مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة المتميزة دودو محمد والتي سبق أن قدمنا لها العديد من القصص والروايات الجميلة علي موقعنا قصص 26 وموعدنا اليوم مع الفصل الثالث من رواية وردة بلا حياة بقلم دودو محمد
رواية وردة بلا حياة بقلم دودو محمد - الفصل الثالث
اقرأ أيضا: قصص رومانسية
رواية وردة بلا حياة بقلم دودو محمد - الفصل الثالث
عمرو :- اه نزلت الخبر فى الجريده
احمد :- وكتبت لا يشترط الخبره والشهاده
عمرو :- اه بس اموت و اعرف ايه سر انك مش عايزه واحده خبره ومعاها شهادة عليا
احمد :- ياابنى ايه كمية الغباء اللى فيك طب ماانت متعلم اهو وغبى
عمرو :- ليه كده ياابو حميد
احمد :- ياابنى احنا مش عندنا مى وهى السكرتيره
عمرو :- اه
احمد :- وهى ممتازه بس بعد الحمل وهى حركتها بطيئه جدآ فانا هجيب واحده تساعده فى اعمال الحركه زى تجبلى ملفات تروح تنادى حد من الادرين ومى هتكتفى بس بالاورق بتنظيم مؤتمرات مقبلت عمله
عمرو :- برضه مش فاهم
احمد :- ياابنى فكك من التفكير فى بطنك وركز معايا
بص من الاخر اناجيبها مساعده لمى
فهمت كده
عمرو :- اه طب ماتقول كده من الاول سهله 😁😁😁😁
احمد :- بس علشان كده مش محتاج للخبره ولا الشهادات فى حاجه
عمرو :- ماشى هاروح مكتبى اشوف شغلى
احمد :- اعمل حسابك انا مسافر بكره علشان هتفق مع شركه جديده تصدرنا هى المعدات الجديده
عمرو :- طب والشركه القديمه اللى كنا بنتعامل معاها الاول هتعمل معاهم ايه
احمد :- لا سيبك منها شغلها مش حلو وكل شويه اغير فى معدات جديده
عمرو :- بس صحابها مش سهلين ومش هيتقبله اللى انت هتعمله بسهوله
احمد :- ميقدروش يعمله حاجه وبعدين احنا مش قليلين فى السوق
عمرو :- ربك يسهلها من عنده سلام بقى علشان اشوف الشغل اللى ورايا
…………………………………………………
عند إيمان وهاجر كان لسه بيدوره فى الجريده لحد ماجت عنيهم على خبر مطلوب سكرتيره للعمل بشركة (……)
ولا يشترط الخبره ولا الشهادات وتكون حسناء المظهر
هاجر :- بس هو ده
إيمان :- ماشى يافلحه لقينا الشغل هاروح ازاى التقديم وهقول ايه لمازن
هاجر :- هومكتوب التقديم بعد بكره
إيمان :- اه
هاجر :- الساعه كام
إيمان :- الساعه 9صباحآ
هاجر :- بس محلوله اهى
إيمان :- ازاى مقولتيش هقول ايه لمازن
هاجر :- مش هتقولى حاجه
إيمان :- ازاى ماتنطقى بقى هتنقطينى بالكلام
هاجر :- يافلحه اخويكى عمره ماصحه بدرى مش هيجى اليوم ده يعنى ويصحى بدرى وبعدين هى المقبله كلها مش هتاخد ساعه يعنى هتروحى وتيجى وهو لسه نايم
إيمان :- بس انا برضه خايفه
هاجر :- يابنتى متخفيش وجمدى قلبك
إيمان :- ربنا يستر بقى
هاجر :- المهم هتروحى بإيه فى المقبله
إيمان :- مش عارفه بس هشوف اى طقم من عندى هاروح بيه
هاجر :- لا بلاش والنبى من عندك شفتى كتبين ايه حسناء المظهر
إيمان :- طب اعمل ايه
هاجر :- خدى فستان من عندى
إيمان :- والله انت مش واخده بالك من فرق الطول انتى نخله وانا اوزعه😂😂😂😂
هاجر :- هههههههه اه صح
خلاص سبيها عليه الحكايه دى
إيمان :- هتعملى ايه يعنى
هاجر :- ملكيش دعوه المهم هخليكى مزه وانتى رايحه اهم حاجه تصحى بدرى شويه على المعاد وانزلى وانا هظبطك
إيمان :- ربنا يستر انا هطلع دلوقتى علشان مازن على وصول
هاجر :- ماشى حبيبتى ربنا معاكى
اوصلت هاجر إيمان لحد باب
……………………………………………………
طلعت إيمان بسرعه الى شقتها وفتحت الباب بالمفتاح ودخلت تتسحب قبل ماحد يشوفها
ولكن فاجاءه اوقفها صوت
مازن :- كنتى فين ياهانم
إيمان :- ك .ك .كنت عند هاجر
مازن :- من نفسك كده
إيمان :- لا استاذنت من ماما
مازن قرب عليها ورفع ايده وراح نازل بكفه على وشها وده علشان يفكرك ان ليكى راجل ترجعيلو قبل ماتعملى اى حاجه واتفضلى خشى اوضتك ومشوفش وشك
جريت إيمان على اوضتها وهى حطه ايدايها مكان القلم اللى اخدتته وعماله تعيط
فاطمه :- ليه كده يامازن حرام عليك
مازن :- ياامه البت دى لومتشدش عليها مش هنعرف نحكمها تانى
فاطمه :- مش لدرجة انك تمد ايدك عليها
مازن :- وانتى ياامه غلطانه علشان قولتلها تنزل من غير ماتقوليلى
فاطمه :- يعنى هى بتروح فين ياحسره غير عند هاجر صحبتها ودى فى نفس البيت يعنى مش فى الشارع
مازن :- برضه متطلعش بره البيت
فاطمه :- يووووه بقى لما اروح اطيب خاطرها بكلمتين
مازن :- دلعى انتى بس فيها لحد هيجى يوم محدش هيقدر عليها
فاطمه :- ربنا يهديك ياابنى وسبته ومشيت راحت عند باب اوضة إيمان وخبطت عليه
كانت إيمان مرميه على السرير وعماله تعيط لحد ماسمعت خبط على باب اوضتها
إيمان :- خش
دخلت فاطمه وقعدة جمب إيمان على السرير واخدت إيمان فى حضنها واتفتحت إيمان فى العياط فى حضن امها
إيمان :- من بين دموعها وشهقتها انا مش عارفه هو ليه بيعمل معايه كده انا عملت ايه يعنى علشان نزلت افك على نفسى شويه مع صحبتى وفى نفس العماره مااذنبتش يعنى انا تعبت من معملته ليه وحبسته ليه خلاص مش قادره مالهم اخواتى التنين واحد حابس نفسه فى الاوضه وملهوش دعوه باى حاجه بتحصل فى البيت والتانى يخلص شغله وياكل لقمته وينام اشمعنا هو يعنى ها اشمعنا
فاطمه كانت واخدها فى حضنها وتستمع لها فى حسره فهى محقه من وهى صغيره كان مازن يمنعها من ابسط الحقوق ليها اللعب واللهو مع الاطفال اللى فى سنها ولما جت تخش المدرسه كان كل يوم يروح يوديها ويجبها من المدرسه ولما كبرت ودخلت اعدادى كان هو برضه اللى يروح يوديها ويجبها وكان منعها تعرف حد فى المدرسه ولما نجحت وجابت مجموع يدخلها ثانويه عامه مرضاش يوديها المدارس وقال اخرتها ايه ورقه وهتتجوز وتقعد فى البيت وليه المصاريف من اساسه طبطت على بنتها إيمان فهى من كتر العياط نامت فى حضن امها نيمتها فاطمه فى سريرها وغطتها وباست خدها وطفت النور وطلعت على اوضتها هى كمان علشان تنام
………………………………………………
واشرقت شمس صباح يوم جديد واشرقت معاها امال وطموحات ناس كتير
فى فيلا عزمى
استيقظ احمد من نومه دخل الحمام اخد شاور وطلع من الحمام لبس ملابسه الفخمه وهى عباره عن تيشرت ابيض وبنطلون جينز ازرق وفلاته بيضه ورش برفانه المميز ووضع نظارته الشمسيه فى التيشرت صفف شعره ونزل وهو على الدرج
احمد :- اخيرآ شوفتكم قبل مااموت
ميرفت :- بعد الشر عليك متقولش كده تانى
مسك احمد ايد امه و بسها
احمد :- ربنا يخليكى لينا ياست الكل
بس غريبه كلكم مجتمعين انهارد على الفطار
محمود :- قعد بس كل الاول وبعد كده نتكلم
احمد :- اه انا شكيت من الاول مدام مجتمعين يبقى فى حاجه اهلى وحافظكم 😁😁😁😁
وكمان مدام شفت وش ابنك اياد على الصبح كده يبقى فى حاجه كبيره اوى
اياد :- خف شويه ونفط
احمد :- والله امال لومكنتش اخوك الكبير كنت قولت ايه احترمنى شويه
اياد :- حاضر ياابيه حلوكده سبنى بقى علشان هموت وانام والاحكام العرفيه صدرت
احمد :- انا قولت من الاول كده
جودى :- ايه وانا قدامك خيال مفيش سلام ولا كلام
احمد :- خيال ايه بقى دانتى ماليه الكرسى كله ماشاءالله
جودى :- بقى كده يااحمد يتتريق عليا وبعدين مالى ماانا حلوه ومقلبظه اهو علشان املا عين جوزى
احمد :- عينه بس الله يكون فى عونك يالى فى بالى
منير جوز اخته :- اه والنبى ادعيلى
جودى :- شايف يابابا بيتريقه عليه ازاى
محمود :- سيبك منهم انتى حبيبة قلبى انتى قمر
سمعوه كده واحمد ومنير واياد
انفجروه من الضحك مقدروش يمسكه نفسهم
جاسمين :- ياسلام ياسى بابا يعنى هى حبيبة قلبك وانا ايه
محمود :- انتى عمرى وحياتى انتى واختك عنيا اللى بشوف بيها
وفى نفس الوقت جه عمرو وبطريقه مسرحيه
عمرو :- خيااااااانه قلبى مش قادر تهون عليكم ليلينا الحلوه مع بعض اكلتم من غيرى مش قادر اصدق اها اها اها
احمد :- اهو العبيط التانى جه
عمرو :- طب ليه الاهانه دى طه
جودى :- الله يكون فى عون اللى هتخدها امها داعيه عليها فى ليلة القدر
عمرو :- ليه كده ياجودى انا حتى شب كيوت وفى حالى وهادى جدآ بس ايه مز مز يابنتى انتى مش واخد بالك من العيون الزورق دول 😉😉😉 ولا ايه عطلات مفيش زيها 💪💪💪
منير :- طب لم عطلاتك واترزع اطفح😣😣😣
احمد :- قعد كده واستهتا بالله علشان شكل منير كده هيفرمك اوهيلبسك قضيه متنساش انو ظابط
عمرو :- يفرم مين يابا ولا يقدر
منير :- تحب تشوف
عمرو :- وعلى ايه الطيب احسن
وبعد الفطار استمتعوا بجو اسرى جميل لا يخلو من الهزار والضحك حتى قال
محمود :- ضحكنا وهزارنا جه وقت الجد
احمد :- وهو يهمس لعمرو انا عارف والله الليله دى معموله علشانى
محمود :- بتقول حاجه يااحمد
احمد :- لا يابابا انا بدعيلك فى سرى بس😁😁😁😁
محمود :- احمد عملت ايه فى العروسه اللى صحبت مامتك جبتها
احمد :- 😱😱😱😱 يانهار اسود هقولهم ايه
محمود :- مش بترد ليه
احمد :- مش مرتحلها يابابا وبعدين الجواز مش بالعافيه وانا مش عايز ارتبط دلوقتى بحد
محمود :- امال امته انت مش صغير دلوقتى عندك 33 سنه
احمد :- لما القى البنت اللى اتشدلها واحبها
محمود :- ياابنى احنا كبرنا وعايزين نفرح بيك ونشلك عيل قبل مانقابل وجه كريم
احمد:- ربنا يخليكم ويطول فى عمركم حاضر يابابا شوفه واحده كويسه ونروح نتكلم عليها
محمود :- مامتك هتشوفلك واحده كويسه وبنت حلال
صح انت مسافر امته
احمد :- انهارده بليل
عمرو :- انهارده ايه طب ومقبلت السكرتيره الجديده بكره
احمد :- البركه فيك بقى ياميرو
عمرو :- وانا مالى هى السكرتيره بتاعتك ولا بتعتى
احمد :- ميرو ياابو عيون جمال علشان خاطرى المرادى وبس
عمرو :- امرى لله بس دى اخر مره
احمد :- هههههه ماشى ماانت كل مره بتقول اخر مره حبيب قلبى والله
عمرو :- اضحك عليه بكلمتين طب خليها مثلا بفرخه او بطبق ملوخيه بالارانب
احمد :- طفس من يومك خش يااخويه خش
………………………………………………
عند إيمان صحيت من نومها مش قادره تتحرك واول مره متنزلش تجيب الفطار دخلت الحمام وغسلت وشها ورجعت تانى سريرها مسكت روايتها وكانت لسه هتبدا تقراه بس تليفونها رن
بصت على الشاشه لاقت اسم صديقتها هاجر :- السلام عليكم
إيمان :- وعليكم السلام
هاجر :- ايه يابنتى النوم ده كله
ايمان :- مفيش مليش نفس اقوم
هاجر :- مالك ياايمى
ايمان :- مفيش
هاجر :- هو انا عبيطه عنك فيكى حاجه
إيمان :- "حكت لها اللى حصل مع اخواها"
هاجر :- تصدقى اخوكى ده واطى ومعندهوش رحت الدم مش كفايه مستحملين قعدة فى البيت من غير شغل ولا مشغله
إيمان :- عماله تعيط
هاجر :- ممكن بقى بطلى عياط علشان عينك والمقبله بكره
إيمان :- خايفه اوى ياجوجو
هاجر :- متخفيش انشالله هتعدى على خير
إيمان :- يارب
هاجر :- هسيبك انا بقى علشان اشوف اللى ورايا وانتى كمان باى
إيمان :- باى
وقفلت إيمان مع هاجر وقعدة تقراه فى الروايه
خبط الباب على إيمان اذنت له بدخول
فاطمه :- ايه يابنتى مش هتقومى تاكلى لقمه
إيمان :- لا مليش نفس
فاطمه :- كلى اى لقمه تسند قلبك
إيمان :- لا مش عايزه اكل
فاطمه :- يعنى ياإيمان هى اول مره
إيمان :- لا مش اول مره بس انا تعبت خلاص بابا الله يرحمه لو كان عايش مكنش هيخلى واحد زى ابنك يتحكم فى كده
فاطمه :- طب والا كل ماله بس كله سندوتش صغير علشان خاطرى
إيمان اخدت السندوتش من ايد امها واكلت
فاطمه :- ربنا يصلح حالك يابنتى ويرزقك بابن الحلال اللى يسعدك ويطلعك من الهم اللى انتى فيه ده
وهنا جيه فى دماغ إيمان العريس المغرور وابتسمت تلقائيآ
فاطمه :- ايوه هى دى الضحكه الحلوه بتاعة بنتى الاموره
إيمان :- باست ايد امها
ربنا يخليكى ليا يارب وميحرمنيش منك ياست الكل
فاطمه :- ولا منك يارب
وفجاه سمعوه صوت مازن وهو ينادى
مازن :- ياما بت ياإيمان عايز اكل حد يجى يحضرى الاكل
إيمان :- قومى انتى حضريله الاكل علشان مش عايزه اشوف وشه
فاطمه قامت علشان تحضر الاكل لمازن وإيمان خايفه وبتفكر فى مقبلة بكره
إيمان :- ياترى بكره ايه اللى هيحصل ربنا يستر بقى وكملت تقراه الروايا
…………………………………………………
فى مكان تانى خالص
الشخص :- ودى اتعرفت عليها ازاى ياخيب الرجا
الشخص الاخر :- عرفتها وخلاص انا بحبها وعايز اتقداملها
الشخص :- حبتها انت هتضحك عليا وانت من امته بتعرف تحب خلى الطابق مستور من اخر جوازه
الشخص الاخر :- وهو يحسس على صدره بس المرادى البت حلوه اوى ودى هتسعدنى انى اتعالج
الشخص :- وهى عارفه انك عاجز جنسيآ
الشخص الاخر :- لا تعرف ايه انا مش هقولها هى لما اتجوزها وتتشخلع كده مش يمكن تتفك عقدتى وهى تحل من على حبل المشنقه
الشخص :- خلاص شوف هنروح امته
الشخص الاخر :- هاخد معاد من اخواها
الشخص :- بس اعمل حسابك دى اخر جوازه هتصدرك فيها مش كل شويه اعمل جوزات ونفضح فى الاخر
الشخص الاخر :- لا انا مستبشر خير فى دى وهيكون الشفا على ايداها
الشخص :- يارب يااخوايه يارب لما اروح اشوف اللى ورايا بلا هم
……………………………………………………
عند هاجر استاذنت من سعاد انها هتنزل تشترى شوية حجات من الشارع ووفقت سعاد على طلب بنتها
ونزلت هاجر عند احد المحلات الفخمه والقت نظره على المعروض شد انتبها فستان كان ابيض وبيه بعض رسومات الورد من الاعلى ضيق ونازل بوسع من عند الخصر وبكوم ضيق من فوق ونازل بوسع دخلت عند البائع
البائع :- امرى حضرتك
هاجر :- بكام الفستان ده
البائع :- (……)
هاجر :- مش غالى شويه هات من الاخر بكام
البائع :- والله ياانسه هو ده اخر السعر
هاجر :- خد وهات الفستان
البائع :- البائع مش هينفع والله ياانسه
لسه كده على الفلوس
هاجر :- حلوكده وخش هات بقى الفستان
البائع :- ثوانى هسال صاحب المحل ينفع السعرده ولا لا
وبعد شويه جاء البائع عايز مقاس حضرتك
هاجر :- لا عايزه مقاس (……)
وواحضر البائع الفستان ووضعه فى الشنطه المخصص له
البائع :- مبروك يافندم
هاجر:- الله يبارك فيك
واخذت هاجر الشنطه وروحت البيت ودخلت اوضتها حتى تبحث عندها على طرحه تمشى مع الفستان ولاقت عندها طرحه بنفس لون الورد اللى موجود فى الفستان وجهزت هاجر الشوز والشنطه والفستان والطرحه علشان لما إيمان تنزل تلبس عندها وكانت فرحانه من اجل صديقة عمرها
……………………………………………………
عند احمد جهز احمد شنطة السفر واخد شور ولبس ملابسه وصفف شعره ونزل سلم على الجميع وتوجه الى المطار
خلص احمد ورقه وصعد الطائره وربط حزام الامان واغمض عينه حتى يستمتع بقسط من النوم حتى تصل الى الاراضى السويسريه
…………………………………………………
عند إيمان قضت اليوم كله فى غرفتها مابين قرات الروايات ومكلمت صديقة عمرها هاجر الى ان احست بالنعاس نامت على السرير واتغطت وهى تدعى فى سرها ربنا يعدى بكره على خير
تابع من هنا : جميع فصول رواية وردة بلا حياة بقلم دودو محمد
تابع من هنا: جميع فصول رواية أرض زيكولا بقلم عمرو عبدالحميد
إرسال تعليق
يسعدنا تلقي اقتراحاتك أو تعليقك هنا