مرحباً بكم أصدقائي وأحبابي عاشقي القراءة والروايات الرومانسية في موقعنا قصص 26 مع رواية جديدة للكاتبة الجديدة أطياف راحلة ؛ وسنقدم لها اليوم الفصل الرابع عشر من رواية غيوم الشمس بقلم أطياف راحلة هذه القصة مليئة بالعديد من الأحداث والعداوة فى قرية من قرى صعيد مصر .
رواية غيوم الشمس بقلم أطياف راحلة - الفصل الرابع عشر
إقرأ أيضا: قصص قبل النوم
رواية غيوم الشمس بقلم أطياف راحلة - الفصل الرابع عشر
لقد اصبح قلبي اسير حبك بات يعشق الاسر .حريته المنشوده ان يتنفس هواء عشقك. ان يراكي كل لحظه. ان يشعر بكي وبجودك لقد اصبحتي انشوده حبي ولحن هويا الذي عزفه فلبي علي اوتاره لتسمعين دقاته تنبض باسمك.
عتجولي ايه يارئيسه فيديو ايه مين اللي صورنا وكيف وميته.
رئيسه// معرفاش ياهيبه اخوك جالي وجالي اكده وبهدلنني وجالي اجوله علي علي مكانك.
هيبه //وجلتيله ايه اوعاكي تكوني جلتيله علي مكاني.
رئيسه// // مجلتلوش بس وعدته اني عجوله علي مكانك.
هيبه //تجولي لمين اتجننتي اياك.انتي خلاص معتروحيش البلد تاني انا عبعت حيجيب مياده وخلاص.
رئيسه // المشكله دلوكيت مش في مياده المشكله ان اللي صورنا بعت الفيديو لاخوك وطالب منيه فلوس كتير
هيبه // عتجولي ايه جابر اللي جالك اكده.
رئيسه //ايوه وجالي لازم اجوله علي مكانك يا اما عيطربج الدنيا فوج دماغي.
هيبه // انا عارف مين اللي عمل اكده مفيش غيره سعفان الكلب زمانه كان مخلي حد يراجبني وبيعمل اكده عشان ينتجم من جابر انا عارف انه عمره ماعينسي اللي جابر وعبد المجيد عملوه فيه زمان عمره ماعينسي فرجه الناس عليه لما ضربوه وبهدلوه.
رئيسه // طيب والعمل ايه دلوقت دا كده احنا ممكن نروح في داهيه داممكن فعلا ياخد الفلوس من اخوك وبرده يسلم الفيديو للحكومه وساعتها نروحوا في داهيه طيب وبعدين ياهيبه عتتحل الزاي دي.
هيبه // ملهاش غير حل واحد عتجيبي بتك ونسيب الصعيد خالص ونروحوا مصر او اسكندريه وامعايا فلوس كتير هغير كل حاجه اسمي وشكلي وكل حاجه الفلوس بتعمل كل حاجه.
رئيسه // بلال كلمني وعايز يتجوز مياده وانا مجدرش اسيبها في البلد وامشي.
هيبه // طيب دا كده تبجي اتحلت لوحدها بتك تجوز وانتي تاجي معايا وانا عبلغ جابر لما نوصل للمكان اللي احنا رايحينه انه ميديش الكلب ده فلوس ويسيبه يدي الحكومه الفيديو الحكومه مش عتوصل لاي حاجه.
رئيسه // وتفتكر سعفان عيسيبنا في حالنا عيدور علينا لحد مايلجينا.
هيبه // ساعتها يبجي مفيش حل غير المواجهه بيني وبينه وساعتها هبجي ياجاتل مجتول.
رئيسه //طيب واخوك اللي مستنيني ارد عليه واجوله علي مكانك.
هيبه //جوليله اني عكلمه ويمكن كمان اجي اجابله ولو مجتش جابلته خلال يومين ميديش لسعفان الزفت فلوس وخليه يعمل اللي يعمله بس دلوكيت انتي عتروحي عتخلي بلال يكتب كتابه علي بتك والنهارده جبل بكره وعتفهميهم انك عتسافري عند اختك اللي في مصر عشانه تعبانه وانتي عتجعدي بيها وعتلمي حاجتك وتجيلي بكره الصبح عشان عنسافر.
رئيسه //عنسافر فين طيب.
هيبه // عنسافر وخلاص خليكي في اللي انتي فيه وجهزي حالك وخلاص.
مساءالخير ياعمه.
مساءالخير ياغالي لساتك مخلص شغل دلوكيت.
وضاح// يادوب العربيات حملت ولساتها طالعه بالفاكهه دلوكيت.
عزيزه //ربنا معاكوا وينه جاد اومال.
وضاح // جاد لساته بيظبط في الحسابا ويحاسب التجارانا جيت علشان انا من الصبح واجف علي حيلي وخلاص معدش جادر وينها شمس اومال مجعداش معاكي زي كل يوم.
عزيزه// كانت جاعده بس خالتك ووبناتها جم جعدوا وهي معتحبش جعدتهم خدت نفسها وطلعت علي فوج بصراحه اكده خالتك دي جعدتها ماسخه ومحدش عيحب يجعد معاها وشمس معطيجش كلامهم الملوع اللي عيحكوه.
وضاح // ياعمه الله يرضي عنيكي جلتلك الف مره خالتي ضيفه هي وبناتها كلها يومين تلاته وعيمشوا بلاش كل شويه تسممي بدنهم وكمان تشجعي شمس انها تعاملهم الكعاكله دي.
عزيزه // يومين تلاته دا انت طيب زي ابوك الله يرحمه دول بجالهم شهرين جاعدين ومبيفكروش انهم يمشوا.
وضاح // يمشوا براحتهم الدار واسعه وتساع من الحبايب الف الله يخليكي ياعمي عشان خاط امي متزعلش متزعليهمش كلها كام يوم ويمشوا ونبجوا خلصنا من الموضوع ده.
عزيزه // حاضر ياولدي عشان خاطرك انت بس.
لجيتك مسالتش ولا رديت عليا جلت اسال انا يمكن الحاج جابر بجلاله جدره مش جادر يتصرف في عشر مليون جنيه
طيب دا اخوك هيبه واخد كد المبلغ ده مرتين تلاته من شغله معايا ومعجول انت متعرفش حاجه الفلوس دي.
جابر //بجوللك ايه متلفش وتدور كتير الفلوس بتجهز وعتخدها وتسلمني الفيديو زي متفجنا ومتفكرش ان تلعب معايا والاجي معاك نسخ تانيه من الفيديو ساعتها متلومش الا نفسك.
سعفان//بطل بجي عنجهيه وكبر انتوا خلاص زمانكوا ولا وانتهي الزمن اللي جاي زمني انا زمن الفلوس والسلطه والاجوياء مفيهوش مكان للضعفا يعيشوا فيه.
جابر // عمر الزمن كاعيبجي زمنك ولازمن اللي زيك ولا عشان مالجي معاك شويه فلوس فكرت خلاص انك عتدوس علي الناس انت ولا حاجه وعتفضل طول عمرك ولا حاجه لو بجي معاك مال جارون حتي عمر الفلوس معتخلب الناس تحترمك.
سعفان // بكره تشوف بعينك الفلوس عتخلي الناس تحترمني ولا لا واول اللي عيحترموني عيكون انت بالمناسبه ان جايلك في موضوع تاني بعيد كلامك اللي كل شويه تسمعهولي عمال علي بطال وتفكرني بالماضي واللي كان فيه انا جاي اجولك لومش عتجدر تتصرف في الفلوس ان عندي حل تاني ومش عيكلفك كتير شويه حاجات بسيطه عيدخلوا في عربيات العلف بتاعتكم اللي بتجيب علف للمزرعه وزيهم عيطلعوا برده في نفس العربيات ويخلص الموضوع ده اديك الفيديو وكل واحد يروح لحاله ويادار مدخلش شر ونخلصوا بجي من موضوع الشوم ده.
جابر // ودي حاجات ايه دي بجي ان شاء الله اللي انت عايز العربيات تحملها وتدخل وتطلع بيها وفاكرني برياله عوافج علي كلامك.
سعفان // حاجات خاصه بيا وبشغلي انت لازم تعرفها يعني وبعدين دا عوفر عايك عشره مليون جنيه بجالك كتير بتدبر فيهم وبتبيع في جات وتتصرف في حاجات وبرده المبلغ مكملش انا بوفر عليك كل ده.
جابر // لا متشغلش بالك بيا المبلغ خلاص كمل وكلها يومين ولا تلاته والمبلغ يكون عند ك بس بردك لو تنورني علي اللي انت عايز تنجله في العربيات بتاعتي يمكن اوافج وعلي جولك اوفر فلوسي.
سعفا ن// عيكون ايه يعني حتتين سلاح لزوم الشغل وشويه رفايع تانيه.
جابر // بجي حتتين سلاح نجلهم يكلفك عشره مليون جنيه ياشيخ جول كلام غير ده.
سعفان // وكام تمثال علي كدهم كدا وشويه مساخيط.
جابر // كام تمثال زشويه مساخيط جولتلي مفيش حاجه تانيه.
سعفان // حاجه تانيه زي ايه يعني تجصد ايه بكلامك ده.
جتبر // لا معجصدش حاجه لاسمح الله علي العموم سيبني يومين تلاته عفكر وارد عليك.
سعفان // وانا عستني منك تلفون.
جابر // ماشي.
مسا الورد علي الحلوين........ اتوحشتك جوي طول النهار بفكر فيكي ومروحتيش من بالي وكنت عايز اسيب الشغل واطير واجيلك.
شمس // مسا النور عليك اتاخرت ليه.
وضاح //شغل جتل معرفينش نخلص كل منخلص يطلع شغل جديد جلت مبدها ش بجي لازم اروح شموسه وحشاني جوي.
شمس // بس بجي مالك النهارده.
وضاح // انت لسه عتتكسفي مني كل ما اكلمك كلمتين الفراوله دي تطرح علي وشك هو فيه كده ياناس.
شمس // وضاح وبعدهالك بجي.
وضاح // ههههههه خلاص ياستي معجولش كلام يخليكي تتلخبطي وتتكسفي اكده لس ايه اللي انتي عملاه ده هو فيه مناسبه النهارده واني معرفش .
شمس // محضرالك مفجاه.
ووضاح // بجد طيب زين ايه هيه بجي المجاه اللي معمولها كل المجدمات دي عشا فاخر وشموع والورد وفوج كل دول والبدر اللي في تمامه اللي نور عليا حياتي كلها اجمل واحن شمس في الدنيا كلها.
شمس // الاول تدخل تسبح انا محضرالك الحمام وبعدين تطلع تتعشي وبعدين اجولك علي المفاجاه.
وضاح // عستني كل ده لسه علشان اعرفها بجي انا عجولك اتوحشتك وطول النهار افكر فيكي ومغبتيش عن بالي لحظه تجولي اسبح واتعشي.
شمس // اه لازم تسبح الاول واجولهالك واحنا بنتعشي ماشي.
وضاح // طيب مفيش تصبيره حتي.
شمس // ولا اي حاجه.
وضاح // طيب عشان خاطري كد هزعل.
شمس // تؤ تؤ ابدا.
وضاح // ماشي انا داخل الحمام.
شمس // ماشي وانا عكمل بجيت العشا علي لال ماتطلع.
وضاح // شمس الله يخليكي تلافيني فوطه تانيه الا الفوطه وجعت في الارض.
شمس // حاضر من عنيه دجيجه واحده.
خد الفوضه الفوطه ياوضاح.
وضاح // فتح باب الحمام وجذبها بقوه داخل الحمام مجلتلك بلاش تبعدي عمرك ما عتجدري تهربي مني كده كده عجيبك برده.
شمس // كده برده يا وضاح انا زعلانه منك.
وضاح // وانا مجدرش علي زعلك ياجلب وضاح ولا زم اصالحك.
شمس // كده بلتلي هدومي وشعري.
وضاح // ولاتزعلي وادي الهدوم اوعك سيبي الهدوم اومال ملهاش لازمه دلوكيت.
شمس // وضاااااااح.
وضاح // عيون وضاح وجلبه وعجله اللي طيرتيه بابت جابر.
عتجولي يابت ياسماح انتي اتجننتي.
سماح// والله زيك ماعجولك اكده ياحجه ده اللي حوصل الست ناديه عطتني الدوا ده وجالتلي احط منيه عشر نجط في العصير اللي هيه عتشربه وانا جلتلها كمان علشان اجاريها ومتشكش فيا اني انا لايمكن احط لست شمس حاجه تضرها جالتلي انها مجويات عيشربوها هما كمان بس ست شمس معترداش تاخدها لو هي ادتهالها وكمان عتساعدها علي الحمل لانها لاجيه الست بدريه اختها زعلانه عشان الست شمس محملتش لحد دلوكيت.وكمان عطتني الفلوس دي وجالتلي هاتيلك بيهم حاجه حلوه ومحدش يعرف بموضوع الدوا ده بس انا معخبيش عليكي حاجه واصل ياستي دا انا لحم كتافي من خيرك وانتي اللي مربياني.
عزيزه//اصيله يابت ياسماح بس انا بجي ماعيخلش عليا الكلام ده بجي هما اللي عيدوا دوا لشمس دوا عشان تخلف دول لو يطولوا ميخلوهاش تخلف طول عمرها عيعملوا كده علشان اكده طياره علي الصيدليه اللي فيها الدكتوره مني عتجوليلها الحاجه عزيز ه عتسلم عليكي وتدها الدوا وتخليها تتصل عليا.
سماح // عنيا ياحاجه عخلص اللي في ايدي واروح طياره.
عزيزه // لا سيبي كل اللي في ايدك وروحي الاول عايزه اعرف دوا ايه اللي الحربايه دي عايزه تحطه لشمس في العصير.
ياصباح الورد ياوزه احلي صباح عليكي النهارده.
عزيزه // صباح الورد ياجلب عمتك عيني عليك بارده ربنا يحميك و يحفظك من العين.
وضاح // عندي ليكي خبر عيفرك جوي.
عزيزه // جول ياجلبي فرحني من يوم بوك مامات وانا مفيش حاجه فرحتني.
وضاح // شمس حامل ياعمه.
عزيزه // الف مبروك ياجلب عمتك الف مبروك دا انا نستنيه اليوم بفارغ الصبر دا يوم المني ياجلبي يوم ما اشيل عيالك.
ان شاء الله عبد المجيد الصغير عيجي ينور البيت.
بدريه // طيب كت جل امك فرحها ياوضاح دا انت جاي طاير من فوج علي عمتك كانك ملكش ام.
وضاح // كت عجولك يامه والله بس لجيت عمتي في وشي جلت افرحها الاول.
وبدريه // دا انا مسننيه اليوم ده بفارغ الصبر وكل يوم ادعيلك دا حتي مرتك مفكرتش تجولي حاجه هو انا للدىجه دي مبجاش ليا لازمه في البيت.
عزيزه // خبريه يابدريه صابحه جاره الهم علي الصبح ليه فرجت ايه يعني انتي الاول ولا اما الاول المهم ان ربنا كرمهم وخلاص ولا انتي كل حاجه عايزه تعمليلك موال عليها وخلاص.
ناديه // خلاص يابدريه ماوضاح قالك انه الحاجه عزيزه هي اللي قابلته الاول وكان هيقولك انتي كمان مبروك باوضاح ربنا يكملها علي خير.
وضاح // تسلمي يا خاله ربنا يفرحك ببناتك.
ناديه // تسلم ياحبيبي.
بدريه // الكلام ممنوش فايده حتي بت ابويا وامي جايه عليا معاهم انا رايحه المطبخ اوضب الفطار.
عزيزه // عايزه اتكلم معاك ياجلبي في موضوع.
وضاح // من عنيه ياعمه بس وريا شويه شغل وفي ناس مستنياني عشوفهم وارجع علطول نتكلم وبعدين اودي شمس للدكتوره علشان اطمن عليه.
عزيزه // ماشي ياجلب عمتك ربنا معاك ويجعلك في كل خطوه سلامه.
وضاح // تسلميلي ياعمتي يالا السلام عليكم.
عزيزه // وعليكم السلام.
بت ياسماح انتي يابت.
سماح // حاضر ياحجه جايه اهوه.
انتي // انتي يامجصوفه الرجبه لسه مروحتيش المشوار اللي بعتاكي فيه.
سماح // حاضر ياحاجه عخلص الفطار مع الست بدريه واروح طوالي.
عزيزه //لا فتحيه عتحضر الفطار وانتي روحى ياله.
ناديه // دا بايله مشوار مهم قوي اللي انتي مستعجله عليه ده ياحاجه.
عزيزه // اه مهم جوي جوي.
ناديه // عتجيبلك حاجه يعني.
عزيزه اه ومتساليش اكتر من اكده علشان مش عجولك حاجه يعني بمعني اصح متساليش في اللي معيخصكيش.
ناديه // مش عارفه ياحاجه انا عملالك ايه مش طيقاني ليه.
عزيزه // بكره تعرفي كل حاجه.
بت يافتحيه اعملي الفطار وطلعي الفطار فوج لستك شمس وجوليلها متنزلش وتتحركش كتير عشان الحمل مش ناجصين حد يديها عين يجيبها الارض.
مفيش فايده جنابك عملنا كل المحاولات والمجبره برده مش راضيه تفتح.
سعفان // يعني ايه مش راضيه تفتح والشيخ راضي بيعمل ايه.
الشيخ راضي / جنابك بجالنا تلت ايام كل مانوصلوا للبوابه المجبره تدير ومعرفنش ليها حل.
سعفان // طيب متصلتش بالشيخ عياد ليه.
الشيخ راضي // حصل جنابك كلمته وجه النهارده بص عليها وغاب ساعتين جاعد لوحده في المكان.
سعفان // طيب وجال ايه.
الشيخ راضي // الموضوع واعر المره دي جوي.
سعفان // يعني ايه متتكلم اومال فيه ايه.
الشبخ راضي // اصرف نظر معنجدروش علي الطلباتجنابك.
سعفان // متتكلم علطول فيه ايه.
الشيخ راضي // المجبره عايزه دم.
سعفان // طيب ماتدبح هيا فيها مشكله هي دي اول مره تفتحوا مجبره.
الشيخ راضي // مش دم دبح مواشي.
سعفان // متتكلم انت بتنجتني بالكلام.
الشيخ راضي // دم عروسه عروسه وتكون بكر.
سعفان // عتجول ايه عروسه.
الشيخ // ما انا مكنتش عايز اجول لجنابك الشيخ عياد عيجول انها مختلفه عن كل المجابر وانها مليانه من خيرات ربنا عشان كده فتحها واعر جوي.
سعفان //ودى حلها تيه وعجول للناس اللي اتفجت معاها ايه الناس دي معتهزرش.
الشيخ // طيب مانشوف حل جنابك.
سعفان // حل ايه انت التاني ندبحوا بني ادمه علي المجبره
الشيخ // فيه بنات ياما في البلد مخطولين ومكتوب كتابه واهاليهم ناس غلابه نخطفوا اي بت ونتوها يومين تلته لما الموضوع يهدي وبعدين ننفذوا وندفنوها في اي حته وخلاص.
سعفان // سيبني افكر في الموضوع ده وجول لعياد اني عايز اجابله.
*********************
إلي هنا ينتهي الفصل الرابع عشر من رواية غيوم الشمس بقلم أطياف راحلة
تابع من هنا : جميع فصول رواية غيوم الشمس بقلم أطياف راحلة
تابع من هنا: جميع فصول رواية حين نلتقي بقلم منار الشريفتابع أيضاً: جميع فصول رواية انتقام اثم بقلم زينب مصطفى
اقرأ أيضا: رواية فى قلبى أنثى عبرية بقلم خولة حمدى
تابع من هنا : جميع فصول رواية الفريسة والصياد بقلم منال سالم
إرسال تعليق
يسعدنا تلقي اقتراحاتك أو تعليقك هنا