مرحباً بكم أصدقائي وأحبابي عاشقي القراءة والروايات الرومانسية مع رواية رومانسية جديدة للمتألقة لولو طارق والتي سبق أن قدمنا لها العديد من القصص والروايات الجميلةعلي موقعنا قصص 26 وموعدنا اليوم مع الفصل الأربعون (الأخير) من رواية خادمتى ولكن ج2 - لولو طارق
رواية خادمتى ولكن ج2 - لولو طارق - الفصل الأربعون (الأخير)
تابع من هنا: جميع فصول رواية خادمتى ولكن ج1 -لولو طارقاقرأ أيضا: روايات رومانسية
 |
| رواية خادمتى ولكن ج2 - لولو طارق |
رواية خادمتى ولكن ج2 - لولو طارق - الفصل الأربعون (الأخير)
حور واقفه فى المطبخ وبتعمل ملوخيه وليزا وسندرا واقفين يتفرجو عليها وطارق قاعد برا هو ومحمود ومايكلحور بتتكلم عربى وهما باصين عليها ومتنحين : كدا تمام قوووى نعمل بقى الطشه اهى جهزت اهه وبتزق سندرا وليزا بايدها وسعووو شويه كدا .. وهما باصين على ركيئكشانات حور والحله .. اول ما حطت الطشه غطت الحله وشهقت هااااااا اووووووه جااامد لدرجه انهم خافووو وبقو يصوتو وبيبصو على الحله بتحفظ
طارق دخل جرى فى ايه
ليزا : هناك شئ فى الحله ارعبنا كثيرا طارق اقتله
حور : 😂😂😂 يقتل مين يا حجه دا الا ها يقرب جمب الحله انا الا ها اقتله
طارق قرب عليها : عملتى فيهم ايه وماسكين فى بعض بخوف ليه كدا
حور : كل الا عملته ملوخيه .. ومن ساعة ما حطيت الطشه وهما كأنهم انضربو بالنار
طارق ضحك جامد ومسكها من راسها : ها تجيبى للناس سكته قلبيه بسبب عميالكم فيهم
حور : انا مالى هما الا قلبهم بيرفرف زى الحمام وابتسمت هما دول ها يفضلو لازقين فى بعض كدا كتير
طارق : 😂😂😂 ليزا لا تقلقى انها ملوخيه اكله مصريه والا حصل دا الطشه
ليزا : طهشه طارق شئ مخيف ومرعب
طارق : ما انتى ما تعرفيش ان كل أكلنا مخيف ومرعب وخصوصا الطهشه بتاعتك اخرجو حالا لانها ها تغرف الرز 😂😂
ليزا وسندرا خارجين ورا بعض وحور وطارق بيضحكو بأعلى صوت
حور غمست لقمه من حلة الملوخيه وبتأكلها لطارق : دوق كدا وقولى رايك
طارق قدم كلها منها وبيبص لها وعيونه مبتسمه زى شافيفه قرب مسك ايدها وباسها : تسلم ايدك جميله
حور شدت ايديها : يابنى بطل تحرجنى
طارق بيخبط على راسها : مش بقولك غبيه .. اوكازيون اليومين دول بعد الجواز بح مفيش
حور : ليه ان شاء الله انا مستنيه بعد الجواز عشان أعيش الاجواء وانت تقولى بح
طارق بيضحك وبيغمز لها : مسنيه ايه يا قلية الادب ما طلعتش لوحدى
حور : لا دماغك راحت فين
طارق بيهز راسه وغمز كذا غمزه ورا بعض : فين بقى قولى انتى .. شكلك ها تموتى عليا ..بذمتك مش انا واد كدا حلو ويتحب اوعى تنكرى
حور بعصبيه مزيفه : على رأى طنط سونيا
طارق بتعجب : مين طنط سوبيا دى كمان
حور : طنط سونيا .. سونيا جارتنا ... كانت كل ما تشوف وشى تقولى .. يا حور ها اقولك على حاجه اتعلمتها من جوزى التعلب المكار الا قاعد جوا الدار .. وهى يا حبيبتى لاتزم ولا تشكر غير بعد سنه وست أشهر
طارق بيهز راسه : جوزها التعلب المكار وقاعد جوا الدار .. ولسا ها تفكر تزم والا تشكر وبيحط ايد على ايد دلوقتى عدى علينا اد ايه
حور بتضحك وبتتكلم بهزار : 6 أشهر
طارق : ليكى فى ذمتى سنه ولازم تاخديها دلوقتى وقرب براسه وضرب راسها بالروسيه بس خفيفه شويه ... خليكى بقى ماشيه ورا سوبيا بتاعتك وسابها وخرج برا وحور جهزت الاكل وبدات تخرجه .. وقعدو ياكلو مع بعض وليزا وسندرا ومايكل عجبهم الاكل جدا دخل اوضة ماكس وقاعد فيها وبيفكر هى حور لو مش معاه هنا كان قدر يكمل او أستحمل القاعده دى كلها وكمان بعيد عن كريم وأحمد وهدى وشريف وفاطمه دا كله محمود دخل عليه
محمود : سرحان فى ايه
طارق : ولا حاجه يا حودا هو الراجل دا مش ناوى يدينى إفراج انا لازم أحضر فرح كريم ومنير
محمود : يا حبيبى ادام فى تحسن فى حالتك نجازف ليه وننزل
طارق : انت مش سامعه بيقولك التحسن ضعيف جدا .. جدا يعنى بردو زى قلته الا بتعملوه ومصاريف على الفاضى .. انا راضى بنصيبى وربنا ما زعلان
محمود : ما تبقاش سلبى يا طارق ... التحسن الا انت بتستقل بيه دا .. الدكاتره هنا اجمعو انها معجزه لانهم ما اتوقعوش ابدا النتيجه دى مهما كثفو فى علاجك
طارق : والله انا مبسوط الحمد لله .. وفى نفس الوقت راضى بكل الا ربنا قسمه ليا وعلى رأى حور ربنا لو اراد وكتب لنا نخلف ها نخلف الصراحه بقى انا زهقت وعايز أسافر لشغلى وحياتى
محمود بعصبيه وقام : مفيش سفر .. الا بنعمله بقالنا شهر وشويه مش ها تيجى انت تهده فى يوم فى ناس عشان توصل للنتيجه بتاعتك دى بتقعد سنين
حور دخلت على صوت محمود : فى ايه يا جدو مالك
محمود : اقنعى البيه ان مفيش سفر دلوقتى ومش ها نهد كل الا بنبنيه عشان خاطر بيدلع وسابه وخرج على برا
حور قعدت جمبه وهو باصص فى الارض ومبوذ : مالك يا طارق ايه الا مدايقك كدا وعايز ترجع ليه
طارق رافع راسه وبص لها : عشان حاسس انى فى سجن هنا اتخنقت .. ولولا انتى معايا ماكنتش قعدت يوم واحد
حور : انا معاك وها أفضل معاك والا انت زهقت منى وعايز تمشى
طارق : حور ما تلعبيش اللعبه دى معايا . انتى عارفه انى لا زهقت منك ولا عايز أمشى عشانك انا مش واخد على القاعده دى واحشنى شغلى واصحابى وحياتى وامى وابويا وتيتا فاطمه الا متحرم عليهم يجيو هنا ويعرفو ابنهم ماله .. كفايه قالو فى تحسن خلاص بقى كدا حلو قوووى نرجع تخيلى منير وكريم ها يتجوزو وانا مش ها احضر فرحهم
حور : طيب نحضر الفرح ونرجع تانى ايه رايك
طارق : ما تحاوليش يا حور انا لو سافرت من هنا مش راجع
حور : انت ليه صعب فى قرارتك كدا يا طارق خليك لين شويه
طارق : انا كدا و دا تفكيرى ومش عارف اغير من نفسى غصب عنى
حور : وانا مش عايزاك تغير من نفسك كلنا بنحبك كدا بس خليك معانا على الخط ما تبقاش قافيل
طارق ابتسم وبيقرب منها بمكر
حور زقت صدره بايدها : ايه فى ايه .. انت ليه بتكرهنى اقعد معاك فى مكان لوحدنا
طارق بيضحك بصوت عالى : ما انتى بتزغللى فى عينى اعملك ايه وبيزقها قومى وعايزانى أكمل قاعده يا شيخه روحى
حور قايمه وبتبص له بغل : أما انك راجل غدار
طارق نام على السرير وحط على رجل على رجل وايديه الاتنين تحت راسه اقفلى الباب وراكى
حور شالت مخده ضربته بيها وخرجت وقفلت الباب
محمود : اقنعتيه
حور : هو دا حد بيقنعه ولا بنفهم هو عايز ايه فى الاخر .. احنا بنتعامل مع كائن حى غريب من نوعه فريد على نفسه
محمود : 😂😂 والله ما كان ليا نفس اضحك الله المستعان عليه
******************
مر ثلاث ايام .. والكل واقف على رجله وميت ايد بشتغل مع بعض .. والكل بيساعد ويهنى ويبارك ومنتظرين أجمل عريسين وعروستين .. والقاعه بدأت تتملى بالمعازيم
*******
ريم : يا احمد ساعدنى ..انا حاسه ان شكلى وحش فى الفستان دا
أحمد : والله قمر واحلى كمان . ايه الا مش عاجبك فيه قوليلى
ريم : كله مش عاجبنى
أحمد : يابنتى الكل جهز وانتى لسا بتفكرى فى الفستان .. وقرب عليها حضنها من ضهرها ثم كمان انا جايبه واسع حبتين عشان البيبى ما يتخنقش جوا يبقى براحته
ريم : 😂😂😂 انت جايبلى جلبيه وتقولى البيبى يتخنق
أحمد : بيضمها أكتر .. لو الجلاليب كدا يبقى مشفتش ولا ها اشوف فى جمالك بالجلبيه
ريم بفرحه : بجد يا احمد
أحمد : جد جدا اسمعى منى هو مش مظهرك دا يمسنى ولو وحش ها يبقى فى وشى
ريم : طبعا
احمد : مش واثقه فيا ليه بقى ياله عشان سمسمه مستنيه تاخد راى فى الفستان هى كمان
ريم : حاضر يا حبيبى وشالت شنتطها وخارجه مع أحمد وماسكه فى ايده
سمسمه : حمودى ايه رايك
أحمد : الله يا سمسم .. ايه يا بت الشقاوه دى
سمسمه بتمشى بدلعم قدامهم : مامى الا جبتلى الفستان عشان ابقى أجمل واحده فى الفرح
مازن : العب يا مروان .. بنتك مخلصه بالصلاه على النبى
مروان حضن سمسمه : بنتى احلى بنوته فى الدنيا ... وطبعا طول الفرح مش ها تسيب مامى
سمسمه : مش ها ارقص يا بابا .. انت مش بتخلى مامى ترقص
مازن ؛ تعالى يا قلبى انا بتاع الرقص سيبك من ابوكى وامك
روان : مازن
مازن : نعم يا ابله
روان : انت مش ها تجيبها البر
مازن : لا بر ولا جو ها اخليها بين البنين
روكا : ياله يا جماعه مازن مش ها نخلص معاه .. كريم اتصل عليا كتير .. واتحركو كلهم وقابلو بقيت الشله شريف وهدى وفاطمه وباين عليهم الزعل عشان طارق وحور ومحمود ما نزلوش بردو
*************
فى الفندق وفى الاوضه الا تخص العرسان
منير : كريم انت يالا .. شوف كدا الكرفتا دى اصلها خنقتنى
كريم قرب عليه : تصدق انت الا خنقتنى انا خلفتك ونسيتك .. منا عريس زيك
منير : اه يعنى اخرج شكلى مش ولابد .. تعالى اعملى الزفته
كريم : لازم تلبس كرفتا .. انت قديم كدا ليه
منير : البس ايه يعنى
كريم : الفيونكه الحلوه دى مالها معموله عند ترزى فيونكات عجب .. تلفها كدا على رقبتك وخلاص الموضوع خلص
منير : والا مش عجبه الفيونكه العجب
كريم : افتح زوررين من القميص وتبقى عربس بلطجى وعايز تنضرب رصاصه بين حواجبك وبيضرب على رقبته انت خنقتنى وربنا .. انا القاعه ها تنفجر بينا احنا الاتنين مع بعض
منير قرب على كريم وحضنه وبيعيط عياط مصطنع : انا خايف يا كيمووو ..مضطرب يا جدع استحملنى
كريم : انا مرعوب مش خايف .. انت دكتور والا حكايتك ايه المفروض انت الا تهدينى
منير : لا ماهو الليله دى ملهاش دعوه لا بمناصب ولا طب ولا هندسه
كريم : امال لها دعوه بإيه
منير اتعدل وبيلف ايده على بعض وبيرقص وكريم بيرقص معاه وبيقول : انا جدع ايوا انا جدع ولا عمر حد منى اتوجع
كريم ضحك وباسه : عشان خاطر الحركه الشقاوه الا حصلت من شويا دى انا ها اساعدك واحمد دخل عليهم فى اللحظه دى .. كريم عمل حركه فجائيه وزق منير على أحمد خلصنى منه عشان وترنى
منير : اه يا عصابه ملهاش امان .. ولا مكان
أحمد : انت على طول عامل مشاكل كدا يابنى ارحمنا
منير : حتى انت اروح لمين ياربى
أحمد بيشده : تعالى انت ها تندب .. وحضنه جااامد وباسو بعض .. مبروووك يا حبيبى
منير بأبتسامه : الله يبارك فيك .. والله ناقصنى وجود طارق
كريم بزهق : ومين سمعك
أحمد : ربنا يرجعه بالسلامه ونفرح بيه هو كمان
********************
ميرنا : سموره حبيبى انا خلصت
سامر : وانا كمان خلصت ياله بينا
ميرنا : مش قبل ما تقولى مبررروك
سامر : مبررك يا قلبى انا عارف انتى بتحبى كريم اد ايه
ميرنا قربت عليه ولفت ايديها حوالين رقبته : المردى دى عشان دا وحطت ايده على بطنها
سامر بفرحه : بتتكلمى بجد يا ميرنا .. انتى حامل .. ومش عارفه تقولى من بدرى
ميرنا : 😂😂 اهدى طيب انا لسا عارفه انهارده
سامر حضنها جااامد : بحبك يا أجمد ميرنا اوعى تتهورى فى الفرح .. وخليها مفاجاه للكل وانا اقول لهم
ميرنا : حاضر يا حبيبى .. بس انا جعانه يا سامر
سامر : انتى اتغدتى 3 مرات يا ميرنا
ميرنا : خش عليا بالرابعه .. انا جعانه
سامر : طيب تعالى واشتريلك سندوتش واحنا ماشين
ميرنا : سندوتش واحد بس
سامر ضم حواجبه على بعض : انتى حامل فى ايه يا ميرنا .. هو ما بيشبعش
ميرنا : 😂😂😂 لا بطنه مخرومه
سامر : دا بطنك انتى الا مخرومه ها تجبيها فى الغلبان الا جوا الا قد عقلة الصباع . قدامى
*********
بدأت مراسم الزفاف المعتاده .. وكريم قدر ياخد عروسته فى حضنه ويدخل بيها القاعه ... ومنير قدر واخيرا هيدى بقت تخصه ومن حقه ودخل بيها القاعه جمب كريم .. وسط الطبول والزفه وفرحة الكل بيهم .. والفرقه بدات تبخرهم وتبعد عنهم العين .. والاطفال داخله حواليهم بترمى الزهور فى كل مكان وصل العرسان للكوشه واستقر كل واحد بعروسته فى مكانه
كريم قرب على سما : مبررروك يا حبيبتى
سما بتبص له بصات فرح : الله يبارك فيك
كريم : اخيرا خلصنا من اللزقه الا اسمها اختك
سما : 😂😂😂 اخيرا يا حبيبى . بس ما اوعدكش اوى
كريم : لا تبقى تقابلنى خلاص انا قبضت عليكى ومحدش ها يعرف يحررك
........
منير ماسك ايد هيدى : بتدورى على مين ومش مركزه معايا
هيدى : بابا أختفى . شكله زعلان قوووى
منير : بكرا ها نصالحه .. ركزى معايا
هيدى : 😂😂 حاضر ركزت اهووو بس ها اصالح بابا الاول
منير : ابوكى ممكن ياخدك بالفستان يروحك
هيدى : والله ممكن يعملها وكلهم انظارهم اتجهت لنص القاعه لما اتفاجئو بمؤمن قاعد على كرسى ولابس جلبيه وبيخبط برجله على الارض وبيضرب بايده على على رجله وبيغنى ... كبرت البنوته وبيشاور على هيدى الا هلكانه على نفسها من الضحك هى ومنير والكل .. وبيقول
كبرت البنوته ... كبرت ست الكل . صار بدها تتجوز تتركنى وبيرفع ايده كانه بيقول لحد أمشى .. تتركتى وتفل
ربيت بدموع العينين وبيشاور على عيونه ربيت بالنقدي وبالدين وبيعمل حركة الفلوس الكاش بايده
وبيشاور على منير .. بيجي واحد مدري منين بياخدها وبيفل
شو غنيتلا تتنام بليالي الشتوية
وعديتن عد الايام تا صارت صبية
تعزبت تقهقرت كتير
كرمال عيونا الحلوين
ولما صارت بالعشرين .. وبيشاور على منير بردو عريس الغفلة طل
كبرت البنوت ،، كبرت ست الكل
صار بدها تتجوز تتركني وتفل
منير : ابوكى مش طايقنى
هيدى : 😂😂😂 قامت تجرى على ابوها .. وحضنته جااامد .. ونور واقفه جمب روان وعيونها دمعت .. هى عارفه اد ايه مؤمن بيحب بنته ومش متخيل البيت من غيرها ابدا ...
مازن : ولا ابوك ها يطرد منير من الفرح
هانى : 😂😂😂 مش بعيد يقيم عليه الحد انت مش ناوى تعمل اى حاجه لكيمو
مازن : ابنى مخلص مش محتاج حد يعمله .. ياله يا سمسم نرقص ونخربها
سمسمه : يااااه ياعمو اخيرا
مازن : نفسى اعرف انتى طالعه لمين
روان : ليك البركه فيك
روكا : 😂😂😂 لازم تكسف نفسك
مازن بيقول الكلمه وبيمط فيها قوووى : اخرسى وبيبص لهم من فوق لتحت وخد سمسمه وطلع يرقص مع الشباب الا ما صدقو ونازلين رقص مع بعض ... ومره واحد سمعووو صفاره جاااامده .. والشباب كلها نزلت حتى العرسان وجريو عليه فى اخر القاعه .. طارق وجمبه حور ومحمود
طارق بينط عليهم : مبروووك يابنى ادمين اخيرا لقيتو حد يلمكم
كريم شاله وبيهز فيه جااامد : وحشتنى يا طقطق اخيرا
طارق بيضحك جااامد : انت العريس يا اهبل وبص لمنير وفرد ايده مونمون يا حياااتى .. ها تتلمى يا كلبه وتبطلى انحراف
منير : طروقه طقطق .. اه يانى تعالى فى حضنى ياد . وحضنو بعض بحراره .. ساب منير ودخل فى حضن أحمد وفضلو حاضنين بعض كتير
كريم : عم الحبيب انت وهو ورايا ليله وزفه واغانى وياله بقى
طارق مبسوط جدا انه وسطهم وسلم على سامر .. وجرى على هدى من فرحته بقى يشيلها فى حضنه ويلف بيها
شريف دموعه نزلت : تعالى يا جزمه وحشتنى .. ماعرفش ان بعدك ها يأثر فيا كدا
طارق : شرشر يا عسل كله الا زعلك وحضنه جاااامد وفضل يبوس فيه
شريف بيزقه : خلاص
طارق مقرب على ودنه : بصالحك يا شرشر
شريف : مش عايز يا جدع ابعد بقى
طارق بيبوسه تانى : لا وربنا انت بتقول ايه بقالك 27 سنه بتصالح هدى سيبنى بقى اصالحك مره
فاطمه شدته من حضن شريف وهى بتضحك : تعالى ياقلب تيتا وحشتنى .. وسلم عليهم كلهم .. كلهم .. وطلع للشباب
حور بتسلم على البنات وماسكينها بيقرروها
طارق واحمد وكريم ومنير وسامر طلبو اغنية هوبا استنجلينا يارب استرها علينا ... وكل واحد خد حبيبته وبدئو يرقصو بجنون ماعدا سامر واحمد الا بيرقصو بتحفظ وكانت الليله جميله وكملت بطارق وحور ومحمود الا ما صدق شاف عز لزق فيه طول الفرح
........ خلصت الليله بسلام وأمان .. وكل عريس خطف عروسته وراح شقته يقضو اول ليله ويسافر بالنهار يخطف كام يوم عسل لهم
***********
كريم دخل شقته وشايل سما بين ايديه .. نزلها وقفل الباب .. وهى جريت على جوا وقفلت باب الاوضه على نفسها
كريم بيخبط على الباب : احنا فينا من كدا
سما : بقولك ايه انا تعبانه وعايزا انام . تصبح على خير
كريم : خير ايه اصبرى ما احنا ها ننام مع بعض . امال انا متجوز ليه وبودع العزوبيه وداخلين على منعطف تاريخى ليه
سما : كريم ما تعصبنيش عليك
كريم بيعلى صوته : نعم ياختى .. طلعلك صوت يا خانفه وها تتعصبى عليا . .. كدا جبتيه لنفسك يا سما
سما : ورينى ها تعمل ايه وانا بينى وبينك باب
كريم : مش بقولك جبتيه لنفسك ولف راح الاوضه التانيه .. وطلع على الشباك ودخل منه على
على البلكونه بتاعت اوضه النوم .. ودخل على طول
سما رافعه ايديها : كريم انت جيت ازاى .. انت ها تعمل ايه
كريم بيضحك بمكر : بقى انا يوم فرحى انط من الشبابيك زى الحراميه .. قومى من الارض
سما : ليه ها تضربنى اعاااا .. ها تضربنى يا كريم
كريم : هى الستات كلها بتتبلى على الرجاله قبل ما يعملو اى حاجه ليه انا جيت جمبك يا سما انا لسا لمستك
سما : ما انت ها تلمسنى وسوزى قالتلى
كريم جرى عليها : هى سوزى الا تتشك فى زورها الا لعبت فى دماغك صح انطقى
سما بتهز راسها : ايوا قالتلى انك ظابط وايدك طويله وما باتتفاهمش فا خلى بالك على نفسك
كريم بغل : انا لو شفتها ها اكسر دماغها هى البت دى بتكرهنى ليه ودلوقتى وفجأه كدا اكتشفتى ان خير اللهم أجعله خير انى ظابط
سما : ما تتعصبش
كريم : طيب انا دايقتك قبل كدا
سما بتهز راسها بنفى : لا
كريم بيرفع ايده : ايدى دى ادتك علقه عقلتك قبل كدا وطلعت الحمى الا اسمها سوزى من دماغك
سما : لا
كريم قرب عليها : ليه يا حبى تسمعى كلامها دا انا حبيبك يابت وبيغمز لها فاكره النضاره
سما ضحكت : ايوا
كريم : طب فاكره الشجره
سما بتضحك أكتر وبتهز راسها : ايوا
كريم : انتى مالك منشكحه كدا ليه .. وبيلف ايده على بعض عليكو حاجات غريبه انتو لما انتى فاكره دا كله ممرمطانا ليه ... ليه .. تعالى هنا و قومها وبدء يطمنها ويهزر معاها زى عادته .. وقضو وقتهم فى ضحك وهزار .. واخر الليل خدها فى حضنه وبقت مراته قولا وفعلا ..😍😍
*************
بعد ما غيرو وعاشو حياتهم وصلو
منير : احممم .. هيدى .. هيدى .. مالك فى ايه
هيدى : بابا وماما وحشونى
منير تنح : احنا لسا سايبنهم لحقو يوحشوكى
هيدى : ايوا وحشونى اعااااا .. اهاااا .. اعاااا
منير : انتى بتعيطى ليه هو انا خاطفك
هيدى : انت ما شوفتش بابا كان زعلان ازاى
منير بيشاور على نفسه : انا ايه ذنبى . دا انا مستنى اليوم دا من بدرى يا شيخه قلبتيه مناحه
هيدى : خلاص ما تزعلش
منير بهزار : بعد ايه ما خلاص
هيدى : خلاص ايه ها تطلقنى 😂😂
منير : هو انا اتجوزتك عشان اطلقك انتى مجنونه
هيدى : امال ايه
منير قرب عليها وحضنها : خلاص عايز تبقى معايا على طول وجمبى و الا انتى عندك شك فى كدا
هيدى بأبتسامه بتهز راسها بنفى : لا
منير قرب من وشها وباسها وبهمس : طب ايه طيب
هيدى بتوهان : ايه
منير : انتى لسا بتسألى .. كنت عايز اقولك قبل اى حاجه انى بحبك قوووى واجلتها لليوم دا عشان يبقى لها معنى وقيمه بينا
هيدى بكسوف : وانا عايزا اقولك انى حبيتك من اول يوم شفتك فيه وكنت بتمنى تبقى من نصيبى
منير : العب يا واد يا جااامد انت .. ايه الجمال والكلام الجامد دا وبهمس بين شافيفها بحبك . بحبك .. وبحب ابوكى الا خلانى اتمسكت بيكى وحبيتك أكتر
واندمج معاها وبيها وعاشو الاتنين اسعد لحظات بتجمعهم على عهد جديد من نوعه أسمه الزواج حب وتفاهم وكيان واحد مش اتنين ❤❤❤
*****************
بعد الفرح بيوم محمود اصر يرجع بطارق تانى وطلب من هدى وشريف عدم التدخل فى الموضوع وبلاش يدايقو طارق بأى اسئله رغم انهم موجوعين وهايموتو عشان يعرفو ابنهم ماله .. بس فضلو انهم ما يجرحوش طارق لانه برغم انه جااامد وشديد فى قرارته الا انه حساس جدا وبيكتم جواه وخلو محمود وعدهم ان لو مشكلة طارق اتحلت يصارحهم بكل حاجه ... سافر طارق تانى وصمم ان حور تكمل معاه المشوار لانها بتديلو دافعه كبيره انه يكمل وما يحسش بملل
************
مر أكثر من شهرين وحان الوقت لرجوع طارق بلا عوده الا لما يكون هو عايز يرجع .. اتحسن كتيرر وربنا كرمه بالشفاء وهو وحور حبو ليزا وسندرا ومايكل جدا .. وهما كمان ووعودهم انهم ها ينزلو مصر عشان يزروهم ويقعدو معاهم
**************
وفى ليله مختلفه عليهم الاتنين وعلى الكل خلاص حور وطارق ها يدخلو القفص الا اتمنوه وحان الوقت انهم يبقو مع بعض على طول وقرر كتب الكتاب يبقى يوم الفرح .. وفرحه ظاهره على وشوش الجميع الكل متجمع حوالين المأذون الا حاطت ايد طارق فى ايد مروان وحور بفستانها الابيض ها تبقى هى ملكة الحلفه بإمتياز قاعده بتبص عليه بشوق ولهفه من بعيد وشايفه فرحه فى عيونه غير طبيعيه .. ومروان الا صغر فى اللحظه دى 20 سنه وحاسس بفرحه غير طبيعيه
شريف : ياد رد على المأذون
طارق مبتسم : اقول ايه ماخدتش بالى
كلهم ضحكو حتى المأذون
المأذون : قول وانا قبلت الزواج من موكلتك حور .. ... .. . .
طارق بيبص عليها : وانا قبلت الزواج من موكلتك حور . ال ... ... ...
المأذون قال اخر الكلام .. واحمد نتش المنديل وكريم ومنير بيصفرو مع بعض جااامد ..
سامر : وربنا انا اول واحد ها أمضى
أحمد : امضى فى الحته دى بس
سامر : خلاص ياعم هات بقى وخد المنديل مضى وهنئ طارق وحور وميرنا بعده وبعدين احمد وريم وكريم وسما .. ومنير وهيدى .. وبدئو الكبار كل واحد يكتب عليه كلمه تهنئه من قلوبهم ليهم الاتنين
طارق راح لحور ضمها بحب وسط القاعه .. وبدئو كلهم يرقصو مع بعض ... وبعدين حور فجائته وفاجئت الكل بأغنيه لطارق .. وبتغنيها وتمثلها من قلبها
يالهوووى ياه ياه
ايه .
دا ايه داه داه داه
ايه
بتلف ومبرقه عيونها طارق خلاص ها يتجوزنى
يا إيه ايه يا ايه
كتب كتابى وبتحط ايدها على بعض كأنها متكلبشه وها يدبسنى
يا ايه يا ايه .. ايه
اه يا لهوووى ... يا خرابى .. يا داهوتى .. داهوتى ..
وبتهز راسها وبتلف حاجزلى اوضه فى فندق انما ايه
ايه .. ايه .. ايه
وهيصه ولمه وياختى عليه .. طارق خلاص ها يتجوزنى .. شبكلى قلبى وبيجهزنى وبتنطر ايدها .. دا حبه ياناس ياخرابى عليه .. يالهوووتى .. يالهوووتى
طارق داخل عليها بعد ما لبسوه الطربوووش الاحمر ورافع حاجب ومتخن صوته
طارق : بتعملى ايه عندك ياحووور
حوررر بتبربش بعيونها وبترد بقلق وخوف مصطنع : سى السيد .. انت جيب يا سى السيد
طارق : سيد مين يا وليه انا طارق ياعنيه
حووور : بتتمايل قدامه وبتبص له نص بصه .. وبتكلم هدى الا واقفه تضحك هى وشريف .. ماما
هدى : عيون ماما
حور : ماتزوقينى يا ماما قوام يا ماما ولفت فى حضن طااارق الا حاويطها بايده وبيضحك من قلبه .. دا سى طارق ها ياخدنى بالسلامه ياماما وبتهز راسها وبترقص وهو بيرقص معاها .. طبل وزاممير .. وبنات أمماير .. طبل وزاممير
طارق بيفرد ايده وبيرد بإندهاش : ايه
حور بتضحك وبتهز راسها قدام راسه ولسا بتغنى .. وشباب فرافير زفه وحصان .. وكمان فرسان
طارق ضحك : الله .. الله الموضوع كبر يا جماعه وانا لازم ألمه ... وشالها فى حضنه فضل يلف بيها كتيررر .. ونزلها ضمها لقلبه من تااانى والنور طفى وظهر ضى خفيف بيداريهم وبيفصلهم عن الا حواليهم وراقصه هاااديه بين اتنين أجن من بعض .. شال طرحتها رامها على راسها وادرى من كل العيون الا بتراقبهم .. و خطف بوسه من حبيبته الا ملكت قلبه وعقله
حور بإحراج وقربت على ودنه : يا قليل الادب
طارق ضحك بصوت عااالى جدا وقرب منها : بذمتك مش أجنن ونفسك تخطفينى
حور وشها إحمر وابتسمت وسكتت وهو شدها لحضنه وبيرقص معاها بمشاعر مختلفه خلاص مفيش حواجز ولا خوف .. حبيبته بقت مراته وملكه بحق وحقيق .. ها يخطفها من عيون كل الناس ويهرب بيها لجنون وحياه مختلفه جديده وجميله خلصت الليله الا هى بدايه لألف ليله وليله .. حدوته بدايتها اتنين ومالها نهايه .. وصل طارق بقمر لياليه بعد فتره كبيره جدا لمكان منعزل تماما حب يخطف فيه أجمل ايام مع احلى زوجه فيلا صغيره جدا دورين مكونه من اوضه نوم فى الدور التانى بلاوزمها .. والدور الاول انتريه ومطبخ وحمام
نزل وشالها دخل الفيلا .. وطلع بيها على فوووق
طارق بهمس وابتسامه : مبررروك يا حوررر
حور بإحراج ووشها احمر وحاسه ان الدنيا حر : الله يبارك فيك
طارق : ايه مش ها تغيرى الفستان ها تفضلى واقفه مكسوفه كدا كتيررر .. ما انتى راكبه على كتافى طول الفرح وعامله غاغا 😂😂😂
حور باصتله بصدمه : ايه ياعم ماتدينى قلمين أحسن أما إنك راجل غريب 😂😂 .. وسابته وخدت بجامه من شنتطها ودخلت الحمام
طارق ضحك بصوت واطى هو متعمد يجننها وغير بسرعه ونزل على تحت وفتح التلاجه طلع عصير وبيشرب وبيكلم نفسه هما فاكرين نفسهم انهم هما بس الا بيبقو خايفين ومحروجين بلا نيلا بنات دماغها فاضيه ... وبيتنحنح وبينفخ صدره .. اجمد ياد وادخل عليها زى الوحش كسر عضمها ... وبعدين سمع حور عماله تصوت وتجرى بص على فوق وبعلو صوته انا لسا عملت حاجه انتى ها تستعبطى 😂😂😂 وطلع جرى
حور خارجه من الاوضه : اعااااا الحقنى يا طارق الحقنى
طارق : فى ايه فى ام الليله دى شفتى عفريت
حور : لا يا طارق مش عفريت فااار .. فار جوا كان واقف بيبصلى
طارق بعصبيه : دا ليلته مش فايته مين دا الا يبص لمرات طارق وبيشدها من دراعها
حور بعلو صوتها وبتزقه : بقولك فار يا بنى ادم فار جوا
طارق : فى واحده يوم دوخلتها بدال ما يدخل لها جوزها يدخلها فار انتى ايه يا شيخه .. ودخل الاوضه وكانه داخل يهجم على حد وبيقول لها هششش .. وهى ماشيه تتسحب وراه .. ابعدى شويه انتى شفتيه فين
حور بتشاور عند السرير : هنا كان جمب السرير
طارق راح عند السرير وبعدين اتعدل انا ها اموته بايدى اوعى انزل اجيب المقاشه والا اشوف اى عصايه .. ونزل جرى وهى بتجرى وراه جاب عصايه وطالعه وراه بردو
حور بخوف : خلى بالك يا طارق
طارق : انا مش عارف انت ماشيه ورايا زى ضلى ليه ما تقعدى فى حته
حور : لا مش ها اسيبك لوحدك
طارق بتريقه : ليه ها ياكلنى الفار
حور بتتنطط وماسكه فى ضهره اعااااا اهووو اهووو .. وطارق يزقها ويجرى وراه وهى عماله تتنطط وتطلع من مكان لمكان وتمسك فى طارق
طارق بعصبيه : مش عارف اموته منك ناقص اشيلك على كتفى وطار ورا الفار وقلب السرير وبهدل الاوضه والفار طار على تحت وهو وراه وحور فى ديله 😂😂😂 وبهدلو الدنيا تحت وقلبو الانتريه وكسر نص الكوبيات والكاسات والطباق وفين وفين بعد وقت كبير جدا طارق فتح الباب والفار خرج منه ومرديش يموته فى الفيلا عشان ما يأرفوش ..
حور قاعده بتعب وشعرها منكوش وحالاتها حاله ..
طارق داخل وفى ايده العصايه وحور بتبصله
حور اتعدلت : موته
طارق هز راسه بنفى : لا سيبته يغور من هنا احنا ناقصين قرف
حور بصوت عالى : يعنى قوات خاصه وشقلباظات وطبنجات ورشاشات
طارق : اهدى على نفسك شويه حد قالك انى مجمع السلاح النووى
حور بتنطر ايديها : روح ياعم حتة فار مش عارف تموته
طارق نط جمبها ومسكها وعمال يدوس بإيده على جسمها انتى ايه لسانك متبرى منك .. ها اموت امه ازاى وانتى راكبه على دماغى وكل ما اقرب منه تكلبشى فيا زى الاطفال ونازله صويت فى ودنى لما طرشتينى
حور : 😂😂😂 منا بخاف وانت نازل هجم على المسكين لما كنت ها تموته
طارق : مجنونه يابت والا عندك انفصام فى الشخصيه .. ماكنت مش عارف اموته من شويه وزعلانه عشان مامتش .. ثم كمان هى دى ليلة فرحى دا مصيبه منظرى ايه قدام نفسى
حور اتعدلت وباصله : ازاى يعنى انت عايز منظرك ايه
طارق مسكها من قفاها : تعالى .. وراح قدام المرايه بذمتك دا منظر عروسه ودا عريس
حور : 😂😂😂😂 هو الا نكشنى ياعم الحج وربنا
طارق : 😂😂😂 هو نكش الفيلا كلها الله ينتقم منه وبعدين احنا نظامنا ايه
حور بتخن صوتها : انت عايز ايه يعنى مش اتجوزتنى وارتحت .. اوعى كدا خلينى اروح اشوفلى حته انام فيها انا تعبانه
طارق : تروحى فين يختى لا دا انتى هربت منك وشالها على كتفه وطالع على فوق .. وبعلو صوته متجوزه سوسن
حور : اهدى يا طقطق وربنا ما قصدى اعصبك
طارق : كل دا وما مش قصدك تعصبينى دا انتى ليلتك زى وشك ودخل بيها الاوضه ورماها على السرير الا نصه واقع على الارض قومى خدى شاور على ما اعدل الاوضه يا اخرة صربى
حور اتنطرت من على السرير وطارت على الحمام خلصت وخارجه لابسه الاسدال .. وطارق كان خلص ونزل خد شاور سريع تحت وغير هدومه اول ما شافها بيقلد فؤاد المهندس ..
طارق بضحكه : ياسيدى على الوارع .. ايه الايمان الا نزل عليكى فجأه دا يا شيخه حور
حور بكسوف : اصلى عايزا اصلى بيك
طارق ضحك اكتر : انتى الا ها تصلى بيا .. ربنا يصبرنى عليكى .. ووقف صلى هو وهى والغريب انه كمل صلاه مع نفسه وقعد يشكر ربنا ويحمده كتير .. لف على المصليه وبيبص لحور الا قاعده مراقبه فى صمت .. قام وخدها من ايدها وقعد على السرير ... وبدء يتكلم معاها .. انتى مستغربه ليه
حور : اصلك يعنى طولت فى الصلاه جدا
طارق : دا طبعى قبل اى عمليه بقوم بيها وبعدها .. وانتى بقى عمرى ومستقبلى الا جاااى مش عايزنى اشكر ربنا عليها وادعى انه يباركلى فيكى .. كفايه انى كنت فاقد الامل انى اتجوز او يبقى ليا بيت واسره .. الاقى ربنا فتح ليا كل الابواب وبيقولى كل الا انت محروم منه بين ايدك شوفى بقى رحمه ربنا وحبه لينا وانه الوحيد الا ما بيبخلش على عبد بيلجأ له . الوحيد الا بيداوى جروحك والمك وينسيكى كل الا بيألمك بس تلجئ له هو وتبطلى تفكرى وتحطى املك فى العبد وانتى عندك ربنا ودى اقل حاجه ممكن اعملها اقرب له واقف بين ايديه مبسوط اقوله انى مبسوط زعلان اقوله انى زعلان واشكيله
حور عيونها دمعت واتعدلت ولفت ايديها حوالين راقبته وحضنته بقوتها : انت خطفت قلبى
طارق بهمس وابتسامه : انا خطفتك كلك .. مش قلبك وبس وبيبادلها الحضن بحراره بحبك يا حورر وكنت تعبان قوووى فى بعدك عنى .. اوعى تسبينى مهما حصل وقفتى جمبى فى محنتى وساعدتينى كتير
حور : لا يمكن انا كنت بموت من غيرك احساس البعد عنك كان وحش ومؤلم ماحستوش مع اى حد
طارق قرب مش شافيفها بحب وبيدوق طعم اللؤى والحياه من جديد .. وشدها لحضنه يخطف لحظات حلوه بتجمعهم وبتقربهم من بعض بعد معاناه طويله عاشوها الاتنين .. وبقت مراته وملكه هو وبس
نامووو بعد تعب اليوم كله فى احضان بعض واشرقت شمسهم من جديد تحمل الحب والجنون معا
************
مر اكثر من 8 سنوات وحال الجميع على ما يرام ... وسمسمه خلاص فى الثانويه العامه ... واحمد ربنا رزقه بوالدين وريم حامل ببنوته ... وميرنا معاها بنت وولد وحامل ببنوته بردو ... اما كريم معاه 3 بنات وسما حامل بولد .. هيدى بقى معاها 3 اولاد وحامل وكان نفسها هى ومنير فى بنت بس حامل فى ولد ... حور ضربت الرقم القياسى فيهم وبتحمل كل سنتين 😂😂😂 ومعاها والدين وبنتين وحامل فى ولد *****************
مازن : اه روكا ابعدى عنى انهارده الخميس وبيكلم بيعياط مصطنع وكلهم ... كلهم ها تلاقيهم جاين بعيلهم .. مش مدين فرصه لنفسهم وبيبص لمروان ويعيط اكتر انا عايز انام يا مروان
مروان : 😂😂 انا كمان عايز انام ها نعمل ايه ها نتطردهم
روان بتمشى ماشية الحوامل : لا وكلهم فى التاسع ... يعنى الولاده جماعيه
روكا : دا غير العياط داخلين يعيطو .. خارجين يعيطو
مازن : اكتئاب الحمل وجه على دماغى . اه يانا يابا ياما ... ارجوك يا مروان تعالى نرجع الشقه ونسيب لهم الفيلا
مروان : يابنى ها يجرالك حاجه اهدى
مازن : العيال كلها متسلطه عليا .. تخيل تبقى نايم فى اوضتك كافى خيرك شرك وتلاقى عيل قاعد على راسك وبيقول للتانى تعالى اقعد على الكوره جمبى
كلهم : 😂😂😂
روكا : حاجتى كلتها بتطلع من الدولاب ومرميه فى الارض
مازن : اشمعنا انت ما بيجوش جمب اوضتك اشمعنى
سمسمه نازله من فوق وبتتسحب وجايه ناحية مازن وبتوطى صوتها : هما وصلو
مازن بيوطى صوته : لا لسا
سمسمه رافعت ايديها لفوووق وبعلو صوتها : يارب كدا كتيررر عليا يارب .. انا فى ثانويه عامه يا بشر ... انا كدا ها اجيب مجموع يودينى حلايب وشلاتين
مازن : ليه راحه الجيش
سمسمه : اكتر ياعمى ... ارجوك اتصرف يابابا ... الفيلا بتبقى محتله احتلال غير طبيعى
روان : انا جايبه ابن ميرنا من جوا الترابيزه نايم فيها فى الدور التانى
مروان : كفايه بقى .. اهو يوم وانا ببقى مبسوط من لمتهم كلهم ... ياله ريحو ساعه قبل ما يوصلو لانهم بيبقو واخدين جرعة سهر تمام ولسا ها يتحركو الجرس رن
كريم : مزاميزو وحشتنى خد وبيديلو البنوته الصغيره ... شيل حفدتك وبيدخل الاتنين التانين وبيسند سما يدخلها
مازن بيعيط وبيبص فى وش البنت قامت مطا شافيفها لقدام ومعيطه
روكا ضربت مازن فى كتفه : هات يابنى حرام عليك .. بس يا توتا يا حبيبتى مالك
توتا بتشاور على مازن وبتنطر راسها لورا تدو اش
(( جدو وحش ))
مازن : قعدها براحه لتولد ما ترحمونا بقى انا بقيت حاسس اننا عايشين فى المستشفى العام للولاده
كريم : كدا تمام
سما بنهجه : اه يا قلبى
كريم : طيب بعد اذنكم بقى عشان عايز انام وسابهم وطلع على فوووق
مازن : ولا .. انت يلا خدنى ولسا مكملش الجرس رن
روان فتحت : اهلا يا هدى اتفضلى وشايله ابن طارق ... وشريف شايل عيل .. وطارق ماسك الاتنين التانين وبيكلم حور ... حاسبى يا اوزعه لتكعورى فى الارض وانتى ماشيه
حور : اه مش قادره
طارق : ارحمى نفسك بعد كدا ها اكلكم تراب
وداخل ازيك ياعمى خد
مازن : وربنا منا واخد غور ابعد عنى
طارق : تعالى يابنى ودخل جوا وساب العيال وحور وطلع ينام جمب كريم
احمد : ايه ريم السلحفا بتمشى اسرع منك ... ودخل عياله ومراته وطلع ينام فوووق 😂😂
منير : انا واقف على رجلى طول الليل فى العمليات امبارح ارحمينى يا هيدى يا ابنى اتحرك
هيدى : براحه يا منير
منير : السلام عليكم ... بعد اذنكم
مازن بيشاور على فوق غور واخرس
منير : تعيش ياعمى
ميرنا : ماسكه ضهرها وداخله تعيط : اعاااااا ... اعااااا
سامر : يابنتى ها اموت واعرف ايه الا مخليكى تعيطى
مازن : هو انا كل ما اشوفك الاقيكى بتعيطى
روكا بتحضنها : تعالى يا ماما .. بس يا حبيبتى اقعدى
سامر : بيشاور على فوق ومازن جرى وراه وبيحدفه بطفايه بلاستك
مازن : والله لاوريكو
سامر داخل الاوضه جرى وبيزق منير : خدنى جمبك
منير حاطت رجله على كريم والتلاته على سرير ... وطارق واحمد على سرير .. ورايحين فى النوم ولا كانهم مش بينامو فى حياتهم
سمسمه : مامى اعملى حاجه
روان : ها اعمل ايه اسكتى عشان انا حاسه انهم كلهم ها يولدو مع بعض وشهم بيقول كدا
مازن بعلو صوته مازن : حرام عليكو مصر بيجليها عيل كل فسوه بسببكم .. ارحمونا هى مصر ما بتخلفش غير فى الفيلا دى
ميرنا : خد يا بابا .. خلى محمد معاك
مازن شايل محمد ابن ميرنا وباصص له ومتنح
مازن : العيال كلها بتعيط وتقول ماء .. اشمعنى انت بتقول ناء اما انكو عيال غريبه من ناس أغرب
وفضلو طول الليل جمبهم ومانموش والشباب هى الا نايمه فى سابع نومه .. وقلبهم وجعهم من ضرب الاطفال ومشاكلهم مع بعض وتعب البنات وطلباتهم الكتيرررر ... اشرقت شمس يوم جديد ... وماندو وهيثم جم فى معادهم عشان اى مشاوير ..
ماندو داخل جوا الجنينه لقى مازن نايم على الكرسى برا والاطفال كلها ملمومه عليه والا بيلعب فى عينه والا بيلعب فى وبوئه والا بيلعب فى راسه والا نايم على صدره
ماندو : هشششش .. انتو بتعملو فى الراجل ايه حرام عليكو وبيقرب على مازن وقاعد فى الارض وبيصحيه مازن بنوم بينفض صدر ماندو وبيحط راسه عليه ومكلبش فيه ونايم
هيثم : والله بيصعب عليا
ماندو بصوته التخين : قوم وتعالى انيمك عندى
مازن اتفزع من مكانه
مازن : اعمل ايه يارب انام فين .. فى البسين ها يجيو ورايا قومى يابنى
ماندو بيسنده وقام وداخل جوا لقى مروان وهدى وشريف وروان نايمين وهما قاعدين والبنات نازله عياط وصريخ والشباب لسا نايمه
ماندو : اهدى يا باشا ها تعمل ايه
مازن : تعالى معايا وطلعو على فوق ونط عليهم ونزل فيهم ضرب ... قومو بيولودو تحت يا جبلات والشباب قامت تجرى ورا بعض ... ومازن قفل على نفسه الاوضه وطرد ماندو وراح فى سابع نومه
😂😂😂
وتوتا توتا خلصت الحدوته ..
*********************
إلي هنا تنتهي رواية خادمتى ولكن الجزء الثانى بقلم لولو طارق
تابع من هنا: جميع فصول رواية خادمتى ولكن الجزء الثانى بقلم لولو طارق
تابع من هنا: جميع فصول رواية إغتيال بقلم وردة
تابع من هنا: جميع فصول رواية خادمتى ولكن الجزء الثانى بقلم لولو طارق
تابع من هنا: جميع فصول رواية إغتيال بقلم وردة
تابع أيضاً: جميع فصول رواية بنت الأكابر بقلم مها جعفر
تابعوا صفحتنا على الفيس بوك للمزيد من روايات حب
تابعوا صفحتنا على الفيس بوك للمزيد من روايات حب
اقرأ أيضا: رواية العشق الضال بقلم فاطمة رزق
إرسال تعليق
يسعدنا تلقي اقتراحاتك أو تعليقك هنا