مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة المتميزة دودو محمد والتي سبق أن قدمنا لها العديد من القصص والروايات الجميلة علي موقعنا قصص 26 وموعدنا اليوم مع الفصل الثالث والثلاثون من رواية وردة بلا حياة بقلم دودو محمد
رواية وردة بلا حياة بقلم دودو محمد - الفصل الثالث والثلاثون
اقرأ أيضا: قصص رومانسية
رواية وردة بلا حياة بقلم دودو محمد - الفصل الثالث والثلاثون
عند إيمان وإيهاب كان لسه بيحكى ليها
باقى الفلاش باك
إيهاب :- عايزك تعرف كل حاجه عن الراجل اللى كانت نايمه عنده فى الشقه
محروس :- حاضر ياباشا
إيهاب :- وحضر نفسك بليل عندك مهما معايه
محروس :- حاضر ياباشا
ومشى محروس علشان يجمع معلومات عن أحمد علشان يقولها لإيهاب
وجاء الليل معاد الفرح وروحت إيمان مع مراد الشقه وفتح مراد باب الشقه ودخلت إيمان ودخل وراها مراد وقفل باب الشقه واول ماإيمان سمعت صوت الباب بيتقفل انتفضت من مكانها
مراد :- نورتى شقتك ياعروسه
إيمان :- ش.ش.شكرآ
مراد :- تعالى معايه
إيمان :- ع.ع.على فين
مراد :- اوضة النوم
إيمان :- اول ماسمعت كده قلبها وقع فى رجليها ومشيت معاه ودخلت الاوضه
مراد :- اقعدى ياإيمان عايزك
إيمان :- ح.ح.حاضر
قعدة إيمان على السرير وقعد مراد قصادها ومسك أيديها وقال
مراد :- بصى ياإيمان مش عايزك تخافى منى وانا صدقينى مش هغصبك على حاجه وهسيبك براحتك لان أنا أهم حاجه عندى انتى بقيتى معايه وجسمك ده أخر حاجه أفكر فى وعايز لما أخد الحاجه دى تبقى برضاكى علشان نعرف انا وانتى نستمتع بيها وخليكى عارفه ان أنا بحبك ولحد أخر يوم فى عمرى هفضل أحبك ومقدرش فى يوم ازعلك وهفضل أحمد ربنا عليكى لانك أكبر نعمه ربنا أنعم عليه بيها قومى خشى الحمام غيرى هدومك واتوضى وتعالى نصلى ركعتين
إيمان :- ح.ح.حاضر وقامت إيمان ودخلت الحمام تغير هدومها
مراد :- قعد باصص على أثرها وقال قمر بنت الايه الحمدلله يارب ان بقت من نصيبى
إيهاب :- لا مش هتبقى نصيبك
مراد :- انت مين ودخلت هنا أزاى
إيهاب :- انا مين ابقى جوز مراتك فى المستقبل ودخلت أزاى من شباك المنور
مراد :- انت عبيط جوز مراتى أزاى
إيهاب :- ماهى سعتها هتبقى طلقتك
مراد :- انت هربان من مستشفى المجانين
إيهاب :- بص بقى ياشاطر انت هتعمل اللى اقولك عليه بالحرف يااما كده هختصب مراتك ادامك وانت مكتف ومش عارف تعمل حاجه
مراد :- هجم على إيهاب وقعد يضرب فيه لحد ما وشه كله جاب دم
محروس :- جه من وراه وحط السكينه على رقبته وقال هتسمع اللى يقوله الباشا ولا تموت
مراد :- لا مش هعمل حاجه تأذى إيمان لو أخر يوم فى عمرى
إيهاب :- وهو بقه كله بينزل دم لا هتعمل اللى اقولك عليه لما تتطلع مراتك من جوه تعمل نفسك انك هتختصبها وتكرها فيك وهى هتطلب منك الطلاق وطلقها شوفت سهله ازاى
مراد :- ده على جثتى اعمل كده ولا أكون سبب فى دمعه تنزل من عنيها
إيهاب :- يبقى هخليك تشوف مراتك وهى نايمه معايه
مراد :- ضرب محروس ووقع منه السكينه وهجم تانى على إيهاب وقعد يضرب فيه
محروس :- اتغاظ من مراد قام من على الارض ومسك السكينه ومسك مراد من شعره ودبحه من رقبته
وقع مراد على السرير جثه هامده
إيهاب :- يخربيتك ايه اللى انت عملته ده
محروس :- مش شايفه ياباشا كان عامل زى الطور الهايج ومحدش قادر عليه وفى الوقت ده سمعه صوت باب الحمام بيتفتح طلعه يجرو و نطو من شباك المنور زى ما دخلوه
…………………………………………………
باااااااااك
إيمان :- ا.ا.انت المجرم اللى قتلت مراد
إيهاب :- اه كان عامل سبع رجاله فى بعضيها بس شهده لله الولا كان بيحبك وضحه بعمره عشانك ههههههههههههه
إيمان :- ااانت مش طبيعى
إيهاب :- طب أقولك على حاجه انا اللى كنت مدبر الحادثه بتاعة كارمن بس مكنتش اقصدها هى كنت أقصد أحمد بس هى اللى غبيه ركبت هى العربيه وعملت الحادثه بيها
إيمان :- ا.ا.ا.انت ايه شيطان
إيهاب :- طق طق انا بحبك والحاجه اللى من الاساس بتاعتى محدش يمد ايده عليها ويخدها ولو حد فكره اقطعها قبل ماتوصل ليها
إيمان :- وانا مش بتاعتك انا بتاعت أحمد
إيهاب :- ههههههههههههه احمد اللى صدق عليكى انك خاينه ورماكى رميت الكلاب وانتى عريانه
إيمان :- افتكرت اللى عمله فيها عيطت
إيهاب :- لا ياقطه العياط مش دلوقتى خلى العياط بعدين لما تعرفى حقيقة أحمد
إيمان :- حقيقة أحمد
إيهاب :- ههههه اه انتى تعرفى ان أحمد اشتراكى من أخوكى مازن
إيمان :- ايه مش فاهمه
إيهاب :- افهمك ياجميل
أحمد حبيب القلب علشان يتجوزك دفع لاخوكى مازن مية الف جنيه
إيمان :- وهى مصدومه لالالالا مستحيل أحمد يعمل كده
إيهاب :- لا عمل كده طب أخوكى اتجوز منين وبعدين دى يارا بنفسها هى اللى حكتلى كده وبعدين ده يارا كانت هتجن لما عرفت ان أحمد دفع فيكى الفلوس دى كلها وهى اللى رسمت الخطه اللى ابعدك بيها عن أحمد وهى اللى قالت على الوحمه اللى فى ضهرك وهى اللى فبركت الصور ههههههههههه البت طلعت بتحبك اووووووى
…………………………………………………
عند كارمن فى المستشفى وصل ليها أحمد وطلب يشوفها
الممرضه :- ادخل بص عليها واطلع بسرعه قبل مايشوفك حد وياريت متتعبش المريضه بالكلام
أحمد :- شكرآ ودخل أحمد عند كارمن وشاف جسمها كله متوصل ليه خراطيم
كارمن :- اول ماحست بأحمد فتحت عنيها وقالت أحمد كويس انك جيت علشان عايزه أقولك كلام قبل ماموت
أحمد :- متخفيش ياكارمن هتعيشى أنشالله
كارمن :- اسمعنى عشان مفيش وقت وحكت لاحمد على الاتفاق اللى مع إيهاب وازاى ساعدته
أحمد :- ازاى تعملى كده خلتينى ظلمتها وضربتها ومعرفش دلوقتى راحت فين
كارمن :- انا عارفه هو كان متفق معايا
بعد مانت تتضربها وتطردتها من البيت هتكون فى عربيه مستنياها هتخطفها وهيروح بيها فى مكان مهجور
أحمد :- منكم لله كسبتو ايه لما عملته كده
كارمن :- وهى بتاخد نفسها بصعوبه والجهاز بدء صفرته بالانذار سامحنى ياأحمد وخلى إيمان تسامحنى الحقها يا أحمد إيمان طيبه ومتستهلش اللى هيحصلها
وانتقلت روحها إلى الرفيق الاعلى
…………………………………………………
عند إيمان كانت مصدومه من اللى سمعته من إيهاب
إيهاب :- لالالا ياعروسه عايزك تكونى مفرفشه كده وغمزلها وقال دى الليله دخلتنا
إيمان :- وهى بتعيط بتهز راسها بمعنى لا وقالت مستحيل اخليك تلمسنى
إيهاب :- ماهو لومش برضاكى هيبقى غصب عنك
إيمان :- على جثتى تلمس شعره منى وانا متأكده ان ربنا مش هيتخلى عنى
إيهاب :- قام من مكانه ومشى أيده على دراع إيمان العريان وقال مفيش غير انا وانتى هتقدرى تقومينى هههههههه
إيمان :- يمكن انا اه ضعيفه ومش هقدر أقومك بس فى القوه منك فوق قادر على كل شئ وانا مؤمنه ووثقه ان ربنا مش هيتخل عنى وهيوقف جمبى
إيهاب :- هههههههههه طب ورينى هتعملى ايه ومسك القميص اللى عليها قطعه وهجم عليها بس قبل مايلمس حاجه منها كان أيد أحمد بتسحبه من عليها وقعد يضرب فيه لحد ماكل حته في جسمه بتنزل دم
إيمان :- كانت اغمى عليها من الخوف
أحمد :- بص عليها وصعب عليه منظرها وقلع الجاكت ولبسه لإيمان وشلها وطلعها فى العربيه وكان منير وصل بعد ماأحمد اتصل بى وهو فى السكه وبلغه بالى حصل
أحمد :- المجرم جوه انا ضربته ومرمى
فى الارض
منير :- ماشى ياأحمد وانت خد إيمان على المستشفى
وتم القبض على إيهاب ومحروس والتحفظ عليهم
……………………………………………………
فى العربيه عند أحمد وإيمان
أحمد :- كان بيبص على إيمان بندم ويقول
سمحينى ياإيمان غيرتى عمت عينى وخلتنى اشك فيكى وظلمتك مش عارف لما تفوقى هترضى تسمحينى ولا هتبعدى عنى وتسبينى لالالا ده لوانتى بعدى عنى انا هموت فيها يارب حنن قلبها عليه انا عارف انى ظلمتها وجرحتها بس متأكد من قلبها كبير
………………………………………………
ووصل أحمد المستشفى وشال إيمان ودخلها الاوضه والدكتور طلب من أحمد ان يستنا بره وكشف على إيمان وحط ليها محلول وفاقت إيمان
الدكتور :- الف سلامه عليكى يامدام
انا فين و.و.ومين جبنى هنا وحسست على جسمها وقالت أنا كويسه.م.محدش
جه جمبى
الدكتور :- لا متخفيش انتى فى المستشفى ومفيش حد لمسك ولا فى حالة اعتدئى عليكى كل الحكايه ياستى انك حامل الف مبروك
إيمان :- حطت إيديها بتلقائيه على بطنها وقالت حامل وبعد كده افتكرت الكلام اللى قاله إيهاب على أحمد ان اشترها بفلوسه وافتكرت اللى عمله فيها
وقالت ممكن يادكتور اطلب منك طلب
الدكتور :- اه طبعآ اتفضلى
إيمان :- مش عايزه حد يعرف بموضوع الحمل ده
الدكتور :- انا أهم حاجه عندى سرية المريض معنديش مانع طبعآ
وخرج الدكتور من الاوضه ودخل أحمد
أحمد :- إيمان س.س.سمحينى انا عارف ان قسيت عليكى بس والله العظيم من غيرتى عليكى
إيمان :- مسمهاش غيره اسمها قلة ثقه وبعدين لوسمحت اطلع بره انت دلوقتى غريب عنى متنساش انك طلقتنى يعنى محرمه عليك
أحمد :- مسك ايد إيمان وقال هردك ليا تانى بس سمحينى
إيمان :- شدت أيديها منه وقالت وانا مش عايزه ارجعلك تانى واتفضل اطلع بره الاوضه لو سمحت
أحمد :- إيمان ا
إيمان :- مش عايزه اسمع ولا كلمه تانى اطلع بره
خرج أحمد من الاوضه وهو مش عارف يعمل ايه علشان إيمان تسمحه نزل من المستشفى وراح اشترى لايمان هدوم تلبسها ورجع بعت الهدوم مع الممرضه وراح يجيب لايمان اكل
دخلت الممرضه اديت الهدوم لإيمان وطلعت من الاوضه وقفلت الباب وراها دخلت إيمان لبست الهدوم ونزلت اتسحبت ومشيت من المستشفى جه أحمد وجاب الاكل وخبط على الباب محدش رد بيحسبها نايمه فتح الباب براحه ودخل بس ملاقش حد فى الاوضه طلع سأل الممرضه عليها قلت
الممرضه :- معرفش والله انا اديتها الهدوم وطلعت علشان هى تغير ومشفتش حد طلع من الاوضه
أحمد :- بعصبيه ازاى يعنى خرجت من الاوضه و محدش شفها
ونزل أحمد يدور على إيمان فى الشارع بالعربيه بس ملاقش ليها أثر قعد يخبط بأيده على العربيه ويقول غبى بغباءك ضيعتها منك اعمل انا ايه دلوقتى اتصل على اهلها بس ملاقهاش عند حد من أهلها وقعد الكل يدور على إيمان بس محدش عرف يوصلها
………………………………………………
وبعد مرور ست سنين فى مكان ما
اصحه بقى مدوخنيش مش اللى كنت بعمله فى امى تيجى انت وتعمله فيه
……:- يوووووه خلاص بقى ياماما
……:- انت ياولد متكلمش امك كده وقوم بقى خلصنى
……:- حاضرصحيت خلاص
دخل حسن عليهم فى ايه يابنتى موال كل يوم ده
إيمان :- يرضيك كده يابابا الولا بصحيه بيتزهق عليا
حسن :- يابنتى اهدى مش كده هو السن ده كده وبعدين بص للولا وقال
حبيب جدو مزعل ماما ليه
مراد :- ياجدو كل يوم تفضل تزعق وتشخط وانا نايم بذمتك فى حد يصحى حد كده
حسن :- بصوت واطى لا مينفعش بس امك كده نعمل فيها ايه نموتوها لازم نستحملوها قوم يلا اعتذرها
قام مراد من على السرير وقال
مراد :- انا اسف ياماما وباس أيديها وبص لجدو وغمزله 😉😉
حسن :- 😉😉👍👍
إيمان :- والله يابابا انت اللى مدلعه
حسن :- هو انا ليا غيركم من يوم ماجيتى انتى عيشتى معايا والاستاذ مراد شرف الدنيا وانا بشوف الدنيا بشكل تانى ربنا يخليكم ليا
إيمان :- ويخليك لينا يابابا
حسن :- بص لمراد وقال يلا يابطل خش الحمام خد شاور كده واطلع علشان تصلى ونلعب ماتش كوره
مراد :- حاضر ياجدو
ودخل مراد الحمام وحسن قعد جمب إيمان وقال
حسن :- مش ناويه يابنتى تعرفى ابوه والولا بدء يكبر واسألته مبتخلصش عن ابوه
إيمان :- لا يابابا أحمد بالنسبه ليا مات من ست سنين وابنى مش اول ولا أخر واحد يعيش من غير اب انا عايشه ليه دور الاب ودور الام
حسن :- غلط يابنتى اللى انتى بتعمليه ده انتى اصلا منستيش أحمد بأمارة دموعك كل يوم بليل وانتى مسكه صورته ست سنين وانتى على الوضع ده
إيمان :- بدموع مش قادره اسمحو كل ماأفتكر رميته ليا فى الشارع وانا عريانه ولا الشتايم اللى قالها ليا ولا ان هو اعتبرنى لعبه اشترانى بفلوسه
بتصعب عليا نفسى اوى
حسن :- الغيره وحشه يابنتى فكره اول مره شوفتك فيها فى المقابر وكنتى منهاره بسبب انك شوفتيه نايم مع مراته وكنتى عايزه تنتقمى منه قولتلك بلاش الانتقام اخرته وحشه محال هو بقى راجل وشافك مع راجل تانى فى سريره اى راجل تانى كان هيعمل زى وأكتر حتى لو بيحبك ويثق فيكى المنظر بتاع السرير صعب على اى راجل
إيمان :- ده يابابا مسألنيش حتى حكم عليا علطول قعد اترجى فيه يسمعنى بس هو لا رفض يابابا
ورمت نفسها فى حضن حسن وقعدة تعيط
حسن :- طبط عليها بحنان الاب وقال ربنا يفكها من عنده وقادر يصلح حالك ويشيل الغشاوه اللى على عينك دى
وقام وسبها تفتكر الماضى
…………………………………………………
فلاش باااااااك
طلعت إيمان من المستشفى ومش عارفه تروح فين افتكرت حسن ركبت تاكسى وراحت الشقه دخلت وشافت منظر الشقه واتصدمت ولاقت هدومها متقطعه ومرميه فى الارض وكل حاجه تخصها مكسوره دخلت أخدت التليفون ونزلت بسرعه قبل ما أحمد يجى ركبت تاكسى ومسكت التليفون وأتصلت على رقم حسن وانتظرت الرد وشويه وسمعت صوته وهو بيقول
حسن :- السلام عليكم
إيمان :- وعليكم السلام
حسن :- مين معايا
إيمان :- انا إيمان يابابا
حسن :- ايوه يابنتى اذيك ياحبيبتى عامله ايه
إيمان :- الحمد الله
حسن :- تستهلى الحمد
إيمان :- بابا انا عايزه أجيلك بس مش عارفه اركب ايه
حسن :- تنورينى يابنتى هقولك وادها الوصفه بتاعت البلد وركبت زى مااقلها حسن ووصلت عند الموقف وكان حسن فى أنتظرها
إيمان :- اول ماشافت حسن جريت عليه واترمت فى حضنه وقعدة تعيط
حسن :- بستغراب ايه اللى فى وشك ده
إيمان :- تعالى بس نروح البيت وانا هحكى ليك كل حاجه ووصل حسن وإيمان للبيت واستقبلتها اخت حسن بحنان الام وقعدة إيمان وحكت كل اللى حصل وكانت منهاره
حسن :- طب يابنتى اهدى علشان اللى فى بطنك ده ذنبه ايه يجى على الدنيا ومش معا ابوه
إيمان :- ذنبه ان ابوه واحد انانى معندهوش لا قلب ولا رحمه بس انا هعيش لابنى وبس يمكن ربنا بعته ليا علشان يعوضنى بى عن اللى شفته فى حياتى يمكن هو ده الميه اللى هتسقي الورده ويديها الحياه اللى فى بطنى ده مكافئتى اللى ربنا بعتها ليه بعد اللى شوفته فى حياتى مكافئة صبرى
حسن :- ربنا يصلح حالك يارب
وعاشت إيمان حياه هديه بين حب وحنان وعطفة الاب وحنان الام اهتم حسن بإيمان طوال فترة الحمل وكان مش بيخليها تتحرك طوال التسع شهور الحمل واتولد مراد وإيمان أختارت اسم مراد تخليد لاسم مراد اللى حبها بدون مقابل وضحى بعمره علشان يحمى حبه ووعده ليها واهتم حسن بتربية مراد وحبه جدآ وكان يجعله دايمآ الولد المدلل
مراد :- اخد شخصية ابوه وعناد امه ودمها لسانه طويل مش بيخاف من حد فى الشكل طالع نسخه من أحمد كان جميل جدآ عندما يتحدث وكأنه رجل كبير محبوب بين أهالى البلد بيحب اللبس ومنظم جدآ فى نفسه وانيق
……………………………………………………
باااااااك
إيمان :- عمرى ماهنسا ياأحمد اللى عملته فى ده انت جرحتنى جرح مفيش حد فى الدنيادى يستحمله
……………………………………………………
عند احمد اصبح اكثر جديه لا يهتم بأحد حياته خاليه من الحياه لايفعل شئ بيها سوى العمل فقد وكأنه اليه تتحرك واصبح له ذاقن كبيره اصبح لا يهتم بمظهره رجع عاش تانى فى الفيلا مع أهله بعد وفات كارمن ومعرفة حقيقتها كان نايم أحمد على سريره سمع صوت بينادى عليه
تالين :- عمو أحمد أصحى يلا علشان انا جعانه ومش هفطر غير معاك
أحمد :- صحى وقعد على السرير وقعد تالين على رجله وقال احنا مش اتفقنا انك اول حاجه تعمليها الصبح تفطرى علشان تبقى نشيطه
تالين :- انت عارف ياعمو ان انا مش بعرف اكل غير معاك وانت بتصح متأخر اعمل ايه
أحمد :- انا عارف مش هخلص من لمضك امشى ادامى ياأختى
تالين :- حبيبى والله يابو حميد
أحمد :- ابوكى نأح عليكى ولا ايه
تالين :- ده بابا ده عسولة العساسيل
أحمد :- جديده عليه دى
تالين :- مع تالين هتشوف كل شئ جديد
أحمد :- اهى دى أخرت جواز المجنين من بعض
وفى الوقت ده دخل عمرو عليه
عمرو :- اصباح الخير ياأبو حميد
أحمد :- صباح الخير ياأخويه خف شويه البت طلعه زيك فى الكلام
عمرو :- شال تالين وقال دى حيببت بابى
تالين :- خليك فى حالك
عمرو :- شوفت تربيه زى دى عمرك
أحمد :- لا الصراحه بشوف مع عيلتك كل حاجه جديده
تالين :- طب بطله كلام ويلا علشان عايزه أكل جعااااااااانه
عمرو :- 😂😂😂 بتفكرك بمين
أحمد :- طلعه ليك طفسه
عمرو :- حبيبى ياأبوحميد يلا أحسن هنضرب ونزل أحمد مع عمرو وتالين وكان الكل قاعد محمود وميرفت وجودى ومنير وجاسمين ومروان
و اياد وهاجر استوب
(جودى ومنير ربنا كرمهم بتؤام بعد اكتر من عشر سنين وسموهم فرح وفريد عندهم سنتين
جاسمين ومروان اتجوزه من سنه بعد قصة حب سنتين وجاسمين حامل فى الشهر السابع فى بنت وهيسموها إيمان
أياد اتخرج ومسك شركات ابوه بعد ماأحمد اتفرغ لشركته هو عمرو وبقت من أكبر الشركات
عمرو وهاجر معاهم تالين خمس سنين وهاجر حامل فى الشهر الرابع )نرجع تانى
أحمد :- صباح الخير
الكل :- صباح النور
محمود :- بما اننا متجمعين كده عايزه ابلغكم ان فرح ابن عمكم يوم الخميس الجاى فى الصعيد وكلنا هنسافر علشان نحضره
أحمد :- لا مليش فى جو الصعيد ده مش رايح
محمود :- انا قولت هنروح كلنا يبقى هنروح
أحمد :- طب والشغل
محمود :- مش هيحصل حاجه ده هما كلها يومين الدنيا مش هتخرب فيهم وبص لعمرو وقال والكلام برضه ليك اعمل حسابك انك مسافر معانا
عمرو :- ولا يهمك ياحاج انا راشق معاكم فى اى حاجه مدام فيها اكل
الكل ضحك على طريقة كلام عمرو
………………………………………………
عند فاطمه بقت حزينه من يوم فراق بنتها الواحيده وأهملت فى أكلها وده أثر على صحتها استوب
(مازن اتجوز يارا وجابت ليه ولد اسمه حازم واطلقت منه بعد ماأخدت الفلوس بتاعة أحمد واتجوزت راجل أعمال غنى ومعاه فلوس كتير وسابت الولد لمازن
مازن بقى مسؤال ونزل دور على شغل علشان ابنه حازم واتجوز واحده كويسه وعايشه مع امه وبتربى حازم وبتعمله زى أمه وهو اتعلق بيها وبيقولها ماما وحامل فى شهرهاالخامس
مصطفى فتح ورشه خاصه بى واتجوز من سنه ونص ولسه لحد دلوقتى ربنا مرزقهوش بأطفال) نرجع تانى
فاطمه :- اه يابنتى واحشتينى ياترى لسه عايشه ولا لالالا استحاله انا قلبى بيقولى انك لسه عايشه
مياده مرات مازن :- انشالله ياماما تكون كويسه
فاطمه :- نفسى اشوفها خايفه اموت قبل ماأشوفها
مياده :- ربنا يديكى طولت العمر انشالله تشوفيها قريب
فاطمه :- يارب يابنتى يارب
ويقومك بالسلامه يامياده يابنت حوا وأدم
مياده :- ربنا يخليكى يارب هقوم احضرك الاكل بقى
فاطمه :- لالا مش جعانه
مياده :- وحياة حازم عندك تاكلى لقمه صغيره
فاطمه :- حلفتينى بالغالى ماشى بس متكتريش
مياده:- عنيه
فاطمه:- تسلم عنيكى
وقامت مياده حضرت الاكل لفاطمه
……………………………………………………
عند إيمان كانت الدنيا هيصه بسبب فرح بنت أخت حسن
إيمان :- مبروك يالولو
ليلى العروسه :- الله يبارك فيكى ياإيمى
إيمان :- مش مصدقه نفسى يالولو انك هتمشى وتسبينى
ليلى :- دى سنة الحياة عاد
إيمان :- انا قولت ايه مش عايزك تتكلمى صعيدى مسمهاش عاد اسمها بقى
ليلى :- ههههههه برضه مش هعرف ابقى زى بنات البندر
إيمان :- طب والنبى انتى آحلى من بنات البندر فى الوقت ده دخل مراد
مراد :- بقى كده يامزه هتبعينى وتتجوزى
ليلى :- ههههه بس انت اللى فى القلب يا مرو
مراد :- هههههه هتوحشينى اوى يا لولو
ليلى :- وانت اكتر والله بس ممكن تيجى تعيش معايا
مراد :- مش هينفع يالولو وماما اسبها لمين ده انا الراجل بتعها
إيمان :- شالته وباسته وقلت يخليلى الرجل بتاعى يارب احسن راجل فى الدنيا
مراد :- طب هو فى راجل امه تشيله كده نزلينى بقة
إيمان :- هههههههه فى دى عندك حق ونزلته وقالت اهو ياسيدى نزلتك روح عند جدو حسن
مراد :- حاضر ياماما
وميشى مراد عند جده حسن
ليلى :- مراد ده حتة سكره ربنا يحميه ويحرسه يارب
إيمان :- بتنهيده ده هو اللى طلعت بى من الدنيا ربنا يخليهولى يارب
ليلى :- يارب
تابع من هنا : جميع فصول رواية وردة بلا حياة بقلم دودو محمد
تابع من هنا: جميع فصول رواية أرض زيكولا بقلم عمرو عبدالحميد
إرسال تعليق
يسعدنا تلقي اقتراحاتك أو تعليقك هنا