مرحباً بكم أصدقائي وأحبابي عاشقي القراءة والروايات الرومانسية في موقعنا قصص 26 مع رواية جديدة من روايات الكاتبة فاطمة عادل ؛ وسنقدم اليوم الفصل الثاني من رواية سجين عينيها بقلم فاطمة عادل هذه القصة مليئة بالعديد من الأحداث والمواقف المتشابكة والمعقدة من الرومانسية والإنتقام والكراهية
رواية سجين عينيها بقلم فاطمة عادل - الفصل الثاني
إقرأ أيضا: قصص قبل النوم
رواية سجين عينيها بقلم فاطمة عادل - الفصل الثاني
(في قصر الشرقاوي)
تفاجئت مني من وجودها فقالت متسائله
_ انتي مين وبتعملي اي هنا ؟!
ريم بصوت متقطع
_ انا _ انا ريم جيت مع..مع
مني بعصبيه : _ مع مين ؟! انطقي .
اتي ادم من خلفها حتي ينقذها
: _ جت معايا انا يا امي
فسألته بعصبيه
مين دي يا ادم .. وجت معاك ليه .. اوعي يكون .
قاطعها ادم : هفهمك يا امي اتفضلي اقعدي
جلست مني .. وبجوارها ادم علي الفراش .. وريم تقف تتابع بخوف
_ بصي يا ستي اللي حصل ان .
ثم قص لها ما حدث
_ طب وانتي ياريم تعرفي اسم اهلك او اي حاجه عنهم ؟!
سألتها مني فإرتبكت بعض الشئ
_ انا عارفه ان ماما اسمها ساره وكانت مدرسه..وبابا اسمه كريم وكان شغال في شركه استيراد وتصدير دا اللي انا فكراه
_ طب مش فاكره العنوان ولا اي حاجه
كان هذه المره سؤال ادم
_ لا مش فاكره .. انا كنت صغيره لما فارقتهم
_طيب فاكره شكل اهلك
تلاشي الحزن من علي وجهها وارتسمت الابتسامه _ايوه انا معايا صوره ماما وبابا
ثم خلعت قلاده من رقبتها ومدت يدها له والابتسامه تزين ثغرها :_ دول ماما وبابا
مد يده ليأخذها منها .. ثم وضعها في جيبه .. وهب واقفا
_ تمام خليكي هنا وانا هدور في شركات الاستيراد والتصدير اجيب كشف بكل اللي اسمهم كريم ونروح ليهم واحد واحد
فردت ريم باعتراض :_ بسس
فإرتسمت الجديه علي وجهه :_ بس ايه خليكي هنا انتي منمتيش كويس ارتاحي شويه
مني بحزن علي حالها : ايوه يا بنتي خليكي ومن بكره انزلي مع ادم دوروا عليهم
وجدت ريم انهم لم يقتنعوا مهما قالت فقالت بيأس : حاضر
وذهب ادم وبقيت هي مع مني
.
.
......
( في المدرسه )
دلفت ساره الي الفصل ثم القت التحيه علي الاطفال: _السلام عليكم ورحمة الله وبركاته
فردوا ببراءه :_ وعليكم السلام ورحمة الله وبركاته
فقالت بابتسامه معرفه نفسها
_ انا ميس ساره مدرسه الانجليزي الجديده
الاطفال بصوت واحد : اهلا بيكي يا ميس
فردت ساره : اهلا بيكو يا حبايبي..يلا كل واحد يعرفني بإسمه
وبدأو الاطفال يعرفوها بأسمائهم .. شعرت ان النقصان من فقدان ابنتها من الممكن ان يمتلأ بسبب هؤلاء الاطفال .. ولكنها لاحظت طفله جالسه في جانب بمفردها يبدوا عليها ان تحمل من الحزن الكثير في قلبها .. ذهبت اليها ساره وجلست بجوارها قائله بحنو وابتسامه علي شفتيها
_ اسمك ايه يا قمر
نظرت لها الطفله ببراءه واجابت : اسمي جنا
ابتسمت ساره اليها ووضعت يدها لتداعب وجنتها قائله : اسمك جمييل .. زعلانه ليه يا جنا
نظرت جنا الي الاسفل وقالت بحزن :علشان انا تعبت من بابا وماما كل شويه يتخانقوا وسمعتهم بيقولو هيطلقو .
هبطت دمعه من عيني ساره علي حال تلك الصغيره ثم ضمتها الي صدرها وقالت بحنو : لا يحبيبتي ان شاء الله مش هيطلقو ادعيلهم انتي بس
مدت جنا يدها ومسحت دموع ساره بكفها الصغير وابتسمت لها قائله : حاضر .. بس متعيطيش .
ابتسمت لها ساره وضمتها مره اخري
وجلبت جنا بجوارها علي مكتبها وظلت تتحاكي معهم حتي نهايه الحصه .. كانت لا تريد ان تتركهم .. فهم ايقظوا مشاعر الامومه المدفونه بداخلها
...........
( في قصر الشرقاوي )
كانت ريم تجلس مع مني في القصر .. يتحدثون في اشياء عديده .. فلقد ارتاحت لها ريم كثيرا .. بعدما ظنت انها لم تتقبلها .. فهبط محمد علي الدرج وقال بابتسامه :_ صباح الخير .
مني بابتسامه : صباح النور .
ثواني نتعرف علي عائله ادم
الجد :- منصور الشرقاوي 72 سنه بيحب عائلته جدا ومستعد ان يفعل اي شئ من اجلهم لديه ولدان محمد وعبدالرحمن وبنت واحده عبير < بيبو >
محمد :- والد ادم 54 سنه لديه ادم ورقيه ومتزوج من مني
عبدالرحمن :- 51 سنه لديه 3 اولاد سيف وادهم ويارا ومتزوج من عواطف
عبير:43 سنه تزوجت وتطلقت بعد زواجها بسنتين وليس لديها اولاد لكنها تحب اولاد اخويها جدا
مني : والدة ادم سنها 52 سنه
عواطف : زوجة عبدالرحمن ولديها 50 سنه وتريد ان تزوج ابنتها يارا من ادم بأي طريقه لكثره امواله
ادم :- سبق وتعرفنا عليه
رقيه :- اخت ادم الصغري والوحيده فهو يحبها كثيرا ويعاملها كإبنته ليست كأخته ولديها 21 سنه تدرس في كليه فنون جميله فهي تعشق الرسم
سيف :- سبق وتعرفنا عليه .
ادهم : -شقيق سيف الصغير 28 سنه يعمل دكتور نساء وتوليد .
يارا :- شقيقة سيف الصغري وتحب ادم بشده لكنه لا يعيرها اهتمام 22 سنه تدرس في كليه حقوق
هي ممكن تلغبطكو شويه لكن مع الوقت هتستوعبوا
فتحدث محمد بابتسامه : ايه ده يا مني عندنا ضيوف قمر كده
لتبتسم ريم بخجل
وتبتسم مني هي الاخري قائله : ايوه يا محمد دي ريم .
محمد : اهلا بيكي ياريم
ريم بابتسامه : اهلا يا عمو
وبدأت العائله تنزل من غرفهم ويتعرفوا علي ريم وجلسوا علي الافطار
لتسألها عواطف بتقزز : قريبتك دي يا مني
كادت ريم ان تنفي ذلك ولكن نظرت مني الي ريم حتي تتركها تجيب : ايوه قريبتي
اكملوا فطورهم .. وما زالوا يتحدثون
..............
( في منزل الحاج سعد )
ظلوا يبحثوا عن ريم ولكن دون جدوي
فسأل الحاج سعد : راحت فين بس
حنان بقلق : مش عارفه اهدي بس يا حاج يمكن خرجت تجيب حاجه
الحاج سعد : خرجت تجيب حاجه ومتقوليناش وبعدين هتقعد لحد دلوقتي دا العصر اذن وكتب كتابها بعد العشاء
حنان : مش عارفه يا حاج وبعت ل سلمي قالتلي متعرفش راحت فبن
الحاج سعد : الحاج فتحي هيخربها علي دماغنا
حنان بخوف : ربنا يستر
...................
(في قصر الشرقاوي)
ريم خرجت من غرفتها بعدما ارتاحت بعض الوقت حتي اذان الظهر
دلفت الي غرفة الجلوس
ريم:بعد اذنك يا طنط عايزه سجادة صلاه
مني:حاضر يحبيبتي هجبلك اللي في اوضتي
ريم:تسلميلي
ريم صلت الظهر واخرجت مصحف صغير تحمله معها وظلت تقرأ قرآن بصوتها العذب حتي الساعه 2 اتت اليها رقيه
رقيه:يلا يا ريم علشان الغدا
ريم:حاضر
ريم في نفسها:اسالها ولا لا
ريم:رقيه انتي ليه مش محجبه
رقيه:والله انا مش عارفه اقولك اي بس محدش طلب مني قبل كده
ريم:طيب بس كده مش نافعلك صلاه
رقيه بأسي:انا مبعرفش اصلي
ريم:يا خبر..طب اي رأيك اعلمك
رقيه:بجد ياريت
ريم:بس مينفعش صلاه من غير حجاب
رقيه بتفكير:هقول ل ابيه ادم لما يرجع اشوف رأيه اي
ريم:بس دي حاجه خاصه بيكي انتي دي حاجه بينك وبين ربك
رقيه:طب ممكن تديني حجاب من بتوعك ثواني
ريم:حجاب علي بنطلون...
رقيه:خلاص انا هغير لبسي كله وهجيب حاجات واسعه
ريم بإبتسامه:طيب يلا بينا
رقيه:يلاا
.......
في شركة الشرقاوي
ادم جالس يفكر في ريم
ادم لنفسه:لا يا ادم لا لا انتا نسيت اللي حصل فيك زمان انسي البت دي انتا بتساعدها ليه لا انتا هتساعدها وبعدين ملكش دعوه بيها تاني
قام ادم ودخل الحمام وغسل وشه ورجع ع مكتبه
ادم:طارق انتا هنا من امتاا
طارق:لسه داخل اهو..
ثواني نتعرف علي طارق المحامي بتاع ادم وصحبه الانتيم في نفس سن ادم وبيدرب يارا بنت عم ادم
ادم:هاا عرفت حاجه
طارق:دول كل اللي اسمهم كريم في شركات الاستيراد والتصدير ... ودا كشف بكل اللي اسمهم ساره في المدارس الموجوده في القاهره كلها
ادم:بس دول كتير اوي
طارق:انا هفرزهم ع حسب السن لان مش معقوله واحد لسه بادئ شغله هيبقا ابوها وكذلك امها
ادم:طب هتاخد وقت قد اي
طارق:هبعتهوملك بالليل
ادم:تمام .. يلا ماشي ولا رايح فين
طارق:لا راجع المكتب عندي شغل
ادم:طيب عن اذنك
.........
(في شقة ساره)
سميره:يلا يا ساره علشان نتعشاا يا حبيبتي
ساره:حاضر يا ماما هصلي المغرب وجايه
سميره:تقبل الله يا حبيبتي
ساره:منا ومنكم
ساره تركت المصحف وقامت توضأت وصلت وجلست علي السجاده تدعي:يارب رجعلي بنتي يارب .. يارب تكون عايشه كويس يارب.. ودعت ل جنا بان والديها لا ينفصلوا
ولمت السجاده وخرجت تتعشاا مع والدتها
سميره:عملتي ايه في المدرسه
ساره:اتبسطت اوي يا ماما .. في بنت كانت زعلانه جدا انهارده زعلت عليها اوي
سميره:ليه يا حبيبتي مالها
ساره:اهلها هينفصلوا .. انا بفكر اكلمهم علشانها
سميره:ربناا يهديهم يارب
........
في قصر الشرقاوي
ادم وصل وجلس مع عائلته علي غير طبيعته وظل يبحث بعينيه عليها ولكنه لم يجدها
رقيه لاحظته فقالت بهمس:بتدور عليها..هي بتصلي العشاا
ادم:انا..انا عايزها علشان اوريها الاسماء اللي وصلنالها
رقيه:طب وطي صوتك علشان ماما مرضيتش تقول ل مرات عمك عواطف الموضوع ولا عمك عبدالرحمن وقالت انها قريبتها
ادم:ليه
رقيه:معرفش.ثم غمزت.. شكلها عايزاها قريبتها
ادم فهم:انتي عارفه لو مسكتيش هعمل فيكي اي
رقيه:خلاص يا ابيه هسكت..المهم انا عايزه اتحجب
ادم:ودا من اي ده
رقيه:ريم كلمتني كتير عن الدين بتاعنا والصلاه واديتني ازدال اصلي بيه بس قالتلي مينفعش صلاه من غير حجاب لازم اتحجب
ادم بإعجاب : ريم دي انسانه جميله
رقيه : هوب هوب ههههه
ضربها بالوساده : قومي يا بت من جنبي
مني:بتتخانقو ليه
ادم:مفيش يا ماما عن اذنكو
وذهب لغرفه ريم وقبل ان يطرق الباب سمع صوت عذب يرتل آيات الله فظل بالخارج يسمعها بعض الوقت ثم طرق الباب
ريم:اتفضل
ادم:مساء الخير
ريم:وعليكم السلام ورحمة الله وبركاته
ضحك ادم بشده
ريم ظلت تنظر الي ابتسامته وبعدها تذكرت ان تغض بصرها فنظرت للاسفل
ادم:جبت كل اللي اسمهم كريم في شركات الاستيراد والتصدير في القاهره بعنوانهم وجبت كشف بكل اللي اسمهم ساره وشغالين اساتذه هاا تحبي ننزل بكره ندور عليهم
ريم ابتسمت:بجد شكرا ليك يا بشمهندس علي كل اللي عملته معايا مش عارفه من غيرك كان حصلي اي
ادم:لا شكر علي واجب .. تيجي تقعدي معاهم بره علشان متزهقيش
ريم:لا انا هقرأ قرآن
ادم:علي فكره صوتك حلو جدا
ريم بخجل:شكرا
وتركها ادم وصعد الي غرفته وظل يفكر بها
.......
(في منزل الحاج سعد بالمنصوره)
الحاج فتحي:اومال فين عروستنا
لحظه الحاج فتحي راجل قد الحاج سعد بس محدش يقدر يرفضله طلب لعدد رجالته طبعا وطلب ايد ريم والحاج سعد لم يستطيع ان يرفض خوفا منه
الحاج سعد:بصراحه ريم ثم سكت
الحاج فتحي:مالها ريم
الحاج سعد:صحينا الصبح ملقينهاش فالبيت
الحاج فتحي بصوت عالي يشتعل غضبا:يعني اي هربت ثم نادي علي احد رجالته
الرجل:اؤمر يباشاا
الحاج فتحي بغضب:تقلب المنصوره كلها علي ريم ولو ملقيتهاش هقتلك فاهم
فأجاب بخوف : فاهم يباشا فاهم
الحاج فتحي وعيناه مليئه بالشر : _اما انتا بقا ونظر للحاج سعد واكمل حسابك معايا لما الاقيها
وتركهم وذهب
.........
( في قصر الشرقاوي )
استيقظت ريم قبل صلاه الفجر وظلت تقرأ قرآن بصوتها العذب حتي اذن الفجر
اثناء قرآتها كان ادهم عائد من عيادته بعد عمليته وسمع صوتها وشعر بشئ غريب تجاهها وصعد الي غرفته وظل يفكر بهاا
تابع من هنا: جميع فصول رواية أرض زيكولا بقلم عمرو عبدالحميد
إرسال تعليق
يسعدنا تلقي اقتراحاتك أو تعليقك هنا