مرحباً بكم أصدقائي وأحبابي عاشقي القراءة والقصص والروايات حيث نغوص اليوم مع رواية رومانسية مصرية جديدة للكاتبة أميمة خالد والتى سبق أن قدمنا لها العديد من الرويات , وموعدنا اليوم علي موقع قصص 26 مع الفصل التاسع عشر من رواية ظالم بقلم أميمة خالد.
رواية ظالم بقلم أميمة خالد - الفصل التاسع عشر
تابع من هنا: تجميعة روايات رومانسية مصرية
رواية ظالم بقلم أميمة خالد - الفصل التاسع عشر
أمير مبتسم: هي دي المفاجأة سيادة المقدم جاي يخطب ريم ...
ريم قامت وقفت : نعم انتو عايزين تخلصوا مني ولا ايه ؟؟
ليلي : عيب كده يا ريم اتفضلو يا جماعه
قعد ادهم وممته وادهم كان محرج جدا من أسلوب ريم معاه
جت الطباخه تبلغهم .... الاكل جهز قامو كلهم يتعشوا وأمير خد ريم علي جنب
أمير: ريم انا كنت بحسبك هتفرحي
ريم : انا اتفاجئت
أمير: طيب معلش عدي اليوم ومتحرجيش الناس عشان خاطري
ريم : حاضر والله مش هكسفهم
رجعت ريم وهي مبتسمه
ادهم قاطعهم: معلش يا جماعه انا اسف لو جيت فجأة
ليلي: لاء طبعا حضرتك نورت
ادهم: طيب عشان انا معنديش وقت معلش انا كنت جاي طالب ايد الانسة ريم
ريم بسرعه : وانا موافقة
ليلي بصت ليها ب استغراب : متأكدة يا ريم ؟؟
ريم : ايوه طبعا موافقة
ادهم استغرب لانه توقع هترفض..... خلصوا العشا و قرأو فتحة زين و تالين .... وادهم و ريم
زين قعد مع تالين بره في الجنينه
زين مكشر: ______
تالين مبتسمه: مالك يا زين انت مش مبسوط؟؟
زين بنرفزه: ايه اليبسط يعني في القرف ده ؟!!!
تالين بإستغراب: قرف !!! يوم قراية فتحتنا قرف
زين : اكيد مش ده قصدي
تالين : امال ايه قصدك؟!
زين : المفروض ده يوم مميز ليا اشوف انا ليه بقي ادهم ده واختك ويشاركني في اليوم بتاعي
تالين بإستغراب : يوم بتاعك ايه ... وبعدين محدش كان يعرف اصلا وكلنا اتفاجئنا بيه .... وحتي لو نعرف يعني فيها ايه ؟؟
زين : بجد فيها ايه؟
تالين : ايوه فيها ايه
زين بزهق : انا همشي ادخلي اندهي لماما
تالين بدموع: هتمشي دلوقتي يا زين؟
زين بجمود: ايوه همشي
ادهم كان قاعد مع ريم في البلكونه وساكت وهي ساكته
ريم : هو انت ممكن تفهمني ايه البيحصل ؟
ادهم ببرود: مبيحصلش!
ريم : يعني ايه تيجي و تطلب ايدي ووووووو وانت متعرفيش
ادهم بثبات: لاء عارفك
ريم : عارف ايه ؟؟
ادهم : عارف انك ريم محمد سمير الريس و ممتك ليلي صفوت الصباغ و تؤمك تالين و مالك وعدى اخواتك كلية هندسة و
ريم وقفته: ايه ايه مقصدش كده ما دي معلومات اي حد عارفها
ادهم: امال انتي عايزة ايه تاني
ريم بعصبية : هو اي حد عارف اسمي و كليتي اتخطبله؟؟ انت بتهزر؟؟
ادهم بعصبية : انتي عايزة ايه دلوقتي ... ووافقتي ليه؟
ريم : وافقت عشان محرجكش قدام الناس وعشان ممتك
ادهم قرب وشه منها شوية وابتسم : طيب ما تجربيني .....لو مرتحتيش خلاص !!
ريم بصت لملامح وشه الجامدة و ابتسامته و ابتسمت علي خفيف .... ماشي هجرب
ادهم ضحك جامد ..... ريم : بتضحك علي ايه ؟
ادهم: اصلك وافقتي لمجرد اني ابتسمتلك يعني كمان اسبوع هتيجي تطلبي مني الجواز!!!
ريم اتحرجت: ايه قلة الذوق دي ... بص كفاية كده النهارده
ادهم : و بعدين
ريم : هنحاول من بكره جامد بقي
ادهم : ماشي عايز رقمك و الاكونتات بتاعتك
ريم : يعني هو انت متقدرش تجيبهم؟!
ادهم : المفروض اوصل لرقم خطيبتي و كده من تحرياتي كشرطة؟!!!
ريم : ماشي هديك الرقم وامري لله هات الفون بتاعك
ادهم بهزار: ايه ده هتبدأي تغيري بقي و تشوفي بكلم مين
ريم بصتله ورفعت حاجبها: اغير ايه انا هسجلك الرقم
ادهم بجدية : طيب سجلي يلا عشان همشي
ادهم خد ممته ومشي بعد زين علي طول و كان ليلي وأمير ومالك و تالين وريم مع بعض كلهم
ليلي : انت ازاي يا أمير متعرفيش ان في واحد هيجي يطلب ريم ؟
أمير: والله يا حبيبتي انا قولت تبقي مفاجأة حلوة
ليلي بعياط: يعني ايه بناتي الاتنين يتخطبوا ويتجوزوا ويمشوا سوا
ريم بصت لتالين وضحكو و أمير قعد جنب ليلي يحايلها
ريم بصت لاخواتها... يلا نطلع احنا فوق وهما طالعين
مالك : علي فكرة يا ريم انا هحول من الكلية
ريم بإستغراب: ايه ده هتسيب هندسة؟؟
مالك ابتسم: ايوه هحول إدارة أعمال
تالين : ليه كده يا مالك ؟
مالك: هرتاح اكتر كده
ريم : يا سلام يا اختي ما انتي كنتي هتحولي
تالين بدلع: ده كان زمان دلوقتي هبقي خطيبة الدكتور زين
ريم : يا تقل دمه
مالك ضحك عليهم: خلاص كفاية خناق بقي يلا ننام
ادهم دخل بيته هو ممته وقعد علي أقرب كرسي وابتسم
مديحة قعدت قصاده : ربنا يسعدك يا ابني ... بس هو الناس مكنوش عارفين ان احنا هنروح ؟
ادهم ابتسم : تقريبا يا ماما أمير عملها مفاجأة
مديحه: هو جوز امهم وبيحبهم اوي كده
ادهم : هو اكتر من ابوهم من زمان اوي وهو معاهم
مديحه: امال فين ابوهم؟؟
ادهم: مات
مديحه : يا حبايبي دول بنتين زي القمر يا ادهم المهم انت تكون مبسوط و تعاملها كويس
ادهم: اكيد يا ماما متقلقيش....وعن اذنك هطلع انام عشان عندي شغل
في كافيه بره كانت ياسمين قاعدة بتعيط و يوسف معاها زعلان عليها وفرحان في نفس الوقت
يوسف: يا ياسمين كفاية عياط بقي
ياسمين : انت ازاي متعرفنيش ان هو بيحب وهيخطب
يوسف: والله العظيم ما كنت اعرف واصلا البنت دي هو لسه عارفها صدفة
ياسمين بتركيز: صدفة ازاي يعني ؟؟
يوسف : انا هحكيلك الحصل..... حكي يوسف لريم كل حاجه
تالين قاعده في أوضة ريم وقاعدة مكشرة
ريم : يا تالين سألتك الف مره مالك ؟!!!
تالين بزعل: اصل لو عرفتك هتسخنيني يا ريم
ريم : لا اله الا الله قولي بس متخافيش
تالين حكيت لريم الحصل مع زين
ريم بصتلها وسكتت
تالين : مش هتتكلمي؟!
ريم : ردي مش هيعجبك يا تالين ف هسكت احسن
تالين : طيب انتي هتسيبي ادهم؟؟!
ريم ابتسمت: بصي هو شخصية حلوة وتقيل ومز اوي و مركز
تالين : يعني ايه ؟!
ريم : يعني هجرب فترة خطوبة طلع كويس خلاص طلع فيه اي حاجة مش عجباني هسيبه طبعا
تاني يوم الصبح
صحيوا كلهم ونزلوا يفطروا سوا
أمير: اخر كلام يا مالك هتحول؟
مالك : إن شاء الله اه
أمير: طيب كويس حتي تتدرب عندي
مالك فرح : بجد !!
أمير: ايوه طبعا تعالي أتدرب ولما تخلص تتعين
رن فون ريم كان رقم مش متسجل ريم ردت بتلقائية
ريم و في بوقها خيارة:الو مين
ادهم: الناس بتبلع بعدين ترد محدش بيرد علي خطيبه كده
ريم برئت لما سمعته و قفلت السكه بسرعه
ليلي : في ايه يا ريم ؟!
ريم بخضه: ده أدهم يا ماما
ليلي: ايوه صح انا لسه عايزة اكلمك في الموضوع ده
فون ريم رن تاني وكان ادهم ....ريم ابتسمت وخدت الفون وجريت بره ترد
تالين بصت ليها بغيره شوية وقالت لنفسها .... اكيد زين لسه مصحيش هرن انا عليه لما افطر
خرجت ريم الجنينه كلمت ادهم
ادهم : انتي ازاي قفلتي في وشي كده ؟؟
ريم : معلش مكنتش اعرف ان انت ف اتخضيت
ادهم : طيب بقولك ايه ما تيجي اعزمك علي الغدا
ريم بزعل: ماما مش هترضي
ادهم : انا هستأذنها.... المهم انتي موافقه؟!
ريم : ايوه بس انت الهتقول لماما
ادهم : تمام ابقي اجهزي بس وانا هقنعها
طلعت تالين اوضتها ترن علي زين
زين بزعل: لسه فاكرة تصالحيني دلوقتي؟؟
تالين : اصالحك!!! انت الزعلتني
زين: تمام حصل خير عمتا .... هو انتي هتيجي الكلية؟
تالين : انت عايزني اجي ؟!
زين : لاء انا كمان مش هروح حتي
تالين : هتعمل ايه النهارده ؟
زين : هخرج مع اصحابي وكده
تالين : طيب ما نخرج سوا
زين: حبيبتي احنا كنا مع بعض امبارح يومين كده ونخرج
تالين ابتسمت: ماشي
زين: تالين
تالين : نعم
زين : بحبك
تالين فرحت جدا : وانا كمان
ادهم اتصل ب ليلي واقنعها ان ريم تخرج تتغدي معاه عشان يتعرفوا وليلي وافقت
تالين وأختها كانوا قاعدين سوا و ليلي دخلت قعدت وسطهم
ليلي : ريم قومي اجهزي عشان هتنزلي مع ادهم تتغدوا
ريم بتمثيل: ايه ده بجد
ليلي ضحكت: علي اساس انه مش معرفك
قامت ريم تجهز و ليلي فرحت لفرحة بنتها
بصت ليلي لتالين وشافتها سرحانه
ليلي : مالك يا تالين؟
تالين ابتسمت: ولا حاجه بفكر في المذاكرة بس
ليلي: خطيبك مكلمكيش
تالين : لا والله كلمني حتي كان بيقولي نخرج بس انا قولتله بلاش عشان اعرف اذاكر وكده
ليلي بقلق: طيب يا حبيبتي هسيبك تذاكري ولو في حاجه انا معاكي
جهزت ريم ولبست بنطلون واسع و شيميز و نزلت جري تستني ادهم وخرجوا سوا
ريم كانت قاعدة مكسوفة اوي وادهم عمال يبص عليها يوترها ويضحك
ادهم : مكنتش اعرف انك خجولة كده
ريم : ليه مش بنت ؟!
ادهم : بس العجبني فيكي انك ناشفه او بتحاولي تبقي ناشفه قدام الناس
ريم : هتأكلني فين بقي؟؟
ادهم: هناكل في المطعم ده ..... وشاور ليها علي مطعم شيك اوي
عدي شهرين وادهم و ريم قربوا من بعض اوي وريم حبته جدا وزين مع تالين الي حد ما كويس لكن رفض يعمل خطوبة ولبسوا دبل في هدوء ..... لكن ريم و ادهم عملوا خطوبة
ادهم كان بيجهز ومعاه يوسف
ادهم : تفتكر ياسمين ممكن تعمل حاجه تبوظ بيها الحفلة؟؟
يوسف : لاء معتقدش وبعدين ما هي بعدت عنك وسكتت اهي
ادهم : انا نفسي اعرف انت فرحان ولا زعلان
يوسف : فرحان ليك طبعا
ادهم : انا شايف انك لازم تاخد خطوات عشان ياسمين
يوسف ابتسم: ناوي بإذن الله بعد خطوبتك
في أوضة ريم كانت بتجهز .... لبست فستان بينك هادي اوي منفوش من الوسط و جذمة بيضا
ريم : تالين هو زين مش جاي ؟
تالين : جاي يا بنتي قرب يوصل
ريم : طيب انا كده كده خلصت روحي اجهزي بقي
تالين جريت علي اوضتها ولبست فستان اسود طويل وبكم و فيه لمعه بسيطة و جذمة حمرا و بصت لنفسها ب اعجاب اوي وكلمت زين
تالين : ايه يا حبيبي انت فين ؟!
زين : انا تقريبا وصلت خلاص
قفلت تالين مع زين ونزلت مع ريم و فضلوا كلهم سوا وادهم بيلبس ريم الدبل و تالين عينها بتدور علي زين مش موجود
سابتهم تالين وخرجت تدور علي زين وفضلت كتير لحد ما لقيته ومن الصدمه حطت ايديها علي بوقها وعينها دمعت وفضلت ثابته مكانها......
جوه عند ريم و ادهم بدأو يرقصوا علي اغنيه سلو وكله واقف فرحان بيهم لحد ما وصلت ياسمين و مقدرتش تكتم زعلها وغيرتها اكتر من كده وراحت خبطت علي كتف ريم وهي بترقص مع ادهم
لسه ريم بتلف تشوف مين و ياسمين رفعت ايديها تضربها وكله وقف مستغرب....
أو أرسل لنا رسالة مباشرة عبر الماسنجر باسم القصة التي تريدها
إرسال تعليق
يسعدنا تلقي اقتراحاتك أو تعليقك هنا