى العيله دى ورانا ورانا
مازن : مش عاجبك يا كرمله .. احنا على قلبك يالا .. وبيقرب يضربه بهزار ..
روكا : واقفه فى النص خلاص يا حبيبى مش ها يعمل كدا تانى
كريم : هههههههههه احنا اسفين يا ريس ..
مازن : بعد ايه .. ياريتنى مسكت البلد دى كنت عدلت الا زيك .. وبينفخ صدره وبيشفط كرشه
مروان : هههههه تشفطه ما تشفطوش ها تفضل ابو كرش بردو ..
مازن : انت عايز منى ايه وبيبص لروان .. انتى منشكحه كدا ليه ابعدى الراجل دا عنى بقى بيعصبنى
روان : بتضحك .. وبتبص لمروان الا لابس نضارة الشمس بتاعته .. وبيضحك هو كمان . ما تدايقش مزاميزو لو سمحت يا مروانى
مروان : عشان خاطرك انتى بس .. وبيكلم مازن .. ها تركب موهجه يا ابو كرش بردو ما اشوفش وشك عليها
هههههههههههه
شريف : هههه كدا ها ينتحر هو وموهجه مع بعض .. ياخى انت ايه لما بتحط حد فى دماغك بتكرهو فى كرشه .. عيب كدا يا مروان ..
مازن : بيكشر وشه .. ابووو تقل دمكو انتو الاتنين اصلا انا احلى واحد فيكو بردو
أحمد : بيضرب كريم وطارق بتطلعو من غيرى يا اندال
طارق : بيجرى .. وبيضحك .. خلاص خلاص .. مش انا وربنا .. هو الا قالى اصلا
كريم : انا بص .. انا بص .. انا كنت رايح كدا لقتنى هنا
احمد : وحياة طنط .. من امتى يالا بتطلعو من غيرى .. انتو مش ها تركبو غير حمير انهارده ..
طارق وكريم : ههههههههه
طارق : يرضيك ابقى راكب الحمار ورجلى بتسحف على الارض
كريم : يرضيك .. يرضيك يعنى نسحف كلنا وقرب عليه ونط فوقه .. اتفقتى يا بيضه مع العيله وراحه تشبكى .. ها تبقى كلبووش قريب خلاص
طارق : ونضحك من قلبنا وهو جاى ناكش شعره ومزرار من القيص زورارين بس
احمد : هو انا اهبل زيكو .. انا ها ادلع وادلعها يابنى .. دلعها واكسب ودها واوعى كدا جاتكم القرف ..
مازن : ماسك روان وروكا .. ومرنا وسمسمه وماندو .. عارفين لو الكرش دا ما خسش بكرا مفيش واحده فيكو ها تسافر ..
روان : هو كرشك وانت مسئول عنه .. انا مالى هاااه
مازن بيرفع ايده وبعصبيه : وربنا
روكا : مسكت بوقه .. وربنا ما انت حالف .. ابوس ايدك انا بستنى السفريه من السنه للسنه ..
ماندو : ماله كرشك ماهو حلووو اهوو ها تنزله ليه
مازن : انت بالذات لو ماخسستنيش ها اقتلك .. فضلت تلففنى من مطعم لمطعم لحد ما ضيعتنى بيعايرونى يا أماندو
هدى : انت تعمل تمارين يامازن .. والا ها يساعدك الولاد دول محترفين ..
مازن : انتى صح يا هدى ..انا ها اعمل تمارين . وكلكو تساعدونى ..
سمسمه : وانا ها اعمل معاك يا عمو عشان اساعدك
مازن : بيبعت لها بوسه فى الهوا .. انتى حبيبتى مش ابوكى الرذل ..
روان : مازن عيب
مازن : بيبص لروان عيب صح .. ابوكى وبيشاور على رقبته .. خنيق مش رذل هههه
طارق قرب على هدى : ماما .. انتى سيبتى حور لوحدها ليه
هدى : كانت نايمه .. وشريف قالى سبيها شكلها تعبانه .. وروح صالح ابوك عشان انا كمان زعلت منك
طارق : مسك ايديها باسها وباس راسها حقك عليا يا ست الكل ما تزعليش منى
هدى بأبتسامه مش بعرف ازعل منك ياله عشان ابوك زعلان قوووى
.. وراح لشريف وباس ايده وراسه واتاسف له .. ووعد ابوه انه ها يساعدها .. هو مش بيعرف يتخلى عن حد
روكا : اعااااااا .. الحقوونى
*****************
روكا : اعااااا مازن ها يضيع منى .. الحقونى .. ماكنش يومك يا ميزو.. يا حبيبى ها تسيبنى لوحدى ها اعمل ايه من بعدك
مازن : وهو على موهجه الا عماله تنط لفوق وتنزل لتحت بقوتها ..وبيقول بصوت عالى موتينى وبتفكرى ها تعملى ايه من بعدى ياقدرى .. يا خرابى ياختى .. وبيبص للشباب الحقونى يا كلاب .. الحقونى ماطمرش حياتى الا ضاعت عليكو يالهووووتى وماسك فى رقبة موهجه جاااامد .. وبيبوسها حقك على الا جابونى مش ركابك تانى يا متخلفه
😂😂😂
احمد : بيحلق على موهجه هو وكريم وطارق .. ومرنا واقفه تعيط هى وسمسمه ..
روان : مش ها نسيبك يا ميزو ماتخفش .. أجمد يا بطل لتقع
مازن : بصوت عالى .. انا مش خايف يا روان .. انا ركبى شخللت يا وبيغنيها شخللت .. شخللت الهى تتشكى يا روكا يا بنت حينان .. انتى وموهجه بنت المجنونه ... عندها عته حيوانى ياناس حد يخلصها من تحت ايدى
😂😂😂😂😂
مروان : بيزعق قولتلك ما تركبهاش .. اهدى بقى خليها تهدى
ماندى : واقف مع الشباب وقدرو يسيطرو على مهجه .. وشال مازن وبينزله
مازن : مسك فى رقبة ماندو .. ارجود يا مانزو .. ما تنزلنيش .. مفيش روخب
ماندو متنح وبيرد الكلمه : هاااه .. روخب
احمد وطارق وكريم : بيضحكووو بصوت عالى جدا .. وبيخبطو ايديهم فى بعض
شريف : يافقر .. لازم موهجه .. مش بتطيقك يابنى ادم أفهم الا زى دى ملهاش غير المجرم الا زيها
طارق وهو بيضحك رفع ايده : تعيش يا حج
مروان : بيضرب مازن .. انت غبى يالا .. قولتك ما تتزفتش تركبها كنت ها تضيع يا غبى ..
مازن : بعياط مصطنع .. انا ضعت يا اخويا وادى اخرة الا مايسمعش كلام ماما وبيبص لروان وبابا وبيبص لمروان مش ها اخلف تانى خلاص ياخسارتك فى الملاعب يا مازن ... وبيبص على احمد وطارق وكريم مشى العيال دى بدال ما انزل اهزئها وانا مش عايز انزل دلوقت ..
روكا : لازم تتعبنا معاك .. ها تضيع نفسك بطل تهور انت كبرت ..
مازن : انا متهور .. ولو نزلت مع على ايد ماندو ها اتهور عليكى واديكى بالبوكس فى مناخيرك
روكا : وجعت قلبى يا ميزاميزو ..
مازن : ابتسم .. حبيبتى يا روكا .. انتى الحته الشمال يابت ..
روان : قربت عليه .. وبتمسد على دراعه معلش يا مازن .. موهجة دى وحشه
مازن : شوفتينى وانا متشعلق فى رقبتها فوق بنت المدايقه عملتنى دريم بارك وكنت خلاص داخل بيت الرعب 😂😂😂
ماندو : اه وها تفضل متشعلق فى رقبتى كتير ما تنزل
مازن : لا انا مبسوط كدا .. انا مرتاح كدا
هدى : حرام عليك يا مازن .. هو احنا كل ما نيجى هنا لازم تعمل فينا الفصل دا
مازن : خلاص يا هدى سماح ماعنتش راكب موهجه ها اركب عنتر عشان يوصلنى على السريع ههه.. اهو راجل وها يفهمنى .ونزل لميرنا مسح دموعها هى وسمسمه .. وبجديه تعرفو ان انتو اكتر اتنين بتحبونى بجد .. وبيبص على الشباب بغل غير الكلاب دول
ميرنا : ارجوك يا بابى .. ما تعملش كدا تانى .. لو جرالك حاجه ممكن أموت ..
سمسمه : بشنهفه .. وانا كمان يا عمووو .. انا بكره موهجه عشان بتعمل فيك كدا ..
مازن : وانا مبسوط منها عشان شفت حبكم كلكم ليا .. وبيضحك ميرنا خصوصا امك الا موتتنى وبتفكر ها تعمل ايه من بعدى بنت سلط ملطح باشا دا انا على قلبها لحد ما اجبلها زهايمر
ميرنا : هههههههه .. محدش فى الدنيا كلها بيحبك اد عمو مروان .. بص عليه خد جمب وقاعد مدايق ازاى
مازن : ابتسم .. عارف يا حبيبتى .. دا مش اخويا .. دا ابويا ربنا ما يحرمنى منه ولا منكم كلكم .. وراح لمروان بينكشه
مروان بعصبيه : ابعد عنى دلوقت
مازن : وربنا ما اقدر على زعلك
مروان : قولتلك كام مره ما تركبش موهجه عندك هرقليز اتنيل اركبه
مازن : يرضيك يعنى اركب هرقليز دا مهزء يا مروان دا انا بتحايل على امه يمشى تلاقيه واقف متنح واول ما انزل من عليه يطير ابن الورمه
مروان : 😂😂😂😂 حظك كدا نعملك ايه
مازن : طيب اركب راهوان انا اخوك
مروان : لا ابعد عن راهون انا مش عارف انت كل ما تركب حاجه فيهم بيجلها تخلف عقلى ودا يخصنى
مازن : قصدك ايه يعنى
مروان : تعالى .. وطلع هرقليز وركب عليه وبدء يلف بيه وهرقليز متجاوب معاه جدا نزل وقال لمازن اركب
مازن ركب عليه فضل واقف ما بيتحركش : يابنى امشى الله يهدك .. انا معمولى عمل معاكو .. طيب أمشى وانا ها اديك سكر نبات وتخلف صبيان وبنات .. وبيخبط على رقبته امشى يا بابا او اجرى ... وهرقليز ماشى براحه جدا .. يازفت الطين انت بتسحف كدا مش بتمشى بتتعلم المشى يا مهزء
هرقليز بيهز راسه ووقف
مازن : ايه البنزين خلص انزل
😂😂😂😂
مروان واقف سايح على نفسه من كتر الضحك راح للشباب وطلعو الخيل وطبعا طارق ركب موهجه ومازن ركب واحد تانى وبدئت حفل السباق بينهم ... والبنات قاعده مستنيه يخلصو عشان كل واحد ياخد مراته ويلف بيها شويه ... ميرنا ركبت هرقليز وقدامها سمسمه ... ومتجاوب معاهم جدا .. وبيلفو بيه مع بعض ...
وكملو يومهم .. الا مش بيفوتو فيه لحظه واحده من غير ضحك وبيستمتعو بوقتهم مع بعض من غير زعل ولا عكننه .. صدقو وأمنو ان احلى حاجه فى الحياه هى الابتسامه والقلب الصافى والوقت الا بيخطفوه مع بعض
******************
كل واحد روح بيته بعد يوم طويل ..
هدى : هى حور لسا ما صحيتش دا كله
طارق : هى كانت نايمه فين
هدى : فى اوضتك
طارق : هى عجبتها الاوضه والا ايه .. وطلع على فوق مداش مامته فرصه تكمل كلامها
شريف : تفتكرى ابنك ها يساعدها بالسهوله دى بعد ما رفض قدامها
هدى : اكيد يا حبيبى .. انا واثقه فى ابنى
طارق : خبط كتير ... لا رد .. دخل الاوضه وبيدور بعنيه فيها مش لاقيها .. خبط على الحمام .. مفيش بردو .. لسا ها يخرج من الاوضه لقى ورقه على مكتبه .. قراها ونزل بعدها بيكلم الحرس وبيقول لهم ازاى مش يبلغوه ان حور مشيت .. وهما قالو ... ان مفيش حد خد اوامر لا منه ولا من شريف انهم يمنعوها .. وفكرو الموضوع عادى ..
هدى بزعل : ياريتنى ما خرجت وسمعت كلامك يا شريف ها تلاقيها افتكرت اننا مش عايزنها معانا
شريف : روح هاتها خليها تقعد معانا هنا وانا ها اعينها فى الشركه بدال المرمطه الا هى فيها
طارق : بقولكم ايه البنت دى بتتصرف من دماغها وانا مش فايق لها ولا للجرى وراها بكرا ان شاء الله انا طالع انام
شريف : بيبص لهدى قولتلك مفيش فايده فيه تعالى انا بكرا ها اجيب عنوانها واروح اجيبها عشان الوقت اتاخر دلوقتى
******************
ريم : بصى يا ماما .. ايه رايك البس دا بكره اقابلهم بيه
أمل : لا يا حبيبتى .. انا شايفه ان الدريس دا مع الحجاب دا ها يبقو تحفه عليكى
ريم : بس دا مجسم قوى يا ماما
أمل : مش مجسم ولا حاجه .. انتى الا حاطه فى دماغك كدا .. والبسى الجزمه دى .. ابوكى بيقولى العريس طويل
ريم : ههههه هو انا ها اقعد جمبه فى الكوشه .. لسا بدرى على الكلام دا ..
أمل : عزيز قالى لو انتى وافقتى .. ها يشبكك .. ويتفقو على الفرح وكتب الكتاب
ريم : دا الا هو ازاى بقى .. مش انا الا ها انقى شبكتى
امل : لا هو مصمم تلبسى على ذوقه هووو
ريم : شكله مغرور .. ها نبتديها كدا
امل : ما تسبوقيش الاحداث .. بكرا مش بعيد .. بس انتى شكلك موافقه
ريم : بخجل .. الله يا ماما .. وبتخرج من الموضوع .. طيب ايه رايك فى الطقم دا وطلعت طقم تانى من الدولاب ...
*****************
حور : قاعده فى الباص الا بيروح الغردقه .. وسرحانه .. فى طارق .. وطلعت صوره له خدتها من صوره الا فى المكتب.. وبتتأمل ملامحه طول الطريق او احساس انها عايزا تحس طول الوقت انه جمبها .. بعد وقت كبير .. الباص وصل الغردقه فى وقت متاخر ونزلت ركبت تاكسى وراحت على فندق .. هنا صاحبتها اتوسطت لها عند اصحابه .. وها تقيم وتشتغل هناك .. وصلت وفعلا مدير الفندق استقبلها ورحب بوجودها واستلمت شغلها والمكان الا ها تقعد فيه مع البنات الا بيشتغلو فى نفس الفندق ..
********
مع شقشقت نور الصباح الجديد .. والشمس الساطعه باشاعه ذهبية اللون ..
تفوق نور وتتمطع .. وهى بتتواب .. مؤمن .. حبيبى .. قوم ياله عشان نرجع القاهره ..
مؤمن : سبينى يا نونه . ننزل اخر النهار
نور : قوم بقى عشان الولاد .. طب ايه رايك نسافر نقضى الاربع ايام دول فى المصيف زى ما اتفقنا
مؤمن : الولاد ها تزعل اعوضها ليكو مره تانيه
نور : لا مش ها تزعل بالعكس ها تفرحهم قوووى .. ياله بقى خليها مفاجأه ليهم ..
مؤمن : نفسى تسمعى كلامى المره دى وخلينا نقضى الاجازه معاهم هنا .. لحد ما الامور تبقى تماما بينهم
نور : بتفكير هو ممكن يعملوها فينا تانى
مؤمن : ممكن طبعا .. انتى فاكره ايه مشكله بقالها سنين وسنين .. ها يتصافو وها يرجعوو زى الفل فى يومين .. افردى حد شعللها تانى بينهم
نور : ممكن والله انا عارفه الناس هنا كتير وبتحب تخدم
مؤمن : اه هما يخدمو واحنا نلبس ..
نور : ههههههه .. لا خلاص .. خدلى شهر وانا اقعد على قلبهم ...
***************
طارق : فى ايه يا ماما على الصبح
هدى : بصوت عالى .. اول مره صوتها يعلى ... قوم شوف البنت الا انت طفشتها .. وتادب الراجل الا بابك حكلى عنه صاحب البيت دا ازاى جايلك قلبك تنام وانت عارف دا كله اكيد نامت فى الشارع يا قلبى
طارق : هو حد قال لها تمشى .. انتى بتقومينى من النوم عشانها ..
هدى : ايوا انا لو كنت عرفت حكايتها من امبارح كنت روحت انا جبتها .. دا واجبك يا حضرة الظابط .. لو مش انت الا ها تساعدها وتجيب حق دى والا زيها .. يبقى ملكش لازمه تفضل فى شغلك .. ربنا ها يسألك عملت ايه لكل واحد كان محتاج تساعده وانت اتخازلت عنه وكسرت بخاطره
شريف : اهدى يا هدى .. انتى اول مره تتعصبى كدا .. يجرالك حاجه
هدى : دموعها نزلت .. عشان انا عشت من غير اب . بس امى ربنا يخليهاى معايا .. ومع ذلك الدنيا كانت بتلطش فينا .. امى اترمت فى الشارع وهى حامل فيا والناس ما بترحمش .. ما تفتكرش يا باشا وبتقولها بترقيه .. انى اتنعمت وعشت فى خير جدك .. لاء .. الفقر كان ورانا وملاحقنا .. ورذلاة بعض الناس معدومة الاحساس .. غير المدايقات الا كنت بتعرض لها انا وجدتك .. ولما ربنا يكرمنى بولد ويكون ظابط اد الدنيا ويتعامل بتكبر وبغرور مع واحده ظروفها حكمت عليها تعمل كدا عشان راجل معدوم الاخلاق وتيجى انت تكمل عليها مش ها اسمحلك فاهم .. سواء هى او غيرها
شريف : هو انتى لسا بتفكرى فى الا فات يا هدى
هدى : الا فات جزء منك يا شريف .. ما ينساش اصله ولا عيشته غير قليل الاصل .. وانا بنت أصول
طارق : نط من على السرير وبيسقف .. ايوا يا واد يا جااامد انت يا أصيل .. وبيحط ايده على كتفها بتطلعى المارد الا جواكى على ابنك دا انا حبيبك يا هدهود
هدى : بتنطر ايده اوعى كدا ما تكلمنيش انا زعلانه منك
طارق : بيشاور بصباعه .. توء توء توء .. الا انتى .. دا انا اقلب الدنيا واجبهالك ..
شريف : بيزقه ما كان من الاول لازم تزعلها .. وتعمل ثوره علينا .. اصالحها ازاى
طارق : بيغمز لشريف .. انت مسيطر يا باشا ما بتاخدش فى ايدك ثانيه .. قولها انا زعلان بس .. طيب فى فطار والا اخدها من قاصرها وبيشاور بايده على برا
هدى : بتشاور بإيديها على برا .. خدها من قاصرها .. وما ترجعش غير وهى معاك لحد ما تشوف ها تعمل ايه مع الراجل دا ..
طارق : رغم ان دا مش شغلى يا ماما انا بتاع عصابات ومافيا وأكشن .. بس ها اعملك الا انتى عايزاه .. ودخل على الحمام وجهز نفسه ونزل
***************
ريم : خلاص يا روان ها نبقى عندك قبل المعاد
روان : ريم ما تتاخروش .. عايزين العربيه ابعتها تجيبكو عشان ان شاء الله ممكن نشبكها .. يبقى حضرتى شبكة احمد قبل ما تسافرى
ريم : لا احمد دا حبيبى .. دا كفايه انه ها يخطب واحده على أسمى ..
روان : انا فرحت قووى اول ماقالى اسمها ريم .. قولت ياسلام .. اهو دا احلى كلام ..
ريم : بحبك يا رورو .. وربنا ..
روان : وانا كمان وربنا . ياله اقفلى بقى واجهزى .. انتى ومنه وبابا وماما ..
ريم : ماشى يا مزه .. سلام
روان : سلام يا حبيبتى .. وبعد ما قفلت .. ميلت على مروان الا نايم على السرير .. وبيقلب فى تليفونه .. بتعمل ايه يا حبيبى
مروان : بكلم شريف على الواتس .. عشان يروح الشركه هو وهدى
روان : هو مش ها يجى معانا
مروان : لا .. بيقولى انا مش رايح انهارده .. لما تتفق ها اجى معاك المره الجايه
روان : ليه طيب
مروان : لف لها .. وبيلعب فى شعرها بإيده يا حبيبتى افردى العروسه رفضت وما حصلش نصيب
روان : لا يا مروان ماعندكش حق .. دا احمد البنات بتموت عليه اول ما تشوفه .. تقولى يرفضوه
مروان : ليه لاء يعنى .. هى بنوته ومن حقها توافق او ترفض ..
روان : بتهاجم مروان بهزار .. ما انا كنت بنت .. ما سبتنيش اوافق او ارفض ليه
مروان : ههههههههه .. وقرب باسها بوسه طويله .. وبعدين ركز فى عيونها انتى كنتى عايزا ترفضينى
روان : انت بترشينى يا مروانى كدا .. وانا مكسوفه دلوقت .. وها اجواب تحت ضغط
مروان : هههههه وبيبعد وبيرفع ايده .. طيب انا مش ضاغط اهووو جوابى
روان : شدته عليها .. لا مفيناش من كدا .. مفيش راشوه كمان .. واقول انا الا جبت المأذون وكتبت الكتاب غصب عنك وكنت بتحمرش بيك 😂😂😋
مروان : صوت ضحتكه ملت الفيلا كلها .. وبيداعبها بمناخيره .. وبيقرب يبوسها تااانى .. سمسمه خبطت ودخلت عليهم ...
سمسمه : بابى .. عمو مازن بيقولى ابوكى بيضحك .. ادخلى اضحكى معاااه
مروان : اتعدل .. هو وروان .. وبتعدل شعرها .. تعالى يا حبيبتى ..
سمسمه : هو انت كنت بتعمل ايه فى ماما
روان : نيمتها وبتزغزغها جااامد .. بيعملى كدا يا شقيه .. كدا كدا ..
مروان : شد سمسمه .. هو عمو مازن فين
سمسمه : كنا نازلين كلنا .. وسمعناكو وانتو بتضحكو ..
مروان : انا لازم اغير مكان الاوضه دى .. ايه رايك اروح اقعد فى اوضة الحرس يمكن تبطلو رخامه عليا .
روان : ها تلاقى مازن لابس غفير وقاعدلك قدام الاوضه انا عارفاه 😂😂
مروان : انتى بتقولى فيها .. اخويا بس رخم ..
سمسمه : لا يا بابى .. عمووو لذيذ .. وبحبه وكمان هو بيحبك قوووى
مروان : عارف يا قلبى
روان : طيب ياااله .. ياله
**************
عدى وقت كبير .. واحمد تمت اموره على خير زى ما كان عايز واكتر .. واتحدد فرحه بعد شهر .. وفاجئهم كلهم بالخاتم الالماظ الا جه على قد ريم بالظبط .. وكلهم قعدو يهزرو ويقولو اكيد عارفين بعض ...
***********
طارق : خلص يا سامى بقالى 5 ساعات مرمى جمبك
سامى : يعنى اعملك ايه أسيب البلاوى دى واروح فين .. ياله انا جهزت القوه الا ها نروح بيها . وطلعو من القسم .. وراحو على الشارع الا ساكنه فيه حور ... نزل ومعاه سامى والعساكر .. وقفو قدام البيت .. وتقريبا كدا الشارع كله واقف يتفرج .. طارق طلع فوق لصاحب البيت هو وسامى ومنظرهم يخض اى حد
صاحب البيت : عايز مين يا باشا .. مفيش فى عمارتى حد مجرم .. انا صاحب العماره
طارق : بيشده من لياقة قميصه .. عايزك انت مش انت طه
طه : ايوا يا باشا بس والله ما عملت حاجه
طارق : والا عملته فى البنت الا اسمها حور .. وبترمى عفشها فى الشارع واتهجمت عليها اكتر من مره .. وبصوت هامس يخوووف .. انا ممكن اوديك ورا الشمس ..
طه : يا باشا دى بنت مش تمام بتتبلى عليا وانا اد ابوها ..
طارق : انت لو مش راجل كبير كنت مديت ايدى عليك .. عارف لو دايقتها تانى ها احبسك وبصوت عالى فاهم ..
طه : فاهم يا بيه .. بس هى مشيت
طارق : ها ترجع .. وها تقعد فى شقتها وعلى الله تكلمها ..
طه : ما بتدفعش ايجار ..
طارق : عليها كام ..
طه : عليها .........
طارق : طلع فلوس من جيبه .. اتفضل . دول يكفوك كام شهر والعفش بتاعها فين
طه : 8 شهور يا بيه .. وعفشها عند ام بسمله الا قدامنا
سامى : شد الراجل .. تعالى امضى هنا .. سيبه ليا وانت روح شوفها فين ..
طارق : نزل وراح البيت الا قدام بيت طه .. وبيسأل الاولاد الا بتتفرج على ام بسمله .. ونزلت له الشارع .. وبيسألها على حور وعفش بيتها ..
ام بسمله : قصت لطارق كل شئ
طارق : يعنى ما تعرفيش راحت فين
ام بسمله : والله يابنى ما اعرف .. كل الا قالته بلاد الله واسعه ومشيت . بس قالتلى ها تجيلى تانى عشان تاخد بقية فلوسها ..
طارق : بصى يا ست الكل معلش انتى ها تشوفى شيالين .. يطلعو حاجتها تانى الشقه .. وفلوسك وفلوس الشيالين انا ها ابعتها مع دا وبيشاور بإيده على واحد من رجالته الا جه وسأل عليها .. تمام
ام بسمله : كفايه الا انت عملته لليتيمه الغلبانه دى .. وانا مش عايزا فلوووس .. وحاجتها كلها ها ترجع الشقه ..
طارق : لا معلش .. خليها عليا المره دى .. واول ما ترجع ياريت تكلمين على الرقم دا وطلع كارت بيديهولها . ودا المفتاح خته من الراجل النتن
ام بسمله : ربنا بسترها معاك ويحميك .. زى ما بتجيب حق الغلابه
طارق : لبس نضارته .. واتحرك اتجاه البوكس والعساكر ركبت وسامى هو كمان بعد ما مضى طه على تعهد بعد التعرض وهدده ...
سامى : كدا ارتحت
طارق : ايوا .. عشان ما يفكرش يقرب من البنت .. ها يخاف
سامى : عارفها منين .. اوعى تكون
طارق : ما بلاش الشمال الا مالى حياتك يشتغل عليا
سامى : ههههه.. هو انا شفت غيره وقولت لاء انت مرتاح
طارق : ايوا مرتاح قوووى .. عقبالك وبصوت عالى حاسب يالا

*********************

إلي هنا ينتهي الفصل الخامس والعشرون من رواية خادمتى ولكن الجزء الثانى بقلم لولو طارق
تابع من هنا: جميع فصول رواية خادمتى ولكن الجزء الثانى بقلم لولو طارق
تابع من هنا: جميع فصول رواية إغتيال بقلم وردة

تابع أيضاً: جميع فصول رواية بنت الأكابر بقلم مها جعفر
تابعوا صفحتنا على الفيس بوك للمزيد من روايات حب

حمل تطبيق قصص وروايات عربية من جوجل بلاي

اقرأ أيضا: رواية العشق الضال بقلم فاطمة رزق