مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة المتميزة دودو محمد والتي سبق أن قدمنا لها العديد من القصص والروايات الجميلة علي موقعنا قصص 26 وموعدنا اليوم مع الفصل الرابع من رواية وردة بلا حياة بقلم دودو محمد
رواية وردة بلا حياة بقلم دودو محمد - الفصل الرابع
اقرأ أيضا: قصص رومانسية
رواية وردة بلا حياة بقلم دودو محمد - الفصل الرابع
اشرقت شمس جديده فى سماء عروس البحر لتنير بيها بيوت كتيرررررر ومنهم بيت إيمان لتداعب ضوء الشمس عيون إيمان لتفتح إيمان عيونها البونيه وتبدأ رحلة الامل ترى هل هذا سهل ام صعب
وكيف عليها تعرف شئ كهذا وكانت حياتها مابين البيت والسوبر ماركت
رغم انها تبلغ من العمر اثنان وعشرون ولكن لا تدرى شئ بهذه الدنيا لا تعرف الخروج بعيد عن حارتهم الذى كبرت وترعرعت فيه
إيمان :- يارب استرها معايا انهارده ووفقنى انى اتقبل فى الشركه
دخلت إيمان الحمام غسلت وشها وطلعت تتسحب وفتحت الباب برررررحه ونزلت عند هاجر
طرقت على الباب عدة طرقات
فتحت هاجر الباب ودخلت إيمان على غرفت هاجر واغلقت الباب وراها
إيمان :- كنت هموت وانا نزله كنت خايفه مازن يسمعنى ويصحه
هاجر :- اهم حاجه متخفيش وقوى قلبك كده وخليكى واثقه من نفسك ومتتوتريش
إيمان :- ربنا يستر بقى
هاجر :- طب يلا علشان تلبسى بصى جبتلك ايه
إيمان :- واو تحفه ليه انا ده
هاجر :- لا لامى اللى نايمه جوه دى
إيمان :- اصله حلو اوى
هاجر :- كله علشان عيونك ياجميل
إيمان :- بجد ربنا يخليكى ليا انا لو كان عندى اخت مكنتش عملت معايا زى ماانتى بتعملى معايا
وقامت من مكانها واخدت هاجر فى حضنها
هاجر :- اخس عليكى يا ايمى يعنى انا مش اختك
إيمان :- لا والله انتى اكتر من اختى وربنا يعلم بكده
هاجر :- طب قومى يلا البسى علشان تلحقى معادك
إيمان :- ماشى هاتى ودخلت إيمان الحمام لبست وخرجت وكانت فى قمت الجمال
هاجر :- تطلق صفاره ببقها ايه الجمال ده ياايمى انتى مش محتاجه ميكب خالص
إيمان :- بجد حلو يا جوجو
هاجر :- هو حلو بعقل 😉😉😉
إيمان :- ادعيلى بقى ياجوجو ربنا يستر
هاجر :- ربنا معاكى ويوفقك
يلا بقى علشان تلحقى معادك
وبالفعل انطلقت إيمان من عمارتهم
الى الشارع اوقفت تاكسى واعطت العنوان بتاع الشركه وانطلقت التاكسى الى العنوان
……………………………………………………
عند احمد وصل الى سويسرا انزل الشنطه وانطلق بيها الى المطار خلص اوراقه خرج الى الخارج كان فى عربيه تنتظره ركب العربيه وانطلق السائق الى الفيلا ملك عائلة عزمى
وصلوه ونزل من العربيه دخل الفيلا دخل اوضه اخد شور وغير هدومه ونزل الى الفرع التابع لشركتهم
دخل والقى التحيه على الجميع
ودخل الى مكتبه جلس على الكرسى
طلب السكرتيره المخصصه لمكتبه دخلت السكرتيره
كارمن :- هاى مستر احمد
احمد :- هاى كارمن عامله ايه
كارمن :- بخير مستر احمد
"كارمن اتولدت فى سويسرا امها سوسريه وابوها مصرى صاحب عزمى
ولماكبرت كارمن اشتغلت فى شركة عزمى ابوها كان بيعلمها تتكلم مصرى حلو اوى حتى هى لما يكون فى حد مصرى بتفضل تتكلم معاه مصرى "
"نرجع تانى "
احمد :- جهزتى الورق بتاع الشركه الجديده للمعدات
كارمن :- اه يامستر جاهز
احمد :- طب هاتى يا كارمن ومدخليش حد عليه دلوقتى
كارمن :- حاضر يامستر
احمد :- اتفضلى دلوقتى على مكتبك
كارمن :- اوكى يامستر
…………………………………………………
عند إيمان
وصلها التاكسى عند عنوان الشركه اديت الحساب لتكسى ونزلت والقت نظره على الشركه من بره انبهرت من شكلها واتوترت اكتر
إيمان :- احيه 😱😱😱 انا هقدر اشتغل فى المكان ده ازاى لما هى كده من بره يبقى من جوه عامله ازاى
ودخلت إيمان ومتوتره جدآ وكانت هتقع كذا مره وهى ماشيه من توترها وصلت عند السكرتيره واخبرتها إيمان ان هى جاى تقدم على الوظيفه سلمت السكرتيره ورقه وقالتلها تملى البيانات الموجوده وترجعه تانى استلمت إيمان منها الورقه وهى ماشيه خبطت فى حد
إيمان :- مش تفتح ياغبى
الشخص :- انا اللى افتح انتى اللى ماشيه ومش شايفه قدامك
إيمان :- اما انت راجل قليل الذوق صحيح بدل ماتعتذر بتجيب الغلط عليه
الشخص :- قليل الذوق انتى لسانك طويل كده ليه متلمى لسانك بدل مااخلى الامن يرميكى بره
إيمان :- يرمو مين بره لتكون مفكر نفسك المدير اكيد موظف كحيان مش لاقى اللقمه ومستلف بدالتك دى وجى تتكبر على مخليق ربنا واوعى بقى من وشى مش نقصاك على الصبح
وهى ماشيه بتبرطم بلاوى بتتحدف على الواحد
وقف مكانه مصدوم منها مش مصدق اللى حصل دلوقتى حرك راسه يمين وشمال بينفى لنفسه اللى حصل دلوقتى
ودخل مكتبه
وعند إيمان املة الورقه البيانات المطلوبه وسلمتها للسكرتيره
قالت لها اتفضلى بالجلوس انتظرى المقبله بعد قليل
جلست إيمان على الكرسى وهى تفرك فى صوابعها وبعد نص ساعه ندهت السكرتيره على إيمان
السكرتيره :- اتفضلى المدير فى انتظارك
إيمان :- ش.ش.شكرآ
واتجهت إيمان الى مكتب المدير وهى متوتره جدآ طرقت الباب عدة طرقات
حتى سمعت صوت يإذن لها بدخول
فتحت الباب ودخلت وكانت فى قمت توترها ومرفعتش عينها من الارض
عمرو وهو ينظر للورقه اللى فيها بيانات إيمان
عمرو :- اتفضلى ياانسه اقعدى
قعدة ايمان على الكرسى اللى قدام المكتب وهى لسه بتبص على الارض
رفع عمرو عنيه واتفاجأ بيها
عمرو :- انتى😬😬😬
إيمان :- رفعت عنيها من على الارض
واتفجأت
إيمان :- انت 😱😨😨😱
عمرو :- انتى بقى اللى جايه تقدمى على وظيفة السكرتيره
إيمان :- ………………
عمرو :- سكته يعنى مش بترودى وبره كانو عشره فى بقك بيتكلموه
إيمان :- ماحضرتك اللى قليل الذوق
عمرو :- نعم
إيمان :- انا اسفه مش قصدى
عمرو :- اممم
طب انتى اشتغلتى قبل كده
إيمان :- لا اول مره
عمرو :- علشان كده لبخه
إيمان :- على فكره مسمحلكش
عمرو :- نعم ايه😵😵
إيمان :- انت هتغشلنى او لا ده مش معناه ان انت تتريق عليا
عمرو :- يابنتى انتى شايفه نفسك على ايه
إيمان :- انا كده ولو على الشغل مش عايزه عن اذنك
عمرو :- استنى هنا انا حتى معرفتش اسالك على حاجه انتى عصبيه كده ليه
إيمان :- قعدة تانى
عمرو :- اسمك
إيمان :- إيمان منصور على
عمرو :- سنك
إيمان :- 22
عمرو :- الحاله الاجتماعيه
إيمان :- انسه
وبعدين ليه الاسأله دى كلها ماانا كتبا كل ده عندك
عمرو :- لا اله الا الله علشان لازم اتاكد من المعلومات اللى مكتوبه عندى
إيمان :- طيب
عمرو :- انا عمرى فى حياتى كلها مشفتش واحده زيك كده
إيمان :- ليه يعنى مالى ماانا زى الفل اهو
عمرو :- عمومآ من بكره الصبح تيجى الشركه على الساعه 8 الصبح علشان تستلمى الشغل
إيمان :- ايه😱😱😱😱😱 احيه
مش هينفع حضرتك بكره خالص
عمرو :- لا بتهزارى هو بمزاجك
إيمان : فى سرها الله يخربيت شورتك السوده ياهاجر اعمل انا ايه دلوقتى
عمرو :- اتفضلى دلوقتى والصبح تيجى فى معادك
إيمان :- ح ح حاضر عن اذنك
عمرو :- اتفضلى
خرجت إيمان من المكتب وهى سرحانه هتعمل ايه فى الورطه دى
وفى مكتب عمرو طلب من السكرتيره انها تيجى على الفور دخلت السكرتيره المكتب وكان عمرو فطسان من الضحك
مى :- امرى حضرتك
عمرو:- خدى الورقه دى سجليها فى شؤن العاملين واعملى حسابك من بكره هتيجى تساعدك فى الشغل حضرى مكتب تانى معاكى واه خليهم يحضرو العقد بشرط جزئ وسكت شويه وبعد كده اتفتح فى الضحك استغربت مى عليه
عمرو بتبصيلى كده ليه اضحكى
مى :- نعم
عمرو :- هههههههههههههههه مش قادر لما احمد يجى ويقابل البنت دى ههههههههه دى هتحصل مجزره هنا انتى مش بتضحكى ليه وسكت فجأه انا مديرك هناوبقولك اضحكى
مى :- قعدة تضحك وتقول فى سرها والله مجنون مش طبيعى
مى :- عن اذن حضرتك
عمرو :- وهو يضحك هههههههههههه روحى روحى ههههههههههه
…………………………………………
خرجت إيمان من الشركه وهى بتفكر هتعمل ايه مع اخوها وقفت التاكسى وطلبت منه ان يوصلها عنوان بيتها
ووصلت إيمان البيت حسبت سواق التاكسى ومشى دخلت العماره وطلعت السلم وفتحت باب الشقه براحه علشان مفيش حد يسمعها ودخلت تتسحب واحد واحد ودخلت على اوضتها وحمدت ربنا ان محدش لسه صحى من النوم غيرت ملابسها ومسكت التليفون واتصلت بصديقتها هاجر
هاجر :- ها عملتى ايه
إيمان :- وقعت فى مشكله كبيره
هاجر :- مشكله مشكلة ايه
إيمان :- المفروض انزل الشغل من بكره
هاجر :- يانهار اسود بكره😱😱
إيمان :- اه ومش عارفه اعمل ايه
هاجر :- معرفش ان هيقبلوكى بسرعه كده انا بحسبهم هيقوليلك سيبى رقم تليفونك وكام يوم وهنرد عليكى
إيمان :- وده من حظى الهباب قوليلى هنعمل ايه دلوقتى
هاجر :- مش عارفه
إيمان :- مش دى فكرتك فكرى بقى هنعمل ايه
هاجر :- هو اخوكى مفيش امل فيه ان يوافق
إيمان :- لاطبعآ ده لوعرف مش بعيد يحط قفل على باب الشقه علشان منزلش خالص
هاجر :- طب سبينى افكر هنعمل ايه وشويه هتصل بيكى
إيمان :- استنى هنا عايزه احكيلك على حاجه حصلت
هاجر :- حاجه ايه هى
إيمان :- حكت ليها اللى حصل مع عمرو لما خبطت فيه ولما دخلت واتفجأت بيه ان هو المدير
هاجر :- يانهارك اسود اول يوم ليكى فى الشركه شتمتى المدير امال بعد كده هتعملى ايه هتضربيه
إيمان :- اعمله ايه ماهو اللى قليل الذوق
هاجر :- الله يكون فى عون اللى هيتجوزك من عصبيتك دى انتى بكره لوزعل معاكى شويه هتفتحى دماغه
إيمان :- بس يجى يختى العريس الاول
هاجر :- عندك حق والله شكلنا هنعنس
إيمان :- ههههههههه اه والله
هاجر :- بت ياايمى والمدير ده شكله حلو
إيمان :- حلو بس ده قمر ده عليه جوز عيون ينسوكى اسمك
هاجر :- هيييييح كان نفس انا وانتى يجلنا جوز عرسان شبه كده ونمشى فى الحاره كده منفوخين ونغيظ كل بنات الحاره اوعدنا يارب
إيمان :- انا كل يوم اقعد اسرح بخيالى بالفارس يجى يخطفنى على حصانه الابيض ونهرب واول ماافتكر مازن نقع انا والفارس والحصان على جدور رقبتنه تنكسر
هاجر :- هههههههه 😂😂😂😂 انتى مشكله سبينى بقه افكر هنعمل ايه فى مشكلتك
إيمان :- ماشى باى
هاجر :- باى
تابع من هنا : جميع فصول رواية وردة بلا حياة بقلم دودو محمد
تابع من هنا: جميع فصول رواية أرض زيكولا بقلم عمرو عبدالحميد
إرسال تعليق
يسعدنا تلقي اقتراحاتك أو تعليقك هنا