مرحباً بكم أصدقائي وأحبابي عاشقي القراءة والروايات الرومانسية في موقعنا قصص 26 مع رواية جديدة للكاتبة الجديدة أطياف راحلة ؛ وسنقدم لها اليوم الفصل السادس عشرمن رواية غيوم الشمس بقلم أطياف راحلة هذه القصة مليئة بالعديد من الأحداث والعداوة فى قرية من قرى صعيد مصر .
رواية غيوم الشمس بقلم أطياف راحلة - الفصل السادس عشر
إقرأ أيضا: قصص قبل النوم
رواية غيوم الشمس بقلم أطياف راحلة - الفصل السادس عشر
ايقنت اخيرا ان وجودك في حياتي هو اجمل ماحدث لي. ابقنت ان حبك هو ماكنت ابحث عنه ان قلبك هو الماوي والمستقر لا استطيع ان اعيش في عالم من دون وجودك فيه وجودك اصبح حياه بالنسبه لي عشقك ملاذي وكل ما اتمني في حياتي حبك مسك الختام.
طيب وهي عرفت منين ان شمس حامل دا انا لسه عارف.
عزيزه // اسالها اهي جدامك اهي مهي مبطبلش دبي في البيت ليل نهار هي وبناتها.
بدريه // انت عتسمع كلامها ياوضاح هي بتعمل اكده ومسلطه مجصوفه الرجبه دي تجول اكده عشان تطرد خالتك من البيت هي وبناتها بس قسما بالله ياوضاح لو خالتك طلعت من البيت لكون طالعه جبليها ومانا راجعه البيت ده نهائي.
عزيزه//لا ياست بدريه دي مش شغلي انا لابخطط ولا ليا في الكلام ده اصلا انا لو عايزه اطلعها من البيت عطلعها ومحدش يجدر يوحشني وانتي عارفه اكده زين يعني مش محتاجه اعمل افلام ولاتمثليات الشغل ده بتاعك انتي واختك.
ناديه // معلش ياوضاح ممكن تجبيلي عربيه توديني لحد المحطه انا بعد اللي حصل مش هقدر اقعد في البيت هنا يوم واحد وكفايه لحد كده اللي حصل بس اللي لازم تعرفه اني لايمكن اعمل كده ابد دا انتي ابني انا اسقط مراتك طيب ليه وبعدين انا كنت اعرف منين انها حامل دانت لسه بتقول انك انت يالي جوزها لسه عارف انا بقي كنت بشم علي ضهر ايدي الله يسامحك ياحجه عزيزه زي مابتظلميني مش عارفه انا عملالك ايه علشان تكرهيني كده.
عزيزه //عتعمليلي ايه يعني ولاتجدري تعملي حاجه دا انتي لو نار مش عتولعي مكانك وبطلي بجي كهن النسوان ده عشان معحبوش انتي كتي عايزه تسجطي شمس وانا مجتنعه بكده كونهم بجي يصدجوا ولا ميصدجوش هما احرار بس عارفه لو ده كان حوصل كت جطعتك جزل جزل وانتي عارفه اكده زين.
وضاح // عمتي كفايه اكده الله يرضي عنيكي مالوش لازمه الكلام ده وانتي يامه خدي خالتي واطلعي فوج.
ناديه // لا يابني انا زي مجولت لك انا معدليش قعاد هنا خلاص انا هاخد بناتي وامشي انا لايمكن اقعد في مكان حد فيه مش عايزني.
بدريه //انتي عتجولي ايه ياناديه انا جلت لو خرجتي من باب البيت رجلي جبل رجك وما عرجعوش تاني واصل.
ناديه // لا ياختي دا بيتك وبيت ولادك انتي متسبيهوش انا اللي لازم امشي بدل المشاكل دي كل يوم.
عزيزه // ايوه غنوا وردوا علي بعض اللي عايز يمشي يمشي الباب يفوت جمل بس اني مش عجبل باي حاجه غلط تحصل في البيت اهنه
كفايه لحد اكده ياعمه قالها عدنان بصوت عالي وهو ينزل درجات السلم بخطوات واثقه خالتي معتمشيش من البيت كرامه لامي والكلام اللي عتجوليه مفيش اي اثبات عليه مش معجول يعني عنصدق البت سماح ونكدب خالتي مصلحتها ايه خالتي ان شمس تسجط المفروض نعجل الكلام جبل مانجوله
عزيزه // ماشي ياجلب عمتك عنعجل الكلام جبل مانجوله بس اللي لازم تعرفه اني متاكده من كلامي انا عمري ماجول كلم في الهوا ومسيري عسبتلكم ان كلامي صوح بس ربنا يسترها ساعتها وميكونش فيه مصيبه منجدروش عليه.
عدنان // مفيش مصايب ولا حاجه ياعمه ان شاء الله ربنا عيسترها يالا يامه خدي خالتي ترتاح فوج والموضوع ده انتهي وماعيزش كلام فيه.
بدريه // لا ياعدنان مطلعاش فوج غير لما البت الكدابه دي تمش من اهنه ملهاش جعاد في البيت واصل عشان هي اللي خلجتلنا الهم ده كله.
عزيزه // بت مين اللي تمشي!!!! لا دا في الاحلام هو انتي فاكره عشان سكت يبجي الموضوع خلص ههههههه لا ياحبه عيني انا سكت بس كرامه لولاد اخوي وان دي خالتهم واحترمت كلمه عدنان عشان هو كبيرنا ومكان ابوه الله يرحمه ولازم كلنا نسمع كلامه ونمشى تحت طوعه وكلمته نافذه علي الكبير والصغير فينا تجومي تجوليلي البت تمشي لا والف لا كمان ولمي الدور خليها تعدي عشان منصبهاش تاني واجيب المصحف وخلي البت تحلف واختك كمان عتحلف.
عدنان // خلاص ياعمه فضناها مالوش لازمه الكلام بالا ياامه خدي خالتي واطلعي فوج.
ناديه // يالا يابدريه اسمعي كلام ابنك انا مش زعلانه من الحاجه عزيزه دي مهما كان كبيره البيت ومقامها عالي عندنا كلنا.
عزيزه // كبيره ايه بجي سبنا الكباره ليكي العموم كل حاجه مسيرها تبان خشي يابت ياسماح علي المطبخ ياله.
عدنان // هاتي الجهوه ياسماح في المكتب ليا ولوضاح اخوي.
في المكتب ♡♡♡♡♡♡
يعني انت شاكك فعلا ان خالتك ممكن تكون عملت اكده.
وضاح // شاكك بس مش متاكد خالتي بتكره شمس وداليا عيزاني اجوزها علي شمس واكيد دي رغبه خالتك برده عشان اكده مش من مصلحتهم ان شمس تخلف بس اللي عيجنني عرفوا منين ان شمس حامل ولسه مفيش خد يعرف.
عدنان // سهله دي خالص اي واحده حامل في الاول بيبان عليها ترجيع ودوخه وكده.
وضاح // كانت عمتك اللي مبيفوتهاش فوته عرفت هي كمان هي دي حاجه تعدي عليها انا في دماغي حاجه هتاكد منيها الاول.
عدنان // حاجه ايه دي اللي في دماغك.
وضاح // ان شمس تكون حامل وكانت مخبيه علينا.
عدنان // وشمس عتخبي حملها ليه يعني.
وضاح // يمكن عشان المشاكل اللي كانت بينا وهي ماكنتش عايزه تجول.
عدنان // يفضل السؤال اهنه خالتك عرفت منين.
وضاح // ودي حابه نباهه اكيد خالتك ليها طريجتها اللغز ده كله حله عند اختك صالحه سر شمس معاها وسرها مع شمس هي اللي عتجيب من الاخر.
عدنان // بس انت مصدج ان خالتك تعمل اكده.
وضاح //عندي شك ان خالتك وداليا يعملوا اكده.
عدنان // في الحاله دي يبجي خالتك ماكنش ليها جعاد اهنه وانا اتسرعت لم خلتها تجعد.
وضاح // لا متسرعتش ولا حاجه بالعكس انت نجدتني انا كنت متكتف ومش عارف اتكلم خايف اجول اكده عمتك تزعل وانت عارف انا منجدرش نزعلها لما انت نزلت من فوج وجلت الكلمتين حسيت انك جتلي نجده من السما لان الكلمتين دول لو انا جلتهم كانت الدنيا عتجوم مش عتجعد انما عمتك اتجبلتهم منك ومزعلتش كلامي انا كا عيبقي غير وكانت عتبجي زعله كبيره زاهم حاجه انك رضيت امك كمان عشان امك مكنتش عتجعد في الداى لو خالتك مشت بصراحه اكده انت جيت في الوجت المناسب لو مكنتش جيت ياعالم كان ايه عيحصل.
اتفضلوا الجهوه..
عدنان // حطيها وغوري.
سماح // والله انا مظلومه جنابك والله ماجولت حاجه غير اللي حوصل.
عدنان // اللي حوصل انك ولعتي الدار حريقه مكناش هنعرفوا نطفوها لولا ستر ربنا.
سماح // انا مستعده احلف لجانبك علي المصحف اني ماجولت حاجه غير اللي حوصل وان الست ناديه ادتني الجزازه عشان احط منها للست شمس في العصير وانا مخلصنيش اذيه سي وضاح بيه والست شمس.
وضاح // خلاص ياسماح الموضوع خلص فضناها.
سماح // يعني انت مصدجني يابيه ولا مش مصدجني.
وضاح // جلت خلاص ياسمح فضناها اهم حاجه عندي عايزك تاخدي بالك من من الست شمس محدش يحط ايده في اكلها غيرك لو عرفت ان حد جه جنب اللي هي بتاكله هعلقك من شعرك اي حاجه تحصل تبلغيني بيها انتي فاهمه.
سماح //فاهمه جنابك انت تامر امر.
وضاح // مش عايز اي حد يعرف حاجه من الكلام ده انتي فاهمه يالا روحي.
عدنان //كده واضحه زي الشمس زي ما انت جولت بس مراتك لازم تحذر منيهم دول كده بجوا خطر المشكله دلوكيت ازاي نمشيهم من اهنه من غير امك ماتزعل.
وضاح // ولا ما انا عارف وكل الا الست دتليا دي كمان عايزاني اتجوزها.
عدنان // طيب ماتجوزها الشرع حللك اربعه واهي تبجي واحده صعيديه وواحده مصروايه.
وضاح // لا ياعم الله الغني انا اكده مكتفي انا معيزش حد غير مرتي.
عدنان // يبجي الصعيديه تكسب.
وضاح // طبعا تكسب ولا يمكن عيكون في حد غيرها.
عدنان // الله يرحم يوم فرحك كانه كان ميتم ماكنتش جابل الجوازه كانك داخل النار برجليك.
وضاح // انت اسه فاكر جلبك ابيض ياخوي.
قصدك ايه جنابك.
مدير الامن// قصدي اللي انت فهمته عايزك نفهمه انك موافج تدخله زتخرجله اي حاجه هو عايزها في العربيات بتاعتكوا.
جابر // بس تفتكر التعلب ده عيصدج الكلام اللي عجوله وهو عارف ومتاكد اني لايمكن اعمل حاجه زي دي الكلب ده جبل مايمشي كان شغال مع عبد المجيد الله يرحمه ومكانش بيفرجنا لحظه يعني عارفني زين.
مدير الامن // انا عارف كويس هو ليفكر الزاي انت مفكره هيامنلك علطول لا دا هيجربك مره واتنين لحد ميتاكد انك مش هتبلغ عنيه كل اللي عايزه منك منك ان تديه احساس انك خايف انه بسلم الفيديو وانك ممكن تعمل اي حاجه عشان الفيديو ميوصلش للحكومه.
جابر // دي سهله جنابك بس زي مجولت لجنابك ده تعلب ومعيخلش عليه حاجه.
مدير الامن // لو اطمنلك هيخيل عليه كل حاجه وهنعرف نوجعه بمنتهي السهوله.
جابر // عايزك تكون مطمن جنابك انا ععمل اللي يجدرني عليه ربنا عشان ده وامثاله ميملوش البلد فساد ومخدرات ويدمروا شبابنا حتي لو ده كلفني حياتي مش هتردد.
مدير الامن انا عارف انك اقدها ودا كان سبب اختياري ليك انت وعبد المجيد الله يرحمه.
اهلا وسهلا بيكي يابنتي نورتي البيت ياحبيبتي معلش اعذريني معرفتش ارحب بيكي كانوعندينا مولد وصاحبه غايب ناس مبتحبش تريح داهيه لاتريح بالها نكدوا علينا الله ينكد علي عمرهم.
مياده // ونا يهمك ياحاجه دا كتر الف خيرك علي اللي انتي بتعمليه معايا.
عزيزه // لا يابتي عيب متجوليش اكده انتي عندي كيف صالحه وشمس متتفرجيش عنيهم حاجه.
مياده // انا بعربنا ماليش في الدنيا حد غير امي وانتي ربنا يعزك زي ما اكرمتيني.
عزيزه اوعي اسمعك بتجولي اكده ربنا هواللي بيسبب الاسباب وعشان انتي بت حلال وطيبه رزجك بعريس ابن حلال وطيب ويتحط علي الجرح يطيب وحماتك وحماكي ناس طيبين. وولاد اصول انتي تستاهلي كل خير ياحبيبتي.
مياده // ربنا يخليكي ياحجه وميحرمناش منك.
عزيزه // ياشمس خدي مياده معاكي ياحبيبتي خليها تكتب كل اللي ناجصها عشاننزلوا انا وانتي وهيه نجيجبو كل حاجه.
وضاح //لا معلش ياعمه عايز شمس في حاجه الاول وبعدين تبجي تروح مع مياده.
مياده الدار دارها هي مش غريبه.
عزيزه // خير ياجلب عمتك فيه ايه عايزها في ايه احنا مش فاضين دلوكيت.
وضاح // عجولك بعدين ياوزه متستعجليش ما انتي عارفه انا معخبيش عنيكي حاجه واصل.
عزيزه // ماشي ياجلب عمتك بس محبكتش المواضيع دلوكيت.
وضاح // ايه ياوزه وبعدين معاكي دا انا بجول انتي بتفهميها وهي طايره.
يالا ياشمس تعالي.
وبيطلع السلم ويدخل الاوضه ويجفل الباب.
شمس // فيه ايه وضاح بتسيبني الشغل وكل حاجه تحت وجايبني علي ملا وشي عيجولوا عليه ايه.
وضاح // يجولوا اللي عيجولوه معيهمنيش حد وانتي عارفه اكده زين.
شمس // بس انا عيهمني ياوضاح.
وضاح // ليه خبيتي عليه انك حامل ياشمس.
شمس // اني اني مخبتش ولاحاجه انا مكنتش اعرف اني حامل.
وضاح // بجد مكنتيش تعرفي.
شمس // وانا اعرف منين بس وانا كنت حملت جبل اكده يعني.
وضاح // ايه اللي في دماغك ياشمس ليه خبيتي لساكي كتي شاكه في غلاوتك عندي.
شمس // اللي عملته في الاول معايا خلاني افكر الف مره جبل مايكون في حاجه تربطني بيك للابد بس لما اتاكدت من.
وضاح // اتاكدتي من ايه هو انتي مكتيش متاكده اني بحبك.
ساكته ليه ردي عليه انا استاهل تضحي عشاني ولا مستهلش.
متسكتيش ياشمس كلميني زي مابكلمك.
شمس // ايه ياوضاح عايزني اجولك ايه ايوه كت عايزه اتاكد من حبك ليا انا اللي شوفته منك الاول مش شويه كام لازم اعرف انا بالنسبالك ايه ياوضاح.
وضاح // وعرفتي ياشمس عرفتي اني بحبحك ومبجتش اجدر اعيش من غيرك وامنيه حياتي اني اخلف منك ويبجي فيه عيل يربطني بيكي العمر كله بس شكلك انتي مكنتيش عايزه كنتي عايزه ولا لا ياشمس.
شمس // لا ياوضاح المره دي تجديرك غلط طول عمري امنيه حياتي انتي ولما اتجوزنا كبر الحلم معايا وبجت امنيتي انت واني يبجالي عيل منيك شبهك في كل حاجه ودعيت ربنا ان الامنيه دي تتحقق لما كنت بتعاملني شين ومش طايجني بجيت ادعي ربنا يهديك ليا وتحبني كد مابحبك لما ضربتني الدنيا كلها اسودت في وشي وجولت لو انت اخر راجل في العالم مش هعيش معاك ولازم اطلج وبعدها عرفت اني حامل ساعتها فرحت جوي وجولت لنفسي حتي لو انت مش موجود في حياتي بس في حته منيك شايلاها جويا هتعوضني عنك لو بعدنا وافترجنا عيبقي شكلك عشم فيه ريحتك وجلت يمكن الحمل ده جه في وجته بس النهارده جررت اجولك عارف ليه. علشان اتاكدت اني بحبك جوي جوي وانت بتحبنيومجدرش استغني عنيك واصل.
اقترب منها وضاح وامسك يديه وقبلها وقبل راسها وضمها بحنان. وانا كمان بحبك جوي ياجلب وضاح ومجدرش ابعد عنك ابدا انتي نورتي حياتي كلها.
طيب ايه بجي مش عنحتفل بالضيف الجديد اللي كلها كام شهر ويشرف.
شمس //نحتفل!!!!! نحتفل كييف.
وضاح // تعالي اجولك نحتفل كييف.
شمس // لا اوعاك اكد عمتي عزيزه عتشلبجني لو اتاخرت.
وضاح // ملكيش دعوه بعمتك هي فاهمه كل حاجه.
شمس // وضاح اوعاك كده اومال.
وضاح // وعلاوتك ماسيبك الا اما اجول كل اللي عايز اجوله انا سمعتك لازم انتي كمان تسمعيني اينعم كلامي يختلف عنكلامك بس لازم تسمعيه وحياتك عسمعك كلام زين جوي جوي ويعجبك كمان.
شمس // ههههههه ههههههه.
وضاح // يابوووي علي الضحه اللي جننتني وخلتني اتوه في دنيا تانيه.
شمس // الضحكه بس.
وضاح //كل حاجه فيكي جننتني كل حاجه انا خلاص ضعت بين ايديكي يابت جابر.
إرسال تعليق
يسعدنا تلقي اقتراحاتك أو تعليقك هنا