مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة المتميزة دودو محمد والتي سبق أن قدمنا لها العديد من القصص والروايات الجميلة علي موقعنا قصص 26 وموعدنا اليوم مع الفصل الرابع والثلاثون من رواية وردة بلا حياة بقلم دودو محمد
رواية وردة بلا حياة بقلم دودو محمد - الفصل الرابع والثلاثون
اقرأ أيضا: قصص رومانسية
رواية وردة بلا حياة بقلم دودو محمد - الفصل الرابع والثلاثون
عند احمد كان متعصب من قرار ابوه بالسفر
أحمد :- هو مفكرنى ايه عيل صغير يتحكم فى روح روح تعالى تعالى انا مش رايح الفرح واللى يحصل يحصل
عمرو :- اهدى شويه ياأحمد محصلش حاجه لكل ده وبعدين ابوك قصده تطلع شويه للحياه ومن اللى انت فى ده
أحمد :- انا مرتاح كده محدش ليه دعوه انا حياتى انتهت بخروج إيمان منها مش عايز اشوف حد مش عايز اكلم حد
عمرو :- ياأحمد ست سنين وانت على الحال ده مقاطع الكل بص على شكلك بقيت ازاى لا بتاكل ولا بتشرب شوف دقنك عامله أزاى شوف هدومك عامله ازاى فين أحمد اللى كان مرح وبيحب الضحك والهزار
أحمد :- احمد ده مات وادفن من يوم ماإيمان بعدت عنى اخدت معاها كل حاجه حلوه وسابت ليه الندم والحزن والاشتياق هه.انت عارف انا سعات بحس نفسى مجنون بقعد اتكلم مع نفسى كأن إيمان قعده معايه واتأسف ليها انت عارف ياعمرو قد ايه صعب على الواحد يعيش من غير روح ولا حياه د.د.دانا لسه لحد دلوقتى بشم ريحتها ط.ط.طب عارف انا مره كنت رايح الشركه وشميت ريحتها وحسيت انها قريبه منى اوووووى بس مكنتش شايفها ودورت فى الشارع بس ملاقتهاش وعيط وقال واحشتنى اوى ياعمرو اوى
عمرو :- بحزن على حال صاحبه ياأحمد بعد إيمان مأثرش عليك انت بس ده أثر فينا كلنا واحنا كلنا إيمان واحشانه بس مش فى أيدينا حاجه لازم نعيش الدنيا عمرها مابتقف على حد مش بقولك انساها بس برضه اطلع شويه من اللى انت فيه
أحمد :- مش قادر ياعمرو انا لوأعرف بس هى فين قلبى يرتاح شويه لكن ست سنين بدور عليها ومش لاقى ليها اثر
عمرو :- انشالله هتظهر قريب ماأنت اللى عملته فيها مش قليل كانت لازم تعمل كده على ما الجرح اللى فى قلبها يهده شويه
أحمد :- هموت ياصاحبى واشوفها واللى هى عايزه هاعمله
عمرو :- بس علشان خاطرى تسمع كلام ابوك مش هتخسر حاجه روح غير جو يمكن ترتاح شويه
أحمد :- عمرى ماهرتاح غير لما اشوف إيمان
……………………………………………………
عند إيمان كانت قعده فى الاوضه ومسكه صورت أحمد
إيمان :- قد ايه انت واحشنى نفس انام فى حضنك وارتاح ست سنين وانا مدقتش الراحه لا عارفه انساك ولا قدره انسا اللى عملته فى بتقطع من جوه لما ابنى بيسألنى هو ليه مليش بابا زى كل العيال مش عارفه ارد عليه واقوله ايه اقوله انك طيب ولا اقوله انك اقسى واحد على الارض اقوله بتحبنى ولا أقوله بتكرهنا لا عارفه اكره فيك ولا عارفه احبيبه فيك ست سنين عشتهم صراع مع نفسى لا قادره اكرهك ولا عارفه احبك ليه ياأحمد خلفت بوعدك ليه مش انت قولتيلى مستحيل ابعد عنك فين انت دلوقتى عايش حياتك ولا همك بعدى انا تعبت والله تعبت
ومسكت الصوره وحضنتها وعيطت
………………………………………………
انتهى اليوم بدون أحداث تذكر غير وجع وحب وندم واشتياق مابين قلبين القدر اختار ليهم البعد والفراق
…………………………………………………
اشرقت شمس صباح يوم جديد فى سماء ام الدنيا حيث تتداعب بخيوطها الصفراء العيون البندقيه لتفتح إيمان عيونها وهى تشعر بشئ ما ولكن لا تعلم ماهو قامت اخدت شاورها واداة صلاتها
وطلعت من أوضتها على أوضة مراد
إيمان :- مراد اصحى ياحبيبى يلا.
مراد :- 😴😴😴
إيمان :- انت ياأبنى اصحى بقى مش كل يوم على الموال الاسود ده
مراد :- الله يكرمك ياماما سبينى انام شويه
إيمان :- لا واصحى بقى علشان تاخد شور وتصلى وتنزل تفطر معانا
مراد :- مش عايز اكل عايز انام
إيمان :- ياابنى يلا بقى انهارده ورانا شغل كتير
مراد :- قام قعد على السرير وقال
انا مالى انتو اللى عندكم شغل مش انا واهل العريس جاين علشان ليلى مش علشانى انا يبقى عايزانى اصحى ليه
إيمان :- علشان مش هبقى فاضيلك
مراد :- خلاص روحى انتى وانا هكمل نوم ولما اقوم هبقى ااكل نفسى
إيمان :- يووووه بقى انا تعبت من عندك ودماغك النشفه دى واتفضل يلا قدامى
مراد :- هف حاضر حاضر مش عارف بتخلفونا ليه علشان تتحكمو فينا
وقام من على السرير دخل ياخد الشور بتاعه
إيمان :- هههههه الولا ده طالع بيتكلم زى بالظبط
وخرجت من الاوضه ونزلت تحضر الفطار
حسن :- صباح الخير ياحبيبتى
إيمان :- صباح النور يابابا
حسن :- امال فين مراد منزلش يصبح عليا ليه زى كل يوم
إيمان :- زمانه نازل دلوقتى بياخد بس شاور
حسن :- ماشى
وقعد على الطربيزه وإيمان حطت الاكل وشويه ومراد نزل
مراد :- جرى على حسن صباح الخير ياجدو وحضنه وباسه
حسن :- صباح النور على عيونك انا كده يوم بدء لما حضنتك وبوستك
إيمان :- ربنا يخليك لينا يابابا بجد مراد متعلق اوى بيك
حسن :- مش انا اللى مربيه ده هو نور عينى اللى بشوف بيها
إيمان :- لالالا كده انا أغير طب هو نور عينك ابقى انا ايه
حسن :- انتى بنتى حبيبتى اللى جيتى نورتى حياتى وخليتى ليها طعم ولون بعض ما كانت سوده ومفهاش حياه
إيمان :- ربنا ميحرمناش منك
وفطره التلاته ومراد خرج يلعب فى الشارع وحسن راح يشترى حجات للبيت وإيمان قمت تأدى مهامها المنزليه
……………………………………………………
عند أحمد صحى من نومه اخد شاوره
ولبس هدومه ونزل والكل كان فى انتظاره
أحمد :- صباح الخير
الكل :- صباح النور
ميرفت :- تعالى ياحبيبى علشان تفطر
أحمد :- لا ياماما مليش نفس
ميرفت :- ياابنى انت خسيت خالص من قلة الاكل
أحمد :- معلش ياماما والله مش عايز أكل
محمود:- جهزت الشنطه علشان نمشى
أحمد :- اه
محموح :- فرح بموافقة أحمد وقال
طب يلا احسن كده هنتأخر
والكل ركب العربيات وانطلقو للصعيد
……………………………………………………
بعد شويه وصلت عيلة عزمى البلد وكانت عيلة عزمى من اغنياء البلد
وصله الدوار بتعاهم المخصص وكان فى أستقبلهم عبد الحميد اخوه محمود
عبد الحميد :- يامرحب يامرحب نورت البلد ياأخوى
محمود :- منوره بأصحبها وحضن أخوه وسلم عليه
عبد الحميد :- صلت النبى ياأخوى عيلتك كبرت قوى
محمود :- هههه العيال كبرت وكبرتنا معاهم
عبد الحميد سلم عليهم كلهم ورحب بيهم
عبد الحميد :- يلا ياجماعه الوكل جهز
والكل راح على المندره واكله وشربه الشاى
محمود :- قولى ياعبد الحميد هما اهل العروسه من كبارات البلد
عبد الحميد :- لا دى من عيله بسيطه هنا
محمود :- اشمعنا
العريس على :-القلب ومايريد ياعمى عاد
محمود :- اه يعنى واخدها عن حب
على :- حاجه زى أكده ياعمى
عمرو :- وهو قاعد جمب أحمد قال بصوت هامس للأحمد الحب ولع فى الدره ياسعديه
أحمد :- ضرب عمرو فى دراعه وقله طب بس بدل مايسمعوك ويطخوك
عمرو :- لا وعلى ايه الطيب أحسن
عبد الحميد :- فى حاجه ياولد أخوي
أحمد :- وهو بيبص لعمرو لالا ولاحاجه ياعمى
على :- المفروض انهارده نروح كلنا عند أهل العروسه علشان الرجاله تتعرف على بعض
أحمد :- استغرب من طريقة كلام على وقال
انت بتتكلم زى مش صعيدى يعنى
على :- ايوه انا عشت فى القاهره ست سنين ولسه راجع هنا مبقاليش سنه
أحمد :- اه علشان كده
على :- وبعدين برضه العروسه قعد معاهم واحده مش صعيديه بتعلمها تتكلم مصرواى
أحمد :- ربنا يهنيك ياأبن عمى
على :- تعيش ياأحمد
المهم احنا أنهارده هنتغدا عند اهل العروسه
محمود :- طب ياأبن اصبر علينا أنهارده احنا تعبنين من السفر وخليها بكره
على :- لا ياعمى بكره الحنه وممنوع حد من الرجاله يخش عندهم الحريم بس اللى مسموح ليهم
محمود :- وهو بيقف خلاص ياأبن امرنا لله هخش اريح شويه
على :- ماشى ياعمى وانا هاخد الشباب وهفرجهم على البلد
محمود :- ماشى ومشى وسبهم هو وميرفت
والحريم جودى وجاسمين وهاجر راحو على اوضهم
والشباب احمد وعلى ومنير ومروان وعمرو وأياد خرجه يتمشو فى البلد
……………………………………………………
عند إيمان كانت وقفه بتساعد الحريم فى المطبخ علشان يحضره الغده لاهل العريس
ومراد :- كان بيلعب كوره فى الشارع مع العيال
وفى الوقت ده كان ماشين الشباب فى الشارع
مراد :- اخلص ياأبنى شوط
والولا شاط الكوره لمراد ومراد بيشوط كوره جت فى وش أحمد
مراد :- ا.ا.اسف ياعمو مش قصدى
أحمد :- وهو حاطط ايده على وشه قال خلاص ياحبيبى مفيش حاجه
عمرو :- استغرب من الشبه القريب اوى بتاع مراد لاحمد وقال سبحان الله يخلق من الشبه اربعين الولا ده شبه أحمد خالص
منير :- فعلا ده فى شبه جامد من أحمد
أحمد :- بيبص على مراد واتفاجأ من الملامح فعلا وكأن أحمد ومراد فوله واتقسمت نصين وشال مراد وقال انت اسمك ايه ياحبيبى
مراد :- اسمى مراد وممكن تنزلنى علشان انا راجل ومينفعش اتشال
أحمد :- هههه حاضر ياسيدى ونزله وقال بس أسمك حلو اوى
مراد :- شكرآ
أحمد:- العفو وانا اسمى أحمد
مراد :- بطفوليه الله اسمك على اسم بابا
أحمد :- ايه رايك نبقى اصحاب
مراد :- بس ماما قالت ليا مينفعش اصاحب اللى اكبر منى
أحمد :- محدش هيقول لماما ده سر مابنا
مراد :- ماشى بس محدش يقول لماما وشد أحمد علشان ينزل لمستواه وقال فى ودن أحمد اصل ماما عصبيه اوى ولوعرفت ان كسرت كلمتها مش بعيد تقلنى وتقتلك
أحمد :- ههههههه ليه رائيسة عصابه
مراد :- لا اصعب كمان
أحمد :- ههههه ربنا يعينك عليها
ووقف أحمد ولسه هيمشى
مراد :- عمو
أحمد :- نعم
مراد:- احنا عندنا فرح هستناك تيجى فى
أحمد :- امته
مراد :- يوم الخميس
أحمد :- مش هينفع احنا كمان عندنا فرح يوم الخميس
على :- هههههههه على فكره الفرح واحد
مراد :- عمو على هو تبعك
على :- ايوه ابن عمى
مراد :- بفرح طفولى هيييييه يعنى طلعت قربنا
أحمد :- حس بأحساس غريب لما شاف ضحكة مراد وقال لنفسه ضحكته وطريقة كلامه كلها إيمان
عمرو :- ايه ياأحمد روحت فين
أحمد :- ها ولا حاجه يلا بينا
ومشى أحمد والشباب يكمله فرجه على البلد
……………………………………………………
فى وقت الغدا الكل اتجمع على طولت الغدا معاده إيمان ومراد
حسن :- منورنا والله ياجماعه
محمود :- ده بنورك ياحاج
حسن :- والله احنا أتشرفنا بيكم
عبد الحميد :- اخوى عايش فى البندر
زى ماآنت كنت عايش هناك ياأستاذ حسن
حسن :- والله فين بقى عايش
محمود :- فى أسكندريه
حسن :- وانا برضه أسكندريه بس سبتها من كام سنه كده وعشت هنا
عمرو :- هو فى حد يسيب جمال أسكندريه ويعيش هنا فى الصعيد
حسن :- بحزن لما يكون المكان ده بيفكرك بأحزانك يبقى لازم تبعد عنه
أحمد :- لما سمع الكلام ده أفتكر إيمان وقال عندك حق والله يااستاذ حسن
عمرو :- حس بحزن صاحبه قال طب ياجماعه مش هنكله ده ريحة الاكل تجوع
الكل ضحك على عمرو
محمود :- كسفتنا الله يكسفك
حسن :- لا براحتكم
أحمد :- هو مراد فين
حسن :- مامته بتلبسه ونازل
أحمد :- بس بسم الله ماشاءالله عسوله اوى
حسن :- ده نور عنيه
أحمد :- هو يقربلك ايه
حسن :- انا ابقى جدو
أحمد :- ربنا يخليهولك
وفى الوقت ده نزل مراد وطلع يجرى على حسن وقعد على رجله
أحمد :- مش هتسلم ولا ايه
مراد :- نزل من على رجل جدو وراح لاحمد سلم عليه
أحمد :- شاله وقعده على رجله
تالين :- ممكن ياعمو تنزل الولا الغلس ده
مراد :- بت أنتى متقوليش عليا غلس علشان مامدش ايدى عليكى
تالين :- ولا تقدر واهو ياغلس يا غلس وطلعت ليه لسانها
مراد :- شاف ياعمو بتقول ايه
أحمد :- بس ياتالين بتقولى ليه كده
تالين :- علشان انت قعده هو على رجلك وانا لا
أحمد :- شال تالين وقعدها غلى رجله التانيه وقال ها ياستى مبسوطه كده
تالين :- مش بطال
مراد :- ردى عدل بدل ماأعدلك
عمرو :- فى ايه ياابنى ماتلم نفسك راعى ان ابوها قاعد
مراد :- ماهو لوانت مربيها مكنتش ردت على اللى اكبر منها كده
تالين :- انا متربيه احسن منك وبعدين عمو أحمد بتاعى انا بس
أحمد :- خلاص انت وهى انا بحبكم انتو الاتنين
عمرو :- بأندفاع ههههههه نقرهم مع بعض بيفكرنى بنقير أحمد وإيمان
أحمد :- افتكر إيمان وقال بحزن عن أذنكم وقام وساب الاكل
هاجر :- لعمرو مش تخلى بالك من كلامك
عمرو :- مش قصدى والله انا كنت بهزار
هاجر :- وده برضه كلام تهزر بي
عمرو :- اهو اللى حصل بقى
والكل أكل ومشى على بيتوهم
……………………………………………………
عند إيمان كانت قعده فى اوضتها
دخل حسن عليها
حسن :- ايه يابنتى منزلتيش تقعدى معانا ليه
إيمان :- مفيش يابابا كنت بساعد البنات فى المطبخ
حسن :- ربنا يجزيكى خير يابنتى
إيمان :- ليلى دى اختى وهى وقفت جمبى كتير
حسن : -ربنا يخليكم لبعض
إيمان :- ويخليك لينا
وفى الوقت ده دخل مراد
حسن :- كويس انك جيت علشان انا زعلان منك
مراد :- ليه ياجدو
حسن :- فى حد يعمل كده مع ضيوفه
مراد :- مش قصدى ياجدو بس البت دى لسانها طويل وانا مش بحب اللى يغلط فى
حسن :- بس لما يكون فى بيتك لازم تحترمه حتى لوعمل ايه
إيمان :- ماتفهمونى فى ايه
مراد :- مفيش ياماما بنت كانت جاى مع اهل العريس بس لسنها طويل وانا اتعصبت عليها
إيمان :- لا عيب يامراد زى ما جدك قالك مدام فى بيتك لازم تحترمه
مراد :- انا اسف
إيمان :- انت رجلى ولازم تكون راجل فى افعالك علشان الناس تحبك
مراد :- طب اقولك على سر بس متزعقيش
إيمان :- قول
مراد :- انا أنهارده اتصحبت مع واحد كبير
إيمان :- انا قولت ايه متصحبش اللى أكبر منك
مراد :- بس ده كويس اوى ياماما وهو اللى قلى خلينا أصحاب
إيمان :- لا اسمع الكلمه ملكش دعوه بى
مراد :- بزعل حاضر ياماما
إيمان :- صعب عليها مراد شده وحضنته بس شمة ريحة أحمد فيه قلبها دق جامد وقالت
م.م.مراد م.م.منين البرفان ده
مراد :- شم هدومه وقال اه ده برفان عمو أحمد اللى تبع العريس وهو ده صحبى
إيمان :- ا.ا.احمد لالا مستاحيل وده ايه هيجيبوه هنا
حسن :- ايه يابنتى روحتى فين بقالى ساعه بنادى عليكى
إيمان :- ها م.م.معاك فين مراد
حسن :- دخل اوضه ينام بس مالك
إيمان :- غريبه يابابا مراد كان ريحته برفان أحمد
حسن :- يابنتى هو اللى عمل ازازة برفان أحمد معملش غيرها
إيمان :- م.م.مش عارفه بس حسيت بأحساس غريب لما شميت البرفان
حسن :- علشان انتى واحشك اووووى
إيمان : - ممكن
حسن :- ماشى هسيبك تنامى علشان بكره وراكى حجات كتير تصبحى على خير
إيمان :- وانت من أهله دخل حسن اوضه علشان ينام وإيمان نامت على سريرها وقعدة تفكر فى أحمد لحد ماعنيها راحت فى النوم
……………………………………………………
فى اوضة حسن قعد يفكر فى اللى حصل أنهارده وقال
حسن :- معقوله يكون هو اصل الشبه كبير من مراد واسمه أحمد
وافتكر كلمت عمرو لما قال شبه إيمان وأحمد وقال صح يبقى هو لالالا علشان موهمش إيمان على الفاضى أتأكد الاول ان كان هو لا لأ وبعد كده ربنا يحلها من عنده وراح فى نوم عميق
…………………………………………………
عند أحمد كان قاعد فى اوضه وبيفكر
أحمد :- مش عارف ليه الولد ده بيشدنى ليه اوى كده وبحس فيه من إيمان انهارده شميت ريحة إيمان فى وطريقة كلامها وضحكتها ووووالشبه اللى بينى وبين مراد م.م.معقوله يكون لالا وايه هيجيب إيمان هنا وهتعرف الناس دول منين
اظاهر كده ان انا اتجنيت من كتر اشتياق لايمان بشوف الناس كلها إيمان
ونام على سريره واتغطه وراح فى نوم عميق
…………………………………………………
عند هاجر وعمرو
هاجر :- مش ملاحظ حاجه غريبه
عمرو :- حاجة ايه
هاجر :- الولد اللى اسمه مراد ده فى شبه كبيرررر اوى من أحمد
عمرو :- ايوه انا برضه أتفجأت اول ما شفته فى الشارع مراد وأحمد كأنهم فوله واتقسمت نصين
هاجر :- وفى حاجه غريبه.كمان طريقة كلامه وضحكته وحركاته كلها إيمان
عمرو :- ممكن تكون صدفه ايه هيجيب إيمان هنا
هاجر :- مش عارفه ليه حاسه انها قريبه منى
عمرو :- علشان هى واحشاكى حاسه باللى الاحساس ده
هاجر :- كلمة واحشانى دى قليله عليا د.د.ده أنا هتجن عليها
عمرو :- بينى وبينك هو أحمد غلط مفيش كلام بس برضه هى غلطت لما فكرت تبعد عن اللى حبوها مش شرط أحمد امها أخواتها وانتى وانا هى طلعت انانيه اوى لما مفكرتش فينا
هاجر :- كانت مجروحه هتعمل ايه يعنى اللى صحبك عمله فيها مش قليله
د.د.ده بكل قسوه رماها وهى عريانه طعنها فى شرفها وضربها عايزها تعمل ايه يعنى
عمرو :- انا مقولتش ان أحمد مش غلطان لا ده غلط وغلطه كبيره كمان بس برضه قرار بعدها عننا من غير مانعرف هى فين ده أنانى منها
هاجر :- واحشتنى اووووووى
عمرو :- ربنا يحنن قلبها ويرجعها لينا
هاجر :- يارب
عمرو :- بقولك ايه ماتيجى اقولك سر
هاجر :- هههههههه لا ابعد عنى انا مش طايقه نفسى من الحمل وتعبانه
عمرو :- تعالى بس انا هنسيكى التعب
هاجر :- لا تصبح على خير
عمرو :- بغيظ وانتى من أهله باأختى نامى نامى
هاجر :- هههههههههه طب اطفى النور
عمرو :- ماشى
ونامت هاجر وعمرو
…………………………………………………
اشرقت شمس صباح جديد
استيقظ احمد من نومه دخل الحمام واخد الشور بتاعه ولبس هدومه ونزل
كان الكل قاعدين بيفطره قعد أحمد أكل لقمه صغيره وقام وخرج يتمشى شويه
وهو ماشى شاف مراد بيلعب مع جدو كوره ضحك ضحكه بسيطه شافه مراد
مراد :- جرى عليه وحضنه عمو أحمد واحشتنى
أحمد :- شم ريحة إيمان فى وحس بشعور غريب لما حضن مراد وقال وانت واحشتنى أكتر
مراد :- عمو تبقى جيب تالين أعتذرها علشان ماما قلتلى انا انا غلطان
أحمد :- حاضر كنت بتعمل ايه
مراد :- بلعب مع جدو كوره تعرف تلعبها
أحمد:- ده انا حريف فيها
مراد :- تعالى احسن جدو كبر وانا كل يوم أغلبه
حسن :- من ورا مراد قال
سمعتك على فكره وانا بسيك تغلبنى على فكره
بص لاحمد وقال اذيك ياأبنى عامل ايه
أحمد :- الحمدالله
حسن :- تعالى اتفضل اشرب شاى معانا
أحمد :- الله يكرمك شكرآ
مراد :- والنبى تعالى شويه العب معايه كوره
أحمد:- حاضر ياسيدى
ودخل أحمد مع مراد وحسن
حسن :- خليك انت هنا مع مراد وانا هخيش اجيب الشاى
أحمد :- ملوش لزوم الشاى والله لسه شارب قبل ماأنزل
مراد :- ايه ياجدو عايز تخلع ولا ايه خايف تخسرتانى ولا ايه
حسن :-انا هخاف منك انت
مراد :- اه علشان علطول بتخسر منى
حسن :- ماااااشى طب تعالى ورينى هتكسبنى ازاى
ولعب أحمد وحسن ومراد كوره وكان أحمد ومراد فريق وحسن لوحده فريق
حسن :-لا كده ظلم اتنين على واحد حرام
مراد :- لالا ياجدو انت اللى عجزت
حسن :- ياولا متغظنيش انا شباب عنك انت كمان
أحمد :- ربنا يديك الصحه يارب
وفى الوقت ده كانت إيمان جاي تنادى على حسن ومراد
إيمان :- يلا يابابا يلا يامراد
أحمد :- كان ضهره لإيمان بس أتصدم لما سمع صوتها 😨😨😨😨 وقال
م.م.معقول بتخيل صوتها ولف وشه علشان يتأكد
إيمان :- اول ماشافت أحمد اتصدمت 😨😨😨😨😨وقالت م.م.معقوله ا.ا.انت
أحمد :- بفرحه إ.إ.إيمان
إيمان :- قعد بصه على أحمد مصدومه
لنفسها ياااااااااااااواحشتنى اووووووووى نفسى اجرى عليك وارمى نفسى فى حضنك ومطلعش منه ابدآ
أحمد :- يااااااااااااواحشتنى اووووووووووى نفسى اخدك فى حضنى اخبيكى ومطلعكيش من حضنى ابدآ
أحمد :- بعنيه للإيمان واحشتنى
إيمان :- بعنيها لاحمد وانت كمان واحشتنى
أحمد :- بعنيه لإيمان انا اسف على اللى حصل منى ارجعيلى انا محتاجك
إيمان :- بعنيها لأحمد ششش متفتحش القديم انا محتجاك اكتر
أحمد :- بعنيه لإيمان بس انتى احلوتى اكتر من الاول
إيمان :- بعنيها لأحمد ههههه لا بلعكس انت اللى دقن زودت حلوتك
وبعد كلام العيون فاقت إيمان على صوت مراد
مراد :- هو ده أحمد صحبى
إيمان :- بعد مافاقت قالت مراد خش جوه
مراد :- لا ياماما انا عايز اقعد مع عمو شويه
إيمان :- بعصبيه مرررررررررراد اسمع الكلام وخش جوه
دخل مراد وهو بيعيط
تابع من هنا : جميع فصول رواية وردة بلا حياة بقلم دودو محمد
تابع من هنا: جميع فصول رواية أرض زيكولا بقلم عمرو عبدالحميد
إرسال تعليق
يسعدنا تلقي اقتراحاتك أو تعليقك هنا