قصص رومانسية جريئة ممنوع دخول الأطفال

  مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة المتميزة دودو محمد والتي سبق أن قدمنا لها العديد من القصص والروايات الجميلة علي موقعنا قصص 26 وموعدنا اليوم مع الفصل الخامس عشر من رواية وردة بلا حياة بقلم دودو محمد

رواية وردة بلا حياة بقلم دودو محمد - الفصل الخامس عشر

اقرأ أيضا: قصص رومانسية

رواية وردة بلا حياة بقلم دودو محمد - الفصل الخامس عشر

 اشرقت شمس صباح يوم جديد وبداءت خيوطها تتداعب العيون البونيه لتستيقظ بطلتنا من نومها وبصت على الدبله اللى فى أيديها

إيمان :- كان نفسى تكونى لشخص بحبه وفتح عينى وابصلك واضحك من الفرحه واضمك فى حضنى زى أى بنت بس للاسف انكتب عليا اعيش عمرى مع واحد مبحبوش زى كل حاجه بتنكتب فى حياتى متكنش من اختيارى وقامت دخلت حمامها واخدت شاورها واتوضت وصلت فرضها ولبست هدومها وطرحتها وجذمتها ومسكت شنطة إيديها وبصت على نفسها فى المرايا وطلعت من باب اوضتها تتسحب ولسه هتفتح باب الشقه حست بأيد محطوطه على كتفها وصوت رجولى بيسألها رايحه فين كان قلبها هيقف عليها وبتلف وبتبص وكان مروان

مروان :- رايحه فين على الصبح كده وبتتسحبى

إيمان :- والنبى واطى صوتك تعال معايه مش انت لابس ونازل

مروان :- اه

إيمان :- شدت من إيديه وطلعت بره الشقه ونزلت من على السلم وخبطت على هاجر أخدت هدوم عمرو ونزلت هى ومروان

مروان :- هابقى فهمينى كنت رايحه فين على الصبح كده

إيمان :- اااصل انا بشتغل

مروان :- ايه ياختى من غير ماحد يعرف

إيمان :- لالالا والله ماما عارفه وكنت ناويه أقولك بس انت كنت قافل عليك اوضك ومكنتش بتسمع لحد

مروان :- مش عارف اقولك أيه انا بجد مصدوم

إيمان :- لالا والنبى اوعى تقعدنى من الشغل

مروان …………………………

إيمان :- انت مش بترد ليه والنبى يامروان

مروان :- هههههههههههههههههههههه

إيمان :- افهم ايه من ضحكك ده

مروان :- جدعه يابت هى دى بنتى اللى مربيها بتحب تعتمد على نفسها ويبقى ليها كيان وتعمل اللى فى دماغها

إيمان :- يعنى مش زعلان منى

مروان :- لا ده انا فخور بيكى وخبطها على كتفها وقلها طلعه لخوكى

إيمان :- حضنته جامد حبيب قلبى يامروان

مروان :- يابت اتلمى احنا فى الشارع

إيمان :- هههه لا محدش لي عندى حاجه وبعدين واحده وبتحضن اخوها فيها ايه دى

اه صح انت كنت رايح فين كده

مروان :- كنت نازل ادور على شغل

إيمان :- ونازل على شركه معينه

مروان :- هشوف فى كذا شركه كانت منزله الخبر على النت

إيمان :- استنه احنا عندنا مطلوب مدير حسابات ويكون خريج تجاره لسنة (………)يعنى نفس سنة التخريح بتاعتك

مروان :- مش عارف خايف اروح اسبب ليكى احراج فى الشغل مع المدير

إيمان :- لالا ده المدير كويس وانت قبلته امبارح

مروان :- قبلته مين ده

إيمان :- اللى اخد منك الهدوم

مروان :- اااااه الشخص المجهول اللى الكل هيموت ويعرف ده مين

إيمان :- ههههههه وبالذات مراد حيموت ويعرف

مروان :- طب يلا بينا

ووقف تاكسى وراكب هو وإيمان علشان يوصلهم للشركه

……………………………………………………

عند أحمد صحى من نومه دخل اخد شاور وطلع لبس هدومه وصحيت كارمن

أحمد :- صباح الخير كل ده نوم

كارمن :- صباح النور ياحبيبى مش عارفه اول مره انام النوم ده كله

أحمد :- لا شكل حضنى هو اللى حلو ارتاحتى فيه😉😉😉

كارمن :- هههههههه ده بقى المنوم بتاعى

أحمد :- قومى ياكارمن علشان ماتهورش واقلع تانى

كارمن :- ههههه لالا خلاص هقوم اهو

وقامت من على السرير وباست أحمد فى خده ودخلت تاخد شاورها

أحمد :- بعد مادخلت الحمام خايف لكون بظلمك معايه وبعلقك بي اكتر ومقدرش أسعدك

وشويه وطلعت كارمن لبست هدومها ونزل للعربيه علشان يروحوه الفيلا

…………………………………………………

عند إيمان فى الشركه وصل التاكسى لعنوان الشركه ونزله منه حاسبه مروان ومشى داخلو الاتنين الشركه

مروان :- ايه يابت ده دى شركه ولاقريه سياحيه

إيمان :- علشان تعرف بس أختك مابتشتغلش فى اى مكان

زقها مروان :- طب انجرى ياختى قدامى

إيمان :- متزقش طه 😂😂😂😂

دخلت إيمان مكتبها وكان معاها مروان

إيمان :- صباح الخير يامى

مى :- صباح النور مبروك ياحبيبتى مقدرتش اجى أمبارح كنت تعبانه اوى من الحمل

إيمان :- الله يبارك فيكى ويقومك بالسلامه يارب

مى :- وهى بتشور بعنيها على مروان مين ده خطيبك

إيمان :- لا ده أخويه مروان

مى :- هو عرف

إيمان :- لالالا ده التانى مازن ميعرفش لكن ده مروان مش بخبى عنه حاجه

مى :- اه ربنا يخليكم لبعض

إيمان :- ميرسى هو أستاذ عمرو جه

مى :- اه من شويه وسال عليكى

إيمان :- ماشى هدخله

راحت إيمان ووراها مروان وقالت

إيمان :- خليك هنا ثوانى هخش اقوله وهنادى عليك

مروان :- اوكى

خبطت إيمان وسمح لها بدخول دخلت

إيمان :- صباح الخير يافندم

عمرو :- صباح النور ايه أخرك كده انهارده

إيمان :- انت عارف بقى كنت عروسه ونمت متاخر اناأسفه

عمرو :- ماشى المرادى علشان كنتى عروسه

إيمان :- اتفضل حضرتك الهدوم

عمرو :- ومستعجلين ليه براحتكم

إيمان :- هههه هاجر صحبتى اصرت أنها تغسلهم علشان يلحق ينشف وتكويهم

عمرو :- كتر خيرها والله بس صحبتك دى مجنونه خالص

إيمان :- هههههههههه بالعكس حضرتك دى هاديه خالص

عمرو :- بعدم أقتناع بجد جايز وبعدين هى صحبتك هستنا منها ايه غير جنان زيك

إيمان :- هههههههههههههههههه ده أحنا غلابه

عمرو :- انتو ده ربنا يكفينا شركم

إيمان :- هههههههههههههه

كنت عايزه حاجه من حضرتك

عمرو :- قولى

إيمان :- معايه أخويه مروان كلية تجاره قسم حسابات وسنة التخريج هى هى اللى مطلوبه ومعا السى فى بتاعه

عمرو :- اه طبعآ دخليه

وندهت إيمان على مروان ودخل

عمرو :- مش انت اللى اخد منه الهدوم أمبارح

مروان :- ايوه أنا

عمرو :- معلش بقى بعت الهدوم المغسله علشان معنديش حد يغسلهم واول مايجو هجبهم علطول

مروان :- لالالا خليهم انا مش عايزهم خلاص

عمرو :- لا ماينفعش

مروان :- اعتبرهم هديه بس هى مش قد المقام

عمرو :- لا متقولش كده انت زى أخويه ومن هنا ورايح احنا نبقى صحاب

مروان :- وده شئ يشرفنى

عمرو :- ده الشرف لياانا

مروان :- ربنا يخليك

عمرو :- إيمان كانت قالتلى انك معاك شهادة تجاره قسم حسابات

مروان :- ايوه وده السى فى بتاعى

اخده عمرو وبص عليه

عمرو :- تمام حلو اوى السى فى بتاعك

مروان :- يعنى اتقابلت فى الشغل

عمرو :- ايوه وتقدر من بكره تنزل تستلم الشغل

مروان :- شكرآ اوى ليك

عمرو :- العفو انا معملتش حاجه

إيمان :- شكرآ يافندم بس كان عندى طلب تانى

عمرو :- بص لمروان وقال اختك دى دماغها رايح منها كده علطول حتى فى البيت

مروان :- هههههههههههه اه ماهى طلعلى

عمرو :- لا بجد يعنى بدل ماكان عندى واحد بقى عندى أتنين

مروان :- حاجه زى كده

عمرو :- ربنا يستر بقى هههههههههههه

إيمان :- طب ايه أقول ولا أمشى

عمرو :- لا قولى قولى

إيمان :- كنت عايزه استأذن نص يوم أنهارده علشان هخرج مع خطيبى

عمرو :- مش ملاحظه ان غيابتك كترت

إيمان :- معلش بقى انت عارف الفرح قرب وبجهز نفسى

عمرو :- ماشى ياإيمان تقدرى تمشى دلوقتى مع أخوكى

إيمان :- بجد يس ربنا يخليك يارب

عمرو :- هههههههههه مجنونه والله

……………………………………………………

ومشى مروان ومعه إيمان ووصل البيت وكان مازن لسه صاحى اول ماشفته إيمان مسكت فى دراع مروان

مازن :- انتو كنتم فين كده

مروان :- كنا بنشم هوا ممكن

مازن :- هوا دلوقتى فى الضهر وعز الشمس

مروان :- ايوه أحنا مزجنا كده ليك فيه

مازن :- اولعه خش ابت حضرى الاكل

إيمان :- حاضر ودخلت المطبخ وكانت امها واقفه

فاطمه :- ايه راجعتى ليه من الشغل

إيمان :- مفيش أستأذنت علشان ألحق اجهز للخروجه

فاطمه :- ربنا يسعدك يارب

إيمان :- انا عندى خبر هيفرحك اوى

فاطمه :- خير قولى

إيمان :- مروان هينزل شغل من بكره ومش هتصدقى فين

فاطمه :- فين

إيمان :- معايه فى الشركه

فاطمه :- ياما انت كريم يارب الف حمد وشكر انك رجعته لى تانى يارب أصلح ليه الحال

إيمان :- يارب

وفى الوقت ده سمعه صوت مازن

مازن :- بت ياإيمان فين الاكل

إيمان :- جايه اهو

فاطمه :- حضريله الاكل بدل مايفتح صوته

إيمان :- ده ايه الغلب ده ياربى وحضرت الاكل واديتهوله ودخلت اوضيتها غيرت هدومها ونامت شويه لحد معاد الخروج

……………………………………………………

عند أحمد وصل هو كارمن للفيلا استقبلهم الجميع بالفرحه وتم التهنئه لهم والدعاء لهم بالذريه الصالحه واستأذنه منهم وطالعوه الجناح بتاعهم

أحمد :- نورتى جناحك ياشبه وكان بيقولها بطريقه كوميديه

كارمن :- هههههههههههه ده بنورك ياحبيبى

أحمد :- طب خشى غيرى هدومك وانا هنزل المكتب أعمل تليفون شغل وطالعلك

كارمن :- اوكى

…………………………………………………

فى المكتب اتصل أحمد على عمرو

عمرو :- الو أذيك ياعريس

أحمد :- والله فى أختراع اسمه سلام يعنى ترد بالسلامه عليكم

عمرو :- حاضر السلام عليكم حلو كده

أحمد :- اه وعليكم السلام الشغل عامل معاك ايه

عمرو :- تمام ماشى فله شمعه منوره

أحمد :- يخربيت ردك ياشيخ

عمرو :- اخس عليك ياأبو حميد هو الجواز غيرك من نحيتى ولا أيه

أحمد :- اخلص وازى الموظفين

عمرو :- فهم صحبه بيسأل على مين

تمام كله كويس

أحمد :- احم وووومى عامله ايه

عمرو :- اه كويسه

أحمد :- ووو إيمان عامله أيه

عمرو :- بخبث كانت زى القمر امبارح فى الخطوبه

أحمد :- بغيظ انت روحت أمبارح

عمرو :- اه ماهى عزمتنى وانا روحت

أحمد :- وهى عامله ايه

عمرو :- كانت مبسوطه جدآ أمبارح حتى أنهارده استاذنت علشان هتخرج مع خطيبها

أحمد :- نعععععععععععم تخرج فين

عمرو :- وهى بيكتم ضحكته تخرج مع خطيبها دى كانت فرحانه أوى

أحمد :- بعصبيه تتصل بيها وتنزلها الشغل دلوقتى مش شركة أهلها هى علشان تمشى وقت ماتحب 😠😠😠

عمرو :- اهده ياأحمد مش هينفع نتصل بيها دلوقتى وبعدين هى من حقها تفرح

أحمد :- اقفل ياعمرو دلوقتى وانا ليه كلام تانى معاها لما أنزل الشغل

وقفل السكه مع عمرو

……………………………………………………

طلع اوضه وهو متعصب جدآ استغربت كارمن من تغير حاله

كارمن :- مالك ياأحمد

أحمد :- مفيش شوية مشاكل فى الشغل

كارمن :- ومشاكل ايه دى اللى تقلب حالك كده

عند أحمد خلص اتصاله مع عمرو وطلع

عند كارمن وهو متعصب

كارمن :- مالك

أحمد :- مفيش شوية مشاكل فى الشغل

كارمن :- ومشاكل ايه دى اللى تعمل فيك كده

أحمد :- مفيش مش لازم كل حاجه تسأله فيها ومتدخليش فى اللى ملكيش فى

كارمن :- لا انا مراتك ومن حقى اعرف

أحمد :- لا مش من حقك ولا حق اى يحد يدخل فى اللى ملهوش فى انا حر فى حياتى

كارمن :- لما يكون موضوع معصبك ومخلى صوتك عالى كده يبقى من حقى أعرف

أحمد :- مسكها من دراعها جامد وقال وهو بيدوس على اسنانه لما أكون بتكلم مترديش عليه وتعالى صوتك علشان ماتشوفيش الوش التانى بتاعى انا نبهتك اهو علشان بعد كده متزعليش وزقها وقعت على السرير وهو نزل

……………………………………………………

عند إيمان كانت نايمه فى أوضيتها دخلت أمها عليها

فاطمه :- بت ياإيمان اصحى يلا

إيمان :-……………………………

فاطمه :- يابت أصحى يلا علشان تلاحقى تجهزى زمان مراد جاى

إيمان :- ياماما بقى انتى جاى بتصحينى علشان تهزرى مين مراد ده

فاطمه :- يوووه اهزر يابت مراد خطيبك

إيمان :- وكمان بتقولى عليه خطيبه والله دمك خفيف ياحاجه 😂😂😂😂

فاطمه :- يابت أنتى فقدى الذاكره ولا أيه دانتى كانت خطوبتك أمبارح

إيمان :- ……………………………

فاطمه :- يادى الغلب اللى الواحد في

يابنتى اصحى بقى متوجعيش قلبى معاكى

إيمان :- صحيت مالك ياماما

فاطمه :- ولا حاجه أصحى بقى علشان مراد زمانه جاى

إيمان :- حاضر وقامت من على سريرها وفاطمه طلعت من الاوضه وهى بتضرب كف على كف على جنان بنتها

دخلت إيمان اتوضت وصلت ولبست هدومها وطرحتها وجذمتها واخدت شنطتها وقعدة فى الصاله تنتظر مراد

وشويه جرس الباب رن قامت إيمان فتحت

مراد :- عامله أيه

إيمان :- الحمد الله

فاطمه :- من جوه خش ياأبنى شويه

مراد :- معلش ياماما علشان ألحق نتمشى شويه ونيجى بدرى ومنتأخرش بره

فاطمه :- ماشى ياأبنى ربنا يسعدكم

مراد :- بعد أذنك ياماما

فاطمه :- ماشى ياحبيبى

وخرج مراد وإيمان من باب العماره

……………………………………………………

عند أحمد نزل وهو متعصب وراح بالعربيه على أول شارع إيمان واستنا يشوفها بس أتعصب اكتر لما شاف مراد مع إيمان وهما خارجين من باب البيت

……………………………………………………

عند إيمان وهى ماشيه جمبه كان فى طوبه فى الارض وإيمان مش واخده بالها منها داست عليها وكانت هتقع بس قبل ماتقع كان أيد مراد سندها وغصب عنها جت فى حضنه

إيمان :- أتكسفت وقالت ش.ش.شكرآ

مراد :- انا اللى أشكر الطوبه اللى جبتك فى حضنى

إيمان :- أحم بلاش الكلام ده ويلا بقى

مراد :- يخربيت جمالك لما بتتكسفى

إيمان :- مرررررررراد

مراد :- خلاص خلاص ووقف تاكسى وركبو بس ركب مراد جمب إيمان وراه

……………………………………………………

عند أحمد كان متعصب أوى وبيشغل العربيه علشان يمشى واتصدم لما شاف إيمان فى حضن مراد وشه أحمر وواصل لأعلى درجه من العصبيه وكان لسه نازل يضرب مراد بس هو سبقوه ووقف تاكسى وركبوه بس كان هاين عليه يولع فى الدنيا كلها لماشافه قعد جمب إيمان

أحمد :- مرتاحه فى حضنه اوى ماشى ياإيمان لومكنتش اخليكى تندمى مبقاش أنا أحمد عزمى ومشى بالعربيه ورجع الفيلا

…………………………………………………

عند إيمان كانت قعده جمب مراد محروجه

إيمان :- كنت قعد جمب السواق هيقول علينا ايه

مراد :- عادى يعنى ياإيمان احنا مخطوبين مفيهاش حاجه

إيمان :- ماشى لسه كتير

مراد :- لا خلاص احنا وصلنا أهو

ونزل مراد وإيمان وحاسب التاكسى ومشى

مراد :- حاول يمسك أيد إيمان وهو ماشى

إيمان :- مراد بلاش اللى أنت بتعمله ده احنا مش مكتوب كتابنا علشان تمسك أيدى

مراد :- مفهاش حاجه ياإيمان انا بمسك أيديك علشان هنعدى الشارع

إيمان :- وانا مش صغيره علشان تعدينى الشارع

مراد :- طب اتفضلى خشى

إيمان:- اخش فين لا طبعآ المطعم ده غالى جدآ

مراد :- ولا غالى ولا حاجه الغالى يرخصلك

ودخلت إيمان مع مراد المطعم وطلبه الاكل

مراد :- إيمان انا كنت عايز أسالك على حاجه كده

إيمان :- اه طبعآ اتفضل

مراد :- وافقتى عليه برضاكى ولا مغصوب عليكى

إيمان :- اتوترت من السؤال ا.ا.انت ليه بتقول كده

مراد :- انا بطمن عادى لو مش عايزانى وخايفه تقولى لحد عندكم كده انا ممكن أجبها من عندى

اما بقى لو كنتى موافقه برضاكى فأنا بوعدك انى عمرى ماهزعلك وهاعيش عمرى كله ليكى وبس وبكده انا مش عايز حاجه من الدنيا حتى لوكان أخر يوم فى عمرى وانا أهم حاجه عندى سعادك حتى لوكان على حساب سعادى

إيمان :- بص انا هبقى صريحه معاك انا طبعآ ملحقتش اعرفك علشان كده أنا ملحقتش احبك بس بعد الكلام اللى قولته انا هحاول اسعدك وحبى ليك هايجى مع عشرتى ليك

مراد :- وانا أوعدك اللى باقى من عمرى ان كان كتير ولا قليل هاعيشه ليكى انا مش بس بحبك انا بعشقك وبموت فيكى ربنا يخليكى ليا

إيمان :- طب يلا علشان الاكل حيبرد

مراد :- يلا ياقلبى

……………………………………………………

عند أحمد دخل اوضه وكانت كارمن قعده وبتعيط واول ماشفته مسحت دموعها

أحمد :- السلام عليكم

كارمن :- عليكم السلام وقامت وقالت عن أذنك انا نزله اقعد مع تنط شويه وسابته وماشيه مسكها أحمد من دراعها

أحمد :- كارمن متزعليش

كارمن :- ممكن تسيب أيدى

أحمد :- ساب أيديها

كارمن :- بصتله وفتحت الباب ونزلت

آحمد :- مسك شعره وضرب الكرسى بتاع التسريحه برجله وقال أعمل أيه ياربى تعبت مش قادر استحمل اللى أنا فيه مش متخيل أزاى إيمان تكون لحد غيرى وكارمن بظلمها معايه اعمل أيه أعمل أيه

…………………………………………………

عند إيمان خلصوه أكل وحاسب وخرجت إيمان ومراد من المطعم

مراد :- بتحبى الجيلاتى

إيمان :- بممممممممموت فيها

مراد :- يابختها

إيمان :- بحبها مانجه وفرواله واوووو

مراد :- طب يلا ودخل جاب ليها اللى هى بتحبه واكبر حجم

إيمان :- الله وكمان حجم كبير ومسكتها وبستها

مراد :- لالا اناكده اغير ياريتنى كنت جيلاتى

إيمان :- انت مش متخيل أنا بحبها قد أيه

مراد :- طيب ياستى بالهنا والشفا ولو عايزه تانى أجبلك

وأكلت إيمان أتنين من الجيلاتى الحجم الكبير

مراد :- اجبلك تانى

إيمان :- لالا مش قادره أتنفس

مراد :- طب بتحبى أجبلك ايه تانى

إيمان :- حرنكش

مراد :- ايه

إيمان :- علشان خاطرى يامراد انا بحبه أوى

مراد :- يادين النبى ده أنا هروح أجيبلك عربية الحرنكش كلها

إيمان :- ههههههههههههههه

مراد :- لا والنبى قلبى مش مستحمل هيقف عليه من الضحكه والرقه دى

إيمان :- طب يلا بقى هاتلى الحرنكش علشان عايزه آكلمك فى موضوع

مراد :- هوا

جاب مراد الحرنكش لإيمان

إيمان :- شكرآ اوى يامراد وقعدة تاكل في

مراد :- خير بقى ياستى موضوع أيه

إيمان :- بص أنا بشتغل فى شركة (……) بس من وراه أخويه مازن بس ماما ومروان عارفين ومروان كمان من بكره هينزل معايه فحبيت تكون عارف وهوهو الشغل ده هنزله بعد الجواز

مراد :- بصى هو كان ممكن أعترض لو كنتى هتبقى لوحدك بس مدام مروان هيبقى معاكى يبقى خلاص اوكى

إيمان :- طب يلا علشان منتاخرش

مراد :- انهارده كان اسعد يوم فى عمرى

ومش عايزه يخلص بس كلها كام يوم وهتبقى معايه علطول وهنقضيها فسح علطول

إيمان :- أنشالله

ومشى مراد وإيمان وقف تاكسى وركبو بس المرادى مراد قعد جمب السواق زى ماإيمان عايزه

…………………………………………………

عند أحمد طلعت كارمن من تحت ودخلت الاوضه كان أحمد قاعد فى الفرانده اللى بتبص على الجنينه

محسش بيها أحمد كان قاعد سرحان

كارمن :- ممكن تخش جوه علشان الجو سقعه وهتبرد كده

أحمد :- انتبه ليها ودخل وقفل الفرانده وقال كارمن أنااسف بجد مش قصدى ازعلك بس لما أكون متعصب مش بشوف قدامى ومش بحب اللى يرد عليا الكلام

كارمن :- عيطت ومردتش عليه

أحمد :- أخدها فى حضنه وقال اناعارف ان قسيت عليكى شويه بس لومكنش مراتى الحلوه هى اللى تستحملنى مين هيستحملنى

كارمن :- انت كنت خلاص قربت تمد أيديك عليا

أحمد:- اقطعها لوتفكر تتمد عليكى

كارمن :- بعد الشر

أحمد :- خايفه عليا

كارمن :- اه طبعآ

أحمد :- ياواد انت ياحنين

كارمن :- هههههههه طول عمرى

أحمد :- طب ماتيجى اوريكى حنيتى انا بقى

كارمن :- لالالالا عرفها

أحمد :- لا ده فى جديد تعالى بس وشدها على السرير

وسكتت شهرزاد عن الكلام الغير مباح

(قليل الادب أحمد ده😂😂😂😂)

……………………………………………………

عند إيمان روحها مراد البيت ووصلهالحد باب الشقه ودخلت إيمان وهو نزل روح البيت عنده

دخلت إيمان اوضتها غيرت هدومها ونامت على سريرها وقالت واحشتنى اوووووى ياأحمد وغمضت عنيها ونامت

*********************

إلي هنا ينتهي الفصل الخامس عشر من رواية وردة بلا حياة بقلم دودو محمد
تابع من هنا : جميع فصول رواية وردة بلا حياة بقلم دودو محمد

تابع من هنا: جميع فصول رواية انتقام أثم بقلم زينب مصطفى
تابع من هنا: جميع فصول رواية أرض زيكولا بقلم عمرو عبدالحميد

تابع أيضاً: جميع فصول رواية أحببتها فى إنتقامى بقلم عليا حمدى

تابعوا صفحتنا على الفيس بوك للمزيد من روايات حب
حمل تطبيق قصص وروايات عربية من جوجل بلاي

اقرأ أيضا: رواية لم تكن خادمتى بقلم أميمة خالد