مرحباً بكم أصدقائي وأحبابي عاشقي القراءة والقصص الرومانسية مع رواية رومانسية إجتماعية كوميدية جديدة للكاتبة فاطمة صلاح علي موقعنا قصص 26 وموعدنا اليوم مع الفصل الثانى عشر من رواية آسيا بقلم فاطمة صلاح.
رواية آسيا بقلم فاطمة صلاح - الفصل الثانى عشر
رواية آسيا بقلم فاطمة صلاح - الفصل الثانى عشر
انحرف بالسياره عن الشاحنه الضخمه التي كاد ان يصطدم بها واصطدم بشجره ضخمه ولكن اسيا لم تكن ترتدي حزام الامان فاصطدم راسها ب"تابلو"السياره
اسيا:اههههه،،اكرم
اكرم بخوف:حببتي انتي كويسه
آسيا وهي ع وشك ان تفقد وعيها:نا دايخه دماغي بتوجعني
اكرم بحنان وهو يحضتنها:اهدي بس يحببتي غمضي عنيكي دايخه بس مش هيغمي عليكي متخافيش
اسيا بخنقه:ايي المسج المهمه اللي قلبت وشك وكانت هتموتنا دي انشاءلله
توتر اكرم ولكن تماسك بسرعه:شغل متشغليش بالك
ثم دلفوا من السياره ليأخذوا سياره للكافتريا المفضله لهم
في الدور الاعلي للكافتريا كما تحب اسيا الجلوس لتري البحر من اعلاه
اكرم:كُلي يماما عشان ماكلكيش
اسيا:اوكي
وبعد دقيقه اسيا:الحمدلله
اكرم بحنق:اطفحي يا اسيا بدل مطفحك
لتضحك علي اسلوبه وهي تقول:بيئه!!
اكرم بغيظ:نسيتي الصبح اما قولتي****،خليني ساكت احسن
احمر وجهها بشده لتشرب من كوب النسكافيه وهي تكاد تضع راسها بأكمله فيه من شده احراجها ليضحك بشده علي وجهها الذي اصبح كالفراوله
____________________
اتجهوو بعد ذلك للمشفي ليجدو كارمه نائمه
اسيا:مفيش جديد؟
مراد:الدكتور قال هتخرج بليل بشرط الرعايه والملازمه ومتابعه مع دكتور نادر
اسيا:الحمدلله،استحملها يا مراد ربنا هيجازيك ع كل ده وفالاخر صدقني هتحبك اضعاف حبك ليها
مراد بشرود:انشاءلله
________________
في المساء
كانت متسطحه علي سريرها تستعد للنوم وهي تفكر في تغير اكرم الجذري بعد تلك الرساله كانت تشتاق لصوتته وتنوي محادثته ولكن حدثت نفسها بانه من الافضل ان تتركه لعمله لم تمر ثواني لتجده يهاتفها
اسيا بفرحه:كوكو
اكرم بلاشعور:مكلمتنيش ليه!!
آسيا بحب:کنت بحسبك مشغول فقولت معطلكش و
اكرم بصوت عالي نسبيا:لا قولي انك مش فاضيالي وبتعدي الايام عشان اسافر وزهقتي مني و...
اسيا وهي تجلس و تقول باستغراب:في اي ياكرم اي اللي بتقوله ده نت مبقالكش يومين هنا!!نا مستحيل ازهق منك يا حبيب...
قاطعها بصوت عالي:حبيبك اي وزفت اي نا عارف كويس انك مش عايزاني
اسيا والدموع تتجمع بعينيها:مش عايزاك اي لا طبعا نت عارف اني...
قاطعها مره اخري بعصبيه:نا مش عارف حاجه!!
اغلق الهاتف في وجهها
تساقطت الدموع من عينيها واحساسها يحدثها ان الاتي يتطلب منها التماسك وبشده!
.........................
جالس في مكتبه يتذكر احداث اليوم الكئيب
بعد ان دلفو خارج المشفي في السياره التي ارسلها له"كريم"
اسيابحب:تعالي بقي نقعد في حته نتكلم
اكرم بشرود:مش فاضي عندي حاجات اهم!
اسيا بخنقه:طيب
اكرم بضيق:هتتعوض
اسيا بخنقه:مش نت قولتلي انك موجود عشاني وفاضي
اكرم بشرود:شغل مفاجيء
اسيا:طيب وصلني
اوصلها ورحل بسرعه الرياح ليس كعادته دائما حتي وان كان متأخراً يستقل المصعد معها ويدلف لبيتها!!
بعد ان اوصلها عاد للكافتريا وطلب قهوته وحادث سيلينا
سيلينا بلاشعور:Hi؟
اكرم باشمئزاز:نتي يبني ادمه عايزه اي مني!!
سيلينا بلامبالاه:nothing،only نرجع صحاب تاني!!
اكرم بضحك يخلو م المرح:حد قالك اني ع مزاج امك انا سكتلك بمزاجي لكن وربي وما اعبد نا بصابع مني اوديكي ورا الشمس
سيلينا باشمئزاز من طريقته:اي الطريقه دي يا اكرم!!local
اكرم بضحكك يخلو من المرح:معلش
سيلينا بتأفأف:هتيجي امتا القاهره؟
اكرم بجديه:نتي اللي شيلتي فرامل العربيه!!
سيلينا بصدمه:ايه!!عربيه ايه انت كويس
اغلق الاخر في وجهها فلا حاجه له بهذا الاهتمام المزيف
ذهب للفيلا ليفكر في تلك المصيبه بتركيز دلف لحجرته ليأخذ حمام وبعدها ذهب للنوم
في المساء هاتف الاخري وبدلاً ان يقوم بطمئنتها عن تغيره المفاجيء صباحاً صب بها غضبه،،لماذا اتت سيلينا في ذلك الوقت ولماذا يحدث كل ذلك معهم ولماذا هو بالذات لا يعلم!!
باكك
قرر اخيرا مهاتفه اللعينه
سيلينا بخنقه:oui!!
اكرم بسخريه:لالا سيلينا هانم صوتها مخنوق ليه،اوعي يكون الفريندز مش رايحين انهارده النايت كلاب عشان كده؟
سيلينا:no,انا مليش مزاج انزل بس I so sad اني ا...
قاطعها كرم بسخريه:ميخصنيش،،المهم اني كنت مكلمكك عشان اقولك اني مش هعمل معاكي اي صفقات وياريت تبعدي عني عشان مبعدكيش بطريقتي
سيلينا بملل:أحسن
ثم اضافه بعد دقيقه:انت اللي هتندم
اغلقت في وجهه وتركته يفكر كثيراً هل هكذا اغلق علي ماضيه ام سيظل يلاحقه طوال عمره؟وهل ستقبل اسيا به ان عاد قص عليها كل ما حدث؟؟وصل اخيراً لحل سيقوم بتنفيذه صباحاً وغرق اخيراً في النوم!!
...............................
استيقظت ظهراً
لتجد الاخر يجلس وعلي وجهه علامات الارهاق
كارمه بعصبيه:هخرجج امتااا!
مراد بتماسك:نهارده بليل
كانت علي وشك ان تنزع الكانيولا ليمسك بيدها :لو خلعتيها كده مش هنخرج خالص نهارده
تركتها علي مضص
مراد وهو يتنحنح:في دكتور طيب كده عايز يدردش معاكي شويه
كارمه بنفور وهي تضحك بسخريه:لا راجلل اوي ياض!!!
مراد بصبر:هيساعدك تخرجي م اللي نتي فيه تقعدي تفضفضي معاه وكده
كارمه وقد فهمت لتقول بعصبيه:دكتور نفسيييي؟
مراد بهدوء:اهه!
كارمه وهي تصرخ:شايفني مجنونه يا*****،مستحيييييل مش هروحح طبعااا انسي
مراد: فكري بعقلكك صدقيني هيفيدكك رفضتت وظلت تسبه بأفظع الالفاظ لتأتي عند لفظ ما ان نطقت به حتي فاض به لينزل بصفعه علي وجهها طبعت اصابعه عليه
لتقول بغل:بكرهكك
____________________
في المساء
نادي الممرضه لتسعادها في ارتداء ملابسها لللذهاب لمنزلهم وذهب للطبيب
في مكتب نادر
نادر بابتسامه:المكتب نور اتفضل
مراد بمجامله:بنوركك طبعا
نادر بانبتاه:اي الاخبار
مراد بخيبه امل:رفضت!!
نادر بروتينيه:كنت متوقع!الحاله الوحيده اللي هتخليها توافق اما تدخل في المرحله التالته!
مراد:اي المرحله دي
نادر بشرح:زي مقولت امبارح ان الصدمه النفسيه٥مراحل هي مرت بالانكار والعصبيه التالته المساومه هتبقي مستعده تعمل اي حاجه ساعتها عشان توصل للي هي عايزاه نت اطلب منها انها تتابع معايا
شكره وهو يدلف لحجرتها ليأخذها ويذهب لبيتهما
ذهب كل شخص لحجرته لتبديل الملابس وبعدها ذهب للمطبخ وقد اذاب لها في كوب ماء مهديء دلف لحجرتها واعطاه لها وجلس بجانبها حتي غفت غفي الاخر علي"الكنبه الكبيره"في حجرتها ليكون بجوارها
_____________________
في الحاديه عشر مساءً
استتيقظت وهي تتذكر كل ما مرت به هي لم تشعر بذلك الضياع من قبل!هي تدرك جيداً ماحدث ولكن لا تصدق،كانت تعلم بعلاقاته ولكن اكبر تخيلاتها انه يمسك بيد خطيبته!!شردت في ذكرياتهما معاً
فلاش باك
منذ ست سنوات
كانت جالسه في شرفه منزله مع اخته"حور"التي تعادلها عمراً،،ملتزمه بشده اكثر منها بمراحل ويسميها البعض بسخريه"الشيخه"وهي اقرب شخص لها بعد آسيا وكانت اخته ترتدي"خمار"لتداري شعرها والاخري تقف ببنطلون من الجينز الضيق وتشيرت ابيض قصير وشعرهاا كان يصل لكتفيها لتجده يأتي من حيث لا تدري وبعصبيه:
انت يحاجه مش ناويه تتحجبي وتحترمي نفسك
حور وهي تنظر له بلوم:عيب كده يسليم!
كارمه وعينيها ممتلئه بالدموع:سبيه يحور،هو نا كده مش محترمه يا سليم!؟
سليم بنبره حانيه:انا خايف عليكي من شباب اليومين دول مش اكتر،لكن نتي مفيش منك يكركر
كارمه بغضب:نا مش كركر اي القرف ده!
سليم وهو يحاول غيظها:كركر
كارمه بغيظ:لا اهو نت
سليم باصرار:عم كركر
كارمه بغضب:لاااا
سليم باستفزاز:كركر
ليستفذها اخيرا لتضربه في صدره بقبضتها الضعيفه ليدلف للخارج بعد دقيقه دلفت لتذهب لتجد صوت بجانبها يقول باصرار:كركر!!
فزعت ودفعته في صدره علي غفله ليمسك بيدها حتي لا يقع،،،ليقعوا الاثنان علي الفراش خلفه ليردد بضحك:كركر!!
تاهت في ضحكته لتفيق وحور تمسك بها وهي تساعدها في النهوض من فوقه وهي تقول باحراج:ربنا يسامحك يسليم البت هتحرم تيجي هنا
ليضحك وهو يقول مستحيل!؟
لتضحك بخجل وهي تؤيده بشده بداخلها فهي من المستحيل ان تمتنع عن الذهاب لبيته وخصوصا وقت وجوده هي تعشق اخته زياده علي عشقها لها لانها تنتنمي له تعشق بيته وفراشه ولمس اشيائه تعشق كل ما يتعلق به!!
سليم بحنان:يلا عشان اطلعك شقتكم
كارمه بخجل:ده ربع شارع
سليم بحزم:نا قولت اي
لتدلف معه وهي تشعر في تلك اللحظه انها تمتلك سند حقيقي وانها حصلت اخيراً علي امانها معه!
باك
افاقت ووجهها ممتليء بالدموع لا تصدق ولن تصدق ما راته طوال حياتها حبه أضعفها وجعلها هشه زياده علي ماهي عليه ولكن لم تكن تتوقع ان ينتهي بها الحال بين المشفي والاطباء النفسيون ،ظلت تبكي بشدهه وهي تتمني لو كان هو زوجها الان ولو لم يكن بذلك الاخلاق تمنت لو لم تحبه من الاصل،لو لم يكن جارهم،لو ولو ولكن كل ذلك يندرج تحت الاماني المستحيله!!
نظرت في انحاء الغرفه لتجد الاخر نائم علي الكنبه في وضع غير مريح كم كان وسيماً يشبه الملائكه لو التقت به في زمنا اخر وحياه اخري ربما حينها احبته دون تفكير ولكن هي مريضه بشخص اخر ولا امل لشفائها منه نادته بهدوء:مراد مراد
لم يبدي رد فعل لتهزه بخفه وهي تنادي اسمه ليفتح عينيه ببطء وهو ينظر لها باستغراب
كارمه بهدوء:صحيتك عشان نتعشي يلا قوم
مراد باستغراب:حاضر
اصر علي ان تجلس علي السفره وهو يحضر العشاء فهي لم تغادر المشفي سوي منذ ساعات قليله
تناولا عشائهما في صمتت وجو من الهدوء
ليجدها بعد ذلك تقول:هعمل كابتشينو اعملك؟
مراد بحيره:اهه ياريت
جلسوا متقاربان امام التلفاز بعد حوالي ساعه صمت وجد الاخري تمسك بيده وهي تقول بابتسامه كبيره:مرادي؟
مراد باستنكار وهو يلتفت لها:مرا...
نطق باقي الحروف داخل فمها فقد انزلت راسها وهي تقبله بنهم ليندهش قبل ان يبادلها اولي قبلاتهما بعشق وشغف بعد دقائق كثيره ابتعدا لينظر لها بحب لتنظر الاخري له برجاء:ممكن اطلب منك بقي طلب دلوقتي؟
مراد بابتسامه وفرحه داخليه:لو هتطلبي قلبي اديهولك واموت انا!!
كارمه بحزم:طلقني؟
مراد بصدمه:ايه!!
ساد الصمت لفتره قصيره وقد ادرك انها تفعل كل ذلك بفعل مرضها ليس الا،،لتقطعه الاخري
كارمه برجاء:طلقني والنبي وهعملك كل اللي عايزه
مراد بوجع:مش عايز أي حاجه غيرك!!
كارمه بدموع:انا مش عايزاك انا عايزه سليم!
ثم دققت علي حروفها:بحبه يا مراد!
مراد بضحك يخلو من المرح:وهو مش عايزك ثم اكمل وهو يدقق علي حروفه ايضاً:هوو مش عايزك هو مش بيحبك ولا بيعرف يحب اصلا
كارمه بهستريه:هديك كل اللي عايزه هديك اللي مجوزني عشانه!
وبدات في شق قميصها البيتي الخفيف ليظهر جسدها وهي تبكي بهستريه
تساقطت دموع الاخر بحرقه واقترب يحضتنها بشده وهو يردد بيأس:غطي نفسك يا كارمه
اخذت تنوح بوجع::لو كان حبني مكنش هيحصل كل دهه ليه عمل كده ليه خاني؟!
مراد بيأس:محبكيش عشان تبقي اسمها خيانه محبكيش!
حملها لغرفه نومها والبسها قميص خفيف للنوم وظل بجانبها حتي غفلت
دلف لحجرته ليفكر بهدوء في القادم هل قوه حبه كافيه لتحمل کل ذاك هل سيظل صامد والاهم هل سيتحمل حبها الشديد لشخص لا يستحق لا يعلم حقاً افاق علي صوت هاتفه ليجيب بخنقه:الو
اسيا بهدوء:روحتو؟
مراد بلاشعور:اهه من زمان
اسيا بخنقه:واي اخبارها
مراد بحزن:عايزه تطلق!
اسيا بصدمه:نعم؟!اكيد بسبب حالتها هي مستحيل ترجع بيت امها تاني
مراد بتفهم:يا اسيا قبل اللي حصل احنا كنا تمام وانا كنت سايبها علي راحتها جدا وبقينا صحاب جدا،، بس هي دلوقتي في مرحله لسه عندها امل تبقي للشخص ده وبتقنع نفسها انه كويس وانه بيحبها مع انها عرفه من جواها هو اي ودي مرحله المساومه؟
اسيا بتفهم:انت لازم تلحق تقنعها فيها تروح للدكتور حتي لو....لو يعني ولم تكمل ليفهم الاخر:اطلقها!
دمعت عين الاخري علي حاله وهي تقول:لا اشترط انها تتعالج وبعدها تطلقها؟
مراد بكبت:كده هتكرهني اكتر!
اسيا بحزم:لو بتحبها بجد ده الحل واقسملك بالله نت في نظرها شخص مثالي بس هي دلوقتي مش بطبيعتها انت عارف ولازم تقدر ظروفها!
مراد بكبت:انا هعمل كل حاجه في ايدي عشان تبقي كويسه ولو بعد ما بقت تمام عايزه نطلق هضحي بساعدتي عشانها!
اغلق الهاتف معها وبدل ملابسه ليدلف لحجرتها وجدها نائمه بهدوء جلس بجانبها وهو يلمس علي شعرها ويقول بوجع: انتي بتقولي اني مجوزك عشان جسمك؟شايفه حُبك لسليم اللي مخليكي في الحاله دي حبي ليكي اضعافه ووجعي اضعاف اضعاف وجعك كان نفسي تحسي بكل ده كان نفسي الموضوع ميبقاش بالصعوبه دي طبع قبله رقيقه علي ثغرها واتجه للكنبه ليغرق في افكاره قبل ان يدخل في ثبات عميق
.............................
تجلس في الظلام تفكر في تغيره المفاجيء معها منذ ان اتت له تلك الرساله وهو شخص اخر هل يخونها؟،هل مل منها؟،هل تزوجها لانها كانت صعبه المنال له؟،الكثير من الظنون لتقطعها بمهاتفه "مراد" للإطمئنان علي صديقه عمرها بعد ان اغلقت معه تمنت من الله ان يديم لها أكرم وان لا يبتعدا طوال عمرهما قررت ان تنام اخيراً فهي غداً ستذهب لتعرف نتيجه اخر سنه لها في هذه الكليه الكئيبه
___________________
في الصباح
استيقظت باكراً لتلعن كل شيء كعادتها بدلت ملابسها وارتدت فستان قصير من الشيفون باللون البرتقالي المنطفيء وبأكمام قصيره وحذاء رياضي باللون الابيض ونضاره شمس سوداء ورفعت شعرها كعكه كالعاده اتجهت للكليه وهي في قمه توترها ليتحول ما ان رات النتيجه لسعاده شديده كان تقديرها إمتياز وكانت الأولي علي الدفعه كعادتها!!لتري تقدير كارمه ليرتسم علي ملامحها الحزن والاحباط رغم انها كانت تتوقع ان ينخفض تقدير الاخري بسبب ما مرت به في فتره الامتحانات من ازدياد المشاكل مع والدتها وخطوبتها لمراد ولكن ليس لتلك الدرجه فلطالما كان"ممتاز"/"جيد جدا مرتفع" كيف يتحول ل"جيد!"في اهم سنه القت ببعض الشتائم بداخلها ووابل من الدعوات علي والده كارمه ولم تنسي نصيب "سليم" من اصعب الدعوات،وهي تتجه لباب الكليه لتصادف"حور"
حور بفرحه:آسيا!
اسيا بلا مشاعر:،ازيك يا حور
حور بحب:الحمدلله بخير،انتي اي الاخبار وعملتي اي
اسيا وهي تهز كتفيها بلا اهتمام:الاولي ع الدفعه ونتي
حور برضي:جيد جدا الحمدلله
اسيا بلاشعور:الف مبروك يا حببتي
حور وهي تتنحنح:كارمه عامله اي؟
اسيا بضيق:في احسن حال بسبب اخوكي الشملول ربنا ينتقم منه!
حور باحراج:سليم حكالي كالعاده عن الحصل ونا مبكلموش من ساعتها ياما حكالي مصايب عنه وعمري ما خصمته بس نتي عارفه اني مليش اخوات بنات وكارمه اختي
اسيا بسخريه:خصمتيه مره واحده كده حقيقي كارمه بقت زي القرده وراقت
حور وقد تجمعت الدموع في عينيها:والله يا اسيا انا مليش ذنب
اسيا باحراج مم اندفاعها:عارفه انك ملكيش ذنب اعذريني علي طريقتي
حور بدموع:طب طمنيني عليها!
قصت الاخري كل ما حدث لكارمه باختصار
ليرتفع بكاء حور:حسبي الله نعم وكيل فيك يا سليم!
حور ببكاء:عشمها ياسيا يمكن نتي مش دريانه بالموضوع عشان مبتبقيش حاضره لكن نا كنت بشوفه وهو كل فتره يرمي كلمه ليها تعلقها ولا موقف!!،كانت شايفاه بعين الحب زياده علي كده انه اصلا كان بيبين قدامها انه متقي ومفيش منه و..
قاطعتها آسيا:نا عرفه كل ده وياما حذرتها منه بس اللي بيحب مبيشوفش الا الحلو وبس،والشملول ضميره فاق ولا اي
حور باحراج وتوتر:هوو قعد اسبوع في البيت مبيكلمش حد وبعدها حكالي وبعد متخنقت معاه ساب رحاب
اسيا بسخريه:يا حبيبي نا كده اتاكدت انه بيحب كارمه
حور بتوتر وتلعثك:بس بس
ثم تنتحنت:........
اسيا بصدمه:ابن ال*****!
...............................................
ذهبت للكافتريا خاصتهم وصعدت للاعلي وهي تطلب مشروبها"كابتشينو بالفانيليا"وهاتفت اكرم رد بعد المكالمه الثانيه
اسيا بهدوء:نايم؟
اكرم بسخريه:اه وبرد عليكي ونا ف الحلم اهو
اسيا بلاشعور:طيب نا مستنياك في كافتريتنا تعالي بسرعه بقي
اكرم باستغراب:في حاجه؟
اسيا بحب:في حاجات!!
ضحك الاخر وهو يقول:بقينا بنعرف نتكلم اهو
اغلقت بعد ان قالت:مستنياك متتاخرش
ظلت تفكر في ذلك الطائش الحقير الاستغلالي"سليم"الذي لم ولن يعرف الحب يوماً ويركض خلف شيئين لا ثالث لهما الشهوه والمال,فكرت في حال كارمه لو علمت بما حدث هذه المره ستجن وتفقد عقلها لاشك في ذلك؟،واخيرا فكرت في تغير اكرم وكأن مكالمه امس لا وجود لها!!بعد حوالي ساعه وجدته يدلف بطلته التي تأخذ انفاسها كان يرتدي بنطلون من الجينز وتيشيرت باللون الابيض وقفت وهي تمد يدها وتقول:شرفت اخيراً
تجاهل يدها وطبع قبله علي وجنتها وهو يجلس:عقبال مجيت
طلب فطار لهما وجلسوا يتحدثوا لتقول فجأه بفرح:انا جبت النهارده النتيجه
ليقول بانتباه:عملتي ايي اسيا بفرح:الاولي ع الدفعه
ليمسك يدها وهو يقول بمرح:في حد مفيهوش ولا غلطه كده طب ازاي؟!
اسيا بمرح:الله اكبر،فين الهديه وفين مليار مبروك
اكرم بحب:مليارين مبروك ثم اضاف سريعاً: والهديه هتعرفيها اديني بس خمس دقايق
ذهب ليهاتف والد اسيا يخبره انهما سيتاخران كثيراً اليوم لانه سيحتفل بنجاحها
عاد ليقول بشغف:يلا بينا
اسيا باستغراب:ع فين
اكرم بحنق:الصبررر الصبر يبنتي
اسيا ببرود:معرفهوش للاسف
اوقف السياره امام المول ليغيب اقل من ساعه ويعود معه عده حقائب ثم اتجه لسوبر ماركت ضخم وعاد باكياس طعام وكيس كبير القاه لها
اسيا بسخريه:احنا مسافرين
اكرم بضحك:وماله
اسيا بحب:نفسي اسافر جدا معاك لو ليومين
ابتسم اكرم بغموض
_____________________
بعد ساعه
اسيا باستغراب:اي دهه احنا مسافرين بجددد!!
اكرم بضحكك:لا ولسه اما تعرفي رايحين فين بقي!
قفزت تقبله قبل لا تحصي ليهتف:الله يحرقك مش شايف!
____________________
وصلو قبل العصر بساعه لتكون المفجأه الكبري لها انه اتي بها لمرسي مطروح!!
دمعت عينيها بشده من الفرحه و:عارف يا اكرم انت اكبر فرحه في حياتي انت نعمه من ربنا ولله واكبر نعمه واحسن عوض
اكرم بسخريه:عوض مين؟؟ انا اكرم اراضي!
ضربته بشده قبل ان تحتضنه وهي تقول:اللي مفرحني اكتر من اني جتها معاك انك لسه فاكر حاجه قولتها من مده!! انك مهتم بتفاصيلي!!
قبل رأسها وهو يقول بحنان:لو مهتمتش بتفاصيلك ههتم بمين!!,هصحيكي العشا كده ننزل ثم اعطي لها حقائب مليئه بالملابس
صعدوا للغرف ليستريحا من عناء السفر حجز غرفتان متقابلتان وبالتأكيد كان أفخم فندق في مرسي مطروح
____________________
في المساء
ظل يطرق بشده علي الباب وهي في عالم اخر
ليقرر اخيرا فتح الباب فهو اخذ بطاقه احتياطياً
وجدها نائمه مرتديه قميص خفيف كانت ترتديه اسفل الفستان كتلبيسه وضع قبله صغيره علي ثغرها ولم يهتز لها جفن ليعمقها ليجد نفسه ملقي أرضاً والاخري واقفه علي السرير :يمتحرش يزباله ي...، اكرم!!!اي اللي جابك بيتي
اكرم بضحك :بيت مين احنا ف الفندق
نظرت لمظهرها بصدمه و:فندق ايه
ظل يضحك بشده حتي كانت تذكرت و:اخرج بره عشان اغير وننزل عشان جعانه
اكرم ببرود وهو يقف:متغيري يبنتي نا قاعد اهو مغمض عيني
خرج بعد شد وجذب لترتدي فستان طويل من القطن باللون اللبني الفاتح دون اكمام وتركت شعرها يغطي ظهرها حتي اسفل خصرها ووضعت احمر شفاه بااللون النبيتي فقط
انبهر بها كعادته وقبل يدها متجهين للمطعم لتناول عشائهما
_____________________
جلسوا علي الشاطيء في منطقه بعيده عن البشر وهو يحكي لها مغامره له في ذلك المكان وهي كعادتها تنظر له بهيام وشرود
اكرم بضحك:كانت عقدتي اني بتوه دايماً لحد تقريبا مخلصت اعدادي
اسيا بضحك:عقدتي اني كنت بقع كتير جدا والمشكله ان مبقعش الا فوجود ناس كتير
ظلا يتحدثان لتجده فجأه يقترب منها ويقبلها بعشق ويردد بين القبله والاخري:بحبك
ظلا يتمشيان علي الشاطيء ويتحدثان في كل مواضيع الحياه ولم يترك الاخر فرصه لاستفزازها وكل مره تقول بغضب: ليه بتحب تستفزني!!
اكرم بضحك:عشان بيبقي شكلك يضحك اوي
اوقفته اسيا و بضحك:تعالي نرقص سلو صح
اكرم بضحك:وده من اي
اسيا بشرود:كان نفسي
اكرم بسخريه: هنرقص علي دقات قلبك مثلا
اسيا وهي تلوي فمها وتمسك بهاتفها:لا علي ده مثلا
شغلت أغنيه "Love me like you do"
رقصو كثيرا وهي تتمايل برقه بين ذراعيهً لتغمض عينيها برومانسيه لتجده يضع قبله علي ثغرها مره ورقبتها مره وهو يضحك بشده علي عصبيتها التي تظهر في لحظه واحده بعدها
____________________
ناموا علي الرمال وهما يتحدثان عن احلامهما
اسيا بشغف:عايزه اشتغل في شركه ادويه كبيره وعايزه اتجوزك واخلف اكرم تاني نسخه منك
اكرم بضحك:نسخه مني اي لا
اسيا بعند:نسخهههه منككك
اكرم بحب:انا نفسي نبقي مع بعض علي طول منبعدش لاي سبب واقضي عمري كله معاكي نفسي تبقي اخر حد اشوفه في اخر لحظه ليا
اقتربت منه وهي تحتضنه بشده وتقول:بعد الشر عنك متقولش كده تاني انا لو شوفت اللحظه دي هبقي مت فعلا
نظرت للنجوم بشرود بينما الاخر يلمس شعرها بحنان
اسيا بضحك:تعرف اني كنت بكراش عليك ايام زمان
اكرم بغرور زائف:اه اعرف كل البنات كانت بتحبني
اسيا بحنق:ياني ع البرود،،هنروح امتا؟
اكرم بحب:اما الشمس تبتدي تطلع!
اسيا باستفسار:عشان متسوقش بليل
اكرم بضحك:انا متعود،،بس عشان في بلوه كان نفسها تشوف الشروق معايا
اسيا بصراخ:بحبكك والله
_____________________
في الرابعه ونصف فجراً
نظرت بجانبها لتجد الاخر مغمض العينين
اتجهت "للبحر"وهي تلمس المياه برجليها
وهي تستنشق رائحته وتغمض عينيه من جمال الشعور
لم تفق سوي علي شخص ينادي اسمها وقد تجاوز منطقه كبيره جدا من البحر
اسيا برعب:بسم الله الرحمن الرحيم منك لله ياكرم!!!
اكرم بضحك:جبانه!!،،تعالي يلا المياه هنا حلوه
اسيا بحنق:عايز تغرقني وتخلص مني اعوذبلله
اكرم:لا بس عشان ساعات بيغمي عليا في البحر فمين اللي هيطلعني ساعتها هغرق واموت
لم ينبث بحرف حتي كانت الاخري قد اقتربت منه وهي تصارع الغرق
اكرم بضحك:اي غبائك ده!
اسيا بجديه:نت بيغمي عليك ليه تعالي نكشفلك بليل؟
اكرم بسخريه:يغبيه يعني لو بيغمي عليا نتي اللي هتنقذيني ده نتي جايه ونتي بتغرقي اصلا
ثم اقترب وهو يحاوط خصرها:قولت كده عشان تيجي بس
اسيا باحراج:ابعد ياكرم ابعد عشان رزالتك زادت اوي!
اكرم بضحك:طيب واما تغرقي هقول هي اللي طلبت
ثم ظل يلقي كميات من الماء باتجاهها"يرش😂"
اسيا وهي تحاول الخروج"ولله بارد"
ظلا يلقيا بعضهما بالماء كالاطفال حتي قاطعته الاخري:اكرم!
اكرم:روحه؟
اسيا وهي تمط شفتيها باحراج:انا جعانه اوي وعايزه اشرب بيبس now
اكرم بضحك:بس كده يلا بينا
قضوا ساعات من المرح في الماء وبعدها تناولا فطورهما وذهبوا في طريقهم للعوده لبورسعيد
_________________
وصلا في العاشره صباحاً ليدلفوا للمصعد وهو يقول بتلاعب:مش عايزه تقولي حاجه؟
اسيا بلا شعور:لا ولا اهه صح شكرا علي اليوم دهه!
اكرم بملل مصطنع:ده نا قولت من اول يوم خرجنا فيه عرفتي اسرع طريقه لشكري!!
لتطبع قبله سريعه علي فمه وهي تبتعد
اكرم بمرح:ها مش هتقولي حاجه تاني؟
طبعت قبله اعمق وقبل ان يعمقها الاخر بطريقته الخاصه
انفتح باب المصعد
ليردد بحسره:ملناش في البوس نصيب
__________________
استيقظت عصراً وهي تتذكر أمس وهي تشعر انها اسعد شخص علي وجه الارض لتجد تسعه مكالمات فائته من اكرم! لتهاتفه
.................................
كان نائم بعمق ليجد شخص مصر علي ندائه ويضربه ضربات خفيفه علي وجهه ليفتح عين واحده وهو ينظر ليجد لين في وجهه بهيئتها وهي مستيقظه من النوم
اكرم بخضه :اعوذبلله هو في عفاريت بالنهار
لوت لين فمها بضيق:عفريت؟يعني انت عفريت!!
اكرم بغرور مزيف:لا طبعا يابنتي انا اغني واجمل رجل اعمال و...
قاطعته الاخري بحنق:مغرور بس بما انه كله بيحسبنا تؤام ومحدش مقتنع اني اختك الكبيره يبقي انت زيي
اكرم بحب:انا اطول ابقي زيك
لين بجديه:عايزاك في موضوع!
اكرم بلاشعور:موضوع ايه يستي اللي ع الصبح ده نتي كنتي بتحلمي بيا!!!
لين بحنق:احلم اي نت حد يحلم بيك الا ف الكوابيس والساعه اصلا١٢
اكرم وهو يجلس:ها قولي
لين بتوتر:عايزاك يا أكرم متظلمش آسيا لمجرد ان سيلينا رجعت اوعي مشاعر قديمه جواك تصحي انت عارف كويس انها ملهاش امان
اكرم بحزم:مستحيل آسيا روحيي ومحدش بيظلم روحه اما سيلينا صفحه وانتهت من زمان
لين وهي تحتضنه:هو ده كوكي
اكرم باشمئزاز:غوري اغسلي وشك بلا اكرم بلا بتاع
لتضحك بشده وتقول:يلا طيب عشان نفطر،،اه صح اكرم ياريت تحكي لاسيا انتو هتتجوزو يعني مينفعش حد يخبي حاجه علي التاني!
اكرم بشرود:تمام اكيد
بعد ان دلف للمرحاض ودلف لتناول افطاره هاتفها عده مرات بدون رد ليتأكد انها نائمه
جلس يعمل علي "اللاب توب"
ليجدها تهاتفه بعد ٤ساعات
اسيا بصوت يدل علي انها مستيقظه تواً من نومها:ايه يا حبيبي في حاجه متصل كتير ليه الساعه١٢ انت منمتش!!
اكرم بخبث:حبيبك؟ده احنا رايقين بقي
اسيا باحراج:انت متصل كل ده عشان تتريق بقي
اكرم بجديه:لا بس عايزك في موضوع مهم جدا
اسيا بقلق:موضوع اي
اكرم بحزم:البسي عقبال مجيلك
دلفت للمرحاض وارتدت بنطلون من القماش البرتقالي القاتم وتيشيرت قصير وضيق بكم باللون الاسود
___________________ دلفت لسيارته
اسيا بفضول:مممم موضوع ايه اللي عايزني فيه ؟
اكرم:هتعرفي وياريت ياسيا تتحكمي في رد فعلك
اسيا:عايزني ابقي فل ساعتها ودينا الكافتريا بتاعتنا
اكرم بهدوء:لا هنروح شقتي
اسيا بغضب:نعم نعم يبابا انت فاكرني سهله
اكرم باستغراب:منتي لو تسمعي الباقي لكن اقول اي متجوز حماره
اسيا باحراج:اتفضل
اكرم بتوتر غير ملحوظ: لازم نتكلم فمكان مفهوش ناس عشان رد فعلك اللي مش ضمنه
اسيا بتوتر:نا بدات اقلق قول ناو الموضوع ده اي
اكرم بنفاذ صبر:هتعرفي هناك
توقف تحت بناء ضخم لتقول اسيا بانبهار: معقول دي عماره!
ابتسم اكرم علي طفولتها وهو يمسك بيدها ليدلفو للمصعد اسيا بمرح:يلا نتصور في المرايه دي عشان انضف من مرايه قوضتي والله
_____________________
دلفوا للشقه ليرتمي علي الكنبه ويقول:اقعدي عشان الموضوع ده يطول شرحه وياريت متقاطعنيش
اسيا بقلق:في ايه قلقتني ،،،قول
اكرم بحزم:....
*********************
إلي هنا ينتهي الفصل الثانى عشر من رواية آسيا بقلم فاطمة صلاح
إرسال تعليق
يسعدنا تلقي اقتراحاتك أو تعليقك هنا