قصص رومانسية جريئة ممنوع دخول الأطفال

 مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة المتميزة دودو محمد والتي سبق أن قدمنا لها العديد من القصص والروايات الجميلة علي موقعنا قصص 26 وموعدنا اليوم مع الفصل الأول من رواية وردة بلا حياة بقلم دودو محمد

رواية وردة بلا حياة بقلم دودو محمد - الفصل الأول

اقرأ أيضا: قصص رومانسية

رواية وردة بلا حياة بقلم دودو محمد - الفصل الأول

فى احد الاحياء الشعبيه بالاسكندريه توجد بنايه متهالكه من مرور الزمن عليها وفى احد الطوابق توجد شقه بها ثلاثة غرف وصاله صغيره وحمام ومطبخ والاساس بها متهالك من مرور الزمن عليه تتجه الام الى احد الغرف وتقول

فاطمه:- بت ياإيمان اصحى يلا علشان تنزلى تشترى الفطار قبل مااخوكى مازن مايصحه

إيمان:-………………

فاطمه:- يابت اصحى الطهر اذان واخوكى هيصحه وعايز يفطر

إيمان:- هف بقة حاضر صحيت خلاص هخش الحمام اغسل وشى والبس العبايه وانزل

فاطمه :- بسرعه بس

إيمان:- 😡😡😡

……………………………………………

إيمان غسلت وشها ولبست العبايه وطرحتها ونزلت السوبر ماركت

إيمان:- السلام عليكم

البائع:- وعليكم السلام 😍😍😍

إيمان :- فين عم إبراهيم؟

البائع :- عم إبراهيم اجارى السوبر ماركت علشان هو كبر وبقى مش قادر على وقفت المحل

إيمان :- اوكى طب لوسمحت عايزه (……………)

البائع :- من عنيه

احضر البائع الطالبات التى تريدها إيمان

البائع :- اتفضلى ياانسه

إيمان:- دفعت الحساب وقالت شكرآ ومشت

البائع :- العفو وبعد ماخرجت إيمان من المحل قال لنفسه ايه البنت دى حلوه اووووى ورقيقه كده ليه ياترى اسمك ايه ؟؟؟؟؟😘😘😘

…………………………………………………

دخلت إيمان البيت كان مازن اخواها صيحه من نومه

مازن :- كنتى فين كده؟

إيمان :- كنت بشترى الفطار من السوبر ماركت

مازن :- واتاخرتى كده ليه؟

إيمان :- انا متاخرتش نزلت جبت الفطار وجيت علطول

مازن :- مترديش عليه كلمه بكلمه علشان مامديش ايدى عليكى

إيمان :- حاضر

مازن :- وبعدين ايه العبايه الضيقه دى

إيمان :- عبايه ضيقه ازاى يعنى ماهى واسعه اهى ومش مبينه حاجه من جسمى

مازن :- انا قولت كلمه العبايه دى متتلبسش تانى وخشى حاضرى الفطار

إيمان قعدت تبرطم بكلام مش مفهوم و بصوت محدش يسمعه الا هى

فاطمه :- مالك ياإيمان قلبه وشك على الصبح ليه كده؟

إيمان :- من عمايل ابنك عايز يتحكم فيا وخلاص مايروح يشوف واحده يتجوزها ويتحكم فيها براحته بعيد عنى

فاطمه :- ياريت بس منين وهو ولا شغله ولا مشغله

إيمان :- طب وانا ذنبى ايه اتحمل التحكمات دى

فاطمه :- عمومآ انا هكلمه يخف عليكى شويه

إيمان :- هههههه وده من امته انتى كل ماتكلمى يشخط فيكى كالعاده بتسكوتى معرفش ليه

فاطمه :- مش هو مكان ابوكى بعد ماابوكى اتوفى الله يرحمه

إيمان :- ده على اساس ان هو اللى بيصرف علينا

فاطمه :- خلاص بقى بدل مايسمعك ويجى يد يكى قلمين على وشك على الصبح حضرى الفطار يلا

………………………………………………

وفى الصاله توضع الطبليه على الارض ويوضع عليها الطعام ويجلس على الارض الام ومازن ومروان وايمان

إيمان :- هو مصطفى برضه نزل الشغل من غير فطار

فاطمه :- اه ياحبة عينى اتصل بي صاحب الورشه وقاله فى شغل مستعجل وتعالى ضرورى

إيمان :- ربنا يقويه طالع لبابا الله يرحمه بيحب الشغل حتى بابا لما كان تعبان مرضاش يقعد فى البيت وبقى ينزل الشغل

كلهم قالو الله يرحمه

………………………….….…….……………

ثم انتهو من الفطار وجمعت إيمان الاطباق وقامت بغسلهم وبعد ماانهت ماوراها من اعمال منزليه دخلت اوضتها

فهى تعتبر مملكتها الخاصه جلست على السرير وامسكت بروايتها المفضله وسرحت مع عالمها الذى تتمناه ان يكون واقع فهى تريد ان تحب وتتحب وتعيش قصص الرويات وبعد وقت ليس بقليل هى تنسا نفسها فى القراءه دخلت عليها فاطمه

فاطمه :- إيمان بت ياإيمان إيمااااااااااان

إيمان :- ايه ياماما بتزعقى كده ليه

فاطمه :- انا بقالى ساعه بنادى عليكى

إيمان :- عايزه ايه

فاطمه :- قومى البسى علشان رايحين عند جدتك

إيمان :- روحى انتى مش عايزه اروح

فاطمه :- يابنتى متوجعيش قلبى معاكى جدتتك تعبانه ولازم نروح نشوفها

إيمان :- مبحبش اروح هناك

فاطمه :- معلش علشان خاطرى

إيمان :- بنفاذ صبر حاضر اطلعى علشان البس

فاطمه :- حاضر

وخرجت فاطمه من الغرفه وهى تحمد ربنا ان إيمان وفقت ومعندتتش معاها المرادى

……………………………………………………

فى الغرفه كانت ايمان بتبرطم بكلمات مش مفهومه وعلى اصرار امهاان هى تروح مكان مش مرغوب بوجدها فى فهى غير محبوبه من قبل اهل امها ولا اهل ابوها بسبب عصبيتها المفرضه وتذكرت اخر مقبله ليها عند جدتها

فلاش باك

كانت إيمان تتوجه الى جدتها بعد اتصال فاطمه بها ان تحضر ضرورى

ذهبت إيمان ودخلت القت التحيه لجميع وكان يوجد خالتها وبنات خالتها فهم يغارو من إيمان بسبب حضورها فى اى مكان فانها رغم صغار سنها وقلت تعلمها فهى ذكيه كتير واين توجد تخطف اليها الانظار رغم باسطت ملابسها وقصرقامتها فهى تحتوى على قوام ممشوق وبشره صافيه ولا تضع اى مساحيق نظرو اليها نظرت غيظ وغيل وكراهيا خالتها معاها ثلاثة بنات ليس بقبحين ولكن من غرورهم وتكبرهم على الناس محدش بيحبهم وكانت جدتتهم تحبهم جدآ وكانت تعامل إيمان بجفاء سلمت إيمان على جدتتها وباست ايداها فقالت فاطمه

فاطمه :- تعالى ياإيمان اقعدى جنبى

إيمان :- خير ياماما انتى قولتيلى تعالى ضرورى فى حاجه

فاطمه :- توترت وقالت لها بصوت مهزوز بصى فف ف فى عريس جاى يشوفيك من طرف خالك فى الشغل وانا مارضتش اخلى يجى البيت علشان اخوكى مازن قولت لخالك يجى يشوفك هنا

ايمان :- نظرت لها وقالت ومين قالك انى عايزه اتجوز بطريقه دى

فاطمه :- وانتى مش هينفع معاكى غير كده انتى شايفه مازن مقفل عليكى ازاى ومش بيخليكى لا تروحى ولا تيجى واللى فى سنك يامتجوزين يامخطوبين

إيمان :- هشوفه بس لو معجبنيش مش مضطره اوفق

فاطمه :- انشالله يعجبك

…………………………………………………

فى احد الغرف دخلت إيمان حتى معاد العريس مايجى قعدت و فتحت كتابهاحتى تقراه روايتها

بعد قليلةمن الوقت سمعت طرقات على الباب

إيمان :- ادخل

دخلت عليها بنت خالتها وهى فى نفس سن إيمان وبتضحك ضحكه صفرا

يارا :- ايه ياايمى قعده لوحدك ليه

إيمان :- مفيش بس كنت بقراه روايه

يارا :- فكك من وجع العين ده وتعالى معايا اوضى نقى كده طقم شيك من عندى وانا همكيجك

إيمان :- لا شكرآ انا هقبله بطقم ده وهو حر انا دى طريقة لبسى ان كان عجبه

يارا :- بخبث يابنتى لبسك ده انتهى من ايام الهكسوس

إيمان :- عجبنى مش لازم البس بنطلون ضيق ولا جيبه ضيقه علشان اعجب انا لبسى كده عجبنى

يارا :- براحتك طب تعالى امكيجك

إيمان :- لا شكرآ انا هقبله كده

يارا :- طب خدى العصير ده انا عملتو بإدى ليكى

إيمان :- ميرسى مش عايزه

يارا :- بمكر كده تكسفى ايدى علشان خاطرى

إيمان :- ماشى وشربت العصير وبعد شويه حست ان دماغه تقيله ومش قادره ترفعها والصوره مش واضحه ومهزوزه

يارا:- ايه مالك ياايمى

إيمان :- مش عارفه دايخه ومش قادره افتح عينى وقبل ان تقول اى كلمه تانيه راحت فى دنيا تانيه وابتسمت يارا بشر وقالت لما نشوف يابنت خالتى هتقبلى العريس ازاى

.................................................

جاء موعد العريس ولكن إيمان كانت فى عالم تانى كانت نائمه من اثر المخدر الذى وضعته يارا فى كوب العصير دخل العريس غرفة الصالون ومعاه خال إيمان الذى احضره فهو يعمل معه فى شركة المقولات للبناء والتعمير جاءت يارا تتمايع وتتمايص ولبسه بنطلون ضيق جدآ وعليه بدى كت وسايبه شعرها مفروض على ضهرها وحطه ميكب ياما اوى على وشها ودخلت حطت العصير وهى طالعه قالت لها فاطمه هامسه فى ودنها

فاطمه :- يارا خشى قولى لإيمان تيجى علشان تقعد مع العريس

يارا :- حاضر ياخالتو

وخرجت يارا من الغرفه اقترب العريس من خال ايمان واسمه مجدى قال

العريس إيهاب :- هى دى العروسه

مجدى :- لا بنت خالتها

إيهاب :- ودى مخطوبه

مجدى :- لا

إيهاب :- عندها كام سنه

مجدى :- قد العروسه 22 سنه

إيهاب :- اه ماشى

انتظرو إيمان حتى تيجى ولكنها اتاخرت راحت فاطمه تشوفها مجدش ليه اتصدمت لما شافت إيمان نايمه جت تصحيها ولكن مفيش فايده كنت عماله تخطرف بكلام مش مفهوم

ذهبت فاطمه ليارا

فاطمه :- يارا متعرفيش إيمان مالها

يارا :- لا معرفش دخلت اقولها زى ماانتى قولتيلى لاقتها نايمه ومش عايزه تصحه

فاطمه :- والعمل دلوقتى

يارا :- مش عارفه ياخالتو

ذهبت فاطمه لمجدى

فاطمه :- البت مش عارفه مالها نايمه ومش عايزه تصحه

مجدى :- تلاقيها تمثليه عمالها علشان متقبلش العريس

فاطمه :- لا بنتى متعملش كده لو كانت مش عايزه تقبوله كانت قالت

مجدى :- انا غلطان انى اتصدرت ليكم فى حاجه وسبها ومشى

وشويه ومجدى ندها على يارا

يارا :- نعم ياخالو

مجدى :- إيهاب متقدملك وعايز يخطبك

يارا :- بمكر مينفعش ياخالو طب وايمان خالتو تزعل

مجدى :- ملكيش دعوه بخلتك انا هكلمها بس هو شافك وعجبتى

يارا :- اللى تشوفه ياخالو

مجدى :- خلاص خشى اقعدى معاه شويه اتعرفوه على بعض وانا هروح اكلم خالتك

وبالفعل ذهب الى الغرفه الذى توجد فيها إيمان وجد فاطمه مازالت تيقظ ايمان ولكن بلا فائده اخبرها بخطبت إيهاب ليارا فرحت لبنت اختها جدآ ولكن كانت حزينه من اجل بنتها قعدة جمب إيمان حتى استيقظت واخبرتها بشان خطبت يارا وذهبوه الى البت ودخلت ايمان اوضتها وقد فهمت ملعوب يارا لها

……………………………………………………باااااااك

ايقظها صوت امها وهى تنادى عليها

إيمان :- حاضر ياماما خلاص اهو وكانت لبسه جيب كحلى واسع وعليها بلوزه بلون الابيض بكم ولبست طرحه ممذوجه بنفس الالوان وخرجت

فاطمه :- ايه يابنتى كل ده

إيمان :- معلش ياماما خلاص خلصت

وذهبت إيمان وفاطمه وهى فى طريقهم كان بائع سوبر الماركت ينظر اليها فى حب وهيام وقال فى سره يارب اوعدنا بالجمال ده يكون من نصيبى

وذهبو الى جدتها قابلتها جدتها بفتور كالعاده وقبلت إيمان يدةجدتها وقالت

إيمان :- الف سلامه عليكى تيته

جدتها :- الله يسلمك

فاطمه :- الف سلامه عليكى ياماما عامله ايه دلوقتى

الجده :- الحمدالله بس بنتك تعرف بالموضوع اللى جايه علشانه

فاطمه :- بتوتر وهى تنظر الى إيمان لا

إيمان :- موضوع ايه ده

فاطمه :- عاعاعريس

إيمان :- تانى ياماما ايه مابتزهقيش

فاطمه :- اخر واحد والله شوفى لو معجبيكيش خلاص مش هجيب سيرة العرسان تانى

إيمان :- لا يعنى لا ومابطلتيش اللى انتى بتعملى ده هقول لمازن انا ماشيه وتركتهم ومشية

……………………………………………………

وهى ماشيه وعماله تعيط ومش شايفه جت عربيه بسرعه راحت خبطها وقعت على الارض وبسرعه نزل من العربيه شاب فى اوئل التلاتينات كان وسيم بمعنى الكلمه كان شعره ناعم جدآ لكن قصير وعنده لحيه خفيفه وعنيه عسلى ورموشه كثيفه واسمرانى وجسم رياضى وطويل جدآ

الشاب :- انتى كويسه فيكى حاجه

إيمان :😵😵😵😵

الشاب :- ياانسه انتى فيكى حاجه

إيمان :- فاقت من سراحنها على صوته وهو بيقولها انتى خارسه ولا ايه اغتاظت منه

إيمان :- انت غلطان وكمان بتقل ادبك

الشاب :- انا اللى غلطان ولا انتى اللى ماشيه عاميه مش شايفه قدامك كنتى هتلبسينى تهمه على واحده تافه شبهك

ايمان :- انا تفها ياسيكى ميكى انت تلاقيها ماما هى اللى جيبالك العربيه وفرحان بيها

الشاب :- انا سيكى ميكى يااوزعه ياللى مش باينه مش الارض وانا مش هرد على واحده لوكر وبيئه ذيك واوعى بقى من قدام العربيه علشان امشى من وشك المقرف ده

إيمان :- لا حوش انا اللى هموت واشوف وشك اللى شبه ابو حفيظه وفى سرها استغفر الله العظيم على الكدبه دى دانت قمر

وقامت وهى تسند على العربيه وقفت بالعافيه

الشاب :- تحبى اوصلك لمكان

إيمان :- لا شكرآ مش عايزه من وشك حاجه

الشاب :- احسن برضه وتركها ومشى

ايمان :- اعمل ايه ياربى مش هينفع اروح عندنا كده مازن هيفتح سين وجيم اما ارجع تانى عند تيته وخلاص

وبلفعل رجعت تانى لجدتتها

فاطمه :- ايه فى ايه ومين عمل فيكى كده

وفى الوقت ده وصل العريس اللى كان جى يشوف إيمان

إيمان :- واحد معندهوش دم شكله سيكى ميكى كده خبطنى بالعربيه

العريس :- مش يمكن انتى اللى كنتى ماشيه سرحانه

*********************

إلي هنا ينتهي الفصل الأول من رواية وردة بلا حياة بقلم دودو محمد
تابع من هنا : جميع فصول رواية وردة بلا حياة بقلم دودو محمد

تابع من هنا: جميع فصول رواية انتقام أثم بقلم زينب مصطفى
تابع من هنا: جميع فصول رواية أرض زيكولا بقلم عمرو عبدالحميد

تابع أيضاً: جميع فصول رواية أحببتها فى إنتقامى بقلم عليا حمدى

تابعوا صفحتنا على الفيس بوك للمزيد من روايات حب
حمل تطبيق قصص وروايات عربية من جوجل بلاي

اقرأ أيضا: رواية لم تكن خادمتى بقلم أميمة خالد