مرحباً بكم أصدقائي وأحبابي عاشقي القراءة والروايات الرومانسية في موقعنا قصص 26 مع رواية جديدة من روايات الكاتبة منة محسن ؛ وسنقدم لها اليوم الفصل الثالث والعشرون من رواية المؤامرة بقلم منة محسن هذه القصة مليئة بالعديد من الأحداث والمواقف المتشابكة والمعقدة من الرومانسية والتشويق .
رواية المؤامرة بقلم منة محسن - الفصل الثالث والعشرون
إقرأ أيضا: قصص قبل النوم
رواية المؤامرة بقلم منة محسن - الفصل الثالث والعشرون
فى فرح شاهيناز وكارم...
شاهيناز وكارم نزلوا من العربيه والمعازيم استقبلوهم وشاهيناز ماترسمتش على وشها الابتسامه ولا للمجامله حتى عيونها مغطياهه الدموع وعلى تكه وتغرق وشها.
كارم بصلها من طرف عينه وهمسلها: اضحكى ماتفرجيش الناس علينا.
شاهيناز بتتجاهل كلامه ومسحت دموعها اللى بتنزل على خدودها.. وقفوا عشان يتصوروا وشاهيناز بالها شارد فى عالم تانى.
........: عروستنا اضحكى.
شاهيناز بصتله بأنتباه وكارم همسلها: انا كمان ممكن اسيب الفرح وامشى بالطريقه دى.
شاهيناز بعدت نظرها عنه بغضب وبعد ماتصوروا راحوا كتبوا كتابهم وراحوا يرقصوا.
كارم بيرقص معاها سلوه والاضائه خفيفه وهى مابتبصلوش.
كارم:يا سبحان الله اول مره اشوف عروسه نكد.
شاهيناز ساكته ومش بصاله.
كارم بصلها وداس على رجليها بعنف عشان تنتبهله.
شاهيناز مباصتلوش بردو
كارم بصلها اوى وضحك بسخريه عمل نفسه هيحضنها وشد شعرها بعنف وهى بردو مابصتلوش.
كارم استغرب آوى يعنى مفيش منها اى رده فعل.
شاهيناز فجأه وقعت اغمى عليها.
كارم اتصدم وكلوا جرى عليهم.
كارم بيحاول يفوقها: شاهيناز... شاهيناز فوقى.. شاهيناز..
.........: هى ايه اللى حصلها؟
كارم: مش عارف.. انا هخدها على المستشفى.
شالها خرج من القاعه وركبها العربيه ومشى بيها.
كارم بيبصلها بقلق من وقت للتانيه ماسك ايدها وبيحركها: شاهيناز... شاهيناز فوقى..
شاهيناز بتتنفس بعمق وهو بصلها وفهم ان ده اجهاد وتعب من عياط وارهاق طول اليوم..
كارم اتنهد بعمق وراح على بيتهم..
بعد ماوصلوا للبيت شالها ونزلها من العربيه ودخل بيها الشقه.. طلع على اوضتهم وحطها على السرير وبيحاول يفوقها: شاهيناز.. شاهيناز فوقى ارجووكى..
فى نفسه:حاسس ان ده تمثيل منها عشان تخرب عليا الفرح ولو طلع الموضوع كده فعلا انا مش هتساهل معاكى ابدا.
بيحاول يفوقها واتنهد بضيق وقام يغير هدومه.
شاهيناز فتحت عيونها وبصتله بغضب وغل وفى نفسها: هو ده اليوم اللى عايز تفرح بيه!..
فرحت ولا لسه؟
كارم لبس شورت وفنيلا سوده حمالات مبينه عضلاته وعروقه البارزه.. لف وشاهيناز غمضت عيونها بسرعه وهو قرب منها قعد جنبها على السرير ومسك وشها بعنف: وقسمآ بالله لاندمك على اللى عملتيه.
شاهيناز فتحت عيونها وبصتله بغضب: هتندمنى ايه اكتر من كده؟؟!!
كارم ضحك بسخريه: لا ممثله شاطره.
شاهيناز بعدت ايده عنها وقعدت على السرير: انت.. عرفت منين انى بمثل؟؟!
كارم شاورلها بعيونه على المرايه: ماهو الكذاب دايمآ بيبقى غبى.
شاهيناز بصاله واندهشت من نفسها هى ازاى ماخدتش بالها من حاجه زى كده!!؟
كارم نام على السرير وهى بصتله جات تقوم شدها على السرير وحاوطها وهو باصصلها: على فين؟؟!
شاهيناز بصتله وبصت لعيونه اللى مليانه تواعد ليها وده اللى قلقها وخوفها اكتر.
شاهيناز: اا.. ايه... هنام برا.
كارم ضحك جامد وبأستهزاء: تنامى برا!.. وهو انا متجوزك عشان تنامى برا؟
شاهيناز بصاله وهو قرب جى يبوسها بعدت وشها بسرعه:انسى انت بتحلم.
كارم هز راسه بنفى: تحبى اثبتلك انى مابحلمش؟
باسها بسرعه وبعنف وهى غمضت عيونها جامد وحطت ايدها على صدره وبتحاول تبعده عنها ونفسها مقطوع.. الدموع نزلت من عيونها وهو بعد وبصلها وهو بيتنفس بعمق: ايه صدقتى؟!
شاهيناز بصاله وعيطت وهو غمض عيونه بضيق وبعد عنها: وبعديييين؟!!
شاهيناز قعدت على السرير وبتعيط بشهق.
كارم بصلها بضيق من عياطها وقرب ملك وشها بين ايده ومسحلها دموعها: اهدى ابوس ايدك ده يوم مابيجيش غير مره فى العمر وانتى الحمدلله بوظتهولى مش ناقص عياط تانى.
شاهيناز بتعيط ومش بصاله: عايزه انام برا..
كارم بضيق وعصبيه: ليه هو انا بعبع هنام جانبك؟؟!
شاهيناز زادت فى العياط وصوت عياطها على.
كارم بصداع وعصبيه: خلاااص خلااص نامى برا زى مانتى عايزه.. انا جزمه وزباله انى ماسمعتش كلامك.. ولا اقولك نامى انتى هنا وانا هخرج اتخمد برا.
خرج برا الاوضه وهى بصتله وهو ماشى بعياط قامت قفلت باب الاوضه ونامت وهى حاضنه المخده فضلت تعيط لحد منامت.
عزام دخل القصر وبينادى:روسندا...روسندا.
راح خبط على باب اوضتها وهى ردت:ادخل.
عزام دخل وراحلها باس خدها بأبتسامه وسعاده وهى ابتسمت ومستغربه سعادته:اا..ايه!؟
عزام:انتى ليه مقولتلكيش انك رسمتى تصميم لشركه ايفان؟؟!
روسندا بصتله ومستغربه كلامه..فكرت واستوعبت اللى قاله:ااااه...انا لقيت ملفك بالصدفه فى المكتب بتاعى اليوم اللى روحت فيه معاك للشركه شوفت المكتوب فى الملف وكنت قاعده فاضيه ف رسمته..هو مهم للدرجه دى بالنسبالك؟؟!
عزام:اكيد انا كنت قلقان هكسب ولا هخسر لان المسابقه دى فعلا مهمه جدا بالنسبه للشركه.. بس تصميمك ده مختلف تمامآ واكدلى ان فى احتمال كبير اكسب بمشيئه الله.
روسندا ابتسمت ومدتله خدها:فين الحلاوه بقى؟
عزام ابتسم وباس خدها:صح يا روسى انتى هترجعى الشغل تانى؟؟
روسندا بصتله بتفكير وقلق:مش عارفه انا...قلقانه..يعنى يوم مانويت اشتغل معاك..كنت هتقتل وكرم هو اللى اتصاب بدالى.
عزام باصصلها بتفكير:انا عايزك يكونلك مركذ ويبقى للناس تعامل معاكى عشان لو حصلى حاجه وقتها متاخديش وقت عقبال ماتتأقلمى وتتفاهمى مع الناس وعشان تلاقى جانبك ناس يسندوكى ويسندوا شركاتك وقت ماتقعى.
روسندا بصتله وبغموض مسكت خدوده بهزار:دى شركاتك انت يا عزومى.
عزام بصلها بأبتسامه:دى مفاجئه مش هتعرفيها دلوقت المهم انك لما رجلك تخف انزلى معايا الشغل وبأذن الله ربنا هيحميكى من كل سوء..وطول ماكرم معاكى انا ببقى مطمن وحاسس بالامان كمان.
فى اليوم التالى.
روسندا بتشرف على تجهيز القصر وتزيينه..
روسندا:انا عايزه كل حاجه تخلص على بليل اوكى..
كرم دخل القصر وبصلهم بأستغراب وبص لروسندا:هو...فى احتفال النهارده؟
روسندا بصتله بأبتسامه وهزت راسها بإيجاب:انت مش عارف النهارده ايه؟
كرم بصلها بتفكير وهز راسه بنفى:الحقيقه لا..
روسندا ابتسمت: معقول فى حد مايعرفش يوم عيد ميلاده؟!!
كرم بصلها بأنتباه واندهش نوعآ ما: عيد.. ميلادى انا؟!!!... ليه هو النهارده ايه.
روسندا: لااا صحى النوم يا كرم بيه النهارده ١/١ ياا حتى يوم عيد ميلادك غريب ١/١
كرم ابتسم وبصلها بأستغراب يصاحب غموض: وانتى بقى عرفتى يوم عيد ميلادى منين؟؟
روسندا بصتله بأبتسامه واتكلمت بنفس غموضه: حظر بقى..
كرم بصلها بتفكير وحط ايده على جبينه فجأه وغمض عيونه: ام سماح..
روسندا ضحكت انه جابها بالظبط.
روسندا لسه بتضحك وبتهز راسها بإيجاب: بالظبط ام سماح.
كرم بهزار: ام سماح دى مابتتبلش فى بؤها فوله.
روسندا بتضحك وبص للزينه وبصلها واستغرابه زاد: بردو ليه بتزينى البيت!..يعنى ده عيد ميلادي انا.
روسندا هزت راسها بإيجاب وبأبتسامه: عارفه ده بالنسبالى اهم يوم فى حياتى.. لان اليوم ده اللى اتولدت فيه الضحكه اللى فى حياتى.
كرم لسه باصصلها مش قادر يحدد مدى الحب والغرام اللى بيبان فى عيونها وهى بتتكلم معاه..كلامها بيديله ثقه اكتر فى نفسه وكأنها بتقوله انت السما اللى حامله كل الكواكب اللى فى الكون وانا كوكب وسطيهم.. بتديله اهميه كبيره جدا فى حياتها وده اللى بيحيره وبيشتته كل ماده وماده.. بيحير مشاعره وبيخليه مش عارف يفكر.. بيبينله مدى العشق اللى حملاه البنى ادمه دى ليه..
كارم بيخبط على باب اوضه شاهيناز: شاهيناز.. شاهيناز افتحى الباب..
شاهيناز نايمه..
كارم: شاهيناز..
بص للباب وخرج نسخته من المفتاح قرب فتح بيها الباب.. ابتسم بتلقائيه لما شافها نايمه وحاضنه المخده ببرائه.
كارم قرب منها كان متردد يصحيها ولا يسيبها مرتاحه.. قرر انه هيهمسلها تصحى لو صحيت تبقى هى مش رايحه فى النوم.. ماصحيتش تبقى تعبانه وجسمها مريح.
كارم قرب من ودنها وهمس: شاهيناز..
شاهيناز قامت بسرعه اتنفضت من على السرير وبتصرخ بخوف: اا.. انت بتعمل ايه يا زباله انت..
كارم قام من على السرير وهو باصصلها ومصدوم من رده فعلها: واللهى ماعملت حاجه انا جاى اصحيكى عشان تاكلى..
شاهيناز بصتله بأنتباه بصت حواليها واستوعبت انهم اتجوزوا.
كارم باصصلها: اهدى مش كده ده احنا لسه فى اول الجواز..انتى لسه ماغيرتيش هدومك من امبارح؟؟!
شاهيناز بصتله وبعدت نظرها عنه: اخرج عشان اغيرها.
كارم قرب من الدولاب خرجلها قميص نوم لونه اسود: البسى ده هيبقى تحفه عليكى.
شاهيناز بصتله بكسوف وبعدت نظرها عنه: اخرج.
كارم ادهولها: متأخريش انا مستنى وجعان.
مشى وهى بصتله وهو ماشى بدموع.. بصت للقميص ورمته على الارض بعنف.
لبست بجامه ومشطت شعرها ونزلت من الاوضه.. كان شكلها فى غايه الرقه وكانت عيونها دبلانين من كتر العياط.
كارم بصلها ورفع حواجبه: هو انتى بتحبى تخالفى كلامى وخلاص؟؟!
شاهيناز قعدت قدام التليفزيون ومش بصاله.
كارم قام شدها من دراعها بعنف: على فكره انا مابحبش الطريقه دى.. لو انتى هتعندى معايا ف انا دماغى جزمه قديمه ومش هتكسبى فى الاخر.
شاهيناز بصتله بدموع وبتحاول تبعد ايدها عنه وهى ماعندهاش اى طاقه تدخل فى مناقشه حاده معاه.
كارم: يلا اطلعى غيرى هدومك والبسى القميص..
شاهيناز بصتله ودموعها نزلت على خدودها: انت عملت اللى انت عايزه عايز ايه تانى؟!
كارم بصلها وبعد نظره عنها بعند: هو كده انتى دلوقت مراتى وانا ليا حق عليكى وبقولك البسيه.
شاهيناز بصاله ودموعها مش مبطله نزول: ولو مالبستوش؟.. هتعمل ايه؟
كارم بصلها وفهم انها بتشوف العقاب يستاهل ولا لا اتكلم وكان بيخوفها: مش هعمل حاجه ابدا.. هطلقك بس ولو حامل ولا حاجه هتربيه لوحدك.. بسيطه وانا هروح اتجوز وهرجع لحياتى الطبيعيه.
شاهيناز بصتله وعيطت وهزت راسها بنفى: انت ماينفعش تهددنى بحاجه زى دى عشان حاجه انا مش عيزاها...
كارم: مش بمزاجك هتلبسيه ولا لا؟
شاهيناز هزت راسها بإيجاب وبتعيط: ح.. حاضر.. هلبسه.
كارم بص لدموعها واتنهد بعمق قرب حضنها وغمض عيونه: انسى.. مش عايز حاجه.. بس بطلى عياط.
شاهيناز غمضت عيونها بعياط وبعدت عنه وهو بصلها ومسك ايدها: تعالى يلا..
قعدوا ياكلوا وهى هزت راسها بنفى ورافضه تاكل: لا مش عايزه.
كارم: لازم تاكلى عشان صحتك بالطريقه دى انتى مش هتكملى معايا كام يوم.
شاهيناز: مليش نفس.
جات تقوم مسك ايدها قعدها تانى: لا هتاكلى معايا لازم تتعلمى انك ماينفعش تسيبى جوزك يا كل لوحده.. يلا كلى.
شاهيناز بصت للاكل بضيق وبتاكل بالعافيه.. تليفونها رن وهى جريت خادته وردت: اا.. الو.
كارم باصصلها ومركذ معاها وهو بياكل.
............: ايه يا شاهى احنا بنستناكى بقالنا كام يوم فينك مبقتيش تسهرى معانا زى الاول ليه؟!
شاهيناز غمضت عيونها بحزن وبدموع: اا.. انا.. هبقى اجيلكوا...هحاول اجى النهارده.
كارم باصصلها وساكت.
شاهيناز قفلت معاها وبصت لكرم: اا.. انا.. هخرج النهارده.. هروح اسهر مع صحابى.
كارم اتنهد بضيق وبهدوء: انا عايز افهم انتى مش مقتنعه انك اتجوزتى ولا انا شكلى ميديش زوج ولا ايه حكايتك؟
شاهيناز بعدت نظرها عنه.
كارم:تعالى يلا كلى.
شاهيناز راحت قعدت جانبه وهو ملك وشها بين ايده وبصلها:انا وانتى هنسهر باليل هنا وبوعدك انك هتقضى معايا احسن ليله فى حياتك..
شاهيناز بصاله والدموع فى عيونها بعدت نظرها عنه وكملت اكل اللى بتتهربه بيه منه.
كرم بيكلم سميره فى التليفون:وانتى طيبه يا ست الكل.
سميره:حبيبى لو تقدر تيجى تحتفل معانا بعيد ميلادك.
كرم فكر انه ماينفعش يسيب روسندا فى الخطر المحاوط بيها واللى بيتشكل فى صوره عايده وانجى..وكمان هو لو راح الصعيد ورجاله كريم شافوه ممكن يمشوا وراه ويعرفوا مكانهم.
كرم بأسف:انا اسف يا ست الكل بس ماينفعش اخد اجازه النهارده لانى لو سيبت القصر يوم واحد الدنيا هتتقلب..انا اسف يا ست الكل اعذرينى.
سميره:ربنا يقويك يا حبيبى ويصلحلك حالك انا بس كنت نفسى اشوفك وتبقى وسطينا فى اليوم ده.
كرم اتنهد بحزن:معلش بأذن الله عيد ميلادى الجاى اكون وسطيكوا.
سميره: طيب يا حبيبى خلى بالك من نفسك وكل كويس الايام دى كلها برد.
كرم: حاضر يا ست الكل.. هاتى خوخه اكلمها
سميره:حاضر يا حبيبى ثوانى خليك معايا.. خديجه.. خديجه تعالى كلمى اخوكى كرم.
خديجه خرجت من اوضتها وخادت منها التليفون:الو يا ابيه كرم.. كل سنه وانت طيب.
كرم حس ان صوتها مش طبيعى: وانتى طيبه يا حبيبتى.. مال صوتك يا خوخه؟؟!...فى حاجه عندكوا؟
خديجه: لا مفيش حاجه.. خد ماما معاك.
ادتلها التليفون ومشيت.
كرم بأستغراب: ام كرم خديجه مالها؟؟؟
سميره: واللهى ماعرف يا بنى هى متغيره اليومين دول انا مابقتش عارفه الاحقها منين ولا منين.
كرم: حاولى تتكلمى معاها يمكن تحكيلك حاجه هى مش عايزه تقولهالى
سميره: هحاول يا بنى... يلا شوف انت شغلك يا حبيبى عطلناك.
كرم: مفيش عطله ولا حاجه لو عايزين اى حاجه اتصلى بيا.
سميره: ربنا يديك الصحه ويباركلك مع الف سلامة يا حبيبى.
قفلت الخط وهو غمض عيونه واتنهد بعمق.
عايده: احنا عندنا مناسبه النهارده؟؟!
روسندا بصتلها وابتسمت: طبعآ.. النهارده عيد ميلاد كرم.
انجى بصتلها وبصت لكرم اللى واقف برا القصر وراحتله.
انجى وقفت جانبه وبصت قدامها: كل سنة وانت طيب
كرم بصلها وبعد نظره عنها وسكت.
انجى بصتله ورفعت حواجبها: ايه ماسمعتش؟!.. انت ماتعرفش ان المفروض تقولى وانتى طيبه!
كرم: اكذب يعنى؟!
انجى بصتله بغضب وغل ورجعت تانى دخلت القصر.
كرم بصلها وهى ماشيه من طرف عيونه وبص قدامه بتنهيد وبتفكير
مصطفى: فاضل يومين على مسابقه شركه ايفان.. انت جهزتمشروعك؟
عادل هز راسه بنفى: لا انا هنسحب.
مصطفى بصله بصدمه: تنسحب ايه!.. دى هتكون اكبر ثفقه رابحه ليك لو فوزت بيها انت لازم تحاول.
عادل اتنهد بعمق وهز راسه بنفى: انا زهقت... حاسس ان الفلوس اللى معايا دى ملهاش اى اهميه.. عزام من حقه يفوز هو استخدم فلوسه صح... وعيش بنت كانت هتتشرد وهى تحتيها ثروه.. ليه حق يفوز وربنا يباركله فى فلوسه.
مصطفى باصصله وفهم هو بيتكلم عن ايه:عادل خلاص بقى ده قدر انت مكنتش هتقدر تغيره وبعدين انت شوفت اخلاقها هى كانت هتعرك لو فضلت معاك.
عادل:لو كنت من الاول عيشتها معايا وادتها الحنان اللى هى مفتقداه هى كان حالها هيتغير
مصطفى:ده قدر وماينفعش يتغير حتى لو انت ندمت على حاجه عملتها ف ده قدر..بلاش الغباء ده وقوم جهز التصميم معندناش وقت..لو انت عايز فعلا ترجعها تعيش معاك لازم تثبتلها انك احسن من عزام فى كل حاجه..مع انى ضد انك ترجعها تعيش معاك انا كنت متعاطف معاها فى الاول بس هى متستاهلش الواحد يحزن عليها..
فى الليل.
كارم راح وقف قدام شاهيناز اللى قاعده بتتفرج على التليفزيون وبالها شارد:انتى ماعملتيش ليه اكل لحد دلوقت!...انا جعان اوى.
شاهيناز بصتله بعيون دبلانين:انا مابعرفش اعمل اكل.
كارم بصلها ورفع حواجبه:نعم!..امال ست بيت ازاى!!
شاهيناز بعدت نظرها عنه وسكتت.
كارم:شاهيناز ممكن تبطلى عند وتقومى تعملى اكل لانى فعلا جعان جدا.
شاهيناز:بقولك مبعرفش.
كارم:تمااام...خلاص زى منتى عايزه..مفيش اكل هنا وانا هموت من الجوع يبقى اكلك انتى.
مسك وشها وبيحاول يبوسها وهى بتعيط وبتحاول تبعده عنها:كارم واللهى مابعرف اعمل اكل...طيب طيب انا هجيب من على النت و..وهعملك اللى انت عايزه
كارم باسها بعنف وهى غمضت عيونها جامد وبتعيط بعد وبصلها:مكان من الاول على فكره انتى لازم تفكرى فى الكلام قبل ماتقوليه لانك لو ماعملتليش اللى عايزه هتتعاقبى حتى لو قولتى انك هتعمليه امم..
شاهيناز بصاله بعياط وبعدت نظرها عنه قامت دخلت المطبخ وهو وراها.
شاهيناز سندت ايدها على الرخامه وبتعيط.
كارم وقف جنبها بضيق:طب انتى بتعيطى ليه دلوقت؟؟؟!
شاهيناز بتتجاهل تبصله وبتعيط
كارم قرب مسك وشها بضيق وبيهديها:خلاااص بقى انا بكره الدموع دى...ماتعمليش حاجه انا هطلب اكل جاهز لحد ماتتعلمى تعملى اكل.
شاهيناز بصتله بعياط وهو ابتسم بخفه وحضنها:اهدى انا عايز افهم مش انتى وافقتى تتجوزينى لما عرضت عليكى الجواز؟...ليه انتى بقى بتتصرفى معايا كده وكأنك مكنتيش بتحبينى..
شاهيناز بعدت وبصتله بدموع مغرقه وشها:كنت موافقه على الجواز لانى فعلا كنت بحبك..بس..بس لما عرفت اللى فى دماغك وانك مابتحبنيش وعرفت ليه عايز تتجوزنى و..ولانك لويت دراعى عشان اتجوزك انا متأكده انك كنت عارف انى مش هتجوزك..وعشان كده لويت دراعى وخليتنى اتجوزك غصب...تفتكر هحبك!...قولى حاجه واحده تخلينى اتعلق بيك واحبك...جدتى اللى كانت ليا فى الدنيا واللى كانت اخر فرد من عيلتى اتبرت منى وطردتني...وصحابى بعدوا عنى..غير انى حتى مش هكسب زوج لا...بتاع نسوان و..ومابيحبنيش متجوزنى بس تسليه ولوى دراع...واخر مايزهق منى هيرمينى...تفتكر انا هحبك واتمسك بيك ليه؟؟؟؟!
كارم باصصلها وساكت.
شاهيناز بتمسح دموعها اللى مش مبطله نزول:انا مانكرش انك يوم مافتحت معايا موضوع الجواز انا كنت هطير من السعاده...اترسمتلى احلام كتيير و...وكنت حاسه انى هطير من السعاده بس اقولك ايه..
سكتت ومسحت دموعها وهو قرب ملك وشها بين ايده وقرب باس خدها:مش عايز اشوف دموعك تانى مهما حصل..اعتبرى ان مفيش حاجه حصلت بينا و...شيلى فكره اننا هنسيب بعض وبس عيشى اللحظه اللى انتى معايا فيها وماتفكريش فى بعدين..دلوقت انا كارم يا شاهيناز..اللى وافقتى تتجوزيه..افتكرى كده دايمآ.
شاهيناز بصاله بدموع مغرقه عيونها وهو ابتسم بخفه وحضنها:تحبى نطلب اكل ايه!؟
شاهيناز غمضت عيونها بدموع: اللى انت عايزه.
كارم: اجيب رز وفراخ؟
شاهيناز بعدت وبصتله وهزت راسها بإيجاب: اللى انت عايزه.
كارم: طيب..ثوانى وراجع.
راح طلب اوردر وهى بصاله وهو بيتكلم فى التليفون وبتحبس دموعها.. بتفكر فى كلامه وهو طلب الاكل وراحلها ملك وشها بين ايده وبصلها بأبتسامه: يلا اوعدينى انك مش هتعيطى تانى.. انتى مراتى وانا شايف انك المفروض تنسى اللى حصل بينا لانى صلحت غلطتى واتجوزتك وكمان مبعاملكيش بطريقه وحشه بالعكس انا بحاول اكون لطيف معاكى على قد ماقدر... انا متعود وعارف بعامل البنات ازاى ومبحبش اكون عنيف مع بنت... لازم تعرفى عنى كده وتعرفى انك حتى لو غلطى فى كلامك معايا انا مش هضربك يعنى مش انا الزوج السئ اللى هيضرب مراته لو غلطت.. بس انا عندى عقابى الخاص.
شاهيناز بصتله وبعدت نظرها عنه وهمست: عشان انت سافل.
كارم بصلها وبيكتم ضحكته لانه سمعها: بتقولى حاجه يا روحى؟
شاهيناز هزت راسها بنفى: بكح.
كارم ضحك وشالها وهى مسكت فيه وبصتله
كارم: متخافيش مش هخطفك..
شاهيناز بعدت نظرها عنه وهو طلعها على اوضتهم نزلها وبصلها بأبتسامه:يلا البسى القميص اللى طلعتهولك انا وعدتك النهارده هنسهر سهره جامده اوكى يا مزتى؟
شاهيناز بصاله وبعدت نظرها عنه وهو سابها وخرج من الاوضه.
شاهيناز بصت للقميص بتردد وكلامه مش مفارق ذهنها..حاسه انه بيقولها انا بحبك ومش هسيبك..كان كلامه يتفسر بالمعنى ده ودى الحاجه اللى شتتتها اكتر هو بيحبنى؟؟!!
فى قصر عزام ولما حفله عيد ميلاد كرم بدئوها بعد حضور الناس اللى روسندا عزمتهم على الحفله واللى كانوا كتار جدا اكتر من ٣٠٠ فرد..كرم نفسه كان مستغرب ومضايق فى نفس الوقت.
روسندا كانت لابسه فستان ازرق لامع طوييل ماسك من فوق ونازل بنفشه لاخر رجليها وحاطه مكياج مايل للون الوردى وفارده شعرها مرجعه خصله من الجانب ببنسه لونها ابيض لامع...كانت شبه الاميرات فعلا ومزود حلاوتها الابتسامه اللطيفه والسعيده المرسومه على وشها.
شمس:ايه الجمال ده كله مانتى حلوه فى الفساتين الطويله اهو.
روسندا ضحكت:انتى كمان حلوه.
شمس بصتلها ورفعت حواجبها:ايه ده!...هو عيد ميلاد الهضبه بيعمل كده بردو!..ايه الرقه دى؟
روسندا ضحكت وضربت كتفها بهزار:اسكتى.
بصت حواليها بأستغراب:هو راح فين!
شمس:انا كنت شيفاه داخل اوضته.
روسندا بصتلها وبصت لعزام اللى بيتكلم مع الناس الكبار اللى عازمهم..وكأنها حفله مهمه جدا عندهم.
روسندا:طيب لو عزام سئل عليا قوليلو مع كرم اوكى.
شمس هزت راسها بإيجاب:هيص يا قمر.
روسندا ضحكت وراحت لئوضه كرم..خبطت على باب الاوضه وهو اتكلم:ادخل..
روسندا فتحت الباب ودخلت وبصتله لما لقته واقف فى البلاكونه..قربت بالكرسى المتحرك وراحت وقفت جانبه وبصتله بأستغراب:كرم انت ليه قاعد هنا والناس كلها وصلت برا..
كرم بصلها وباين على وشه الضيق:مكنش ليه لازمه اللى عملتيه حضرتك...انتى عملتى حفله كبيره وعزمتى ناس كتير يعنى انا كنت مضايق انك عملتيلى عيد ميلاد حتى مكنتش اعرف انك تعزمى العدد ده كله من الناس...
روسندا بصاله ومستغربه:طيب وايه المشكله؟!!
كرم بعصبيه:المشكله انى مجرد حارس عند حضرتك والناس كمان هتقول نفس الكلام وهيبقى فى كلام كتير ملهوش لازمه..انتى ليه تعملى عيد ميلاد لحارس عندك!..عمرك عملتى عيد ميلاد حد من الحراس التانيين اللى شغالين هنا معايا ؟؟؟!!
روسندا بصاله وهزت راسها بنفى:لا...بس انت مش اى حارس...انت بالنسبالى شخص غالى اوى على قلبى و...ونفسه اللى دخل على حياتى السعاده من جديد..انت عارف انا شعورى عامل ازاى اتجاهك وانا مافكرتش اقولك تانى اللى انا بحس بيه من ناحيتك ولا حتى اتصرف معاك بالطريقه اللى كنت بتصرف بيها وده كله عشان ماتزعلش منى وتبعد عنى تانى..
كرم اتنهد بعمق وضيق:روسندا هانم...عايزك تعرفى وتحطى فى دماغك الكلام اللى هقوله ده...حتى لو انا منجزب لحضرتك او معجب بيكى ف انا فى الاول وفى الاخر حارس...فى الاول وفى الاخر انتى غنيه وانا...وانا اللى بيحرس اموالك..ولو انتى بتفكرى بطريقه مختلفه الناس مش هتفكر كده.
روسندا بضيق:وانا مالى بالناس!..دى حياتنا وغير كده انت ماينفعش تقول انك مجرد حارس انت بطلى ولولاك انا كان زمانى ميته..
كرم باصصلها وكل ماده وكلامها بيزود حيرته ودهشته من جرأتها وكل ماده وهو بيعرف حجم الحب ليه فى قلبها.
روسندا هزت راسها بنفى وهى بصاله:ماتضايقش نفسك..انا هخرج وهطرد كل اللى برا هقولهم انك مش موجود او مش هجيب سيرتك خالص انا هقولهم ان الحفله اتأجلت او اى حاجه...لانك لو فاكر انى بعمل كده عشان اجرح مشاعرك او احرجك ف انا مش هكررها تانى واسفه جدا يا كرم..
جات تمشى مسك الكرسى بتاعها وبصلها بضيق انه ضايقها وهىكانت عايزه تفرحه بيحاول يقنعها بوجهه نظره ويمتص زعلها منه:انا مابفكرش كده انا شايف الموضوع من جهه الناس ومن جهتى فهمانى؟..انا عارف انك مش قاصدك تضايقينى ومش قاصدك تحرجينى..وهرجع واقولك اكيد الناس دلوقت تتكلم ليه عملت حفله لحارس بيشتغل عندها!!؟
روسندا بصتله وباين على ملامحها الضيق هو عنده حق بس هى عايزه تحتفل كل يوم بمناسبه وجوده معاها...واللى بيضايقها اكتر ان كرم بيبص لمركذها ومركذه وهى عندها مفيش فرق بينه وبينها لان الحاجه الوحيده اللى المفروض تكون مشتركه بينهم هى الحب.
كرم اتنهد بعمق:مش هتلغى الحفله...بس ارجوكى لو انتى فعلا مش عايزه تحرجينى ماتكررهاش تانى.
روسندا لسه بصاله وهزت راسها بإيجاب:اللى انت عايزه.
خرجوا برا الاوضه والناس كانت عيونها عليهم وبيتعجبوا من امرهم..كل واحد بيسئل نفس السؤال..
........بهمس للبنت اللى جنبها:هو مش ده كرم الحارس بتاعها؟..يعنى هو يقربها ايه؟
٭٭٭٭٭٭ بادلتها الحديث:ماظنش انه يقربلها حاجه بس غريبه يعنى روسندا هانم تبقى مهتميه بميلاد حارس عندها..يا ترى هو حارس فعلا ولا الموضوع مختلف؟!
###:بيتهيقلى كده ومن نظراتها ليه هما بيحبوا بعض بس مخبيين
٭٭٭٭٭٭٭:إن جيتى للحق ف هما لايقين على بعض اوى..
..........:انتوا بتقولوا ايه ده مستحيل مستحيل روسندا هانم اللى هتبقى وريثه لشركات عزام بيه اللى ماليا البلد تحب حارس عندها...هى مش بتفكر كده هى مش بتؤمن بالحب لدرجه انها تحب حارس عندها.
###:وهو انتى شايفه ده اى حارس؟...هاجى يوم وهفكرك بأللى قولته..
روسندا خبطت على التربيزه عشان كل الموجودين ينتبهولها:ممكن كل الموجودين ينتبهولى ثوانى..
الكل بصلها وعزام راح وقف جانبها هى وكرم.
روسندا: انا عايزه اهنى كرم بمناسبه عيد ميلاده... بس طبعآ الاول احب اشكر كل الموجودين وانهم استجابوا دعوتى وحضروا الحفله بجد شكرا.
عزام ابتسم وهو باصصلها وبيسمعها.. من ضمن الحاجات اللى اتغيرت و عزام لاحظها فيها انها بقت لطيفه وفيها بعض التواضع اللى كان منعدم تمامآ عندها.
انجى بصالها بضيق وعايده مش مهتميه بكلامها اصلا.
روسندا لفت وبثت لكرم:دى اول سنه تجمعنا و...واسعد سنه بالنسبالى..
كرم باصصلها ومصدوم نوعآ ما من جرأتها فى الكلام قدام الكل..هو لسه مكلمها جوه بس هى بتتصرف عكس كل اللى قالهولها.
شمس باصه لروسندا والابتسامه مرسومه على وشها وعيونها بتروح وتيجى على كرم اللى بتشوف تعبيرات وشه.
روسندا:انا طبعآ مش خطول عليكوا وهسيبكوا تستمتعوا بالحفله بس الاول احب كرم يتقدم ويقطع التورته معايا.
كرم باصصلها ولسه بنفس وضعه وهى بصتله وشاورتله بعيونها يروحلها.
كرم دور وشه للجهه التانيه وبيغمض عيونه بضيق وهو حاطت ايده على جبينه وفى نفسه:انا ايه اللى خلانى اتكلم معاها بس!...دى كانت غلطتى هى بتفهم الكلام بالعكس شكلها..واللهى انا شكلى هتجنن فعلا.
بصلها وابتسم بغل وقرب وقف جنبها وهى بصتله رفعت حواجبها وبتكتم ضحكتها وكأنها فاهمه هى عملت ايه.
كرم بصلها بابتسامه غل ومسك السكينه وهى مسكت ايده.
كرم بص قدامه بدهشه وبصلها وهى بصتله:يلا...
انجى غضبها كل ماده بيزيد كل ماروسندا تقرب من كرم.
كرم جى يبعد ايده ولانه لاحظ عيون الناس عليهم بس هى مسكت ايده جامد وقربتها من التورته وقطعوها.
الكل صقف وبعضهم كانت الدهشه مسيطره عليه وسقفوا بردو.
### همست للبنات اللى معاها:مش قولتلكوا فى بينهم حاجه..اصبروا عليا بس كام يوم وهتلاقوهم اعلنوا خطوبتهم.
شمس بصتلهم وسمعتهم قربت منهم وقفت معاهم وبصتلهم بثقه وتواعد: انتوا بتتكلموا فى ايه؟!
البنات لفوا وبصوا لشمس وارتبكوا نوعآ ما ولانهم عارفين انها صاحبه روسندا.
###: اا... احنا قولنا حاجه؟!!.. اكيد لا مستحيل نقول يعنى اكيد لا.. مش كده ولا ايه يا بنات؟
٭٭٭٭٭: اكيد لا هنقول ايه يعنى؟!
شمس: امم.. طيب انا بس حبيت احذركوا.. كرم وروسندا اتخطبوا اتجوزوا ولعوا فى نفسهم محدش ليه علاقه مفهوم؟!
البنات بصوا بعض وكانوا مرتبكين جدا: اا... اكييد... عن اذنك بقى احنا مضطرين نمشى الوقت اخر وانتى عارفه الموصلات.
شمس ضحكت بمجامله وضيق: طبعآ طبعآ اتفضلوا.
انسحبوا ومشيوا وشمس اتنهدت بضيق: هما مالهم ليه كل واحد لازم يحشر نفسه فى كل حاجه؟!!
كل واحد قدم لكرم هديته وعايده ابتسمت ابتسامه مصطنعه وراحت قدمتله علبه هدايه فيها بيرفيوم وفلوس:اا..معلش بقى يا كرم حاجه بسيطه بس اكيد هتبقى غاليه بالنسبالك...قصدى يعنى بالنسبالى دى حاجه بسيطه جدا..
وتضحك بأستفزاز والكل باصصلها وكرم بصلها وفهم اللى هى عايزه تكسفه وتجرحه بكلامها بس اللى روسندا عملته دهش كرم اللى كان لسه هيتعصب وصدم عايده وانجى وخلا عزام مبتسم ابتسامه بتوضح قله حيلته مع جنونها..
روسندا خادت الفلوس من كرم وفتحت الظرف وبصتلهم بأبتسامه:انا عارفه الفلوس دى هنعمل بيها ايه هى قليله جدا وعشان كده مش هتشريله حزمه حتى.
مسكت الفلوس وحدفتها على كل اللى واقفين وبعضهم بقى ياخد منها.
روسندا بأبتسامه لئيمه بصت لعايده والكل مندهش من قصف جبهه عايده من ثوانى.
روسندا:الفلوس اللى انتى مديهاله هديه دى يتنقطوا بيها..اكيد انتى مكنتيش جيبهاله هديه..مش كده؟
عايده بصالها بغل وغضب لانها احرجتها قدام الكل وانجى كانت مصدومه.
روسندا:و..كرم بيحط برفيوم حلو ومابيدلوش...يعنى ننقط بيها المعازيم هى كمان ولا ايه؟
الكل ضحك بما فيهم روسندا وكرم رفع حواجبه بأبتسامه اندهاش.
روسندا:على العموم شكرآ يا عايده هانم اهو الهدايه بتبين قيمه الواحد.
عزام اتدخل وطلب منهم يكملوا الحفله وهمس لروسندا بضيق:ماينفعش اللى عملتيه ده.
روسندا بصتله بأبتسامه:احنا كنا بنضحك شويه..
عايده بصالها بغضب وهى واقفه جانب انجى وبتتواعد لروسندا..مارضيتش تدخل اوضتها عشان ميلاحظوش انها اتكسفت وده لانها كانت بتضحك معاهم بمجامله وهى هتفرقع جواها.
وبعد ماكل اللى فى الحفله مشيوا وروسندا لسه ماقدمتش هديتها لكرم..
عزام كان جايبله ساعه من اغلى الماركات وبدله سوده شيك جدا وجزمه من اغلى الماركات (غالبآ عزام خلص على معظم الهدايه اللى ممكن تتجاب😁)
انجى باصه لروسندا اللى مبتسمه وباصه لكرم وكأنها مستنيه كل واحد يجيب اخر ماعنده وهى تسيب المفاجئه اوالهديه التقيله فى الاخر.
انجى همست لعايده بفضول:تفتكرى جابتله ايه؟؟؟!..مش معقول ماتكونش جابتله حاجه.
عايده بغل وغضب: مش هوجع دماغى بحاجه متخلفه زى دى.. انا بفكر فى الطريقه الجديده اللى هخلص بيها من الهم اللى على قلبى.
روسندا بصت لكرم بأبتسامه ومسكت ايده: عارفه انه ممنوع بس...ضرورى تكسر القانون ده بالذات.
كرم باصصلها ومستغرب كلامها مش فاهم هى ليه بتقوله كده..
روسندا مسكت ايده وهو حاسس بكهربه هتفجر قلبه اللى حاسس بسخونته وبيزعقله فى نفسه وفى حواره الداخلى اللى بيكدب بيه كل حواثه وكل مشاعره.
روسندا دخلته معاها لئوضته وهى محرجه عليه مايفتحش عيونه الا لما تقوله.
روسندا:حبه كمان..خطوه تانى...ايوه بس اقف هنا وفتح عينك.
كرم فتح عيونه شاف قدامه منيكان لبنت ومكتوب عليه اسم روسندا ملبساه نفس لبسها ووشه متصمم تماما نفس شكل روسندا..ومتغطى بجلد مبينها طبيعيه وكأنها روسندا التانيه.. كانت مغطياها بريحه البرفيوم بتاعتها.
كرم كان مندهش جدا ماتوقعش يجى فى بالها تعمل حاجه زى كده.
روسندا بصتله بأبتسامه: دى هتبقى بدالى دايمآ لو انا مش موجوده يعنى اعتبرنى معاك فى الاوضه دايمآ و كل يوم لو مافتكرتهاش وجيت دوست على الزرار ده هى هتفكرك بيها.. هتصدر صوت صفاره عاليه واول ماتدوس على الزرار.. هتكلمك بصوتى..
كرم لسه باصصلها وهى بصتله بتعجب وبتحاول تفهم تعابير وشه اللى مقدرتش تفسرها: اا.. ايه!... ماعجبتكش هديتى؟
كرم بصلها وبيحاول يكسر الدهشه اللى هو فيها: انتى.. ازاى جاتلك الفكره دى؟!!
روسندا ابتسمت بغموض: هتعرف بس مش دلوقت.
كرم ابتسم ورفع حواجبه بأعجاب: هبقى ببالغ لو قولتلك ان دى احسن هديه جاتلى وممكن تجيلى؟؟؟
روسندا بصاله وابتسمت بسعاده فيرت كلامه انه بيقولها مجرد تمثال شبهك حسسنى بالسعاده.
روسندا: انا... هسيبك ترتاح شويه من الدوشه بتاعت عيد الميلاد و... تصبح على خير.
مشيت وهو بص للمنيكان وابتسم داس على الزرار اللى فى ايدها وفعلا اصدر صوت روسندا وكأنه متسجل.
التسجيل:شكرآ يا كرم على اهتمامك بى...انا كمان بحبك.
كرم برق وهى كانت واقفه ورا الباب اول ماسمعته داس على الزرار.. حطت ايدها على بؤها وبتكتم ضحكتها بكسوف وسعاده هى مش فاهمه سببها.
كارم حط قدام شاهيناز الاكل اللى عباره عن روبيان ورز:عارف ان دى اكلتك المفضله.
شاهيناز بصتله وبصت للاكل وبعدت نظرها عنه بعد ماكلوا.
شاهيناز قاعده على الكنبه وكارم واخدها فى حضنه شايفها مضايقه حاول يخليها تفك... كارم اكتر حاجه بيكرهها الحزن واللى بيكرهه بردو هو انه يشوف الحزن على وش حد قريب منه.
كارم: اقولك نكته؟
شاهيناز فاقت من شرودها وبصتله.
كارم: كان فى مره واحده مزه مزه اوى كانت كل يوم رايحه جايه فى حتتها.. شباب الحته كلها بيموتو فيها وفى جسمها الملبن... مرا واحد راح يتقدملها قالتله قابل بابا.. قالها طب هو عشان اقابله قالتله مش موجود رد وقلها خلاص هجيله وقت تانى مشى رجع تانى يوم قالتله نفس الكلام مشى ورجع تانى يوم بردو نفس الكلام جى مره بقى راحلها وقالتله نفس الكلام راح قلها وبابا بيجى امتى عشان اكلمه؟... ردت وقالتله عند ربنا يا روح امك ابقى اطلعله بقى.
ضحك وشاهيناز بصتله وكشرت: على فكره مش حلوه خالص.. وبعدين اشمعنى مزه يعنى وجسمها ملبن!
كارم: عشان الناس كلها بتجرى وراها.. خلاص هقولك واحده تانى.. كان فىانتين مخطوبين كانت كل ماخطيبته تروح عنده تلاقى قميص نوم لواحده تسئله بتاع مين ده يقولها ماما تمشى ترجع تانى يوم تلاقى قميص تانى تسئله بتاع مين ده!... يقولها اختى.. تمشى وترجع تانى تلاقى قميص نوم تالت المره دى بقى سئلته بغيظ وبتريقه بتاع ابوك مش كده رد وقلها لا بتاع عمى..
ضحك وهى بصتله بضيق: دمك مش خفيف وكل نكتك سافله.
كارم بيضحك: على فكره حلوه وتفهميها يعنى الفكره هنا ان العيله كلها بتغير فى بيته يعنى ضعاره يا هانم.. بلا واكسه عليكى.
شاهيناز: وليه افهم انا الحاجات دى اصلا؟؟؟!...انا مش عايزه اضحك متقولش نكت تانى.
كارم بيضحك: لا خلاص اسمعى دى اخر واحده.
شاهيناز: لا مشعايزه اسمع..
كارم بيقنعها: واللهى هتعجبك ومفيهاش سفاله كمان..
شاهيناز بضيق:مش عايزه اضحك.
كارم:خلاص طاوعينى ومش هتندمى...مره واحد اخوه مات ف مكنش عايز يصدم مرات اخوه ومكنش عارف يقولها ازاى ف راح قالها جوزك اتجوز عليكى قالتله الاهى اشوفه داخل عليا ميت راح قالهم دخلوه يا رجاله.
شاهيناز بتحاول تكتم ضحكتها بالعافيه ودورت وشها للجهه التانيه:دمك تقيل على فكره.
كارم بيضحك:عجبتك على فكره.
شاهيناز هزت راسها بنفى وهى بتحاول تخفى ابتسامتها: خالص.... كارم انا كنت عايزه اسئلك سؤال..
كارم بصلها وهز راسه بإيجاب: اسئلى.
شاهيناز: انت ايه اللى خلاك كده؟؟؟!
كارم بصلها وضحك: كده ازاى يعنى؟.. قصدك عشان بضحك؟!!
شاهيناز هزت راسها بنفى: لا قصدى سكرى وبتاع بنات وكده يعنى.
كارم بصلها والابتسامه لسه مرسومه على وشه: واحد امه رقاصه وابوه كل يوم والتانى بيخونها ويرجعلها هى تديله فلوس وهو يصحى تانى يوم يصرفها على الستات... كنت افضل اقوله يا جدع ده انت معاك رقاصه اتوماتك فى البيت بتبص بره ليه!... يقولى ماهو انا لازم ابص بره امال هخونها ازاى.. ههههههه... اكبر نكته فى حياتى..
شاهيناز لسه بصاله حست ان فى وجع كبير مستخبى جواه ورا وش المهرج اللى بيلعب دوره طول الوقت.
كارم بصلها ولاحظ شرودها: ايه مالك؟؟؟... انتى فكرانى هعيط واقولك مأسات
إرسال تعليق
يسعدنا تلقي اقتراحاتك أو تعليقك هنا