مرحباً بكم أصدقائي وأحبابي عاشقي القراءة وأجمل الروايات الممتعة والروايات الرومانسية ذات الطابع الإجتماعى مع رواية رومانسية جديدة للكاتبة يسرا جمال علي موقعنا قصص 26 وموعدنا اليوم مع الفصل الخامس والعشرون من رواية بعد النهاية بقلم يسرا جمال .
رواية بعد النهاية بقلم يسرا جمال - الفصل الخامس والعشرون
إقرأ أيضا: رواية غرام
مازن:طب ممكن تهدي وتمسحي دموعك وترتاحي ..انتي شكلك تعبانة اوي
دارين:ارتاح ازاي بس في ظروفي دي؟
مازن:لو تعبك هيغير الوضع كنت قولتلك خليكي
غادرت احضانه ونظرت اليه في تعجب
دارين:هو انت بتقولي كده ليه واصلا انت هنا ليه؟
مازن بإبتسامة:انا هنا جنبك وهفضل جنبك
دارين:ليه؟
مازن:هجاوبك على السؤال ده بعدين
ونهض ومد يده لها:تسمحي ؟
فمدت يدها له
فجذبها برفق وصعدا معا الى الطابق الثاني
مازن:فين اوضتك بقى ؟
اشارت اليها فدخلا سويا وأجلسها على طرف الفراش وجثى على ركبتيه امامها وامسك بكفها
مازن:دارين مفيش مشكلة هتتحل من غير تفكير ومفيش تفكير واحنا تعبانين ...من الآخر مش هنطلع بنتيجة
فهزت رأسها إيجابا
قبل مازن كفها:هنقعد ونتكلم ونحل كل حاجة بس نامي دلوقتي
ونهض مازن ليغادر
دارين:مازن
التفت اليها:في حاجة يا دارين؟
دارين:انا الطبيعي ببات في الفيلا لوحدي على فكرة بس انا مش قادرة دلوقتي ممكن تبات معايا
مازن:هنام تحت
دارين:لا انا عاوزاك تقعد معايا على الأقل لحد ما انام
ذهب اليها ومددا سويا واحتضنها لكي تشعر بالأمان
_________________________________
صفاء:يعني مازن راح فين؟
حسام:انا كنت معاه من شوية معرفش لحق يروح فين بس
صفاء:يا ربي على التعب ده بقى
كمال:انا هطلبه
صفاء:تطلبه ايه بس ده سايب كل حاجته هنا ومش بعيد يكون سايب موبيله كمان
كمال:هجرب وانا وحظي
واتصل بمازن ولم يسمعوا صوت رنين في الغرفة ولكنه أيضا لم يجب
صفاء:انا تعبت بجد تعبت
كمال:تعالي نمشي من هنا اول حاجة وانا هكلم أحمد اكيد راح عنده
صفاء:اه صح
وغادرا المشفى واتصل كمال بأحمد
أحمد:الو
كمال:ايوه يا أحمد مازن معاك؟
أحمد:لاء ...هو اختفى تاني؟
كمال:تقريبا كده
أحمد:طب انا هحاول اكلمه انا كمان
كمال:شوف أصحابه
أحمد:معتقدش انه راح لحد من أصحابه
كمال:طب شوف هتعمل ايه ولو كلمك ارجوك كلمني يا احمد
أحمد:طبعا يا عمي ولو انتوا كمان وصلتوا لحاجة قولولي سلام
كمال:سلام
وأغلق كمال الخط
صفاء:مش عنده مش كده ؟
هز كمال رأسه إيجابا
صفاء:والعمل؟؟
كمال:اكيد مش عوزاني انزل الف في الشارع عليه
صفاء:اكيد لاء بس برضو عاوزة اعرف هنعمل ايه؟
كمال بغضب مكبوح:هروح الفيلا يا صفاء علشان تعبت من عمايل مازن ...انا قاعد اتعب علشانه وفي الآخر هو مصمم يعيشنا في قلق وتعب أنـ....
صفاء تقاطعه بهدوء:هششش ..متقولش حاجة في لحظة غضب يا كمال خلينا نروح دلوقتي
هدأ كمال وذهبا سويا الى الفيلا
________________________________
في صباح اليوم التالي في منزل أيمن
في غرفة عائشة جلست تتذكر كلام خالها الذي اخبرها منذ عدة ايام انا جدتها تركت لها وصية تمكنها من اتمام تعليمها لا تدري أتفرح أم تحزن ام تتخلى عن هذا الارث خاصتها وتضحي به فهي حبيسة هنا على كل حال
حسمت قرارها وذهبت لوالدها وحكت له
أيمن بعصبية:قولت لاء يعني لاء قعاد هناك لوحدك لاء
عائشة:مش لوحدي خالي هناك وهيكون معايا
أيمن:قولت لاء يا عائشة كان الاتفاق مع جدتك ماتت الله يرحمها والموضوع ده اتقفل
عائشة:ايوه يعني انا ايه مصيري دلوقتي ؟
قالتها بانفعال شديد ليرد قائلا:يعني هيكون ايه مصيرك ذي اي بنت تتجوزي وتبقى ليكي عائلة وتنسي موضوع الطب ده
عائشة في صدمة:ده بدل ما تشجعني وتقف جنبي وتفرح بيا اني هبقى دكتورة
أيمن:انا عمري ما وافقت على الموضوع من اساسه كان رأيي أي معهد كفايا اوي ونخلص وتتجوزي
عائشة:طب يا بابا محصلش نصيب واتدبست في طب هتوقف حياتي لحد امتى؟وهتوقف حياتي ازاي وانت مش واثق اصلاً في موضوع الجواز ده لانه لا بإيدي ولا بإيدك وانت عارف ده كويس
أيمن:عائشة اقفلي الموضوع نصيبك هيجيلك هيجيلك بطلي كلام يحرق الدم
وتركها وهي في حالة صدمة من رأي والدها
__________________________________
في فيلا فؤاد الحكيم في غرفة دارين نام الاثنان دون ان يشعرا
استيقظا على صوت قرع الجرس بشدة
نهض مازن سريعا واتجه لفتح الباب ودارين خلفه
فتح مازن الباب فوجد شخصا غريبا
مازن:افندم ؟
هاني:دارين هانم فين؟
مازن:انت مين؟
هاني:انا شغال عندها في الشركة ولازم أتكلم معاها ضروري
جاءت دارين:خير يا هاني؟
هاني:مصيبة يا دارين هانم الشركة خسرت بعد الصفقة اللي راحت ولازم نتصرف بسرعة الشركة في وضع حساس وفوق كده في موظفين بيفكروا يسيبوا الشركة والشركاء موبيلاتهم مقفولة ومش عارفين نوصلهم
صدمت دارين
مازن لهاني :على فكرة في حاجة اسمها السلام عليكم...صباح الخير..ازي الاخبار؟ ... مش علطول كده مصيبة
هاني:لو كان الوضع يستنى كنت قدمت الترحيبات دي كلها
دارين مقتربة وبإنفعال:خلاص بقى تولع الشركة وانا مالي أصلا ما تروح في ستين داهية وامشي انت كمان من قدامي مش نقصاك
هاني بصدمة:دارين هانم انتي واعية بتقولي ايه؟
دارين:اه واعية جدا واتفضل امشي من هنا حالا
وأغلقت الباب بقوة في وجهه
واسندت ظهرها الى الباب وانزلقت على الأرض في بطء وهي واضعة وجهها بين كفيها وتبكي
اقترب مازن منها
مازن:قومي يا دارين قومي
دارين:انا ضيعت كل حاجة... كل حاجة ...انا مش قادرة اصدق ...هعمل ايه دلوقتي ؟
ونظرت الى مازن:اعمل ايه؟
أوقفها ونظر اليها بثقة:هتقومي وتأخدي شاور وتفطري وتلبسي وتروحي الشركة
دارين:شركة ايه اللي اروحها يا مازن انت اتجننت انا عمري ما مسكت الشركة أصلا ازاي اديرها دلوقتي وكمان لوحدي
مازن:انتي مش لوحدك أولا ..ثانيا بقى وده الأهم انتي قد اللي انتي فيه والا مكنتيش اتحطيتي فيه
دارين:مازن انا بضيع انت عارف ان انا بحركة واحدة بس ضيعت شقا سنين
مازن:وانا بقول ايه بس ...قدامك فرصة ترجعي كل اللي فات
دارين:مش هينفع مش هقدر... انا لازم أوصل لبابا وعمو علشان يحلو الوضع ده
مازن:اوعي تعملي كده يا دارين انتي مش قولتي انك عوزانا نشوفك انسانة غير ...دي فرصتك يا دارين اثبتي للكل ولنفسك انك انسانة تانية غير اللي كل الناس شايفاها
دارين تصمت للحظات
مازن:دارين دي فرصتك متفكريش يلا
دارين:بس ازاي؟
مازن:انتي المفروض تفهمي في الموضوع ده مش انتي برضو خريجة تجارة إدارة اعمال
ابتسمت بسخرية:تجارة...وادارة اعمال
مازن:خلاص يا دارين انتي حرة بس الفرصة مبتجيش غير مرة واحدة يا تستغليها يا تضيع من ايدك للأبد
وقفت دارين تفكر للحظات ثم صعدت للطابق الثاني
__________________________________
في فيلا كمال
صفاء:قوم يا كمال علشان تفطر
كمال:افطر ازاي بقى واحنا مش عارفين هو فين؟
جلست بجواره وبإبتسامة:متخافش هو كويس
كمال:وعرفتي ازاي؟
صفاء:قلب الأم
كمال:وقلب الأم ده ميقدرش يعرفلنا هو فين؟
صفاء:هههههههه لو كان يقدر مكنتش غلبت
كمال:واعرف منين مكانه دلوقتي؟
صفاء:المهم انه يكون بخير
كمال:مش اهم من انه يعمل العملية
صفاء:الله يخليك يا كمال اقفل السيرة دي علشان بقيت بتخوفني اوي
كمال:انتي هتقفي في صفه ولا ايه؟
صفاء:اكيد لاء بس برضو مش عاوزة اسمعها
كمال:مستغرب هدوئك
صفاء:احنا اتفقنا نكون اقويا علشانه
كمال بإبتسامة:طلعتي اقوى مني
صفاء بإبتسامة:بتعلم منك
امسك كفها وقبله ُ
صفاء:ممكن تقوم بقى علشان نأكل
هز رأسه إيجابا
صفاء:يلا
كمال:هكلم أحمد اول
صفاء:لو وصل لحاجة هيكلمنا خلينا نستنى
كمال:عندك حق
وجلسوا يتناولون الفطور معا
_______________________________
في شركة عماد في مكتب فارس
فارس:وليد انا مش هقدر اروح النهاردة المطعم
وليد:عادي ولا يهمك انا هخلص مدرسة واروح اقعد مع أحمد شوية
فارس:وليه يا وليد هو مش محتاجك معاه اقعد ذاكر شوية
وليد:يا فارس المذاكرة بتبقى حلوة على اخر لحظة
فارس:ده على أساس اننا مش اخر ترم ودلوقتي فترة امتحانات
وليد:يا سيدي انا مقتنع بمذاكرة اخر ساعة قبل الامتحان
فارس:انا عارف الكلام معاك مش هيجيب نتيجة سلام
وليد:سلام
واغلق فارس الخط
وذهب الى مكتب عماد
عماد:خير يا فارس؟
فارس:احنا مش هنمضي العقود مع شركة الحكيم
عماد:ما المحامي قالي انها بتمر بأزمة
فارس:ايه ده بجد؟
عماد:اه فبصراحة اجلت الموضوع شوية
فارس:وليه المحامي مقاليش ؟
عماد:هو مين مدير الشركة انا ولا انت؟
فارس:مقصدش يا فندم بس كان دايما بيبلغني
عماد:انا كنت هبلغك بس انشغلت
فارس:طيب ...تسمحلي برأي؟
عماد:اتفضل
فارس:اذا كانت شركة الحكيم بتمر بأزمة فده مش معناه اننا نأجل موضوع التعاقد
عماد:ايوه يا فارس بس شركتهم بتغرق واحنا مش عاوزين شركتنا تغرق
فارس:مين قال ان شركتنا هتغرق بالعكس احنا مش خسرانين حاجة
عماد:وهتستفيد ايه من الشراكة مع شركة غرقانة
فارس:شركة الحكيم ليها اسم كبير
عماد:معرفش بس شايف ان الموضوع ملوش لازمة
فارس: بس برضو شراكة مع الحكيم دي صفقة العمر
عماد:ده لما كانت الشركة ممتازة
فارس:ولسه الشركة ممتازة ما هو مستحيل عائلة الحكيم هتسكت على اللي حصل لشركتها هتقوم تاني بسرعة
عماد:لا يا فارس دي مخاطرة كبيرة
فارس:لا يا فندم احنا مش هنخسر حاجة وشركتنا مش هتتضرر
عماد يصمت للحظات ثم يقول:يعني انت شايف ايه؟
فارس:شايف ان التعاقد معاهم فرصة ممتازة
هز عماد رأسه إيجابا:اعمل اللي تشوفه صح
__________________________________
دخلت دارين الى شركة الحكيم فوجدت الموظفين يتهامسون فيما بينهم فتوقفت وخلعت نظارتها الشمسية
دارين بحدة:في اجتماع دلوقتي حالا لو سمحتوا الكل يحضر وبلغوا الجميع
وصعدت الى غرفة الاجتماع وجلست على الكرسي الرئيسي
وبعد دقائق امتلأت غرفة الاجتماع بالموظفين الذين لم يتوقفوا عن التهامس
وقفت دارين فتوقف الجميع عن التهامس
دارين:طبعا انتو عارفين ان أستاذ تامر تعب ... وهو حاليا في المستشفى في غيبوبة
وصمتت للحظات ثم أكملت :وطبعا عندكم علم بوضع الشركة حاليا ...ووصلتني معلومات ان في موظفين عاوزين يستقيلوا ... ممكن توضحولي ليه عاوزين تستقيلوا؟
تحدث أحد الموظفين:يا فندم وضع الشركة صعب ومحدش بيديرها و..
قاطعته دارين في حزم:ده على أساس اني جاية اعمل ايه هنا ...العب؟
نظر الجميع الى بعضهم البعض
دارين:اللي دخل الشركة دي وكبر معاها وتعب فيها وكسب منها ودلوقتي وهي بتمر بظروف صعبة عاوز يمشي ويسبها ... يبقى يتفضل الباب يفوت مية جمل ....بس هو كده ناكر للجميل
نظر الجميع اليها في صمت
فأكملت دارين:انا مش هقول اني مبدعة في إدارة الشركات ولا هقول اني اعرف الكتير عن الشغل لاني فعلا معرفش .... لكن كفاية عليا الفترة اللي اشتغلتها وانتو لازم تقفوا جنبي وكلنا نصلح اللي حصل ...الضربة اللي متموتش تقوي
وجلست دارين وقالت:واللي معايا دلوقتي يقول واللي مش معايا يتفضل يطلع برا وانا هفهم لوحدي
تبادلوا النظرات ثم قالوا واحدا تلو الآخر <مع حضرتك يا أستاذة دارين>
ابتسمت دارين وشعرت بالثقة من نجاحها في اقناعهم بالعمل معها لم تعرف من أين تبدأ لكنها على يقين انه لا وقت يمكن اضاعته فظلت طوال اليوم في الشركة تعمل حتى عندما عادت الى المنزل ليلا لم تتوقف عن العمل
استيقظ مازن ليلا فوجد ضؤاً ينبعث من غرفة ما في الطابق الأول فطرق الباب ودخل فوجد دارين جالسة على كرسي المكتب
مازن:انتي لسه صاحية؟
دارين:اه في شوية شغل بحاول اخلصه
مازن:خدتي على جو الشغل بسرعة
دارين:لا ابدا انا بس شايفة الموضوع مسلي مش اكتر
مازن:مسلي؟؟
دارين:اها
مازن:طب طمنيني وصلتي لايه من شغل طول اليوم؟
دارين:احنا لسه بنقول يا هادي ملحقناش نعمل حاجة
مازن:بالتوفيق
دارين:عارف طول عمري بشوف بابا وتامر في الاوضة دي وأقول ازاي بيستحملوا الشغل والأوراق والملفات وان قد ايه الموضوع ممل جدا لكني دلوقتي عرفت انه متعب وفي نفس الوقت مسلي وفي نفس الوقت إحساس بالانجاز
مازن:ممتاز دلوقتي نقدر نقول دارين اتغيرت
دارين:لا لسه شوية برضو لازم اتغير تماما
ونهض وقال:لو عاوزة تنجحي يبقى لازم تركزي ومش هتقدري تركزي لو روحتي الشركة الصبح وانتي نايمة
دارين:حاضر انا هقوم دلوقتي اهو
مازن:تمام تصبحي على خير
وصعد مازن الى الطابق الثاني فقد اتخذ من غرفة تامر مكانا لاقامته
____________________________________
في صباح اليوم التالي
في فيلا عماد جلسوا يتناولون الفطور
عماد:مش عندك امتحان النهاردة ؟
وليد:اه عندي
عماد:طب ما تقوم تروح
وليد:لا انا بحب اروح قبل معاد الامتحان بالظبط
عماد:الصبر من عندك يا رب
وليد:امين يا رب ....المهم انت اخدت دوا الضغط؟
عماد:اه طبعا هو انا ضغطي هيتظبط ابدا وانت معايا
وليد:على فكرة يا بابا انت ظلمني
عماد:انا بقول تقوم تلحق امتحانك
وليد:هقوم بس أحمد مجاش
عماد:أحمد مين؟
وليد:واحد صاحبي اتعرفت عليه من فترة بسيطة وطلبت منه يوصلني النهاردة
عماد:وان شاء الله ده معاك في المدرسة؟
وليد:لاء
عماد:آمال اتعرفت عليه ازاي؟
وليد:من امتى وانت بتسأل عن اصحابي؟
عماد:اه معلش مش من حقي هو
وليد:مقولتش كده يا بابا بـــ...
يقاطعه عماد وهو ينهض:انا رايح الشغل استنى صاحبك براحتك
وغادر عماد فرن هاتف وليد بإسم أحمد فنهض وغادر الفيلا وركب سيارة أحمد
أحمد:صباح الخير
وليد:صباح النور ...بس ليه شكلك متضايق؟
أحمد:مفيش مازن صاحبي لسه مش عارفين هو فين؟
وليد:طب ليه مسألتوش عند كل معارفه ؟
أحمد:انا مسبتش حد مسألتوش أصحابه من زمان واصحابه من فترة بسيطة
وليد:هو انتو مزعلينه اوي كده ؟
أحمد:ده موضوع كبير اوي
وليد:طب ما تحكي ولا انت مش عاوز تحكيلي ؟
أحمد:لا عادي بس ياريت قبل ما أحكي تبص في ساعتك
وليد ينظر الى ساعته وبهلع:الامتحان اطلع بسرعة
أحمد:ههههههههههههه
__________________________________
في منزل مصطفى
استيقظ مصطفى فلم يجد نور في المنزل فاتصل بها
نور:ايوه يا مصطفى ؟
مصطفى:انتي فين؟
نور:في طريقي للشغل
مصطفى:ومصحتنيش ليه؟
نور:واصحيك ليه؟
مصطفى:من باب اني اعرف يعني انك خارجة
نور:طب ما انت عارف اني بروح شغلي كل يوم الصبح
مصطفى:نور انتي متغيرة من ساعة ما رجعت من السفر ... في ايه؟
نور:في اني مشغولة يا روحي في شغلي وانت مش مقدر
مصطفى بسخرية:روحك؟
نور:مصطفى انت عاوز تتخانق؟
مصطفى:سؤال ذكي
نور:لا والله
مصطفى:ما تنهي الفقرة الهايلة دي بالمرة وتقفلي السكة في وشي نور:لو عاوز تقول حاجة قولها وخلصني
مصطفى:كمان المكالمة بقيت تقيلة عليكي اوي كده
نور:انت بتفسر كلام على مزاجك
مصطفى:اه معلش اتجننت شوية سلام
وأغلق الخط في غضب
فرن هاتفه الخليوي بعد لحظات
مصطفى:الو
باسم:لازم اشوفك
مصطفى:ليه؟
باسم:علشان انت مقاطعني
مصطفى:انا مقاطعك ؟؟
باسم:ما انت مكلمتنيش بقالك مدة
مصطفى:انت فعلا وحشني اقابلك امتى وفين؟
باسم:ايه رأيك انا عازمك انت ونور على الغدا ؟
مصطفى:مش عارف هكلم نور واشوف
باسم:طيب وابقى رد عليا
مصطفى:حاضر سلام
باسم:سلام
__________________________________
في فيلا فؤاد الحكيم
جلسوا يتناولون الفطور
دارين تتحدث في الهاتف الخليوي
دارين:متشكرة اوي يا هاني مش عارفة اقولك ايه؟...اه جاية اهو ... جهز انت كل حاجة .... مين ده اللي جايلنا بدري كده؟... طب تمام تمام انا جاية سلام
وأغلقت الخط
مازن:في مشكلة؟
دارين:لاء ابدا بس عندي مقابلة شغل الظاهر
مازن:طب مالك؟
دارين بحماس:مبسوطة ...ده طبيعي صح؟
مازن بمرح:جدا
دارين:انت بتتريق؟
مازن:واتريق ليه هو اللي انتي فيه حاجة تقلق مثلا ؟
دارين:ههههههههه يا راجل
مازن:ههههههههههههه بقولك ايه كملي فطارك قبل ما تروحي شغلك
دارين:اكمل ايه انت صدقت انك طباخ ولا ايه انا عمري ما دوقت العك ده قبل كده
مازن بإستنكار:عك ؟؟؟
دارين:ايوه عك العصير ناقص سكر كنت جبته جاهز بتشغل مخك ليه مش فاهمة... والاومليت يقرف.... وايه ده مش عارف تعمل طبق يفتح النفس على الفطار
مازن:احمدي ربنا اني عبرتك أصلا
دارين:لا والله طب قوم غور بقى من هنا
مازن:لا انتي اللي هتقومي وتروحي على شغلك يلا بالسلامة بقى
دارين:انا فعلا قايمة قبل ما يجيلي تسمم
مازن:يلا يا رخمة وبعدين انتو فين الخدم اللي عندكم
دارين:مشيوا كلهم
مازن:ليه مدفعتوش مرتبات
دارين:رايق اوي يا مازن
مازن:ما هو حاجة غريبة انكو معندكوش حد يخدم هنا
دارين:معلش يا باشا هبقى اشوف حد حاضر
مازن:شكلك مش عارفة تعيني حد
دارين:حقيقة
مازن:قولي كده من الاول
دارين:اديني قولت
مازن:تحبي اشوفلك حد؟
دارين:لاء خليك في نفسك
مازن:ماشي ياختي
دارين:همشي علشان متأخرش بقى سلام
مازن:سلام
___________________________________
أخيرا تمكن من ضم صغيرته اليه نصحه الأطباء انها في تلك المرحلة تحتاج لتلامس بشرة والدتها وبما أن والدتها توفيت تولى هو المهمة
كانت سناء تراقب من الخارج تلاحظ تلك الرعشة بيد شادي وهو يحمل الصغيرة حتى انه رفض ان تفارقه الممرضة بل أصر على مكوثها الى جانبه
___________________________________
في شركة فؤاد الحكيم
دارين:بيتهيقلي الموضوع محتاج شوية وقت يا هاني
هاني:ده مؤكد ادرسي الموضوع كويس النهاردة و رودي عليا بكرا
دارين بدهشة:بكرا بكرا؟؟
هاني:طبعا احنا معندناش وقت فمحتاجين لتخطيط وتفكير سريع ماشي؟
دارين:انت عندك حق
سمعوا طرقات على الباب
دارين:اتفضل
دخلت السكرتارية
دارين:خير؟
السكرتارية:يا فندم أستاذ فارس من شركة عماد بيه برا وعاوز يقابل حضرتك
دارين:فارس مين ؟ وعماد مين؟
هاني للسكرتارية:خليه يتفضل
السكرتارية:حاضر يا فندم
وغادرت
دارين:يتفضل فين ...مين ده؟
هاني:شغل يا دارين هانم
دارين:ايوه بس انا معرفش حاجة عن الشــ...
قطع كلماتها دخول فارس
فارس:فارس إبراهيم الانصاري من شركة ....
هاني يقاطعه:مفهوم مفهوم ..عارفينك
دارين بخفوت:اتكلم عن نفسك
هاني:اتفضل اقعد
جلس فارس مقابلا له
دارين:تشرب حاجة؟
فارس:خلينا نخوش في الشغل علطول
هاني:قبل ما نخوش في الشغل خلينا نصفي نفوسنا
فارس:ازاي ؟
هاني:يعني معادنا مكنش النهاردة ولا دلوقتي وانتو غيرتوا المعاد على مزاجكم مش برضو تقولولنا أسباب مقنعة علشان نبدأ الشغل واحنا مش شايلين من بعض
فارس:بيتهيقلي وضع شركتكم كان يقلق شوية
دارين بثقة:والله لو وضع الشركة يقلق اتفضل مع السلامة وملوش لزوم تورط نفسك
فارس:لو مكنتش عاوز اجي مكنتش هاجي اكيد مش مستنيكي تقوليلي
دارين:طب وحضرتك جيت ليه ووضع الشركة يقلق؟
فارس:علشان كان لازم اجي
دارين:ليه برضو؟
فارس:مش حابب اخسر التعاقد مع شركتكم
دارين:كويس انك عارف ان تعاقدنا فرصة كبيرة لاي شركة
فارس:وياريت برضو تعرفي ان تعاقدكم معانا فرصة كويسة جدا
دارين:في الف غيرك يتمنوا اوعي تفتكر ان شركتنا مستنياكم
هاني:دارين هانم اسـ...
اشارت له بالصمت
تابع من هنا: جميع فصول رواية أبو البنات بقلم رهف سيد
أو أرسل لنا رسالة مباشرة عبر الماسنجر باسم القصة التي تريدها
إرسال تعليق
يسعدنا تلقي اقتراحاتك أو تعليقك هنا