مرحباً بكم أصدقائي وأحبابي عاشقي القراءة وأجمل الروايات الممتعة والروايات الرومانسية ذات الطابع الإجتماعى مع رواية رومانسية جديدة للكاتبة يسرا جمال علي موقعنا قصص 26 وموعدنا اليوم مع الفصل الثامن والثلاثون من رواية بعد النهاية بقلم يسرا جمال .
رواية بعد النهاية بقلم يسرا جمال - الفصل الثامن والثلاثون
إقرأ أيضا: رواية غرام
فارس:خطبت يارا
وليد:ده شيء يخصني
فارس:امتى خطبتها وليه؟
وليد:وانت مالك دي حاجة خاصة بيا
فارس:اسمع يا وليد هي كلمة واحدة وهتنفذها تفسخ الخطوبة دي حالا فاهم ولا لاء ؟
وليد:وبتؤمرني بأمارة ايه بقى؟
فارس:انت ناسي ان ابوك موصيني عليك
وليد:وصاك على أملاكي مش عليا
فارس:يعني ايه يا وليد؟
وليد:يعني خليك في حالك اخطب اتجوز اعمل اللي يعجبني سلام
واغلق وليد الخط
فغضب فارس وغادر الشركة
____________________________________
وفي أمريكا في حديقة فيلا راقية كان حفل زفاف رائع
باسم:مبروك يا نسوم
نسمة:الله يبارك فيك
باسم:مبروك يا أكرم شلها في عينيك
أكرم:متقلقش عليها دي غالية عندي
شريف:ايه رأيك بقى في ذوق صاحبك ؟
أكرم:تحفة يا شيكو الفرح يجنن بجد
شريف:مبروك يا حبيبي
أكرم:الله يبارك فيك؟
شريف:لو العروسة معجبتهاش حاجة في الشقة بس كلمني وانا اظبطلها كل حاجة
أكرم:لا كل حاجة جميلة بجد ابدعت
شريف:دي اقل حاجة عندي
نسمة:على فكرة كله ذوقي هو بس نفذ اللي انا قولت عليه
أكرم:ههههههههه ماشي يا عم المتواضع
شريف:شكلنا مش هنبقى صحاب يا نسمة
نسمة:هههههه ده ميمنعش طبعاً انك عملت مجهود كبير
شريف:لاء تمام يا زين ما اخترت يا باشا
وضحكوا معاً
___________________________________
في القاهرة
في منزل ياسر سمع رنين الجرس ففتح الباب
ياسر:هو انت؟
فارس:ايوه انا
ياسر:عرفت مكان بيتي منين؟
فارس:لما بحب أعرف مكان حاجة بعرفها
ياسر:وعاوز ايه؟
فارس:على الباب كده ؟
ياسر:انت فاكر اني ممكن ادخلك بيتي؟
فارس:براحتك بس الكلام اللي هقوله هيخصك يعني لو صوتي بقى عالي شوية الجيران هتسمع
غضب ياسر وافسح له الطريق فدخل فارس وأغلق ياسر الباب
ياسر:قول اللي انت عاوزه يلا وخلصني
فارس:ابعد عن وليد
ياسر:بتقولي ابعد عن ابن اخويا؟..طب ازاي؟
فارس:انت هتعيش الدور ولا ايه ؟ انت أصلا جاي علشان فلوسه مش أكتر
ياسر:خليك انت بعيد علشان مزعلكش
فارس:ذي ما زعلتني قبل كده
ياسر:قصدك ايه؟
فارس:كانت حركة سخيفة اوي وغبية
ياسر:انت بتتكلم عن ايه؟
فارس:هي كانت ممكن تنجح لو مكنتش انا دخلت المستشفى
ياسر بإرتباك:مش فاهم
فارس:لا انت فاهم وفاهم كويس اوي
ثم أردف:قولي بقى انت ازاي أخدت مفتاح الفيلا من ضمن مفاتيحي
ياسر:بقولك ايه امشي دلوقتي أحسنلك
فارس:لا قولي اول ازاي اخدت المفتاح من عندي
ياسر:حركات محترفين
فارس:دي حركات حرامية مش محترفين
ياسر:وفي النهاية اللعبة نجحت مش كده
فارس:نجحت ..ونجحت اوي كمان بس والله العظيم ما هسكت على اللي حصل وهدفعك التمن غالي اوي
تفتح يارا الباب وتدخل
يارا:بابي ..
وتصمت عندما تجد فارس
يارا:اسفة معرفش ان عندك ضيوف
فارس:مبروك يا يارا
يارا بإستغراب:الله يبارك فيك
فارس:عقبال الفرح بس متنسوش تعزمونا بقى
يارا ومازالت لا تفهم شيء:هو مين حضرتك ؟
ياسر:يارا ادخلي دلوقتي على اوضتك
دخلت يارا
ياسر لفارس:وانت امشي بقى
فارس:انا ماشي بس خليك فاكر هدفعك التمن ده كويس اوي
وغادر فارس
فرن هاتفه الخليوي
فارس:الو
شادي:ازيك يا فارس؟
فارس بضيق:ايه يا شادي عاوز ايه؟
شادي:عملت ايه في كلامنا امبارح
فارس:هما اليومين عدوا وانا مش واخد بالي؟
شادي:لا معدوش بس انا لقيت ان الموضوع مش محتاج يومين
فارس:بجد يا شادي مش ناقصك فيا اللي مكفيني وبجد مش قادر
شادي:انت اللي عملت في نفسك كده
فارس:طب تمام اقفل بقى
شادي:بلغ البوليس واسمع نصيحتي
فارس:مش مبلغ البوليس
شادي:يبقى هبلغه انا
فارس:بلغه بس اعمل حسابك لو انت بلغت البوليس انا هتقتل تمام؟
شادي:يبقى اطلع على الأقل برا اللعبة دي ومتورطش نفسك اكتر من كده
فارس:انت مش فاهم حاجة يبقى متتكلمش
شادي:انا فاهم كل حاجة
فارس:لاء مش فاهم حاجة
شادي:فارس انا خايف عليك بجد
فارس:شادي متتكلمش تاني وانا مش هرد عليك ماشي
واغلق فارس الخط
وشادي مصدوم
_____________________________________
في أمريكا في المشفى
تامر:ها يا دارين كنتي عوزاني في ايه؟
دارين:انت عارف ان شريف هنا؟
تامر:هنا في أمريكا؟؟
دارين:امال هنا في المستشفى
تامر:لاء معرفش
دارين:طيب شوف انا شايفة ان الوضع كده كويس جدا
تامر:من ناحية ايه؟
دارين:من ناحية انه يشوف ابنه
تامر:ازاي؟
دارين:انا هديك رائد وانت هتوديه لشريف يشوفه وتجبهولي تاني
تامر:كده شريف هيعرف انك هنا
دارين:مش مشكلة يعرف بس المهم ميعرفش انا فين بالظبط
تامر:ولو سألني عليكي ؟
دارين:مش من حقه يسأل ومش هيسأل
تامر:افرضي
دارين:قصتنا انتهت يا تامر مش هيسأل
تامر:ماشي يا دارين
دارين:يلا مش عاوز تروح الفندق ترتاح؟
تامر:اه يلا بينا انا فعلا عاوز ارتاح
دارين:يلا
ونهضا سويا وذهبا
___________________________________
ومرت الأيام
علم شريف أن دارين بأمريكا لكنه لم يسأل عنها وأخيرا استفاق من تلك الصدمة وأصبح رائد في تنقل بين شريف ودارين بواسطة تامر
ومازن بدأ جلسات العلاج والمتابعة مع الأخصائيين ويحاول ان يتغلب على الآثار الجانبية للعلاج
وعائشة تخدع شادي وهو يظنها زوجة مثالية
وفارس يتجنب شادي والجميع
_____________________________________
وليد:معلش يا يارا مشغول مش هقدر اجي
يارا:انا زهقت هو كل حاجة مش جاي مش جاي
وليد:حفلة تخرجي بكرا
يارا:ومشغول بإيه بقى ان شاء الله
وليد:بظبط نفسي
يارا:الحفلة فين؟
وليد:ملوش لزوم تيجي
يارا:حقيقي؟..متشكرة اوي
وليد:يارا افهمي انا هكون مع اصحابي في الحفلة مش هبقى فاضيلك
يارا:لا تمام الرسالة وصلت سلام
وأغلقت الخط
وليد:انا تعبت
__________________________________
في فيلا كمال
صفاء:بجد يا دارين؟
دارين:ايوه يا ماما بجد مازن اتحسن كتير
صفاء:الحمد لله ...انتو هتنزلوا مصر امتى وحشتوني ؟
دارين:انا شخصيا في القاهرة دلوقتي
صفاء:انا عارفة انك في القاهرة من الرقم بس انتي جاية لوحدك مش كده
دارين: لاء رائد معايا
صفاء:مازن مش هييجي طيب
دارين:ده اكتر واحد مينفعش ييجي
صفاء:ليه مش قولتي اتحسن ؟
دارين:اتحسن يا ماما بس ممنوع عنه السفر
صفاء:طب اجي انا وكمال بقى
دارين:اصبري يا ماما
صفاء:طب انتي ليه جيتي ؟
دارين:بابا عاوز يشوف رائد ويقعد معاه
صفاء:تصدقي انا كمان وحشني اوي
دارين:اجبهولك بس بعد ما بابا يشوفه
صفاء:واشمعنى بقى باباكي اول
دارين:علشان كنت مقصرة معاه الفترة اللي فاتت وكمان هو اللي طلب الأول وانتي مازن واخد عقلك
صفاء:طبعا مش ابني
دارين:المفروض رائد اعز منه على فكرة ده اعز من الولد ولد الولد
صفاء:والله ابنك غالي عندي فعلا بس علشان مازن عيان وانا قلقانة عليه بس مش اكتر
دارين:يا ماما بهزر معاكي انا فاهمة طبعا
صفاء:هو مازن مش هيتصل بقى وحشني اوي
دارين:اقفلي اقفلي هبعتلك صورة لسه واخدنها قبل ما اجي
صفاء بفرحة:طيب
وأغلقت صفاء الخط وأرسلت دارين الصورة
كانت الصورة تجمعهم ثلاثتهم مازن جالس هو ودارين على الأريكة وتامر من الخلف يحتضنهم ودارين ممسكة بالجوال تصور
ابتسمت صفاء بفرحة عند رؤيتها لأبنائها معا ويضحكون وأرسلت الصورة لكمال
____________________________________
أمام منزل هناء
وقفت عائشة مرتبكة لبعض الوقت لا تملك مفتاحاً لتدخل
انتبهت لخروج رامي من الشقة
عائشة:رامي
رامي:عائشة؟!
عائشة:انت بتعمل ايه هنا؟
رامي:بمر على الشقة من وقت للتاني وباخد بالي منها
عائشة:انا كان ليا...
قاطعها:ورث...عارف
عائشة:هو خالي هنا؟
رامي:لاء مسافر المنصورة
عائشة:هييجي امتى؟
رامي:مقالش وانا مسألتش
عائشة:طب ممكن لما ييجي تبلغني
رامي:اكيد
عائشة:طيب استأذن
رامي:استني
عائشة:ايه؟
رامي:هو انتي جيتي ازاي؟
عائشة:تقدر تقول الحظ ضحكلي
رامي:مش فاهم
عائشة:اتجوزت وانا هنا مع جوزي
رامي:كده من غير ما نعرف
عائشة:كل حاجة حصلت بسرعة
رامي:مبروك
عائشة:الله يبارك فيك
رامي:لازم تعرفيني عليه
عائشة:اكيد في اقرب فرصة ان شاء الله
رامي:طب عن اذنك
عائشة:اتفضل
____________________________________
في فيلا إبراهيم بغرفة فارس رن هاتفه الخليوي
فارس:الو
إيهاب:ايوه
فارس:انا اتصرفت وعديت البضاعة ذي ما اتفقنا
إيهاب:تمام التسليم امتى؟
فارس:تعالولي الشركة
إيهاب:احنا في طريقنا سلام
فارس:بس انا ليا نصيب
إيهاب:اتفقنا
فارس:في انتظاركم
إيهاب:سلام
فارس: سلام
واغلق فارس الخط وهو يشعر بالضيق من ذلك الاتصال ولم يعد يجد شخصا يبوح له بكل ما يشعر به فقد اصبح يتجنب الحديث مع الجميع خاصة شادي
_____________________________________
في المكتب
إيهاب:اهو فارس وصل اهو
فارس:وصلت البضاعة ؟
إيهاب:وصلت
فارس:فين الراجل بتاعك
عادل:زمانه جاي خلينا نتفق انت عاوز قد ايه من البضاعة ؟
فارس:اما ييجي الراجل بتاعك اقولك
وصل شهاب ومعه حراسة
عادل:اهو جه
شهاب:انت فارس صح ؟
فارس:حكولك عني ؟
شهاب:طبعا
فارس:طب كويس اختصرت وقت التعارف
شهاب:اللي ذيي معندهمش وقت يتعرفوا على حد
فارس:صح دايما مشغولين اللي ذيك حتى لوحاجة تافهة في النهاية اسمك مشغول
شهاب:بلاش غلط
عادل بعصبية:إتكلم كويس
فارس:لاء صوتك ميعلاش عليا انت فاهم
شهاب:خلص يا فارس قول عاوز قد ايه من البضاعة
فارس:نصيبي وصلني خلاص
شهاب:ازاي يعني
فارس:يعني انت عبيط لما فكرت ان واحد ذيي يشترك مع ناس ذيكم في تجارة ذي دي
شهاب بقلق:قصدك ايه ؟
فارس يبتسم بإنتصار:يعني اللعبة بتاعتنا خلصت لحد هنا وانا اللي كسبت
تدخل الشرطة
الضابط:ولا حركة كله يثبت مكانه
وفجأة يبدأ ضرب النار
____________________________________
في منزل شادي
جلس شادي بجانبها وأخرج تذكرتان
عائشة:ايه ده؟
شادي:فكرت انك ممكن تكوني عاوزة تروحي تتفسحي يعني انتي عروسة جديدة وكده اخدت اجازة وبقول نروح يومين نتفسح في شرم
عائشة:لا يا شادي مش هينفع
شادي:ليه؟
عائشة:انا مليش في الكلام ده خالص
شادي:في حد مبيحبش الفسح برضو؟
عائشة:مش فكرة حب بس انا مش عاوزة
شادي:ده انا حجزت خلاص
عائشة:خلاص ممكن تروح انت وملك لكن انا اعفيني
شادي:انتي متضايقة من حاجة
عائشة:لا خالص بس ذي مليش مزاج
شادي:طب ممكن اكلمك في موضوع
عائشة في نفسها"استر يا رب"
عائشة:اكيد طبعاً اتفضل
شادي:بعد جوازي منك واللي كان بسرعة ده وماما معرفتش بيه حصل خلاف بيني وبين ماما
عائشة:ما هي لما جتلي كان ده واضح
شادي:انا عاوز اصلح الخلاف ده يا عائشة بعد اذنك
عائشة:ايه يعني اروح ابوس رأسها وانا مش غلطانة في حقها ولا اعمل ايه؟
شادي:نعم؟
عائشة:مش قصدي يا شادي بس بجد عاوزني اعمل ايه يعني؟
شادي:مش عاوز حاجة انا بس عاوز اعزمها هنا ونحل الوضع ده
عائشة:ومالوا اعزمها ما هو بيتك برضو
شادي:مش فكرة بيتي خالص انا عاوزك موافقة علشان انا قصدي من العزومة دي احل الخلاف مش اكتر
عائشة:موافقة يا شادي بس بصراحة معنديش فكرة اعملها ايه
شادي:متعمليش انا هتصرف وهتكلم وهعمل كل حاجة
عائشة:تمام متفقين
شادي:متشكر اوي يا عائشة بجد مش عارف اقولك ايه
ابتسمت عائشة وفي نفسها"احنا بدأنا شغل حموات ربنا يصبرني"
رن هاتف شادي الخليوي
شادي:الو
إبراهيم:الحقني يا ابني
شادي بقلق:في ايه؟
____________________________________
وصلت دارين الى القاهرة دون علم أحد وذهبت الى فيلا والدها
فؤاد:دارين!
دارين:اسفة يا بابا صحيتك؟
فؤاد:لا انا صاحي...حمدا لله على السلامة
دارين:الله يسلمك
فؤاد:مقولتليش ليه انك جاية كنت جيت استقبلتك في المطار
دارين:ملوش لزوم انا اخدت تاكسي وجيت
نظر الى رائد بحب فلاحظت ذلك فمدت ذراعيها برائد مشجعةً اياه على حمله فحمله
دارين:هتخدمني جامد لو اخدت بالك منه لحد ما ارتاح انا شوية واغير هدومي
ابتسم فؤاد له:ده في عنيا
ودخلت دارين الى غرفتها وهي تعرف انها اوقعت نفسها مجدداً في مأزق مع شريف الذي سيجن جنونه من سفرها لكنها لم تعد تبالي كثيراً قد آلفت طريقة التعامل معه
بدلت ثيابها وبدأت تفتح مواقع التواصل الاجتماعي فوجدت ان نور حاولت الوصول اليها فأرسلت لها رسالة انها في القاهرة لتتصل نور بعد تلك الرسالة
دارين:الو
نور بتعب:ازيك يا دارين؟
دارين:انا قولت هلاقيكي نايمة
نور:لا صاحية وجداً كمان
دارين:ايه اللي مسهرك يا جميل
نور:انا ضايعة يا دارين مش عارفة اعمل ايه؟
دارين بقلق:مالك؟
_________________________________
جلس وليد على الواتس آب يتحدث مع اصدقاءه عن التخرج ويعدون ملابسهم ويتحدثون عنها
مهاب(وأخيرا هنتخرج من ام المدرسة دي )
سالم(انا مش مصدق والله دي لحظة تاريخية)
كارم(على فكرة هتوحشنا الايام دي جداً)
فادي(احنا لازم نوثق اللحظة دي)
وليد(هو عقد بيع يا ظريف انت وهو)
مهاب(هههههههه من الصدمة)
وليد(هي فعلاً صدمة بقالنا 12 سنة في صدمة )
سالم(مبروك لينا يا بهوات)
ظلوا بتبادلون الاحاديث والصور
___________________________________
في المشفى
وصل شادي
شادي لإبراهيم:خير يا عمي
إبراهيم ومازال مصدوما:ادعيله يا شادي ادعيله
رن هاتف فارس الخليوي الذي كان بجوار إبراهيم التقطه شادي وعندما وجد وليد يتصل شعر بالقلق وأجاب
وليد:فارس انا متصل اقولك ان حفلة تخرجي بكرا يعني انا بكرا ممكن ابدأ اباشر الورث بنفسي لحد السن القانوني
شادي بإنفعال:ورث ايه اللي بتتكلم عنه فارس في العمليات بين الحياة والموت وانت بتقولي ورث يا أخي يتحرق الورث مجاش من وراه غير المستشفيات والتعب
وليد بصدمة:مستشفى ايه؟
شادي بهدوء:فارق معاك اوي ولا علشان الورث؟
وليد بعصبية:مستشفى ايه خلصني
أخبره شادي بعنوان المشفى
إبراهيم:يا رب قومه بالسلامة انا مليش غيره
شادي:متقلقش ياعمي ان شاء الله هيبقى كويس
إبراهيم:يا رب
وصل وليد : فين فارس؟
شادي:في العمليات ادعيله
وليد:ايه اللي حصله
شادي:اخد طلقة في بطنه ولحد دلوقتي انا مش فاهم حاجة
خرج الطبيب
ذهب إبراهيم و وليد وشادي اليه
إبراهيم:خير يا دكتور؟
الدكتور:الحمد لله الوضع مستقر دلوقتي بس هو محتاج انه يبات الليلة في العناية علشان نتأكد انه تجاوز الخطر
إبراهيم:طب ممكن اشوفه؟
الدكتور:مش هينفع تقدروا تيجوا بكرا وجودكم مفيش منه اي داعي لانكم مش هتقدروا تشوفوه دلوقتي
وذهب الطبيب
شادي لإبراهيم:يلا يا عمي خلينا نروح نرتاح وجودنا ملوش معنى
هز إبراهيم رأسه إيجابا
شادي:تحب نوصلك
إبراهيم:انا جاي بالسواق متشكر يا ابني
وذهب إبراهيم في صدمة
___________________________________
في منزل شادي
عائشة:انت كويس يا شادي ؟
شادي:مش عارف انا قلقان اوي على فارس
عائشة:فارس مين؟
شادي: صاحبي يا عائشة
ثم أردف:عارفة حاسس في نفسي اوي اننا كنا متخانقين الفترة اللي فاتت دي كلها
عائشة:هو المكالمة دي كان فيها خبر وحش عنه
شادي:اخد طلقة في بطنه
شهقت عائشة عفوياً:وعامل ايه دلوقتي؟
شادي:في العناية
عائشة:طب لو عاوز تقعد جنبه مفيش مشكلة انا هاخد بالي من ملك
شادي يبتسم:لا مفيش داعي مش هستفيد حاجة من قعادي هروحله بكرا يكون خرج ويسمحولي اشوفه
___________________________________
في فيلا فؤاد الحكيم صعدت دارين الى غرفتها ونظرت الى صغيرها فوجدته نائما فجلست على السرير
فدخل والدها بعد ان طرق الباب
فؤاد:انتي كنتي فين يا دارين؟
دارين:هششش رائد نايم خلينا نتكلم برا
وغادرا الغرفة وجلسا على كرسيان قريبان
فؤاد:اتأخرتي يعني؟
دارين:معلش كنت مع واحدة صاحبتي تعبانة
فؤاد:ربنا معاها
دارين:مالك بتقولها من غير نفس
فؤاد:لا وعلى ايه انا خلاص مبقتش استغرب تصرفاتكم انتي واخوكي
دارين:ليه يعني؟
فؤاد:علشان عرفت خلاص انكم اتغيرتوا
دارين:انت زعلان مننا؟
فؤاد:ان جيتي للحق انا يمكن زعلان شوية علشان انتو غبتوا عني كتير وانا متعود ان انتو علطول معايا
دارين تمسك كفه بإبتسامة:وهنفضل دايما معاك ... هي كل الحكاية اننا قصرنا مع ماما شوية فحبينا نعوضها
فؤاد:وسفرية أمريكا مش هتخلص بقى
دارين:هي للأسف مش هتخلص حاليا بس انا قاعدة شوية في القاهرة وهقسم الوقت بينك وبين ماما علشان لا أظلمك ولا أظلمها
فؤاد:خلاص يا دارين قومي نامي وارتاحي
دارين:طب انا هروح بكرا لماما علشان عاوزة تشوف رائد
فؤاد:وانا لحقت اشوفه
دارين:ما انا هرجعه تاني مش هخده للأبد يعني
فؤاد:ماشي يا دارين ويا ترى ناوية تيجي الشركة شوية ولا لاء
دارين:هاجي طبعا يا بابا هاجي
فؤاد:انا مبقتش قادر على الشغل ده وتامر خلاص مبقاش ييجي من ساعة ما سافر حتى مبقاش بيتصل
دارين:معلش يا بابا هو مشغول شوية
فؤاد:هو انا لازم اطلب منكم انكم تكلموني
دارين:لاء طبعا يا بابا بس هو انشغال مش اكتر
فؤاد:افضوا شوية علشاني
دارين بإبتسامة:حاضر
فؤاد:يلا تصبحي على خير
دارين:وانت من اهله
ونهضت دارين ودخلت الى غرفتها لتنام
____________________________________
في المشفى
وليد:ارجوكي انا عاوز اشوفه ولازم اشوفه
الممرضة:يا فندم هو تعبان دلوقتي
وليد:انا مش هتعبه انا بس عاوز اشوفه
الممرضة بنفاذ صبر:وبعدين بقى
وليد:ارجوكي
الممرضة:هما 5 دقايق بس
وليد:موافق
الممرضة:طب اتفضل معايا
ودخل الى فارس وجلس الى جواره وحاول كثيرا ان يتحدث اليه لكنه لم يستطع
فتح فارس عينيه بتعب:وليد
وليد:حمدا لله على السلامة
فارس:الله يسلمك
وليد:انت كويس
فارس بإبتسامة:انت شايف ايه؟
وليد:ربنا يقومك بالسلامة
فارس:عاوز اقولك حاجات كتير اوي
وليد:أجل أي حاجة لحد ما تقوم بالسلامة
فارس:مش هينفع لازم أحكيلك
وليد:تحكي ايه بس خليك مرتاح
فارس يمسك بكف وليد:اسمعني ومتقاطعنيش
انتبه وليد له وبدأ فارس يحكي كل شيء بإختصار قدر المستطاع و وليد مصدوم خاصة بعد ان اخبره بحادث الفيلا
فارس:انا عملت كل ده علشانك مش ذي ما انت فاهم
وليد يبتسم بحزن:فاهم يا فارس فاهم وحقك عليا مكنتش فاهم قبل كده
فارس:على كل حال المشاكل كلها خلصت دلوقتي وهما اتقبض عليهم خلاص وخلصنا
وليد:الحمد لله
فارس:بالله عليك يا وليد بلاش موضوع الخطوبة ده وانا هفضل جنبك ومش هسيبك
وليد:متفكرش في حاجة دلوقتي شد حيلك بس وقوم بالسلامة
ثم أردف:واللي انت عملته زمان انا هعمله دلوقتي
فارس:قصدك ايه؟
تابع من هنا: جميع فصول رواية أبو البنات بقلم رهف سيد
أو أرسل لنا رسالة مباشرة عبر الماسنجر باسم القصة التي تريدها
إرسال تعليق
يسعدنا تلقي اقتراحاتك أو تعليقك هنا