قصص رومانسية جريئة ممنوع دخول الأطفال

 مرحباً بكم أصدقائي وأحبابي في موقعنا قصص 26 مع الفصل الثالث من رواية عشق قاسم للكاتبة سوما العربى ، 

رواية عشق قاسم واحدة من الروايات الرومانسية التي تمتلئ بالكثير من الأحداث المثيرة المغلفة بالحب والعشق ، لذا تابعونا لتطلعوا على جميع أجزاء رواية عشق قاسم.

رواية عشق قاسم بقلم سوما العربى - الفصل الثالث

إقرأ أيضا: حدوتة رومانسية 

رواية عشق قاسم بقلم سوما العربى - الفصل الثالث

فى المساء في منزل مها

كانت مها تشاهد التلفاز عندما فتحت جودى الباب بمفتاحها ودخلت استلقت على الاريكه بجانب مها. نظرت مها إليها وجدتها مرهقه جدا.

مها:اتاخرتى ليه.

جودى:المستر اتأخر شويه.انتى رجعتى امتى.

مها :من ساعتين كده.

جودى:تماااام هدخل انام. هموت وانام.

مها :جودى باباكى اتصل بيا النهاردة. نطرت لها جودى بالم فاكملت مهابيقول انه كلمك وماردتيش عليه. سكتت جودى ولم تتحدث.

مها :انا عارفه انه غلط في حقك لما كان عايز يدخلك مدرسه داخلى. بس شكله حس بغلطه وعايزك تسامحيه. ردت جودى بدموع والم:اسامحه. اسامحه على ايه ولا ايه على انه غدر بامى واتجوز عليها وهو اصلا كل فلوسه دى من ورثها اسامحه انه ماسالش عنها وهى بتموت ورمانى ورماها عشان الهانم الى خان امى معاها ولا اسامحه انها خلته مايدفعليش مصاريف المدرسه لولا أن امى كان قلبها حاسس ودفعتلى مصاريف كل السنين اللي فاضله تحت الحساب. ده حتى فلوس الدروس لولا الذهب والجوهرات بتاعت ماما الى ياعتهم وحطتهم بأسمى في البنك عشان تكفى مصاريفى. اسامحه على ايه ولا ايه يا مها قالت اخر كلماتها وهي تبكى بحرارة. اشفقت مها على هذه الطفله وماعانته وهى فى سن صغير

مها :خلاص ياحبيبتى انا اسفه انى فكرتك. يالا يالا قومى خدى دش صاقع كده يفوقك على ماجهز الاكل ده عملالك البطاطس الى بتحبيها.

جودى وهى تمسح جموعها بكف يدها ببراءه:وكاتشب. ابتسمت مها:ههههه وكاتشب كتيير اوى.

ابتسمت جودى من بين دموعها ونهضت لتغيير ثيابها وذهبت مها لتحضير العشاء.

*************************

فى الصباح كان قاسم يدلف الى داخل الشركه في غرور وشموخ صعد الدور الاخير. دخل مكتبه دخلت خلفه(منى) السكرتيره:عندك اجتماع كمان نص ساعه ياقاسم بيه. اومأ لها قاسم ثم أشار لها بيده بالانصراف خرجت منى وهى تزفر بحنق. أما قاسم فكان شارد فيمن شغلت تفكيره طوال الليل فهو لم يستطع النوم صورتها وهى مذعوره ثم تحول الذعر الى غضب شديد لم تغب عن عينيه شعرها البنى المموج وملامح وجهها البريئه. انتفض واقفا من مكانه وخرج من مكتبه فجاءه بطريقه ارعبت منى. ذهب سريعا باتجاه مكتب عادل دخل الى مكتب مها التى تفاجئت من مجيئه بهذا الوقت وبهذه الطريقه هبت واقفه ونظرت له باستغراب. أما قاسم فكان يتفحص كل زاويه فى مكتب مها بحثا عنها ولكنه لم يجدها ولم يستطيع السؤال عنها فزفر بضيق ودخل الى مكتب عادل دون إلقاء اى كلمه فى وجه هذه الواقفه فقالت مها باستغراب:راجل غريب الأطوار هههههههه فعلا الراجل الضخم زى ماجودى مسمياه.

فى الداخل تفاجئ عادل كثيرا من وجود قاسم فى مكتبه فهو ان اراد شيئا يستدعيه لعنده وايضا من طريقه دخوله. جلس قاسم بدون حديث فقال عادل :خير. غريبة يعنى

قاسم:ا.. ااه. ااعندنا اجتماع دلوقتي.

عادل باستغراب :طيب تمام مانا عارف.

قاسم محاولا السؤال عن جودى بطريق غير مباشر :طب يالا جهز نفسك. و..اا.. هى السكرتيره بتاعتك مش هتجهز للاجتماع ولا ايه؟ ولا مستنيه قريتها.

عادل:لا مش بتيجى دلوقتي.

قاسم :احمم. امال بتيجى امتى. لاحظ الاستغراب على وجه عادل فقال :انت عارف انا مش عايز غلطه.

عادل:يابنى دى بتيجى بعد المدرسه وهما ثلاث ساعات الى بتقعدهم.

قاسم وقد عرف ما أراده :تمام يلا بينا.

خرج قاسم وبعده عادل الذى امر مها بمرافقته في الاجتماع. دخلوا قاعة الاجتماعات وجدوا الجميع بانتظاره وهم دنيا السواح ومساعدها الشخصى ومحامى مجموعة السواح جروب. جلست مها بجانب عادل على طاولة الاجتماعات التي كان يترأسها قاسم بكل ثقه وشموخ لا يليق الا به. ثوانى وبدء الاجتماع وقاسم عينه على مها لمعرفة موعد وصول جودى. بعد ساعات طويلة من الاجتماع جاءت الساعه الثالثة عصراً وهو موعد وصول جودى لكن لم ينتهى الاجتماع بعد وكانت مها قلقه كثيرا على جودى رن هاتفها فانتبه له الجميع ففصلت الاتصال وقامت ببعث رساله عبر الوتساب لجودى تخبرها انها فى الاجتماع وان تدخل هى وستلحقها فيما بعد كل ذلك تحت ملاحظة قاسم قد أيقن ان الاتصال كان من جودى فانهى الاجتماع سريعا. وقد اراح هذا مها كثيرا. كان قاسم يقوم بجمع اشياءه وهم بالخروج فى نفس اللحظه التى انفتح بها باب المصعد وخرجت منه جودى. تهللت اسارير قاسم وتاه بشعرها المموج وابتسامتها العذبه التى تهديها للجميع وفى نفس اللحظه التصقت دنيا بذراع قاسم وذهبت مها واحتضنت جودى بحب وسالتها عن حالها

مها:خوفت تنسى العنوان تانى.

جودى:هههههههه لا عمو محمد مركز اكتر منى. فضحك الاثنين معا تحت انظار قاسم الهائمه بوجه جودى انتبهت دنيا لجودى فقالت بسخرية وهي ملتصقه يقاسم:ايه ده يا بيبى انت فتحتها حضانه ولا ايه. نظر لها قاسم بغضب وكان سيهم بالرد لكن انسحبت جودى بعدما نظرت له ولها بغضب ولم تشاء الرد عليه او عليها تنجنبا لاثارة المشاكل لمها فى مكان عملها. انزعج كثيرا قاسم من تصرف دنيا ولم تخفى عليه نظرة الغضب الموجهه اليه من جودى. ولكن فى غمضة عين اختفت جودى من أمامه. ظفر بغضب وذهب باتجاه مكتبه ولحقته دنيا كظله.

فى مكتب مها دخلت جودى بغضب وتبعتها مها

جودى :مين الست البارده دى. انا تقولى حضانه.

مها:دى تعتبر خطيبه قاسم بيه صاحب الشركه وقريب اووى هتبقى مراته.

جودى :حتى لو بقت كده ده مايديهاش الحق انها تستهزء بخلق الله. انا مارضيتش ارد عشان ماعملكيش مشكله.

فى نفس الوقت فى مكتب قاسم دخلت دنيا عقب قاسم مباشرة واغلقت الباب واقتربت منه بمياعه :بيبى وحشتنى اووى. هدر قاسم بغضب وهو يبعدها عنه:انتى ايه اللي هببتيه برا ده. عقدت دنيا حاجبيها باستغراب وقالت:ايه قولت ايه.

قاسم بغضب :اطلعى برا.

دنيا:قاسم انت بتقول ايه. كل ده عشان البتاعه دى. عند هذه النقطه وانتفض قاسم وقال :اشترى نفسك يادنيا واطلعى برا دلوقتي. ارتعبت دنيا من نبرة حديثه وخرجت مصرعه. اما قاسم فخرج مسرعا ذاهبا الى مكتب مها.

فى مكتب مها كان النقاش مازال مستمر بين مها وجودي.

جودى:بس انا خلاص مش هاجى هنا تانى.

مها:لا طبعا انا مش هسيبك في العماره لوحدك استهدى بالله ياجودى. كان قاسم يدخل في هذه اللحظه. وسمع جودى

جودى:لا يامها انا مش هستحمل الناس دى انا هبقى اخلص مدرستى واستناكى فى شقتنة وهقفل على نفسى كويس ماتخا....... قطع حديثها دخول قاسم بحدة وقد فقد اى ذرة تعقل وقال بغضب:ايه اللي بيحصل.

مها:مافيش حضرتك حاجه.

قاسم وهو موجه مظره لجودى الغاضبة والتى تنظر فى الاتجاه الاخر وهي عاقده ذراعيها على صدرها:امال ايه الى سمعته ده.

مها:خلاص يافندم مشكله واتحلت خلاص.

قاسم:مشكلة ايه. كان يتحدث وهو يسلط نظره على جودى التى لم تعيره اى انتباه وكم زاد هذا من غضبه. فقام بشئ جعل اعين مها وفمها يتسعون بذعر حيث قام فجأه بسحب يد جودى وخرج بها خلفه وخرج بها ذاهبا الى مكتبه صدمت جودى لذلك كثيرا. خرجت ورائه مها فى محاولة الحديث معه وذهبت خلفه وسط نظرات الموظفين المنصدمه. دخل بها الى مكتبه ولم يبالى بحديث مها المترجى اما جودى فكانت الصدمه اكبر من ان تستوعبها دخل من باب مكتبه فنطرت له منى السكرتيره بصدمه نظرت ليد قاسم القابضة على يد جودى المصدومه خلفه. قال قاسم لمنى دون النظر اليها:مافيش مخلوق يدخل المكتب ورايا. لم يترك لها فرصه لرد واغلق الباب فى وجه مها التى كانت تلاحقه.

دخل بها المكتب بعنف ثم اغلق الباب ووقف امامها كانت نظراتها له خليط من الرعب والصدمه والغضب. كانت مرتعبه من هيئته الغاضبة وكأن جسده الضخم الطويل كان بحاجة إلى بعض الغضب كى يوقف قلبها من الرعب.

جودى بحديث مرتعب:ايه فى ايه.

اقترب منها قاسم اكثر بغضب. فارتعدت جودى أكثر فلم تنتبه لحديثها وهى تقول:لا لا ماتاكلنيش انا لسه صغيرة. انفجر قاسم في الضحك بهيستريا الهذه الدرجه تراه مخيف ومن اكلى لحوم البشر. نظرت جودى إليه بغضب ثم قالت وهى مازالت على رعبها:انت جايبنى هنا ليه.

قاسم وهو يحاول السيطره على نفسه :ممكن افهم بقا مالك.

جودى باستغراب:مالى

قاسم :متضايقه ليه ومش عايزه تيجى هنا تانى ليه.

جودى وهى تعقد ذراعيها امام صدرها:انا حره.

قاسم:اتكلمى زى مابكلمك.

جودى بشجاعة مزيفه:امال انا دلوقتى يصقف مانا بتكلم.وبعدين اوعى تكون فاكر انك هتخوفنى بعضلاتك دى. كبت ضحكته وهو ينظر اليها بصدمه فى حين اكملت هى :مش بالعضلات على فكره.

هنا انفجر قاسم في الضحك حتى ادمعت عيناه. ياللهى فى حياته لم يضحك بهذه الطريقة. أعاد النظر اليها وهو يتحاول كبت ضحكاته ثم قال ضاحكا :امال بأية.

قالت بشجاعه مصتنعه :بالقلب. وهى تشيى على قلبها. انفجر فى الضحك ثانيه. كم تسعده هذه الصغيره.

تحكم فى نفسه اخيرا ونظر إليها ثانية وجدها غاضبة بشده فاجلسها على الاريكه الجلديه وجلس بجانبها قائلا:ممكن اعرف انتى ليه واخده موقف منى. نظرت اليه باستغراب ثم قالت :مش واخده منك موقف ولا حاجة.

قاسم:لا بتكلمى الناس كلها الا انا. وبعدين ايه اللي انا سمعته ده مش عايزه تيجى هنا تانى.

جودى :كده احسن.

قاسم بغضب:لا مش احسن.

جودى باستغراب:انا عارفه انك كنت ممانع وجودى هنا واصلا هى مها إلى خايفه عليا زياده من الجيران الجداد... قطع قاسم حديثها قائلا :مين قالك انى ممانع وجودك هنا

جودى :مها قالتلى ان مستر عادل مديرها هو الى قالها كده. لعن فى سره عادل ومها فى آن واحد.

اكملت جودى :انا بعد المدرسة هرجع البيت واقفل على نفسى كويس.

قاسم بابتسامه :لا مافيش الكلام ده انتى هتخلصى مدرسه وتيجى على هنا.

جودى:لا خلاص انا اصلا بحاول اظبط مواعيد دروسى ومش هضطر اجى هنا.

قاسم:برضه هتيجى.

جودى:لا..... قطع حديثها قائلا:مافيش لا انا هطلبلك حاجة تشربيها وقف من مكانه وطلب من منى عصير فرش لها

قالت غاضبة :انا عايزه نسكافيه.

قاسم:تؤتؤ العصير هيهديكى اكتر.

جودى بابتسامه وصوت خافت:شكراً

قاسم مقتريا منها :العفو.

فى الخارج كانت مها تزرع الغرفه ذهاباً وإيابا. قلقا على جودى. اما منى فكانت مستغربه كثيرا مايحدث وزاد استغرابهم حينما طلب قاسم عصير فريش لجودى.

عند قاسم كان يجلس يراقب تفاصيل جودى عن قرب كم كانت جميله ورقيقه. عيونها بنيه واسعه برموش طويله. انف صغير وشفاه ورديه شعرها بنى مموج تمويجه بديعة يتخطى نصف ظهرها. عنقها ابيض طويل جسدها ملفوف بإيداع وانوثه. احتست جودى القليل من العصير ووضعته أمامها ووقفت ناهضه فقطعت على قاسم وصلة تامله بها فقال بانزعاج:ايه قومتى ليه

جودى:لأ انا اخدت من وقتك كتير كفايه كده وشكرا على العصير.

قاسم:لأ انتى هتقعدى تكملى العصير بعدين هنتغدى مع بعض. اندهشت جودى كثيرا ولكن رفضت رفضا قاطعا.

عذر قاسم ارتباكها منه وقال بابتسامة ذات مغذى :خلاص هسيبك النهاردة لكن بعد كدا مش هسيبك ابدا.

استأذنت جودى منه وخرجت سريعا. اما قاسم فتتبع خروجها السريع المرتبك وابتسم على برائتها وخوفها منه.

خرجت جودى تجرى بسرعه كالطفله التى كانت أمام ناظر المدرسه. نظرت اليها منى ياستغراب ثم دخلت على قاسم الذى ارجع ظهره للخلف مبتسما. اقتربت منه وهى مستغربه حاله دنت منه اكثر فشعر بها تضع يدها على كتفه وتقول:هى البنت دى عملت حاجة ياقاسم بيه. اختفت الابتسامة من على وجهه وحل محلها الجمود.

قاسم:انتى ازاى تدخلى من غير ماتخبطى.

منى يارتباك من تغير مزاجه:الباب كان مفتوح البنت اللي خرجت دى سابته مفتوح. قاطعها بصرامه قائلاً :اسمها جودى. واتفضلى على مكتبك.

منى :طيب اطلبك الغدا.

قاسم :لأ. اتفضلى برا. خرجت منى يارتباك فزفر قاسم يتستحقار ثم ابتسم تلقائيا وهو يتذكر جودى وهى تحتسى العصير يارتباك وتبلل شفتيها وتضغط على الكأس من كثرة الارتباك. فالتقط هاتفه ومفاتيحه وخرج متجها الى مكتب عادل

عند مها كانت جالسه على نار قلقا على جودى التى تأخرت كثيرا عند قاسم. بينما هى جالسه دخلت عليها جودى بوجه احمر فنهضت سريعا مها وامسكتها من يديها تتفحصها قائله :ايه عملك ايه.. ضايقك بحاجة.التقطت جودى انفاسها قائله :هحكيلك هحكيلك بس ثوانى اخد نفسى. فى نفس اللحظه دخل قاسم المكتب بحجه الذهاب لعادل فوقفت مها مرحبا به اما هو فكان ينظر ناحية جودى بابتسامة تراها مها لأول مرة من قاسم مهران. فقال ومازال نظره على جودى :فى حد مع عادل

مها وهي تنظر له باستغراب :لا اتفضل

دخل قاسم ونظرت مها لجودى التى بادلتها النظره باستغراب هى الأخرى. ثوانى وخرج عادل وقاسم.

عادل:ازيك ياجودى عامله ايه.

جودى:الحمد لله تمام.

عادل:مها انا هنزل اتغدى مع قاسم. اجلى اى حاجه لما ارجع تمام.

مها:تمام يافندم. كل هذا وقاسم ينظر بابتسامه الى جودى التى تتحاشى النظر في عينيه ومها التى زاد استغرابها من نظراته لجودى. بعدما خرج الاثنان اقتربت من جودى واجلستها امامها وقالت :احكيلى بسرعة ايه اللي حصل. سردت عليها جودى ماحدث بالتفصيل مع صدمة مها مما قالته.

مها :بقا قاسم مهران قعد واتكلم براحه وكمان بيتحايل عليكى عشان تيجى

جودى:اها

مها :لا وكمان عايز يتغذى معاكى ده عمره ماطلبها من حد.

جودى:اها.

مها بخوف :جودى مالكيش دعوه بيه يا حبيبتى انا خايفه عليكى الراجل ده مش كويس ومش زينا ده له عشيقات بعدد شعر راسه وبيلعب بالبنات لعب وانتى بنتوته صغيره لسه احنا مش اده.

جودى بخوف :حاضر.انا ماليش دعوه بيه تانى.

مها :طب يلى اطلبلك اكل عشان تلحقى دروسك.

جودى يتنهيده:اوكى.

طلبت مها الغداء وبعد فتره وصل الطعام تناولوه بهدوء ثم اتصل يامن بجودى يخبرها انه ينتظرها اسفل الشركه للذهاب للسنتر.

انتهى قاسم من طعامه هو وعادل وعاد سريعا الى الشركه عسى ان يلحق بجودى قبل ان تذهب. صعد الطابق الاخير وقال لعادل انه يريد مناقشه بعد امور العمل في مكتبه. استغرب عادل ذلك كثيرا ولكن انصاع لأمر قاسم دخلوا الاثنين الى المكتب بحث قاسم عنها بعينيه فلم يجدها. لاحظت مها تكرار مجيئه الى مكتب عادل صديقه بعدما كان يأتى بالصدفة وكل فترة. كذلك لاحظت انه يبحث عن شئ فقالت مها بحفوت:ربنا يستر من اللى جاى.....

*********************

إلي هنا ينتهى الفصل الثالث من رواية عشق قاسم بقلم سوما العربي
تابع من هنا : جميع فصول رواية عشق قاسم بقلم سوما العربي

تابع من هنا: جميع فصول رواية عاد ليعاقبني بقلم امونة 

تابع أيضاً: جميع فصول رواية حكاية روح للكاتبة شهوزان الشريف

تابعوا صفحتنا على الفيس بوك للمزيد من روايات حب

أو أرسل لنا رسالة مباشرة عبر الماسنجر باسم القصة التي تريدها

اقرأ أيضا: رواية من أجلك فقط بقلم لولو الصياد