مرحباً بكم أصدقائي وأحبابي عاشقي القراءة وأجمل الروايات الممتعة والروايات الرومانسية ذات الطابع الإجتماعى مع رواية رومانسية جديدة للكاتبة يسرا جمال علي موقعنا قصص 26 وموعدنا اليوم مع الفصل السادس والثلاثون من رواية بعد النهاية بقلم يسرا جمال .
رواية بعد النهاية بقلم يسرا جمال - الفصل السادس والثلاثون
إقرأ أيضا: رواية غرام
شادي:اتدبست في جوازة انا اتجوزت امبارح
فارس بصدمة:بتهزر صح؟
شادي:هو الهزار ينفع في الحاجات دي
فارس:ودي عرفتها امتى دي؟
شادي بإبتسامة باردة:لا اصلهم عائلة محافظة لما لاقونا ارتحنا لبعض قالوا كتب كتاب وبعدها لقيت الفرح في وشي
فارس:طب ما انت مرتحلها اهو
شادي:اسكت يا فارس مش نقصاك
فارس:بقولك ايه لو البنت كويسة وانت مرتحلها ليه لاء
شادي:علشان انا عندي بنت
فارس:هي يعني العروسة اعترضت ؟
شادي:ده اللي مجنني يا فارس انها وافقت
فارس:ههههههههه انت عاوزها ولا لاء ؟
شادي:مش عارف إحساس جوايا بيقول اني غلط واحساس تاني بيقولي ده الصح ..قولي انت انا ايه ؟
وامسكه من ذراعيه بقوة:انا ايه يا فارس
فارس بألم:ااااااه اوعى يا ابني انت دراعي مكسور
تركه شادي:اعمل حسابك انا مش جاي اتطمن عليك انا جاي اطلع كل اللي جوايا فيك
فارس:اطلع برا يا شادي علشان انا مش ناقصك وفيا اللي مكفيني
يهدأ شادي:مالك يا صاحبي حصل ايه؟
فارس:مش ملاحظ اني عامل حادثة ولا ايه؟
شادي:انت مش بقيت كويس ؟
فارس:المشكلة مش في الحادثة
شادي:شكل في مصيبة
فارس:بصراحة اه ومش أي مصيبة
شادي:ارغي يا عم ارغي
فارس:انا حياتي مهددة بالخطر
شادي بصدمة:ايه؟؟
فارس:الحادثة متدبرة
شادي:طب بلغ البوليس
فارس:وابلغ عن مين؟
شادي:عن اللي بيهددوك
فارس:ما هو المشكلة بقى اني مش عارف هما مين بالظبط
شادي:قصدك ايه؟
فارس:يعني انا طردت واحد من الشركة علشان كان عاوز يشغلني في تجارة ممنوعة وهددته وهو كمان هددني ...وكمان عائلة وليد هددتني ...يعني في اتنين انا مش عارف مين فيهم بيهددني
شادي:بلغ عن الاتنين
فارس:مفيش دليل
شادي:يا اخي بلغ ونشوف وبعدين الحادثة اكبر دليل
فارس:بس مفيش دليل انهم المتسببين في الحادث
شادي:معلش بلغ برضو
فارس:مش هبلغ يا شادي لو بلغت احتمال وليد يحصله حاجة
شادي:ليه يعني؟
فارس:معرفش بس ممكن يدخلوه في الموضوع وانا مش عايزه يدخل الموضوع ده
شادي:ما هو كده كده داخل
فارس:ازاي بقى؟
شادي:ما انت هتسبله الشركة بعد ما يتخرج
صمت للحظات ثم قال:تعرف يا شادي
شادي:ايه؟
فارس:انا بقيت خايف عليه اوي ومش عاوز اسيبه في الشركة لوحده و وسط عائلته العجيبة دي
شادي:يعني مش هتسيبه ؟
فارس:شكلي هعمل كده
شادي:المهم انت لازم تسيب المستشفى دلوقتي حالا
فارس:ليه؟
شادي:الله اعلم ممكن يعملوا ايه تاني
فارس:لا معتقدش يعملوا حاجة تانية
شادي:هو انت تعرف هما مين أصلا ؟
فارس:معرفش بس...
يقاطعه:بس ايه؟..انت هتقوم حالا معايا وانا هكلم الدكتور
فارس:مش هينفع مستحيل يوافق
شادي:انا هتصرف
فارس:اهدا بقى يا شادي انا طول اليوم في المستشفى وامبارح كنت موجود ومحدش حاول يعملي حاجة
شادي:بس انا مش متطمن
فارس:اتطمن لو كانوا عاوزين يعملوا حاجة كانوا عملوها
شادي:طب انا قاعد معاك شوية علشان اتطمن
فارس:اقعد يا عم انا أساسا خلاص قربت ازهق من الراقدة دي
شادي:هو انت مش دخلت المستشفى امبارح بليل
فارس:ايوه
شادي:لحقت تزهق امتى ؟
فارس:ذي ما انت لحقت تتجوز امتى؟
شادي:اسكت انا مش عارف عملت كده ازاي؟
فارس:مبروك يا صاحبي
شادي:انت عاوز تحرق دمي
فارس:مالك بس؟
شادي:انا عملت الموضوع ده من ورا الكل لسه قايل لماما بس امبارح وكان بعد الفرح
فارس:نعم؟؟
شادي:وانت تاني واحد يعرف
فارس:بتهزر ولا بتتكلم جد؟
شادي:ومش عارف ازاي هبلغ اهل ليلى الله يرحمها بالموضوع
فارس:مش لازم يعرفوا
شادي:لا يا فارس دول بيعتبروني ابنهم
فارس:طب هو انت ليه عملت كده اصلاً
شادي:مش عارف انا فجأة لقيت اني دبست نفسي وماما كمان اتضايقت مني اتخانقنا جامد ومشيت وسبت البيت
فارس بملل:ايه المصايب اللي نازلة على دماغنا دي
شادي:مش اوحش من مصايبك
فارس:لا والله طب اسكت يا عريس
وبدأ فارس يضحك:يخرب عقلك عملتها ازاي بسرعة كده
انتبه لنظرات شادي النارية
فارس:احم احم ...بيتهيقلي لازم انام تروح انت
صمت شادي لبعض الوقت ثم ضحك هو آخر ليشاركه فارس ايضاً
__________________________________
في فيلا عماد كان وليد يحاول النوم فسمع صوتا غريبا قادما من الخارج نهض وليد بحذر وتذكر ان فارس يملك مفتاحا للفيلا منذ وفاة والده
ففتح الباب بهدوء ففوجئ بشخص ملثم يحوم في المكان فعاد الى غرفته سريعا وأخذ عصا الجولف وغاد الغرفة مجددا ونزل بهدوء الى الطابق الأول فوجد هذا الشخص بغرفة المكتب فدخل اليه وضربه فسقط أرضا لكنه لم يفقد وعيه فانقض عليه وليد
وليد:ايه اللي جابك هنا وجاي لإيه؟..مين باعتك؟
_فارس باعتني أسرقك
صدم وليد مما سمع وابتعد:مستحيل
_انا مليش ذنب فارس باعتني واداني المفتاح
وترك المفتاح وفر هاربا و وليد ما يزال في حالة صدمة هل يمكن أن يخطط فارس لسرقته ولكن ماذا سيسرق ؟!
____________________________________
في احدى الشقق المؤجرة
ياسر:سبتله المفتاح....تمام كده دورك خلص سلام
واغلق الخط
يارا:بابا احنا ممكن نتكلم شوية ؟
ياسر:اتفضلي يا حبيبتي
يارا:انت ليه جبتنا هنا
ياسر:الحياة هنا حلوة
يارا:في ايه؟
ياسر:في الفلوس
يارا:فلوس ايه؟
ياسر:هتعرفي
يارا:بابا انا مش عاوزة فلوس انا عاوزة ارجع أمريكا
ياسر:هنا احسن
يارا:بابا انت بجد عاوزني اكمل حياتي هنا
ياسر:ايوه
يارا:بس انا مش عاوزة
ياسر:انتي لسه صغيرة ومش فاهمة بعدين هتفهمي
ونهض وذهب الى غرفته
___________________________________
في امريكا في المشفى نقلوا مازن الى غرفة عادية
وجلست دارين بجواره :حمدا لله على السلامة
واصطنعت ابتسامة
مازن بصعوبة:م مـ مالك ؟
دارين تحاول ان تبدو طبيعية :ابدا مفيش
مازن بصعوبة:د دا دارين فـ في إيـ ايه؟ (دارين في ايه؟)
لم تستطع اكثر من ذلك ونظرت ارضا
مازن بصعوبة:قو قولتلهم ؟(قولتلهم؟)
هزت رأسها إيجابا
مازن بصعوبة:مـ... ماما جرا.. جرالها حـ ..حا.. حاجة ؟(ماما جرالها حاجة؟)
دارين:متقلقش هي بقيت أحسن الحمد لله
صمت مازن وحبس دموعه بصعوبة
دارين:مالك يا مازن؟
بدأ يحاول الحديث بصعوبة وخرجت منه حروف غير مفهومة وبدا عليه الانفعال
دارين:مازن ارجوك اهدا
لم تفلح محاولاتها فطلبت الطبيب فأعطاه مهدئ وجلست دارين الى جواره في ألم
واخرجت هاتفها الخليوي واتصلت بتامر
تامر:الو
دارين:تامر انتو لازم تيجوا بسرعة
تامر:متقلقيش كلها أسبوع ونكون عندك
دارين:طيب بس اسمع خلي ماما تكلم مازن ضروري علشان تطمنه عليها
تامر:هو حصل حاجة ولا ايه؟
دارين:عرف غصب عني وتعب
تامر:جراله حاجة؟
دارين:لا مفيش الدكتور اداله مهدئ ونام
تامر:حاضر ياستي متقلقيش يلا تصبحي على خير
دارين بإبتسامة:لا ياعم تصبح انت انا خلاص بقيت الصبح
تامر:ههههه طيب سلام
دارين:سلام
__________________________________
في منزل شادي عاد شادي متأخراً ليجد عائشة جالسة وملك نائمة على الكنبة بجورها
شادي بفزع:ايه ده ايه اللي جاب البنت هنا؟
عائشة:مامتك كانت هنا من شوية
شادي:وقالتلك ايه؟
عائشة:لا ابداً كانت بتفحص عروسة ابنها
شادي:معلش مجتش فرصة اعرفكوا على بعض
عائشة:لا والصراحة الطريقة اللي اتعرفنا بيها هايلة
شادي:اسف يا عائشة مكنتش حابب انكوا تتعرفوا كده
عائشة:ولا يهمك انا عارفة اني هتعب مع عائلتك اصلاً
شادي:نعم؟؟
تجاهلته ونظرت الى ملك:معرفتش المفروض تنام فين فنيمتها هنا
ذهب شادي وجلس الى جوار صغيرته:البيت مبهدل انا مدخلتوش من زمان
عائشة:كويس واخد بالك
شادي:في ايه يا عائشة؟
عائشة:مفيش بس شكلي هقضي الليلة انضف علشان اعرف اعيش هنا
شادي:متعمليش حاجة انا هظبط كل حاجة مؤقتاً وبكرا الصبح هييجي حد ينضف
__________________________________
في القاهرة في صباح اليوم التالي في منزل سامية
باسم:ماما تعالي بسرعة
سامية:ايه يا باسم في ايه؟
باسم:تعالي بس
ودخلا الى غرفة باسم وجلسا على الفراش وحمل باسم اللاب توب الخاص به فوجدت سامية نسمة تحدثهم من skype
سامية بفرحة:نسمة
نسمة:حبيبة قلبي وحشتيني موت
باسم:اخلصي بس وقولي كنتي عوزانا في ايه؟
نسمة:ما تهدا يا عم مالك؟
باسم:انا هادي بس عندي فضول
نسمة:طيب اسمعوا بقى
باسم:ها ؟؟
نسمة:انا وأكرم هنتجوز هنا في أمريكا
سامية:نعم ياختي
نسمة:اهدي يا ماما يا حبيبتي واسمعي للأخر
سامية:قولي
نسمة:بصي انا وأكرم شوفنا ان شغلنا مينفعش نعطله ابدا ومش هنقدرنأخد أجازة تاني وننزل مصر نتجوز ونرجع فإيه بقى ...قولنا احنا نتجوز هنا ونشوف شغلنا
سامية:هو مش ناوي يأخدك شهر عسل ؟
نسمة:شهر عسل ايه ده موضة قديمة اوي الكلام ده
سامية لباسم:رد انت علشان مش عاوزة اتعصب على حد النهاردة
باسم:بس لازم تستني اما نيجي
نسمة:طبعا انا مستنية
سامية:انتو بتقولوا ايه انتو الاتنين ؟
باسم:انا شايف ان ده قرار كويس مينفعش الموضوع يبقى متعلق كده
نسمة:مظبوط
سامية:لا ده جنان رسمي بقى
نسمة:يا ماما افهمي بس
سامية:مين هيحضر فرحك هناك تقدري تفهميني مفيش حد هيقطع تذكرة علشان يحضر فرحك يعني
نسمة:مش انتو هتحضروا
سامية:هو احنا بس اللي هنملا عليكي الفرح يعني؟
صمتت نسمة
سامية:مجاوبتيش على سؤالي
نسمة:كفايا عليا انتو تحضروا فرحي انا مش عاوزة حاجة كبيرة كفايا انتو اهلي تحضروا وخلاص
سامية:يا بنتي الكلام ده ...
قاطعها باسم:الكلام مظبوط يا ماما
والتفت للحاسوب:اتفقنا يا نسمة هنجهز نفسنا ونيجي
وأغلق اللاب توب
سامية:اقدر افهم ايه الجنان ده ؟
باسم:فين الجنان بالعكس ده أحسن قرار اخدته
سامية:بس انا نفسي اعملها فرح كبير
باسم:هنستفيد ايه يعني من الناس يا ماما
صمتت سامية وهي تفكر
سامية:نفسي افرح بيها
باسم:ما هنفرح يا ماما بس هناك بقى
سامية:هو ده فرح اللي مفهوش عائلة ده
باسم:يعني هتستفيدي ايه بالعائلة
__________________________________
أصر فارس على الخروج من المشفى مع وعد بالاهتمام بصحته وصل الى الفيلا برفقة والده
إبراهيم:خليني اساعدك
فارس:يا بابا انا كويس
إبراهيم:يلا انا خلتهم يجهزولك الاكل تأكل وتنام
فارس:أنام ايه بس؟..أنا هأكل وأروح الشركة
إبراهيم بإنفعال:شركة ايه يا فارس حرام عليك نفسك بقى لو مش علشانك علشاني انا ارحمني بقى
فارس:اهدا بس يا بابا
إبراهيم بإنفعال:اهدا ايه بس حرام عليك بقى
فارس:يا بابا انا لازم اروح الشركة دي مسؤولية عليا و والله انا بقيت كويسة جدااا
إبراهيم بهدوء:انت هتضحك عليا يا فارس بقى تخرج من المستشفى حالا وتقولي انك كويس
فارس:يا بابا انا مفياش حاجة ده بس كسر وجرح بسيط
إبراهيم:انت عاوز تموتني انا عارف
فارس:بعد الشر عليك يا بابا
إبراهيم:ما تقول حاجة يا شادي
شادي:انا كان بودي يا عمي بس انا كده هتأخر على شغلي
إبراهيم:خلاص روح انت يا ابني تعبناك معانا
شادي:لا يا عمي متقولش كده تعبكم راحة
فارس:استنى يا شادي
وذهب ليتحدث اليه على انفراد
فارس:ما تخليك جدع وتقعد معايا نتغدا وبعد كده تقنع بابا اروح الشغل
شادي:لا يا عم انا مش هعادي والدك
فارس:اصيل يا شادي
شادي:طبعاً يا ابني هو انا لسه عارفك امبارح
والتفت الى إبراهيم:يلا يا عمي سلام
وذهب شادي
إبراهيم:يلا يا فارس
فارس:ايه يا بابا؟
إبراهيم:ايه هو اللي ايه يا بابا؟
فارس بتفهم:اه حاضر هأكل وأرتاح شوية واروح الشغل
إبراهيم:هنشوف الموضوع ده حاضر
فارس:انا مش فاهم انت ليه شايفني تعبان ؟
إبراهيم:بكرا تبقى أب وتعرف
شرد فارس في تلك الجملة وصعد الى غرفته ليبدل ملابسه ونظر في المرآة
فارس:ياااه ده العمر بيجري بسرعة اوي ...شكلي هفضل وحيد
دخل إبراهيم:عاوز مساعدة؟
فارس:لا شكرا يا بابا
إبراهيم بإبتسامة:طب يلا علشان تأكل
فارس بإبتسامة حزينة:معلش يا بابا انا هرتاح شوية
إبراهيم بحنان:شوفت بقى ان معايا حق
ابتسم فارس
وتركه إبراهيم فحاول هو تبديل ملا بسه بصعوبة فرن هاتفه الخليوي
فارس:الو
وليد:انت فين يا فارس روحتلك الشركة وملقتكش
فارس:انا في البيت
وليد:غريبة يعني من امتى؟
فارس:عادي ..انت عاوز حاجة؟
وليد:عاوز اشوفك محتاج أتكلم معاك شوية
فارس:تنور الفيلا يا وليد
وليد:طيب سلام
فارس:سلام
واغلق فارس الخط وأكمل تبديل ملابسه ومدد على السرير في تعب
___________________________________
في فيلا كمال
صفاء:طب كويس خليني أكلمه
تامر:ما انا مش عارف هو دلوقتي نايم ولا صاحي
صفاء:طب كلم دارين ونشوف
تامر:طيب
واتصل تامر بدارين
دارين:الو
تامر:دارين انتي فين؟
دارين:انا بقيت مقيمة في المستشفى على فكرة
تامر:طب مازن صاحي؟
دارين:معرفش
تامر:طب شوفيه علشان ماما عاوزة تكلمه
دارين:حاضر هقفل وأرجع أكلمك تاني
تامر:طيب
وأغلقت دارين الخط وذهبت لغرفة مازن وطرقت الباب ودخلت اليه فالتفت اليها فأغلقت الباب وذهبت وجلسب بجواره
دارين بإبتسامة:كويس انك صاحي ماما عاوزة تكلمك
همت بالاتصال بها فأمسك يدها وهز رأسه نافيا
دارين:ليه؟
مازن بصعوبة:عـلـ ..علشان ..أنا مـ ..مش ..هقـ .هقدر ..أتـ..أتكلم (علشان انا مش هقدر أتكلم)
دارين:ده وضع احنا عارفينه ومتقبلينه
مازن بدموع:بـ ..بلاش ..أنا بـ.. بحاول ..أكـ ..أكون ..قـ ..قوي (بلاش انا بحاول أكون قوي)
دارين:وهي ماما هتخليك ضعيف
هز رأسه إيجابا
دارين:مازن بطل بقى وضعك مؤقت وهيخلص
هز رأسه إيجابا:عـ ..عارف
دارين:طب ليه بقى؟
مازن: علـ..علشان..عا.. عاوز.. اقف..ز على رجـ.. رجليا.. من جد..جديد...ولوحـ.. ولوحدي ومش..عاوز.. عاوزها ..تزعـ..تزعل (علشان عاوز اقف على رجليا من جديد ولوحدي ومش عاوزها تزعل )
دارين:طب ما هي جايا وهتشوفك هتشوفك
نظر اليها طويلا
ففهمت دارين:انت مش عاوزها تيجي
هز رأسه إيجابا
دارين:ليه يا مازن حرام عليك دي عاوزة تشوفك هي وعمو كمال
مازن:هرجعـ..هرجعلهم ..قوي... و..واقـ.. واقف.. على ..رجلـ...رجليا ومش..حا.. حاسس..بالعـ.. بالعجز..صدقيـ.. صدقيني.. انا عا..عاوز..أكـ.. أكون..شخـ.. شخص... غير بس ده...يستـ.. يستلزم..أكـ.. أكون..بعـ.. بعيد..عنـ.. عنهم..علـ.. علشان..محسـ.. محسش..بوجـ.. بوجعهم ..واكــ..واكون.. قوي (هرجعلهم قوي و واقف على رجليا ومش حاسس بالعجز صدقيني انا عاوز أكون شخص غير بس ده يستلزم أكون بعيد عنهم علشان محسش بوجعهم واكون قوي)
دارين:بس انا هقولهم ايه ؟
ابتسم لها بمعنى انه يثق بأنها ستجد ما تقول ويكون مقنعا
فإبتسمت هي الأخرى:انا هشرحلهم اللي انت فيه وهما اكيد هيفهموا ده
وغادرت الغرفة
واتصلت بوالدتها
صفاء:الو
دارين:ماما عاوزة أتكلم معاكي شوية
صفاء:مازن جراله حاجة ؟
دارين:ابدا مازن كويس الحمد لله
صفاء:طب انا عاوزة أكلمه
دارين:ما انا عاوزة أكلمك علشان كده
صفاء:في ايه؟
دارين:مازن بعد العملية انتي عارفة طبعا النطق والحركة بقوا صعبين شوية عليه
تألمت صفاء:عارفة
دارين :مازن مش عاوز يتكلم او يشوف حد لحد ما يقوم ويتحسن
صفاء:يعني ايه؟
دارين:يعني مفيش داعي تيجوا انتي وعمو كمال
صفاء:ازاي يعني ؟
دارين:ماما افهموا مازن واقفوا جنبوا
صفاء:ما انا عاوزة اجي علشان أكون جنبه
دارين:هو عاوزكم جنبه بطريقة تانية ...عاوزكم بعيد
صفاء:جنبه وبعيد ازاي؟
دارين:ماما مازن دلوقتي عاوز يكون قوي ويتحسن بسرعة علشان يجلكم ...بس انتو لو جيتوا هيضعف ومش هيقدر يكمل
صفاء بدموع:طب بس اسمع صوته
دارين:انا هحاول في الموضوع ده بس ارجوكي حاولي تساعديه انتي وعمو كمال
تأخذ نفسا عميقا وتمسح دموعها:حاضر ..هنساعده
ابتسمت دارين:سلام يا ماما
صفاء بحب:سلام
____________________________________
في فيلا إبراهيم وصل وليد واستأذن في الصعود لفارس وطرق الباب ودخل فوجده نائما فهم بالانصراف
فارس:وليد
التفت اليه:اسف صحيتك؟
فارس:لاء تعالا انا صاحي
دخل وليد وأغلق الباب
فجلس فارس واسند ظهره للحائط بصعوبة :تعالا اقعد
جلس وليد الى جواره على طرف الفراش:سلامتك ايه اللي حصل؟
فارس:مفيش حادثة بسيطة متشغلش بالك
وليد:انا برضو قولت اكيد حاجة كبيرة حصلت علشان كده مروحتش الشركة
فارس:وليه يعني؟
وليد:لانك طول عمرك في الشركة تقريبا عايش هناك
فارس:انت جاي تتريق يا وليد
وليد:لاء خالص انا جاي أسأل سؤال
فارس:اسأل
وليد:فين مفاتيح الفيلا
فارس:معايا
وليد:فين معاك؟
فارس:معايا يا وليد مالك ؟
وليد:عاوزه
فارس:ليه؟
وليد:انت مش المفروض هتسبلي كل حاجة
فارس:حاضر يا وليد انا أصلا مش ناوي اروح الفيلا لا دلوقتي ولا بعدين
وفتح الدرج بجواره واخرج المفاتيح الخاصة به فلم يجده بينها
فارس:غريبة راح فين؟
وليد:ايه ضاع؟
فارس:لا تلاقيه هنا ولا هنا
أخرجه وليد من جيبه:المفتاح اهو
فارس بإستغراب:وصلك ازاي؟
وليد:اللي انت بعته علشان يسرقني ادهوني
نهض فارس بصدمة:ايه الجنان اللي انت بتقوله ده ؟
نهض وليد:جنان ايه بقى ما انت خلاص اتكشفت على حقيقتك
فارس بغضب:وليد حاسب على كلامك
وليد:انت ازاي لعبت على بابا وخليته يثق فيك كده
فارس بغضب:وليد متخلنيش افقد اعصابي فهمني مين اللي اداك المفتاح
وليد:يعني انت مش عارفه
فارس:وانا هعرف حرامية منين ؟
وليد:ما انت طلعت ذيهم
صفعه فارس:انت ازاي تكلمني بالطريقة دي
وليد:وانت ازاي خونت الأمانة
فارس:انت اللي ازاي غبي اوي كده هسرقك ازاي وانا كنت في المستشفى يا ذكي
وليد:هو انت يعني جيت بنفسك ما انت بعتلي واحد
فارس:وليد بلاش هبل واعقل
وليد:انا مش عاوزك في الشركة تاني
فارس:ده مش من حقك
وليد:لاء من حقي لاني صاحب الأملاك دي أصلا
فارس:انا واصي لحد ما تبل السن القانوني
وليد:وانت مالك بالأملاك دي أصلا انا بستغني عن وصايتك
فارس:الشخص الوحيد اللي يقولي كده هو أستاذ عماد الله يرحمه وبما انه مقالش يبقى كلامك ملوش قيمة
وليد:يعني ايه؟
فارس:يعني اتخرج واعمل اللي انت عاوزه
وليد:ماشي يا فارس هي اصلاً هانت
فارس:بالظبط كده
وذهب وليد وهو غاضب وفارس مصدوم
تابع من هنا: جميع فصول رواية أبو البنات بقلم رهف سيد
أو أرسل لنا رسالة مباشرة عبر الماسنجر باسم القصة التي تريدها
إرسال تعليق
يسعدنا تلقي اقتراحاتك أو تعليقك هنا