مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة المتميزة رهف سيد والتي سبق أن قدمنا لها العديد من القصص والروايات الجميلة علي موقعنا قصص 26 وموعدنا اليوم مع الفصل العشرون من رواية حب ودموع بقلم رهف سيد
رواية حب ودموع بقلم رهف سيد - الفصل العشرون
رواية حب ودموع بقلم رهف سيد - الفصل العشرون
تخبا امير وخرج جاسم بينما وقفت اسيل مكانها من الصدمة لم تفق إلا على من يسحبها من يدها بقوة وعنف التفت لتجدة امير سحبها امير حتى وصل الي سيارته والقاها داخلها بعنف واغلق الباب وتوجه نحو مقعدة وساق سيارته بسرعة
اسيل بعصبية...انت اتجننت ازاي تسحبني كدة
امير بغضب مكتوم...مسمعش صوتك لحد ما نوصل الفلة
اسيل...فلة اية وصوت اية نزلني انت مجنون
لم يسمع امير لها وظل يقود سيارته حتى وصلت الي منزلة الذي كانو يخططون للزواج به نزل وسحبها بعنف من داخل سيارته وانزلها دخل الي الفلة وصعد الي احد الغرف دخل واغلق الباب
اسيل وهي ترجع للخلف ...انت مجنون قفلت الباب لية
امير...ممكن اعرف الزفت اللي اسمو جاسم دة قالك اية
اسيل وهي تحاول ان تظهر قوتها ...وانتا مالك
ظل يقترب منها حتى التصقت بالجدار
امير...لا يا روحي مالي ونص انتي متجوزة راجل مش عيل علشان تعرفي الرجولة على اصولها
فهمت اسيل انه يقصد بكلاماته اغنية الصباح
امير. بصراخ...انطقي قالك اية
اسيل بارتباك..قالي قالي
امير...انجزي
اسيل ....انو معجب بيا وعايز يتجوزني
امير...لا واللهي وحضرتك اية ردك
اسيل...هو مش وحش خالص بالعكس دة لطيف جدا معانا
رفع امير يدها وثبتها على الجدار...هو انتي مش ملاحظة انك متجوزة ولا اية
اسيل...كنت كنت متجوزة
امير...دة بعينك انتي هتفضلي مراتي وهخليكي كدة مش طايلة لا سما ولا ارض
اسيل...نعععععععم انت اتجننت
ضغط على يديها بقوة حتى اطلقت اسيل صوتها معلنه المها
امير...احترمي نفسك وانتي بتكلميني واية اللي انتي متزفته لابساه دة
اسيل بدموع اوشكت على الهبوط....ملكش دعوة سبني بقى يا اخي فحالي انت اية جبلة مش بتحس
امسك فكها بين يديه ...مين اللي مش بيحس ها وماشية وسايبة الناس تتفرج انا هوريكي وهخلي كل واحد يعرف انك ملكي
هجم على رقبتها البيضاء يقبلها بقوة او التي كانت بيضاء لقد اصبحت رقبتها مزيج بين اللون الاحمر والبنفسجي حاولت دفعة ولكنه كان يزيد اصرارة على ان يثبت انها ملكة لم يبتعد الا عندما اصبحت رقبتها مليئة بهذه العلامات الحمراء وقعت اسيل على الارض وضمت ركبتيها لها واصبحت تبكي اما هو فجلس على الكنبة واصبح ينظر لها بغضب اعتبر هذا عقابة على اهانة رجولتة في الصباح ولتفكير جاسم ان يرتبط بها ولارتدائها هذا الفستان بعد مدة من الصمت كان لا يسمع سوى صوت بكاء اسيل نهضت من مكانها وتوجهت الي الحمام غسلت وجهها ودموعها رفعت وجهها الي المرأه لتصدم برقبتها التي اصبحت بنفسجية اللون رفعت يدها لتحسسها ولكنها كانت مؤلمة للغاية وجدت من ينظر لها وهو يقف مائل على الباب وعلى وجهه ابتسامة جانبية شلح الكوفيه خاصته وتقدم وضعها على رقبتها وعلى وجهه ابتسامة انتصار
امير بتهكم...ابقي روحي وري لجاسم العلامات دية علشان يعرف انك ملك شخص يلا علشان نمشي
نزلت خلفة اسيل وركبت سيارته واصبحت تنظر الي الشباك الذي بجانبها ودموعها تنزل بصمت اوقف امير امام احد الصيدليات نزل قليلا ثم عاد وهو يحمل كيس جلس بالسيارة واعطاها اية نظرت الي الكيس واعادت وجهها مرة اخرى الي الشباك امسك امير يدها ووضعها به
امير...ابقي حطي الكريم دة علشان العلامات دية تبقى تروح
اوصلها الي منزلها نزلت اسيل واغلقت الباب بعنف خلفها ودخلت الي المنزل وصعدت مسرعة الي غرفتها ودخلت الحمام كي لا تختلط باحد في المنزل ويسالها ماذا بها سحبت وشاحة الذي على رقبتها والقتة ارضا فتحت مياه الدش ليعتقد الجميع انها تستحم وجلست باحد الزوايا واصبحت تبكي بقوة بعد مدة من البكاء وقفت اسفل الدش واصبحت المياة تختلط بدموعها انتهت ثم وقفت امام المرأة وضعت من الكريم الذي اعطاها امير اياه ثم امسكت علبة البودرة الخاصة بها واصبحت تضعها على رقبتها لكي تخفي علاماته ولكن رغم كل ذلك لم تختفي سوا القليل ارتدت تي شيرت برقبة ونزلت
عمر...فينك يا اسيل اصحابك فضلو يتصلو بيكي وانتي مش بتردي
اسيل...ها مفيش اصلي كنت محتاجة اتمشي شوية
كريم وهو يعطيها نسخة مفتاح سيارتها....والله لولا ان معايا نسخة من مفتاح عربيتك كانت فضلت في الجامعة لحد بكرة
اسيل...معلش كنت عايزة اتمشي انتا عملت اية مع عمو
كريم...وافق ان الخطوبة تبقى مع احمد وهدير
اسيل...الحمد لله
هاله...صح دكتور جاسم كان عايزك لية
فتحت اسيل عينيها ...هاا
هاله...الدكتور جاسم كان عايزك لية
اسيل ....مين اللي قالك اااااه دة انا معايا مخبرين بقى ماشي ماشي مفيش كان عايز يرتبط بيا
هاله...وهو كويس ولا لا عندو اهل جدع ولا ..
اسيل...عن اذنكم انا شبعت
نهضت اسيل مسرعة الي الاعلى بينما نظر كل من عمر وكريم الي هاله بغضب
كريم...لية يا ماما
عمر...انتي عارفة انها بتحب امير وكمان متجوزة ترتبط بواحد تاني ازاي
هاله...هو مش امير قال هيطلقها وانت قولت انو هيخطب يبقى لية تفضل عايشة على ذكراه
كريم......هو اية اللي تفضل عايشة على ذكراه يا ماما اسيل لسه خارجة من المستشفى من كام يوم ومش ناقصة انتي شفتي اية اللي حصلها مع امير خلاص هي تكمل بقى وتعرف مصلحتها
عمر...خلاص يلا كملو اكل
هاله... والبنت
كريم...لما تجوع هتاكل
اكملو الغداء وكان الصمت هو سيد المكان
******************************************
اما عند امير ذهب الي منزلة وجد والديه يجلسان
امير..السلام عليكم
شريف وزينب...وعليكم السلام
زينب...بص مش معني انك غصبتنا ان نروح نخطبلك الزفتة اللي اسمها جميلة دية يبقى انك تفضل معذب في اسيل كدة
امير...اولا جميلة مسمهاش زفتة ثانيا هي كانت رافضة علشان ست اسيل بتاعتكم دية وانا اللي اقنعتها ثالثا انا قررت اني مش هطلق اسيل وهتفضل على ذمتي ومحدش يتدخل
شريف... هو اية اللي محدش يدخل حضرتك رايح تتجوز وسايب البت كدة بص انتي يا تسيب دية يا تسيب دية وانا انصحك انك تسيب اسيل لانك متستهلش ان دية تكون مراتك دية تستاهل واحد يحطها في قلبو قبل عنية واشبع بست زفتة بتاعتك دية
زينب...جميلة مين دية اللي تحطها مقارنة مع اسيل دية لا ادب ولا احترام ولا جمال ولا اي حاجة
امير...انتو هتفضلو تقولو الكلام دة طول عمركم علشان انتو بتحبو اسيل وعمركم ما حبيتو جميلة لكن لو جربتو تحبو جميلة شوية هتلاقوها احسن من اسيل مية مرة
شريف...انت بتقارن العسل بالبصل يا متخلف انتا بقولك اية غور من وشي انت مش طايق اشوفك اصلا
صعد امير الي غرفتة وهو غاضب جدا وتمدد على الفراش رن هاتفه امسكة بين يدية
امير...ازيك عاملة اية
جميلة... انا كويسة يا روحي وصلت
امير....ايوة اشتريتي الفستان بتاع الخطوبة
جميلة...ايوة وحجزت القاعة وعملت كل حاجة يا حبيبي
تذكر اسيل التي لم تقل اي كلمة من هذه الكلمات قبل زواجهم وهذه التي تقولها قبل ان تتم حتى خطبتهم بشكل رسمي حقا اذا تمت مقارنتهم بالحياء فاسيل من تربح
صعد كريم الي الغرفة وجد اسيل تضع راسها على المخدة ومغلقة عينيها
كريم...اسيل
انتفضت اسيل من مكانها
كريم...مالك اتخضيتي كدة لية
اسيل...ها مفيش كنت سرحانة شوية
كريم...طيب هتنامي
اسيل...مش عارفة
كريم...ربنا يصبرك قومي صلي ركعتين لله كدة
اسيل.. معاك حق
نهضت اسيل وتوضات وارتدت اسدالها عندما سجدت ظلت تدعي
يا رب لقد ضعفت ولا غيرك يقويني
لقد يئست ولم أفقد فيك يقيني
يارب ارحمني في لحظة ضعفي
و ابعد عني شيطاني ونفسي
و اهدي لي قلبي وعقلي
و اغفر لي خطيئتي ويأسي
يارب الى من أشكي وأنت موجود
و لمن أبكي وبابك غير مردود
و من أدعو وأنت فقط المعبود
ومن أرجو ورجائي فيك غير محدود
يارب اجعل عفوك عني دائم
و رضاك علي قائم
و اجعلني عن الذنوب نادم
و لباب توبتك قائم
اللهـّم و لا تُصعب لي حاجة
و لا تُعظم علي أمراً
انتهت من صلاتها وذهبت للنوم في الصباح استيقظت اسيل وارتدت تي شيرت برقبة حتى تخفي اثار الكدمات وهي خائفة جدا لا تعلم ماذا تخبر جاسم وماذا سوف يفعل امير ذهبت الي الجامعة وجدت امير ينظر لها بنظرات لم تفهم معناها تقدمت اليهم وهي ممسكة بيد كريم
احمد... اهلا اهلا بالواطي والواطية اللي سبونا امبارح
اسيل...معلش
ريتاج... جاسم كان عايز اية
نظر لها امير وعلى وجهه ابتسامة حانبية
اسيل...هاا صح انتو رحتو قولتو لماما يا جذم مخبرين وانا مش عارفة
هدير..معلش ياختي انتي عارفة طنط بتستغلنا بشوية المحشي اللي بتعملهم
جميلة...يا بنات الخطوبة بكرة هتحضرو صح
نظر الجميع الي بعضهم والي اسيل
اسيل بالايماء ...ايوة ان شاء الله
قاطع حديثهم صوت جاسم
جاسم...ازيكم يا شباب
بلعت اسيل ريقها بصعوبة ونظرت الي امير التي كانت نظراته تفترسها
كريم...الحمد لله يا دكتور اتفضل
جاسم...لا شكرا انا كنت عايز اسيل ممكن
اسيل بتوجس...اتفضل يا دكتور
واخذته وذهبو بعيدا عنهم قليلا
جاسم...ممكن اعرف رايك او فكرتي
اسيل ...بص يا دكتور انا كنت هقولك بس انتا قطعتني امبارح انا مش مخطوبة وبس انا متجوزة
جاسم بصدمة ....متجوزة
اسيل...لا مش متجوزة متجوزة انا كاتبة كتابي بس هو قال ان احنا هنطلق بس مش دلوقتي وانا الصراحة دايما بعتبرك زي كريم واحمد ومش عايزة ادخل في تجارب تانية علشان مش عايزة اظلمك واظلم نفسي واظلم كل حد فرح واتمني فعلا تبقى زي كريم واحمد يا ريت
جاسم...امممم طيب كدة ردك وصلني وانا ليا الشرف انك هتبقى اختي
اسيل....انا اللي ليا الشرف
جاسم...عايزة حاجة
اسيل...تسلم ربنا يخليك
جاسم... ويخليكي
ودعته اسيل وعلى وجهها ابتسامة جذابة رائعة ولكنها اختفت عندما وجدت امير ينظر لها ولكنها رسمت القوة وجلست
احمد...اية اية في اية
اسيل...على الحركة بتاعت امبارح احلمو اني اقولكم
هدير...بلييييز روحي علشان خاطري قولي
ريتاج...بصو انا هحاول استنبط الموضوع
اسيل...افتي يا مفتي
ريتاج...امممنم من نظراتو ليكي الترم اللي فات و الترم دة ونظرات الاعجاب والانبهار اللي بتبقى موجودة في عنية لما يشوفك يوضح ان الاستاذ دة عايز يوفق راسين في الحلال ويجي يتقدملك صح صح
اسيل...يا قردة
احمد...ههههههه و وافقتي
اسيل....اممممم ملكش فيه
ريتاج...ولا يهمك بكرة نعرف
كريم...انتو معندكوش محاضرات ولا اية
انتهي اليوم وجاء اليوم الثاني وهو يوم الجمعة يوم خطبة امير وجميلة استيقظت اسيل وهي حزينة للغاية ولكنه اظهرت الفرح واللامبالاه ارتدت فستان باللون الزرق الفيروزي وذهبت الي الفتيات وذهبو معا الي القاعة دخلو وجدو امير و والدية تقدمت زينب سريعا واحتضنت اسيل
زينب...جدعة انك جيتي غيظيها يا بت
اسيل...يا طنط انا مش جاية علشان اغيظها
زينب...طنط اية هو مش انتي كنتي بتقوليلي ماما
اسيل...ايوة بس ي
زينب...لا بس ولا مبسش هتفضلي تندهيلي ماما تمام
اسيل...تمام ذهبو وجلسو على احد الطاولات وانضم لهم والدي امير وبعد قليل دخلت جميلة بفستان باللون الاحمر الضيق يبرز تفاصيل جسدها يصل الي الركبة ومكياج صارخ توجه شريف بغضب اتجاة امير
شريف...هي دية اللي احسن من اسيل ها روح لم خطيبتك بفستانها دة
زينب...فستان اية دية جاية ببدلة رقص هي دية اللي هتتجوزها
عض امير على شفتيه بغضب تقدم امير وشبك ايديهم ودخلو
امير بهمس... اية اللي انتي لابساه دة
جميلة...حلو صح
امير...حلو اية وزفت اية ماشي
توجهو نحو الكوشة الخاصة بهم تقدم الجميع مهنئين حتى اسيل ثم نهض الاثنان ليرقصو معا ولكن امسكت جميلة المايك
جميلة...احم اولا انا بشكر الناس اللي حضرة الخطوبة ثانيا انا مش هرقص على الدي جي انا عندي واحدة صحبتي صوتها حلو ووعدتني انها هتغني في خطوبتي وفرحي اسيل
نظر الجميع لبعضهم بصدمة اغمضت اسيل عينيها ونهضت من مكانها توجهت الي المسرح وامسكت المايك وبدات في الغناء وهي تحرك عينيها في جميع الاتجاهات حتى لا تستسلم دموعها وتنزل
اسيل ......
اه كان وهم وعشت فيه
صدقته وعيشني بيه
كان يكدب علي قلبي واحس
واشوف ده في عنيه
كان نفسي لوحده يوم
يعرف يفوق
ويحس وحده ان الحياه
هي انا
انا بالنسباله
كنت حنيين وشوق
مش سهله بعدي يلاقي وحده يحبها
م الاول كنت حاسه
كنت شاكه انه كده
وانا عمري ما جه في بالي
أصبر عليه بالشكل ده
كان نفسي لوحده يوم
يعرف يفوق
ويحس وحده ان الحياه
هي انا
انا بالنسباله
كنت حنيين وشوق
مش سهله بعدي يلاقي وحده يحبها
ااااااااااه كان وهم
انتهت اسيل وصفق كل من بالقاعة على اعجابهم الشديد بصوتها وجمالها وذهبت الي جانب اصدقائها الذين كانو يريدون ان ينهو هذه المهزلة احضرت الخواتم وتجمعت في اعين اسيل الدموع لم تنزل نظر امير الي اسيل وجد دموعها عالقة باعينها وفجاة نزلت لفت اسيل وجهها للجهه الاخرة ومسحت دموعها بقوة
((قد اية صعب انك تدي الانسان اللي انتا حبيتو لشخص تاني ومفيش حد بيحس بيك ولا عارفين تحت الاقنعة دية اية))
فاقت اسيل من شرودها على صوت الزغاريد معلنين خبطتهم امسكت اسيل يد كريم دليل على ان نذهب اوما لها
كريم...عن اذنك بقى يا طنط احنا ماشين
زينب..،ماشي يا حبيبي اول ما توصل البيت كلمني مش هنام قبل ما تكلموني
احمد... ان شاء الله يا طنط
ذهب الجميع اتجاة سيارة كريم وفي الطريق
اسيل...اوقف هنا شوية يا كريم لو سمحت
لم يرد كريم ووقف فهو يعلم انه يوم صعب جدا عليها فتحت اسيل الباب ونزلت وقفت امام النيل
هدير...شوفتو كلبة الكلاب جميلة عملت اية
كريم...مش هنقول غير حسبي الله ونعم الوكيل
احمد....ربنا يعينها
اما عند اسيل كانت تقف امام النيل لم تتحرك و...فجاءة شعرت بعدم وضوح الصورة امامها... لتتحول الي اللون الاسود ...هاربة من عالم كله قسوة وظلم لينزل.. الجميع من السيارة حملها كريم وذهب الي المشفى فاقت اسيل واعطاها الدكتور محلول ...كي يرفع مستوى السكر قليلا وجلس الجميع حولها
ريتاج....حمد لله على سلامتك يا حبيبتي
اكتفت اسيل بالايماء انتهت من المحلول ثم عادت الي المنزل دون علم احد والديها صعدت الفتيات وبدلو ثياب اسيل ونزلو مرة اخرى اوصلهم احمد ثم ذهب الي منزلة
تابع من هنا : جميع فصول رواية أبو البنات بقلم رهف سيد
إرسال تعليق
يسعدنا تلقي اقتراحاتك أو تعليقك هنا