مرحباً بكم أصدقائي وأحبابي عاشقي القراءة والروايات الرومانسية في موقعنا قصص 26 مع رواية جديدة من روايات الكاتبة فاطمة عادل ؛ وسنقدم اليوم الفصل الأول من رواية سجين عينيها بقلم فاطمة عادل هذه القصة مليئة بالعديد من الأحداث والمواقف المتشابكة والمعقدة من الرومانسية والإنتقام والكراهية
رواية سجين عينيها بقلم فاطمة عادل - الفصل الأول
إقرأ أيضا: قصص قبل النوم
رواية سجين عينيها بقلم فاطمة عادل - الفصل الأول
التفتت الي الخلف .. لكي تحمل حقائبها وتهم بالرحيل ولكنها لم تجد صغيرتها
ظلت تدور ساره حول نفسها وهي تبحث عنها قائله بفزغ : ريم يا ريم
لاحظها موظف الاستقبال فسألها : في اي ي مدام اهدي
ردت ساره بعصبيه : اهدي ازاي بنتي ريم كانت واقفه معايا دلوقت معرفش راحت فين
الموظف : اهدي بس يا مدام ثواني
ساره:اهدي ازاي دي عندها 7 سنين مش هتعرف تتصرف .
اتصل الموظف بافراد الامن حتي يبحثوا عنها
ظلت ساره تبحث عنها ولكن دون نتيجه وتنادي باسمها .. والموظفون يبحثون معها .. دقت علي كريم زوجها لم يجبب دقت عليه مره اخري فأجاب
كريم بعصبيه : مردتش عليكي ابقا مشغول اي مبتفهميش
شهقت ساره قائله ببكاء : كريم الحقنيي
كريم بزعيق : في ايه ردي
ساره ببكاء : ريم ريم
كريم بزعيق : مالها انطفي
ساره ببكاء : لفيت احاسب الكاشير مكملتش 3 دقايق ولفيت ملقتهاش
كريم بهلع : طب ابعتيلي العنوان
ساره: في مول..........
كريم : طب انا جاي حالا
وصل كريم الي المول ودلف الي الداخل يبحث عنها .. ولكنه لم يجدها .. دق هاتف ساره فأجابت
كريم : الو ي ساره انتي فين
ساره ببكاء : انا واقفه عند الكاشير
كريم: خلاص جايلك
وصل اليها في غصون دقائق
كريم بعصبيه:احكيلي اللي حصل بالظبط .. ازاي تسيبيها كده
ساره ودموعها تهبط علي وجنتها :كانت ف ايدي ولفيت للكاشير احاسبه ورجعتلها ملقتهاش
صفعها كريم علي وجهها وقال بعصبيه : ازاي تسيبيها كده .. ازاي
المدير بهدوء: اهدي يا فندم وتعالوا نشوف الكاميرات المراقبه .
دلفوا الي غرفة المراقبه .. وشغل مسئول الغرفه شريط الكاميرا
ساره ببكاء :اهي خارجه لوحدها
نهض كريم سريعا قائلا :يلا ندور عليها بره
وظلوا يبحثوا عنها في كل مكان .. لكن دون نتيجه
استدعي مدير المتجر الشرطه
الظابط : اتفضلوا انتو وانا اي اخبار هتصل بحضرتك يا استاذ كريم
ساره بضعف : لا مش همشي غير لما الاقي بنتي
كريم بعصبيه : مش كفايه اللي عملتيه .. اتتي لسه ليكي عين تتكلمي يلا علي البيت .
ذهبوا الي المنزل وكريم يلومها وهي غائبه عنه تماما وتفكر بإبنتها وروحها ريم
رجعت من ذكرياتها ع صوت امها : يلا يا ساره علشان نتعشي
ساره:حاضر يا ماما
خرجت والدتها
ساره في نفسها : 16 سنه ع فرافقك.. 16 سنه وكل يوم وكل ساعه ودقيقه بلوم نفسي .. دموعي نشفت من كتر ما بعيط علشانك .. ارجعي بقا .. ارجعي يا قلب ماما .. ثم اكملت :- يا ترا عايشه ازاي بتاكلي ولا لا. يا ترا عايشه ولا .
ثم زاد بكائها بحرقه .
دلفت سميره الي الغرفه : يلا يا ساره علشان الاكل.
جفتت ساره دموعها وقالت :حاضر ي ماما
سميره وقد لاحظت ان ابنتها تبكي ضمتها :يبنتي انا مش هقولك انسيها..بس ادعيلها ان ربنا يكون وقعها ف ناس كويسه..وبعدين ارجعي شغلك بقا قعدتك طولت..والشغل هيشيل عنك شويه
ساره بخفوت :حاضر يا ماما كريم كلمني.
سميره بعصبيه :كان عايز اي النطع ده
فردت ساره :بيقولي انه عايز يقابلني بخصوص موضوع مهم
سميره : مش كفايه اللي عمله..طلقك وانتي بتتعذبي علي بنتك..وراح اتجوز.
ساره : يا ماما انا مش في بالي انا هروح اشوفه عايز ايه .. يلا علشان ناكل وتاخدي دواكي
.............
في اليوم التالي
وصلت ساره الي الكافيه .. وانتظرت كريم قليلا .. ولكنها ملت من تأخره .. فهذه عادته الدائمه .. فدقت عليه
فأجاب كريم : انا داخل اهو
اغلقت ساره الخط دون ان تتحدث باي كلمه
دلف كريم الي الداخل .. وبحث بنظره عنها .. حتي وجدها .. توجه اليها .. وجلس علي المقعد
كريم بابتسامه : اتفضلي
ساره باستغراب : ايه ده ؟!
كريم وهو يرسم الابتسامه علي شفتيه : دا ورد .
ساره بسخريه : ايوه عارفه انه ورد .. بس ليه ؟!
كريم بيأس : خلاص يا ساره انا اسف اني جبته .. تشربي ايه ؟!
فردت بجود : انا مش جايه اشرب
كريم : طيب انا هدخل ف الموضوع علي طول
ساره : ياريت
كريم:انا طلقت رشا .
ساره بصدمه :ليه كده وبنتك .
كريم بحزن : مش مرتاحين مع بعض .
ساره : بس اظن ان دي حاجه متخصنيش .. انا مالي بالكلام ده .
اخذ كريم كوب الماء وارتشف منه ثم قال بابتسامه بابتسامه : ساره انا لسه بحبك وعايز ارجعلك .
ضحكت ساره بسخريه ثم قالت بغضب : ترجعلي ازاي يعني انتا عارف انتا بتقول اي .
كريم : ايوه عارف وعارف انك لسه بتحبيني انا غلطت في حقك ارجوكي سامحيني
نهضت ساره واخذت حقيبتها وقالت : واضح انك اتجننت عن اذنك .
وتركته دون ان تنتظر جوابه
................
في مكان اخر في محافظه المنصوره
سلمي : ياريم انتي هتعملي ايه هتتجوزي الراجل العجوز ده
ريم:مش عارفه يا سلمي انا بفكر اروح ادور ع اهلي
سلمي بحزن علي صديقتها : هتمشي ازاي وبعدين انتي ناسيه ان كتب كتابك بكره
ريم بحزن:معرفش معرفش كل اللي اعرفه اني مش هتجوز الراجل ده
ثواني نتعرف علي ريم وسلمي
ريم 22 سنه فارقت اهلها وهي في سن السابعه من عمرها .. شديده الجمال .. عينيها خضراء وتميل الي الزراق .. طولها متوسط .. ذكيه جدا .. مرحه بعض الاوقات .. وهادئه البعض الاخر .. ولديها صديقه وحيده وتثق بها جدا وتتمني كل يوم ان تعود الي اهلها واخدت دبلوم صنايع لفقر اهلها الذين ربوها من صغرها
سلمي 20 سنه بتحب ريم جدا اخدت ثانويه عامه ف جمال ريم ولكن عينها بني
(في مكان اخر في محافظه القاهره)
ادم الشرقاوي داخل الشركه والكل بينظر له نظرات اعجاب وخوف
ادم بجمود:ناديلي سيف
السكرتيره:تحت امرك يافندم
بعد مرور دقيقيتين
الباب دق
ادم:اتفضل
سيف:ايوه يا ادم
ادم :عملت اي في الصفقه بتاعت المنصوره
سيف:للاسف لازم تنزل المنصوره بنفسك بكره
ادم تنهد:تمام
ثواني نتعرف عليهم
ادم الشرقاوي قاسي جدا ومغرور لا يبالي للنساء يملك سلسله شركات الشرقاوي للحديد والصلب وله طله يخاف منها الجميع ووسيم جدا لديه عينان زرقوتين وجسد رياضي وغمازتين وذقن خفيفه ولكنه حنين جدا مع اخته رقيه عنده 31 سنه
سيف الشرقاوي صاحب وابن عمه عنده 29 سنه
....................
(في مكان اخر بالقاهره في منزل ساره بالخصوص)
ساره بضيق:السلام عليكم يا ماما عامله اي
سميره:وعليكم السلام الحمدلله بخير ي حبيبتي
ساره:اتغديتي؟!؟
سميره:لا يحبيبتي مستنياكي بس قوليلي كان عايز منك اي
ساره:هغير هدومي وهحكيلك واحنا بنتغدا
سميره:طيب يحبيبيتي هحط الاكل عبال م تغيري
وبعد قليل من الوقت خرجت ساره وجلست علي طاولة الاكل وبدأت في تناول الطعام
سميره:ها يا بنتي كان عايزك ف ايي..
ساره:بيقولي انه طلق رشاا مراته
سميره:طيب وانتي مالك بالموضوع ده
ساره بضيق:عايزني ارجعله
سميره:هو اتجنن وانتي سكتيله
ساره:لا اتخانقت معاه وسيبته ومشيت
سميره:طب كويس..قولتلك ياما تتجوزي وتعيشي حياتك .. انا مش هعيشلك طول العمر .. دكتور عمر جارنا شاريكي
ساره:ماما بلاش تتكلمي في الموضوع ده.. عن اذنك
الام سميره بحزن:ربنا يسعدك يا بنتي
.....
(في بيت الحاج سعد بالمنصوره)
في تمام الساعه الواحده بعد منتصف الليل
ريم خارجه من البيت بحذر خرجت وغلقت الباب والتفتت لتذهب وجدت سلمي امامها
ريم:عااا خضتيني
سلمي:اششششش انا جايه اودعك
ريم بحزن:والله انا مش عايزه امشي بس لازم ادور علي اهلي
سلمي بدموع:هتوحشيني
ريم:وانتي كمان
سلمي:خدي بالك من نفسك
ريم:حاضر يلا سلام
سلمي بحزن:سلام
ريم تسير في طريق يحيط به الظلام
وجدت سياره تأتي من خلفها .. وقفت امامها وبدأت تشاور له حتي يتوقف
الرجل اوقف السياره فجأة .. ولكن السياره ضربت بها قليلا
ادم هبط من السياره وجدها ملقاه علي الارض .. وجدها ترتدي دريس اسود وعليه خمار كشمير كانت جميله جدا ادم ظل ينظر لها بإعجاب.. ثم افاق علي صوتها
ريم لاحظت نظراته:اههه رجلي
ادم ساعدها علي الوقوف:انتي كويسه
ريم:ايوه
ادم:تعالي اوصلك انتي رايحه فين
ريم:رايحه القاهره
ادم:وانا كمان يلا
ريم صعدت الي السياره
ادم:انتي ليه ماشيه ف الوقت ده وازاي تقفي قدام العربيه
ريم بدموع:انا اسفه بس انا لازم اروح لاهلي هيجوزوني غصب عني
ادم:قصدك اي
ريم انتبهت لكلامها:ولا حاجه
ظلو صامتين بعض الوقت
ريم:ممكن مايه
ادم اعطي لها الزجاجه ونظر الي الطريق
......
في القاهره في قصر الشرقاوي
رقيه قلقه جدا علي ادم
ذهبت ودقت باب غرفة سيف لكنه لم يجيب
دلفت الي الغرفه وجدته نائم
رقيه:سيف يا سيف قوم
سيف:ايوه يا رقيه في اي مالك عمو تعبان ولا اي
رقيه:لا انا قلقانه علي ادم مجاش لحد دلوقتي وموبايله مقفول
سيف:يا رقيه ادم مش صغير وبعدين دا جاي من المنصوره هيطول
رقيه:انا قلقانه عليه
سيف:متقلقيش وروحي نامي
رقيه:حاضر
.........
ريم وادم وصلوا الي القاهره في تمام الساعه 6
ادم:اوصلك فين
ريم:مش عارفه
ادم:هااا
ريم:شكرا لحضرتك كفايه كده انا هنزل هنا النهار طلع
ادم:قوليلي بس اوصلك فين
ريم:بصراحه انا جايه ادور علي اهلي توهت من وانا عندي 7 سنين وناس اخدوني المنصوره وربوني بس هما فقرا جدا وراجل كبير في المنطقه عايز يتجوزني ومحدش يقدر يرفضله طلب وبابا مش هيقدر يقف قدامه علشان كده جيت ادور علي اهلي
ادم حزن جدا عليها:طب انا هساعدك
ريم:لا شكرا انا هدور عليهم وان شاء الله هلاقيهم
ادم بصرامه: قولت هساعدك يعني هساعدك
ريم:طيب
ادم:هتيجي معايا دلوقتي القصر تريحي شويه والساعه 9 كده ننزل ندور عليهم
ريم توترت وخافت لكن لا يوجد امامها حل اخر:تمام
وصلوا القصر وريم تنظر الي القصر بتعجب .. هذه المره الاولي ان تري مكان بهذا الجمال
اخذها ادم الي غرفة الضيوف: ارتاحي شويه وانا هطلع اريح شويه وبعدين ننزل
ريم تنظر حولها بذهول من جمال القصر
ادم : يا استاذه
ريم بخوف بعض الشئ: تمام
ادم كاد ان يذهب ولكن ربم منعته بصوتها
ريم:متشكره جدا لحضرتك
ادم ابتسم وصعد الي غرفته رمي بجسده علي الفراش واغمض عينه وظل يفكر فيها
ادم لنفسه:اي ده انتا بتفكر ف اي فوق ي ادم
ثم قام واخذ حماما منعشا
........
في شقه ساره
ساره:صباح الخير يا ماما
سميره:صباح النور يا حبيبيتي انتي رايحه فين
ساره:رايحه المدرسه هرجع الشغل
سميره:طيب يا حبيبتي الحمدلله... يلا اقعدي افطري
ساره:حاضر
جلسوا علي طاولة الطعام .. يتناولوا فطورهم .. ولكن ساره مغيبه تماما .. شارده في افكارها
سميره:يا ساره ياساره
ساره:هاا بتقولي حاجه ي ماما
سميره:مالك يبنتي فيكي اي
ساره:مفيش يماما كنتي بتقولي اي
سميره:كنت بقولك ارد علي دكتور عمر اقوله اي
ساره:يووه يا ماما ف ايه
سميره:يبنتي هو شاريكي
ساره:عن اذنك يماما انا اتاخرت متنسيش دواكي
سميره:يبنتي كملي فطارك
ساره:لا شبعت يلا السلام عليكم
سميره:وعليكم السلام بالتوفيق
......
نروح قصر عيلة الشرقاوي
مني والده ادم:انتي مين وبتعملي اي هنا
ريم:انا ريم جيت هنا مع..مع
مني بزعيق: مع مين
ادم اتي من خلف مني: جت معايا انا يا امي
..........................................
ياترا ايه اللي هيحصل في ريم ؟!
هل مني هتطردها ؟!
يا ترا هتلاقي اهلها ؟!
تابعوا معايا الحلقه الجايه هتعرفوا اجابات الاسئله دي
.....يتبع
تابع من هنا: جميع فصول رواية أرض زيكولا بقلم عمرو عبدالحميد
إرسال تعليق
يسعدنا تلقي اقتراحاتك أو تعليقك هنا