مرحباً بكم أصدقائي وأحبابي عاشقي القراءة وأجمل الروايات الممتعة والروايات الرومانسية ذات الطابع الإجتماعى مع رواية رومانسية جديدة للكاتبة يسرا جمال علي موقعنا قصص 26 وموعدنا اليوم مع الفصل السابع والثلاثون من رواية بعد النهاية بقلم يسرا جمال .
رواية بعد النهاية بقلم يسرا جمال - الفصل السابع والثلاثون
إقرأ أيضا: رواية غرام
اتصل فارس بإيهاب
إيهاب:الو
فارس:الو
إيهاب:فارس!
فارس:قول للعصابة اللي معاك اني موافق
إيهاب:موافق على ايه؟
فارس:متسوقش العبط يا إيهاب
إيهاب:ايه اللي غير رأيك؟
فارس:دي مش شركتي علشان أخاف عليها أنا كل مهمتي أحافظ عليها لحد ما يستلمها الوريث الأصلي ...بس طالما هتيجي فيا أنا يبقى خلاص تولع الشركة مليش فيه
إيهاب:ولما ييجي الوريث الأصلي احنا نعمل ايه؟
فارس:متقلقش الوريث الأصلي مبيفهمش في الشغل مش بعيد انت تمسك كل شغله أصلا
إيهاب بإبتسامة:يعني اتفقنا؟
فارس:اتفقنا بس بشرط
إيهاب:ايه؟
فارس:اكون على علم بأي حاجة تحصل وتتم تحت عيني وبمعرفة مني يعني مبقاش ذي الأطرش في الزفة وده طبعاً لمصلحتكم قبل مني
إيهاب:طيب يا فارس
فارس:يبقى خلاص اتفقنا
إيهاب:نتقابل امتى بقى؟
فارس:يعني انت مش عارف اللي انا فيه؟
إيهاب:مش فاهم
فارس: انا رايح الشركة بكرا وأول اجتماع هيكون معاكم
إيهاب:طيب تمام
فارس:سلام
إيهاب:سلام
واغلق فارس الخط في ألم وحاول النوم
___________________________________
مر اليوم على أبطالنا شادي لديه شعور غير عادي بالندم
فارس إحساس بالألم والصفعة من أقرب الناس
صفاء وكمال يرتبون أنفسهم ليقفوا الى جوار مازن كما يحب
انتقل تامر للعيش في فيلا فؤاد الحكيم وبدأ في إجراءات التأشيرة حتى يستطيع السفر الى دارين
_________________________________
في صباح اليوم التالي في منزل شادي
عائشة:شادي انا الصراحة محتاجة منك تردلي الجميل دلوقتي
شادي:اؤمري يا عائشة
عائشة:انا عاوزة اكمل تعليمي
نظر اليها في دهشة:يعني ايه؟...هو انتي مش مكملة تعليمك؟
عائشة:لاء وقفت فجأة وبابا مرضاش اكمل
شادي:وقفتي لحد فين يعني ؟
عائشة:لحد سنة خامسة
شادي مصدوم:خامسة ابتدائي؟!
عائشة بغضب:خامسة ابتدائي ايه خامسة طب يا باشمهندس
شادي:اه اسف معلش
عائشة:طب ايه؟
شادي:ايه؟
عائشة:عاوزة اكمل
شادي:براحتك روحي كملي
عائشة:لوحدي؟
شادي:اجي ادرس معاكي يعني؟
عائشة:مش قصدي بس معاييش فلوس اكمل بيها
شادي:اه معلش يا عائشة لسه بتعود على الوضع انا طبعاً متكفل بكل المصاريف لحد ما تتخرجي متقلقيش
عائشة:متشكرة يا شادي
شادي:معلش سؤال
عائشة:ايه؟
شادي:هو ده الاتفاق يعني ؟
عائشة:مش فاهمة
شادي:يعني كده تمام انا اخليكي تكملي تعليمك وانتي تبقي مراتي على الورق وبس
عائشة بكذب:اه طبعاً وهاخود بالي من ملك كمان وهكون ام ليها
ابتسم شادي:بجد يا عائشة؟
عائشة:طبعاً
شادي:انا مش عارف اقولك ايه بس بأكدلك انك هتحبيها اوي
عائشة:انا حبيتها خلاص من امبارح وبعدين هادية اوي ونامت بسرعة
ابتسم شادي:طب كويس اخدتوا على بعض
عائشة:اكيد انا بحب الأطفال اصلاً
شادي:متشكر جداً يا عائشة
عائشة:العفو على ايه بس
نظر في ساعته:طب انا هضطر امشي علشان الشغل سلام
عائشة:سلام يا حبيبي
شادي:انتي رايحة الجامعة النهاردة علشان وضعك ولا ايه؟
عائشة:مش عارفة بس متقلقش لو روحت ملك هتكون معايا
شادي:تحبي اسبلك عربيتي ؟
عائشة:مبعرفش اسوق
يطلع شادي مبلغ من محفظته:طب خلي دول معاكي علشان لو احتجتي حاجة واللي هتيجي تنضف البيت متديهاش حاجة انا هبقى دافع الفلوس
عائشة:ماشي تمام
شادي:سلام
وغادر شادي بينما ابتسمت عائشة بانتصار فهاهي تقترب من حلمها مجدداً تدرك تماماً انها تخدعه وتستغله لكن حلمها يمثل لها حرباً يباح فيها كل الأساليب حتى وان كان استغلال شخصٍ طيب
_________________________________
دخل فارس الى الشركة
_الف سلامة يا أستاذ فارس
فارس: الله يسلمك
_حمدا لله على السلامة يا أستاذ فارس
فارس:متشكر
_الف سلامة يا أستاذ فارس
فارس:متشكر
وذهب الى مكتبه
السكرتارية:الف سلامة يا أستاذ فارس
فارس:متشكر الله يسلمك
السكرتارية:انا متأسفة جدا بس أستاذ إيهاب جه هو وأستاذ عادل وقالوا انهم على معاد مع حضرتك انا حاولت امنعهم...
فقاطعها:هما فعلا على معاد معايا ....قوليلي في جديد في الشركة
السكرتارية:هو انت لحقت تغيب أصلا يا أستاذ فارس ؟
فارس:اه غبت يومين
السكرتارية:أستاذ محسن تكفل بالشغل كله
فارس:كان في حاجة مهمة؟
السكرتارية:لا ابدا كان في مقابلات مع شركات أستاذ محسن قام بيها وفي مقابلة النهاردة مع شركة الحكيم
فارس:الغيها
السكرتارية:لكن يا فندم...
قاطعها:وخليهم يجبولي قهوة مظبوط
ودخل الى مكتبه وجلس
فارس:فهمته يا إيهاب الكلام اللي قولتهولك
عادل:عرفت
فارس:وايه قولك؟
عادل:موافق
فارس:ممكن اعرف حاجة قبل ما نبدأ؟
عادل:ايه؟
فارس:مين اللي دبر الحادثة ؟
عادل:مش من صلحياتي أقول
فارس:بس انا عاوز اعرف علشان نبدأ صفحة جديدة
عادل:بس ده مش من صلحياتي
فارس:طب انا لو اشتغلت معاكم هيحصل ده تاني ؟
عادل بإبتسامة:لاء خلاص هنبقى اصحاب بقى
فارس:يبقى متفقين
عادل:شكلنا هننبسط اوي مع بعض يا فارس
فارس:ان شاء الله
وبدأوا حديثهم
___________________________________
في شركة الحكيم
فؤاد:مقولتليش قبل كده على موضوع شركة **** ده
تامر:مجتش مناسبة وبعدين مش انا أصلا اللي اتفقت معاهم
التفت اليه:آمال مين؟
تامر:دارين
فؤاد:هو ايه اللي كان بيحصل في الشركة بالظبط لما انا وعمك غبنا
تامر:ولا حاجة كنا بنشوف شغلنا
فؤاد:كنتوا؟؟
تامر:آه ..تصدق اول مرة اعرف ان دارين شاطرة اوي كده في الشغل
فؤاد:انا اللي حاسس اني اول مرة اعرفك انت واختك يا تامر
تامر:يمكن علشان اتغيرنا
ثم أردف
تامر:خلينا نركز في الشغل علشان انا كلها كام يوم ومسافر
فؤاد:انا مش فاهم ايه موضوع السفر اللي جه فجأة ده
تامر:معلش ظروف كده واتحطيت فيها
فؤاد:انت هتسافر لدارين صح؟
تامر:اه صح
فؤاد:خير حصل حاجة؟
تامر:معرفش هي قالتلي عوزاني
فؤاد:طيب ابقى طمني يا تامر
تامر:حاضر
____________________________________
في فيلا عماد
في غرفة وليد أمسك هاتفه الخليوي واتصل بصديقه
وليد:الو ...بقولك انا مروحتش المدرسة النهاردة كان في حاجة مهمة....بس كده...طب تمام هبقى اشوفك انا بقى ...سلام
وأغلق وليد الخط فسمع طرقات على الباب
وليد:ادخل
دخلت بسمة
وليد:في ايه؟
بسمة:أستاذ ياسر تحت عاوزك
وليد:طب شوفيه يشرب ايه وانا جاي اهو
بسمة:حاضر يا فندم
وذهبت بسمة
وليد:ده عايز ايه ده كمان
ونزل اليه وجلس معه
وليد:منور يا عمي
ياسر:وحشتني يا ابني
وليد:وانت كمان يا عمي ..قولي ايه اخبارك؟
ياسر:كويس الحمد لله وانت؟
وليد:الحمد لله كويس ...خير ايه سر الزيارة السعيدة دي؟
ياسر:بص يا ابني احنا عائلة واحدة والواحد مبقاش ضامن عمره خلاص
وليد:ايه الكلام ده يا عمي
ياسر:هي دي الحقيقة يا ابني كلنا لها
وليد:بعد الشر يا عمي
ياسر:مفيش شر ولا حاجة
وليد:بلاش السيرة دي
ياسر:يا ابني الموت ميتخافش منه خصوصا انا و والدك لما بييجي الموت للي ذينا مبنفكرش غير في اللي سايبنهم ورانا
وليد:ازاي يعني؟
ياسر:يعني والدك فكر فيك لما يموت وعلشان كده كتب الوصية
وليد:الله يرحمه
ياسر:انا كمان بفكر في يارا بنتي
وليد:ربنا يخليهالك
ياسر:انا مش هلاقي لبنتي أحسن منك يا وليد
وليد:ايه يا عمي اللي انت بتقوله ده ؟
ياسر:بقول الحقيقة يا ابني
وليد:يعني انت عاوزني اتجوز يارا
ياسر:بالظبط كده
وليد:بس يارا صغيرة عليا اوي
ياسر:16 سنة وصغيرة يا وليد
وليد:طبعا وانا كمان انا لسه 17 سنة انت عوزانا ازاي نتجوز اصلاً مش هينفع
ياسر:مفيش جواز دلوقتي دي مجرد خطوبة وانت اتخرج من ثانويتك ونبقى نخطط للجواز
وليد:بيتهيقلي الموضوع ده كده جه بسرعة انا موت والدي معداش عليه كتير وانت جاي تقولي اتخطب
ياسر: الحي أبقى من الميت ...متقفش كتير عند اللي جرا
وليد:انا بيتهيقلي انت متسرع شوية
ياسر:لا متسرع ولا حاجة يا وليد
وليد:لكن...
قاطعه ياسر:ملكنش ولا حاجة انا بقول نعمل خطوبة على الضيق من غير ما حد يعرف حتى
صمت وليد ولم يدري بماذا يجيب
ياسر:يا وليد انت ذي ابني ولازم اخود بالي منك دي وصية والدك ليا
التفت وليد اليه:هو سابلك انت كمان وصية ؟
ياسر بكذب:مش بالمعنى بس قبل قتله بكام يوم كلمني ولمح للموضوع ده
___________________________________
جاء يوم سفر تامر فجهز حقيبته
تامر لفؤاد:سلام يا بابا
فؤاد:طب خليني اوصلك
تامر:ملوش لزوم علاء تحت وانا لسه هعمل مشوار اول
فؤاد:مشوار ايه؟
تامر:هسلم على ماما قبل ما امشي
فؤاد:ماشي يا حبيبي توصل بالسلامة ابقى طمني عليك
تامر:حاضر سلام
وذهب تامر
_________________________________
في فيلا إبراهيم
دعا فارس شادي لتناول العشاء بمناسبة زواجه
في غرفة المعيشة
شادي:دعوة متأخرة اوي يا فارس
فارس:متشكر يا شادي
شادي:لا بجد متأخرة اوي
فارس:خلاص يا شادي
شادي:يعني مش عارف تعزمني يومها
فارس:قوم انا غلطان اني عزمتك
إبراهيم:خلاص يا شادي ده انت منورنا
شادي:متشكر يا عمي ده نورك
والتفت لفارس:انت صحتك عاملة ايه؟
فارس:تمام الحمد لله فكيت الغرز خلاص فاضلي الجبس ده
شادي:ربنا يقومك بالسلامة يا صاحبي
فارس:امين يا رب
إبراهيم:يلا العشا جاهز
وجلسوا معا
فارس:وملك عاملة ايه؟
شادي:كويسة الحمد لله وانا فرحان اوي
فارس:ليه ؟
شادي:يعني بقى لملك حد ياخد باله منها لو انا مش موجود وبجد دي حاجة مفرحاني اوي
فارس:ربنا يفرحكم
شادي:عقبالك يا صاحبي
فارس:سبنالك الجواز يا عم
شادي:سبنالك الجواز؟...كله؟؟
فارس:طبعا ما انت عمال تتجوز تتجوز
شادي:الله أكبر
فارس:هحسدك على ايه بلا خيبة
إبراهيم:خيبة ايه طب ياريتك تتجوز وتفرحني يا فارس
فارس:احم احم... انت هتقلب عليا يا بابا
شادي:شوفت اللي ييجي عليا يحصله ايه؟
فارس:المسامح كريم انقذني يا صاحبي
شادي:ماشي ..هجوزهولك يا عمي
فارس:انت كده لحقتني ؟
شادي:اسمع بس هجبلك عروسة
فارس:ياما جاب الغراب لأمه
شادي:لاء هتقل أدبك أقوم امشي
فارس:اتكل على الله يا عم انت هو انا همسك فيك مثلا
إبراهيم:طب والله ياريت تجيبله عروسة
شادي:خلاص يا فارس خود بنتي ملك بس اصبر عليها شوية تكبر
فارس:مين يا حبيبي ملك اللي لسه في اللفة ؟
شادي:حبيبة باباها
فارس:بطل الحشيش اللي انت بتشربه على الصبح ده يا شادي
شادي:ايه يعني مش عارف تستنى 20 سنة لما تكبر
فارس:انت عارف لو استنيت 20 سنة هيبقى عندي كام سنة ؟
شادي:في الاربعينات يعني مش كتير
فارس:انت عاوزها تتجوزني وانا عجوز يعني ترضاها لبنتك
شادي:الصراحة لاء
فارس:طب اسكت بقى اسكت
شادي:ربنا يرزقك ببنت الحلال اللي تطلع عينك وتلهيك عن الشغل قول أمين
فارس:بس اسكت
إبراهيم:امين
فارس يلتفت لإبراهيم في دهشة :بابا؟؟
إبراهيم:معاه حق بس ربنا يستجيب
فارس:على فكرة نفسي هتتسد وهقوم واسبلكم القعدة كلها
إبراهيم:وعلى ايه انا ما صدقت انك فضيت شوية
شادي:هو رجع ينشغل تاني ولا ايه قولي يا عمي وانا اوريه
إبراهيم:ايوه بعد ما رجع الشغل انشغل جامد تاني
فارس:يا بابا كانوا كام حوار كده بخلصهم ورجعت فضيت تاني اهو
شادي بمرح:يا رب وليد يكبر ونخلص بقى
تبدلت ملامح فارس:متهزرش يا شادي
شادي:مبهزرش
فارس:طب اقفل الموضوع
شادي:شكلك مش عاجبني
فارس:ليه يعني؟
شادي:نخلص عشا ونقعد سوا احنا هنروح من بعض فين يعني
فارس:انا فعلا محتاج اقعد معاك هي مش قصة عشا
إبراهيم:هو انا برا القعدة ولا ايه؟
فارس:لا عادي قعدة صحاب يا بابا
إبراهيم:ربنا يخليكم لبعض يا ابني
شادي:مش هتلاقي لابنك احسن مني
فارس:هههههههه هو انت جاي تتجوز
شادي:هههههههههه مش هتلاقي احسن مني صدقني
فارس:طب قدامي على فوق نتكلم بقى مع بعض
إبراهيم:اتصرف معاه يا شادي بقاله كام يوم مش بيأكل كويس ... ده لسه قايم من حادثة فهمه الكلام ده بقى انا تعبت
شادي:لا انا هفهمه اني لسه مشبعتش أصلا اترزع ياض خلينا نأكل
فارس:هههههههههه خلاص يا عم كمل اكلك
شادي:وانت كمان كمل اكلك
فارس:شبعت
شادي:انت أكلت حاجة وانا اعمى مبشوفش
إبراهيم :اهو على الحال ده من ساعة ما خرج من المستشفى
صمت فارس ونظر بعيدا وفهم شادي ان هناك امرا ما
إبراهيم:انا شكلي هكلم الدكتور أسأله عن الوضع ده
شادي:دكتور ايه يا عمي علاج الأستاذ ده عندي انا
إبراهيم:ياريت يا شادي
شادي:قوم يا عم معايا قوم
نهض فارس معه وصعدا الى غرفة فارس وجلسا معا
شادي:مالك يا عم انت؟
فارس:انا حطيت نفسي في مصيبة كبيرة اوي اوي
شادي بقلق:ايه اللي حصل
فارس:انا اشتركت مع شركة كنت فاهم انها بتداري على شغل بسيط لقيتها تجارة ممنوعة
شادي بصدمة:ايه اللي انت بتقوله ده؟
فارس :اللي حصل
شادي:ازاي؟..وليه؟
فارس:فاكر حادثة العربية
شادي:اكيد
فارس:فاكر لما قولتلك اني طردت موظف من الشركة علشـ...
قاطعه شادي:فاكر
فارس:انا بقى كلمته ووافقت على موضوع الشراكة وطلعت ستارة لتجارة ممنوعة
شادي:ليه؟
فارس:علشان هما دول اللي دبروا الحادثة يعني ممكن يعملوا اكتر من كده
شادي:دبروا الحادثة يبقى تبلغ عنهم مش تروح تشتغل معاهم
فارس:ايه الدليل على ان هما اللي دبروها ؟
شادي:برضو بلغ عنهم والبوليس يتصرف بقى
فارس:لو بلغت عنهم مفيش دليل وهيطلعوا منها وبالتالي هينتقموا مني
شادي:وبعدين؟
فارس:ولا قبلين
شادي:انت ناوي تكمل في حاجة ذي دي
فارس:اسمع وافهم بس
شادي بعصبية:اسمع ايه انت ازاي تشترك في حاجة ذي دي فين اخلاقك فين مبادئك ؟
فارس:وطي صوتك لو بابا سمع مش هيحصل طيب
شادي بهدوء:بص يا فارس هما يومين وهكلمك لو لقيتك لسه بتشتغل في الموضوع ده ومبلغتش البوليس انا اللي هبلغ البوليس
فارس:يا شادي افهم بقى
شادي:خلص الكلام يا فارس
فارس:لا مخلصش يا شادي وانا مسمحلكش تعاملني كده ذي ما أكون عيل صغير
شادي:انت فعلا كده بقيت عيل صغير طالما قراراتك وتصرفاتك بقيت غلط
فارس بغضب:شادي حاسب على كلامك الله
شادي:كلامي مظبوط حاسب انت على تصرفاتك ولو الشركة والأملاك اللي انت واصي عليها هتخليك كده فتسبها حالا
فارس ينظر اليه في غضب:لا انت فعلا اتجننت
شادي:انت اللي اتجننت
فارس:انا بقولك حياتي في خطر وانت بتقولي ايه
شادي:حياتك في خطر ده مش مبرر علشان تغلط غلطة ذي دي
فارس:انا غلطان اني اتكلمت معاك امشي يا شادي
شادي:مش هحاسبك على الكلمة دي دلوقتي بس هحاسبك عليها بعدين بعد ما نخلص من الورطة دي
فارس:لا بعدين ولا دلوقتي انت مش فاهم حاجة أصلا
شادي:بلغ البوليس يا فارس واطلع برا الموضوع ده اسمع نصيحتي يا صاحبي
وتركه شادي وغادر
فارس:محدش فاهم أي حاجة أي حاجة
___________________________________
غادر شادي فيلا فارس وفي منزل شادي
أطعمت عائشة ملك
عائشة:انا مش عارفة ربنا هيصبرني عليكي ازاي
وأكملت:بس يلا كله علشان حلمي
رن هاتفها الخليوي
عائشة:الو
نور:ازيك يا عائشة معلش لسه واخدة بالي من المسجات اللي انتي بعتاها ....مبروك
عائشة:مبروك ايه بس دي لعبة يا نور
نور:لعبة ايه بس انتو اتجوزتوا يا بنتي
عائشة:انا بصراحة يا نور مكنش هدفي اخرج من بيت بابا انا كان هدفي تعليمي قبل اي شئ
نور:حقك ...بس صدقيني شادي كويس
عائشة:عارفة
نور:مبروك بجد مبروك من قلبي فرحنالك
عائشة:بقولك ايه الموضوع ده كله حكاية وبس بلاش تكلميني على انه جد
نور:بيتهيقلي محتاجة تفكري في الموضوع تاني يا عائشة
عائشة:لا يا نور انا فكرت كويس انا محدش هينفعني غير نفسي وعلشان كده لازم اخود بالي من نفسي مش اي حد تاني
نور:قصدك ايه هو انتي ناوية على ايه بالظبط مع شادي؟
عائشة:ولا حاجة بس هيبقى مجرد مرحلة في حياتي
نور:مرحلة؟؟
عائشة:سيبك انتي طمنيني اخبارك ايه؟
نور:لا معلش فهميني ايه اللي هيحصل بينك وبين شادي بالظبط
عائشة:معرفش يا نور بس هنفضل متجوزين طبعاً على الورق
نور:ايوه بس انا كنت فاهمة انك عاوزة جواز حقيقي
عائشة:نور انا حصل بيني وبينك كلام وبيني وبين شادي كلام تاني
نور:يعني شادي قابل بده
عائشة:هو اللي قال
نور:طيب تمام انا اللي يظهر مكنتش واخدة بالي
عائشة:يظهر كده
نور:معلش يا عائشة مضطرة اقفل سلام
وأغلقت نور الخط وقد داهمها تعبها من جديد ولا تدري ماذا يحدث معها ولا تدري حتى لمن تشكو
___________________________________
في أمريكا في المطار
احتضن تامر دارين
تامر:وحشتيني وحشتيني
دارين:وانت كمان وحشتني اوي
تامر:فين رائد؟
دارين:علاء هيجيبه وييجي
يأتي علاء فيأخذ تامر الطفل ويقبله
علاء:حمدا لله على السلامة يا تامر بيه
تامر:الله يسلمك خود الشنط العربية
علاء:حاضر يا فندم
أخذ علاء الشنط
دارين:انا مبسوطة اوي انك جيت
تامر:طمنيني مازن عامل ايه؟
دارين:الحمد لله هيبدأ جلسات علاج بداية الأسبوع الجاي وهيستمر لمدة 6 شهور بالإضافة طبعا المتابعة مع الأخصائيين علشان مشكلة النطق والحركة
تامر:هو بيتعامل ازاي مع الموضوع يعني متقبله ولا ايه ؟
دارين:طبعا لاء يا تامر تخيل نفسك بتتكلم بصعوبة وتتحرك بصعوبة وقبل كده كنت بتعمل كل ده بسهولة الموضوع صعب عليه برضو
تامر:ربنا يقومه بالسلامة
ركبا السيارة
تامر:وانتو قاعدين فين؟
دارين:في فندق طبعا هنقعد فين يعني
تامر:اه صح ...هو علاج مازن هيكون في المستشفى ؟
دارين:الدكتور قال عادي لو هو ساب المستشفى وييجي وقت الجلسات بس ...لكن مازن رفض وقال انه هيكمل علاجه في المستشفى
تامر:ليه يعني؟
دارين:بيقولي انه كده هيكون احسن وسط الممرضين والدكاترة
تامر:وانتي مصدقاه ؟
دارين:بصراحة لاء حساه مخنوق اوي من قعدة المستشفى ومش بيتكلم ومكمل بس علشان يخلص من كل ده
تامر:حيث كده بقى خلينا نروح علطول على المستشفى
دارين:مش عاوز ترتاح؟
تامر:انا مرتاح خلينا نروح على هناك علطول
دارين لعلاء:على المستشفى يا علاء
علاء:حاضر يا فندم
دارين لتامر:قولي ماما واستاذ كمال عاملين ايه؟
تامر:كويسين الحمد لله روحت اسلم عليها قبل ما اسافر فسبتلي رسالة اوصلها لمازن
دارين:فيها ايه؟
تامر:نعم؟؟
دارين:متفهمش غلط بس انا خايفة الرسالة تضايقه او تخليه يتعب
تامر:لا شكل ماما وهي بتديني الرسالة وبتكتبها قدامي ميوحيش بكده
دارين:ربنا يستر
وصلا الى المشفى
ودخلا الى مازن
تامر:حمدا لله على السلامة وحشتني
ابتسم مازن له:الله يس.. يسلمك
تامر:انا جايبلك رسالة من ماما
اختفت الابتسامة
تامر يعطيه ورقة
فتح مازن الرسالة
(مازن حبيبي ازيك وحشتني على فكرة قوم بسرعة بقى وارجعلي علشان انت وحشتني اوي بجد وانا متأكدة انك قوي وهتخف بسرعة وترجعلنا تاني انا مستنية اليوم اللي تجيلي فيه وحشتني ربنا يشفيك يا حبيبي واوعى تعيط بعد ما تقرا الجواب ده لاني مش بقولك الكلام ده علشان تعيط لاء انا بقولهولك علشان اقوي عزيمتك ترجعلي بالسلامة)
ابتسم بحب بعد ان قرأ كلماتها
تامر:انا جاي اقعد معاك مخصوص
وجلس تامر يتحدث الى مازن فتحسن مزاجه كثيرا
____________________________________
في القاهرة
جلس فارس في مكتبه ففتح حسابه على facebook محاولاً إلهاء نفسه لبعض الوقت فوجد وليد نشر صورة لدبل خطبته هو ويارا و وجد الجميع يهنئه فغضب واتصل به
وليد:عاوز ايه يا فارس بتكلمني ليه؟
فارس:ايه اللي انت عملته ده؟
وليد:عملت ايه؟
تابع من هنا: جميع فصول رواية أبو البنات بقلم رهف سيد
أو أرسل لنا رسالة مباشرة عبر الماسنجر باسم القصة التي تريدها
إرسال تعليق
يسعدنا تلقي اقتراحاتك أو تعليقك هنا