مرحباً بكم أصدقائي وأحبابي عاشقي القراءة والروايات الرومانسية في موقعنا قصص 26 مع رواية جديدة من روايات الكاتبة منة محسن ؛ وسنقدم لها اليوم الفصل الحادى والعشرون من رواية المؤامرة بقلم منة محسن هذه القصة مليئة بالعديد من الأحداث والمواقف المتشابكة والمعقدة من الرومانسية والتشويق .
رواية المؤامرة بقلم منة محسن - الفصل الحادى والعشرون
إقرأ أيضا: قصص قبل النوم
رواية المؤامرة بقلم منة محسن - الفصل الحادى والعشرون
شاهيناز بتتكلم مع كارم فى التليفون.
كارم:قلقتينى عليكى لما قفلتى فجأه..
شاهيناز ابتسمت بخفه وهو اتكلم:ماتيجى نخرج..
شاهيناز فكرت بتردد:اا..فين؟
كارم:موعد غرامى يا روحى..
شاهيناز ابتسمت:امم..طيب..مفيش مانع.
كارم ابتسمت بخبث:طيب يا روحي يلا انا هغير هدومى تكونى انتى خلصتى وهعدى عليكى اخدك.
شاهيناز:طيب انا هستناك متأخرش عليا.
كارم:عقبال ماتخلصى لبس و دلع البنات اللى انا عارفه ده اكون انا غيرت هدومى وجيتلك.
شاهيناز ضحكت ورفعت حواجبها بتواعد:دلع البنااات!!
كارم: واللى بموت فيه طبعآ.
شاهيناز ضحكت: طب يلا روح غير هدومك وعدى عليا.
كارم:حاضر باي يا عمرى.
شاهيناز ابتسمت وقفلت الخط غيرت هدومها وخرجت من اوضتها وهى حاطه ميك اب ورابطه شعرها.
جدتها بصتله بقلق وحزن:بنتى نفسى ولو مره واحده تسمعى كلامى الشاب ده ماينفعكيش..وطول مانتى مطوعاه كده هو هيفتكرك ملهوفه عليه..
شاهيناز قاطعتها:انا عارفه انا هعمل ايه.
فى الوقت ده سمعت كلاكس عربيه كارم بصت لجدتها وقربت باست خدها:يلا باى انا كلمت الداده تيجى تقعد معاكى لحد مارجع..
مشيت وجدتها دورت وشها للجهه التانيه بضيق وبقله راحه.
شاهيناز راحت لكارم وهو ابتسم حط ايده على وسطها وباس خدها:وحشتينى..
شاهيناز ابتسمت:حنا لسه مكلمين بعض من نص ساعه.
كار:اعمل ايه خلتينى بعشقك لدرجه انى مش قادر استغنى عن سماع صوتك لحظه واحده.
شاهيناز ضحكت:طب يلا نركب يا رومانسي.
كارم ابتسم وفتحلها الباب ركبت وهو راح ركب جنبها من الجهه التانيه وبداء يسوق.
شاهيناز باصه للطريق وسرحانه.
كارم بيبصلها من وقت للتانى مد ايده شبكها فى ايدها وهى بصتله وأبتسمت.
كارم:مالك بتفكرى فى ايه؟!
شاهيناز هزت راسها بنفى:لا مفيش بس سرحت شويه..
كارم:فى ايه؟
شاهيناز:امم..فى واحد كده..بحرف العين.
كارم ضحك:يا لئيمه.
شاهيناز ضحكت..
رجاله كريم ماسكين امينه ومقربين الاسلحه منها وشخص منهم حاطت المطوه على رقبتها.
كريم:تفتكرى يا ايمو هتخشى الجنه ولا النار؟؟
امينه بتتنهد بعمق وتعب وبتحاول تبعد رجالته عنها:اا...ابعدوا..انتوا هتشوفوا اسوء ايام حياتكوا فريد بيه منتصر..مش هيسيبكوا فى حالكوا.
كريم مسك وشها بعنف:هششششش...انتى تسكتى خالص..خلصوا عليها
بعد وهى بتحاول تبعدهم عنها فى الوقت ده وقبل مايقتلوها البوليس هجم على الاوضه وقبض عليهم معاده كريم اللى نط من الشباك اول ماحس بحد بيفتح باب الاوضه.
كريم بيحاول يجرى وبيتألم من رجله اللى مش قادر يمشى عليها..بيزحف على الارض عشان يوصل لعربيته.
كريم بص للشرطه اللى قدام القصر واللى عند عربيته بصلهم بتفكير وعلى صوت المه:اااااه..
الشرطه بصتله وراحولوا:كريم بيه حضرتك كويس!؟
كريم بألم:رجلى مش قادر اقف عليها البلطجيه اللى فوق هما ضربونى وانا بحاول امنعهم يدخلوا القصر فى غياب فريد..ممكن تساعدونى اوصل لعربيتى؟
الشرطى:اكيد.
سندوه لحد ماركب العربيه.
الشرطى:كريم بيه نودى حضرتك المستشفي؟؟
كريم هز راسه بنفى:لا انا هروح لوحدى شكرا على المساعده يا شباب.
مشى واتنهد براحه.
فريد كلم الشرطه وهما بلغوه انهم ودوها على المستشفى وهو راحلهم على هناك.
الدكتور:هى لازم تتحجز هنا لان حالتها مش مستقره وشكلها بتبزل مجهود جامد.
فريد بصله وهز راسه بإيجاب:طيب انا موافق تتحجز هنا.
بعد ماشاهيناز وكارم وصلوا لمطعم فخم كلوا ماحجوز بالكامل..
شاهيناز بتبص حواليها بأستغراب:هو مفيش اى حد هنا ليه؟!!
كارم:منا قولتلك موعد غرامى.
شاهيناز ابتسمت وقعدوا.
الجارسون راحلهم:ائمر يا فندم.
كارم خاد قائمه الاكل وبص لشاهيناز:تحبى تاكل ايه يا حبيبتى؟؟
شاهيناز:امم...هاتلى الطبق ده.
كارم:تمام..عايزين طبقين من ده.
الجارسون هز راسه بإيجاب:امرك يا فندم.
مشى وكارم بص لشاهيناز بأبتسامه:ايه رأيك فى المكان؟
شاهيناز ابتسمت وهزت راسها بإيجاب:حلو جدا.
كارم:انا حجزت المكان كله عشان نبقى على راحتنا.
شاهيناز بصتله وابتسمت وبصت من الشباك اللى جنبها.
كارم قرب مسك ايدها وهى بصتله.
كارم باس ايدها وبصلها بأبتسامه خفيفه:تعرفى انى بشتاق ليكى كل ثانيه حتى لو كنتى معايا؟
شاهيناز بصاله بأبتسامه بعد ماتقدمتلهم اطباق الاكل وبدئوا ياكلوا.
كارم بيأكلها وهى اكلته كمان..بعد ماخلصوا اكل ومشيوا.
شاهيناز:هو احنا ممكن مانركبش العربيه ونتمشى احسن؟
كارم بصلها بأبتسامه وهز راسه بإيجاب:اللى تحبيه يا روحي.
شاهيناز ابتسمت وهو مسك ايدها وماشيين.
كارم بص لشاهيناز اللى ساكته تماما:ساكته ليه؟
شاهيناز بصتله:اا..عادى..وهقول ايه يعنى؟!
كارم:انتى مضايقه من حاجه؟
شاهيناز هزت راسها بنفى:ابدا..مفيش بس مواضيع افتحها وعشان كده ساكته.
كارم:تحبى نروح بيتى اعملك كبايه قهوه من ايدى؟
شاهيناز بصتله بتردد اتكلمت وبتحاول تخفى توترها ورفضها :اا...بلاش البيت...انا زهقانه و..خلينا نروح حته تانيه
كارم هز راسه بإيجاب:على فكره انا سافل اه بس مبعملش حاجه غصب عن حد...ومش هقولك تعالى نروح البيت اعمل قهوه ويبقى فى دماغى حاجه تانيه..ولا هعمل زى ناس واقولك جيبت الشقه تعالى افرجك عليها واخدك شقه مفروشه.
شاهيناز بصتله وبعدت نظرها عنه.
كارم:على العموم مفيش مشكله..خدينى انتى بيتك واعملك القهوه هناك..اهو جدتك هتبقى معانا ومش هيبقى فيه خوف
شاهيناز بصتله بتفكير وابتسمت بخفه مسكت ايده وضمتها بأيدها:انا مش عيزاك تضايق منى..بس..
كارم حط صباعه على بؤها وهز راسه بنفى:فاهمك ومش مضايق منك ابدا بالعكس دى حاجه تثبتلى حفاظك على نفسك.
شاهيناز بصتله وابتسمت وهو حضنها:ااااه من حضن شاهى عايزله بيت لوحده.
شاهيناز ضربته على كتفه بعنف وبعدت وبهزار:انت يافل.
كارم ضحك:على فكره انتى اللى دماغك شمال انا قصدى شريف..جواز يعنى.
شاهيناز:امم اصل انا مش عرفاك.
كارم ضحك:طب يلا يا بطل.
ركبوا العربيه وساق.
كارم حط ايده على كتفها وحضنها وهى ابتسمت وحضنته.
كارم بيلمس وشها بأيده وهو بيبصلها من وقت للتانى من طرف عيونه..بينزل ايده على جسمها وهى عضت ايده بعنف.
كارم شد ايده بسرعه وبيضحك:يا عضااضه.
شاهيناز:عشان تحرم تعمل كده تانى.
كارم ضحك وبعد ماوصلوا لبيت شاهيناز.
كارم سلم على جده شاهيناز اللى باين على وشها الضيق وبتبص لشاهيناز وكأنها عايزه تعرفها بأنها مضايقه منها ومن تصرفاتها.
كارم بعد عن حضن جده شاهيناز وشاهيناز اتكلمت:كارم جى يشرب معانا القهوه بس هو اللى هيعملها.
كارم ابتسم وبص لجدتها:لو ده مش هيضايقك.
جدتها بصتله وبصت لشاهيناز بعتاب.
شاهيناز بتتجاهل نظراتها وبصت لكارم:تعالى هوريك مكان الحاجه.
كارم راح معاها وهى طلعتله حاجه القهوه:دى كل الحاجه ولو احتجت اى حاجه تانيه ناديلى.
كارم وقف وراها وحاوطها:امم..دى قهوه!
شاهيناز كتمت ضحكت ولفت وبصتله ورفعت حواجبها بأندهاش مصطنع:تصدق اه!
وتدوس على رجله عنف.
كارم بعد رجله بألم وضحك:ايييه قاعد مع جون سينا؟؟؟
شاهيناز ضحكت:وياريتك بتحرم.
سابته ومشيت من المطبخ.
كارم ابتسم وبص للقهوه:يا بنت الذكيه...انا عمرى ماعملت قهوه فى حياتى.
عده الوقت ومحدش رضى يشرب القهوه اللى كارم نفسه ماشربهاش وبعد ماقضى معاهم الوقت ومشى
شاهيناز قعدت على الكرسى وباين على ملامحها السرحان.
جدتها بصتلها وبضيق:بقولك ايه لو ناويه تجيبى شاب على البيت ف ده يبقى بعيد عن هنا فاهمه؟...انتى مفيش فايده فيكى اقولك مابيحبكيش وابعدى عنه تجبهولى تانى يوم انا مش فاهمه عقلك فى ايه.
شاهيناز بضيق وانزعاج من كلام جدتها:ممكن خلاص بقى انا عارفه كل اللى بتقوليه عارفه انه مابيحبنيش وانه مش هيتجوزنى انا عارفه كل ده مش محتاجه كل شويه تفكرينى بفشلى وخيبتى مش محتاجه.
جدتها بصالها وبأستغراب:لو انتى عارفه ليه جبتيه هنا!..ليه خرجتى معاه؟
شاهيناز دورت وشها للجهه التانيه وبتمسح دموعها اللى بتنزل.
جدتها قربت بالكرسى المتحرك لما حست انها تحت ضغط:حبيبتى فى ايه قوليلى مالك انا هسمعك فى حاجه انتى مخبياها عليا؟
شاهيناز بصتلها بعياط وحضنتها:انا حبيته فعلا...انا..انا صدقته كلامه مكنش باين انه بيكذب ابدا..بس هو طلع عايز يكسرنى ويدينى درس..انا هطاوعه وهنفز اللى فى دماغى هتبثتله انه مش هو لوحده اللى بيعرف يخدع اللى قدامه انا عارفه انه مش هيبقى ليا انا اصلا مش عايزه ابقى مع حد..
جدتها حضناها وغمضت عيونها بحزن فهمت بالجرح اللى جواها واكبر دليل على كده هو كلامها.
هبه قاعده على سريرها ومش قادره توقف تفكير فى اسامه كل ماترفض فكره الجواز وتحاول تقنع نفسها انها متجوزه مش عارفه ايه اللى حصلها وبدل مشاعرها بالسرعه دى...يمكن لان حبها لكرم مكنش حب!..احترام تعود اعجاب بس الفراق والغيره يبدلوا الوحد ميه ١٨٠ درجه.
هبه غمضت عيونها ونامت فى ثبات عميق وفى اليوم التالى.
فى قصر عزام..
كرم بيكلم سميره فى التليفون.
كرم:انا عارف انكوا انتقلتوا لبيت جديد.
سميره:كرم يا بنى انا مبقتش فاهمه حاجه هو ايه اللى بيحصل وليه الناس دى خادتنا لبيت غير بيتنا!...كل محاول اكلم حد منهم يقولولى دى اوامر وبنفزها..
كرم اتنهد بعمق وحيره ومش عايز يقلقهم:ماتقلقوش انا بس حبيت احطكوا فى مكان احسن انتوا مش عاجبكوا البيت الجديد؟..ضيق؟
سميره:لا ده واسع جدا بس احنا خدنا على بيتنا القديم واللى فيه ذكرياتنا مع المرحوم ابوك.
كرم بص قدامه بحزن وهز راسه بإيجاب:ماتقلقوش انا هجيلكوا فى اقرب فرصه تسمحلى والبيت القديم هيفضل لينا ومفيش حاجه هتتغير..تعدى بس الفتره دى على خير وكل اللى هيطلب طلب هيلاقيه.
سميره:الا قولى يا بنى عملت ايه مع صحاب الشيك اللى كان معاك؟
كرم:اهو بحاول اتخطاهم على اد ماقدر...المهم ماتشغلوش بالكوا انتوا عليا انا كويس..صح فين خوخه مبقتش تكلمنى يعنى زى الاول؟!
سميره:معلش يا حبيبى بس بالها اليومين دول مشغول..هى دلوقت عند هبه..
كرم بضيق وقلق:وليه سيبتيها تخرج؟..هو مش فى واحد بيجيبلكوا كل طلباتكوا؟!
سميره:ايوه يا بنى بس هى راحت تشوف هبه وتقعد معاها يعنى هتفضل حابسه نفسها يا كرم؟
كرم بيحاول يسيطر على قلقه عشان ماتحسش بيه:طيب انا اسف بس ابوس ايدك يا ام كرم ماتسيبهاش تخرح الفتره دى وبس..ابوس ايدك انا مش حمل خضه.
سميره حست من كلامه ان فى حاجه هو مخبيها عليها:كرم يا بنى قولى فى ايه؟..انت مخبى ايه عنى؟..وليه قلقان اوى كده وبتدعى الفتره دى تمر على خير؟!!!!
كرم اتنهد بعمق وهو حاطت ايده على جبينه بحيره ومش عارف يقولها ايه..جى يتكلم قاطعه صوت عزام اللى باين عليه ملهوف وبيتكلم بقلق واضح فى نبره صوته:كرم يا بنى فين روسندا؟..انا من اول ماصحيت وانا مش لاقيها افتكرتكوا خرجتوا بس لما لقيتك هنا عرفت انها مخرجتش لانك مش هتسيبها تخرج لوحدها..انا مش عارف هى راحت فين احنا قلبنا القصر كله عليها..انا خايف لاتكون حصلتلها حاجه..
كرم بصله وبيحاول يطمنه:عزام بيه اهدى احنا اكيد هنلاقيها مفيش داعى للقلق..ام كرم هكلمك بعدين..سلام.
سميره اتكلمت بأستغراب:طيب يا حبيبى سلام..
قفلت الخط ومستغربه من طريقه كرم اللى متطمنش ابدآ..سألت نفسها بقلق :يا ترى ايه اللى حاصل عنده؟!..يارب احميه وماتضرنيش فيه ولا يتمس بأى شر..
فى قصر عزام قلبوا القصر كله وللمره التانيه وعزام هيتجنن هتكون راحت فين!..معقول خرجت؟..بس تليفونها هنا.
عايده خرجت من اوضتها وبتصطنع اللهفه على ملامحها:فى ايه مالكوا روسندا حصلتلها حاجه ولا ايه؟؟!
عزام بيرفع شعره بقلق وحيره:روسندا مش لاقينها انا خايف لاتكون خرجت من بادرى وحصلها حاجه.
عايده:تلاقيها بس لعبه من العابها السخيفه بتلعبها معاك.
عزام بصوت عالى وبيجيله نغزات فى قلبه بتدل على خوفه وقلقه الشديد عليها:روسندااااا...روسندا لو بتهزرى ارجوكى ف كفايه بقى لانى تعبت فعلا..
كرم راحله بسرعه:عزام بيه انا دورت عليها فى القبو حتى مالقتهاش.. الغريبه انى كنت سهران برا القصر طول الوقت وماشوفتهاش خارجه وسألت الحراس بردو وقالوا نفس الكلام.
عزام بيتنفس بعمق وباين على وشه التعرق قعد على الكرسى وملك راسه بين ايده بحيره وتفكير:يا ترى روحتى فين يا روسندا؟؟
كرم بصله وبص لعايده وفى نفسه:اكيد هى السبب فى اختفائها.
مشى بسرعه وعايده بصت لعزام يخبث قربت منه واتكلمت:انت شاكك فى مين يا عزام يا خويا؟
عزام بصلها وبيفكر:انا كنت ممكن افتكر ان عادل هو اللى خطفها بس مفيش حد دخل او طلع من القصر وإلا كانت عيون كرم مش هتغفى عليهم.
عايده:اخويا انا عارفه طيبتك وعارفه انك مابتشوكش فى حد بس ليه ميكنش كرم السبب فى اختفائها؟؟..يعنى هو الحارس الشخصى بتاعها وهو اللى قالك انا سئلت الحراس محدش شافها انا متأكده ان هو السبب فى اللى بيحصل ماهو مفيش حد غيره هيقدر يدخل ويخرج من القصر من غير ماحد يكلمه.
عزام هز راسه بنفى وبرفض:لا انا متأكد انه مستحيل يعمل كده كرم شاب كويس وعارف ربنا ومش ممكن يخطف روسندا هو بيحرسها ولو كان عايز يأزيها كان قدامه فرص كتير يعمل كده.
عايده:احيانآ بيكون اقرب شخص لينا هو السبب فى تدمير حياتنا..وثقتك المفرطه فى الشاب ده اكبر غلط...بوعدك انه مستحيل يلاقيها وهيرجعلك هنا تانى وهيكون خلص عليها.
عزام بصلها ودور وشه للجهه التانيه بضيق:عايده انتى بتفكرى فى اللى بتقوليه؟...انا متأكد ان روسندا هترجعلى روسندا مستحيل تموت وهى بعيده عنى انا هنزل حالا وهقلب الدنيا عليها وهطلب من الحراس مايسيبوش اى حته الا لما يدوروا فيها المستشفيات الاقسام كل مكان وهلاقيها انا مؤمن بكرم ربنا ومتأكد انى هلاقيها.
مشى وعايده بصاله وهو ماشى بخبث:بالتوفيق يا اخويا..بس يا خساره مش هتقدر تلاقيها مهما دورت انت و...كرم بتاعك.
عزام بيتكلم مع الحراس:انا عايزكوا تقلبوا الدنيا عليها فاهمين؟
الحراس:امرك يا عزام بيه.
عزام كلم الشرطه وقالوهم اللى حصل وانهم يبعتوا قوات من الشرطه تدور عليها.
كرم راح لشركه عزام.
رحيم بصله بدهشه واستغراب فى نفس الوقت:كروم ايه اللى جابك هنا؟!
انجى سمعت اسم كرم وده اللى خلاها وقفت واستغربت افتكرت نفسها بتتخيل.
كرم:هقولك بعدين..فين مكتب انجى هانم؟
رحيم شاورله عليه:اهو.
كرم راحله بسرعه والبنات مركذه معاه وبيتكلموا عنه وعن جسمه الرياضى.
امير:ده اخوك؟
رحيم بفخر وثقه:طبعآ اخويا...امال انا جايب وسامتى منين!
امير:إن جيت للحق مفيش اى وجه مقارنه خالص.
رحيم:شوفت بقى.
انجى بصت لكرم بأستغراب:انت..ايه اللى جابك هنا!!
كرم قرب وقف قدامها وبيتكلم يتفاجئ مصطنع:انجى انتى ازاى تشاركى فى حاجه زى دى!..ازاى تقبلى تكونى جزء من الاجرام وتشاركى فى قتل بنت مسكينه وعشان الفلوس!!...انا كنت بديكى فرصه تبعدى عن الموضوع ده انا واخد فلوس عشان اقتلها بس انتى مكنتش عايزك تبقى مشاركه فى حاجه زى كده... انا ماتخيلتكيش كده افتكرتك بنت لطيفه وكنت بعيد التفكير فى علاقتنا انا..انا كنت غلطان بجد.
جى يمشى بس هى وقفت قدامه وملكت وشه بين ايدها وبصاله بدهشه:يعنى..يعنى انت بتحبنى؟!
كرم بصلها ودور وشه للجهه التانيه:هااا...وهيفرق فى ايه!..خلاص الموضوع انتهى.
انجى هزت راسها بنفى:لا منتهاش روسندا مماتتش يا كرم روسندا فى طياره فى الجو يا كرم انا مليش علاقه بأى حاجه.
كرم:معلش يا انجى بس انا مش مصدقك انتوا معقول ماتكونوش قتلتوها!
انجى هزت راسها بنفى:لا بقسملك انها عايشه يا كرم روح شوفها بنفسك لو حابب هى فى طياره فى الجو لونها احمر وهما ناويين يرموها من فوق..روح شوفها وانت هتعرف انى مبكذبش عليك.
كرم بصلها بتفكير:طيب..انا هروح اشوفها وهرجعلك تانى.
مشى وانجى ابتسمت بسعاده وكانت حاسه انها هتطير من السعاده:هو بيحبنى..هو هيعرف انى صادقه و..
ركذت فى اللى حصل وحطت ايدها على جبينها بصدمه وتفكير:يا نهار اسود ايه اللى انا عملته ده..هو اكيد عمل كده عشان يوقعنى فى الكلام وانا بكل غباء صدقت..
اتصلت بعايده بسرعه:الو ماما فى مصيبه.
عايده بأستغراب:خيير؟!!
انجى اتكلمت بضيق من نفسها:كرم هو وقعنى فى الكلام وانا بكل غباء قولتله روسندا فين.
عايده غمضت عيونها بضيق وغضب:انتى ايه الغباء اللى فيكى ده!...المكان ده مكنش حد هيعرفه ابدا..
انجى بضيق:اهو اللى حصل بقى.
عايده بغضب وعصبيه:طب اقفلى دلوقت يا انجى اقفلى.
قفلت الخط واتنهد بعمق وبتفكير وبتحاول تهدى نفسها وفى بالها:هما كده كده مش هيعرفوا يوصلولها ولو حصل هيكونوا خلصوا عليها.
كرم اتصل بعزام وهو رد:عزام بيه انا عرفت مكان روسندا هانم.
عزام بدهشه من السرعه اللى عرف مكانها بيها واتكلم بسعاده وبتسرع:فين؟؟!!!
كرم:هى فى طياره خاصه فى الجو لونها حمرا ولازم نلحقهم قبل مايرموها من فوق.
عزام بصدمه وبقلق:طيب انت فين دلوقت؟
كرم:انا جاى لحضرتك.
بعد ماوصل لعنده وركبوا طياره عزام وطلعوا بيها للجو مع الطيار.
كرم بيبص بتركيذ على اى طياره لونها احمر.
الطيار:لحد دلوقت مفيش اى طيارات قريبه مننا.
عزام بقلق:كرم انت ماعرفتش مين اللى خطفها؟
كرم بصله بتفكير وهز راسه بنفى وبتردد:ل..لا..
عزام اتنهد بعمق وبضيق والقلق هيقتله.
روسندا فتحت عيونها بألم وتعب من البنج اللى كانت وخداه..بتبص حواليها بأستغراب:اا..انا فين؟
..........قعد قدامها وبصلها بأبتسامه:حمدالله على السلامه يا جميل..انا مستخسر الجمال ده كله يموت بس اعمل ايه اوامر.
روسندا بصتله وبصت لايدها المربوطه بتبص حواليها بأستغراب:احنا..فى الجو؟!!!
.........:بالظبط كده..
روسندا بصتله وبأستغراب:انتوا مين وعايزين منى ايه!!!؟
.........:احنا مين للاسف مش هقدر اقولك..عايزين ايه الحقيقه احنا جايلنا امر بقتلك وده اللى هيحصل ومش عايز كلام كتير لانى صدعت.
روسندا بصتله وهزت راسها بنفى:انا هديك اللى انت عايزه بس رجع الطياره وبوعدك انى مش هقول لحد حاجه انا هديك مبلغ اكبر من اللى انت واخده و..
### راحلهم وزعق:اسكتى بقى خلاص بقولك ايه احنا وصلنا لنص البحر يلا بقى نخلص من الشغلانه القرف دى.
روسندا بصتله وبصت للشاب اللى قدامها وبتهز راسها بنفى:انا بنت عزام بيه وهو معاه ثروه كبيره جدا وعد منى هديك المبلغ اللى تطلبه.
### وجه عليها السلاح بغضب وعصبيه:انتى سمعتى انا قولت
ايه.
روسندا بصتله وسكتت وبصت لشريكه.
...........وقف وبيفكر:بقولك ايه انا مش مرتاح للست دى انا هتصل بيها وهقولها تبعتلنا اى صوره للشيك وعليه امضتها والا مش هنتحرك اى حركه.
روسندا بصاله وبتفكر مين ممكن تكون الست اللى طالبه منهم يقتلوها!!
...........اتصل بيها وهى ردت:ايه خلصتوا عليها؟
...........:لا قبل مانقتلها عايزك تبعتيلى صوره لشيك بالمبلغ اللى اتفقنا عليه وعليه امضتك والا احنا مش هنعمل حاجه.
عايده بغضب وبغل:انا قولتلك انى هديك اللى انت عايزه بس خلصونى منها الاول.
..........:انا قولت الكلام اللى عندى موافقه ولا نرجع بيها؟
عايده بغضب وعصبيه:موافقه..
...........:تمام وعايزين فوقيهم ٥٠٠٠ جنيه زياده.
عايده:انا هبعت المبلغ اللى اتفقنا عليه وبس.
...........بتهديد:خلاص براحتك وانا كمان هرجعها وهفضحك.
عايده بغل:خلاااااص هبعتلك الفلوس اللى طلبتها بس اخلصوا.
...........:كده الكلام يعجبنى وهنخلص الموضوع بسرعه بس مستنى منك رساله صغيره.
عايده قفلت الخط كتبت شيك بالمبلغ اللى اتفقوا عليه وصورته وبعتتهوله فى رساله.
.........: فتح الرساله: كده تمام.. يلا..
فتحوا باب الطياره ومسكوا روسندا قوموها وحطوها عند باب الطياره.
روسندا غمضت عيونها بدوخه وشاب منهم سابها وبعد عنهم:ااااااه..
### بصله بأستغرب: مالك؟؟
.........:مش عارف اول ماشوفت المنظر حسيت بدوخه كمل انت..
###: ماتسترجل كده يله.
روسندا بصتله وبتفكر فى اى حاجه تعملها عشان تخلص منهم.
كارم بيخبط على باب بيت شاهيناز.
شاهيناز راحت فتحت وبصتله بتوتر:اا.كارم ايه اللى جايبك بادرى؟!!
كارم بصلها بأبتسامه:رايح كتب كتاب وخطوبه ودخله واحد صاحبى.
شاهيناز ضحكت:ايه كل ده شكل صاحبك مستعجل اوى.
كارم ضحك:طب يلا غيرى هدومك انا مستنى
شاهيناز هزت راسها بإيجاب:طيب ادخل استنانى جوا.
كارم دخل وبص حواليه:امال فين الجده؟!
شاهيناز:نايمه..ثوانى وراجعه
دخلت الاوضه واختارت فستانين وخرجتله:كارم اختارلى واحد.
كارم بص للفساتين بتفكير ووقف قرب منها ومسك الفساتين بيجربها على جسمها:امم...حلو الابيض.
شاهيناز ابتسمت وخادته منه راحت على الاوضه غيرت هدومها وحطت ميك اب وربطت شعرها خرجت وبصتله بأبتسامه:ايه رأيك؟
كارم ابتسم وقرب منها فك ربطه شعرها وفردته على اكتافها:كده احسن.
شاهيناز ابتسمت وهو قرب من شفايفها.
شاهيناز بصتله وقلبها بينبض بسرعه خياليه..بعدت وشها وهو بصلها بضيق وابتسم ابتسامه بتخفى غله وضيقه:يلا نمشى.
شاهيناز هزت راسها بإيجاب ومشيوا.
فى بيت محمود ولما حضروا الناس اللى عزموهم ومامت محمود كانت مضايقه من كلام محمود اللى ماعجبهاش واللى مشى كلامه.
كارم وشاهيناز وصلوا لبيته.
كارم خبط على باب بيته ومامته فتحت وهما دخلوا.
مامت محمود:ياااا يا كارم انت لسه عايش؟!!
كارم ضحك وحضنها:حمدالله على السلامه.
شاهيناز بصالهم ومبتسمه ابتسامه خفيفه.
مامت محمود بعدت وبصت لشاهيناز بأبتسامه:ازيك يا حبيبتى؟
شاهيناز سلمت عليها وابتسمت:مين يا كارم مش تعرفنى؟
كارم:اه اسف نسيت شاهيناز حبيبتى وهنتجوز قريب.
شاهيناز بصتله ومامت محمود ابتسمت وبصت لشاهيناز:يا مجنون اخيرا ارتبط بس يا رب تكونى عقلتيه من الجنون اللى هو فيه.
كارم ضحك:هدى النفوس مش كده يا ام حوده امال فين العريس؟
مامت محمود:فى اوضته روحله لو عايز هو زمانه خلص لبس.
كارم:طيب شاهى خليكى هنا وهرجعلك.
مشى وهى بصاله وهو ماشى.
كارم خبط على باب اوضه محمود.
محمود:ادخلى يا ماما.
كارم دخل وبصله بأبتسامه:مبروك يا عريسنا.
محمود لف وبصله ابتسم وحضنه:عقبالك.
كارم:واللهى انا اتصدمت يعنى كنت متوقع فرح حوده غير كده ايه يا عم ده مين اللى شار الشوره السوده دى وخلاك تعمل الفرح فى البيت؟!!
محمود بعد وبصله بأبتسامه خفيفه:انا اللى عايز كده.
كارم بأستغراب:وليه بقى؟
محمود:اهو..جنون.
كارم بضحك:لا ان جيت للحق ف ده عبط.
محمود:طب يلا يا خفيف انا خلصت لبس يلا نخرج.
كارم بصله بتسأل:انت..ماعزمتش كريم ولا امينه ؟
محمود بصله وبعد نظره عنه وبان على ملامحه الضيق من سيرته:لا.
كارم بصله وفهم سبب الضيق اللى ظهر على وشه.
حد خبط على باب بيت هبه وفريده راحت فتحت الباب وبصتله بأستغراب.
اسامه بصلها بأبتسامه:اا..مش ده بيت الانسه هبه؟
فريده بصاله ومستغربه انه بيسئل على هبه وبلهجه صعيديه:ايوه يا بنى بيتها انت مين؟؟!
اسامه:ممكن ادخل بس الاول؟
فريده بعدت عن الباب وهزت راسها بإيجاب وبلهجه صعيديه:اكيد اتفضل يا بنى.
اسامه دخل وجمال راحلهم:مين يا ام وليد؟
فريده راحتله وهمستله بلهجة صعيديه:ده شاب بيسئل عن هبه وبيقول عليها انسه كمان.
جمال بصلها بأستغراب:طيب ادخلى انتى جوا مع الاولاد وانا هروح اشوفه عايز ايه.
فريده دخلت لهبه وخديجه.
فريده بلهجه صعيديه:هبه فى واحد بره بيسئل عليكى ابوكى قاعد معاه انتى تعرفى شباب؟!!
هبه بصتلها بأستغراب ومجاش فى بالها يكون هو وبلهجه صعيديه:لا هو...
فى الوقت ده افتكرت كلام اسامه ووقفت بسرعه وبلهجه صعيديه:انتى قولتى ايه!
خديجه بصتلها بأستغراب.
هبه قربت بسرعه من الباب وفتحته سنه بسيطه عشان تعرف تشوفهم وأتأكدلها اللى كانت بتفكر فيه.
اسامه:انا اسمى اسامه من القاهره دكتور وعمرى ٢٩ سنه..انا شوفت الانسه هبه بنت حضرتك بالصدفه وجيت اطلب من حضرتك ايدها لو مفيش ممانعه.
هبه برقت وجمال استغرب واتصدم فى نفس الوقت:انت اكيد غلطان فى العنوان انا بنتى هبه متجوزه.
اسامه بصله بصدمه:متجوزه؟؟!
جمال:ثانيه واحده وراجعلك.
دخل لهبه وهى بعدت بسرعه عن الباب.
فريده بلهجه صعيديه:فى أيه يا جح؟
جمال بص لهبه:هو جاى يطلب ايد بنتك.
فريده ابتسمت بسعاده:حور!؟
جمال هز راسه بنفى:هبه.
خديجه اتصدمت ووقفت:ازاى يعنى هو مايعرفش انها متجوزه؟!
جمال:باين كده...انا حاسس انه يقصد بنت تانيه.
هبه بصتله وهزت راسها بنفى وبصت فى الارض وبلهجه صعيديه:لا يا باباهو..عرض عليا الجواز و..انا مادتوش رد
جمال بصلها واتكلم بعصبيه:وانتى ايه اللى يخليكى تقفى معاه من اساسه!؟
هبه بتتجاهل تبصله:انا..
جمال:خلاص بقى انا هطلع وهقوله مع الف سلامه حصل سوء تفاهم وربنا يرزقك ببنت الحلال اللى بتدور عليها.
هبه اتكلمت بتسرع:بس يا بابا انا موافقه.
خديجه اتصدمت اكتر واتكلمت بصدمه:انتى بتقولى ايه!!!.. انتى متجوزه دلوقت..
الكل كان فى صدمه وهبه هزت راسها بنفى وبلهجه صعيديه:انا مش معترفه بالجواز اللى كله بعيد عن بعضه وحتى السوأل بيبقى كل فين وفين.
خديجه بعصبيه وصدمه:هو بعيد عنك عشان يجيب فلوس يتجوز بيها معقول انتى عايزه تسيبيه عشان كده؟...انتوا مع بعض بقالكوا يجى سنتين وانتى بعتى علاقتكوا بالبساطه دى؟!!
هبه بعدت نظرها عنها بأصرار وبدموع وبلهجه صعيديه:علاقتنا مكنتش قويه من البدايه عشان ابيعها ببساطه.. خليه مع البنت اللى معاها عشان يعرف يحميها كويس وانا مش عايزه الجوازه دى..اللى بينا ده مكنش حب..هو مجرد احترام وبس.
جمال بصلها بغضب وجى يضربها فريده مسكته وبتهديه:حج اهدى هى مش صغيره عشان تمد ايدك عليها.
جمال بعصبيه:انتى مش سامعه هى بتقول ايه؟
فريده بلهجه صعيديه:اهدى طيب الضرب مش هيحل حاجه..هبه بنتى كل حاجه وليها حل ومش معنى ان بينكوا مشاكل يبقى تسيبيه.
هبه هزت راسها بنفى وبلهجه صعيديه:انا عارفه اللى هيحصل فى النهايه وده اخر قرار عندى.
خديجه بصتلها بغضب وغل وسابتهم ومشيت.
هبه بصالها وهى ماشيه وغمضت عيونها بضيق.
جمال بصلها بغضب:الجوازه دى مش هتتم انتى هتفضلى مع كرم فاهمه؟
هبه بصتله وهزت راسها بنفى وبلهجه صعيديه:انا اسفه يابابا بس انا مستعده اقول لكرم الكلام ده وحالا.
فريده بلهجه صعيديه:خلاص بقى خلاص يا هبه تعالى يا حج عايزه اكلمك كلمتين على انفراد.
بعدوا عن هبه وهى همستله بلهجه صعيديه:انا بقول يا حج تطاوعها.
جمال بغضب وعصبيه:ازاى يعنى!..دى كلمه رجاله وبعدين انا شايف ان كرم شاب محترم وكويس وعمران الله يرحمه كان حبيبي واكتر من اخ ليا انتى شايفه ان عشان هو مسافر عشان يجيب فلوس ويكمل جهازها كده هو غلط!!..عشان مابيتصلش بيها ويكلمها بالساعات ويحب فيها فى التليفون يبقى كده هو غلط؟
فريده بتفهم وبلهجه صعيديه:انا عارفه يا حج انا بس بقول كده عشان ماتعيش معاه ويبقى بينهم مشاكل دايمآ ولما تحصل حاجه هتقول احنا غصبناها على الجوازه وبعدين اهو هنفرح بيها بدل مانستنى كام شهر تانى عشان الفرح
جمال بغضب:انتى بتقولى ايه هبه هى اللى اختارت كرم وبعدين انا عارف كرم ومتأكد انه هيشيلها فى عينه.
فريده:عارفه طاوعها بس ده عمر يا حج عمر هتقضيه معاه انا عارفه انه مسافر عشان يجيبلها باقى الجهاز بس حتى لو اتجوزوا هو هيسيبها لوحدها ويسافر هى هتمل ووقتها هتطلب الطلاق وقتها هيكون معاها عيل ولا عيلين صدقنى الوضع هيبقى اسواء.
جمال باصصلها بضيق وتفكير:يعنى هو مسافر عشان الجهاز وانا اتصل بيه اقوله هتتجوز غيرك وطلقها!؟
فريده بصتله:لو مكسوف تكلمه هكلمه انا.
جمال دور وشه للجهه التانيه بضيق وتنهيد.
كرم شاف الطياره وشاف روسندا رابطين ايدها بحبل ومنزلينها منه وماسكين الحبل وبينزله واحده واحده بيلعب بأعصابها وكل ماتشهق من الخوف بيضحكوا.
كرم:اهم هناك..
راحوا عند الطياره وكرم فتح باب الطياره من ناحيته
روسندا بصراخ وخوف مصحوب بغضب:يا مجاااانين.
### ضحك وساب الحبل وهى صوتت وهو بيضحك استغرب لما صوت صراخها بطل.
### بأستغراب:ايه ده؟!!
بص لتحت شاف طياره كرم وهما طلعوها لطيارتهم وبعدوا عن الطياره بتاعتهم.
###:هى مماتتش.
...........:احنا ملناش دعوه هنقولها هى ماتت.
عزام حضن روسندا جامد وهى حضناه جامد بدموع وبخوف.
عزام بيملس على شعرها:باااااس يا حبيبتى انا وعدتك انتى مش هتموتى طول منا عايش..الفضل لكرم هو اللى عرف مكانك.
روسندا بعدت راسها وبصت لكرم ابتسمت بخفه ودموع:شكرا يا كرم.
كرم بصلها وابتسم بخفه.
فى الوقت ده طياره الناس اللى تبع عايده انفجرت وعزام اتصدم وكان بيحمد ربنا انها مكنتش فى الطياره.
بعد مانزلوا من الطياره وروسندا اعصابها كانت سايبه تمام ومش قادره تنزل.
كرم قرب شالها وهى بصتله بتعب ودوخه.
كرم بصلها ولاحظ كميه التعب الظاهره على وشها: مسموح تسندى راسك عليا.
روسندا بصتله بدوخه وسندت راسها عليه وغابت عن الوعى.
فى بيت محمود.
بعد ماكتبوا كتابه وقاموا يرقصوا وكل واحد خاد كابلز وقاموا هما كمان يرقصوا.
كارم بيرقص مع شاهيناز سلوه وهى مش بصاله.
كارم باصصلها ومضايق من سكوتها:ساكته ليه؟
شاهيناز رفعت راسها وبصتله وهو ابتسم:زهقتى نروح؟
شاهيناز:اللى انت عايزه
كارم:طيب انا كمان زهقت الصراحه..تعالى نسلم على العرسان ونمشى.
شاهيناز هزت راسها بإيجاب وراحوا سلموا عليهم ومشيوا.
مامت محمود راحتلهم:يلا بقى روحوا على بيتكوا.
محمود بصلها وهز راسه بإيجاب وبص لماجده:يلا..
ماجده ابتسمت وهزت راسها بإيجاب.
كارم وشاهيناز ركبوا العربيه.
كارم مدلها ازازه خمره:خدى.
شاهيناز بصتله وخدت الازاز:هو...مش غلط تشرب وانت بتسوق!!
كارم بصلها بأبتسامه:ماتقلقيش مش هكتر.
شاهيناز ابتسمت بخفه وبعدت نظرها عنه وبصت للازازه بقلق خافت لايكون حاطتلها حاجه فى الخمره.
كارم بصلها وحس بقلقها خاد منها الازازه وهى بصتله بأستغراب.
كارم رما الازازه وفتح ازازته:هنشرب انا وانتى من ازازه واحده.
شاهيناز لسه بصاله واتكسفت انه فهم توترها منه.
كارم شرب من الازازه ومدهالها:لوفيها منوم اكيد مكنتش هشرب منها والا كنا هنموت احنى اللاتنين
شاهيناز بعدت نظرها عنه بضيق من نفسها.
فى المستشفى.
مصطفى:ايه اللى كسر رجلك؟
كريم بصله:اا..هو..انا وقعت و..اتكسرت.
مصطفى:وقعت ازاى!!
كريم:وقعت هى الناس بتقع ازاى!..وقعت من فوق مبنا كنت بزور صديق ووقعت من على السلم.
مصطفى:مش تخلى بالك يا بنى؟
سوسن:حبيب مامى احنا خوفنا عليك جدا لما كلمتنا وقولتلنا انك فى المستشفى.
كريم ابتسم بخفه:انا كويس.
فى قسم الشرطه.
القاضى:يعنى مش هتعترفوا انتوا تبع مين!
كلهم بصوا لبعض وسكتوا.
القاضى: حكمت المحكمه حضوريآ على شادى مصطفى ومروان الاسيوطى وجاسم محمد بالسجن ٢٥ سنه.
خديجه بتكلم سميره فى التليفون:انا رايحه عند مؤمن هقوله اننا انتقلنا من الحته وهقولك اللى حصل مع هبه بعد مارجع.
سميره:طيب يا حبيبتى متأخريش عشان كرم قال الفتره دى محدش يخرج الواضح انه قلقان علينا.
خديجه:حاضر انا مش هقعد عنده هقوله وهاجى يلا سلام.
قفلت الخط لما قربت توصل لبيت مؤمن استغربت لما شافت مؤمن واقف عند باب البيت وواقف معاه مجموعه من الشباب باين على شكلهم الاجرام وباين انهم مش من المكان.
.........:بقولك ايه انت خدت فلوس العمليه اللى هتتقسم بينا وهربت بيها وفاكر اننا مش هنلاقيك ده احنا نجيبك حتى لو فى بطن امك.
مؤمن:بقولكوا ايه انا ماهربتش بحاجه انا حصلتلى ظروف واضطريت انزل الصعيد الفلوس هتجيلكوا فى القاهره زى ماوعدتكوا.
..........ضحك:لا يا شبح الفلوس تجيلنا دلوقت...مش انت بتقول انها معاك؟
مؤمن:ايوه معايا.
..........:خلاص هاتها اهو احنا مستنيين.
مؤمن بصلهم بتردد وتفكير:هجيبهالككوا بس الفلوس ناقصه ٧٠ الف حنيه.
كلهم بصوا لبعض بصدمه ومسكوا منه قميصه:انت هتصيع علينا يله انت ماتعرفناش احنا ممكن ندفنك مكانك هنا ولو ماجبتلناش فلوسنا.
خديجه راحتلهم بسرعه وزأتهم بعيد عنه:انتوا ايه اللى جابكوا هنا وبأنهى حق تمسكوه المسكه دى؟!
مؤمن بصلها بصدمه وضيق:خديجه ممكن تمشى انتى وملكيش دعوه بالموضوع؟
خديجه بصتله:انا مش ماشيه الا لما اعرف مين دول وايه اللى حابهم هنا.
...........:عايزه تعرفى مين احنا جايين ناخد فلوسنا من العمليه اللى البيه نصب علينا فيها.
خديجه بأستغراب:عمليه ايه؟...انتوا بتقولوا ايه مؤمن مستحيل ينصب على حد
مؤمن بصلها وبيأنب ضميره.
..........:عمليه سرق البنك يا روح قلبى ولبيه خاد حقنا فى الفلوس مع حقه وطفش على هنا.
خديجه كانت مصدومه ولفت بصت لمؤمن ومش قادره تصدق انه ضحك عليها للمره التانيه:اا...انت..عملت كده؟
مؤمن بصلها بحزن وأسف وبعد نظره عنها وهز راسه بإيجاب.
خديجه لسه بصاله رفعت ايدها وبكل قوه ضربته بألالم والرجاله بعدوا وبصولها بقلق.
........:اا...مؤمن احنا هننزل ااقاهره الفلوس لو مجاتلناش هيبقى فيها نيابه احنا هنخرج منها بس انت هتفضل.
مشيوا وخديجه باصه لمؤمن بغضب ودنوع:انت ازاى تسمح لنفسك تكذب عليا ومش بس مره انا حزرتك انك لو قررت كذبك تانى انا هسيبك وانت ماهتمتش لكلامى ولا حته فكرت تصارحنى بالحقيقه...حرامى!!..تطلع اخرتها حرامى؟؟
مؤمن باصصلها بدموع وحزن:خديجه..
خديجه قاطعته بعصبيه وغضب:خلاص بس بقى انا مش هستمر مع واحد كذاب وحرامى زيك من هنا وعلاقتنا انتهت..
خلعت الدبله ومسكت ايده حطتها فيه:انا مش عايزه اشوف وشك تانى والشقه بعها اهو تسديلهم اللى واخده منهم الحمدالله ان ربنا كشفك قبل ماكنت تعيشنى عيشه حرام..
حطتله فى اه مفتاح الشقه وسابته ومشيت وبتمنع دموعها تنزل من عيونها بكل طاقتها وكل قوتها.
كرم وعزام دخلوا القصر ومعاهم روسندا.
عايده سمعت صوتهم ابتسمت بلؤم وخرجت بسرعه من اوضتها وهى متشوقه تشوف الحزن على وجودهم..اتصدمت وبرقت لما شافتها معاهم
كلعوا بيها على اوضتها وايده كانت هتتجنن.
دخلت الاوضه ورفعت شعرها بصدمه:ازاااى!..ازااااى متموتش؟؟!؟!..اجرتيلها لطجيه يرموها من الطياره وفوق كده قولت لو اتعاطفوا معاها وحبوا يرجعوا هتكون الطياره انفجرت بيهم بس ازاااى عاشت دى اكيد مش كبيعيه اكيييد.
كرم نزل روسندا على السرير وجاله اتصال بعد عنها وخرج برا الاوضه رد:الو يا عمى جمال.
جمال ابتسم بحزن وتوتر:اا..ازيك ا بنى عا
إرسال تعليق
يسعدنا تلقي اقتراحاتك أو تعليقك هنا